Lajme nga Mjekesia

[Naki]

Aspirina parandalon zmadhimin e prostatit

Shkencëtarët duket se kanë gjetur një tjetër arsye për marrjen e përditëshme të aspirinës
Një studim i ri lë të kuptohet se ilaçet jo steroidale dhe kundër temperaturës si aspirina ose Ibuprofen mund të parandalojnë ose vonojnë zmadhimin e prostatit. Kjo sëmundje e quajtur Bening Prostatic Hyperplasia shkakton shrregullime në sistemin e urinimit tek të moshuarit. Nga kjo sëmundje preken rreth 25 përqind e burrave mbi 40 vjeç.
Gjatë studimit ku morrën pjesë 2500 burra, u vu re se ata që përdorinin rregullisht aspirina ishin 50 përqind më pak në rrezik për t’u prekur nga zmadhimi i prostatit.
Megjithatë shkencëtarët nuk janë të sigurt se në ç’mënyrë ndihmon aspirina në këtë drejtim dhe vënë në dukje se aspirina dhe ilaçe të tjera të ngjashme kanë edhe efekte anësore, prandaj është e nevojëshme këshillimi me mjekun para përdorimit

[Naki]

Dhimbjet kronike të shtylllës kurrizore

Dhimbja në shtyllën kurrizore është një nga arsyet kryesore që njerëzit shkojnë për vizitë tek mjeku. Tani kirurgët janë në gjendje t’i trajtojnë disa dhimbje kronike të kurrizit duke zevendësuar me një unazë artificiale unazën e dëmtuar midis ruazave të shtyllës kurrizore. Kjo lloj teknologjie përdoret shpesh për zëvëndësimin e pjesëve lidhëse kuçit të gjurit e të kofshës. Por për here të pare tani po përdoret edhe për problemet e shtyllës kurrizore.
Dr. Richard Rabinowitz është një prej kirurgëve të pare në Shtetet e Bashkuara që vuri në zbatim këtë teknologji duke zëvëndësuar me unazë artificiale unazën e të shtyllës kurrizore tek një pacient.
Doktor Rabinovic pranë institutit orthopedic Aleksian Brothers, në rrethin e Çikagos thotë se shpreson që kjo teknologji do t’i lejojë specialistët të riprodhojnë me mjete plastike e metalike anatominë normale dhe biomekanikën e shtyllës kurrizore.
Duke vepruar kështu, ata shpresojnë të shmangin ndërhyrjet kirurgjike dhe problemet e tjera të shtyllës kurrizore. Në sajë të zevendësimit të unazave të dëmtuara me unaza plastike, pacientët rifitojnë të gjitha aftësitë që i kanë patur para se të sëmureshin.

[Naki]

U zhvillua simpoziumi ndërkombëtar i anesteteziologjisë, mjekimit intenziv dhe emergjencës, ku u prezantuan të arriturat e fundit shkencore nga këto lëmijë të shëndetësisë

Profesionistët e anesteziologjisë, mjekimit intenziv dhe emergjencës, shkëmbyen përvojat e arritjeve të fundit shkencore të këtyre lëmijve, me mjekët nga Japonia, Anglia, Zvicrra, Turqia, Maqedonia dhe Shqipëria. Kryetari i komitetit organizativ të këtij simpoziumi, Dr. Nehat Baftiu, tha se në Qendra Klinike Uuniversitare të Kosovës po bëhen përpjekje për të përcjellur metodat më të reja të punës që aplikohen në botë. Ai tha se aplikimi i anestezionit të të dyja llojeve, atij të përgjithshëm dhe atij lokal, po bëhet çdo ditë e më i lehtë. "Anesteziologët është e domosdoshme të pranohen sepse kemi mungesë të kuadrit dhe e dyta terapia mungon. Momentalisht kemi vetëm 7 respirator për krejt Kosovën”, tha Baftiu. Mjekësia emergjente, e cila në Kosovë ka filluar të aplikohet në vitin 1999, ka arritur progres por jo aq sa është e mjaftueshme për të përmbushur të gjtiha nevojat. Basri Lenjani, drejtor i Qendrës Emergjente, tha se përpjekjet e profesionistëve shëndetësorë për të avancuar shëndetësinë kosovare nuk i pengon as gjendja rëndë dhe as greva e punëtorëve në QKUK, edhe pse ata janë shumë të shqetësuar nga ky realitet.\21.10.06\ Simpoziumi ndërkombëtare i anesteteziologjisë, mjekimit intenziv dhe emergjencës, vazhdon punimet edhe të dielën. \21.10.06\

[Naki]

Sindroma e blerjes

Pas blerjeve të shfrenuara fillon vërshimi i faturave të pagesave në fund të muajit. Kjo gjendje i bën disa njerëz të bien në depresion. Raste të tilla ndodhin kur shpenzimet, veçanërisht falë kartave të kreditit, dalin jashtë kontrollit. Ekspertët thonë se mospërmbajtja e dëshirës për të blerë çdo gjë që të pëlqen pa menduar se si do t’i paguash, është sëmundje me pasoja psikosociale nëse nuk trajtohet klinikisht.
Në një studim, kryer nga ekspertë në universitein e Minesotës thuhet se një person që nuk është në gjendje të kontrollojë dëshirën për të blerë i takon moshës 35 vjeçare, femër ose mashkull. Ata e quajnë këtë dukuri një sindromë, shenjat e para të së cilës fillojnë rreth moshës 17 vjeç si pasojë e përpjekjeve për t’u çliruar nga stresi e ankthi.
Studimi tregon se rreth 16 përqind e popullsisë amerikane kanë shenja të një sindrome të tillë. Sipas studimit, rreth 90 përqind e tyre janë femra.
Por një tjeter studim i zhvilluar kohët e fundit e hedh poshtë këtë rezultat. Sudimi i zhvilluar nëpërmjet telefonit mes 2.500 amerikanëve tregoi se numri i femrave dhe meshkujve të prekur nga sindroma e bjerjeve është thuajse i barabartë. Sipas studimit, 6 përqind e fermave dhe 5, 5 përqind e meshkujve në Shtetet e Bashkuara vuajnë nga sindroma e blerjes së papërmbajtur. Por ekspertët thonë se femrat dhe meshkujt kanë prirje të ndryshme blerjesh. Për shembull, femrat ka të ngjarë të blejnë veshje, vecanërisht këpucë, varëse e sende zbukuruese, si dhe janë të prirura për të blerë dhurata për të tjerët më shumë sesa burrat. Këta të fundit janë të prirur të blejnë artikuj të kushtueshëm elektronikë kryesisht për vete.
Ky studim është i pari që tregon se një përqindje kaq e madhe e popullsisë vuan nga dëshira e pakontrolluar për të blerë. Autorët e studimit shpresojnë që këto rezultate do t’i bindin shkencëtarët dhe mjekët për ta bërë përparësi gjetjen e një kure për këtë lloj sindrome.

[Naki]

Trajtim i ri i pasojave të diabetit
7.11.2006,zëri i Amerikës
Për njerëzit që vuajnë nga diabeti humbjet e gjymtyrëve përbëjnë një shqetëzim të vazhdueshëm. Por një procedure e re trajtimi duket se po i ndihmon këta të sëmurëve.
Ray Drogos vuan nga neuropathia, një komplikim i rëndë i diabetit. Qarkullimi i dobët i gjakut ka shkaktuar mpirje në pjesë të gjymtyrëve dhe një plagë në këmbën e tij është keqësuar si pa u kuptuar. Ai pohon se mjekët i thane se do t’u duhet t’i presin gjysmën e këmbës, ose gjithë këmbën deri tek kyçi e ndoshta deri tek gjuri.
Por këmba e tij nuk do të pritet falë një procedure të re trajtimi në qëndrën mjekësore Aleksian Brothers në Elk Grove të shtetit Ilinoi. Për të shmangur prerjen e këmbës, Roy i është nënshtruar një terapie intensive me oksigjen në këtë pajisje të mbyllur. Pajisja në formë cilindri është mbushur me 100 përqind oksigjen në një nivel më të lartë se atmosfera normale dhe pacienti rri i shtrirë në të.
Doktor Xhejms Pavlikovski thotë oksigjeni në një nivel të tillë koncentrimi është aktualisht ilaç. Ky oksigjen stimulon rritjen e venave të reja të gjakut dhe ndihmon mbylljen e plagës. Mjekët thonë se personat me diabet duhet t’i kontrollojnë këmbët e veta rregullisht dhe të shkojnë menjëherë tek mjeku nëse pësojnë ndonjë prerje ose çarje në lëkurë.

[Naki]

A është më mirë të kesh tension të ulët apo të lartë të gjakut?
14-11-2006,zëri i Amerikës

Mjekët thonë se në përgjithësi, është më mirë të kesh tension të ulët sesa tension të lartë të gjakut. Megjithatë, një studim i ri tregon se ka një moment në të cilin është më mirë që njerëzit të cilët pësojnë infarkt të kenë tension të lartë, dhe ky është momenti kur ata arrijnë në spital. Në Rubrikën Mjekësi dhe Shkencë do të flasim edhe për tubat e vegjël që vendosen në zemër për të parandaluar atakun. Shumica e këtyre tubave vishen me ilaçe të ndryshme, por të dhëna të reja tregojnë se tubat e veshur me ilaçe paraqesin mjaft rrezik.
Doktor Mihai Georgiade dhe studiues të tjerë analizuan të dhënat e rreth 50 mijë pacientëve amerikanë që kanë pësuar infarkt. Infarkti ndodh kur zemra nuk arrin të shpërndajë gjak të mjaftueshëm në të gjitha organet e tjera të trupit.
Sipas një studimi të publikuar në Gazetën e Shoqatës Amerikane të Mjekësisë, ekspertët analizuan tensionin sistolik të gjakut – që është presioni që ushtrohet kur zemra kontraktohet. Ata zbuluan se një njeri që vjen në spital me infarkt dhe të cilit zemra i pompon ende mjaft gjak për të pasur tension të lartë, ka më shumë mundësi për të jetuar sesa një njeri me tension të ulët. “Gjatë kohës që pacienti arrin në spital, duket se është më mirë që ai të ketë tension të lartë të paktën për disa orë, sepse kjo tregon se zemra është më e fortë”, thotë mjeku Mihai Georgiade.
Kur kontraktimet janë më të dobëta, kjo mund të tregojë se pacienti ka sëmundje më të avancuar dhe mundësi më të pakta për të jetuar. Mihai Georgiadei shpjegon: “Pra, tensioni i lartë në vetvete nuk është gjë e mirë, por është një masë treguese për forcën e zemrës.” Studiuesit thonë se duke ditur nëse pacienti ka ardhur në spital me tension të ulët apo të lartë, kjo jep informacion të vlefshëm për mënyrën se si duhet trajtuar.
Për të parandaluar atakun në zemër ka mjete të ndryshme. I tillë është tubi zgjerues që i ngjan një rrjete të vogël, zakonisht prej metali, i cili vendoset brenda një arterieje për të bërë të mundur qarkullimin e një sasie më të madhe gjaku. Për t’i veshur këta tuba përdoren ilaçe të ndryshme, si për shembull antibiotikë. Rreth 6 milionë njerëz në të gjithë botën kanë tuba të veshur me ilaçe të vendosur në arteriet e tyre. Disa kardiologët thonë tani se tubat e veshur me antibiotikë mund të shkaktojnë mpiksje gjaku. Dr. Michael Lincoff shpjegon: “Në tub formohen mpiksje të cilat e bllokojnë atë dhe ndalojnë gjakun që rrjedh në arterie. Në këtë rast, kjo pjesë e muskulit të zemrës pëson një atak.” Disa studiues mendojnë se tubat e veshur me antibiotikë mund të kenë shkaktuar çdo vit rreth 6 mijë atake në zemër në Shtetet e Bashkuara. Doktor Craig Smith thotë: “Pavarësisht se debatet për këtë çështje vazhdojnë, rreziku duket se është më i madh se ç’është menduar më parë.” Dr. Lincoff thotë se është shumë e rëndësishme që pacientët që kanë tuba të veshur me ilaçe të vazhdojnë të marrin mjekime për hollimin e gjakut për të mos lejuar mpiksjet. Tani, shkencëtarët po testojnë një lloj tubi që mund të thithet nga muret e arteries pasi të ketë kryer funksionin e tij.

[Naki]

Poloniumi dhe pasojat
Ish agjenti rus Litvinenko vdiq para pak ditësh në Londër, por burimet e një laboratori britanik thonë se nga elementi radioaktiv Poloniumi-210, qe shkaktoi vdekjen e tij, ndodhen te prekur edhe tre persona te tjere.
Poloniumi është një element që nuk zhduket lehtë. Në fakt policia britanike gjeti gjurmë të tij në çdo vend apo objekt ku kishte qëndruar ish-agjenti rus; hotel, restorant e shtëpi, para se ai të shtrohej ne spital.
Gjithashtu, të gjithe ata që kanë qënë në kontakt me Litvinenkon janë thirrur për analiza. Shumë dyshime jane krijuar nëse vdekja e ish agjentit rus ishte e rastësishme apo e qëllimshme. Por një gje duket qartë se kushdo që e kreu atë, duhej të kishte qënë ekspert dhe me kontakte në nivele të larta.
Gaia Vince e revistes New Scientist, thotë se Poloniumi mund të prodhohet vetëm në laborator bërthamor ku ai bombardohet me neutrone. Duket se prodhimi i tij nuk eshte i thjeshtë. Për këtë duhen njohuri e kërkohen mjete.
Poloniumi-210 shkakton një vdekje të ngadalëshme, nëse njeriu bie në kontakt me te. Doktor Roger Koks është ekspert për materialet radioaktive. Ai thotë se Polonium 210 hyn në organizëm në mënyra të ndryshme; nëpërmjet inxheksionit, ushqimit, frymëmarrjes ose nëpërmjet nje plage të hapur kur bie në kontakt me të. Pastaj ai përhapet me shpejtësi në trup, duke zënë vend në thuajse të gjitha organet. Shenjat e prekjes nga Poloniumi 210 janë të ngjashme me ato kur një njeri preket nga rrezatimi, në formë djegiesh në lëkurë.
Poloniumi u zbulua në vitin 1897 nga shkencëtarët Mari e Pierr Kuri. Mari Kuri vendosi ta quaj elementin e ri, Polonium, për nder të atdheut të prejardhjes së saj, Poloni. Ky emertim ngjalli reagime të ashpra në atë kohë, pasi Polonia ndodhej nën kontrollin rus, prusian e austriak. Atëhere askush nuk e kishte parashikuar, se jo vetëm emri, por edhe përdorimi i Poloniumit do të bëhej një ditë shkak për reagime të tjera, si keto qe jane shkaktuar nga vdekja e ish agjentit rus. Para se te vdiste, Aleksander Litvinenko akuzoi Kremlinin për helmimin e tij, akuzë që Moska e ka hedhur poshtë

[Naki]

Truri thote gjithmone te verteten

Astrit Lulushi
Zeri i Amerikes, Uashington
19-12-2006



Thuhet se kamera nuk të gënjen, por tani shkencëtarët në Nju Xhersi kanë një tjetër fjalë të urtë; truri nuk gënjen kurrë. Shkencëtarët po punojnë për veçimin dhe paraqitjen grafike të valëve që krijohen në tru kur personi mashtron ose thotë një gënjeshtër.

Doktor Julian Kinan po punon në përsosjen e imazhit të trurit për zbulimin e gënjeshtrës. Lisa është pjesmarrëse në eksperiment. Asaj i kërkohet të gënjejë, ndërkohë që në dorë i vendosen fije që lidhen me një aparat i cili tregon imazhin e neuroneve të trurit të saj. Lisa është një tifoze e madhe e klubit sportiv të bejsbollit Janki të Nju Jorkut. Për të vlerësuar shkencërisht që Lisa në mendjen e saj gënjen, doktor Kinan i kërkon asaj të thotë se është tifoze e skuadrës Red Soks të Bostonit, rivale e skuadrës Janki. Imazhe të skuadrës Red Soks dalin në një ekran, ndërsa Lisa zgjedh këto imazhe, pavarësisht se ajo parapëlqen skuadrën Janki. Doktor Kinan skanon pjesën e djathtë ballore të trurit të saj, zonë që besohet se është përgjegjëse për mashtrime dhe gënjeshtra. Dora e Lisës dridhet ndërsa ajo u përgjigjet pyetjeve. Skanimi nxit një elektrodë për t’i dhënë Lisës një goditje të lehtë elektrike që shkaton dridhje në dorën e saj. Kur ajo gënjen, dora e saj dridhet më fuqishëm. Grafiku në valën e trurit të saj gjithashtu tregon një ndryshim të thellë sa here që ajo gënjen. Thellësia e grafikut përfaqëson shtimin e veprimtarisë në atë zonë të trurit. Doktor Julian thotë se kjo ndodh sepse për të thenë një gënjeshtër duhet më shumë energji, për arsye se fillimisht truri mendon të vërtetën dhe pastaj përpiqet të krijojë variantin tjetër, gënjeshtrën. Pas kësaj, doktor Kinan e ndryshon drejtimin e pyetjeve dhe i kërkon Lisës të zgjedhë skuadrën e saj preferuese, pra të tregojë të vërtetën e të thotë se është tifoze e skuadrës Janki. Kur Lisa thotë të vërtetën, dora e saj nuk dridhet dhe valët e trurit nuk tregojnë atë veprimtari të ethëshme siç ndodhte në rastin kur ajo gënjente.Gjatë disa provave, doktor Kinan dërgon një puls të dytë mikro-eletrik në zonën e trurit që dyshon se është përgjegjëse për gënjeshtrën. Ai thotë se kjo ndërhyrje gjithashtu pakëson në një farë shkalle aftësinë për të gënjyer besueshëm. Doktor Kinan mendon se për këtë një prej kandidatëve kryesorë është zona e trurit në pjesën e sipërme të ballit e njohur si Sajrusi i veçuar, që ka funksione të ndryshme. Por kur kjo zone mpihet ose hiqet, njerëzit humbasin aftësinë për të gënjyer ose nuk dinë të gënjejnë bindshëm.

Gjatë një eksperimenti tjetër, Xhejsën duhet të vlerësojë karakterin e vet. Në këto raste, është e natyrëshme që njerëzit ta vlerësojnë veten pozitivisht në mënyrë të ekzagjeruar, pra mashtrojnë veten. Doktor Kinan thotë se disa zona të trurit të cilat marrin pjesë në këtë vetmashtrim duket se e shtojnë aktivitetin e tyre gjatë kësaj periudhe. Zonat ballore të trurit dhe zonat mbiballore eksitohen shumë jo vetëm kur njeriu mashtron apo gënjen të tjetrët, por edhe kur i bën qejfin vetes. Doktor Kinan thotë se në të ardhmen zbulimi i gënjeshtrës duke ndjekur valën e trurit do të jetë mënyra më e mire sesa mënyra me aparatet e deritanishme që përdoren për zbulimin e gënjeshtrës.

[Naki]

Çfarë solli 2006-a në shkencë dhe teknologji?

Gjatë 25 vjetëve të ardhshëm pritet që Sida të jetë një ndër 3 shkaktarët kryesorë të vdekjeve në botë. Ky parashikim i zymtë vjen nga shkencëtarë në Organizatën Botërore të Shëndetësisë. Klimatologët bëjnë parashikime edhe më të zymta për ndikimin që pritet të ketë rritja e temperaturës në planetin tonë. një vështrim arritjeve kryesore në mjekësi dhe shkencë gjatë vitit 2006.
Kohët e fundit epidemiologët thanë se do të bëhet gjithnjë e më e vështirë për të financuar programet e mjekimit nëse nuk ulet numrin e infektimeve të reja me virusin HIV. 25 milion vetë kanë vdekur nga kjo sëmundje. 39 milion të tjerë jetojnë aktualisht me Hiv ose me Sidë. Zyrtarët e shëndetësisë theksojnë zbatimin e praktikave seksuale që shmangin infektimet, si përdorimin e profilaktikëve.
Në vitin 2006 Organizata Botërore e Shëndetësisë anuloi një vendim që pat marrë vite më parë dhe futi përsëri në përdorim pesticidin DDT për të spërkatur ambjentet e banimit kundër mushkonjave që përhapin malarjen. DDT u pat ndaluar si pesticid bujqësor për 30 vjet pasi dyshohej se rriste rrezikun për kancer. Megjithatë zyrtarët e shëndetësisë mendojnë se varianti i ri i këtij produkti nuk është i rrezikshëm për njerëzit.
Gjatë 2006-s pati një shqetësim në rritje për përhapjen e gripit të shpendëve tek njerëzit, dhe në veçanti shqetësime se virusi H5N1 mund të fillonte të transmetohej nga një njeri tek tjetri. Shkencëtarët po përpiqen tani të prodhojnë një vaksinë kundër tij.
Në përfundim të 2006-s zyrtarë të shëndetësisë në Kombet e Bashkuara bënë thirrje për shpërndarjen e një vaksine të re me kosto të ulët kundër virusit HPV i cili shkakton 70 për qind të rasteve të kancerit në qafën e mitrës. Ky lloj renditet në vend të dytë në kanceret më të ndeshura tek gratë. Mbipesha doli në skenë si shqetësim global. Për këtë u fajësua mënyra sedentare e jetesës dhe ushqimet me përqëndrim të lartë yndyre dhe sheqeri. Por u ngrit gjithashtu edhe shqetësimi për prirjen e rrezikshme për humbje peshe në industrinë e modës.
Në fushën e kërkimeve mjekësore gjatë 2006 ishin në qendër të vëmendjes kërkimet me qeliza embrionale. Presidenti Bush vuri veton për të mos lejuar përdorimin e fondeve federale për kërkime në Shtetet e Bashkuara. Ndërsa në Korenë e Jugut një shkencëtar u diskretitua pasi kishte pretenduar suksese të paqena. Megjithatë kërkimet vazhdojnë në mbarë botën.
Në vitin 2006 sinjale shqetësuese për ngrohjen globale tërhoqën vëmendje ndërkombëtare. Zbulime se si Poli i Veriut ashtu edhe ai i Jugut po shkrijnë i shtangën shkencëtarët. Një studim afat-gjatë arriti në përfundimin se Groenlanda kishte humbur 100 miliardë tonë akull nga viti 2003 deri në vitin 2005.
Rritja e çmimeve të karburantit ndihmoi që burimet alternative të energjisë, si era dhe energjia diellore të bëheshin sektorët energjetikë me rritjen më të madhe në Shtetet e Bashkuara.
Në fillim të vitit 2006, u shënua një zbulim i rëndësishëm arkeologjik. Në Luginën e Mbretërve në Egjipt u zbulua një varr 3 mijë vjeçar. Në shtator shkencëtarët njoftuan se kishin zbuluar skeletin e një paraardhësi të njeriut që ka jetuar 3 milion vjet më parë.
Nasa rifilloi në 2006-n udhëtimet në hapësirë për zgjerimin e Stacionit Orbital Ndërkombëtar. Sondat planetare zbuluan në Mars gjurmë se ka pasur rrjedha uji. Një tjetër sondë dërgoi në Tokë pamje mahnitëse të Saturnit dhe unazave të tij. Ndërsa në gusht, një konferencë e astronautëve i hoqi Plutonit statusin e planetit, megjithatë Nasa nuk e ka braktisur atë, pasi do të dërgojë atje një sondë që arrin në vitin 2015. Ndërkohë Nasa njoftoi se ka në plan të fillojë punën për prodhimin e flotës së re të anijeve të hapësirës dhe për ndërtimin e një stacioni ndërkombëtar në Hënë brenda vitit 2020. //rd//

[Naki]

Turqi: Identifikohet një lloj vdekjeprurës i gripit të shpendëve
09-02-2007

Autoritetet në Turqi konfirmuan se një lloj gripi shpendësh, që ka mundësi të jetë vdekjeprurës për njerëzit, shkaktoi ngordhjen e pulave në një fshat turk.
Ministria turke e Bujqësisë tha sot se virusi H5N1 i gripit të shpendëve shkaktoi ngordhjen e 170 pulave në një fshat në pjesën juglindore të vendit. Autoritetet e sektorit të bujqësisë kanë vendosur karantinën dhe asgjësuan të paktën 1 mijë pula në atë zonë. Gripi i shpendëve shkaktoi vdekjen e 4 vetave në atë rajon vitin e kaluar.
Ndërkohë, autoritetet britanike thanë se virusi i gripit të shpendëve i gjetur tek gjelat e detit në një fermë në Anglinë lindore mund të jetë identik me një virus që shkaktoi ngordhjen e patave të egra në Hungari.
Hetuesit thanë dje se pulat e importuara në Britani nga Hungaria, pasi ishin trajtuar pjesërisht kundër infektimeve, mund të kenë sjellë virusin H5N1 në fermën britanike. //rd//

[Albanian eX|PerT]

Semundjet e zemres, 54% nga trazirat e '97-ës

Eglantina Bardhi

10-04-2007


Sipas studimit të DSHP-së, 54% e pacientëve me sëmundje zemre kishin humbur njerëzit ose paratë

Humbjet nga trazirat e vitit '97 kanë ndikuar në sëmundjet e zemrës, për shumë shqiptarë. Humbje e njerëzve të afërm, humbja e parave dhe traumat e shumta, kanë qenë faktorët kryesor të riskut në "goditjen" e zemrave të shqiptarëve gjatë trazirave të këtij viti. Ky është konkluzioni i Departamentit të Shëndetit Publik, sipas të cilit, rreth 54 për qind e pacientëve të shtruar në Kardiologji gjatë vitit 98-2000, kanë pasur probleme të shkaktuara nga viti '97. Pikërisht, pas 10-vjetësh nga trazirat e '97, ky departament vendosi të bëjë publike dëmet që kanë sjellë mbi zemrat e shqiptarëve, tragjeditë e këtij viti. Dëme këto që, sipas tyre, janë shumë të rënda dhe të parikuperueshme. Madje në studim theksohet se këto trazira kanë ndikuar pothuajse njësoj mbi sëmundjet e zemrës, sa edhe Hipertensioni, që konsiderohet një ndër risqet kryesore të këtyre sëmundjeve.

Studimi

Në studimin e Departamentit të Shëndetit Publik, janë përfshirë 1088 pacientë të shtruar në pavijonin e Kardiologjisë në QSUT dhe plot 54 për qind e tyre kishin humbur njerëzit, paratë ose pasurinë, në vitin '97. "Ky ishte një vit trazirash politike dhe ekonomike dhe një numër i madh shqiptarësh pësuan humbje dhe trauma, që u reflektuan direkt në sëmundjet e zemrës",- pohojnë specialistët, duke shtuar se këto trauma kanë lënë gjurmë të përjetshme mbi këta pacient. Kështu, 35 për qind e pacientëve të përfshirë në studim kishin humbur të paktën një person shumë të dashur, shumica nga vrasjet dhe aksidentet. Sipas specialistëve, sëmundjet e zemrës tek këta persona kanë qenë shumë të rënda, madje dhe kanë kaluar infarkt, për shkak të tronditjes së madhe që iu ka ardhur. Ndërsa rreth 30 për qind e pacientëve, po sipas studimit, kishin humbur paratë ose shtëpitë në firmat piramidale, faktor ky që sipas specialistëve ka ndikuar fuqishëm në rëndimin e sëmundjeve të zemrës. "Humbja e pasurisë dhe varfërimi i menjëhershëm i njerëzve ndikon tepër negativisht dhe stimulon sëmundjet e zemrës",- thonë specialistët, duke shtuar se ky është një tregues shumë i qartë, që ka dalë pikërisht nga studimi. Ndërkohë, ata shpjeguan se humbja tregon një stres psiko-social, i cili luan rol në stimulimin e sëmundjeve të zemrës dhe këto humbje kanë qenë të pranishme në zemrat e mijëra shqiptarëve në vitin 1997. Madje ata pohojnë se këto humbje kanë lënë gjurmë të përjetshme, mbi ata persona që i kanë përjetuar ato dhe padyshim, theksojnë mjekët, zemra ka qenë më e goditura sepse është manifestuar me sëmundje.

35 për qind e pacientëve të përfshirë në studim, kishin humbur të paktën një person shumë të dashur

30 për qind e pacientëve, po sipas studimit, kishin humbur paratë ose shtëpitë në firmat piramidale

[Artisti]

Medizina ka bere nje hap te madh kunder Rrakut ne gji i cili paraqitet kryesisht te femrat, eshte zbuluar Injekcioni me te cilin nese injekcionohen femrat para heres se pare seksuale, eshte e sigurt qe ato nuk do te kene probleme me vone me rrakun ne gji.

Per informacione me te sakta ju informon mjeku juaj.

.

[Artisti]

Eshte zbuluar-konstatuar se nga "Deo" qe perdoret nga gati te gjithe njerezit per te evituar djersitjen e mundshme nen sqetulla, rritet mundesia e rrakut ne gji, sidomos kjo menyre me se shumti i atakon meshkujt.

Te gjitha "Deot" kane perberje te nxitesit qe shkakton rrakun ne gji !!!!.

Informacionet mund t`i merrni nga mjeku i juaj.


.

[Naki]

Në Qendrën Emergjente të Klinikës Universitare të Kosovës është bërë inaugurimi i fazës së dytë të Qendrës së Telemjekësisë. Ky program mundëson pjesëmarrjen në operacionet dhe ndërhyrjet që ndodhin në Kosovë edhe të kirurgëve që gjenden në vende të tjer

Pas përpjekjeve shumë vjeçare të kirurgut shqiptaro-amerikan Rifat Latifi, profesor në Universitetin e Arizonës, në Kosovë ka filluar të zbatohet Telemjekësia, teknikë kjo e re, përmes së cilës mjekët në vende të ndryshme mund të marrin pjesë në një operacion sikur të jenë bashkë, brenda sallës së operacionit. Në inaugurimin e fazës së dytë të këtij programi ka marrë pjesë presidenti i vendit, Fatmir Sejdiu. "Do të ndërtojmë Kosovën një shtet të pavarur demokratik në një shteg të vlerave edhe të teknologjisë në të gjitha fushat, e edhe në atë të mjekësisë”, ka thënë presidenti Sejdiu.
Ky projekt i cili konsiderohet mjaft i rëndësishëm për fushën e shëndetësisë kosovare është financuar nga qeveria e Shteteve të Bashkuara të Amerikës, ndërsa implementohet nga Fondacioni Inetrnacional "Virtual Hospital". Kristina Miner, nga departamenti amerikan i shtetit, me këtë rast ka thënë se ky projekt është një hap i rëndësishëm dhe mundësi për të mësuar më të rejat e shëndetësisë dhe teknologjinë me të avancuar mjekësore. “Projektet të tilla i duhen vendeve siç është Kosova", shtoi ajo.
Ndërkaq, ministri i shëndetësisë, Sadik Idrizi, tha: "Ne po mundohemi që të fusim një sistem modern, qëllimi i të cilit është ofrimi i shërbimeve shëndetësore dhe në vazhdën e kësaj është qendra e telemjekësisë”.
Faza e parë e programit të Telemjekësisë në Kosovë ka filluar të zbatohet në dhjetor të vitit 2002.\18.10.07\

[vjeshta]

Postimi origjinal është bërë nga Artisti

Medizina ka bere nje hap te madh kunder Rrakut ne gji i cili paraqitet kryesisht te femrat, eshte zbuluar Injekcioni me te cilin nese injekcionohen femrat para heres se pare seksuale, eshte e sigurt qe ato nuk do te kene probleme me vone me rrakun ne gji.

Per informacione me te sakta ju informon mjeku juaj.

.

Mos e ke gabim Artist ......nuk po me kujtohet saktesisht ,por me sa e di une se injekcioni eshte zbuluar per rakun ne miter e jo ne gji ??