Lajme nga Mjekesia - Page 11

Jana · 06-12-09, 00:40

Pse femrat jetojnë më gjatë

Edhe pse të gjithë e dinë se femrat jetojnë më gjatë se meshkujt, megjithatë deri më tani nuk është ditur arsyeja pse ndodh kështu.

Shkencëtarët besojnë se kjo është për arsye se femrat dhe meshkujt janë të ndërtuar nga materiali i ndryshëm gjenetik

Ekspertët pohojnë se materiali gjenetik i meshkujve në njëfarë mënyre kufizon jetëgjatësinë e tyre. Madje po të mos e trashëgonin femrat këtë material nga babai, ato do të mund të jetonin edhe më gjatë.

Zbulimin e kanë bërë shkencëtarët japonezë, të cilët kanë bërë një ‘model të miut femër’, pa gjenet e trashëguara nga babai, por kanë shfrytëzuar materialin gjenetik nga dy nëna.

Rezultatet kanë treguar se ky mi-femër ka jetuar më gjatë sesa minjtë tjerë femra, të cilët në materialin e tyre gjenetik kishin pasur edhe gjene të trashëguara nga babai.

Kjo është dëshmi se gjenet të cilat trashëgohen me anë të spermatozoideve (qelizat seksuale mashkullore) kanë efekt negativ në jetëgjatësinë e gjitarëve (ku bën pjesë edhe njeriu).

Autorët e studimit kanë pohuar se në jetëgjatësinë e meshkujve ndikojnë edhe punët e rënda fizike, përgjegjësitë e mëdha dhe ekspozimi i përditshëm ndaj stresit.

Jana · 06-12-09, 00:41

Të gjithë meshkujt shikojnë filma pornografikë

Një hulumtim i ri nuk do ta gëzojë gjininë e bukur: Shkencëtarët kanë zbuluar se të gjithë meshkujt shikojnë filma pornografikë.

Gjatë një hulumtimi, ekspertët kanë dashur të zbulojnë se sa meshkuj në të njëzetat e tyre nuk shikojnë filma pornografikë.

Mirëpo, tentativa e tyre, në njëfarë mënyrë ka dështuar, kur kanë zbuluar se asnjë mashkull i ri nuk rri pa shikuar filma pornografikë, së paku kohë pas kohë.

Hulumtuesit kanë vazhduar më tutje për të zbuluar se për herë të parë meshkujt ekspozohen ndaj filmave pornografikë që në moshën 10-vjeçare.

Rezultatet tjera kanë treguar se meshkujt që nuk janë në një lidhje, mesatarisht shikojnë 40 minuta përmbajtje pornografike, ndërsa ata që janë në lidhje, 20 minuta.

Jana · 07-12-09, 17:30

Rëndësia e vitaminës D në pleqëri

Një studim i ri, në të cilin kanë marrë pjesë 318 persona të moshuar me moshë mesatare 73-vjeç, tregon lidhshmërinë e vitaminës D me rrezikun shtuar për demencë dhe goditje në tru.

Duke analizuar statusin e vitaminës D, është vërejtur se te rastet kur niveli i kësaj vitamine ishte më i ulët se ai optimal, prirja për demencë dhe goditje në tru ishte më e madhe.

Autorët e studimit të publikuar në revistë Neurology, besojnë se vitamina D ka efekt mbrojtës në sistemin vaskular, dhe për këtë arsye ata u rekomandojnë të moshuarve që të marrin shtesa të kësaj vitamine.

Jana · 28-01-10, 11:48

Boronica për kujtesë të mirë

Një studim i realizuar në SHBA, sugjeron se konsumimi i boronicave jep rezultate më të mira në testet e të mbajturit mend te personat e moshuar.
Revista Journal of Agricultural and Food Chemistry ka publikuar të dhenat e grumbulluara nga pjesëmarrësit në studim, me moshë mbi 70-vjeçare, te të cilët është përcjellë ndikimi i konsumimit të boronicave gjatë periudhës 2 mujore.

Sipas fjalëve të shkencëtarëve (pasi që janë marrë parasysh edhe faktorët tjerë që ndikojnë në kujtesë), boronicat kanë pasur efekt të dobishëm duke ngadalësuar proceset neurodegjenerative te personat moshuar.

Jana · 28-01-10, 11:48

Me rrush kundër plakjes

Studimet e reja amerikane nga Universiteti Cincinnati sjellin disa rezultate interesante dhe të guximshme – konsumimi i rregullt rrushit është një mbrojtës potencial kundër plakjes së sistemit nervor dhe rënies së funksioneve mentale të lidhura me moshën.
Hulumtimi, i cili ka zgjatur 12 javë, ka dëshmuar në fund se përbërësit bioaktiv të rrushit (polifenolet) kanë dhënë efektin e tyre: kanë përmirësuar memorien, aftësitë verbale si dhe orientimin hapësinor te personat te të cilët këto funksione kanë qenë të dëmtuara në një masë (por jo deri te shkalla e demencës).

Është e dukshme se polifenolet antioksiduese (katekinet, epikatekinet, antocianinet), përveç vetive të dëshmuara antikancerogjene dhe kardioprotektive, kanë edhe veprim të fuqishëm neuroprotektiv

Jana · 28-01-10, 11:50

Gjenet dhe ushqimi lidhen me Parkinsonin

Shkencëtarët gjermanë nga Ludwig-Maximilians-Universitat në Munchen, kanë identifikuar faktorë të ri gjenetik të rrezikut për sëmundjen e Parkinsonit.
Njëkohësisht janë vërtetuar edhe lidhjet në mes të sëmundjes së Parkinsonit dhe metabolizmit dhe vitaminës B6, shkruan revista Annals of Neurology.

Analiza e neuroneve në 1200 persona me sëmundjen Parkinson dhe 2800 persona të shëndoshë ka treguar se një pjesë e caktuar e ADN-së ndikon në aktivitetin e enzimës së quajtur PDXK.

PDXK është përgjegjëse për shndërrimin e vitaminës B6 nga ushqimi i konsumuar në një formë aktive që është e patjetërsueshme në prodhimin e dopaminës, neurotransmetuesit që lidhet me sëmundjen e Parkinsonit./

roadrunner · 28-01-10, 11:51

Shkenca thote se konsumimi i tepert i kripes zvogelon aftesite e te pamurit.

Jana · 31-01-10, 03:45

Nuk duhet tepruar as me ushqimin e shëndetshëm

Një rregull tashmë i njohur: me asgjë nuk duhet tepruar- kjo vlen edhe për ushqimin e shëndetshëm.
Është zbuluar se të ashtuquajturit “super-ushqime” në sasi të mëdha mund të shkaktojnë çrregullime shëndetësore.

Me vite të tëra rekomandohet konsumimi i ushqimeve të shëndetshme, për shkak të efektit të dobishëm të antioksiduesve të pranishëm në produktet e tilla, si p.sh. boronica dhe çaji i gjelbër. Mirëpo, tash është vërtetuar se nuk është mirë të teprohet edhe me ushqimin e shëndetshëm.

Shkencëtarët pohojnë se organizmi është shumë i ndjeshëm ndaj baraspeshës ushqyese, e cila shumë lehtë ndryshon.

Madje, sipas tyre, deri te çrregullimet shëndetësore mund të vijë edhe nëse teprohet me konsumimin e ushqimit që ka veti antioksiduese.

Jana · 31-01-10, 03:46

Më pak karbohidrate për tension të ulët të gjakut

Ushqimi i paktë me karbohidrate është zgjidhje jo e mirë sipas nutricionistëve, megjithatë mund të ndihmojë personat me diabet dhe sëmundje kardiovaskulare të ulin tensionin e lartë të gjakut.
Studimet e reja kanë analizuar 146 persona të ndarë në dy grupe: njëri grup ka konsumuar ushqim të paktë me karbohidrate (20 gram në ditë), derisa grupi tjetër ka konsumuar barëra për dobësim për një periudhë prej 48 orësh.

Të dyja grupet kanë humbur numër të njëjtë të kilogramëve, megjithatë ushqimi i paktë me karbohidrate ka çuar edhe te rënia e tensionit të lartë të gjakut, që nuk është vërejtur te grupi tjetër./

Jana · 31-01-10, 03:46

Pemët dhe perimet kundër limfomës

Një studimi realizuar së fundmi në Klinikën Mayo të Minnesotas, që ka përcjellë paraqitjen e limfomës (kancer i sistemit limfatik) te 35.000 femra të moshave ndërmjet 55 dhe 69-vjeç, ka dhënë disa rezultate mjaft interesante.
Incidenca (paraqitja) e limfomës gjatë kohës së përcjelljes, ka qenë dukshëm më e vogël te femrat të cilat janë ushqyer rregullisht me pemë dhe perime, të cilat janë të pasura me minerale dhe vitamina.

Në fakt, të dhënat e publikuara në revistën International Journal of Cancer, efektin e fuqishëm antioksidues ia përshkruajnë vitaminës C, alfa-karotenit, protoantocianideve dhe manganit.

Vitamina C ka zvogëluar shfaqjen e limfomës për 22%, alfa-karoteni për 29%, protoantocianidet për 30%, ndërsa mangani për 38%.

Jana · 31-01-10, 03:47

Vitaminat mbrojnë duhanpirësit

Shkencëtarët nga Instituti Pulmunologjik në Albuquerque, New Mexico, bëjnë të ditur se dozat e larta të vitaminave mund të luftojnë kancerin e mushkërive, i cili paraqitet më së shumti te duhanpirësit.
Konsumimi i sasive të mëdha të vitaminave, veçanërisht karotenoideve dhe acidit folik, e ul shkallën e metilimit të gjeneve në qelizat e epitelit të mushkërive.

Zakonisht janë tetë gjene të cilat goditen gjatë paraqitjes së kancerit të mushkërive, ndërsa metilimi i godet ata në periudhat më të ndjeshme të ndarjes së qelizave.

Por duket se këtij mekanizmi të dëmshëm për 17% i shmangen duhanpirësit të cilët konsumojnë perime, 16% ata të cilët konsumojnë së paku 750 µg acid folik dhe 43% ata të cilët vazhdimisht konsumojnë preparate me multivitamina.

Guri i madh · 31-01-10, 04:08

qato femna qe jan te martuara me mashkuj jetojn ma gjat se hyqmeti mashkullin e diskriminon

se kto femnat qe po martohen me femna nuk po e presin penzionin

e kto qe kan jetue me mashkull po ka DA BURRA PO I SHTJERRIN

Jana · 22-02-10, 22:55

Disa njerëz nuk duhet të pinë kafe

Madje vetëm një ‘espreso’ në ditë mund të ketë efekt të dëmshëm në shëndetin e zemrës te një pjesë e popullatës- pohon një studim i ri.
Një filxhan i pijes së pasur me kafeinë, është i mjaftueshëm që të ngadalësojë qarkullimin e gjakut në zemër, edhe atë për 22%.

Kafeina vepron shpejtë, dhe për këtë arsye qarkullimi i gjakut ngadalësohet vetëm pas një ore të pirjes së kafes.

Pijet me kafeinë janë shumë të popullarizuara, ndërsa shkencëtarët i brengos fakti se njerëzit konsumojnë shumë pije të tilla brenda ditës.

Edhe më herët është thënë se ‘espresoja’ mund të jetë e dëmshme për zëmrën, ndërsa tani kjo është konfirmuar.

Problemi qëndron në atë se disa njerëz janë më të ndjeshëm në kafeinë, në krahasim me të tjerët, prandaj ata nuk duhet të konsumojnë aspak pije që përmbajnë kafeinë. Kurse atyre që nuk janë shumë të ndjeshëm, iu rekomandohet që të mos e teprojnë. /

Jana · 24-06-10, 21:13

Arseni në ujin e pijshëm, i rrezikshëm për jetë

Ekspozimi i zgjatur i arsenit në ujin e pijshëm, edhe në sasi të vogla, mund të shkaktojë forma të ndryshme të kancerit dhe në përgjithësi rrit rrezikun e vdekjes- pohon një studim ku janë përfshirë mbi 11.700.

Sipas autorëve të studimit të publikuar në revistën The Lancet, problemi i ndotjes së ujit të pijshëm me arsen është i pranishëm të paktën në 70 vende.

Tumoret më të shpeshtë, të lidhur me konsumin e arsenit, janë ata që sulmojnë mëlçinë, fshikëzën dhe lëkurën. Midis sëmundjeve, më të zakonshmet janë ato kardiovaskulare.

Është vlerësuar se vetëm në Bangladesh që nga vitet e shtatëdhjeta, të paktën 35 milionë njerëz kanë pirë ujë të pijshëm të kontaminuar me arsen, në atë që Organizata Botërore e Shëndetësisë, e konsideron "helmimin më të madh në masë në historinë e një popullsie". /

Jana · 24-06-10, 21:14

Vitaminat dhe mineralet kundër sëmundjeve të zemrës

Personat të cilët nuk i marrin sasitë adekuate të mikronutricientëve kanë rrezik më të madh për sëmundjet kardiovaskulare, për sulm në tru, si dhe janë më të rrezikuar nga vdekja e parakohshme.

Këtë e pohojnë rezultatet e një studimi të ri të prezantuar në Kongresin Botëror të Kardiologjisë në Pekin.

Në studim janë përfshirë më shumë se 9.000 participantë të moshave mbi 45-vjeç, ndërsa qëllimi i studimit ka qenë gjetja e lidhshmërisë ndërmjet konsumimit të vitaminave dhe mineraleve dhe rrugëve oksido-reduktuese dhe inflamatore, të cilat lidhen me sëmundjet e zemrës dhe enëve të gjakut.

Konsumimi i pamjaftueshëm i mikronutricientëve është lidhur me shfaqjen e rrezikut për vdekje nga sëmundje kardiovaskulare, prandaj autorët e këtij studimi rekomandojnë marrjen adekuate të këtyre mikronutricientëve-vitaminave dhe mineraleve- në mënyrë që të parandalohen sëmundjet kardiovaskulare.