Barcelona

[LaCoStA]

Këmbët e Messit shkruajnë historinë e Barcelonës





Legjenda e re dhe e gjallë e Barcelonës quhet Lionel Messi. Me kaq pak vjet dhe kaq shumë jetë përpara, Messi e ka dërguar emrin e tij si i pari në listën e golashënuesve të klubit gjigant nga Katalunia. Një hat-trick mjeshtëror kundër Granadas bëri që Messi të arrijë shifrën e 234 golave me fanellën e klubit të tij. Në këtë mënyrë ai e kalon mitikun Cesar që kishte arritur 232 gola.

Për më tepër, Messi të martën e ka arritur në 19 numrin e hat-trickëve, ka arritur 5 gola në ndeshje, 103 gola për 97 ndeshje, e ka fituar 3 herë Topin e Artë, e ka fituar 1 herë Kupën e Mbretit, 2 Botërore të Klubeve të FIFA-s, 3 Liga të Kampionëve dhe 5 Liga spanjolle. Për më tepër, tashmë e ka kaluar në La Liga Ronaldon me 2 gola më shumë.

[LaCoStA]

Neymar refuzon Realin për Barcelonën?





Lojtari më i i mirë në Brazil dhe një nga talentet e padiskutueshëm, Neymar, vazhdon të jetë në qendër të mediave në mbarë Evropën. Së fundmi këto media raportojnë se braziliani ka zgjedhur të luaj për Barcelonën duke refuzuar kështu Real Madridin edhe pse këta të fundit ishin favorit

Një radio spanjolle raportoi se ’katalanasit’ kanë arritur marrëveshje me klubin e Santosit, për të transferuar lojtarin e tyre në Barcelonë prej 2014-tës. Në 2014-tën përfundon dhe kontrata, që e mban të lidhur 20 vjeçarin me Santosin.

[LaCoStA]

Guardola: Messi, Michael Jordani i futbollit



Trajneri i Barcelonës, Pep Guardiola, mezi gjen fjalë të reja për ta përshkruar lojën e mahnitshme që bën Lionel Messi.

Messi u bë golashënuesi më i mirë i të gjitha kohërave i klubit katalanas, pas hat-trickut të mbrëmshëm në fitoren 5-3 ndaj Granadas.

“Kam thënë gjithçka për Messin, çfarë të them tjetër?”.

“Ai jo vetëm që shënon gola, ai shënon gola të shkëlqyeshëm. Secili gol është më i mirë se tjetri. Në moshën 24-vjeçare ai ka shënuar 234 gola. Ne po shohim më të mirën në çdo aspekt. Ai mund të bëjë gjithçka çfarë duhet të bëni si lojtarë në çdo të tretën ditë”, ka thënë Guardiola në konferencën për shtyp.

“A është Messi ekuivalent me Michael Jordan? Në sportin tonë, po. Jordan dominoi në sportin e tij dhe Leo po ashtu. Ka vetëm disa lojtarë në histori të cilët dominojnë lojën e tyre me këtë kaq mjaftueshëm”.

“Unë? Mendoj se jam Phil Jackson!”, ka shtuar spanjolli.

[LaCoStA]

Pique: Spekulimet nuk ndikojnë te unë



Mbrojtësi i Barcelonës, Gerard Pique, pranon se ai nuk ka qenë në formën e tij më të mirë këtë sezon – por ka mohuar se në formën e tij ka ndikuar jeta jashtë fushe.

“Kur ju luani për Barcelonën, çdokush gjithmonë ju përcjell nga afër dhe po ashtu nëse ju e shtoni jetën time jashtë fushe, njerëzit mund të shikojnë edhe më shumë”.


“Ka gjëra të cilët njerëzit mendojnë se i bëj, nuk mund ta ndryshoj këtë. Ka shumë gjëra që thuhen dhe ndonjëherë është vështirë ta pranosh atë që thuhet nga jashtë, por duhet t’i injoroj”.


“Mendoj se unë mund të bëj shumë më shumë. Kam vuajtur nga lëndimet kur skuadra ka pasur nevojë për mua”, ka thënë Pique.

[LaCoStA]

Pique: Ibrën s'do ta lë të marrë frymë



Mbrojtësi i Barcelonës, Gerard Pique ka deklaruar se do të përkujdeset të ruaj në mënyrën më të mirë sulmuesin e Milanit Zlatan Ibrahimovic.

”Ibra është një lojtar vështirë për tu ndalur, është i plotë, i madh dhe ka cilësi ta mbajtë topin. Por Ibrën e njoh nga koha te Barcelona dhe do jap maksimumin që të përkujdesem që në ndeshjen e sotme Ibra mos të marrë frymë” deklaroi Pique.

Mbrojtësi spanjoll premton se nga ndeshja e sotme të gjithë do të shohin futboll të bukur. ”Sikur skuadra jonë, besoj edhe Milani s’ka çka për të humbur. Do të jetë një lojë sulmuese. Ne kemi arritur kulmin e formës dhe do të tentojmë të shënojnë fitore në një stadium të madh siq është San Siro”deklaroi Pique.

[LaCoStA]

Messi synon rekorde edhe me Milanin!



Ylli i Barcelonës Lionel Messi pritet të jetë problemi më i madh për mbrojtjen e skuadrës së Milanit. Messi i cili po kalon edhe një sezon mahnitës, synon që edhe në këtë takim të jetë vendimtar për Barcelonën. Pasi po i then rekordet me radhë në fanelën e Barcelonës, Messi në ndeshjen e sotme e ka edhe një qëllim.

Nëse Messi arrin të shënon 2 gola ndaj Milanit, atëherë do të barazojë rekordin me ish sulmuesin e Milanit Jose Altafini. Altafini në sezonin 1962-63 kishte shënuar 14 gola në këtë eveniment, atëbotë kjo garë quhej “Kupa e Kampionëve”.

Por forma e Messit nuk njeh limit dhe në teori është i mundshëm edhe një hat-trick që do të fute atë qysh sot në historinë e re të kësaj gare me një rekord të ri. Messi ka edhe një motiv shtesë për të shënuar.

Kjo pasi që ylli argjentinas po synon të forcoj kreun e renditjes së golashënuese në Ligën e Kampionëve. Nëse Messi arrin që edhe këtë edicion të jetë golashënuesi më i mirë në këtë garë do të hyjë në histori si futbollisti i vetëm që për 4 herë me radhë arrin të jetë golashënuesi më i mirë në Champions League. Messi e ndan me nga 3 herë me radhë rekordin me legjendën gjermane Gerd Muller. Messi aktualisht ka 12 gola në Champions League.

[LaCoStA]

Puyol: Me tifozët eliminojmë Milanin


Kapiteni i Barcelonës, Carles Puyol, u ka bërë thirrje fansave që të përkrahin ekipin e tyre të zemrës drejt një fitoreje në ndeshjen kthyese të Ligës së Kampionëve që zhvillohet në Camp Nou.

Puyol i ka ndihmuar Barcelonës që të mbajë portën të pastër në San Siro dhe beson se tifozët katalanas mund të ndihmojnë ekipin e tyre të kualifikohet.

“Do të jetë një prej ndeshjeve më të mira. Ata janë në dijeni për atë që është në lojë dhe jam i sigurtë se ata do të jenë me ne që nga minuta e parë”, ka deklaruar Puyol.

[LaCoStA]

Sanchez: Dua të bëhem më i miri në botë



Asi i Barcelonës, Alexis Sanchez, ka pranuar se ai ka ambicie të mëdha për karrierën e tij.

“Unë do të dëshiroja që ta përfundoj karrierën si një prej futbollistëve më të mirë në botë dhe ta ngrisë emrin e Kilit nëpër botë. Por, jeta është sfidë dhe për më shumë, unë e di se nuk kam bërë ende asgjë dhe duhet të punoj edhe shumë”.

“Kështu, unë do të qëndroj i qetë kur të përfundoj karrierën dhe do të shoh se çfarë bëra mirë e çfarë bëra keq. Gjithçka varet nga mentaliteti dhe shpeshherë mentaliteti i një lojtari kilian është i dobët dhe preket nga shumë gjëra. Lojtarët kilianë janë të mirë, por nuk kanë mentalitetin e duhur”, ka deklaruar Sanchez.

[LaCoStA]

Alves lëvdon miqësinë me Messin


Mbrojtësi i Barcelonës, Daniel Alves, beson se Barcelona është duke përfituar nga marrëdhëniet e shkëlqyera të tij me bashkëlojtarin Lionel Messi.

“Që nga kontakti i parë që kemi pasur, ne kemi krijuar miqësi shumë të mirë. Raporti ka arritur të prodhojë rezultate në fushë. Çfarë kemi bërë i ka ndihmuar shumë ekipit”.

“Ne nuk kemi nevojë që të shikojmë fare, sepse e dimë ku mund ta gjejmë njëri-tjetrin. Por, me rëndësi është lloji i personit që ai është. Unë kam pasur kënaqësinë të takoj familjen e tij, që është tepër bujare dhe i takon klasës punëtore”, ka deklaruar Alves.

[LaCoStA]

Villa: Jam pranë kthimit



Sulmuesi i Barcelonës, David Villa, ka deklaruar se është pranë që t’i japë fund periudhës së gjatë të lëndimit, që po e mban jashtë fushe që nga muaji dhjetor.

“Jam vërtet entuziast dhe jam angazhuar shumë në fazat e fundit (të riaftësimit) me shumë punë, çdo ditë që nga fillimi”.

“Jam shumë i lumtur, i gjallë, gazmor dhe energjik. Po e shoh dritën në fund të tunelit dhe jam i gatshëm që ta shijoj sërish futbollin”, ka thënë spanjolli për faqen zyrtare të klubit.

[LaCoStA]

Messi të nderohet me çmim për rekordin



Sulmuesi më i mirë në botë, Lionel Messi, pritet që sonte mbrëma të nderohet me një çmim të veçantë për thyerjen e rekordit të golashënuesit më të mirë në historinë e klubit katalanas.

Messi e theu rekordin e golashënuesit më të mirë në histori të Barcelonës kur e shënoi golin e 232-të për Blaugranët në ndeshjen ndaj Granadës më herët gjatë muajit.

Dhe, sipas Sport, Lionel Messi pritet të nderohet me një çmim të veçantë para fillimit të ndeshjes ndaj Athletic Bilbaos sonte në ora 22:00, me detajet e ceremonisë të cilat mbeten të pa konfirmuara nga klubi katalanas.

[LaCoStA]

Barca vazhdon luftën...



Barcelona ka shënuar fitore solide në shtëpi ndaj Athletic Bilbaos me rezultat 2-0, duke vazhduar kështu luftën për titull të kampionit në La Liga.

Blaugranët e dominuan takimin, por prapa nuk mbetën as mysafirët e lodhur nga Bilbao. Ekipi i Marcelo Bielsas u mbajt mirë, por në fund të pjesës së parë dështoi t’i bënte ballë presionit.

Andres Iniesta me asistimin e Lionel Messit (40’) kaloi në epërsi Barcelonën, që ishte dhe rezultati i pjesës së parë.

Në pjesën e dytë Bielsa fut në lojë dy prej lojtarëve më të mirë të cilët i la në pankinë, Iker Muniain dhe Ander Herreran, por as këta nuk arritën të bëjnë diferencën.

Një penalti të akorduar në të mirë të katalanasve e shfrytëzoi kush tjetër pos futbollistit më të mirë në botë, Lionel Messit, i cili vazhdon ta ndjekë Ronaldon në listën e realizatorëve me 36 gola (58’). Me rezultatin 2-0 mbaroi takimi, pasi baskët nuk kishin gjasa që të bënin një rikthim.

Me këtë fitore Barcelona ka 72 pikë, gjashtë pikë më pak se sa Real Madridi që është lider dhe që sonte arriti në shifrën e 100 golave të shënuar këtë sezon në La Liga.

[LaCoStA]

Iniesta: Duhet ta eliminojmë Milanin



Mesfushori i Barcelonës, Andres Iniesta, beson se Blaugranët pa arsyetime duhet ta eliminojnë Milanin të martën mbrëma në sfidën që zhvillohet në Camp Nou.

“Ne duhet të fitojmë, ky është realiteti. Në shtëpi, me tifozët tanë, ne duhet të arrijmë në gjysmëfinale dhe duhet të hyjmë në ndeshje me shumë besim. Ne do të shohim triller gjatë 90 minutave të martën”.

“Ndaj Bilbaos ishte ndeshje e vështirë. Mendoj se luajtëm mirë dhe se Bilbao nuk u dorëzua në asnjë moment. Ata janë ekip i mirë”, është shprehur Iniesta

[LaCoStA]

Valdes tregon gjurin e dëmtuar



Portieri i Barcelonës Victor Valdes mund të mburret me statistikat e tij në ndeshjen ndaj Bilbaos. Në fakt është skuadra e Barcelonës që nuk ka lejuar asnjë goditje në drejtim të portës gjatë tërë ndeshjes me Bilbaon duke e bërë Valdesin të papunë në atë ndeshje.

Por portieri i Barcelonës nuk është ndarë mirë edhe me lëndime. Valdes pas ndeshjes ka treguar gjurin e tij të lënduar por se nuk ka raportime që lëndimi i tij mund të jetë aq serioz sa do ta lë atë jashtë ndeshjes së Ligës së Kampionëve me Milanin.

[LaCoStA]

Fabregas i gatshëm për Milanin



Mesfushori i Barcelonës, Cesc Fabregas, është deklaruar i gatshëm nga trajneri Pep Guardiola për sfidën ndaj Milanit, që zhvillohet të martën mbrëma.

Ish-mesfushori i Arsenalit ishte mungesë e befasishme për ndeshjen e parë ndaj Rossonerëve në San Siro, ndërsa mungoi po ashtu edhe në sfidën ndaj Bilbaos. Sidoqoftë, Guardiola tani ka konfirmuar praninë e Cesc për ndeshjen shumë të rëndësishme kthyese që zhvillohet në Camp Nou të martën.

"Cesc Fabregas ka pasur një problem në shpinë të enjtën. Ne jemi marrë me këtë problem dhe sot ai është më mirë. Kështu, edhe pse jemi detyruar ta lëmë jashtë sfidës ndaj Bilbaos, ai do të luajë sigurt ndaj Milanit të martën", ka theksuar Guardiola.