Akademi Perkujtimore edhe ne DARDANI!!

[Arb]

Presidenti Bamir TOPI perkujton (ne fjalin e tij ne Parlamentin e Kosoves) ikonen e Shqiptareve - Presidentin Rugova

"Te gjithe ne kthejme me mirenjohje dhe respekt mendimin tone drejt ikones se rezistences, te mbijeteses, te vuajtjes, por edhe te shpreses se popullit te Kosoves. Urtesia, mirenjohja njerezore, shpirti i tij i paqes, durimi, por edhe besimi tek e drejta e udheheqesit, Ibrahim Rugova, mbeten parime dhe vizione projektuese per te ardhmen e vendit tuaj."

[Guri i madh]

NËNDEGA E LDD-së NË NÜRNBERG NË KOORDINIM ME DEGËN E SAJ NË GJERMANI MBAJTI AKADEMI PËRKUJTIMORE KUSHTUAR PRESIDENTIT HISTORIK TË KOSOVËS DR. IBRAHIM RUGOVA

Sipas Lajme/News albemigrant
NËNDEGA E LDD-së NË NÜRNBERG NË KOORDINIM ME DEGËN E SAJ NË GJERMANI MBAJTI AKADEMI PËRKUJTIMORE KUSHTUAR PRESIDENTIT HISTORIK TË KOSOVËS DR. IBRAHIM RUGOVA
NËNDEGA E LDD-së NË NÜRNBERG NË KOORDINIM ME DEGËN E SAJ NË GJERMANI MBAJTI AKADEMI PËRKUJTIMORE KUSHTUAR PRESIDENTIT HISTORIK TË KOSOVËS DR. IBRAHIM RUGOVA
LIDHJA DEMOKRATIKE E KOSOVËS NË KRYE ME DR. IBRAHIM RUGOVËN KA QENË LËVIZJA MË E FUQISHME POLITIKE NË HISTORINË E RE TË KOMBIT SHQIPTAR
Organizuar nga Nëndega e LDD-së në koordinim me Degën e saj në Gjermani, me 20 janar 2008 në Nürnberg të Gjermanisë në sallën e bukur “Meistersingerhalle” në dyvjetorin e vdekjes u mbajt akademi përkujtimore kushtuar presidentit historik të Kosovës dr. Ibrahim Rugova, në të cilën pranë disa qindra bashkatdhetarë tanë, mori pjesë edhe deputeti i Kuvendit të Kosovës z. Gani Geci, përfaqësuesi i kryetarit të komunës së Nürnbergut z. Knut Engelbrecht, pastaj Konsulli i nderit i Konsullatës së Shqipërisë në Munchen z. Franz Mödl , publicistI dhe njohës i mirë i figurës së dr. Ibrahim Rugovës Z. Dietrich Willier , z. Hafiz Gagica, anëtar i kryesisë qendrore të LDD-së, njëherë edhe kryetar i Degës së LDD-së në Gjermani, z. Shefqet Dibrani, shkrimtar (që kishte ardhur nga Zvicëra), z. Besnik Rama, sekretar i Bashkësisë islame shqiptare në Gjermani, znj. Drita Ivezaj, përfaqësuese e shoqatës humanitare “Nënë Teraza”, z. Ndrecë Beku, kryetar i Bashksësisë Shqiptare Demokristiane në Mynih, z. Idriz Zeqiraj, anëtar i kryesisë së Nëndegës së LDK-së në NRWF, aktivistë të shumtë të çështjes sonë kombëtare, mësuesi i shkollës shqipe z. Hamzë Halabaku si dhe mysafirë nga qytete të ndryshme të Gjermanisë.

[Guri i madh]

Pas antonimit të himnit kombëtar dhe atij të Kosovës “Kur ka ra kushtrimi në Kosovë”, në interpretim të bukur të aktorit Shkodran Tolaj, akademinë e shpalli të hapur moderatorja e këtij manifestimi përkujtimor znj. Vjollca Hajdari, për t’ia dhënë fjalën më pastaj z. Rexhep Fetahu, kryetar i Nëndegës së LDD-së në këtë qytet, i cili të pranishmëve iu dëshiroi mirëseardhje, dhe në veçanti përshëndeti praninë e mysafirëve gjerman.
Në vazhdim z. Bekim Zogaj , foli për biografinë dhe figurën historike të Dr. Ibrahim Rugovës, aktivitetin e tij intelektual, shkencor, politik dhe kombëtar. Më pas nxënës të shkollës shqipe në Nürnberg Bexhet Dërguti, Jeta Halabaku, Ragip Jusufi recituan vjershën “Lamtumirë President i Dardanisë”,

[Guri i madh]

kurse rapsodi ynë popullor z. Agim Gashi, përcjellë me sharki këndoi elegjinë “Nderi i kombit President Rugova”, e cila ngriti emocione mallëngjyese tek të pranishmit në sallë.

[Guri i madh]

Ndërsa, deputeti i Parlamentit të Kosovës z. Gani Geci,

tha se kam nderin e veçantë që këtij tubimi t’ia përcjellë përshëndetjet më të ngrohta të akademik Nexhat Dacit, kryetar i LDD-së., Me këtë rast ai tha se hapat e parë të organizimit të mbrojtjes së pragut të shtëpisë janë ndërmarrë me urdhër të dr. Rugovës, siç është bërë edhe organizimi i parë për mbrojtjen e Kosovës me dërgimin në Shqipëri në vitin 1991 të komandantëve Sali Çeku, Adem Jashari dhe Zahir Pajaziti për formimin e celulave të para mbrojtëse , dhe këto fakte të historisë sonë më të re nuk ka kush që mund t’i ndryshon , tha ai. Kurse në fjalën e tij mjaft karakteristike Konsulli i nderit i Konsullatës së Shqipërisë në Mynih z. F. Mödl, së pari falënderoi organizatorin që e ka bërë përzgjedhjen e qytetit të Nürnbergut për ta mbajtur në të këtë akademi përkujtimore për dr. Rugovën, sepse siç tha kjo i bën nder të veçantë këtij qyteti, që të përkujton sot me shumë pietet figurën e madhe të “Mahtama Gandit” të Evropës lindore, siç e quajtën dr. I. Rugovën shumë politikanë botëror. Mjerisht, dr. Rugova nuk e përjetoi ëndrrën e tij, pavarësinë e Kosovës. Foli edhe për padrejtësitë që i janë bërë kombit shqiptar me 1913 në Konferencën e ambasadorëve në Londër, duke e copëtuar atë në gjashtë pjesë, si dhe shprehu bindjen e tij se Kosova shpejt do të pavarësohet nga Serbia.

[Guri i madh]

Në elaborimin e tij shkrimtari dhe publicisti z. Shefqet Dibrani, në veçanti zbërtheu aspektin e mitit për sakrificën e dr. I. Rugovës në lëvizjen e tij paqësore, duke nënvizuar rolin dhe ndikimin që ka pasur ajo në filozofinë politike dhe kombëtare të tij. Z. Idriz Zeqiraj, në fjalën e tij përgëzojë organizatorin për organizimin e kësaj akademie kushtuar presidentit Rugova, duke e vlerësuar këtë si një nismë të mirë të dardanëve, për një të djathtë të mirëfilltë, e cila sot i mungon Kosovës. Në vijim znj. Agnesa Gashi, recitoi një poezi për dr. I. Rugovën, pas së cilës fjalën e mori publicisti gjerman dhe njohës i mirë i figurës së presidentit Rugova z. Dietrich Willier, i cili në evokimin e tij, ndër të tjera tha se sot po përkujtojmë mikun e njerëzimit, patriotin, presidentin filozof, Gandin shqiptar, kritikun letrar, politikanin e pazakonshëm, njeriun e paqes, i cili me mençuri të rrallë bindi botën për padrejtësitë që iu bënë popullit të tij, i cili tolerancën dhe forcën e argumentit i kishte armë kryesore për t’i bindur të tjerët për idealet e tij kombëtare, ndaj edhe e kishte fituar besimin e popullit të vetë. Kam qenë dëshmitar i terrorit serb në Kosovë, në njërën, si dhe i urtësisë së Ibrahim Rugovës, në anën tjetër, për ta mbrojtur popullin e tij nga dhuna dhe gjakderdhjet, se çka bënte ai për çlirimin e brendshëm të Kosovës, për ndërtimin e strukturave demokratike, udhëheqjes paralele, hapjen e shkollave, të spitaleve, të universitetit, shtëpive-shkolla, etj, me qëllim që t’i ikë dhunës dhe konfliktit me policinë dhe ushtrinë serbe, ngase e dinte mirë se dhuna krijon vetëm dhunë. Për fat të keq, ai vdiq pa e përjetuar pavarësinë e Kosovës, për të cilën bëri aq shumë derisa ishte gjallë. Gurin mineral shumë të çmuar që ma fali në takimin e fundit që kisha me I. Rugovën, e kam dërguar tek një argjendar në Shtuttgart të cilin e ka vënë në zinxhir dhe sot e kësaj dite atë e bartë në qafë gruaja ime e dashur, në shenjë kujtimi për Ibrahim Rugovën.

[Guri i madh]

Në fjalën e rastit kryetari i Degës së LDD-së në Gjermani z.Hafiz Galica , njëri ndër bashkëpunëtorët më të afërt të dr. Rugovës, duke u ndërlidhur në evokimet e tij për jetën dhe veprën e presidentit Rugova, ndër të tjera nënvizojë faktin se roli i tij në vitet e 80-ta si shkrimtar dhe në fund të atyre viteve kur do zgjedhet në krye të Lidhjes Demokratike të Kosovës, lëvizjes masive të shqiptarëve, si dhe kryetar i Këshillit koordinues të subjekteve politike shqiptare në ish Jugosllavi, bashkë me një varg të figurave intelektuale arritën që për herë të parë në historinë e Kosovës, të ndërtohet dhe zhvillohet një lëvizje e fuqishme politike, LDK-ja, e cila u pranua nga shumica dërmuese e kosovarëve por edhe e shqiptarëve në përgjithësi, i hapi rrugën Rugovës dhe përkrahësve të tij, që në Evropë dhe SHBA të pranohet si lider nacional dhe të mbështetet si lëvizje politike, duke artikuluar idenë e pavarësisë së Kosovës tek kryetarët dhe parlamentet e vendeve të shumta, të shoqatat me ndikim për të drejtat e njeriut si dhe tek mediet të cilat kanë luajtur rol kyç në informimin dhe afirmimin e çështjes së Kosovës në botë. Nga distanca e sotme kohore e zhvillimit të ngjarjeve dhe vdekjes së tij të hershme, vijmë në përfundim se Lidhja Demokratike e Kosovës në krye me Ibrahim Rugovën, ka qenë Lëvizja më e fuqishme politike në historinë e re të kombit shqiptar. Meritat më të mëdha për këtë ecje të madhe të Kosovës drejt lirisë dhe pavarësisë së saj, pa dyshim, i takojnë shqiptareve në përgjithësi dhe liderit historik dr. Rugovës, në veçanti, me të cilin pata fatin të bashkëpunoj ngushtë për më shumë se një dekadë, si në planin e vetëmbrojtjes së Kosovës, ashtu edhe në ndërkombëtarizimit të çështjes së Kosovës tek qeveritë dhe qendrat e vendosjes politike në Evropë dhe SHBA.
Aktori i talentuar Shkodran Tolaj, këndoi dhe interpretoi për mrekulli një baladë për dr. I. Rugovën, aktrimi i të cilit i mahniti të pranishmit, të cilët i dhuruan një duartrokitje të gjatë frenetike në shenjë admirimi dhe respekti.
Një letrën përshëndetëse të cilën kësaj akademie ia kishte dërguar akademik Nexhat Daci, ndër të tjera thuhej: “I nderuari kryetar i Degës së LDD-së në Gjermani, z. Hafiz Gagica, të nderuar anëtarë të kryesisë, të respektuar bashkkombasë , jeni tubuar sot për të përkujtuar me nderim të veçantë njeriun e madh të kombit shqiptar, ikonën e shtetit të pavarur të Kosovës, presidentin historik të Kosovës Dr. Ibrahim Rugova, i cili dy vjet më parë u nda fizikisht nga ne. Ishte 21 janari i viti 2006 goditje e rëndë, jo vetëm për institucionet dhe politikën shtetërore të vendit tonë, por mbi të gjitha ishte një goditje e rëndë për popullin shqiptar të Kosovës. Me shkuarjen në amshim të presidentit Ibrahim Rugova edhe skena politike u varfërua. Përkrahësit e denjë të presidenti Ibrahim Rugova u anashkaluan. Në këtë kohë lindi nevoja e krijimit të një shtëpie tjetër politike e cila do të ruante dhe trashëgonte filozofinë politike të dr. Rugovës. Lindi Lidhja Demokratike e Dardanisë si nevojë e kohës, parti kjo me koncept të qartë, parti e traditës dhe vlerave moderne e cila politikën e vet e mbështet në parimet e filozofisë politike të presidentit Rugova. Pavarësia e Kosovës ka emrin dhe emblemën e presidentit Rugova, pavarësia e Kosovës do shpallet me bekimin e presidentit Rugova, Lavdi jetës dhe veprës së presidentit Ibrahim Rugova. Zoti e bekoftë presidentin Ibrahim Rugova, Zoti e bekoftë LDD-në, Zoti e bekoftë Kosovën”, kryetari i LDD-së, Akademik Nexhat Daci.
Telegrame përshëndetëse kësaj akademie i dërguan edhe ambasadori i Shqipërisë në Gjermani z. Gazmend Turdiu, z. Hysen Ibrahimi, kryetar i Degës së LDD-së në Suedi, z. Selim Hasanaj, kryetar i Degës së LDD-së në Norvegji dhe z. Mehdi Prushi në emër të Degës së LDD-së në Austri.
Në fund për të pranishmit u shfaq një film i shkurtë dokumentar për biografinë dhe jetën e dr. Ibrahim Rugova, në regjinë e z. Zejnullah Jakupi.
Në fund duhet theksuar se pjesëmarrja dhe organizimi i kësaj akademie ishte në nivel të mrekullueshëm, si në nivelin përmbajtësor akademik, ashtu dhe atë teknik, gjë për të cilën organizatori mori lëvdata të shumta, në veçanti z. Naim Jonuzi për ndihmesën që dha në organizimin dhe mbarëvajtjen e kësaj akademie e cila për shumë kohë do të ngelë në kujtesën e gjithë pjesëmarrësve.