Femerat shqiptare- rekord per numrin e aborteve!

~AnnA~ · 01-10-09, 17:25

Femrat shqiptare mbajnë rekord në të gjithë botën për numrin e lartë të aborteve. Alarmi vjen në Ditën Ndërkombëtare të Kontraceptivëve. Shifrat edhe këtë vit vazhdojnë të flasin për njohuri fare të pakta të femrave shqiptare për parandalimin e shtatzënive të padëshiruara. Gjithçka vjen si shkak i mospërdorimit të metodave të kontracepsionit apo përdorimit të metodave të pasigurta. Të dhënat e nxjerra nga Qendra për Popullsinë dhe Zhvillimin tregojnë se përafërsisht 85 nga 100 gra me jetë seksuale aktive, të cilat nuk përdorin ndonjë metodë kontraceptive, mund të ngelen shtatzëna brenda një viti. Ndërsa në botë, më shumë se një e katërta e grave shtatzëna ose bëjnë aborte, ose kanë një shtatzëni të padëshiruar. Por për femrat shqiptare numri i lartë i aborteve të padëshiruara që ato bëjnë tregon se ato nuk kanë një kulturë seksuale.

Alarmi
Eva Sahaçi, mjeke gjinekologe në klinikën “Marie Stopes” në Tiranë shprehet: “Për disa femra në vendin tonë, të përdorësh kontraceptivë mendohet ende si turp. Ndërkohë që nuk ka asgjë të keqe ta bësh një gjë të tillë për të parandaluar një shtatzëni të padëshiruar, pasi ato duhet të mendojnë se duhet ta jetojnë jetën e tyre para se t’u japin jetë të tjerëve”. Sipas mjekes gjinekologe, prezervativi është metoda më e mirë për ta parandaluar një shtatzëni të padëshiruar, por edhe për t’u mbrojtur nga sëmundje seksualisht të transmetueshme.

Vajzat e reja
Më problematiket përsa u përket aborteve janë vajzat e reja, kryesisht adoleshentet, të cilat shpesh kryejnë një jetë seksuale të pambrojtur dhe janë pak të informuara. Dje, për prezantimin e Ditës Botërore të Kontracepsionit, Qendra Për Popullsinë dhe Zhvillimin ka organizuar një takim me mjekë gjinekologë dhe specialistë të kësaj fushe për ndërgjegjësimin e popullatës për përdorimin e kontraceptivëve. Targeti i kësaj qendre janë të rinjtë dhe gratë, të cilët duhet të jenë më të kujdesshëm për jetën e tyre seksuale, për të mos krijuar më pas aborte apo sjellë në jetë fëmijë të padëshiruar.

Zonat rurale, më të painformuarat për metodat kontraceptive
Mungesa e informacionit për metodat kontraceptive dhe abortin ka bërë që zonat rurale të jenë më të prekurat nga abortet e padëshiruara. Fushata ndërgjegjësuese për përdorimin e kontraceptivëve dhe planifikim familjar do të përqendrohet më shumë në këto zona për të ulur numrin e aborteve të padëshiruara, i cili rezulton të jetë shumë i lartë. Sipas gjinekologes Eva Sahaçi, kjo vjen si pasojë se në këto zona nuk njihen metodat kontraceptive dhe ende veprohet me metodat e dikurshme të abortit. “Në zonat rurale metodat kontraceptive përdoren pak. Kjo për arsye se metodat moderne gratë fshatare i kanë për turp që t’i përdorin. Përveç kësaj, duke qenë se janë të zëna me shumë punë, harrojnë t’i përdorin, harrojnë t’i pinë çdo natë. Ndërkohë që mosmarrja në mënyrë të rregullt shkakton probleme”, - ka pohuar më tej gjinekologia. Por të mësosh të jetosh jetën tënde para se t’u japësh jetë të tjerëve është shumë më pak sesa t’i mohosh të drejtën e jetës një krijese të pafajshme./Panorama/

roadrunner · 01-10-09, 18:38

Nuk di :S, diqka so ka me doket ne rregull

Oqeani · 01-10-09, 19:32

Fatekeqesi !!!!!

Shtrohet pyetja : Sa ishim ba athua tash ?

AlbaSoft · 01-10-09, 19:38

Me ne fund dhe ne me nje rekord.. per te ardh keq flitet qe n`kosov diku 40% abortojn femra t`pa martume.

**Murgesha** · 01-10-09, 23:02

Duhet edhe në Kosovë sa më parë të futet në shkolla Edukimi Seksual.

Urata · 02-10-09, 00:53

Pasha t'madhin Zot, dicka shume jame ligav....! Kete teme, ate te trafikimit te njerzve, Helmimet e nxensve sun po muj i lexoj....! Po m'liget trupi....!!!!!!