Ja momenti kur Taulant Xhaka mbron flamurin e Shqipërisë Etnike

[Ylli-1]

Bota Sot | 24.10.2014 20:09 • Nga Gëzim Podgorica


Selia e UEFA-s, Nyon- Gjenevë


Vendimi i sotëm i Europës, sa i papritur aq edhe paradoksal, sa i turpshëm, aq edhe tendencioz.

Gjithsesi Shqipëria përsëri ka fituar. Ka fituar mbi zyrtarët e korruptuar deri në palcë të UEFA-s , ka fituar pasi padrejtësinë e verifikuar publikisht në sytë e të gjithëve, nuk mund ta fshehin rreshtat e zinj të një vendimi.
Ka fituar Shqipëria pasi duke u viktimizuar padrejtësisht, opinioni publik është i tëri në anën e saj, pavarësisht koridoreve ku prodhohen precedentët që e njollosin futbollin dhe i heqin atij motivin e madh mbi të cilin ai zhvillohet. Ne fituam jo vetëm në 41 minuta lojë e në gjithshka më pas, por fituam edhe me sfidën që aq mirë dijtën të bëjnë djemtë e kombëtres shqiptare në një stadium të mbushur i tëri me urrejte. Këtë nuk mund ta gjykojë e ta dënojë UEFA, pasi ajo nuk e ka në dorë. Këtë e di dhe e ka gjykuar një opinion i tërë i cili është shprehur në anën e shqiptarëve.

“No racism” është një logo hyrëse e ndeshjeve të futbollit që u luajtën për tre ditë me radhë në kompeticionet më të rëndësishme të Europës e inicuar nga UEFA. Por pas vendimit të sotëm kjo tregon se sa fallco është kjo logo, se sa të pavërtetë janë zyrtarët e saj, që përdorin jo dy standarte, por shumë më tepër se kaq. Ndërtesa e kristaltë e qeverisë së futbollit europian, e konstestuar në shumë drejtime prej kohësh, sot ra për tú thyer e bërë copë –copë. Besimi tek drejtësia që jep ajo ka humbur prej kohësh, por me sa duket kishte nevojë për të rënë edhe tulla e fundit që e mbante.