Lajme - thashe e thëme

[publialb]

Tashmë ata janë të pandarë nga njëri-tjetri. Flori Mumajesi, Elvana Gjata dhe Dj Andy Gramm, po i shohim çdo ditë e më shumë bashkë në koncerte dhe kjo sepse suksesin e kanë gjithmonë të garantuar. Të tre bashkë do të shkojnë edhe në Kanada, ku do të mbajnë një koncert për të gjithë shqiptarët atje. Sipas videos që kanë hedhur në profilet e tyre në Facebook, kjo është hera e parë për artistët që shkojnë në Kanada dhe të tre bashkë premtojnë show dhe spektakël për të gjithë shqiptarët e Torontos. Të tre bashkë janë më të suksesshmit në fushat ku aderojnë, Elvana si këngëtare, Flori si kompozitor dhe këngëtar, ndërsa Andy si Dj dhe si krijues herë pas here.

[publialb]

Kur jeton në çift duhet t’u nënshtrohesh rregullave të çiftit. Këtë gjë ka bërë edhe Rozana Radi që në momentin që vendosi të bashkëjetojë me të dashurin e saj, Mc Kresha. Mësohet se Rozana Radi i ka thënë “jo” një oferte vërtet të majme prej 1500 eurosh për të marrë pjesë në një koncert në Zvicër. Arsyeja e refuzimit të kësaj oferte të majme ka qenë e lidhur me vendimet profesionale të MC Kreshës, i cili së fundmi nuk pranon asnjë lloj oferte për koncerte nën 2000 euro. Për këtë arsye edhe Rozana Radi, e cila është një ndër këngëtaret e kategorisë “1 milionëshe”, që në gjuhën e koncerteve përkthehet të këngëtareve që paguhen rreth 100 mijë lekë për koncert, u ka thënë lamtumirë 1500 eurove për të respektuar vendimet e partnerit të saj.

[publialb]

Fansat nuk i imagjinojnë më të ndarë që pas famës që morën si duet i suksesshëm me dy klipet e tyre të fundit, “Adrenalina” dhe “Biondina”. Duke iu referuar impaktit në duet të Sinan Hoxhës dhe Seldi Qalliut, dalja në skenë e Seldit i vetëm në “Kënga Magjike 2011” u shoqërua me komente të tipit: “Seldi ‘tradhton’ Sinanin, pra këndon i vetëm kësaj here”. Por ndërsa Seldi i rikthehet për herë të tretë konkurrimit te “Kënga Magjike”, me një krijim plot atmosferë të shkruar nga Elgit Doda, nga disa është komentuar thjesht një test artistik, apo një truk për të parë reagimet e publikut, ndërsa jemi mësuar t’i shohim gjithmonë bashkë dy këngëtarët së fundi. I pyetur nga gazeta “ Panorama” se përse vendosi të këndojë i vetëm në “Kënga Magjike”, Seldi pohon se “Arsyeja është vetëm se Sinani është i profilizuar në gjininë e tij muzikore, dhe s’mund të konkurrojë në një festival si “Kënga Magjike”. Nga ana tjetër, mediat e kanë komentuar Seldin si djaloshi i cili u bë i njohur në “Big Brother”, dhe që më pas i ndodhi të ishte super i përfolur me historinë e mediatizuar dhe këngët luksoze me Sinan Hoxhën, por që tashmë prek i vetëm skenën e festivalit “Kënga Magjike” dhe nuk dihet pse. Në komentet mediatike pas lançimit të këngës së tij të dielën e kaluar në programin “E diela shqiptare” në “Tv Klan”, thuhet se këngëtari Seldi Qalliu këtë herë e ka “tradhtuar” Sinan Hoxhën, duke realizuar këtë këngë solo. Ai është pranuar në këtë festival për të kënduar një këngë me titull “Kno”, që ishte natyrisht krijim plot ritëm, ashtu siç është profilizuar Seldi të shfaqet në të gjitha këngët e tij solo. Seldi ka sqaruar gjithashtu se “Tashmë dihet suksesi ynë në duet me dy këngët “Adrenalina” e “Biondina”, dhe për këtë arsye ne do vazhdojmë të këndojmë bashkë. Sapo kemi realizuar klipin tonë të ri, që do të jetë goditja jonë më e fortë në tregun muzikor e kësaj here kënga nuk i dedikohet jo ndonjë zeshkaneje apo biondeje, por titullohet “Kuq e zi” dhe do të karakterizohet nga nota të forta patriotike. Bashkë me ta, në klipin e ri që do të lançohet për festën e 28 Nëntorit, këndon dhe këngëtari shumë i paguar në Kosovë e diasporë, Meda.
Sinani dhe Seldi, çifti më i paguar në koncerte
Një vit më parë, ata arritën të tërhiqnin vëmendjen direkt pas publikimit të këngës “Adrenalina”, një klip që vetëm në dy muaj nga lançimi i këngës në kanalet muzikore dhe Youtube arriti të regjistrojnë plot 3 milionë e 200 mijë klikime, duke u klasifikuar si kënga më e klikuar shqiptare në internet. Por ky ishte vetëm fillimi, sepse pas komenteve në faqet e gazetave për miqësinë e tyre, ata morën një vëmendje tjetër duke përfituar për sa i përket karrierës së tyre. Kështu filluan koncertet e shumta jo vetëm në Shqipëri, por edhe në vende të ndryshme të Europës. Koncerti më i suksesshëm ishte ai në diskotekën e njohur të Zvicrës “Rinora 4”, ku Sinani dhe Seldi arritën të mbledhin 3 mijë veta në një natë të vetme.
Dueti ka qenë një nga “boom-et” e dy këngëtarëve, duke shkaktuar impakt direkt në publik dhe duke rritur interesin e organizatorëve të ndryshëm për t’i pasur në koncertet e tyre, që organizohen në shumë në vende të Europës. Ky popullaritet i ri bëri që dhe pagesa e tyre për koncerte të jetë më e shtrenjtë. Kështu, sipas miqve të tyre këngëtarë, thuhet se Sinani paguhet për një koncert 2500 euro, ndërsa Seldi edhe pse shumë i ri në këtë treg, ka arritur të marrë për një koncert deri në 1500 euro. Pagesat e tyre të majme nuk i kanë penguar që të realizojnë klipe të shtrenjta, që kanë kapur shifrën 10 mijë eurove.

[publialb]

Në film është ftuar edhe mbreti i filmave erotikë ,Tinto Brass.
Ai priti ditën kur vajza që ka zgjedhur si shoqe jete të fikë 25 qirinj mbi tortë, duke shtyrë pak në kohë edhe një projekt që e ka fort për zemër dhe po e ëndërron prej kohësh. Bjordi Mezini, djali tërheqës që bëri për vete shumë fansa falë pjesëmarrjes së tij në reality show “Big Brother” e më pas në “Dancing with the stars”, duket se po nxjerr nga sirtari një nga një të gjitha ëndrrat e tij. Pasi ka krijuar një lidhje të stabilizuar me Adelën, me të cilën ka punuar edhe në disa projekte mediatike, tashmë po kërkon të kthejë në realitet dëshirën e tij për t’u marrë me kinematografi. Dhe ia ka dalë… Nuk bëhet fjalë për një projekt dosido, por për një film që do të realizohet në Itali, ku në kastë do të ketë regjisor shqiptar dhe italian, aktorë italianë si dhe tre shqiptarë, ndër të cilët edhe Bjordi. Djali që kaloi rreth 20 vite të jetës së tij në Itali, e ka fare të natyrshme këtë përshtatje, për arsye të njohjes së gjuhës dhe ambientit, ndërkohë që pasioni për filmin i shemb çdo pengesë. Por le të mësojmë më në detaje rreth këtij projekti.
Një triller i fortë psikologjik ku Bjordi luan një djalë autik
Duket një projekt mjaft impenjativ, po të mendosh se bëhet fjalë për një film me metrazh ta gjatë, një gjini shumë të vështirë siç është trilleri dhe vështirësia shtohet, sepse Bjordi luan rolin e një djali me autizëm. Në lojë janë shtatë personazhe të cilët që në fillim të filmit paraqiten në jetët e tyre, më saktë duke shkuar secili për hesap të vet në të njëjtin supermarket, por që janë të panjohur për njëri-tjetrin. Këtu një punëtor mirëmbajtjeje i supermarketit, me sa duket me probleme mendore apo i mbingarkuar me dëshira paksa të çuditshme, kishte vendosur të bënte një rreng për një grup blerësish që do gjendeshin brenda një ashensori. Dhe janë pikërisht këto shtatë personazhe që gjenden në këtë ashensor, i cili në një moment të caktuar bllokohet me dashje nga punëtori. Brenda kësaj “kutie” të vogël dhe asfiksuese zhvillohet gjithë ngjarja e filmit, e cila përfundon me një vrasje, por që ne nuk kemi arritur të mësojmë se cili personazh do të vritet.

Surpriza, në film luan edhe Çiljeta në rolin e një vazje shtatzËnë

Pak javë më parë, ne kemi shkruar se këngëtarja e njohur Çiljeta kishte në projektet e vjeshtës edhe xhirimin e një filmi me kastë italo-shqiptare, por tani kemi mësuar se ajo merr pjesë tek i njëjti film ku do të luajë edhe Bjordi. Çiljeta në film ka rolin e një baristeje, ajo është shtatzënë, diku në muajt e fundit dhe është një nga personazhet që gjendet e mbyllur në ashensor. Çiljeta ka luajtuar edhe herë të tjera role sekondare, si psh tek filmi “Ishte kohë për dashuri”, por mbase kësaj here roli i saj do të jetë më impenjativ, pasi bëhet fjalë për një triller psikologjik dhe aktorët janë më së shumti italianë, por edhe personazhet duhet të flasin në italisht.
Bjordi përzgjidhet për rolin më të vështirë

Të luash rolin e një të riu me çrregullime të autizmit, është një sipërmarrje mjaft e vështirë. Mjafton të kujtojmë se një rol të ngjashëm ka luajtur gjiganti i kinematografisë botërore, Dustin Hoffman, tek filmi “Rain Men”, së bashku me Tom Cruiz. Por mbase kjo mund të jetë edhe një gjë e mirë, sepse në këtë rast ne do të mund të shohim nëse Bjordin e lidh thjesht pasioni me filmin apo edhe talenti.

Në film, pjesËmarrës edhe dy protagonistët e “Le iene”
“Le iene” është një nga programet më të ndjekura në kanalet e “Mediaset,” i tëri me karakter investigativ, por edhe zbavitës. Kjo është dhe arsyeja përse gazetarët e këtij programi janë kaq të famshëm në Itali, madje kanë fituar edhe çmime mjaft prestigjoze. Pikërisht dy nga këto personazhe do të kenë disa role episodike në filmin ku marrin pjesë Bjordi dhe Çiljeta. Madje, thuhet se ekipi realizues është duke biseduar për të pasur në një rol të tillë episodik edhe regjisorin e famshëm të filmave erotikë, Tinto Brass. Filmi do të marrë pjesë në disa kompeticione kinematografike, si dhe do të shfaqet në Tiranë.
Para xhirimeve Çiljeta çmend Dibrën, në koncerte bën fushatë për PD-në
Pasi u përfol për shkak të pjesëmarrjes në një paradë që ishte organizuar në Shtetet e Bashkuara të Amerikës, e cila thuhej se ishte organizuar nga Aleanca, këngëtarja e njohur Çiljeta Xhilaga në një intervistë dhënë gazetës “Panorama” kishte reaguar, duke thënë se ajo këndon për parti tjetër dhe nuk e tradhton PD-në, ndërsa organizatori i mbrëmjeve që kishte ftuar Çiljetën, tregoi se atë paradë nuk e kishte organizuar as Aleanca e as PD-ja, por ishte organizuar nga një shoqatë e pavarur që ishte jofitimprurëse dhe se ai kishte dërguar Genta Ismajlin dhe Çiljeta Xhilagën me qëllim që ajo shoqatë të mbledhë disa fonde. Nga Amerika, këngëtarja e njohur vazhdoi me koncerte, ndërkohë që fundjavën e kaluar ishte e ftuar në një pub të Dibrës (Maqedoni) ku pas performancës së jashtëzakonshme që dha për publikun atje dhe pasi i çmendi ata, Çiljeta nuk përtoi të fotografohet me fansat e saj, madje me disa ka preferuar të mbajë përpara flamurin e PD-së, për të treguar se ende i takon atij formacioni politik, ose ndoshta për të mbuluar “gabimin” që thuhej se ishte bërë gjatë qëndrimit të saj në Amerikë. Çiljeta si zakonisht, e veshur shumë bukur, me gjoksin e saj seksi, ka çmendur të gjithë ata që kishin ardhur për të ndjekur performancën e saj në një disko të Dibrës. Më pas është nisur drejt Italisë për xhirimin e filmit.

[publialb]

Gaxha: Vendimin e morëm bashkë me Gjebrenë.
“Vendosa vetë të largohem nga konkurrimi. Kam biseduar me Arditin dhe vendosëm që më mirë të largohem vetë nga konkurrimi tek festivali dhe të mos futem në finale. Edhe babai im bisedoi me Arditin dhe ashtu vendosëm për të mirën tonë. Kam shumë projekte të tjera për të realizuar dhe nuk mendoj që është fundi i botës për mua. Më shumë vendosa për shkak të reagimeve të të tjerëve, sepse nuk e shoh të udhës që të ketë skualifikim nga festivali. Ka dhe shumë gjëra të tjera të rëndësishme që duhen të shihen e jo vetëm tek unë të analizohen të gjitha gjërat në detaj”. Kështu ka rrëfyer Adrian Gaxha gjatë një bisede që realizuam me të për shkak të largimit nga festivali “Kënga Magjike”. Lajmi se Gaxha është duke konkurruar në dy festivale me të njëjtën këngë, mori dhenë në disa media dhe për këtë shkak drejtuesi i festivalit, Ardit Gjebrea, vendosi të marrë masa ndaj Adrianit. “Këtë lajm e di kush e ka dhënë në media, e di që është një i afërm imi, emrin e të cilit nuk dua ta përmend dhe nuk dua t’i bëj reklamë, por nuk e di qëllimin për çfarë e ka bërë, sepse ka shumë këngë të njëjta të cilat konkurrojnë nëpër festivale të ndryshme dhe për to nuk shkruhet asgjë. Por mua nuk më ka krijuar asnjë problem për shkak se me këtë gjë nuk mund të më prishin karrierën, përkundrazi mua akoma më shumë më shtyjnë të punoj në karrierën time dhe të mos ndalem aspak”, tregon më tej Adriani, i cili dukej pak i indinjuar për faktin se kënga ishte pëlqyer shumë nga publiku dhe performanca e tij zgjoi interes të veçantë te fansat e tij. Gjatë bisedës telefonike që realizuam me Adrianin, ai tregon se këtë gjë nuk e kishte bërë me qëllim, por për vetë faktin se ishte krijim personal nga studioja e tij në bashkëpunim me Robert Bilbilov. “Unë përderisa e punoj vetë këngën me bashkëpunëtorin tim Robertin, asnjëherë nuk mendoj që kam thyer ndonjë regull, sepse veç unë e di se si jetoj për atë këngë dhe punoj ditë e natë me muzikën, me orkestrimin, me koreografi me styling, me gjithçka, ashtu siç unë mendoj që duhet të prezantohet një artist në skenë dhe ashtu siç e ndiej veten më së miri kur jam në skenë. Mua nuk më duket problem nëse një këngë e këndoj në dy vende.
Kënga “Me ty” u këndua dhjetë ditë para paraqitjes tek “Kënga Magjike” në një festival në Maqedoni, ku kënga këndohej në maqedonisht, por muzika si dhe paraqitja skenike ishin të njëjta. Por sipas kontratës së pjesëmarrjes te “Kënga Magjike”, kënga që sillet për konkurrim duhet të jetë një krijim i ri, i paprezantuar më parë në asnjë kompeticion, madje as në ndonjë bar ku këngëtarët mund të ndiqen nga një numër i kufizuar njerëzish dhe kurrsesi të konkurrojë në një festival tjetër.

[publialb]

“Ushqehem siç mendoj se është më mirë, preferoj shumë gjëra të shëndetshme për trupin tim, bëj palestër dhe mundohem të mbaj trupin në formë”, kështu ka thënë në një intervistë dhënë në televizionin Alsat-M, këngëtarja e njohur Rovena Stefa, e cila ishte atje për të promovuar këngën dhe klipin e saj më të ri, të titulluar “Kanagjegji”. Rovena gjithashtu ka treguar se për momentin me motrat e saja jeton në Prishtinë, ku kanë marrë me qira një apartament atje dhe po punojnë në fushën e muzikës, Rovena dhe Irva si këngëtare, kurse Elisa luan rolin e menaxheres së motrave. E pyetur se nëse e motra e saj Irva e ka më të lehtë realizimin e karrierës muzikore në krahasim me kohën kur ajo ka filluar, Rovena ka thënë se tani Irva e ka shumë më të lehtë për shkak se ajo dhe Elisa kanë krijuar rrugën në muzikë dhe së bashku me miqtë e tyre do e ndihmojnë Irvën për të krijuar një karrierë të bukur artistike, pasi Rovena kur kishte filluar karrierën e kishte pasur pak më të vështirë. Këngëtarja e njohur Stefa gjithashtu ka treguar dhe për këngën e saj më të re, të realizuar edhe me klip “Kanagjegji”, që është një këngë me tipare të vjetra shqiptare, ku ka dashur të përshkruajë një lidhje dashurie mes një vajze nga Shqipëria dhe një djali nga Kosova. Kjo këngë është pëlqyer shumë nga fansat e saj, kurse Rovena mban veshur një kostum tepër special që është realizuar për të, ndërsa klipi është xhiruar në Krujë, tek Kalaja e Skënderbeut. Mes të tjerave, Rovena është pyetur edhe për jetën e saj private, ku ajo ka ngurruar të flasë më shumë, por vetëm ka thënë se burrin e do gjeneral që ta komandojë atë, ashtu siç e ka dhe një këngë me titull “Gjenerali”. Rovena së fundi ishte pjesë e spektaklit “Zhurma Show” ku së bashku me Irvën rrëmbyen tri çmime.

[publialb]

Kur të gjithë i fshehin ndryshimet estetike që bëjnë në pamjen e tyre, ne të paktëm kemi një personazh karizmatik dhe pa komplekse që gjithmonë atë që bën, e ndan me publikun me natyrshmërinë dhe sinqeritetin më të madh. Këtë radhë ne ju sjellim lajmin jo vetëm me fjalë, por edhe me foto. Big Mama ka fryrë buzët. Kjo gjë mund të shihet dhe vërtetohet nga fotot ekskluzive që i kemi siguruar ngaklinika. Për këtë ndryshim estetik në pamjen e saj dhe për të pasur një palë buzë të reja, Bigi ka sjellë në Tetovë një mjek shumë të njohur turk të kirurgjisë estetike, Hayati Akbas nga klinika FBM Lazer Estetik Plastik Cerrahi, me seli në Samsun të Turqisë. Zmadhimin e buzëve Big Mama e ka realizuar në një studio parukerie dhe estetike të një miku të saj, teksa mjeku i njohur Akbas ka qëndruar vetëm disa ditë në Maqedoni, kurse më herët ai kishte qëndruar për disa ditë edhe në Prishtinë. Sipas informacioneve tona, në duart e tij ka kaluar edhe një këngëtare tjetër për të cilën ende nuk jemi informuar, por me kalimin e kohës do të bëhet publike gjithçka. Ne kemi shkruar më herët për suksesin e Bigut në Turqi me realizimin e projektit të parë atje, madje kemi shkruar edhe për ndërhyrjet kirurgjike që ka realizuar atje për të larguar peshën. Por Big Mama ka vendosur përsëri të largojë disa kile të tjera nëpërmjet operacioneve në Turqi. Ne e përgëzojmë për guximin që ka.

[emine]

Po more e done kjo burrin qe e komandone ,nuk pe di ku me komandu,po se besoi se kjo len karrieren e shkone ne fshat veq me rrite fmije e kujdes per burre,diqka duhet mi tregu shtypit per tju permendi emrin dikund,,,

[emine]

qeshtu nuse ngo burrin,

Elvana vs. Dafina, lufta e heshtur e dy divave

21 November 2011

Të jesh 1-shi në muzikën mbarëshqiptare, jo vetëm që nuk është e lehtë, por nënkupton përpjekje të vazhdueshme, kurim të imazhit, veshje skenike, investim të pamasë në para, pasi rivaliteti nuk toleron kurrë. Dy këngëtaret më “inn” të kohëve të fundit në skenën muzikore shqiptare, Elvana Gjata dhe Dafina Zeqiri, duket se janë prekur pikërisht nga ethet e kësaj “lufte” të heshtur që po zhvillohet mes tyre. Të dyja janë më të preferuarat e rrjedhimisht më të paguarat në koncertet në mbarë Shqipërinë, Kosovën, Maqedoninë, diasporën etj. Për më tepër, secila prej tyre po e mban në “tiro” gjininë e muzikës që lëvrojnë, pasi klipet e tyre këtë vit nuk kanë fund. Mesa duket, dy këngëtaret e njohura s’kanë kohë as të marrin frymë, le pastaj për pushime…
Reklamë ka bërë Dafina Zeqiri më parë, një reklamë banke në Kosovë ka realizoi së fundmi edhe Elvana Gjata, ku për “inat të të gjithëve” shfaqej më seksi se kurrë. Por, pse pikërisht në Kosovë, apo për shkak se atje Elvana ka qenë shumë e popullarizuar, ka nisur të pëlqehet çdo vit e më shumë Dafina, duke ia lëkundur kështu pozitën këngëtares shqiptare, fituese të “Top Fest 8” me këngën “Me ty”?! Ndërkaq, për Dyffy-n, për të cilën u tha se kërkoi para për të marrë pjesë në “Zonë e lirë” të Arian Çanit, (gjë që normalisht nuk i leverdis, sepse të paktën publiku shqiptar do kishte mundësi ta ndiqte në këtë emision, por ajo nuk erdhi fare, ndoshta ngaqë iu refuzua kërkesa!), ka nisur epoka e këngëve në anglisht, me qëllimin për të thithur sa më shumë admirues anglishtfolës (sepse ne shqiptarët vdesim kur bëhet fjalë për gjuhë të huaja!), por edhe për të pasur një armë më tepër për të prekur tregun europian, për të cilin Elvana nuk ka tentuar ende. Këto kohë në fakt, Zeqiri, për të cilën është shkruar se është ndarë nga i fejuari, Krenari; i është kundërpërgjigjur “goditjes” së Elvanës në një tjetër mënyrë: pasi publikoi këngën e saj në anglisht, “My Swag”, që në shqip do të thotë “Hakmarrja ime” ose “Armët e mia”, do të sjellë më 1 dhjetor këngën “D&G”, në bashkëpunim me një nga reperët më të njohur në trojet mbarëshqiptare, Getoar Selimi të “Tingulli 3nt”. Nëse për “My Swag” (këngë që nuk pati suksesin e pritur!) sipas thashethemeve, iu kushtua Elvanës, Tunës dhe Genta Ismajlit, të cilat Dafina i konsideron rivalet më të forta, (pasi sikurse edhe ajo, ato janë seksi, vokaliste, madje kanë më tepër vite në skenë), “D&G” nuk dihet të ketë ndonjë dedikim … Dafina, e talentuar sidomos për muzikën R’N’B, i ka marrë masat nga ana e saj, duke i dhënë ekskluzivitetin e këngëve të saj më të fundit STV (Supersonic Televizion), që deri më tani e ka lançuar shumë Elvanën. Qëllimi i Dafina Zeqirit është që të rrëzojë popullaritetin e Elvana Gjatës, sepse synimi i saj ka qenë pushtimi i tregut në Shqipëri, ndoshta për të përmirësuar “gabimet” e saj, pra kërkimin e parave për intervista të ndryshme. Por, ja që fati i saj i keq kanë qenë arenat e festivaleve moderne, siç janë “Kënga Magjike” apo “Top Fest”, trofeun e të cilit këtë vit e rrëmbeu Elvana. Dafina ka marrë pjesë në festivale në Shqipëri, por ka sukses të madh. Megjithatë, ajo mund të justifikohet me faktin se kënga “Vibe” që e ka kënduar në bashkëpunim me Tunën dhe 2Po2 është një nga hitet më të klikuara shqiptare. Ndaj, po të mos jesh inteligjent, është e vështirë t’i mbijetosh kësaj “Xhungle muzikore”, kështu që e mirënjohura Elvana Gjata, e cila në albumin e saj të fundit i ka të gjitha këngët hite, është duke përgatitur një superklip, që sikurse është mësuar, do të jetë super i kushtueshëm, bile disa thonë se deri më tani nuk është parë klip i tillë në Shqipëri. Stafi i “Provideo”, me të cilin po bashkëpunon për klipin e ri hitbërësja e “Ku jeton dashuria ime”, “Nuk janë më”, “Dhe zemra ndal”, “Mamani nejen”, “Vetes”, “A ke ti zemër”, “Dhe zemra ndal”, etj., garantojnë që video e këngës “Gjaku im” do të jetë “bombë”. Si pritet të shkojë lufta Elvana- Dafina, rezultatin mbetet vetëm ta shohim në vijim…

Burimi: Gazeta Standard

Alberie Hadegjonaj, te gjitha operacionet qe e transformuan

21 November 2011





Ajo është një këngëtare shumë e mirë, por edhe një personazh shumë karizmatik. Në jetën e saj ka provuar majat, por edhe dramat. Megjithatë, duket se Albërie Hadërgjonaj nuk ia ka mohuar asnjëherë vetes optimizmin dhe humorin e ri. Madje, sipas disa studimeve, këto dy cilësi të ndihmojnë që të mbetesh e re përgjithmonë. Ajo mbase jo? Në fakt, jeta tregon se nuk mjafton vetëm fakti i të ndjerit mirë me veten dhe botën për t’u ndier e re, por sidomos për t’u dukur e re. Në këtë moment hyn në lojë kirurgu plastik. Dhe mirë bën… Madje, shyqyr që i kemi, sepse jemi të qetë që ai është gjithmonë aty duke pritur, mjafton që ne të zgjedhim, të shkojmë apo jo. Ndërkohë duket se Albëria e ka zgjidhur tashmë këtë dilemë dhe, për t’i dhuruar vetes një rini të dytë, i ka hyrë mbarë me ndryshime, dhe sipas miqve e kolegëve të saj, ajo nuk ka komplekse për ta pohuar këtë fakt. Tek emisoni “Opinion” këtë të mërkurë, ku në panel ishte e ftuar edhe Albëria, në një moment Blendi Fevziu pohoi se këngëtaret për të pasur më shumë sukses, nuk i mbajnë shpresat vetëm tek zëri apo kënga e mirë, por edhe tek kirurgu plastik. Dhe të gjthë ata që e ndoqën, besoj e panë vetë me sytë e tyre se ajo që qeshi më shumë për këtë batutë ishte Albëria, duke dëshmuar se këtë fakt e merr me shumë sportivitet. Por në ndryshim nga këngëtaret 20- vjeçare, të cilat ia nisin karrierës me një xhiro tek kirurgu e më pas në studion muzikore, Albëria ka bërë ndryshe. Pas shumë vitesh në skenë, e sprovuar në disa zhanre të muzikës, me shumë çmime prestigjioze të fituara, ka menduar se tashmë duhen bërë disa ndryshime në pamje. Dhe ia ka dalë… Nga ato që ne kemi mësuar, duket se Albëria nuk është mjaftuar me ndonjë ndryshim të vogël që të ngjajë si diçka natyrale, por ka bërë revolucion në pamje. Me sy të lirë mund të kuptosh dozat e fillerit të injektuara poshtë syve, në mollëza dhe në buzë, rregullimin e qafës, ndërkohë që thuhet se edhe gjoksin e ka ribërë. Në fakt, po t’i besonim Ermal Mamaqit, i cili kur po bënte prezantimin e Albëries në skenën e “Kënga Magjike”, tregoi edhe vendet ku ajo mund t’i ketë prekur me bisturi, i bie që edhe të prapmet mund të kenë pësuar disa ndryshime, por ne gjithsesi aty nuk kemi dalluar gjë. Pra, ta konsiderojmë thjesht si një batutë të Ermalit dhe asgjë më shumë. Paraqitjet e fundit të këngëtares së njohur kanë zgjuar interes të veçantë tek publiku dhe fansat e saj, si dhe kanë ngjallur komente të ndryshme. Mediat kosovare, kanë pak kohë që e kanë në qendër të veëmendjes për këto ndryshime, meqë këngëtarja vjen pikërisht nga Kosova. Sipas gazetës “Kosova Sot”, këngëtarja Albërie Hadërgjonaj ka filluar të përdorë shumë botoks. Gjatë paraqitjes së saj në “Kënga Magjike”, Albëria është dukur më e re se kurrë e kjo falë botoksit, por edhe shumë më ndryshe. Gjithsesi, ne e pëlqejmë Albërien edhe kështu, sepse ajo është një këngëtare e zonja dhe vazhdon të bëjë tendencë me muzikën e saj.

Burimi: Panorama Plus

Isi Topciu, oferta qe nga Amerika Latine deri ne Japoni

21 November 2011





Ishte në Londër, përfaqësoi shqiptarët denjësisht dhe u kthye me çmimin “Best catwalk” që jepet nga juria e spektaklit “Miss World”. Isi Topçiu rrëfen në një bisedë të shkurtër për “Panorama plus” eksperiencën e saj gjatë këtij spektakli, si dhe oferta të shumta të cilat kanë ardhur në adresë të bukuroshes. Për Isin nuk është fillestare kjo punë, pasi ajo më herët ka qenë pjesë e pasarelave në Itali, dhe ka realizuar shumë fotosesione me fotografin e njohur shqiptar, Fadil Berisha. “Unë atje kalova shumë mirë dhe mendoj që Shqipëria mori një vlerësim shumë të mirë këtë vit”, – tregon bukuroshja Topçiu, duke thënë më tej se kjo është eksperienca më e bukur që ka përjetuar në botën e artit. “Ka qenë eksperienca më e bukur që kam jetuar deri tani për sa i përket botës së modës apo artit, fitova çmimin “Best catwalk” nga juria e “Miss World” dhe hyra në “Top 20” e pastaj prej aty u zgjodhën “Top 5 modele”, si dhe “Top 10 Best designer dress”. E pyetur nëse në adresë të saj ka ardhur ndonjë ofertë pune nga ndonjë agjenci e modës, Isi tregon se për momentin është shumë e angazhuar me shkollën, por është duke shqyrtuar oferta të shumta. “Kontakte dhe oferta më kanë ardhur nga Japonia dhe nga Amerka e Jugut, por duhen vlerësuar mirë, sepse për këtë vit jam shumë e angazhuar me shkollën, ajo është gjëja primare, moda është gjithçka, por mbetet vetëm pasion”, – përfundon kështu bisedën vajza e cila përfaqësoi Shqipërinë në “Miss World 2011”, që këtë vit është mbajtur në Londër.

Burimi: Panorama Plus

[Zero Cool]

Kërkon burrë në internet
Kush do ta paramendonte se lepurusha e dikurshme e revistës erotike “Playboy”, Jenny McCarthy do të ishte aq shumë e dëshpëruar, sa dashurinë e saj të re ta kërkoj përmes ueb-faqeve të ndryshme për takime përmes internetit.





Kështu, kjo bukuroshe pasi ka dështuar që të gjejë një të dashur në botën e shoubiznesit, është regjistruar në një faqe për takime ‘on-line’.

Që kur ajo është ndarë nga i dashuri i fundit Paul Krepelka në muajin shkurt, nuk ka mundur të gjej të dashur, kështu që tani i është drejtuar faqes së internetit Match.com.

“Kam shikuar për meshkujt që më pëlqejnë mes moshës 35 dhe 48-vjeçe. Është vështirë të gjesh një mashkull. Unë jam nga Çikagoja, ku meshkujt hanë mish dhe patate.

Ata nuk e dinë se çfarë do të thotë vegjetarian”, ka thënë ajo. Ajo tani ka vendosur të kërkoj më larg për dashurinë e saj. “Nuk e kam dert nëse ai ka hundë të madhe, apo nëse ka kokën tullace.

Vetëm të jetë një mashkull i ëmbël dhe i cili është një reflektim perfekt i asaj që jam unë. Ata duhet të kenë një vend pune, në mënyrë që të kenë mundësi të paguajnë së paku një darkë dhe gjëra të tilla. Kjo është e rëndësishme”, ka thënë ajo.

[Zero Cool]

Kim Kardashian donte një burrë Italian

Kim Kardashian nuk gjen paqe. Pas dështimit të martesës së saj të shkurtër, tani ka kundër vetes edhe shtypin botëror.



Gazetat sportive, flasin për një tjetër basketbollist, të cilin Kim paska dashur për burrë. Ai është italiani Danilo Gallinari.

Bëhet fjalë për një martesë mediatike, që Kim ia ka propozuar atij.

Në një program radiofonik “Deejay chiama Italia”, në puntatën e 18 nëntorit Danilo Gallinari ka pranuar të ketë marrë këtë propozim nga show girli-i amerikan.
“Mund të them se gjithcka që keni lexuar është e vërtetë.

Unë isha në New York dhe ajo do të spostohej nga Los Angeles për tu takuar, e më pas takimi do të përfundonte me një martesë mediatike”, ka deklaruar Gallinari.

Ai më pas sqaron se “Unë e refuzova dhe ajo u martua në New Jersey me Kris Humphries. Martesa përfundoi keq ashtu sic të gjithë e dimë.”
Us Weekly shkruan se kohët e fundit burri i saj Humphries nuk e respektonte, madje e ofendonte në publik me fjalë si budallaqe, e patalentuar, etj.


ps: sipas disa informatave jozyrtare por te verteta, Kim eshte dashuruar ne nje Holandez me prejardhje Shqiptare

[Zero Cool]

Fotot e Vipave shqiptarë në prag festash





Disa prej emrave më të njohur të muzikës mbarëshqiptare janë duke pritur me padurim festat e fundvitit. Shumica prej tyre nuk ka kohë për të festuar pasi janë të impenjuar në koncerte të ndryshme bërnda trojeve shqiptare por edhe në Diasporë.

Por kurrësesi nuk kanë harruar të bëjnë fotot e tyre promocionuese për Krishtlindjet dhe Vitin e Ri.

Bukuroshet: Adelina Berisha, Adelina Ismajli, Genta Ismajli, Rovena Stefa apo Tuna, kanë publikuar fotot që kanë bërë ditët e fundit enkas për festat e shumëpritura. Cilësia e tyre është në maksimum, jo vetëm se janë bërë nga fotografë profesionistë por edhe sepse vetë këngëtaret janë në formë trupore të mrekullueshme.

Ndoshta kjo është mënyra që kanë zgjedhur për të uruar shqiptarët, dhe duhet pranuar se nuk është aspak ide e keqe.