Gjykimi kunder ALBIN KURTIT

[legenda]

Kosovapress: Si e shpjegoni faktin që edhe përkundër gjendjes sociale-ekonomike shumë të rëndë dhe proceseve politike kaq negative, populli po hesht?

Kurti: Mua më duket se kjo heshtje është sikurse heshtja para stuhisë.

Të them të drejtën më vjen mirë që është kështu, sepse po tregohet se njerëzit janë shumë të pakënaqur, por po duan që shpërthimi i pakënaqësisë së tyre të jetë i mençur dhe të mos jetë dosido. Përveç kësaj ekziston edhe një pjesë e popullatës që është shumë e pakënaqur, ankohet pothuajse tërë ditën, mirëpo kjo pakënaqësi e saj nuk bëhet dinamike. Sigurisht që është edhe pjesa tjetër e popullatës që është shumë më e paktë në numër por fatkeqësisht më e organizuar dhe më e fuqishme, dhe e cila shtresë e popullit është e afërt me politikanët e biznesmenët. Ata përfitojnë nga kjo situatë dhe rrjedhimisht janë kundër ndryshimit të saj.

Kosovapress: Në këtë rrafsh ju keni punuar që sa vjet. Pse atëherë po dalim pak njerëz në organizimet e juaja, sidomos kohën e fundit?

Kurti: Demonstratat tona nuk janë shumë më masive se disa mijëra njerëz për shkak të kësaj pakënaqësisë pasive. E kjo pakënaqësi që përkundër faktit se është e madhe dhe e gjerë megjithatë mbetet pasive rezulton nga shkëputja që i është bërë çështjes së Kosovës nga Kosova.

Bushi, Putini, Grupi i Kontaktit e Këshilli i Sigurimit, merren me Kosovën për ta bërë qytetarin të ndihet i parëndësishëm dhe ai të besojë gabimisht që s’mund të ndikojë.

Tjetra arsye është se tek njerëzit që kanë qenë të mashtruar për 18 vjet, ose tek ata që kanë qenë të mashtruar për 8 vjet, zgjimi i tyre është ca edhe traumatik edhe i ngadalshëm.

Nuk mund të ndodh lehtë ngritja e qytetarëve në këso situate. Mbase ia vlen të përmendet edhe një faktor shtesë këtu: stina e verës në Kosovës e cila është jashtëzakonisht e heshtur, për shkak të kthimit masiv të diasporës e cila sjell para dhe në këtë mënyrë përkundër mjerimit social dhe stagnimit ekonomik disi i qetëson gjërat.

Kosovapress: Me rrethanat dhe kushtet e sotme, për sa kohë Lëvizja do t’i bënte qytetarët për vete dhe të sjell ndryshime, për 3, 6 muaj, një vit, apo sa?

Kurti: Nuk është se nuk kemi bërë ndryshime, por nuk jam në gjendje të tregoj se kur do ta bënte ndryshimin rrënjësor, për shkak se kjo nuk varet e gjitha nga ne, por edhe nga vet populli. Unë do të kisha dëshiruar që kjo të ndodh për disa muaj, pra maksimalisht të matet me muaj kjo kohë.

Kosovapress: Përmendëm në fillim se jeni që 7 muaj herë në burg e herë në arrest të rreptë shtëpiak. Çka nëse vazhdojnë të ju mbajnë kështu edhe për 3 apo më shumë muaj?

Kurti: Unë nuk pres mirë prej tyre. Kam qenë një kontribuues i mirë për Lëvizjen Vetëvendosje!, por Lëvizja ka ditur dhe mundur të vazhdojë edhe pa mua. Do të përpiqem që t’i shfrytëzoj maksimalisht mundësitë që i kam për të kontribuar edhe pse tani e kam shumë ma vështirë se sa përpara. Pra, unë nuk pres që këta do të më bëjnë ndonjë të mirë, për shkak se edhe situata politike po vjen duke u ashpërsuar, por edhe duke i njohur ata gjykatës dhe prokurorë me motivet e qëndrimet e tyre krejtësisht politike kur bëhet fjalë për rastin tim.

Kosovapress: Keni thënë disa herë se do të shndërroheni në mekanizëm çlirimtar. Do të ndodh kjo vetëm nëse Serbia hynë në Kosovë, apo edhe në rast të ndarjes së Kosovës dhe administrimin e asaj pjese vazhdon ta bëjë bashkësia ndërkombëtare?

Kurti: Nëse bëhet ndarja e Kosovës, atëherë një pjesë e saj do të qeveriset nga Serbia dhe strukturat e saj duke legalizuar këtë. Kështu që ajo pjesë do të konsiderohet e okupuar dhe konform kësaj do të veprohet. Sidoqoftë, duhet të shikojmë se si saktësisht janë rrethanat në mënyrë që të marrim një vendim dhe veprim të qartë për këtë. Por, se po na çojnë drejt luftës me këto negociata kjo është shumë e sigurt.

Unë nuk mendoj që atëherë vetëm Vetëvendosje! do të shndërrohet në mekanizëm çlirimtar, por i gjithë populli

do të tregojë se ka duruar mjaft, është nëpërkëmbur mjaft, dhe di të luftojë pa frikë, e të veprojë ashtu si duhet për lirinë e Kosovës pa kursyer asgjë.

Kosovapress: Janë dhënë edhe teza të ndërrimit të territoreve si veriun me Luginën e Preshevës. Mund të ndodh kjo dhe a është e pranueshme?

Kurti: Nuk është e mundshme kjo. Dmth. edhe për ata të cilët është i pranueshëm ky ndërrim, ai nuk është i mundur. Serbia aktualisht i kontrollon të dyja pjesët. Prandaj të pretendosh shkëmbim territoresh të cilat nuk i kontrollon vet, kjo do të thotë të jesh injorant në politikë dhe mbase jo vetëm në politikë.

Kosovapress: Meqë i ka të dyja pjesët Serbia. Si mund t’i kthejmë ato?

Kurti: Mendoj që për këtë çështje problemi qëndron në Prishtinë, e më së shumti tek UNMIK-u dhe institucionet e Kosovës, të cilët jo vetëm që kanë toleruar një gjendje të tillë, por edhe po e mbajnë të tillë duke e ushqyer. Prandaj zgjidhja është një trysni e madhe gjithpopullore kundër sistemit politik dhe institucioneve të tija qofshin ato ndërkombëtare ose vendore.

/Intervistoi: Kreshnik Llabjani

[King Kastriot]

Postimi origjinal është bërë nga sherri

. Edhe pse nuk jam ithtar i ideologjise se Albinit, e cmoj shume personalitetin e tij revolucionar. Personalitet qe do te mbetet ne historine tone.

hahahahaahaha C'far cirkusi, ja keshtu e ka populli i gjore,qe nje muaje merremi ne ket forum me nje kriminel rruge,si ai (Sekiraqa,) tani gjithe ky shkrim per nje "politikan"rrugesh..........shanc e mire per urithet,ata po mbushin zhepet!.
As une nuk jam ithtare i tyre,por i "cmoj" shume!!?[/quote]

Emri i juaj po na thot shume, si per ju si personaltet ashtu edhe per intelektin e juaj ... Vetem nje njeri me nivel te ulet si ju, mund te beje keso krahasime rrugacin e kriminelin e krahason me nje njeri qe lufton ne menyre demokratike per interesa kombetare ...

[legenda]

Drejtësia (ndër)kombëtare në peshojë

28 shtator 2007

Esat Stavileci


Drejtësia (ndër)kombëtare është vënë në peshojë.Në fakt, peshoja është shenja që identifikon drejtësinë.
Refuzimi i fjalës së Kurtit ka lëkundur matësit e peshorës, veçanërisht duke vënë në pyetje njërin nga parimet më të njohur të gjyqësisë, edhe pse ky parim njihet,sigurohet dhe mbrohet me shumë norma të së drejtës ndërkombëtare.

Nuk duhesh, me çdo kusht, të jesh jurist që të kuptosh normën e përcaktuar në dokumentin përgjithësisht të njohur të Deklaratës Universale të të Drejtave dhe Lirive të Njeriut(1948), përkatësisht nenin 10 të saj, që i jep të drejtën të paditurit të dyshojë ose vë në pyetje paanësinë e gjykatës, po sikurse edhe të drejtën e mbrojtjes së pafajësisë përderisa, siç thuhet , “nuk provohet e kundërta”.Referimi dokumenteve të tjera të së drejtës ndërkombëtare veçse mund ta plotësojë dhe ta bëjë ende më të themeltë, qoftë dyshimin në paanësinë e gjykatës, qoftë mbrojtjen e pafajësisë së të paditurit.
Në rastin e procesit gjyqësor për ngjarjet e 10 shkurtit 2007 irriton joparimësia e drejtësisë ndërkombëtare që të lirojë nga përgjegjësia fajtorët e vrasjes dhe të plagosjes në protestën e 10 shkurtit 2007 dhe që të ndjekë dhe eventualisht, të ndëshkojë “personat që janë paraqitur të rrezikshëm” në të .E vërteta flet se në një raport të përkohshëm, të Z.Robert Dean, Prukuror i Veçant,më 17 prill 2007, “përgjegjës për vrasjet dhe plagosjet e 10 shkurtit 2007 janë policët rumunë”.

Nuk dua t’i kthehem gjykimit që kam shprehur në lidhje me atë rast: se “kush ikën prej vendit të krimit bën krim të ri” dhe as të paraqitëm në cilësinë e mbrojtësit të Kurtit, sepse nuk është detyrë që e bëj unë, ama nuk mund të çlirohem nga përshtypja se po hapet një proces politik i cili ka gjasa të turpërojë drejtësinë (ndër)kombëtare, nëse do të kërkojë dhe të ndëshkojë fajtorin jashtë rrethit të shkaktarëve të drejtpërdrejt të krimit.Ka gjasa të turpërojë drejtësinë (ndër)kombëtare në mënyrë të veçantë, nëse do të mungojë transparenca e procesit që,vetvetiu rastin e Kurtit do ta bëjë edhe me të veçantë në praktikën gjyqësore, po sikurse që do të mund ta bënte të veçantë privimi eventual nga e drejta e apelimit të vendimit.

Po i kthehem edhe një herë raportit të Z.Robert Dean për ngjarjen e 10 shkurtit 2007, jo për të shfajësuar Kurtin, sepse kjo nuk është punë që më takon mua, por për të kujtuar se ishte pikërisht ai,pra Z.R.Dean, që reagimin e policisë në protestat e 10 shkurtit 2007 e përkufizoi joproporcional, të evitueshëm dhe të panevojshëm.Prandaj, një pyetje mbetet e hapur :si është e mundshme që të lirohet nga përgjegjësia shkaktari i drejtpërdrejt i krimit në protestën e 10 shkurtit 2007 dhe të hapet procedura gjyqësore ndaj personit që “ka paraqitur rrezik të përgjithshëm”në të.

Njeriu mund të mos pajtohet me mënyrën e shprehjes së pakënaqësisë dhe veprimet që janë përdorur për ta bërë atë, por e vërteta flet se me 10 shkurt 2007 ishte policia rumune ajo që shkaktoi rrezik të përgjithshëm, vdekje, lëndime dhe dëmtime të pariparueshme.

Nuk është e imja që të merrem me arsyet përse Kurti “nuk e pranon gjyqin” dhe as përse kërkon “që ky rast të shfuqizohet”, sa është apeli që drejtësia, në rastin e tij por edhe në raste të tjera, vërtetë të vendoset në peshojë, shenjën më identifikuese dhe shprehëse të saj.Ajo që nuk do të dëshiroja, si jurist së paku, është që në rastin e Kurtit, “drejtësia të mos shtrembërohet”.Nuk ka padrejtësi më të madhe se kur drejtësia shtrembërohet. Kosova është ngopur me padrejtësi. A po i vjen dhe kur do t'i vijë rradha drejtësisë edhe në Kosovë?
Kur ajo, realisht, do të identifikohet me peshorën si shenjën më shprehëse të saj?

[legenda]

"Liza ne boten e gafave"
Shkruan shkrimtarja Amerikane dhe themeluesja e KAN-it per Kosoven Alice James Mead.

Mendime mbi drejtesine ne Kosove

Alice James

Pasi qe gjykimi i profilit te larte ndaj Albin Kurtit fillon me 19 shtator 2007, shkova ne Kosove per te biseduar me persona te ndryshem te cilet momentalisht jane te perfshire ne nje menyre apo tjetren, ne sistemin e drejtesise.
Qe nga viti 2004, OSBE-ja, Human Rights Watch, Amnesty International, Federata Nderkombetare e Helsinkit (FNH) dhe KMDLNJ kane kerkuar transparence dhe pergjegjesi me te madhe ne Departamentin e Drejtesise siç ka bere edhe ish-zyra e Ombudspersonit se ciles tanime i eshte pamundesuar qasja ne UNMIK. Ne qershor 2007, HRW ka bere nje permbledhje te problemeve brenda Departamentit te Drejtesise, duke potencuar deshtimin e tyre per zbatimin e rekomandimeve mbi ndryshimet e bera gjate 3 vjeteve te fundit, qe nga trazirat e marsit 2004.
Kerkesat kryesore per ndryshime kane te bejne me transparencen – FNH deklaron se “parimi i drejtesise se hapur parashtron si detyre qe drejtesia jo vetem qe duhet te vendoset por ajo duhet te shihet duke u vendosur. Perderisa viktimat, deshmitaret dhe shoqeria ne pergjithesi, nuk jane ne dijeni per perpjekjet e bera per t’i sjelle para drejtesise personat pergjegjes per dhunen ne Kosove, drejtesia do te mbetet nje koncept abstrakt.”
Edhe pse ky koment eshte bere lidhur me trazirat e vitit 2004, mbetet i sakte edhe sot, sa i perket vdekjes se dy shqiptareve dhe lendimeve te 82 te tjereve nga grupi i policeve rumun, te cilet nuk jane paditur asnjehere dhe jane lejuar te shkojne ne shtepi, per shkak te mungeses se provave se cilet aktualisht jane ata qe qelluan me arme.
OJQ-te dhe qytetaret kane veshtiresi te gjejne edhe informatat themelore rreth procesit gjyqesor, datave dhe procedures. Ne te vertete, per ta gjetur zyren e Robert Dean (ushtruesit te tanishem te detyres se drejtorit te Departamentit te Drejtesise) lidhur me nje interviste, me jane nevojitur 30 minuta edhe pse kam pyetur nje grup policesh amerikane nese kjo ishte rruga per ne zyren e tij. Ata me siguruan se kjo nuk ishte. Por sigurisht qe kjo ishte rruga. Sidoqofte, edhe z.Dean pati te njejten veshtiresi qe te vije ne zyren e tij, duke arritur me 30 minuta vonese per shkak te trafikut te tmerrshem ne Prishtine, qytet i cili eshte rritur per nga popullsia prej 250.000 banore ne perafersisht 600.000 pasi qe njerezit kane braktisur bujqesine dhe jeten ne fshat.
Robert Dean eshte njeri i kendshem dhe i afert, qe ka kaluar 6 vjet ne Kosove. Ai u perpoq te me shpjegonte shkurtimisht imtesite dhe aspektet e Kodit te Perkohshem Penal te Kosoves (KPPK) e qe administrohet nga nje grup i gjykatesve vendor dhe nderkombetar, te cilet qendrojne rreth 6 muaj. Disa nga ata te perfshire ne kete rast jane nga Mauricius (nje ujdhese e vogel e Madagaskarit) dhe Filipineve. Nuk e di se çfare eshte sistemi i drejtesise ne vendet prej nga ata vijne.
Sistemi penal nuk eshte si sistemi i gjykatave amerikane apo ne Britani te Madhe. Aty nuk ka juri – vetem nje grup gjykatesish te ngurte per çdo shkalle te gjykimit te rastit, trup gjykues nga tre gjykates te ndryshem ne çdo gjykim. Deri me tani, Kurti ka dale para 7 gjykatesve te ndryshem nderkombetar, pasi qe gjykatesit vendor refuzojne ta marrin rastin. Z.Dean eshte marre personalisht me rastin e policeve rumun dhe eshte pergjegjes per dergimin e tyre ne shtepi. Ai e ka quajtur rastin e 10 shkurtit, nje “situate te teatrit politik ku gjerat kane shkuar tmerresisht keq, me nje shkalle te larte te kaosit brenda komandes dhe kontrollit te policise se Kombeve te Bashkuara.”
Ai tha se qe nga 28 nentori, kur Vetevendosja gjuajti 700 shishe me ngjyre te kuqe dhe theu dritaret e nderteses se UNMIK-ut, policia e UNMIK-ut ka infiltruar nje grup ne radhet e tyre dhe ka ditur tere formatin dhe strukturen e demonstrates. Ata kane ditur se gjate marshit kane qene 300 shishe me ngjyre te kuqe ne kamion, kane mbledhur me qindra fotografi dhe me pas kane intervistuar qindra deshmitare. Se paku prokuroria e ka bere. Dhe ata pohojne se kane fotografi te Albinit duke gjuajtur policet me gure. Ai e mohon kete duke thene se krahet e tij kane qene te lidhur ne vargun e njerezve qe shtynin gjate asaj kohe ne drejtim te kordonit.

[legenda]

Une kam pare vetem nje fotografi, ku ai hedh nje shkop te vogel, pas rrahjes dhe gazit lotsjelles. Ai mbahej nga tre njerez me te moshuar pasi qe ai ishte kerrusur nga dhimbjet. Çuditerisht, Albini NUK eshte arrestuar me 28 nentor 2006 kur ka ndodhur demtimi, por me 10 shkurt pasi qe automjetet e KB-se te shenjuara per t’u goditur me ngjyre te kuqe, paraprakisht jane larguar dhe pasi qe demonstruesit jane plagosur e lenduar. Gjate kesaj kohe, policia e KB, si duket ka qene duke mbledhur deshmi per “menyren e sjelljes” qe disa gjykates e kane deklaruar si arsye e vazhdimit te paraburgimit per 7 muaj.
Pas nje vargu te fjalimeve perqeshese, demonstruesit u lidhen per krahesh dhe filluan te shtyjne kordonin me qellim qe te hapin rrugen e tyre. Policia ne radhen e pare filloi qe t’i heqe disa nga barrierat por, nuk ishin te pajisur me gaz-maska, sepse ne momentin kur turma filloi te shtyje perpara, çdonjeri ne rreshtat e pare nga te dyja palet ishte mbuluar me sprej dhe gaz lotsjelles. Shume police u detyruan te mbulohen per ta mbrojtur fytyren.
Pastaj njesitet prapa tyre kane shtene me plumba. 82 njerez jane lenduar nga goditja e plumbave te gomes prej nje distance te vogel, duke perfshire dhe disa lidere te “Vetevendosjes”, te cilet jane goditur ne fytyre. Gati eshte kryer atentat ne Albinin me ç’rast nje aktivist, i shtyre nga situata te luaje pothuajse rolin e nje truproje, e pengoi policin dhe armen e shtyu tutje. Çuditerisht, Albini priste te arrestohej kur shtynte kordonin, por ai nuk u arrestua. Menjehere pas gazit lotsjelles filluan shteniet ne lideret e “Vetevendosjes”. A ndodhi kjo vertet aksidentalisht? Kjo kerkon planifikim dhe shkathtesi, qe te arrihet perzgjedhja e pergjegjesve te cilet me pas goditen ne koke, po ashtu perpjekja per te shtene ne liderin, ne piken e zones se lire. Dhe, ende nuk pasojne arrestimet. A ka qene ky rast i zenies ne kurth, nje perpjekje per ta terhequr “Vetevendosjen” ne nje dhune te plote me qellim qe t’u sherbeje si shkas per te shtene ne ta?
Albin Kurti eshte emertuar si i burgosur i kategorise A, nje fakt qe nuk ia ka thene pala akuzuese. Kur isha duke pritur z.Dean ne Departamentin e Drejtesise, une pyeta se çka nenkupton “Kategoria A” pasi qe nuk eshte ne KPPK. Menjehere dyert u hapen dhe dhoma u mbush me njerez, secili duke dhene pergjigje te ndryshme. “Terrorist”. “Rrezik per veten dhe te tjeret.” “Çdo rast i profilit te larte” ishin disa nga pergjigjet. A kishte te drejte avokati mbrojtes ta kundershtonte kete emertim? Si ndodhi qe trupi gjykues e emertoi ate para se te mbahet gjykimi? A nuk eshte ai i pafajshem para se te deshmohet fajesia?
E pyeta z.Dean. Ne fakt, pasi qe nuk ka juri qe te ndikoje, gjykatesit kane te drejte te komentojne mbi menyren e etabluar te sjelljes. Pasi qe Albini planifikon te mbrohet vete dhe nuk ka juri, e pyeta z.Dean se a kerkohet nga gjykatesit t’ia perkujtojne atij te drejten e kundershtimit te deshmive, sjelljen e deshmive te tjera, marrjen e deshmitareve ne pyetje, dhe mbetjen neutral dhe i paanshem – ne rastin qe tani eshte perfshire nga nje tornado e presionit nderkombetar qe mbeshtillet perreth lidhur me çeshtjen e statusit te Kosoves, ruset, deklaraten e njeanshme amerikane, refuzimin i planit te Ahtisarit nga serbet e keshtu me radhe. Si eshte i mundshem gjykimi i drejte ne keto kushte? Ai me siguroi se gjykatesit jane te trajnuar qe te jene objektiv. E pyeta nese Kurti faktikisht gjykohej per 28 nentorin dhe jo per 10 shkurtin pasi qe kete e deshmojne shume komente nga gjykatesit e paraburgimit. Ai tha se ata kane te drejte te komentojne menyren e sjelljes dhe se qe te dyja datat jane relevante per rastin.

[legenda]

Por me 10 shkurt, zhvillimet u bene edhe me te çuditshme. Askush nuk ishte arrestuar ne demonstrate edhe pse kishte zgjatur rreth tri ore. Ne vend te kesaj, ne ora 19:00 policia hyri me force ne zyrat e “Vetevendosjes”, duke bertitur, te armatosur dhe me shkopinj te gjate. Sipas Shkurta Aliut, nje femer e hajthme mbi njezetvjeçare, ajo kishte degjuar policine te vinte dhe kur hyri policia, kishte qendruar ne korridorin e ngushte qe ndodhet para hyrjes ne zyre. Ajo i pyeti ata se çfare po benin. Ata i hodhen sprej syve dhe, kur ajo ktheu koken per t’iu shmangur kemikalieve, ata e goditen ne pjesen e pasme te kokes, duke e lene pa vetedije per nje kohe te caktuar. Ajo ishte e pavetedijshme derisa u zgjua ne spital. Pra, deri ne ora 19:00 Albini nuk ishte arrestuar. Kur Shkurta u zgjua ne spital, pa lideret e tjere te “Vetevendosjes” duke i nxjerre plumbat e gomes nga fytyrat.
E pyeta nese ajo kishte paraqitur ankese ndaj policeve, por ajo natyrisht qe tha jo. Asnjeri nuk e kishte bere kete. Nuk ia vlen; policia i urren ata.
Pas shtate muajsh paraburgimi, Albini mori thirrjen nje jave para dates se gjykimit si dhe dy muaj tjere te paraburgimit shtepiak. Nje nga fragmentet kryesore te deshmise se pales paditese eshte deklarata qe ai e ka bere gjate demonstrates – “Do te parkojme mbi ta.” Pastaj thuhet ne thonjeza, se kjo shume pak degjohet. Albini nuk vozit dhe nuk ka veture. Ai pohon te kete thene “ne do te vazhdojme rrugen si hereve tjera, pastaj do te lakojme ne anen tjeter.” Si duket fjalet parkojme dhe lakojme tingellojne ngjashem, por mbrojtja thote se kjo domethene se ai udhehiqte turmen per te hyre ne ndertese. Kjo deshmi eshte nderlikuar me keq deklarime dhe fakte kontradiktore, qe te shfrytezohet si rrethane renduese per vepren penale.
Sa i perket ankeses, gjasat jane te kufizuara. Gjykata Evropiane per te Drejtat e Njeriut nuk mund te perfshihet, pasi qe Kosova nuk eshte shtet. Apo, mos ndoshta arsyeja eshte se Albini nuk eshte njeri apo evropian? A eshte ky gjykim per lirine e te shprehurit apo te drejten per te kundershtuar? A perdorin terroristet e kategorise A ngjyre te kuqe per shkaterrim masiv? Apo ky eshte nje gjykim per grafitet e shkruar dhe xhamat e thyer? Nese eshte keshtu, atehere pse nuk eshte arrestuar me 28 nentor kur ka ndodhur vepra penale? Dhe pse aq shume njerez u vrane dhe u plagosen kur ne tere demonstraten ka pasur infiltrime?
Per me shume, mjerisht ky nuk eshte i vetmi rast i erret, i deshmive kontradiktore, i zgjatjes se paraburgimit ne menyre arbitrare dhe i lirimit te krimineleve te dhunshem, perderisa minoritetet dhe shkeljet ndaj te tjereve jane te injoruara. Kushdo qe ne te ardhmen do ta marre Kosoven nen mbikeqyrje, do ta gjeje sistemin e drejtesise shume dobet te organizuar, me nje mbrojtje te dobet pothuajse te padukshme, pa besim apo njohuri mbi te drejtat e tyre. Nje gjykim i shpejte dhe i paanshem qendron ne zemer te demokracise.

(Kosova Action Networ, Alice James, koordinatore, 19 shtator 2007)

[LABI]

Uni Albinit Liridashess nuk eshte shuajtur kurr ... Mendja(shpirti) Albinit ka qene gjithemon i lire... Ate s'munden ta shuajne as burxhet e Serbise .

Ai frymoj (mendoj) lirshem edhe kur ishte ne burxhet gjakepirese te Serbise .

Trupin e Albinit mund t'a roberojne ; Por, shpirtin kurr

NJERIU ME TE LINDUR DENOHET QE T'JETE I LIRE ;

E tere kuptimesia e ekzistences njerezore (ne nivelin individual ) - mund te kuptohet - vetem po qe se arrijme te kuptojme qe gjerat si te veteqeverisurit me veten , e drejta qytetarit per t'vendosur per te ardhmen e vet , varet plotesisht nga vullneti i lire i individit (qytetarit) .... e JO nga ndo nje determinizem , rrethane historike nga e kaluara....


Nuk ka asi pikepamje deterministe (religjioze) qe thone qe disa popuje , race (njerezore) , jane me superiore qe nje race , populle tjeter.. Dhe se fati i tyre ka qene i percaktuare qe t'jene te nenshturar, sunduar , roberuar!!!

Kjo gje eshte plotesisht ne duart e individit (qytetarit) te pa-determinuare.... Per te ardhmen e jetes se vete shoqerore - individi (qytetari) eshte pergjegjes vete !!

E ardhmja eshte ne duart e individit (qytetarit) ... Ai e bene ate vete... Kete s'e vendositn rrethanat , fuqite kauzale-deterministe ( apo ndonje anetare i kombeve te bashkuara , apo ndonje , anetare i cfaredo institucioni nderkombeteare ) .

KJO - eshte plotesisht ne duart tona.

Per te ardhmen time vendosi vete ; Per kete s'vendos ai afrikanci i ugandes qe i gjuane zhirafat, apo ndokush tjeter .


EKZISTENCIALIZMI eshte LIRI
EKZISTENCIALIZMI - eshte HUMANIZEM

[legenda]

"Ahmet Hasolli ka dhene doreheqje" shkruan Albin KURTI

Sep 30, '07 1:21



me rastin e doreheqjes se 'avokatit' tim



Dje, fare rastesisht, u njoftova se pas seances se pare gjyqesore kunder meje, te mbajtur me 19 shtator 2007, i ashtuquajturi avokat imi, Ahmet Hasolli, ka dhene doreheqje.

Pergjate ketyre gati tete muajve sa me mbajne te izoluar, per arsye kryekeput parimore dhe asnjehere per shkaqe personale, nuk e kam pranuar z.Ahmet Hasolli per avokat timin. Pra, jo per ate se ai ishte Ahmet Hasolli por per shkak se une nuk kam dashur avokat, kurrfare avokati. Ahmet Hasollin e ka caktuar gjykata te cilen nuk e njoh. Ai per mua gjithhere ishte vetem nje vendim i gjykates te cilen nuk e pranoj.

Megjithekete, disa shoke te mi juriste me kane thene se, perkunder te gjithave, ne rastin tim Ahmet Hasolli ka punuar me nje cilesi qe eshte mbi mesataren e avokateve te ne. Fatkeqesisht, une nuk mund ta falenderoj per kete gje. Por, i falenderohem dhe i jam mirenjohes Ahmet Hasollit per kete doreheqje ndonese te vonuar.

Me kete rast u bej thirrje avokateve shqiptare qe te mos me behen avokate. Pra, u bej thirrje qe te mos me mbrojne dhe kesisoj te me bashkohen ne sulmimin e gjykates. U bej thirrje avokateve qe te mos e pranojne emerimin qe gjykatat e UNMIK-ut mund t'ua bejne ne kete proces kunder meje. Avokati per mua i gjykates kunder meje eshte meshira e gjykates. Une s'dua meshire. Le te duken te pameshirshem. Zaten, ashtu siç ne thelb jane. Une dua drejtesi. Por, rruga e drejtesise kalon duke i luftuar ata, duke e luftuar padrejtesine e tyre ne te cilen ata jane te reduktueshem.

Duam te behemi te pavarur, apo jo? E, pra, le te behemi atehere, duke mos iu bindur atyre qe na sundojne pa na dhene llogari, atyre qe me ligj s'mbahen pergjegjes, atyre qe nuk nuk jane mbi ligjin vetem sepse jane vete ligji. Arbitrariteti i gjyqesorit qe eshte i gershetuar me ekzekutivin nderkombetar ne Kosove nuk ka legjitimitet dhe s'mund te funksionoje pa bindjen dhe degjueshmerine tone. Atehere, le te mos u bindemi, le te mos iu nenshtrohemi. Po, pra, le te behemi (te pavarur).

Albin Kurti

[legenda]

Albin Kurtit i vazhdohet arresti shtëpiak për kohë të pacaktuar


enjte . 15 nëntor 2007

Seanca gjyqësore ndaj Albin Kurtit nuk ka sjellë ndonjë risi. Ajo është karakterizuar me ngritje të tonit nga ana e trupit gjykues, si dhe ndërprerje të fjalës së Albin Kurtit. Kjo nuk është hera e parë që kryetari i trupit gjykues, Maurizio Salustro, sillet në këtë mënyrë ndaj Kurtit.
Vendimi i djeshëm ka mbetur në fuqi që arresti shtëpiak të jetë më lehtësues, duke i mundësuar që për nëntë orë në ditë të dalë nga shtëpia, kurse pjesën tjetër ta kalojë i mbyllur. Kurse vetë Kurti pas përfundimit të seancës, edhe pse i penguar nga forcat e policisë, ka deklaruar edhe një herë se po i shkelen të drejtat.
Ndërkohë avokati Fazli Balaj që ka pranuar të merret me rastin e Kurtit, ka kërkuar që t’i hiqet arresti shtëpiak, propozim që nuk e ka marrë pëlqimin e Gjykatës supreme. Sipas Balajt, seanca e sotme ka filluar me kërkesën e Albin Kurtit për përjashtimin e kryetarit të trupit gjykues dhe anëtarëve të tij.
Aktakuza Kurtin e ngarkon me tri vepra penale, si: pjesëmarrje në grupin që kryen vepër penale, pjesëmarrje në grupin që pengon personat zyrtarë në kryerjen e detyrave zyrtare si dhe për veprën penale thirrje për rezistencë.
Seanca e radhës ndaj liderit të lëvizjes “Vetëvendosje” pritet të mbahet më 4 dhjetor.

[Peja-Boy]

Shume merita te medha ka ne Protestat e viteve 98-99...a per hapin qe ka dasht me Protestu e me Luftu me Boten(Nato dhe unmikun) ka Gabu shume !!

[Henori]

Postimi origjinal është bërë nga LABI

Uni Albinit Liridashess nuk eshte shuajtur kurr ... Mendja(shpirti) Albinit ka qene gjithemon i lire... Ate s'munden ta shuajne as burxhet e Serbise .

Ai frymoj (mendoj) lirshem edhe kur ishte ne burxhet gjakepirese te Serbise .

Trupin e Albinit mund t'a roberojne ; Por, shpirtin kurr

NJERIU ME TE LINDUR DENOHET QE T'JETE I LIRE ;

E tere kuptimesia e ekzistences njerezore (ne nivelin individual ) - mund te kuptohet - vetem po qe se arrijme te kuptojme qe gjerat si te veteqeverisurit me veten , e drejta qytetarit per t'vendosur per te ardhmen e vet , varet plotesisht nga vullneti i lire i individit (qytetarit) .... e JO nga ndo nje determinizem , rrethane historike nga e kaluara....


Nuk ka asi pikepamje deterministe (religjioze) qe thone qe disa popuje , race (njerezore) , jane me superiore qe nje race , populle tjeter.. Dhe se fati i tyre ka qene i percaktuare qe t'jene te nenshturar, sunduar , roberuar!!!

Kjo gje eshte plotesisht ne duart e individit (qytetarit) te pa-determinuare.... Per te ardhmen e jetes se vete shoqerore - individi (qytetari) eshte pergjegjes vete !!

E ardhmja eshte ne duart e individit (qytetarit) ... Ai e bene ate vete... Kete s'e vendositn rrethanat , fuqite kauzale-deterministe ( apo ndonje anetare i kombeve te bashkuara , apo ndonje , anetare i cfaredo institucioni nderkombeteare ) .

KJO - eshte plotesisht ne duart tona.

Per te ardhmen time vendosi vete ; Per kete s'vendos ai afrikanci i ugandes qe i gjuane zhirafat, apo ndokush tjeter .


EKZISTENCIALIZMI eshte LIRI
EKZISTENCIALIZMI - eshte HUMANIZEM

Labi

Albini fatkeqesisht nuk ka kurfare "UNI", se po ta kishte me siguri do te sillej ndryshe. Mos i hyjnizoni njerzit se nuk jemi me ne kohen e komunizmit. Ka ne Kosove shume njerze ma te menqur se Albin Proleteri alias "çe gevara" i Ulqinit.

te pershendes

[Kodra]

**********
**********
**********



Pezullohet procesi gjyqësor ndaj Albin Kurtit Udhëheqësi i Lëvizjes “Vetëvendosje”, Albin Kurti, do të jetë i lirë deri sa të krijohen kushtet për një gjykim të rregullt. Kështu u vendos sot në prosesin gjyqësor ndaj tij në Gjykatën e qarkut në Prishtinë , që u pezullua për arsye se nuk kishte avokat mbrojtës. Avokatët të cilët janë caktuar nga gjykata, kanë refuzuar të jenë përfaqësues të Albin Kurtit në këtë proces gjyqësor. Sipas kryetarit të trupit gjykues, Mauricio Salustro, avokatja Fetie Uka-Islami, e cila është caktuar ta mbrojë liderin e Lëvizjes “Vetëvendosje”, ka refuzuar ta përfaqësojë atë për arsye objektive, por për këtë ajo është gjobitur .
Ndërkohë gjykata ka caktuar menjëherë avokatin mbrojtës, kryetarin e Odës së Avokatëve të Kosovës, Ramë Gashin. Por, edhe ai ka refuzuar ta pranojë pozitën e mbrojtësit, i cili gjithashtu është gjobitur nga gjykata.
Kështu gjyqtari Salustro, pezulloi procesin gjyqësor, duke lënë Albin Kurtin të lirë.


Burimi i informatës

RTKLIVE.com

[Pupi]

Nuk ka bir Shqiptari që të "mbroj" Albin Kurtin

Edhe kësaj radhe dështoi "mbrojtja" e liderit të vetëvendsosjës. për arsye "objektive" siq thuhet nga dia Avoketër.
Pse qenka aq e mundimshme të mbrohet Albin Kurti, Çfar "të keqe paska bërë" Albin Kurti që të mos mund askush ta shpall të pafajshëm liderin e Vetvendosjës.
Lideri i vetvendosjes nuk i takon atyre që "rrevulicionuan" për asgjë. Por Lideri i vetëvendosjes do tu hap syt shqiptarëve për paketat e mundëshme të këtij apo atijë ndërmjetsuesi.
Or vëlla, nuk dua të më ndërmjetësosh për tokën time, Or vëlla nuk ka nevojë të më ndermjetësosh për Ardhmërin time. Ka dy gjëra këtu:
Ose e humbë të tëren ose e fitoj të tëren. ,,Një mes të art këtu nuk ka". Nuk ka pazarllëqe me Tokat e mija!

E vetmja "dëshmi" në të keqe të Albin Kurtit, është që ay dhe Vetëvendosja nuk kan filluar të flasin për Shqiprin Natyrale!
Ëhm, Shqipëria Natyrale!
Dje kishte një emision dy orësh në Shkup, Emision në gjuhën shipe, ku për herë të parë Histori e Politik "guxuan të flasin haptaz për Shqiprin Natyrale!

Do të ishte në interes të lexuesit të dinim pak më tepër se çfar u bisedua mbrëmë, ata që e kanë përcjellur ju lutem për info më të afërta.

[4peace]

*

Pse po më nervozon edhe ti, ore Pupi?! (qy 1x)


Ku ka gjë më të natyrshme se të vendosësh vet për veten tënde? Vetëvendosje don të thotë gjë e natyrshme. S’ka nevojë për poen(z)i për ta përshkruar natyrën, vetëm anën romantiko-idilike të Shqipërisë Natyrale…

Nëse populli nuk don (vetvendosë) të përbashkohet, atëherë e kemi kot nëse veç flasim për Shqipërira Natyrale, artificiale…

Si në të gjitha rastet, edhe me rastin e Albinit, njeriu duhet të informohet drejtëpërsëdrejti nga burimi (me këtë rast Albini) e jo tërthorazi (çfarë thonë të tjerët për të). Sa për fillim do të mjaftonte artikulli „Dekonstruktimet“.

Të moçmit tanë kishin pasë thanë do herave „Mos ia kshyr (shiko) zhgunën (si është i veshur apo pasurinë apo pozitat) po(r) kshyrja punën“.

Kurse, siç e paske bërë edhe si titull: Ende s’ka lindë bir nëne jo vetëm ta gjykojë por as ta demantojë Albinin. Kurse, këta që flasin (kryesisht shajnë e ofendojnë) nuk duhet t’ua vëjë veshin askush. Meqenëse s’ka kurrfarë vlere. Edhe një herë: kurrfarë vlere.



Kjo, pra, është e vërteta. E vërtetë është edhe ajo që ai s’ka përkrahje të mjaftueshme nga populli. E si mund të presësh përkrahje nga të dehurit? Në „kafene“ („Kafeneja e forumit“ ha ha ha).

Ka gjasë e që të me ket shpëtuar ndonjë kritikë me vend ndaj Albinit. Por, deri sot ende nuk kam hasur në një demantim të vetëm, sa herë që ai ka shkruar mbi lëshimet/gabimet në „Marrëveshjen e Rambujesë“, „Marrëveshjes së Kumanovës“, Rezolutës 1244, Kornizës Kushtetuese, Pakos së Ahtisarit… Nëse dikush e ka gjetur një gjë të tillë, iu kisha lutur të na e sjellë këtu, e pastaj shohim e bëjmë.


Deri atëherë, me të mira!


***

[get_up]

Askush nuk eshte kunder NATOS por kunder Ligjit te Unmikut qe edhe vete Ministrit tona jan merzit , leni pallavrat pash zotin , tregoma nje njeri qe e do Unmikun ne Kosove , veq i kemi vendos syzet e sarriten me hjek kete sistem qe 8 vjet derisa u hoq vet .. Shume pasiv jemi dhe sa te kete Bala te pakoke ende kemi me pas pune