Të tjerët për Dr. Rugovën.

[Psikologu]

Presidenti Moisiu dhe e bija e Mirela ngushëllojnë familjen e Presidentit Rugova

Tiranë, 2 janar - Në mesazhin e ngushëllimit dërguar familjes së Presidentit Rugova nga Presidenti i Shqipërisë Alfred Moisiu dhe e bija Mirela thuhet:
- Lajmi për ndarjen nga jeta e njeriut tuaj të zemrës, mikut tim të dashur dhe Presidentit të Kosovës, Ibrahim Rugova, ka shkaktuar një dhembje të thellë tek të gjithë shqiptarët.
Nga vizita ime në Prishtinë dhe më pas nga vizita e Ibrahimit në Tiranë ruaj kujtime të paharruara, për mençurinë, urtësinë, qytetarinë, miqësinë dhe forcën udhëheqëse dhe imponuese të tij. Që nga shtatori 2005 kur Ibrahimi njoftoi për sëmundjen e rëndë, bashkë me familjen time pareshtur jam lutur për shërimin e tij. Ai nuk u dorëzua asnjëherë, me kurajo dhe vullnet të jashtëzakonshëm përballoi sëmundjen dhe e udhëhoqi Kosovën në rrugën e pavarësisë. Përvoja jetësore më ka mësuar se përballë dhimbjes që shkakton humbja e njeriut të dashur të qëndrohet me kurajo e vullnet, për ta mposhtuar atë, duke respektuar me madhështi kujtimin e njeriut tuaj të dashur, për të cilin ndjehen sot krenar Kosova dhe të gjithë shqiptarët kudo që ndodhen.
Në këto momente tragjike të gjithë qytetarët e Shqipërisë dhe unë personalisht me gjithë familjen time ndodhemi pranë jush për t?ju ngushulluar dhe dhënë forcë ta përballoni me kurajon njerëzore që meriton, humbjen e njeriut që përveçëse një prind dhe qytetar shembullor, ishte simbol i paqes, mirësisë, mençurisë dhe pavarësisë. Ibrahim Rugova i përket atyre burrave të shquar të shtetit, që me veprën, punën dhe jetën e tij ka lënë gjurmë të pashlyera në historinë e Kosovës dhe të shqiptarëve.
Edhe njëherë, në emër të popullit shqiptar, në emrin tim dhe familjes time, ndodhem pranë jush dhe Ju shpreh ngushullimet e mia më të thella, - thuhet në fund të mesazhit të Pressidentit Moisiu.

[Psikologu]

Shtypi perëndimor për figurën e Presidentit Rugova

Prishtinë, 22 janar - Gazetat më të mëdha perëndimore kanë shprehur vlerësimet më të larta për figurën politike të Presidentit Rugova. Të gjitha ato vlerësojnë se vdekja e Dr. Rugovës lë një zbrazëti të madhe në skenën politike
të Kosovës, në një periudhë vendimtare për të ardhmen e Kosovës.
Nju Jork Tajms: "Rugova, i cili vdiq në moshën 61 vjeçare, është konsideruar si baba i kosovarëve".
Vashington Tajms: "Vdekja e Presidentit Rugova e lë politikën Kosovare në udhëkryqin më të rëndësishëm pas luftës".
San Francisko Kronikëll: "Rugova ka qenë udhëheqës dhe figura më përfaqësuese e popullit të Kosovës në arenën ndërkombëtare për pothuaj dy dekada".
Dejli Mirror: "Rugova ishte ikona e pavarësisë së Kosovës. Vdekja e tij ka lënë një vakuum të madh në politikën kosovare, në prag të bisedimeve finale për pavarësi, për çka Rugova ka punuar aq shumë".
Herald Tribjun: "Rugova ka qenë figura shumë e respektuar në qarqet ndërkombëtare, për shkak të politikës së tij të rezistencës paqësore ndaj represionit të regjimit të Millosheviqit".
Zydojçe Cajtung: "Ibrahim Rugova ka qenë symbol i rezistencës dhe i aspiratave të shqiptarëve të Kosovës për pavarësi".
Di Velt: "Rugova ka qenë një lider konstruktiv dhe njeriu i cili pritej të kishte rol kyç në bisedimet që duhet të fillonin të mërkurën, në Vjenë. Udhëheqja politike kosovare ka përpara një sfidë të rëndë, atë të gjetjes së pasardhësit të Rugovës, si President dhe si udhëheqës të ekipit negociator për bisedimet me Beogradin zyrtar".
Frankfurter Allgemajne: "Rugova vdiq pak kohë para se të realizohej ëndërra e tij për Kosovën e pavarur".

[Psikologu]

Telegrame të shumta dhembjeje e pikëllimi për humbjen e pakompensueshme të Presidentit Rugova

Prishtinë, 22 janar - Me rastin e lajmit të hidhur për vdekjen e simbolit të Pavarësisë së Kosovës, dr. Ibrahim Rugova po arrijnë telegrame të shumta anembanë botës shqiptare dhe nga e gjithë bota. Në të gjitha këto telegrame ngushëllimi drejtuar familjes Rugova, Presdiendcës dhe të gjitha institucioneve të Kosovës, shprehte dhembje e pikëllim.
"Më lejoni qe ne emerin tim personal dhe ne emer te kryesise se LDK-se-Dega ne Çikago, t'ju percjell ngushllimet me te sinqerta me rastin e vdekjes se Presidentit te Kosoves dr.Ibrahim Rugova.Me vdekjen e dr. Rugoves, Lidhja Demokratike humbi themeluesin e saj, Kosova humbi Rresidentin e pare historik dhe vizionarin e Pavaresise se saj,kurse familja humbi me te dashurin dhe me te vyeshmin .
Shoqata "Shpetimi" nga Banja e Siarinës komuna e Medvegjës, Shoqata e pavarur humanitare "Medvegja nga Zvicra(SHPH), Këshilli nismëtar i Partisë Politike, Lidhja Demokratike për Integrim, me dhembje të thellë morëm lajmin e hidhur për vdekjen e njeriut të demokracisë moderne, mungesën e tij përveç që do ta ndiej e gjithë Kosova, dhe e gjithë shqiptaria, do ta ndiej edhe e gjithë Bashkësia Ndërkombëtare, Rexhep Abazi, kryetar

Dega e LDK-së në Kanada, Shoqata Shqiptare-Kanadeze Kosova: Me vdekjen e Presidentit Dr. Rugova Kosova humbi njeriun më të dashur dhe vizionarin e paqës dhe pavarsisë, njeriun më të madh që ka pasur ndonjë herë. Dr. Rugova e ngriti qështjen e Kosovës në piedestalin më të lartë ndërkombtar. Në këto momente kur po vendoset e ardhmja historike e Kosovës ne duhët të jemi të bashkuar dhe të arrijmë misionen e filluar nga Presidenti Dr. Rugova me njohjen formale të pavarsisë së Kosovës.

Kosova humbi burrshtetasin e madh dhe simbolin e Pavarësisë së Kosovës
Dega e Lidhjes Demokratike të Kosovës për SHBA: Lajmin për vdekjen e Presidentit të Kosovës, Dr. Ibrahim Rugova, e morëm me tronditje të thellë, sepse Kosova sot humbi burrshtetasin e madh, njeriun e vizionit historik për Kosovën, njeriun dhe heroin e paqes, simbolin e Pavarësisë së Kosovës.
Pikëllimi, tronditja e dhembja për humbjen e tij na goditën thellë, sepse me humbjen e Presidentit të Pavarësisë, Kosova humbi njeriun dhe udhëheqësin, i cili, me frymën e mendimit e të veprimit të tij integrativ, me këmbënguljen e qëndresen e pashembullt, me guximin e vizionin e atdhetarit të pashoq, nuk u ndal asnjëherë në përpjekjet e tij për realizimin e pavarësisë, të demokracisë e të sovranitetit të Kosovës.
E nderuara familje, pranoni ngushëllimet tona më të thella për humbjen e njeriut Tuaj, për humbjen e njeriut i cili nuk është vetëm i Juaji, por edhe i joni, njeriu i Kosovës dhe i ëndrrës së saj për pavarësi e demokraci.
E nderuara Presidencë, pikëllimi juaj për humbjen e njeriut dhe të burrështetasit të madh, i cili ju la në kohën kur Kosovës më së shumti i duhej urtia dhe vizioni i personalitetit të fuqishëm, është pikëllim edhe për ne, që humbëm njeriun e qëndresës e të frymës së bashkëpunimit, njeriun i cili jetoi me idealin e pavarësisë.
E nderuara Kryesi e Lidhjes Demokratike, ndajmë me ju dhembjen e thellë për humbjen e udhëheqësit, të personalitetit i cili me jetën e me veprën e tij, me frymën e tij atdhetare, mbolli, kultivoi, zhvilloi dhe e shpuri në prag të realizimit të plotë pavarësinë e Kosovës.
Në këtë ditë të tronditjes së thellë të përmasave kombëtare, në këtë ditë kur nga ne u nda Presidenti ynë pa e parë të sendërtuar plotësisht ëndrrën e tij jetësore, të cilës iu përkushtua me gjithë potencialin e tij, vepra e Presidentit tonë mbetet vetëm një ndarje fizike nga ne nëse ne i përkushtohemi deri në fund rrugës e vizionit të tij, nëse sendërtojmë ëndrrën dhe amanetin e tij për pavarësinë, demokracinë dhe sovranitetin e Kosovës, Agim Rexhaj, kryetar.

Shoqata shqiptare "Bashkimi" me seli në Turku të Finlandës: "Shprehim ngushëllime dhe ndajmë dhembjen e madhe me familjen Rugova dhe me të gjitha institucionet dhe qytetarët e Kosovës, për vdekjen e ideologut dhe njeriut të madh.
Grupi istudentëve shqiptarë në San Antonio, Texas-SHBA: - Me pikëllim të thellë morëm lajmin për vdekjen e Presidentit Ibrahim Rugova. Shpresojme se ideali i Ibrahim Rugoves per Kosoven si shtet i pavarur do të realizohet shumë shpejt".

Shqiptarët humbën liderin më të madh të lëvizjeve demokratike ns hapësirën shqiptare
Kryesia e Komunitetit Shqiptaro-Amerikan në Illinois të Çikagos: "Kosova humbi Presidentin e parë historik të saj, kurse shqiptarët humben liderin më të madh të lëvizjeve demokratike në hapsirën shqiptare në Ballkan, por jo edhe idene e levizjes se tij -Pavarësinë e Kosovës. Luten institucionet e Kosovës bashkë me grupin negociator, që amanetin e Presidentit ta çojmë ne vend".

Partia Nacional Demokratike Shqiptare e Kosovës: Presidenti Rugova ishte një figurë e shquar kombëtare, personaliteti i të cilit shquhej për nga vendosmëria dhe toleranca. Vdekja e z. Rugova për një kohë do të jetë zbrazëti në politikën e Kosovës e edhe më gjatë, do të jetë vrimë në shpirtin kolektiv shqiptar, Rexhep Abdullahu, kryetar.
Reagimet në Suedi – Malmë: Lajmi për vdekjen e Presidentit të Kosvës, dr Ibrahim Rugova është pritur me pikëllim të thellë në mesin e shqiptarëve që jetojnë në Suedi. Vdekja e dr Rugovës është humbje e madhe jo vetëm për familjen e tij, por për mbarë kombin dhe diasporën shqiptare.
Informacionet për vdekjen e Presidentit Rugova, qysh në mesditë kanë zgjuar interesim tejet të madh në masmediat e këtushme. Ky lajm ishte ekskluziv për të gjitha mediat suedeze. Ndërkaq në mediat elektronike, krahas lajmit për vdekjen transmetohej edhe biografia e dr Rugovës e shoqëruar me fotografitë e tij, duke theksuar se ai ishte një burrë i madh me përmasa ndërkombëtare. Posaqërisht veqohej durimi dhe angazhimi I tij deri në castin e fundit për paqe, Ramadan Reshitaj, gazetar.
Dega e Formimit Rinor të LDK-së në Olten të Zvicres: Sot u tubuam në Olten për të shënuar njërin nga manifestimet më të rëndësishëm,kushtuar dëshmorve të rënë për Lirinë dhe pavarsinë e Kosoves. As më së paku nuk kishim pritur se pabesisht do ta mernim lajmin më të hidhur për vdekjen e Presidentit te Kosoves Dr.Ibrahim Rugova. Mjerisht ky manifestim i yni shndërrua në tubim komemorativ, kushtuar dr.Ibrahim Rugoves, Remzi Durmishi, kryetar.
Kryesia e Degës së LDK-së në Britani të Madhe: Me dhembje dhe pikellim te thellë morëm lajmin e hidhur per vdekjen e Presidentit të Kosovës Dr. Ibrahim Rugova. Vdekja e Presidentit është humbje e madhe për popullin e Kosovës në këto momente vendimtare për të ardhmen tonë. Vepra, menquria, urtësia dhe vizioni i Dr. Ibrahim Rugovës janë udherrëfim dhe inspirim per te gjithë ne per ndrtimin e Kosovës shtet te pavarur dhe demokratik ashtu siç e deshti Presidenti Rugova.
Vdekja e Presidentit Rugova është një humbje e madhe për Kosovën
Beselidhja Kombëtare Demokratike Shqiptare: - Konsiderojmë se vdekja e Presidentit Rugova është një humbje e madhe për Kosovën në momentet më të rëndësishme të saj. Familjes dhe bashkepunetoreve të tij I dëshirojmë forcë për të përballuar këtë humbje dhe kurajo për të shkuar më tutje, për të kurorëzuar me sukses përpjekjet e dr. Rugoves përgjatë gjithë kohës sa qëndroi në krye të proceseve politike të Kosovës, Emin Fazlija alias Emil Kastrioti, Gjermani.
Telegram ngushëllimi ka dërguar edhe Hazir Vlashi nga Los Angeles.
Kryesia e Degës së Tretë të LDK-së-Prishtinë: Humbja e Presidentit Rugova e vizionarit dhe strategut të Paqes dhe Pavarësisë së Kosovës – Presidentit të Kosovës, dr. Ibrahim Rugova, është e pakonpenzueshme.
Jemi krenar që e patëm prijës në rrugëtimin tonë të gjatë drejt Lirisë, Pavarësisë dhe Demokracisë së Kosovës. Urtia dhe filozofía politike me të cilën na priu do të jetë udhërrëfyes dhe amanet për realizimin e synimeve tona madhore – Pavarësinë e plotë të Kosovës, Hajrus Bajraliu, kryetar.
Telegrame ngushëllimi kanë dërguar edhe shqiptaret nga Houstoni i Texasit, SHBA dhe familja e Xhemajl Kastratit nga Zvicëra.

[Psikologu]

Ministri Veliu: Presidenti Rugova, për 16 vjet rresht, u bë kurorë e përpjekjeve të pandalshme të shqiptarëve për liri dhe pavarësi

Prishtinë, 22 janar - Presidenti Rugova, për 16 vjet rresht, u bë kurorë e përpjekjeve të pandalshme të shqiptarëve për liri dhe pavarësi. Vepra dhe vizioni i Presidentit Rugova, mbeten udhërrëfyes në rrugën për lirinë dhe pavarësinë e
vendit. Në këtë rrugë të gjatë dhe nën udhëheqjen e Presidentit tonë, arsimi në Kosovë u bë strumbullar i qëndresës dhe shtyllë e shtetësisë së Kosovës.
Në këto çaste dhembjeje të madhe, ne jemi pranë Jush, me lutjet e thella për njeriun e madh dhe burrshtetasin e Kosovës dhe të shqiptarëve, - thotë Agim Veliu, ministër i Arsimit Shkencës dhe Teknologjisë.

Forumi i Gruas: Presidenti Rugova ishte diplomat dhe politikan me përmasa kombëtare e ndërkombëtare
"Me pikëllim të thellë dhe dhimbje të madhe morëm lajmin e zi për vdekjen e kryetarit tonë të dashur, Dr. Ibrahim Rugova. Gjatë jetës së tij si shkenctar, kryetar, diplomatë dhe politikan me përmasa kombëtare e ndërkombëtare përballoi sa e sa pengesa, pothuajse të pakapërcyeshme vetëm e vetëm që të realizojë idealin e tij jetësor, Pavarësinë e Kosovës. Sëmundja e tij e rëndë dhe kobëzezë e mori para kohe, para se ta kurorëzonte Pavarësinë e Kosovës, që aq shumë e dëshironte dhe për të cilën punoi me përkushtim të madh, pa kursyer as mundin e as jetën e Tij.
Forumi i Gruas i Lidhjes Demokratike të Kosovës i shpreh ngushëllime familjes Rugova për humbjen e më të dashurit të tyre dhe njëkohësisht tërë popullit të Kosovës dhe miqve te Tij, për humbjen e Presidentiti shumë të çmuar dhe kolosit të përmasave të gjëra.

Presidenti Rugova shënoi një epokë të tërë të ndërtimit të vizionit për Kosovën shtet të pavarur e demokratik
Dega e Dytë e LDK-s “Qyteti i Vjetër” në Prishtinë: - Kryesia e Degës së Dytë të LDK-së “Qyteti i Vjetër në Prishtinë, Forumi i Rinisë, Forumi i Gruas të kësaj dege me pikëllim të thellë e morën lajmin për ndarjen nga jeta të Presidentit të Kosovës, Dr.Ibrahim RUGOVA. Presidenti Rugova do të mbetet si njeriu që shënoi një epokë të tërë të ndërtimit të vizionit për Kosovën shtet të pavarur e demokratik. Vepra e tij e madhe shënon historinë më të ndritur të Kosovës moderne.
Vizioni dhe idealet e Presidentit Rugova do jenë shembull frymëzimi për ne dhe brezat që do të vijnë pas nesh, Qemajl Ahmeti, kryetar.

Lajmi për vdekjen e Presidentit Rugova na preku në shpirt

Shoqata shqiptaro amerikane "Motrat Qiriazi" në Nju-Jork: Lajmi për vdekjen e Presidentit Rugova na preku në shpirt.Antarët, bordi dhe stafi i Shoqates Shqiptaro Amerikane -Motrat Qiriazi- në Nju-Jork jemi shumë të piklluar për humbjen e liderit ton; të shquar dhe njeriut të paqës.
Motrat dhe nënat qe patën rastin ta njohin në Neë York dhe të inspirohen nga Presidenti Rugova, mësuan shumë nga ai, dhe do ta kujtojnë me mallë e dashuri. Ai ishte i ndjeshëm ndaj çështjes së gruas dhe gjithmonë e përkrahu shoqaten tonë, dr.Anna Kohen Presidente, Shqipe Malushi, drejtoreshë ekzekutive.
Një telegram të ngjashëm e ka dërguar edhe mërgimtari nga Gjermania, Milazim Kajtazi

Presidenti Rugova ishte dhe mbetet emblema e përjetshme e synimeve tona shekullore

Udhëheqja e Kuvendit komunal të Vitisë: - Vdekja e Presidentit të Kosovës, Ibrahim Rugova, në momentet aktuale të proceseve të rëndësishme të vendimmarrjeve politike për statusin e ardhshëm të Kosovës, është një moment i rëndë, të cilin qytetarët dhe institucionet duhet ta kalojnë me dinjitet dhe pjekuri njerëzore e politike.
Ai ishte dhe mbetet emblema e përjetshme e synimeve tona shekullore.
Kosova humbi jo vetëm Presidentin e saj, por edhe njeriun e politikanin më vizionar dhe vepra e tij do të mbetet përherë në kujtesën e kombit shqiptar, thuhet vec tjerash, në telegramin e ngushëllimit të kryetarit të Kuvendit komunal Musa Misini.


Dr.Ibrahim Rugova ishte dhe mbeti frymëzim i atdhedashurisë dhe i pavarësisë se gjithë shqiptarisë

Klubi Shqiptar “Verrat e Llukës”, dhe LDK-së, Nëndega në Hamburg mbajti mbledhje komemorative nw nderim tw Presidentit të Kosovës, ku vec tjerash u tha: dr.Ibrahim Rugova. “Lajmi i hidhur që dëgjuam, na bëri me dije që humbëm njeriun më të madh të historisë se re të popullit shqiptar. Çdo humbje është e vështirë në çdo kohë që të ndodhë, por koha e ndarjes së Rugovës nga Kosova dhe nga gjithë shqiptarët, kur Kosova ndodhet në prag të pavarësisë e bën vdekjen e tij veçanërisht të dhimbshme”.

Bashkatdhetarët nga Obendorfi të pikëlluar për vdekjen e presidentit Rugova

Dr.Ibrahim Rugova ishte dhe mbeti sinonim i rrugës së mirëfilltë që Kosovën dhe qytetarët e saj i shpie drejt paqes, lirisë së përhershme dhe sovranitetit e prosperitetit të gjithmbarshëm, në familjen e madhe Evropiane dhe Verioantlantike”, thonë në telegramin e ngushëllimit bashkatdhetarët tanë nga Obendorfi në Gjermani.

Rugova ishte i vetmi shqiptar i këtij shekulli që u njoh si burrwshtetas
Akademia Shqiptaro–Amerikane e Shkencave: Prof. dr. Agron Fico, i cili, drejtoi prememorjen tha se "na mblodhi ky rastë i hidhur t’i përcjellim edhe ne popullit të Kosovës, presidencës së saj ngushëllimet tona më të sinqerta. Vdekja e Rugovës në këto momente, është një humbje e madhe, tha ai që populli shqiptarë do të dijë t'a kapërcejë. Kryetari i Akademisë Shqiptaro - Amerikane të Shkencave Prof.dr.Skënder Kodra u shpreh se ai më shumë ndoshta se kushdo e ka përjetuar këtë dhembje.
"Me Rugovën, njihem që në ditët e para kur ai i'u fut politikës në Kosovë. Ai ishte i vetmi shqiptar i këtij shekulli që u njoh si burshtetas".
Donika Temo - poete, thotë se ashtu siç është kjo ditë e vrejtur dhe me shi - ashtu janë edhe zemrat e shqiptarëve sot, me lot dhe dhimbje të madhe. Rugova ishte një figurë e madhe shqiptarizimit. Iliriana Sulkuqi, shkrimtare thotë se "Rugova veq një udhëheqësi largëpamës, është edhe një akademik i madh, një shkrimtar i madh, një politikanë i madh". Dardanesha Gashi - intelektuale shprehet: "Rugova edhe gjithënjë e duke u lartësur. Deri sa u bë figurë qëndrore në jetën politike shqiptare. Rugoa ishte një njeri i cili i duhej shumë Kosovës - njeri me mendim të qartë politik, me urtësi njësojë siç janë burrështetasit e vërtet.". Dr. Atrim Marku : " Rogova, është një kolos i madh. Ai renditet ndër figurat më madhështore që ka kombi ynë - vdekja e tij është vetëm vdekje fizike pasi që në zemrat e mendjet e shqiptarëve ai do të jetojë gjithmonë". Tom Paloka, gazetarë: "Rogova ishte njeriu që gjithë jetën e tij ja kushtojë Kosovës - Pavarësisë së saj. Edhe, pse disa u munduan të hedhin baltë mbi "kështjellën" e tij filozofike të lirisë e pavarësisë së Kosovës, ajo mbeti e pastër si drita e diellit".
Dr Adem Harxhi:" Rogova laujti një rol jashtëzakonishtë të madh që e solli Kosovën në këtë ditë - që ajo të jetë e lirë dhe të shohë sa më afër Pavarësinë e saj.
Shoqëria për të drejtat e njeriut “Çameria”: Presidenti Rugova ia dedikoi jetën lirise dhe panvaresise se Kosoves. Dedikimi i tij ishte i pashembullt per realizimin perfundimtar te endrres të t; gjithe shqiptareve per nje Kosove të lirë, thonë në këtë telegram ngushëllimi, kryetar Ahmet Giaffo dhe sekretarjaVera Gjata.

[Psikologu]

Ngushëllime për vdekjen e simbolit të lirisë dhe pavarësisë së Kosovës

Prishtinë, 22 janar - Ministria e Pushtetit Lokal thotë se lajmi për vdekjen e presidentit Rugova, ishte lajmi më i pikëllueshëm që e kishte marrë. "Në këtë rast ne shprehim nderimin dhe respektin e thellë për simbolin e lirisë dhe pavarësisë së Kosovës. Dr.Rugova punoi shumë që institucionet e shtetit të Kosovës të themelohen e të forcohen për t'i shërbyer vendit dhe qytetarëve të saj. Unë dhe stafi i ministrisë do të punojmë më tepër se kurrë me përkushtim të palëkundshëm për vazhdimin e rrugës së trasuar nga prijësi dhe Presidenti historik në realizimin e plotë të pavarësisë dhe shtetit demokratik të Kosovës", thuhet në telegramin e kësaj ministrie drejtuar familjes Rugova, LDK-së dhe institucioneve e qytetarëve të Kosovës.

[Psikologu]

Kosova ka humbur burrin më të madh të Kosovës së re, thotë zëvendësministri Hajdaraj

Prishtinë, 22 janar - Ministria e Bujqësisë, përatësisht zëvendësministri i saj, Tomë Hajdaraj, ngushëllon familjen e Presidentit Rugova, Institucione të Kosovës, Presidencën e Kosovës dhe LDK-në.
"Me vdekjen e Presidentit të Kosovës, dr.Ibrahim Rugova, Kosova ka humbur burrin më të madh të Kosovës së re, njeriun që e shkroi historinë e Kosovës së Pavarur.
Kumti i zi mbi vdekjen e njeriut të madh të Kosvës, dr. Ibrahim Rugova ishte jehu më i rëndë i shekullit të ri, ishte dhe mbetet dhembja më e madhe e popullit të Kosovës. Populli i Kosovës humbi njeriun më të madh të kohës së re të Kosovës, personalitetin i cili i ngjalli dhe i ndërtoi shpresat e shqiptarëve të Kosovës, për liri, demokraci e pavarësi. Dr. Rugova ishte arkitekt i pavarësisë së Kosovës dhe burrështetas me cilësi të larta njerëzore e kombëtare", thuhet ndër të tjera në telegramin e ngushëllimit të zëvendësministrit Hajdaraj.

[Psikologu]

LDK në Austri: Populli i Kosovës humbi ikonën e pavarësisë së Kosovës

Prishtinë, 22 janar - Lidhja Demokratike e Kosovës, dega në Austri i ka dërguar telegram ngushëllimi kryetarit të Kuvendit të Kosovës, z.Nexhat Daci, Kryesisë së Lidhjes Demokratike të Kosovës, familjes Rugova dhe qytetarëve te Kosovës. “Populli i Kosovës humbi personalitetin më të rëndësishëm të historisë së Kosovës, vizionarin, humanistin e madh, Ikonën e Pavarësisë së Kosovës... Presidenti Dr. Ibrahim Rugova i vuri themelet e shtetit të Pavarur të Kosovës dhe e miqësoi Kosovën me SHBA-të dhe shtetet demokratike të Evropës", thuhet ndër të tjera në telegramin e kësaj dege të LDK-së.

[Psikologu]

Rojters e AP thonë se Presidenti Rugova nuk ka ndonjë trashëgimtar të qartë Londër, Uashington, 22 janar - "Vdekja e Rugovës i lë pa lider shqiptarët, të cilët përbëjnë 90 përqind të popullsisë së Kosovës, në prag të fillimit të negociatave për statusin final", shkruan agjencia e lajmeve Rojters.
"Rugova, i cili ka qenë udhëheqës i fuqishëm e karizmatik, nuk ka ndonjë trashëgimtar të qartë, si President apo si udhëheqës i ekipit negociator të Kosovës", shkruan kjo agjenci.
"Fuqitë e mëdha e kanë bërë të qartë se dëshirojnë zgjidhe të statusit brenda këtij viti", shkruan Rojters, duke përkujtuar se Serbia insiston që Kosova të jetë pjesë e saj dhe assesi të jetë e pavarur, ndërsa shqiptarët e përjashtojnë mundësinë e kthimit në Serbi.
"Pritet që diplomatët perëndimorë t'i drejtojnë negociatat drejt një forme të pavarësisë, nën mbikëqyrje të vazhdueshme ndërkombëtare, gjatë disa viteve të ardhshme", shkruan Rojters.
Agjencia e lajmeve Asoshieted Pres shkruan se vdekja e Presidentit Rugova ka lënë një vakuum të madh në skenën politike të Kosovës, duke shtuar se skena politika kosovare nuk është e bashkuar në prag të bisedimeve për statusin e Kosovë. Ajo përkujton se liderët ndërkombëtarë kanë bërë thirrje për qetësi dhe unitet, duke shprehur dronë se vdekja e Presidentit Rugova mund të shkaktojë destabilizimin e situatës në Kosovë.

[Psikologu]

Fatos Nano: Vdekja e Rugovës, humbje e një figure të shquar e kombit shqiptar

Tiranë, 22 janar - Për vdekjen e Presidentit Ibrahim Rugova, ish- kryeministri i Shqiperise Fatos Nano ka shprehur solidaritetin dhe dhimbjen e tij, per familjaret, miqte dhe gjithe popullin e Kosoves.
"Eshte nje humbje e madhe jo vetem per familjaret, klasen politike dhe popullin e Kosoves, por dhe humbje e nje figure te shquar e kombit shqiptar i cili me filozofine e tij ka personifikuar integrimin dhe shpirtin e bashkejeteses, eshte humbja e simbolit te pavaresise kosovare, i cili beri gjithcka per te ruajtur konsensusin brenda dhe jashte Kosoves", tha Nano.

[Psikologu]

P.Majko: Rugova -monument i të kaluarës dhe të ardhmes së Kosovës

Tiranë, 22 janar - Pandeli Majko, sekretar i Përgjithshëm i Partisëa Socialiste shprehu dje ngushëllimet për vdekjen e Presidentit të Kosovës, Ibrahim Rugova.
"Vdekja e Presidentit të Republikës së Kosovës Ibrahim Rugova padyshim është një moment tepër i vështirë, jo vetëm për Kosovën, jo vetëm për momentet që po kalon ajo tani, por në raste të tilla dhimbjeje, kufiri midis Shqipërisë dhe Kosovës pothuajse kthehet në inekzistent. Rugova mbetet një nga ata misionarë, të cilët patën guximin të bëjnë aktin e madh të fillimit të atij procesi të jashtëzakonshëm historik që po merr formë dalëngadalë mes vështirësive të panumërta nga të cilat sot në vdekjen e tij ne kemi të drejtë ta kujtojmë këtë misionar me respektin më të thellë. Partia Socialiste u shpreh ngushëllime familjarëve të zotit Rugova, të afërmve të tij, gjithë popullit të Kosovës. Vdekja e zotit Rugova siç e thashë mbetet një moment i vështirë, por Kosova dhe kosovarët i kanë borxh Ibrahim Rugovës jo vetëm thjesht homazhet, por jam i bindur se i kanë borxh edhe amanetin e tij, pavarësinë e Kosovës. Edhe një herë dëshiroj të them që jo vetëm si përfaqësues i PS së në këtë ditë të vështirë për Kosovës dhe gjithë popullin shqiptar, dëshiroj të shpreh ngushëllimet. Sot Partia Socialiste ngrin gjithë veprimtarinë e vet politike. Ne jemi në pritje edhe të vendimmarrjes përkatëse edhe nga Presidëenti i Republikës në këtë moment të vështirë. Gjendemi përkrah njerëzve tanë në Prishtinë. Do të jemi sigurisht edhe atje. Vdekja e zotit Rugova është një nga ato vdekje, të cilat datojnë momente historike të rëndësishme pikërisht për shkak të punës dhe kontributit të njerëzve të tillë si Rugova. Padyshim tani në Kosovë fillon ajo që quhet faza post Rugovë, por Rugova padiskutim mbetet një monument i të kaluarës dhe të ardhmes së Kosovës.

[Psikologu]

Gazetat e Prishtinës me numra specialë kushtuar Presidentit Rugova

Prishtinë, 22 janar - Shtypi i sotëm i Prishtinës i kushton hapësirë të gjerë ndarjes nga jeta të Presidentit të Kosovës Dr. Ibrahim Rugova. Nga gjashtë gazetat që kanë dalë sot, katër kanë dalë me botim të jashtëzakonshëm sepse sot të dielave nuk botohen.
E përditshmja Bota Sot, 22 faqe ia kushton vdekjes së Presidentit, ndërsa në faqen e parë përmban këta tituj:
"Presidenti Ibrahim Rugova nuk është më, kombi shqiptar mbeti jetim"; "Presidenti i Kosovës, Dr. Ibrahim Rugova ndërroi jetë".
Gazeta Zëri, numrin e sotëm të jashtëzakonshëm, që ka dalë me 24 faqe, ia kushton vdekjes së Presidentit, ndërsa në faqen e parë përmban këta tituj: "Vdiq Presidenti i Kosovës, Ibrahim Rugova". "Shtetbërja si trashëgimi historike"; "Pesë ditë zie kombëtare"
E përditshmja Koha ditore, 11 faqe ia kushton vdekjes së Presidentit, ndërsa në faqen e parë përmban këta tituj:
"Pesë ditë zie në Kosovë, tri ditë në Shqipëri";
"Liderët nga Evropa e SHBA-ja, ngushëllojnë për Rugovën";
"Kosova humbi Presidentin në finale të Pavarësisë";
Koment i botuar nga Tim Xhuda: "Ndërron jetë arkitekti i Kosovës së pavarur". "Njeriu i cili ka luajtur një rol të rëndësishëm në drejtimin e Kosovës drejt pavarësisë do të përkujtohet me respekt do t'i mungojë shumicës së shqiptarëve të Kosovës", shkruan Xhuda.
Gazeta Lajm, ka dalë me një numër special dhe gratis, ku tetë faqet e saj ia kushton vdekjes së Presidentit. Në faqen e parë përmban: "Burrështeti (1944 – 2006)".
"Ndërroi jetë Presidenti i Kosovës, Dr. Ibrahim Rugova: "Kolosi i brishtë i Kosovës".
Po ashtu e përditshmja Express, në numrin special që përmban 24 faqe ia kushton jetës dhe veprës së Presidentit Rugova. Ndërsa, në faqen e parë paraqet fotografin e Presidentit me titull “Epoka e Rugovës (1989 – 2006) "Lamtumirë, Marathanomak!"; Kai Eide: "Gjiganti ndërroi jetë". Medlin Ollbrajt: "Mbajmë zi".
Ndërkaq Kosova Sot, në edicionin special 11 faqe ia kushton vdekjes së Presidentit, ndërsa në faqen e parë përmban këta tituj: "Kosova humb liderin". "Po tani". "Vdekja e Profetit"
"Shtyhen bisedimet".

[Psikologu]

Akademia e Shqipërisë ngushëllon ASHAK-un për humbjen e shkencëtarit dhe eruditit dr.Rugova

Prishtinë, 22 janar - Akademinë e Shkencave dhe të Arteve të Kosovës me një telegram e ka ngushëlluar Akademia e Shkencave të Shqipërisë, në të cilin i shpreh dhimbjen e thellë për vdekjen e parakohshme të dr.Ibrahim Rugovës, Presidentit të Kosovës.
"Emri i Ibrahim Rugovës do të jetë gjithmonë i skalitur me gërma të arta në faqet e historisë së kombit tonë si themelues i Republikës së pavarur të Kosovës, që ai nuk arriti ta shohë të realizuar", thuhet në telegram.
"Me vdekjen e Ibrahim Rugovës humbëm edhe shkencëtarin e talentuar dhe erudit, anëtarin korrespondent të Akademisë së Shkencave dhe të Arteve të Kosovës, njeriun që bashkoi përkushtimin për çështjen e popullit të vet me pasionin dhe punën e palodhur në fushën e shkencës", thuhet ndër të tjera në këtë telegram të nënshkruar nga kryetari Ylli Popa.

Deklarata pas mbledjes komemorative të ASHAK-ut

Sabri Hamiti: Prijësi i luftës për liri të Kosovës ishte dijetar i madh, që është formula e prijësve të mëdhenj shqiptarë në dy shekujt e fundit
"Sot jemi mbledhur këtu për ta përkujtuar presidentin Rugova si anëtar të Akademisë së Shkencave dhe të Arteve të Kosovës. Të gjithë ata që e njohin kulturën shqipe, duhet ta dinë dhe unë besoj që e dinë, që Rugova është ta quaj një nga anëtarët më të fortë të asaj që unë e quaj Qarku Kulturor i Prishtinës, që ishte themeluar në fund të viteve të 60-ta dhe që kishte të bënte me thellimet e studimeve shqiptare, si studime autentike, dhe lidhjen e kulturës shqiptare me kulturën moderne perëndimore. Në këtë vijë ai ka krijuar protretin e fuqishëm të dijetarit të kulturës shqiptare, dhe të kulturës përgjithësisht. Pra, ne sot këtu e kujtojmë Rugovën si dijetar të madh. Dhe natyrisht prijësi i luftës për liri të Kosovës nuk kishte si të dilte pos si dijetar i madh dhe kjo është faktikisht matrica, ose do të thosha unë formula e prijësve të mëdhenj shqiptarë në dy shekujt e fundit.

Esat Stavileci: E dallonte qëndrimi njerëzor, guximi intelektual, maturia politike

"Kam çmuar qëndrimin e tij prej njeriu, kam çmuar në mënyrë të veçantë guximin prej intelektuali, e kam çmuar maturinë prej politikani. Ndoshta vetëm e ardhmja do të dëshmojë se cili ishte dhe cila ishte figura e Ibrahim Rugovës. Duke qenë edhe vetë pjesë e dhembjes i dërgojë ngushëllimet më të sinqerta familjes Rugova dhe gjithë popullit të Kosovës dhe popullit shqiptarë në përgjithësi".

[Psikologu]

Shuarja e dijetarit, prijësit frymëgjatë për pavarësi është humbje e jashtëzakonshme për të gjithë, tha akad.Ismajli

Prishtinë, 22 janar - Akademia e Shkencave dhe Arteve të Kosovës (ASHAK), ka përkujtuar sot në lokalet e saj anëtarin e saj të nderuar dhe njërin nga studiuesit dhe personalitetet më të shquar të letësrisë dhe përgjithësisht kulturës shqiptare dr.Ibrahim Rugovën, presidentin e Kosovës.
"Shuarja e dijetarit, studiuesit të letrave dhe të kulturës, personalitetit të shquar të botës shqiptare, anëtarit të ASHAK, bartësit të shumë çmimeve e dekoratave ndërkombëtare për paqe, doktor honoris causa të universiteteve të Parisit VIII dhe të Tiranës, prijësit frymëgjatë të lëvizjes për emancipimin dhe çlirimin, për pavarësimin e Kosovës dhe për krijimin e shtetit të pavarur të saj, personalitetit të çmuar për shpalosjen dhe begatimin e vlerave evropiane, dr. Ibrahim Rugovës është humbje e jashtëzakonshme për të gjithë", tha akad.Rexhep Ismaili në fillim të fjalës së tij.
Ismaili përkujtoi se Ibrahim Rugova u shfaq në jetën publike qysh në vitet 1967-1968. "Qysh në shkrimet e para ai manifestoi qartë mëvetësinë dhe pavarësinë e vështrimit dhe të gjykimit, autonominë personale në fushën e kritikës dhe të interpretimit letrar. Në vitet '80 të sh. 20 ai shquhej me hulumtimin historiko-letrar albanistik, me vlerësimin kritik të tendencave për klasifikime dhe përgjithësime lidhur me rrjedhat e mendimit dhe të shkrimit shqip", tha akad.Ismaili. Ai tha se në më pak se dy dekada ai arriti të bëhej ndër figurat e rëndësishme të studimeve letrare në albanistikë, në fushën e kritikës dhe të interpretimit letrar në botën shqiptare. Ai tha se dr.Rugova me veprimtarinë studimore në fushë të letrave e të kulturës shqiptare Rugova "shënoi rritje të cilësisë së atyre studimeve e njëherësh ndikoi në çlirimin e opinionit në ato fusha nga shtrëngesa të ndryshme ideologjike të kohës".
"Rrezatimet e tij çliruese intelektuale u përhapën përmes veprave të tij, përmes projekteve hulumtuese, udhëheqjes së revistave shkencore e kulturore dhe Shoqatës së Shkrimtarëve të Kosovës", tha ai. Akad.Ismaili tha se dr.Rugova kishte depërtuar më thellë me informimet dhe me formimin teorik në frymën e kohës, në rrymimet që merreshin me interpretimin dhe me teoritë estetike dhe në veprat si ajo për Bogdanin, apo monografia e mendimit kritik shqiptar, ai i shkrinte njohjet, hulumtimin personal me interpretimin, kontekstualizimin dhe ndriçimin e fenomeneve letrare e implikimet shoqërore të tyre. "Në mes të këtyre interesimeve estetike, filozofike, teorike letrare, vjen e rishfaqet natyra kontestuese e Ibrahimit dhe kjo ngjet në kohë të rënda zhvillimesh intelektuale në Kosovë e në botën shqiptare. Natyrë joimpulsive, e shtruar, kontempluese, kontestimet e tij vinin nga brenda, synonin qenësoren, depërtonin thellë", tha ai.
Ai tha se ishte fryma shoqërore e pakënaqur me klasën e atëhershme politike, që gjeti tek intelektuali Rugova -liderin, "kontestues konstruktiv, frymëgjatë, mjedisin për idetë e tij vepruese të padhunshme në drejtim të realizimit të idealeve çlirimtare, emancipuese". Por, në personalitetin e tij dhe në lëvizjen shqiptare do të mbrujë humanizmin dhe vlerat më të rëndësishme politike e shpirtërore evropiane e perëndimore të kohës. "Në vitet 1988-89, Dr. Ibrahim Rugova qe zëri mbi zërat që arrinin të artikuloheshin publikisht në mbrojtje të interesave kombëtare, kulturore e të tjera shqiptare dhe fare natyrshëm u bë bashkëbiseduesi më i parapëlqyer i opinionit publik evropian. Në dekadën e fundit të sh. 20 Rugova u njoh ndërkombëtarisht lider i lëvizjes më të madhe paqësore në Evropë, lider i lëvizjes për emancipim, për çlirim kombëtar e për pavarësi të Kosovës", tha ai. Ai tha se presidenti Rugova në vitet '90 me LDK-në, u bë një nga figurat e shquara të lëvizjes politike në Ballkan "drejt daljes nga shtrëngesat e përgjithshme të regjimeve komuniste dhe çlirimit kombëtar". Ismaili, tha se dr.Rugova ishte një nga bashkëbiseduesit e rëndësishëm në kontaktet e Perëndimit me Ballkanin. Ai tha se presidentin dr.Ibrahim Rugova vdekja e gjeti në një situatë delikate për Kosovën dhe fatin e saj të mëtejmë, në fazën e fillimit të pavarësimit të vërtetë, për çka ai luftoi gjithë jetën.
"Na mban shpresa se lëvizja politike që po le pas ai do të bashkohet edhe më shumë dhe ta çojë më tej këtë proces për ta realizuar synimin e popullit të saj, pavarësinë e plotë të Kosovës", përfundoi akad. Ismaili.

[Psikologu]

KKSHA: Shqiptarët kudo do të jenë krenar me Presidentin Rugova dhe veprimatrinë e tij

Uashington, 22 janar - Me pikellimin më të madh morëm lajmin qëe Presidenti i Kosoves, Dr. Ibrahim Rugova, ndërroi jetë. Ky është një lajm tepër i hidhur për Kosovën dhe për mbarë kombin shqiptar. Eshte fatkqesi qe Dr. Rugova nuk arriti te shohe kurorezimin me sukses te perpjekjeve te tij shumevjecare per nje Kosove demokratike, te pavarur dhe sovrane, per te cilen ai punoi aq shume, thuhet në deklaratën e Këshillit Kombëtar Shqiptaro-Amerikan (KKSHA).
Presidenti Rugova filloi veprimtarine e tij diplomatike ne Washington qe ne vitin 1989 per te siguruar perkrahje nga Shtetet e Bashkuara te Amerikes per popullin e tij te pervuajtur. Ai vazhdimisht thoshte se ne shqiptaret kemi mjaft armiq e duhet te perpiqemi te bejme sa me shume miq. Fakti se pothuaj e gjithe bota i erdhi ne ndihme Kosoves ne castin me kritik te ekzistences se saj, eshte gjithashtu merite e ketij burri shteti i cili misheronte Kosoven martire dhe vuajtjet e popullit te saj.
Presidenti Rugova ishte nismetar dhe punoi dite e nate per nje identitet politik shteteror per Kosoven. Ne fillim te viteve 1990 ai u vu ne krye te levizjes shqiptare per pavaresi. Fale menyres paqesore me te cilen ai e udhehoqi popullin e Kosoves gjate kohes se regjimit te ashper te Milloshevicit, Dr. Rugova u kthye ne simbol i paqes dhe arriti te njihet ne arenen nderkombetare si Gandi i Ballkanit.
Ndonese i pllakosur me nje semundje te rende, Presidenti Rugova punoi deri ne castet e fundit te jetes per pavaresine e Kosoves. Shqiptaret kudo qe jane do krenohen me presidentin Rugova dhe veprimtarine e tij patriotike.
Mungesa e Dr. Rugoves ne jeten politike te Kosoves do te ndihet shume. I takon tani te gjithe klases politike te Kosoves qe ta nderoje kujtimin e Presidentit Rugova duke treguar nje pjekuri politike te madhe e duke bashkepunuar edhe me shume per arritjen e qellimit te perbashket, pavaresine e Kosoves. Gjate gjithe historise, kombi shqiptar i dhuroi njerzimit figura te medha krenarie. Shqiptaret kudo, do te jene krenar me Presidentin Rugova dhe veprimatrine e tij. I ndeshur me te keqen gjate 10 15 vjeteve te fundit, Presidenti Rugova, si gjithmone gjate historise sone, ofroi urtesine, miqesine, e qendresen qe kane perbere gjithmone qenjen shqiptare se bashku me besen, nderin e burrenine.
Keshilli Kombetar Shqiptaro Amerikan i shpreh ngushellimet me te thella familjes se presidentit Rugova dhe mbare Kosoves. Vdekja e presidenti Rugova eshte nje humbje e madhe jo vetem per Kosoven, por per mbare kombin shqiptar.

[Psikologu]

Ollbrajt: "Isha e nderuar që e njoha"

Prishtinë, 22 janar - Ish-Sekretarja amerikane e Shtetit Madeleine Albright, i ka shprehur ngushëllimet më të thella Familjes së Presidentit Rugova dhe tërë popullit të Kosovës. Në një prononcim për Express, të shtunën, Albright ka rikujtuar edhe një herë kohën që kishte njohur Presidentin Ibrahim Rugova, duke thënë se është e nderuar që e ka njohur atë.
"Mbajmë zi për ndërrimin e jetës së Presidentit Rugova dhe e kujtojmë trashëgiminë e tij. E ka prekur jetën e gjithë neve... Dhe, unë isha e nderuar që e njoha", ka deklaruar Albright.