Barcelona

[LaCoStA]

Barcelona pranë Neymar


Një delegacion i drejtorëve të Barcelonës pritet që të zbarkojë në Brazil të premtën, përderisa Blaugranët po vazhdojnë përpjekjet për të transferuar sulmuesin e Santosit, Neymar. Estadao.com raporton se është aranzhuar tashmë një takim mes presidentit të Santosit, Luis Alvaro de Oliveira dhe përfaqësuesve të klubit spanjoll.
Misioni i Barcelonës është të finalizojë transferimin e Neymar para zyrtarizimit në janar. Futbollisti po kërkohet edhe nga Real Madridi dhe ka një klauzolë prej 45 milionë eurosh.

[Peja-Boy]

Kampioni në fuqi i garës më të madhe evropiane për klube, Barcelona, ka arritur vetëm barazim prej 2-2 përballë Milanit, në ndeshjen e parë të fazës grupore të Ligës së Kampionëve që u zhvillua të martën mbrëma në Camp Nou.
Ende pa filluar mirë takimi (1’), Alexandre Pato i zuri në gjumë lojtarët e Barcelonës dhe me një solo aksion krijoi epërsi për mysafirët.

Pas këtij goli loja vazhdoi si gjithmonë kur luan Barcelona- katalunasit sulmojnë, ndërsa ekipi kundërshtar pozicionohet para portës së vet.
Në vazhdim, vendasit e kishin të vështirë të depërtonin përballë mbrojtjes së ngjeshur të Milanit. Nga rastet për t’u përmendur ishte goditja e shtyllës nga Leo Messi nga gjuajta e lirë (18’).

Ishte merita e argjentinasit edhe goli i barazimit, pasi Messi theu mbrojtjen rossonere për të pasuar te Pedro Rodriguez, i cili nuk e pati të vështirë që ta mposhtte Abbiatin (36’).
Edhe në fraksionin e dytë të lojës ishte fotografia e njëjtë, Barca posedonte topin, ndërsa italianët i shikonin vendasit si po luajnë.

Deri të goli i avantazhit, Blaugranët erdhën pas një goditjeje të lirë magjepsëse nga David Villa (50’).
Mirëpo, në fund të takimit, Rossonerët nuk lejuan që të dalin kokulur nga Camp Nou, pasi në minutat shtesë (90’+2), Thiago Silva barazoi rezultatin.

[Peja-Boy]

Xavi: Barazimi ishte i pa drejtë

Mesfushori i Barcelonës, Xavi, ishte tepër i nervozuar me rezultatin e takimit ndaj Milanit, duke thënë se pos që ishte fat i keq për katalanasit, ishte edhe një rezultat tepër i pa drejë duke parë atë që ndodhi në sfidë.


“Çfarë ndodhi në takim ishte qartë fat i keq, totalisht e pa drejtë”.
“Ndaj Sociedadit kur barazuam ne e kemi lënë tempon e lojës në pjesën e dytë, por këtu luajtëm mirë, ne bëmë presion mbi ta deri në minutën e fundit, duke pasur posedim. Ne duhet të fitojmë të shtunën, e dimë se kemi ekip të aftë për këtë dhe për të fituar tituj”, pohoi Xavi.

[LaCoStA]

Kthehen magjistarët




Pas dy barazimeve radhazi (një në La Liga dhe një në Ligën e Kampionëve), Barcelona i është kthyer stilit të fitoreve me shumë gola duke e mposhtur Osasunan me rezultat 8-0.

Vetëm pesë minuta pasi filloi takimi, Lionel Messi e hapi serinë e golave pas një asistimi të Daniel Alves.
Argjentinasi ishte i përfshirë edhe në golin e dytë pasi bëri një superpasim drejt Cesc Fabregas, i cili e dyfishoi epërsinë me një goditje të bukur (13’).
David Villa shënoi golin e tretë (34’), ndërsa ishte edhe njeriu që e bëri Roversion që të shënonte në portën e tij (40’) për golin e katërt të vendasve.
Rezultatin e gjysmës së parë e vendosi Leo Messi (41’), pasi Cesc Fabregas ia ktheu favorin.
Xavi shënoi për setin e parë (57’) pas asistimit të Messit, ndërsa David Villa shënoi golin e dytë personal me ndihmën e Fabregas (76’).
Ai që e filloi serinë e golave, ai edhe e mbylli. Lionel Messi kompletoi het-trikun e tij dhe shënoi golin e tetë për Barcelonën në minutën e 79-të të ndeshjes.

[LaCoStA]

Guardiola: Bëmë një shou të mirë






Trajneri i Barcelonës, Pep Guardiola, ka lëshuar lëvdata për paraqitjen e ekipit të tij në fitoren 8-0 ndaj Osasunas në La Liga gjatë të shtunës.

Pas dy barazimeve të fundit kundër Real Sociedad dhe Milan, Barcelona bëri një performancë bindëse për të shënuar plot tetë gola, tre nge Messi, dy nga Villa, një nga Cesc dhe Xavi dhe një autogol nga Roversio.
“Ne luajtëm shumë mirë dhe kemi punuar fuqishëm për të ndihmuar njerëzit të kënaqen me atë që u bë një shou i mirë. Ishte sikur të shkosh në kinema ose teatër”, ka thënë Guadiola.

[LaCoStA]

Alves lavdëron Fabregasin



Mbrojtësi i Barcelonës, Dani Alves, ka gjetur kohë për të lavdëruar bashkëlojtarin e ri Cesc Fabregas pas startit të shkëlqyeshëm të tij me gjigantët katalanas.


Fabregas u rikthye te Barcelona më herët gjatë kësaj vere pas tetë vitesh me Arsenalin. Dhe nuk ka humbur kohë për të treguar ndikimin e tij në Camp Nou duke shënuar gola po thuajse në çdo ndeshje.
“Fabregas ka bërë një punë të shkëlqyeshme për ne dhe tashmë i ka dhënë një kontribut të madh ekipit. Vërtet është nder të luaj krahas tij. Ai dhe Lionel Messi janë një dyshe e shkëlqyeshme në fushë dhe ata kanë një lidhje të mrekullueshme”, ka thënë Alves.

[LaCoStA]

Valencia i kthen Blaugranët në tokë






Pas fitores së thellë në fundjavë kundër Osasunas, Barcelona ka arritur të nxjerrë vetëm një barazim prej 2-2 përballë Valencias në takimin e të mërkurës mbrëma në Mestalla.

Los Che luajtën më mirë në gjysmën e parë, ndërsa atë e tregoi edhe rezultati. Pas 45 minutash vendasit avanconin 2-1.
Krosimin e Jeremy Mathieu në drejtim të Soldados, e ndali Eric Abidal, por për ta futur topin në portën e vet (12’).
Mirëpo, epërsia e vendasve nuk zgjati shumë, pasi Fabregas pasoi te Messi, argjentinasi ia kaloi topin Pedros, i cili barazoi shifrat (14’).
Ishte Pablo Hernandez lojtari që riktheu epërsinë e Valencias (23’), ndërsa ishte sërish puna e Mathieu meritore për arritjen e këtij goli.
Në gjysmën e dytë, mysafirët u angazhuan më tepër për ta kthyer rezultatin në favor të tyre, mirëpo edhe vendasit vazhdonin të jenë të rrezikshëm.
Pas disa rasteve të Blaugranëve, Leo Messi e gjeti për mrekulli Cesc Fabregasin, i cili me mjeshtri e nivelizoi sërish ndeshjen (77’).
Në minutat e mbetura, Barcelona dominoi duke krijuar raste, por mungoi konkretizimi.
Pas kësaj xhiroje, Valencia do ta mbajë kreun me dhjetë pikë, ndërsa Barca ngritet në kuotën e tetë pikëve, një më shumë se Real Madridi.

[LaCoStA]

Guardiola: Barazimi, rezultat i drejtë






Trajneri i Barcelonës, Pep Guardiola, ka thënë se nuk ka arsye që ai të ankohet për barazimin 2-2 ndaj Valencias.

Një gol i vonshëm i shënuar nga Cesc Fabregas nxori një pikë për klubin katalanas, duke neutralizuar avantazhin 2-1 të Valencias dhe Guardiola është i kënaqur edhe me barazim në një fushë kaq të vështirë.
“Duhet ta uroj Valnecian për ndeshjen që luajtën. Ky ishte një spektakël i mrekullueshëm futbolli. Fuqia jonë na dha këtë baraim, mendoj se është rezultat i drejtë. Duhet t’i uroj fansat e Valencias dhe të mësoj nga ajo çfarë nuk bëmë aq mirë sot”.
“Ne kemi fituar dy tituj këtë sezon dhe ende kemi opsione për të fituar dy tituj tjerë. Ne duhet ta analizojmë ndeshjen, ishte një ndeshje e mirë, ata na krijuan problem në pjesën e parë. Ne duhet të marim mësim dhe t’i presim ata në Camp Nou”, ka deklaruar 40-vejçari.

[LaCoStA]

Xavi: Cesc më bën lojtar më të mirë



Mesfushori i Barcelonës, Xavi, ka gjetur kohë për të lavdëruar Cesc Fabregas pasi mendon se ardhja e ish-yllit të Arsenalit, i ka ndihmuar atij të përmirësojë lojën e tij.

Me ardhjen e Fabregas kishte dyshime nëse dy mesfushorët mund të luajnë në të njëjtin ekip, por 31-vjeçari është shumë i kënaqur me mënyrën se si ata të dy bashkëveprojnë në fushë.
“Nëse ai avancon unë qëndroj më prapa dhe mbuloj për të ose e kundërta. Jam shumë i kënaqur në fushë dhe po ashtu edhe ai. Ne kemi e treguar këtë shumë herë këtë vit”, ka thënë Xavi.

[LuLjaa]

Postimi origjinal është bërë nga LaCoStA

UEFA: Lionel Messi futbollisti më i mirë në Evropë

.. valla qeky messi nime ma i forti edhe sonte 3 golla ja dha dikujt, se di me kan lujti
veç e pash se 5 me 0 jav bani , ngerkk :P

[LaCoStA]

Postimi origjinal është bërë nga LuLjaa

.. valla qeky messi nime ma i forti edhe sonte 3 golla ja dha dikujt, se di me kan lujti
veç e pash se 5 me 0 jav bani , ngerkk :P

Qe Sabile kush me kon ka lujt

I pandalshmi Messi dhe fitorja e Barcës



Me rezultat prej 5-0, Barcelona ka fituar përballë Atletico Madridit në një përballje ku dominoi në tërësi skuadra blaugrane, ndërsa shkëlqeu ‘magjistari’ Lionel Messi.

David Villa e pranoi një pasim të gjatë e preciz të mjeshtrit të mesfushës, Xavi Hernandez, për ta hapur njërin nga takimet kryesore të kësaj jave në La Liga (9’).
Miranda u bëri shërbim vendasve në minutën e 15-të duke shënuar në portën e vet për rezultatin 2-0.
Me lëvizjet e tija magjike, Lionel Messi e trefishoi epërsinë e katalunasve (26’), të cilët e fituan ndeshjen që në gjysmën e parë.
Në pjesën tjetër të takimit, mysafirët u munduan ta neutralizonin lojën e ekipit vendas me qëllimin që të mos pranonin më shumë gola.
Mirëpo, është vështirë të ndalet futbollisti më i mirë në botë në dy vitet e fundit, Leo Messi, i cili gjeti një hapësirë për ta futur topin në rrjet (78’), ndërsa ky ishte goli i katërt për Blaugranët.
Argjentinasi iu përgjigj Cristiano Ronaldos në minutat shtesë (90’+1) duke kompletuar het-trikun nga loja e hapur.
Ky triumf ia siguron Barcelonës vendin e dytë në tabelë (me pikë të barabarta me Sevillan në vend të tretë) me një pikë më pak se lideri Betis dhe një më shumë se rivali Real Madrid.

[LaCoStA]

Messi e dëshiron rekordin golashënues te Barca




Sulmuesi argjentinas, Lionel Messi, dëshiron të bëhet njeriu që ka shënuar më së shumti gola në histori të Barcelonës.Rekordi aktual mbahet nga Cesar Rodriguez, i cili ka shënuar 235 gola për Blaugranët, ndërsa pas het-trikut ndaj Atletico Madridit, Messi është ngritur në kuotën e 192 golave.
“Jam i qetë për rekordin. Po e marr ndeshje pas ndeshjeje, por padyshim që jam mjaft entuziazmuar që të bëhem golashënuesi më i mirë”.
“Kanë kaluar shumë vite dhe akoma ka mbetur i njëjti lojtar (që e mban rekordin). Shpresoj që unë t’i mposht statistikat e tij. Dua të vazhdoj të thyej rekorde këtu”, ka thënë 24-vjeçari për Barca TV.

[LaCoStA]

Barcelona vendos sponsorin “Qatar Foundation” në fanella




Kuvendi gjeneral i klubit futbollistik Barcelona ka ratifikuar marrëveshjen për sponsorim me Fondacionin Katar – Qatar Foundation.

Futbollistët e klubit katalonas gjatë pesë viteve të ardhshme do të mbajnë në fanellat e tyre logon e fondacionit.

Marrëveshja pesë vjeçare do ti sjellë të mira Barcelonës, me një buxhet prej 171 milion euro.
Katalonasit deri tani kanë mbajtur logon e UNICEF, mirëpo nuk kanë pasur asnjë leverdi nga ajo reklamë. Kryesia e klubit theksoi se me marrëveshjen e re do të mundësohet zvogëlimi i borxhit të klubit.

[LaCoStA]

Roselli, viziton Afellayn e lënduar



Presidenti i Barcelonës, Sandro Rosell, së bashku me 2 zyrtarët e klubit, Zubizarreta dhe Bartomeun, i kanë bërë një vizitë lojtarit të sapolënduar të Barcelonës, Ibrahim Afellayt. Rosell së bashku me zyrtarët e lartë, e kanë inkurajuar holandezin, në procesin e gjatë të shërimit, duke pretenduar që kjo fazë do të jetë e suksesshme, dhe ai me sukses do ti kthehet fushës së lojës. Afellay ka pësuar një lëndim të rëndë në ligamentet, dhe skuadrës pritet ti mungojë së paku 6 muaj.

[LaCoStA]

Guardiola nuk ka fjalë për mrekullitë e Messi




Trajneri i Barcelonës, Pep Guardiola, thotë se nuk di çfarë të thotë për të komentuar talentin e Lionel Messi.

Messi shënoi hat-trick gjatë vikendit ndaj Atletico Madrid, derisa Barcelona fitoi 5-0 në derbin e javës.

"Messi ishte vendimtar edhe një herë, ju vetëm mund ta uroni atë. Ai është një lojtar të cilin nuk duhet ta shpjegoni, ju vetëm e shikoni atë duke vepruar”, ka thënë Guardiola.