UÇK zanafilla

[Zero Cool]

22.02.96 RILINDJA

INTERVISTË E DR. IBRAHIM RUGOVËS DHËNË “ZËRIT TË AMERIKËS“

Me rastin e marrjes së Çmimit Danez për Paqe e Liri, Elez Biberaj, i seksionit të “Zërit të Amerikës“ i mori një intervistë dr. Ibrahim Rugovës. Përmbajtja e intervistës është sa vijon:
. . . .
Dr. Rugova, si mund ta cilësoni gjendjen e tanishme në Kosovë?

Kohëve të fundit ka pasur disa incidente provokuese, si ai i Deçanit, para disa ditësh, një
montim i shpërthimeve nëpër kampet e refugjatëve serbë në Kosovë, pastaj represioni sistematik, siç është ai i kontrollit të familjeve, i njerëzve për armë, e të tjera. Pra
është një represion konstant, i cili po vazhdon edhe pas Dejtonit dhe ne shpresojmë që ky duhet të zbutet përpara çdo hapi tjetër që duhet të ndërmerret.

A ka ndonjë gjë të re për sa i përket mundësisë së bisedimeve midis palës shqiptare dhe asaj serbe?

Tash për tash mund të them se po punohet në këtë drejtim dhe, siç e dini edhe ju, në të është e angazhuar edhe Bashkësia Evropiane, Shtetet e Bashkuara, Konferenca e Gjenevës si dhe institucione të tjera ndërkombëtare. Mendoj se duhet të krijohet klimë për bisedime si dhe ndërmjetësim të palës së tretë.


5 mars 1996 “Zëri Shqiptar”

DËSHTIM I PACIFIZMIT OSE PROVOKIM I RI SERB

“Ne jemi gati, por nuk ka ardhur ende momenti, kjo nuk do të thotë se ky moment është i largët. Për luftë ballore nuk ekziston mundësia, ne përgaditemi për një luftë partizano-guerilase“. Kjo deklaratë është e shkëputur nga një intervistë që një nga liderët e një organizate ilegale, që quhet Lëvizja Kombëtare për Çlirimin e Kosovës, i pat dhënë “Gazetës shqiptare“. Gazetat u kujtuan për temat e ashpra të liderit të kësaj organizate, kur një organizatë tjetër, me një emër të afërt, Ushtria Çlirimtare e Kosovës, mori javën që shkoi përgjegjësinë për shpërthimin e bombave në Prishtinë dhe në disa qytete të tjera të Kosovës. Dhe nëse shpërthimet tronditën kazermat e serbëve në Kosovë, marrja përsipër e tyre nga shqiptarët tronditi opinionin publik dhe shkaktoi debate dhe diskutime të ndryshme. “Terrorizmi troket edhe në Kosovë“, Pas Londrës dhe Algjerit këmbanat e terrorizmit bien edhe në Kosovë“ -janë disa nga titujt e gazetave të Tiranës. Është e paqartë nëse Lëvizja Kombëtare për Çlirimin e Kosovës dhe Ushtria Çlirimtare e Kosovës janë e njëjta gjë, pasi nga njëra anë liderët ilegalë të lëvizjes kanë marrë përsipër atentatet dhe kanë dhënë hollësi për to, ndërsa të nesërmen kanë deklaruar se nuk kishin të bënin me atentatet dhe se nuk pranonin të identifikoheshin më me ushtrinë, pasi ishin një organizatë tjetër…


ÇKA THONË TRITAN SHEHU, SABIT BROKA, SABRI GODO DHE PASKAL MILO PËR SHPËRTHIMIN E BOMBAVE NË KOSOVË:

Tritan Shehu (Partia Demokratike):
Unë nuk e di se sa e vërtetë është vendosja e bombave në disa qytete të Kosovës, por nëse po, them se ky është një provokacion i shovenistëve serbë për të justifikuar dhunën e tyre dhe për të prishur imazhin mjaft pozitiv që ka krijuar qëndrimi i forcave demokratike kosovare në opinionin ndërkombëtar. Jam i bindur se akte të tilla nuk e prishin kurrë këtë imazh.

Sabit Brokaj (Partia Socialiste):
Në Kosovë për vite me radhë populli qetësisht kërkoi që të zgjidhet çështja e vet, pa ndeshje, pa armë dhe pa dhunë. Kësaj here vendosja e bombave shpreh fundin e shpresës së tij se vetëm me bisedime ishte e mundshme që problemet mund të zgjidhen.
Vendosja e bombave në disa prej qyteteve të Kosovës provon mjerisht mungesen e një politike racionale të Rugovës, i cili rrugën e tij paqësore e trajtoi si një gandizëm pasiv dhe jo si një shprehje aktive të protestës mbarëpopullore për të drejtat e veta.

Sabri Godo (Partia Republikane):
Nga njëra anë, vendosja e bombave mund të jetë një kurdisje e vetë partive ekstremiste serbe. Kjo për të akuzuar popullin shqiptar për terrorizëm, në mënyrë që të justifikohet një shtypje ushtarake direkte e tyre dhe për të nisur një operacion spastrimi etnik të ngjashëm me atë që serbët synuan të bënin në Bosnjë. Dhe shpjegimi tjetër është se nëse autorët e këtij akti kanë qenë shqiptarë, themi se kemi të bëjmë me njerëz të papërgjegjshëm, me terroristë që duan të veprojnë tamam në kohën kur duket se predispozicioni i SHBA-së, i Gjermanisë, i Francës apo edhe i shteteve të tjera për të përkrahur Shqipërinë drejt një hapi përpara në zgjidhjen e drejtë të problemit të Kosovës. Por, Kosova duhet që të ndihmojë vetveten në një veprimtari aktive politike, që të them se ka munguar.

Paskal Milo (Partia Socialdemokrate):
Akti që ndodhi në Prishtinë, përfaqëson pa dyshim një veprim të natyrës terroriste, që nuk ka asgjë të përbashkët me synimet dhe rrugët që populli shqiptar i Kosovës ka ndjekur në luftën e tij për pavarësi dhe për realizimin e të gjitha të drejtave njerëzore. Por, unë do ta vlerësoja këtë akt, që i shkëputur nga konteksti, është një shprehje e ndjenjave të fuqishme popullore dhe një sinjal i keq ndoshta për të gjitha forcat politike në Kosovë dhe në Shqipëri, por edhe në Serbi e në planin ndërkombëtar, për ta trajtuar çështjën e Kosovës me urgjencë, pa neglizhenca dhe me synime për ta zgjidhur atë sa më drejtë.
(Remzi Lani-Tiranë)

[Zero Cool]

26.2.96 RILINDJA

PARTIA SOCIALISTE BËN PROPAGANDËN E MILOSHEVIQIT

Tiranë, 25 shkurt
Duke iu përgjegjur një pyetje të një gazetari në Konferencën e djeshme për shtyp të sekretarit të Partisë Demokratike Shqiptare, Tritan Shehu se cili do të ishte komenti i tij lidhur me deklaratën e njërit prej liderëve të Partisë Socialiste të Shqipërisë se Bombat në Kosovë (është fjala për shpërthimet në vendstrehimet e kolonëve serbë në Kosovë (vr. e jonë) i kanë vendosur kosovarët, ai tha se të thuash se bombat janë vepër e shqiptarëve, është një deklaratë kundër interesave kombëtare shqiptare. Deklarata të tilla, thotë Shehu, pohojnë se Partia Socialiste, ashtu si paraardhësja e saj, Partia e Punës, vepron brenda kontekstit të interesave politike të s h o v e n i s t ë v e serbë, njofton ndër të tjera TVSH
(H.M)


Komunikatë e lëshuar nga Lëvizja Kombëtare për Çlirimin e Kosovës për të sqaruar opinionin se kjo organizatë nuk qëndron prapa aksioneve të hedhjes së bombave në kampet e refugjatëve.

SQARIM: KUSH I HODHI BOMBAT ?
Para pak kohësh, në gjashtë lokalitete të Kosovës, nëpër të ashtuquajturat kampe të refugjatëvekolonë serbë, u hodhën bomba, të cilat nuk lënduan askënd, por trazuan opinionin shqiptar andej dhe këndej kufirit. Përgjegjësinë për këto akte e mori “Ushtria Çlirimtare e Kosovës“, mirëpo kjo nuk i kënaqi manipuluesit pacifistë, të cilët u përpoqën
që këto akte t’ia mveshin LKÇK-së dhe nga Tirana “deklaruan“ se “Ushtria Çlirimtare e Kosovës“ është krahu i armatosur i LKÇK-së. Opinioni shqiptar tanimë është informuar se përfaqësues i vetëm i LKÇK-së, i cili ka të drejtë që lagalisht t’i shprehë qëndrimet dhe ta informojë opinionin mbi veprimtarinë e LKÇK-së, është SEJDI VESELI, i cili, me rastin e deklarimit rreth rastit të bombave, tha për BBC-në: “Është e domosdoshme ta sqaroj opinionin se Lëvizja Kombëtare për Çlirimin e Kosovës nuk mund të identifikohet me “Ushtrinë Çlirimtare të Kosovës“. LKÇK-ja i ka të gjitha mekanizmat e nevojshëm për informimin e opinionit rreth aktivitetit të vet në kohë të duhur“. Ndërsa, goditjet që do t’ua japë LKÇK-ja pushtuesve do të jenë menjëherë të qarta për popullin shqiptar, sepse ato do të jenë vepër e vetë popullit. LKÇK-ja ka deklaruar sa e sa herë se, përderisa lufta është e pashmangshme dhe e domosdoshme, ajo përpiqet që kjo luftë të jetë sa më e organizuar, në mënyrë që fitorja të jetë e padiskutueshme.
KËSHILLI I PËRGJITHSHËM ILKÇK-së- Kosovë, shkurt 1996


Pas vrasjes së studentit shqiptar, Armend Daci, ngritet tensioni në Kosovë. Në Deçan u vranë tre serbë, në Mitrovicë një femër ende e paindentifikuar, kurse në Shtime u vra polici serb Milenko Buçiq, kurse në Pejë me armë zjarri u plagosën policët Safet Koçani dhe Goran Dashica.- Masa të ashpra represioni ndaj shqiptarëve.- Rrugëve të Kosovës po patrullojnë edhe civilë serbë të armatosur me armë automatike.



24.04.96 RILINDJA

PESË SERBË TË VRARË E DISA TË PLAGOSUR

Pesë persona u vranë dhe katër të tjerë u plagosën, ndër të cilët tre policë, gjatë incidenteve të armatosura, që ndodhën këto 24 orët e fundit në Kosovë, mësohet sot nga burime të afërta me autoritetet serbe.
Këto incidente e rritën tensionin në Kosovë (2 milion banorë), rajon ku shqiptarët etnikë, që përbëjnë 90 për qind të popullsisë, aspirojnë për pavarësi. Tre serbë gjetën vdekjen dhe një tjetër u plagos në këmbë, kur u hap zjarr, të hënën në mbrëmje, në një kafene të Deçanit (perëndim) që frekuentohet vetëm nga serbët, ku disa të panjohur hynë me rrëmbim, duke qëlluar me një breshëri me armë automatike mbi klientët, theksojnë këto burime që raportojnë nga Kosova.
Tre serbët e vrarë ishin punëtorë të “Unikopit“ të Prishtinës, që punonin në vendbanimet që po ndërtohen për kolonët serbë afër fshatit Baballoq të kësaj komune, bën të ditur Qendra për Informim e Kosovës.
Pas kryerjes së vrasjes së 3 serbëve, autorët e kësaj vepre kanë qëlluar me armë në ajër dhe në lokalet e shqiptarëve, në çajtoren “Rudina“ dhe në shitoren “Deteks“. Agjensia zyrtare serbe Tanjug kishte njoftuar të martën në mëngjes për dy të vdekur dhe një të plagosur gjatë këtij incidenti, që ndodhi të hënën afër orës 20- ( 18- GMT). Në po këtë orë, pak më në veri të Deçanit, në Pejë, disa persona të panjohur qëlluan mbi dy policë të patrullës që i plagosën në krah e në këmbë. Dy policët e plagosur janë Safet Koçan dhe Goran Dashica, bën të ditur Qendra për Informim e Kosovës.
Policët gjenden në spitalin e Pejës dhe gjendja e tyre është jashtë rrezikut, thotë Tanjugu.
Në lokalet e shqiptarëve u gjetën sot gëzhojat e armëve. Dëshmitarët bëjnë të ditur se vrasësit shtinë me armë dhe fyenin kalimtarët e rastit në gjuhën serbe. Policia serbe ka keqtrajtuar pas ngjarjes qytetarët shqiptarë në Deçan dhe ka bllokuar vendin. Po mbrëmë, në afërsi të shitores “Mimoza“ në Shtime, u qëllua me armë zjarri polici serb, Milenko Buçiq, i cili është vrarë përpara një komisariati, sipas disa burimeve serbe. Në Shtime janë arrestuar Halim Baftiu, pronar i shitores “Mimoza“, një shitëse që punonte në këtë dyqan, dr. Bedri Sadriu, mjek në ordinancën “Jeta e Re“, që gjendet në katin e dytë të këtij lokali, Hasan Avdyli, anëtar i Kryesisë së Aktivit të LDK-së në Carralevë, Bashkim Iballi e shumë persona të tjerë. Gjendja në Shtimje dje ishte jashtëzakonisht e rëndë. Prania e forcave të policisë serbe ishte shumë e madhe. Ndërsa, në shërbim të policisë, kishin dalë rrugëve dhe persona me veshje civile të armatosur me armë automatike. Këta persona nuk ishin nga Shtimja, njofton Komisioni për Informim i Degës së LDK-së.
Parmbrëmë në orën 21, 45 minuta në vendin afër “Urës së Gjakut“ në Mitrovicë, u degjuan disa të shtëna me armë, ndërsa me shpejtësi të madhe aty arritën dy vetura të policisë dhe një veturë e ndihmës së shpejtë e spitalit të Mitrovicës. Prej aty në spital u dërgua një femër e plagosur rëndë. Sipas fjalëve të mjekut kujdestar serb, femra e plagosur ishte e moshës rreth 20-vjeç dhe ishte qëlluar me dy plumba në gjoks e dy plumba në këmbë. Një mjeke shqiptare, që u thirr për ta operuar të plagosurën, vetëm konstatoi vdekjen e saj.
Menjëherë pas të shtënave dhe dërgimit në spital të vajzës së plagosur, dy vetura të policisë shkuan në bilardon “Klubi Argëtues“ afër vendit ku u dëgjuan të shtënat dhe arrestuan Yzer Bislim Gashin (25), Fekri Hasanin (22) dhe Nexhip Dërgutin (16). Ata janë mbajtur në polici deri në orën 2 pas mesnate. Ndërsa dje në orën 10.30 policia e ka arrestuar sërish Yzer Bislim Gashin. Identiteti i femrës nuk dihet. Nuk janë njoftuar hollësi të tjera për këtë rast tragjik.
Vetëm dy ditë më parë, natën duke u gdhirë e diela, në kryeqendrën e Kosovës, Prishtinë, një civil serb vrau nga banesa e vet studentin 20 vjeçar shqiptar Armend Daci.
Në shenjë proteste dje në Prishtinë, siç bëjnë të ditur mediat, mijëra gra u grumbulluan në lagjen ku u vra studenti shqiptar, të cilit iu bë homazh me vendosje të kurorave.
(ATSH/AFP/QIK)

[Zero Cool]

24.04.96 RILINDJA

KUMTESË E KRYESISË SË LDK-së RRETH NGJARJEVE TË FUNDIT TRAGJIKE NË KOSOVË

Kryesia e Lidhjes Demokratike të Kosovës lëshoi dje një kumtesë lidhur me ngjarjet e fundit tragjike në disa qytete të Kosovës. Në kumtesë thuhet se gjendja e tensionuar në Kosovë po shkallëzohet dhe rreziku i konflikteve të hapura nuk është i imagjinuar, por real. Vrasja e studentit njëzetvjeçar Armend Daci në Prishtinë, si dhe vrasjet ende të pasqaruara në Deçan të tre personave të kombësisë serbe, bashkë me disa incidente të tjera ende të paidentifikuara e dëshmojnë këtë, thuhet në kumtesë.
Më tutje në të thuhet: Edhe pse këto mund të jenë akte të vetmuara, ndoshta provokacione e kurdisje, në gjendjen e tensionuar në Kosovë mund të kenë e të marrin karakter, shtrirje e dimensione të rrezikshme. Politika e diskriminimit dhe e represionit të pandërprerë kundër shqiptarëve, politika e nxitjes dhe e inkurajimit agresiv të serbëve, e instrumentalizimit shovenist të tyre, dhe mbi të gjitha, antagonizmi permanent i marrëdhënieve shqiptaroserbe si mbështetje dhe legjitimim i regjimit serb, krijuan një atmosferë të tensionuar dhe të rrezikut permanent.
Refugjatët dhe sjellja e tyre në Kosovë, kundër çdo rezoni racional, në funksion të politikës së hegjemonisë, e shtuan dukshëm tensionin. Orientimi paqësor i lëvizjes politike shqiptare, fakti që në Kosovë u evitua deri më tash konflikti i armatosur, dhe fakti tjetër, po kaq i rëndësishëm, që lëvizja politike shqiptare nuk lejoi që kundërshtia e qartë ndaj regjimit serb të pushtimit të degjenerojë në armiqësi ndaj popullit serb, janë pa dyshim ndër rezultatet dhe vlerat kryesore tona të deritanishme.
Lidhja Demokratike e Kosovës, duke konfirmuar politikën paqësore të saj, duke dënuar edhe me këtë rast çdo akt dhune e terrorizmi, apelon te të gjithë qytetarët e Kosovës të përmbahen maksimalisht nga çdo sjellje dhe veprim që do të mund të ashpersonte gjendjen, të kontribuojnë për krijimin e një atmosfere të nevojshme për dialog e zgjidhje paqësore të problemit të Kosovës.
Njëkohësisht, protestojmë kundër valës së re të dhunës serbe e të terrorit shtetëror, gjoja si përgjigje ndaj incidenteve të fundit, por që në të vërtetë janë formë e pasuksesshme deri tash e konsolidimit të sundimit serb dhe përpjekje për të penguar procesin e pashmangshëm të zgjidhjes së çështjes së Kosovës. Vetëm nxitimi i organeve policore të Serbisë për t’u përgjigjur me terror të ri, i cili paragjykon çështjen pa kurrfarë mbështetje, flet për mundësinë e kurdisjeve të dimensioneve të mëdha.
Edhe në këtë rast apelojmë te bashkësia ndërkombëtare dhe te qendrat e vendosjes të intensifikojnë veprimet drejt zgjidhjes së drejtë të çështjes së Kosovës në pajtim me vullnetin politik të saj, thuhet në kumtesë.
(QIK)


24.04.96 RILINDJA

DR. BUJAR BUKOSHI PËR BBC- RRETH SITUATËS MË TË RE NË KOSOVË:
SKENAR SERB PËR NXITJE KONFLIKTI

LONDËR, 23 PRILL/ Kryeministri i

Republikës së Kosovës dr. Bujar Bukoshi i dha një intervistë BBC-së rreth situatës më të re në Kosovë.
A keni ndonjë të dhënë për sulmet më të reja në Kosovë?
- Nuk kemi informacione se kush i ka kryer këto sulme. Por, pohimet e Ministrisë së punëve të brendshme të Serbisë, të Partisë Socialiste lokale, për ne nuk janë asgjë e re dhe kjo është një metodë e njohur me të cilën ata nguten që të gjitha këto t’ua atribuojnë shqiptarëve. Por, unë ju them se në Kosovë nuk ekziston terrorizmi, nuk ka terroristë shqiptarë, nuk ka njësi të armatosura shqiptare, as nuk ka armë. Por, është e kundërta. Në Kosovë kemi të bëjmë me një regjim të terrorit serb, ose regjim kriminal, i cili si i tillë edhe është stigmatizuar nga Haga. Dhe, këto janë pjesët e një skenari serb që vazhdon në mënyrë të sofistikuar t’u bjerë në qafë popujve tjerë. Unë tash për tash mendoj se këto janë provokacione, përderisa nuk kemi informata të reja. Informatat e Ministrisë së Punëve të Brendshme të Serbisë nuk janë serioze, natyrisht.

Dy ditë më parë një serb vrau një student shqiptar në Prishtinë. A mund të ketë ndonjë
lidhje mes këtyre?
-Nuk mund të përjashtohet. Nuk kam prirje që të prejudikoj gjërat. Por, në Kosovë mund të ngjajë gjithçka. Kosova është cilësuar si fuqi baroti. Dhe, kjo na brengos, nga vetë fakti se status-quoja e cila deri tani ka qëndruar falë shqiptarëve, tani si duket i pengon Serbisë. Si duket, Serbia tani është inkurajuar pas njohjes nga bashkësia ndërkombëtare dhe ajo vazhdon avazin e vjetër. Këtë e konsideroj si një valë të re të terrorit serb. Dhe, kjo vetëm është ogurzezë për të gjithë.

Në incidentet e mbrëmshme të gjitha viktimat kanë qenë serbe?
- Kjo nuk do të thotë pse janë viktimat serbe, se autorësia është shqiptare. Serbët janë të njohur për këso skenarësh.

Çfarë pritni se mund të ndodhë pas gjithë kësaj?
- Asgjë të mirë nuk pres se mund të ndodhë. Për fat të keq, parashikimet e Qeverisë së Kosovës dhe mesazhi im sa isha në SHBA se duhet urgjentisht diçka të ndërmerret në Kosovë përderisa nuk shpërthen ajo më e keqja ngadalë po bëhen realitet. Dhe, unë e shoh këtë krejt në kuadër të politikës agresive serbe me skenar të caktuar që të ngrisë tensionet në Kosovë dhe të provokojë konfliktin. Sa i përket palës shqiptare dhe të gjitha forcave politike të Kosovëspozicionet janë të njohura. Ne nuk propagandojmë dhunë, as terror, as përdorim të armëve- theksoi dr. Bujar Bukoshi, kryetar i Qeverisë së Republikës së Kosovës në intervistën dhënë BBC-së
(BP)

[Zero Cool]

25.04.96 RILINDJA

REAGIMET SERBE: KËRKOHEN MASA SPECIALE NË KOSOVË!

Shtypi serb fajëson partitë politike shqiptare për rastet që ndodhën këto ditë në Kosovë.
Vrasjes së pesë qytetarëve e policëve serbë dhe plagosjes së pesë të tjerëve në Deçan, Pejë, Mitrovicë e Shtime, më së shumti i jep hapësirë gazeta serbe që botohet në Prishtinë “Jedinstvo“. Shihet se gazetat e tjera të përditshme serbe, si dhe Radiotelevizioni shtetëror serb, informojnë kryesisht në mënyrë të matur.
Në këto njoftime thuhet se u vranë Stana Radusinoviq (48), punëtore në kafenenë “Çakorr“, refugjate nga Shqipëria, Gjorgje Dragiq nga Pançeva (Vojvodinë) Bllagoje Okuliq nga Boleqi, që të dy punëtorë të “Unikopit“ nga Prishtina. Në Shtime u vra polici Milenko Buçiq (24) nga Brusa (Serbi), në Mitrovicë u vra Dragana Neshiq (19) nga Prishtina, kurse u plagosën Branko Babiq, punëtor i “Unikopit“, policët Zoran Dashiq (26) nga Gorazhdevci i Pejës dhe Safet Koçan (26) nga Peja, shoferi i veturës së policisë Slobodan Duqiq (38) nga Suhareka.
Deri tash kanë reaguar degët e Partisë Socialiste të Serbisë, Partia e ekstremistit Arkan, e ashtuquajtura Parti e Unitetit Serb dhe Partia e Rimëkëmbjes Serbe.
Në reagimin e Këshillit të Partisë Socialite të Serbisë për Kosovën, përgjegjësia për këto vrasje u hidhet “terroristëve shqiptarë“. Në kumtesën e kësaj partie thuhet se deri tash “terroristët shqiptarë“ i kanë sulmuar kryesisht pjesëtarët e ministrisë së punëve të brendshme të Serbisë dhe pjesëtarët e ushtrisë, ndërsa tash po i sulmojnë civilët, duke e ngarkuar kështu situatën . “Sulmet më të reja të armatosura vërtetojnë se lëvizja separatiste shqiptare po i kthehet terrorizmit si mjet të luftës, çka mund të përjashtojë
zgjidhjen paqësore të problemit ekzistues në Kosovë“, thuhet në kumtesë. Në fund të kësaj kërkohet “nga organet kompetente që sa më parë të zbulojnë ekzekutuesit e këtyre krimeve të shëmtuara dhe nxitësit e tyre“.
Ndërsa në kumtesën e Partisë së Unitetit Serb, thuhet se kjo parti “nuk do të lejojë vrasjen e njerëzve të pafajshëm serbë ose shqiptarë nga ana e terroristëve të çmendur shqiptarë“. Kjo parti i bën apel pushtetit serb “që menjëherë dhe tash t’ia presë rrugën terrorizmit shqiptar, madje edhe nëse kjo do të thotë aplikim i masave speciale nga ana e organeve të rendit dhe ligjit.
Në një konferencë për shtyp, zëdhënësi i Partisë së Rimë-këmbjes Serbe (SPO), Ivan Kovaçeviq deklaroi se “vrasja e dy serbëve në Deçan dhe vrasja e pardjeshme e një studenti shqiptar në Prishtinë, tërheq vërejtjen se Kosova po bëhet vatër e re e rrezikshme e konflikteve“ Duke i gjykuar këto akte të terrorizmit dhe të çmendurisë, me të cilat serbët dhe shqiptarët futen në fatkeqësinë e përmasave të mëdha“, ai nënvizoi se “për Kosovën s’ka zgjidhje pa bisedime urgjente me përfaqësusit e shqiptarëve lidhur me këto çështje, duke respektuar plotësisht normat dhe standardet ndërkombëtare“, theksoi zëdhënësi i kësaj partie.
Në një kumtesë të “Jedinstvos“ bëhet përpjekje që përgjegjësia për rastet tragjike të ditëve të fundit t’u lihet partive politike shqiptare në Kosovë. Duke cituar pjesë nga letra që disa parti politike ia dërguan kryetares së Këshillit të Ministrave të Bashkësisë Evropiane, zonjës Suzana Anjeli, në këtë koment të gazetës serbe bëhet përpjekje të gjenden kinse dëshmitë e paralajmërimit për ngjarjet që ndodhën ditëve të fundit. “Kërcënimet që iu bënë paqes me deklaratat në fund të javës së kaluar, u vërtetuan në mënyrë të vrazhd, parmbrëmë, me sulmet e sinjalizuara terroriste të separatistëve shqiptarë në shumë vende të Kosovës“, thotë komentatori i kësaj gazete dhe shton se “ekstremistët shqiptarë do të duhej ta dinin se terrorizmi nuk përkrahet nga forcat e paqes dhe se përmes terrorizmit nuk mund të realizohen kurrfarë qëllimesh të ndyta“. (QIK)


26.04.96 RILINDJA

NË BEOGRAD VAZHDOJNË REAGIMET NDAJ NGJARJEVE TË FUNDIT NË KOSOVË

Beograd, 25 prill
Ngjarjet e fundit në Kosovë po ndiqen me mjaft interesim në Serbi. Disa analistë të këtushëm, si dhe shtypi i pavarur i Beogradit tërheqin vërejtjen se situata në Kosovë është tejet e tendosur. Ata konsiderojnë se të dy palët (si ajo serbe, ashtu edhe ajo shqiptare) duhet të bëjnë përpjekje maksimale për ta qetësuar gjendjen dhe të pushojnë së akuzuari njëra-tjetrën për vrasjet që ndodhën. Në të kundërtën, nëse akuzat vazhdojnë dhe situata acarohet, ekziston rreziku nga shpërthimi i një konflikti të madh ndërnacional, siç ishte ai në Bosnjë.
Ndërkohë që mjetet e pavaruara të informacionit “Radio B 92“, “Nasha Borba“) i kushtojnë mjaft publicitet situatës aktuale në Kosovë, mediat shtetërore nuk merren shumë me këtë problematikë. Po ashtu, ndaj ngjarjeve të fundit në Kosovë nuk reagoi ende asnjë përfaqësues i Beogradit zyrtar, apo ndonjë organ i lartë i pushtetit serb ose i Jugosllavisë së vetëshpallur. Në një kumtesë të shkurtër, ku dënohen këto ngjarje, reagoi vetëm Këshilli për koordinimin e aktivitetit të Partisë Socialiste serbe në Kosovë.
Ndërkohë, e përditshmja e Beogradit “Dnevni Telegraf“ njofton sot jozyrtarisht se “Qëllimi i aksionit të paradokohshëm në Kosovë ishte që të vriten dhjetë e jo pesë serbë“, “Në të ardhmen shqiptarët nuk do të durojnë më terrorin serb dhe se për çdo shqiptar të vrarë do të vriten dhjetë serbë“, shkruan raporti i kësaj gazete nga Prishtina, duke cituar, siç thotë, shqiptarët të cilët tubohen çdo ditë në vendin ku para disa ditësh u vra studenti Armend Daci. Sipas të përditshmes “Dnevni Telegraf“ fjala është për hakmarrje dhe meqë prindërit e studentit të ndjerë Daci janë nga Deçani, aty kishte më së shumti viktima. Mirëpo, këto informata nuk u konfirmuan zyrtarisht, shkruan kjo gazetë.
Në Beograd vazhdojnë edhe reagimet e para të përfaqësuesve të partive politike të këtushme. Kështu, lideri i Lëvizjes për Ripërtëritjen Serbe, Vuk Drashkoviq, në tekstin e tij të botuar sot në të përditshmen “Nasha Borba“ shpreh mendimin se “Zjarri në Kosovë i konvenon mu tani si Rugovës, ashtu edhe Millosheviqit“. Sipas fjalëve të tij, “Rugova është i frikësuar për shkak të lodhjes së botës, e cila merret me tmerret e luftës në Bosnjë dhe ai bën orvatje, që duke shkaktuar kaos, problemi i Kosovës të gjendet në qendër të vëmendjës së komunitetit ndërkombëtar para largimit të IFORit nga Bosnja“. Drashkoviqi konsideron se “Rugova ka frikë edhe nga lodhja politike e shqiptarëve të Kosovës, të cilët gjithnjë e më shumë po e kuptojnë se insistimi i tij ekstrem për shkëputje çon në qorrsokak“. Në anën tjetër, shkruan më tej Drashkoviq, Millosheviqi ka frikë nga paraqitjet e përbashkëta të Lëvizjes për Ripërtëritjen Serbe, Partisë Demokratike dhe Aleancës Qytetare“. Në një situatë e cila është e pavolitshme për Millosheviqin, dhe ku ai ka hapur fronte të reja (konflikti i serishëm me Amerikën, lufta kundër Fondit Monetar Ndërkombëtar, angazhimi për shkarkimin e guvernatorit Avramoviq dhe kryeministrit të Malit të Zi Gjukanoviq) presidenti serb po e përdor taktikën e tij të vjetër që problemet t’izgjidh duke krijuar probleme tjera edhe më të mëdha. Me ndezjen e Kosovës në prak të zgjedhjeve, ai mendon se të gjitha frontet e tjera të tij do të jenë në plan të dytë dhe se ai do të ketë sërish imazhin e luftëtarit nacional, theksoi Drashkoviq. Ai shpreh frikën nga shpërthimi i konfliktit, dhe thotë se zgjidhja e vetme reale është dialogu urgjent midis serbëve dhe shqiptarëve.
Kryetari i Partisë Demo-kratike të Serbisë Voisllav Koshtunica deklaroi se në vend të dialogut, në Kosovë filloi dhuna. “Fjala është për akte terroriste, por terrorizmi shpërthen atje ku problemet nuk zgjidhen” shton ai. Zoti Koshtunica përkujton se në mbledhjen e fundit të ministrave të BE u konkludua se është i nevojshëm dialogu midis Prishtinës e Beogradit. “Po hyjmë në një fazë, ku mund të shkallëzohet dhuna në Kosovë“, tha sekretarja e përgjithshme e Partisë Demo-kratike Liljana Lluçiq. Edhe ajo angazhohet për bisedime urgjente me përfaqësuesit e shqiptarëve të Kosovës. Ndërkaq, duke folur për ngjarjet e fundit në Kosovë, zëdhënësi i JUL-it Aleksandër Vulin shpreh mendimin se “fjala është për formën më brutale të separatizmit. Ai shton se këtu nuk duhet përjashtuar as pjesëmarrjen e faktorit të huaj.
(A. Berisha)

[Zero Cool]

26.04.96 RILINDJA

BERISHA FTON SHQIPTARËT PËR VETËPËRMBAJTJE

Presidenti Berisha u bën thirrje shqiptarëve për vetë-përmbajtje, ndërsa bashkësia ndërkombëtare kërkon të marrë masa për zgjidhjen e çështjes së Kosovës si kusht për vendosjen e paqes në Ballkan Presidenti i Shqipërisë Sali Berisha, akuzoi pardje qarqet nacionaliste serbe si autorë të incidenteve të fundit në Kosovë, të cilat, sipas tij, kërkojnë frenimin e përkrahjes ndërkombëtare në rritje për Kosovën dhe shmangien e shqiptarëve nga rruga paqësore. Berisha u bëri thirrje shqiptarëve të Kosovës për vetëpërmbajtje për të shmangur shkallëzimin e gjendjes së terrorit dhe kërkoi nga komuniteti ndërkombëtar të marrë masa të duhura për zgjidhjen e çështjes së Kosovës, si kusht për vendosjen e paqes në Ballkan. Në një raport të emituar parmbrëmë në radion “Zëri i Amerikës“ thuhet se presidenti Berisha, duke përmendur vrasjen e studentit shqiptar Armend Daci, si dhe vrasjet tjera, të cilat i quan të inskenuara nga qarqet ekstremiste të nacionalitetit serb, vlerësoi se këto janë elemente të një strategjie të qarqeve ultranacionaliste, të cilat kërkojnë me çdo kusht të ndërlikojnë situatën në Kosovë dhe të minojnë opcionin e zgjidhjes paqësore të çështjes së Kosovës me të cilin opcion janë pajtuar tani të gjitha forcat politike në Kosovë, Shqipëri dhe shqiptarët në tërësi.
Në anën tjetër, presidenti Berisha vlerëson se ultranacionalistët serbë, me aktin e tyre të dhunës kërkojnë të paralizojnë përkrahjen ndër-kombëtare në rritje për Kosovën. Vlerësimet e presidentit Berisha rreth situatës më të fundit në Kosovë, janë në bazë të komenteve tepër shqetësuese të shtypit të Tiranës rreth këtyre ngjarjeve. Nga ana tjetër, vërtetohet përditë e më shumë se shtypi i Tiranës, qoftë ai proqeveritar apo ai i opozitës, po shfaq brengosje për situatën në Kosovë dhe po përkrah udhëheqësit e shqiptarëve të Kosovës, duke i inkurajuar ata në politikën e tyre paqësore.
(QIK)



ZËRI I KOSOVËS Nr.18,1.5.1996

KOMUNIKATË NR.19
Më 22 prill 1996 në Kosovë, në zonën operative nr.1 njësitë tona guerile ndërmorën sulme të armatosura kundër agresorëve serbë. Forcat tona nuk pësuan asnjë humbje.
Pas sulmeve tërheqja u bë e rregullt, siç ishte paraparë, në pritje për zbatimin e urdhërave të tjerë.
Ua bëjmë me dije qendrave ndërkombëtare të vendosjes se përkrahja e agresorëve serbë dhe mosnjohja e vullnetit të popullit shqiptar të robëruar do të thotë vazhdim i luftës së armatosur në Kosovë dhe zgjerim i konfliktit në nivel ballkanik.
Lufta e armatosur e popullit shqiptar nuk ka karakter “terrorist“, nuk ka karakter të luftës
“ndëretnike“ as karakter “fetar“. Ajo është luftë për çlirimin e Kosovës. Si e tillë ajo do të vazhdojë deri në fitoren e plotë.

Shtabi Qendror i Ushtrisë Çlirimtare të Kosovës
Prishtinë, më 25 prill 1996





BBC: “UÇK“ MORI PËRGJEGJËSINË PËR VRASJET E 22 PRILLIT NË KOSOVË

Për ngjarjet e fundit më 22 prill në Kosovë, ku u vranë pesë serbë dhe u plagosën po aq të tjerë, siç njoftoi të mërkurën mbrëma Radio BBC, përgjegjësinë e mori e ashtuquajtura Ushtri Çlirimtare e Kosovës (UÇK).
Në emisionin shqip të BBC-së thuhet se në këtë radiostacion kishte arritur kumtesa e organizatës UÇK, në të cilën thuhej: “Nëpërmjet këtij aksioni ua bëjmë me dije qendrave ndërkombëtare se përkrahja e agresorëve serbë dhe mosnjohja e vullnetit të popullit shqiptar të robëruar do të thotë vazhdim i luftës së armatosur në Kosovë dhe zgjerim i konfliktit në nivel ballkanik. Lufta e armatosur e popullit shqiptar nuk ka karakter terrorist, ndëretnik apo fetar. Ajo është luftë për çlirimin e Kosovës“.
Siç dihet emri i organizatës “Ushtria Çlirimtare e Kosovës“ (UÇK) iu bë i njohur opinionit në shkurt të këtij viti, kur kjo organizatë e mori përgjegjësinë për disa shpërthime të pasqaruara në disa kampe të refugjatëve serbë në Kosovë më 11 shkurt, të cilat kaluan pa viktima dhe pa dëme materiale.
(QIK)




09.05.96 RILINDJA

FEHMI AGANI, NËNKRYETAR I LDK-së (Pjesë të bisedës së Fehmi Aganit, për gazetën “Nasha Borba“ të botuar në Rilindje)

Ne e kemi dënuar dhe e dënojmë çdo formë të terrorit pa marrë parasysh se kush
e bën, shton bashkëbiseduesi ynë e vazhdon se edhe në mesin e shqiptarëve ka më radikalë, por më radikalë në aspektin e politikës aktive, por jo edhe të rezistencës më aktive. Fjala është, konsideron Agani, për grupe të cilat radikalizmin e tyre më tepër e shprehin verbalisht se sa me metoda sabotimi, terrorizmi e të ngjashme. Para se organizata “Ushtria Çlirimtare e Kosovës“ zyrtarisht ta merrte përgjegjësinë për vrasjen e qytetarëve serbë dhe të pjesëtarëve të MPB të Serbisë, në qarqet politike të Kosovës spekulohej edhe me mundësinë që kryes i këtyre sulmeve terroriste të jetë pikërisht një grup policësh, të cilët kohë më parë u pushuan nga puna, për të liruar vende për kolegët e dikurshëm shqiptarë.
Pyetjes sonë se në ç‘masë Lidhja Demokratike është në gjendje të kontrollojë opinionin publik shqiptar, Agani iu përgjigj duke thënë se kjo parti politike më masive e shqiptarëve në Kosovë edhe më tutje gëzon përkrahjen e shumicës dërrmuese të popullsisë. Disa ditë pas incidentit, në rrugët e Prishtinës grupe të rinjsh “të paidentifikuar“ shpërndanin afishe dhe ftesa për dalje masive në rrugë për t’i bërë homazhe Armend Dacit të vrarë“. Tërë ditën në fjalë, thotë Agani, kemi mbajtur mbledhje, kemi biseduar e jemi konsultuar që të parandalojmë demonstratat dhe manifestimet tjera të pakënaqësisë. Kemi shpallur kumtesë se qytetarët nuk duhet t’u përgjigjen thirrjeve të tilla. Vetëm në faqen e parë të “Bujkut“, bie fjala, janë botuar pesë apele që populli të mos u përgjigjet atyre protestave, nga që u druanim incidenteve të reja“, -thotë Agani.

[Zero Cool]

07.05.96 RILINDJA

KONCEPTI I RI I ADEM DEMAÇIT PËR ZGJIDHJEN E PROBLEMIT TË KOSOVËS: PAVARËSIA, PASTAJ NË KONFEDERATËN BALLKANIA

(Pjesë nga intervista e botuar në “Rilindje“)
Klubi i gazetarëve që raportojnë nga Kosova për mediat e jashtme organizoi dje një bisedë me Adem Demaçin njërin nga personalitetet politike shqiptare të Kosovës, mendimet dhe pikëpamjet e të cilve vazhdimisht bëjnë jehonë, jo vetëm për shkak të biografisë, por edhe për shkak të guximit, me të cilin paraqitet në kohë dhe hapësirë. . .
Le të trandemi të gjithë sa ka ende kohë! Dekada e fundit e përgjakshme e prillit 1996 është paralajmërimi më brutal për të gjithë, prandaj dhe të gjithë, pa përjashtim, duhet ta marrin me seriozitetin më të madh dhe të trandemi sa ka ende kohë. Brenda vetëm një dhjetëditëshi patëm shtatë të vdekur dhe tetë të plagosur nga radhët e serbëve dhe shqiptarëve, patëm një bombë te hedhur në oborrin e shefit të policisë në Prizren dhe të shtëna me armë nga një ushtarak serb mbi furrën “Pashtriku“ në Ferizaj.
Ngjarjet e përgjakshme, që ndodhën në dekadën e fundit të prillit, janë një dëshmi që unë e marr shumë serioze dhe unë i ftoj edhe të tjerët që t’i marrin ashtu, se ka indikacione të cilat tregojnë se brenda këtij populli ka të tillë të cilët nuk ngurrojnë të derdhin gjak dhe që nuk janë të gatshëm të ulin qafën. Prandaj u bëj thirrje, në radhë të parë shqiptarëve, po edhe tërë botës, që këtë ta marrë si fakt të hidhur që t’i ndryshojnë qëndrimet e veta, pikëpamjet dhe mënyrën me të cilën e kanë paraparë zgjidhjen e problemit të Kosovës dhe të kuptojnë se shqiptarët, të cilët deri më tash kanë treguar vullnet të fortë që të durojnë dhe të jenë të urtë, duket se kanë ardhur në gradën kur nuk mund të mbajnë asi qëndrimi. Po e përsëris se nuk mund të pohohet se vetëm serbët i kanë shkaktuar ngjarjet e përgjakshme të dhjetëditëshit të fundit të prillit, për të ruajtur status quo-në që u ka krijuar atyre kushte për jetë pa brenga në kurriz të shqiptarëve, meqë atmosfera e dhunës dhe e terrorit, e diskriminimit dhe e denoncimit, destrukcionit që po ushtron regjimi serb janë bërë të padurueshme dhe i ngjajnë enës që ka filluar të vlojë. Prandaj shtrohet kërkesa para komunitetit ndërkombëtar që të rishqyrtojë çështjen e Kosovës në dritën e ngjarjeve të fundit.
Para dy tre muajsh ndodhën shpërthime nëpër kampet e refugjatëve, ja tani edhe këto ngjarjet e përgjakshme. Pavarësisht nga thirrjet për qetësi e vetëm qetësi, pakënaqësia, zemërimi dhe dëshpërimi kanë mbetur brenda në popull dhe sa e njoh unë atë, ai nuk do të pranojë të mbetet farë kolonie serbe.


30.05.96 RILINDJA

VËZHGUES TË UNIONIT EVROPIAN VIZITUAN KMDLNJ: NUK MJAFTON VETËM MOSHARRIMI I KOSOVËS

Z. Torsiello pastaj u interesua për dallimet ndërmjet koncepcionit të tij dhe të
Rugovës.
Demaçi tha se ato përputhen sa përket domosdosë për pavarësi të Kosovës dhe të drejtës për vetëvendosje të shqiptarëve. Unë, tha ky, vetëm bëj një kompromis në përputhje me kërkesat e komunitetit ndërkombëtar për moscenimin e kufijve të jashtëm. Prandaj, shtoj se pas pavarësimit, duke ruajtur sovranitetin secili nga shtetet, do të bisedojë për formimin e një konfederate ndërmjet Kosovës, Serbisë dhe Malit të Zi. Ekziston edhe një dallim: unë nuk mendoj se vetëm shqiptarëve duhet t’u bëhet thirrje për paqe dhe për mosgjakderdhje. Ajo duhet t’i drejtohet edhe Serbisë, por edhe komunitetit ndërkombëtar, i cili po e lë Kosovën nën sovranitetin serb, gjë që do të përfundojë me gjakderdhje, meqë shqiptarët nuk do të pranojnë të mbesin përgjithmonë
koloni.
Torsiello pyeti Demaçin nëse këtë e dinte Ushtria Çlirimtare e Kosovës, e cila mori përsipër incidentet e fundit, kurse ky iu përgjegj se nuk është i bindur të ketë armatë të tillë. Më parë mund të jetë ndonjë grup i vogël (nëse i kanë bërë shqiptarët), i cili do të mund të shndërrohet edhe në armatë po nuk u gjet një zgjidhje e arsyeshme edhe për shqiptarët“.




ZËRI I KOSOVËS Nr.18,1.5.1996

MBROJTJA E KOSOVËS ËSHTË E DREJTË E PACËNUESHME, E PATJETËRSUESHME DHE OBLIGIM E NDER I ÇDO QYTETARI

Siç është bërë e ditur, gjatë muajit prill atdhetarët shqiptarë bënë veprime të armatosura kundër pushtuesve në Kosovë. Lëvizja Popullore e Kosovës përkrah çdo veprim të armatosur kundër pushtuesve që çon drejt pavarësisë së Kosovës dhe bashkimit të viseve të saja, pra edhe veprimet që u bënë në muajin prill. Lëvizja konsideron se, ekzistimi i forcave të armatosura të Kosovës është i ligjshëm: i bazuar në Kushtetutën e Kosovës dhe në ligjet ndërkombëtare sipas të cilave “çdo popull ka të drejtë të vendosë
dhe të jetojë i lirë“, pra, rrjedhimisht, të ketë ushtrinë e vet. LPK fton qytetarët që të respektojnë Kushtetutën e Republikës së Kosovës, në nenin 77 të së cilës thuhet: “Mbrojtja e vendit është e drejtë e pacenueshme, dhe obligim e nder i madh i çdo qytetari“.
Të përkujtojmë se krerët shqiptarë ka 5 vite që janë lutur deri në vetëposhtërim këtu e në gjithë botën që çështja të zgjidhet me mjete politike. Serbia, Mali i Zi e Maqedonia këtë e kuptuan si dobësi të popullit shqiptar dhe rritën shtypjen e terrorin. Kështu që
rishpërthimi i konfliktit të kohëve të fundit është reagim i natyrshëm i popullit tonë për të mbrojtur të drejtën e tij të patjetërsueshme për pavarësi.
Përgjegjësinë për gjendjen e krijuar e mbajnë pushtuesit të cilët, me gjithë kërkesat e popullit shqiptar, nuk po tërhiqen nga Kosova e viset e saja në mënyrë që të ndërpriten
luftimet dhe të arrihet paqja. Një pjesë të përgjegjësisë për situatën e krijuar në Kosovë e mbajnë shtetet të cilat kohëve të fundit inkurajuan Beogradin duke njohur sovranitetin e tij mbi Kosovën.
Vlerësimet e pushtuesve serbë, maqedonë dhe malazezë për luftën e drejtë të popullit shqiptar janë të njohura andaj nuk tërheqin vëmendjen. Vëmendje tërheqin deklaratat e disa individëve dhe partive shqiptare që po e inkriminojnë luftën e popullit tonë si “rebele“ dhe “terroriste“. Me të drejtë shtrohet pyetja se, në kushtetutën e cilit shtet i mbështesin këto deklarata? Dhe e dyta, me çka dallojnë vlerësimet e tyre nga ato të
Beogradit, Shkupit e Podgoricës? Në një të kaluar jo të largët të gjithë e dinë se çfarë pasojash pati vlerësimi i demonstratave të vitit 1981 si “kundërrevolucionare“ nga ana e strukturave të ish-KSA të Kosovës. Po pasojat nga deklaratat e sotme të papërgjegjësi, çfarë mund të jenë?
Sidoqoftë, vullneti i popullit shqiptar për pavarësi i shprehur në referendum qëndron mbi vullnetin e pushtuesve dhe atyre që u …
LËVIZJA POPULLORE E KOSOVËS (LPK)/ Prishtinë, prill 1996

[Zero Cool]

18.06.96. RILINDJA

NË PODUJEVË U PLAGOS NJË POLIC

Sipas televizionit serb të Prishtinës, mbrëmë në Podujevë, nga të shtëna me armë
automatike, është plagosur polici Goran Mitroviq. Plagosja ka ndodhur rreth orës 22 në afërsi të Stacionit të Autobusëve në Podujevë, derisa polici ndodhej në automobilin zyrtar. Polici i plagosur u dërgua në spitalin e Prishtinës, prej nga u lëshua pas sanimit të
plagës në këmbë.
(B. P.)




19.06.96 RILINDJA

GJENDJA E TENDOSUR NË MITROVICË E RRETHINË

Komisioni për informim i Degës së LDK-së dhe Dega e KMDLNJ-së në Mitrovicë njoftojnë
për një polic të vrarë dhe një tjetër të plagosur në një incident të pasqaruar parmbrëmë para orës 23 në Shipol të Mitrovicës. Këto burime bëjnë me dije se te ujësjellësi i qytetit u dëgjuan parmbrëmë të shtëna armësh, ndërsa rreth orës 23 në spitalin e Mitrovicës u dërguan dy policët e plagosur. Nga plagët vdiq polici Predrag Gjorgjeviq (23) nga Krushevci (Serbi), ndërsa kolegu i tij Vukojiçiq Zoran (27) u dërgua në spital në Prishtinë.




NË LLUZHAN TË PODUJEVËS KRISMA ARMËSH U DËGJUAN NË STACIONIN E
POLICISË

Parmbrëmë në mesnatë u dëgjuan për një kohë të gjatë të shtëna të shumta armësh në afërsi të stacionit të policisë serbe në Lluzhan, buzë rrugës Prishtinë- Podujevë, 12 km larg Podujevës. Komisioni për Informim i Degës së LDK-së në Podujevë njoftoi se forcat serbe e bllokuan gjatë natës vendin ku ishin dëgjuar të shtënat dhe udhëkryqin e rrugës
Lluzhan-Orllan.




22.06.96 RILINDJA

KONFERENCË SHTYPI E DR. IBRAHIM RUGOVËS

Dr. Rugova para gazetarëve sërish dëshmoi për dhunën e pashembullt ndaj një popullate
duarthatë dhe të pambrojtur dhe pos represionit sistematik, ai përmendi edhe rastet e fundit që ngjanë në Mitrovicë dhe në Podujevë, ku u vra një polic serb dhe u plagosën dy kolegë të tij. Këto incidente ende të pasqaruara, tha Rugova, u përdorën si pretekst për dhunë dhe për shtimin e represionit me qëllim të ngritjës së tensionit në Kosovë. Ne, tha ai, kemi kërkuar një përmbajtje të qytetarëve të Kosovës në këto ditë të vështira dhe kërkojmë nga milicia serbe të mos i provokojë shqiptarët dhe që të mos e keqësojë edhe më shumë situatën. Këto incidente, shtoi dr. Rugova, i keqpërdori propaganda politike serbe për t’i akuzuar shqiptarët dhe për t’i etiketuar ata pa u sqaruar rrethanat. Këto incidente gjithashtu, kanë për qëllim edhe pengimin e zgjidhjës politike të çështjes së Kosovës dhe acarimin e situatës në rajon.




ZËRI I KOSOVËS Nr.25, 27.6.1996

VAZHDON REZISTENCA AKTIVE NDAJ PUSHTUESIT

Mjetet e informimit masiv të shtypit dhe të radiotelevizionit, njoftojnë se më 16 qershor ’96 në orët e vona të natës, afër stacionit të autobusëve në Podujevë, u plagos polici Goran Mitroviq. Polici i plagosur menjëherë u dërgua në spitalin e Prishtinës për shërim.
Goran Mitroviqi u plagos në orarin e kryerjes se detyrës, në veturën zyrtare.

Mjetet e informimit bëjnë të ditur gjithashtu, se më 17 qershor ’96, në orët e vona të mbrëmjes, në paralagjen e Mitrovicës, në Shipol, nga armë automatike, u vra Predrag Gjorgjeviq (23) nga Krushevci i Serbisë, ndërsa u plagos Zoran Vukojiçiq (27), i cili, u
dërgua në spitalin e Prishtinës për shërim. Policët, në Shipol, në aktin e kryer ndaj tyre, ishin në kohë pune me veturë zyrtare.
Të njejtën natë (më 17 qershor), afër stacionit të policisë, në Lluzhan, afër Podujevës, në orët e vona të mbrëmjes, një kohë të gjatë u dëgjuan të shtëna nga armët automatike. Me të pushuar të shtënat, në vendin ku u dëgjuan ato, forca të mëdha të policisë serbe bllokuan vendin. Gjithashtu, ata bllokuan edhe udhëkryqin mjaft të frekuentuar në rrugën Lluzhan- Orllan.
Bëhet e ditur, se pas akteve të kryera, forca të mëdha të policisë serbe bllokuan vendbanimet në një gjerësi të konsiderueshme, me ç’rast bastisën familje të tëra, si dhe individë të shumtë nga popullsia shqiptare.

[Zero Cool]

ZËRI I KOSOVËS Nr.25, 27.6.1996

Ushtria Çlirimtare e Kosovës merr përgjegjësinë për aktet fundit në Kosovë

KOMUNIKATË nr. 20

Më 16 dhe 17 qershor 1996, njësitë tona guerile bënë 3 sulme me armë zjarri kundër okupatorëve serbë. Pas kryerjes së aksioneve tërheqja u bë e rregullt, asnjëri nga
sulmuesit nuk është dëmtuar. Ata tërhoqën dhe janë në pritje të marrjes së urdhërave të reja. Ua bëjmë me dije gjithë miqve dhe armiqëve të popullit tonë, se ne do ta vazhdojmë luftën tonë armatosur derisa t’i detyrojmë okupatorët që të tërhiqen nga trojet tona.
Lufta e armatosur e popullit shqiptar është luftë çlirimtare…(vijon marrja e përgjegjësisë, etj.)
Prishtinë, 18 qershorit 1996, Shtabi Qendror i Ushtrisë Çlirimtare të Kosovës



12.07.96 RILINDJA

TË SHTËNA ME ARMË NË PODUJEVË

Podujevë, 11 korrik /
Komisioni për informim i Degës së LDK-së në Podujevë njofton se parmbrëmë pas mesnatës, në afërsi të Shtëpisë së Shëndetit në Podujevë, janë dëgjuar të shtëna me armë dhe se pas krismave kishin arritur forca të shtuara të policisë me automjete të saj.
Forcat e policisë kanë qëndruar aty deri në mëngjes. Thuhet se nga të shtënat është qëlluar një polic serb, mirëpo kjo nuk është konfirmuar.
Edhe pse ende nuk dihet motivi e pasojat e të shtënave me armë, qytetarët e Podujevës janë të shqetësuar për shkak të drojës së ndërmarrjes së ndonjë ekspedite represive të policisë serbe.
Në muajin e kaluar, pas njoftimit për një incident të pasqaruar kundër një polici serb, u ndërmor një fushatë e egër represive kundër qytetarëve e kalimtarëve. Në mënyrën më mizore qenë torturuar në rrugë e në prani të anëtarëve të familjeve të tyre së paku 30 qytetarë.
(QIK)




RILINDJA 5.08.1996

KRIMINELI ARKAN PARAQITET NË PRISHTINË E NË PODUJEVË

Gjendjen në Kosovë e ka tendosur dukshëm edhe prania e djeshme e kriminelit serb Zhelko Razhnjatoviq-Arkan. Ky kriminel ka paralajmëruar se do të zhvendosë formacionet e tij paramilitare nga Bosnja e Kroacia në Kosovë. Ndërsa në korrik ai paralajmëroi se në vitin e ardhshëm është i mundshëm shpërthimi i konfliktit në mes shqiptarëve e serbëve. Krimineli Arkan me një pjesë të formacioneve të tij paramilitare qëndroi dje rreth orës 13,30 në afërsi të stacionit të policisë “Qendra“ në Prishtinë, ndërsa në orën 14 edhe në Podujevë.
Një dëshmitar i tha QIK-ut se Arkani qëndroi rreth 15 minuta në afërsi të stacionit të policisë në Prishtinë, në vendin ku thuhet se është hedhur parmbrëmë një lëndë shpërthyese. Arkani shoqërohej me një suitë që kishte udhëtuar me 12 xhipsa ngjyrë të zezë. Shoqëruesit e tij ishin të veshur me rroba të zeza dhe me patika. Në njërën dorë mbanin automatikë me tytë të shkurtër, ndërsa në tjetrën telefon dore.
Derisa qëndruan dhe vëzhguan terrenin ata e bllokuan rrugën. Krimineli Arkan, që udhëheq edhe një parti me emrin “Partia e Unitetit Serb“ shkoi në orën 14 në Podujevë. Ai hyri në një ndërtesë në qendër të Podujevës, përballë ish-stacionit të policisë, ku ndodhi një shpërthim parmbrëmë. Thuhet se aty është selia e degës së partisë së tij.
Një dëshmitar i tha QIK-ut se derisa ai po mbante mbledhje, truprojat e tij qëndronin me xhipsa të zinj në rrugë, duke demonstruar në këtë mënyrë një agresivitet të theksuar ndaj qytetarëve shqiptarë. Pas një kohe, i shoqëruar nga eprorët e policisë serbe, ai vizitoi ish-stacionin e policisë në Podujevë, përkatësisht vendin e shpërthimit të parmbrëmshëm.
(QIK)




RILINDJA 5.08.1996

TË SHTËNAT AUTOMATIKESH SHKAS PËR EKSPEDITË NDËSHKUESE

Podujevë, 4 gusht / Parmbrëmë rreth orës 21 e 15 minuta, në Podujevë dhe në fshatrat përreth, policia serbe ndërmori një fushatë të gjerë represive kundër qytetarëve dhe kalimtarëve të rastit që u gjendën në qytet. Kjo ndodhi pas një breshëri të shtënash nga automatikët dhe krismave enigmatike, duke u shoqëruar me një detonacion të fuqishëm zjarri e tymi, nga stacioni i vjetër i policisë, ku u dogjën disa objekte ndihmëse të tij. Siç njofton Komisioni i Degës së LDK-së në Podujevë, atë natë qyteti u mbush me forca të mëdha policore, me tanke e pizgauerë, që u bllokuan të gjitha rrugët që lidhen me fshatrat e kësaj komune. Kështu, natën kritike të 2 gushtit një ekspeditë policore e arreston të riun Avni Miftari, i cili gjendej në oborrin e xhaxhait. Ky i ri rrahet nga policia në mënyrën më brutale, dhe gjatë tërë natës ishte në gjendje shumë të rëndë shëndetësore. Të nesërmen Avniu i nënshtrohet intervenimit kirurgjik, pas dëmtimit të disa gjymëtryrëve të trupit, thuhet në deklaratën e tij me shkrim. Për shkak të krismave enigmatike ende të pasqaruara, po ashtu në orët e vona të mbrëmjes arrestohen në shtëpinë e vet, vëllezërit Hasan, Ilmi, Agim dhe Bekim Bahtiri, të cilët mbahen në stacionin e policisë deri në orët e hershme të mëngjesit dhe keqtrajtohen rëndë nga policia, kurse Bekimi e pësoi më së keqi, i cili u detyrua të kërkojë ndihmën e mjekut. Me këtë pretekst në orët e vona të natës kontrollohet shtëpia e Hasan Halitit, të cilin e lirojnë të nesërmen.
Ndër të rrahurit janë edhe Ajvaz Ahmeti, Basri Jashari, Fahri H. Hoxha, Halit Kika, Fazli Fazliu dhe Murat Veseli, kurse të shtunën në orën 4 të mëngjesit policia arrestoi në shtëpinë e vet vëllezërit Nexhmi, Bahri, Afrim dhe Sefadin Hoti, të cilët lirohen pas dhënjes së deklaratave rreth rastit të parmbrëmshëm. Gjithashtu të njëjtën mbrëmje në të njëjtën kohë sikur në Podujevë, u dëgjuan breshëri të shtënash nga armët automatike edhe në Lluzhan dhe Kërpimeh, me ç’rast qytetarët e këtyre fshatrave u maltretuan nga policia, njofton Komisioni informativ i LDK-së në Podujevë.
Të nesërmen, ditën e shtunë, qyteti ishte i braktisur nga qytetarët dhe mbretëronte situatë mjaft e rëndë dhe e tensionuar, kurse forcat e shumta policore ishin të stacionuara në hyrje-daljet e qytetit dhe kontrollonin në detaje të gjithë kalimtarët e rastit.
(F. Halimi)

[Zero Cool]

RILINDJA 5.08.1996

SHPËRTHIME NË STACIONET SERBE TË POLICISË NË PRISHTINË E PODUJEVË

Të premtën pas orës 21 qytetarët dëgjuan shpërthime dhe eksplodime në afërsi të stacioneve të policisë në Podujevë, Kërpimeh të Podujevës dhe në Prishtinë. Pas shpërthimeve enigmatike, forcat serbe ndërmorën një fushatë të gjerë represioni kundër shqiptarëve. Njoftohet për dhjetëra të rrahur e të ndaluar gjatë natës nëpër stacionet e policisë serbe. Për tri incidentet e parmbrëmshme njoftuan dje edhe mjetet serbe të informacionit. Duke u mbështetur në burimet jozyrtare në njoftime thuhet se parmbrëmë në kohë të njejtë pasë orës 21 pati shpërthime në stacionet e policisë në Podujevë, në Kërpimeh dhe në stacionin e policisë “Qendra“ në Prishtinë dhe se shpërthimet kishin shkaktuar dëme materiale, por nuk dihej në kishte të vrarë e të lënduar. Pasi përkujtoheshin disa raste të pasqaruara të vrasjes së policëve në muajin e fundit, theksohet se përgjegjësinë për to e kishte marrë një organizatë e quajtur “Ushtria për Çlirimin e Kosovës“. Kjo organizatë u cilësua në njoftimin serb si “krahu më ekstrem i lëvizjes separatiste shqiptare“.
(QIK)



TIRANA RIKUJTOHET PËR KOSOVËN

Partitë e opozitës reagojnë, partia në pushtet hesht.
Dy bomba që shpërthyen në Kosovë u kujtuan edhe një herë politikanëve të Tiranës se çështja e Kosovës ende nuk është zgjidhur. Cila është gjendja aktuale në Kosovë? Cilat mund të jenë opsionet e zgjidhjes së kësaj krize? A ka qenë produktive politika e Berishës dhe Rugovës për zgjidhjen e çështjës së Kosovës?- ishin pytjet që ju përgjigjën disa nga politikanët e opozitës. Ndërkohë në selinë e partisë demokratike asnjë prej drejtuesve të saj nuk pranoi të prononcohej.
SERVET PËLLUMBI, PS
Gjendja në Kosovë vazhdon jetë e tendosur dhe tepër e rrezikshme. Shpërthimi i bombave është një provë që dëshmon se situata në Kosovë duhet vlerësuar dhe të gjendet rrugëdalja. Por të gjitha opcionet e tashme janë të bllokuara, sipas formulës së status kuosë, gjë që është me pasoja të rënda. Në agravimin (përkeqësimin) e situatës përgjegjësi kanë edhe Berisha e Rugova me qëndrimet e tyre “hiq e mos këput“. Strategjia e tyre për zgjidhjen e çështjes së Kosovës ka qenë pa bosht dhe me opcione që kanë ndërruar sipas stinës. Ne mendojmë se Komuniteti Ndërkombëtar ka ofruar një varg zgjidhjesh, por nuk shikojmë asnjë këmbëngulje të tyre për t’iu imponuar Millosheviçit, vullneti politik i të cilit për zgjidhjen çështjes së Kosovës është ende në nivelin zero. Zgjidhja që ne propozojmë janë bisedimet në prani të një pale të tretë. Zgjidhja duhet të jetë në përputhje me standardet evropiane. Pa këtë zgjidhje nuk mund të ketë stabilitet në Ballkan. Madje mund të ketë të papritura nga të cilat del i humbur i gjithë Ballkani.



6.08.96 KOHA JONË
(Tiranë) Intervistë e nënkryetarit të LDK-së Hidajet Hyseni dhënë Radio BBC-së
LDK NUK MBËSHTET ASNJË FORMË TË DHUNËS

A do të ndikojnë shpërthimet e fundit në Kosovë në ashpërsimin e mëtejshëm të situatës?
Së pari, ne nuk kemi të dhëna të mjaftueshme, të dhëna të plota, për ato që po ndodhin, nuk kemi të dhëna as për sulmet e fundit në stacionet e policisë serbe, prandaj edhe nuk mund të japim një vlerësim përfundimtar se kush qëndron pas saj dhe për ç’arsye bëhen ato. E vërteta është se rastet si këto po përdoren për të ushtruar raprezalje të gjera kundër popullatës së pafajshme kosovare dhe kjo vetëm shton dyshimet për qëllimet e vërteta të akteve që po ndodhin kohët e fundit në Kosovë. Qëndrimi i LDK-së është i njohur dhe i pandryshueshëm. Ne nuk mbështesim asnjë formë të dhunës sidomos atë që drejtohet kundër qytetarëve të pafajshëm; e vlerësojmë si të domosdoshëm intensifikimin e përpjekjeve për të filluar dialogun, për të gjetur një zgjidhje të drejtë dhe të qëndrueshme dhe i konsiderojmë këto si mënyrën më të mirë për të parandaluar jo vetëm mundësinë e konflikteve, por edhe mundësinë e spekulimeve, provokimeve të ndryshme që mund të ndodhin në Kosovë.

[Zero Cool]

7.8.96 RILINDJA
(TIRANË) DR. FEHMI AGANI RRETH SHPËRTHIMEVE TË FUNDIT NË KOSOVË: LOJË E KURDISUR

Nënkryetari i LDK-së dr. Fehmi Agani, në një intervistë që i dha emisionit shqip të “Zërit të Amerikës“, vlerësoi shpërthimet enigmatike në Podujevë e në Prishtinë si provokacione evidente. Megjithëse nuk është mirë që të paragjykohen e të formulohen faje e të emërohen fajtorë para se të kryhen hetimet, megjithatë me rastin e shpërthimeve në Podujevë, në Kërpimeh dhe në Prishtinë është fare e qartë se është fjala për një provokacion evident, bile-bile do të thosha shumë i tejdukshëm, tha ai.
Bota po formulon akuza më të rënda kundër terrorizmit. S’ka dyshim se është interes i madh pushtetit serb të adresojë një pjesë të fajit për terrorizëm edhe kundër shqiptarëve. Kujtoj se këto shpërthime mund të shikohen vetëm në funksion të këtyre interesave që mund të ketë regjimi serb, tha ai.
Ai tha se mund të ketë edhe dëshira dhe pretendime të tjera. Nga një anë duket çështja e pamotivuar pse është folur dhe po flitet për mundësinë e bisedimeve relativisht të afërta për çështje të shkollës, e ndoshta edhe për çështje thelbësore politike. Është përmendur dhe thuhet se këto bisedime bile do të fillojnë eventualisht me kontaktet e Millosheviqit me kryetarin Rugova.
Nga ky aspekt çështja e shpërthimeve duket e pamotivuar. Por, nëse e dimë se Millosheviqi, edhe pse ndoshta është i detyruar të kontaktojë me Rugovën e të bisedojë me të për shkak të afirmimit që ka lëvizja politike, të cilën e udhëheq Rugova, dhe për shkak të presioneve të tjera ndërkombëtare, megjithatë, Millosheviqi mund të llogarisë në mendjen e tij se bisedat do t’i përfundojë me dikë tjetër, prandaj është interes konstant i tij të minojë mundësisht politikën e dr. Rugovës dhe opcionin paqësor politik të shqiptarëve, duke shpresuar kot që në një fazë të më vonshme do të ketë mundësi të zgjedhë vetë partnerë eventualë për bisedime, theksoi dr. Agani.
I pyetur se çfarë është domethënia e mosgjetjes së përgjegjësve për incidentet e muajve të fundit, dr. Agani tha se moszbulimi aktorëve është shumë indikativ. Serbia për nga numri dhe pajisjet e policisë është një ndër vendet proporcionalisht më policore në Evropë. Fakti se ky vend me gjithë këtë milici të mos mund të gjejëasnjë shkaktar të shpërthimeve, e as kur përsëriten këto katër-pesë herë, me të vërtetë është shumë i çuditshëm dhe i pakontestueshëm dhe në njëfarë dore edhe është indikative se përafërsisht kjo e adreson fajin dhe autorësinë tjetërkah, e jo kah shqiptarët.
Duke u përgjegjur në një pyetje tjetër, Agani tha se situata në Kosovë është e tensionuar edhe pa incidente. Ato natyrisht janë një eskalim i dukshëm i këtyre tensioneve. Gjendja e bllokuar në Kosovë nëse ngarkohet edhe me incidente dhe nëse përcillet sërish me raprezalje të panderprera dhe intenzive të pushtetit serb, mund të jenë vetëm burim apo shkak i konflikteve eventualisht të përmasave më të mëdha në Kosovë dhe në rajon.
I pyetur rreth interesimit të faktorëve ndërkombëtarë për incidentet e fundit, dr. Agani tha se interesimi ka qenë relativisht i vogël edhe për shkak të sezonit, por edhe për shkak të faktit se përpara mund të kenë qenë të brengosur duke menduar se i kanë shkaktuar shqiptarët, ndërsa këtë herë, po përsëris, është shumë transparente krejt loja rreth këtyre shpërthimeve. Po ndodhin shpërthime të mëdha, po digjen alamet makina e nuk po lëndohet askush e menjëherë “Ekspres politika“ e Beogradit e gjen edhe burimin te një organizatë islamike për liri e për sovranitet të Republikës së Kosovës. Krejt kjo duket si një lojë e kurdisur dhe kujtoj se pjesërisht bota nuk ia ka vënë veshin këtij provokacioni, thaksoi dr. Agani.
Me këtë, kushtimisht ta quajmë lojë, a nënkuptohet edhe ardhja e Zhelko Razhnjatoviq
Arkanit në Kosovë?- ishte pyetja tjetër e korrespondentes së “Zërit të Amerikës“.
Nënkryetari i LDK-së tha se ardhja e Arkanit në Kosovë është një ironi e posaçme. Ndodhin shpërthime dhe kryekrimineli, autor i qindra shpërthimeve dhe krimeve nëpër Bosnje e në Kroaci, vjen ta hetojë çështjen dhe të shohë ku ka ndodhur dhe çka ka ndodhur. Kjo vërtet është një ironizim, natyrisht është edhe në kuadër të përpjekjeve që i bën Serbia vazhdimisht për të inkurajuar, kushtimisht, do të thosha të vetët, për të frikësuar, përsëri them kushtimisht, shqiptarët dhe kjo është përsëri pjesë e asaj loje.
I pyetur në fund rreth zhvillimeve të mundshme politike në të ardhmen, ai tha se nuk mund të dihet se sa është Serbia zyrtare unike rreth këtyre incidenteve. Mund të ketë edhe në kuadër të saj fraksione ose grupacione, të cilat janë të interesuara të shkaktojnë provokacione. Nëse e tërë Serbia qëndron pas këtyre provokimeve dhe është organizatore e tyre, pak diçka e mirë mund të parashikohet për të ardhmen, tha nënkryetari i LDK-së, dr. Fehmi Agani.
(QIK)




12.08.96 RILINDJA

NË BABALLOÇ TË DEÇANIT: SHPËRTHIME NË VENDBANIMIN PËR REFUGJATËT SERBË

Në fshatin Baballoç të Deçanit në vendbanimin në ndërtim për refugjatët serbë nga Shqipëria, të enjten mbrëma, rreth orës 20.30, ndodhën disa shpërthime, njofton agjencia serbe e lajmeve Tanjug.
Nga shpërthimet u dëmtuan tri shtëpi në ndërtim dhe një makinë për hapjen e kanaleve. Të lënduar nuk pati. Sipas agjensisë serbe këto shpërthime shkaktuan “shqetësime të thella“ te qytetarët serbë e malazez, veçanërisht te 1500 refugjatët nga Shqipëria të vendosur në Deçan. Policia serbe ende nuk ka dhënë kurrfarë kumtese.
(QIK)




USHTRIA ÇLIRIMTARE E KOSOVËS

Mjeteve të informimit

KOMUNIKATË Nr.21

Më 07 dhe 10 korrik, në zonën operative nr.1, njësitë tona guerile kryen dy atentate. Atentati i parë u krye kundër bashkëpunëtorit të regjimit serb Shukri Krasniqi nga Ostrozubi, ndërsa i dyti në Podujevë kundër policit kriminel Sredoje Radojeviq. Forcat tona u kthyen në bazë pa pësuar asnjë humbje.
Meqenëse qendrat ndërkombëtare të vendosjes nuk po e marrin seriozisht zgjidhjen e çështjes Kosovës mbi bazën e vullnetit të popullit shqiptar për vetëvendosje, dhe po lejojnë që të bëhen pazarllëqe në kurriz të popullit tonë, jemi të detyruar t’ua bëjmë me dije se:
Lufta jonë kundër okupatorëve trojeve tona do të vazhdojë deri në fitoren e plotë. Nuk do të pranojmë asnjëlloj marrëveshje e cila do të shkelte vullnetin e popullit shqiptar. Ata që do të kenë guximin për të nënshkruar marrëveshje të tilla do të ndëshkohen për tradhëti.
Lufta jonë është luftë çlirimtare, dhe si e tillë ajo nuk ka karakter terrorist“, “ndëretnik“ e as “fetar“. Ndaj okupatorëve dhe tradhtarëve do të jemi të pamëshirshëm.

Shtabi Qendror i Ushtrisë Çlirimtare të Kosovës

Prishtinë, më 14 korrik 1996

[Zero Cool]

ZËRI I KOSOVËS Nr.28, 29.8.1996

AKSIONE TË REJA TË UÇK-SË

Siç bëhet e ditur nga Komunikata e Shtabit Qendror të Ushtrisë Çlirimtare të Kosovës, të ardhur në faksin e Red. sonë, gjatë muajit korrik dhe gusht ky subjekt ushtarak bëri këto veprime kundër prezencës së okupatorëve në Kosovë:
Sipas Komunikatës nr.21 më 7 dhe 10 korrik UÇK-ja kreu dy atentate. Atentati i parë u krye kundër bashkëpunëtorit të regjimit serb Shukri Krasniqi nga Ostrozubi, ndërsa i dyti në Podujevë kundër policit kriminel Sredoje Radojeviq.
Në komunikatën nr.22 të UÇKsë bëhet e ditur se më 2 gusht u sulmuan 4 posta policisë: në Podujevë, Prishtinë Lluzhan dhe Kërpimeh. Podujevë nga shpërthimet dhe zjarri u shkatërruan shumë automjete armikut dhe u dogj gjykata komunale e këtij qyteti.
Në komunikatën nr.23 njoftohet se më 8 gusht në fshatin Baballoq Deçanit, një nga njësitë guerile UÇK-së shkatërroi 3 apartmente po ndërtoheshin në kuadër të planit serb për kolonizimin e Kosovës. të njejtin aksion u shkatërrua eskavator, makinë për hapjen kanaleve.
Lufta jonë është luftë çlirimtare, dhe si e tillë nuk ka karakter “terrorist“, “ndëretnik“ e “fetar“, përfundon njëra nga komunikatat e Ushtrisë Çlirimtare Kosovës.




30.08.96 RILINDJA

SHTYPI SERB PËR SHPËRTHIMET

Pardje (28.8.96 e mërkurëshënimi ynë) rreth orës 3 mëngjesit, persona të panjohur hodhën tri bomba në ndërtesën e repartit të policisë serbe në fshatin Çellopek të komunës së Pejës, thuhet në njoftimin e agjensisë serbe Tanjug. Me atë rast dy bomba dore shpërthejnë, kurse e treta mbetet e paaktivizuar. Pos dëmit material, pasoja të tjera nuk ka pasur. Fshati Çollopek gjendet në trekufirin e komunës Pejë-Klinë- Deçan.
Shtypi serb këto sulme i quajti terroriste, por kësaj radhe ai rezervohet t’i fajësojë shqiptarët.
(QIK)




30.08.96 RILINDJA

NË LUPÇ TË PODUJEVËS U VRA INSPEKTORI I POLICISË SERBE EJUP BAJGORA

Sipas njoftimeve të radiotelevizionit serb dje (29 e enjteshënimi ynë) pasdite në fshatin Lupç të Podujevës u vra inspektori i policisë serbe Ejup Bajgora.
Në njoftimin e shkurtër thuhet se persona të panjohur kishin shtënë me automatik kundër Bajgorës porsa kishte zbritur nga autobusi.
Pas vrasjes së inspektorit Ejup Bajgora, burimet e Degës së LDK-së në Podujevë njoftojnë se dje në fshatin Lupç u arrestuan disa qytetarë, por ata u liruan.
(QIK)




2.09.96 RILINDJA

NË KLIÇINË AFËR PEJËS GRANATIME PRANË STACIONIT TË POLICISË

Parmbrëmë në fshatin Kliçinë, afër Pejës, siç njoftojnë mediat serbe, ka pasur shpërthime granatash pranë stacionit të policisë.
Sipas agjensisë serbe të lajmeve Tanjug“ incidienti ka ndodhur gjysëm ore pas mesnate“, ndërsa sipas gezetës serbe të Beogradit Telegraf“ në mëngjes, pak pas orës
dy. “Tanjugu“ sulmin me “disa granata minahedhësi apo tromblloni“ ua mvesh “terroristëve shqiptarë“, edhe pse incidenti është pasqaruar. Ndërsa, sipas Telegrafit“, “terroristë, tash për tash të panjohur, shkrehën dy granata mbi postën policore të fshatit Kliçinë, buzë rrugës Pejë-Prishtinë dhe “granatat përfunduan afro 50 metra para ndërtesës së postës së policisë, ku u bënë dy kraterë ca më të mëdhenj“. Gazeta bën të ditur se askush nuk u lëndua në postën e policisë e as në shtëpitë përreth“.

[Zero Cool]

2.09.96 RILINDJA

“TELEGRAF“ PËR INCIDENTIN NË KLIÇINË

Prishtinë, 1 shtator / Gazeta serbe “Telegraf“ e Beogradit sot sjell këtë njoftim për incidentin në fshatin Kliçinë, afër Pejës: “Vala e sulmeve terroriste në Kosovë nuk po pushon. Dje në mëngjes, pak pas orës dy, terroristë, tash për tash të panjohur, shkrehën dy granata mbi postën policore të fshatit Kliçinë, buzë rrugës Pejë- Prishtinë, rreth dhjetë kilometra larg Pejës. Terroristët kishin qenë shenjtarë të këqij, kështu që granatat përfunduan afro 50 metra para ndërtesës së postës së milicisë, ku bënë ky kratere ca më të mëdha.
Askush nuk u lëndua në postën e policisë dhe as në shtëpitë përreth, megjithëse granatat kishin shpërthyer fuqishëm dhe e kishin dridhur tokën, nga e cila gjë të gjithë vendasit e këtij fshati dhe nja 10 fshatrave përreth ishin zgjuar dhe pjesën tjetër të natës e kaluan në frikë dhe pa gjumë.
Dje, paradite, organet e hetuesisë të Ministrisë së Punëve të Brendshme të Serbisë kryen ekspertizën për t’u konstatuar se a ishin kryer me mina tromblon sulmi terrorist apo është fjala për mina minahedhësi.
Fshati Kliçinë gjendet mu buzë rrugës Pejë-Prishtinë dhe gjithsej pesë-gjashtë kilometra larg fshatit të Çellopekut, ku jo më shumë se para dy ditëve, gjithashtu në orët e hershme të mëngjesit, qenë hedhur mbi postën e policisë tri bomba ofenzive dore, kurse ditën e njëjtë pasdite, në komunën e Podujevës, në fshatin Lupç i Poshtëm, qe vrarë Ejup Bajgora, inspektor i Shërbimit të sigurimit shtetëror të Prishtinës.




03.09.96 RILINDJA

SHPËRTHEU NJË BOMBË NË SHTËPINË E NJË POLICI REZERVIST SERB

Të shtunën mbrëma, rreth orës 21.30 sulmues të panjohur hodhën një bombë para hyrjes së shtëpisë së Milorad Rajkoviqit në Bërzhenik të Pejës, pjesëtar i formacionit rezerv të policisë serbe. Në momentin e shpërthimit, anëtarët e tjerë të familjes nuk gjendeshin aty, kurse Rajkoviqi ishte duke zbritur shkallëve dhe mbeti i palënduar, shkruan shtypi serb. Nga shpërthimi u thyen xhamat e dritareve dhe u dëmtua dukshëm fasada.
Gazeta “Jedinstvo“ edhe për këtë sulm si zakonisht fajëson “terroristët“ shqiptarë. Por shtypi serb nuk jep hollësi të tjera nëse Rajkoviqi ishte në konflikt me dikë dhe se kjo ka mundur të bëhet nga hakmarrja.
(QIK)



ZËRI I KOSOVËS Nr.29, 5.9.1996

VAZHDOJNË AKSIONET E BEFASISHME TË UÇK-së

Më 28 gusht rreth orës 3.00 të mëngjesit, siç bëhet e ditur nga burimet e ndryshme informative, Ushtria Çlirimtare e Kosovës sulmoi me bomba ndërtesën e repartit të policisë serbe në fshatin Çellopek të komunës së Pejës. Po atë ditë rreth orës 15.00 në mes të fshatit Lupç, pjesëtarët e UÇK-së vranë agjentin e Serbisë Ejup Bajgorën. (Ejup Bajgora ishte inspektor i lartë i UDB-së në Prishtinë, i njohur në popull për veprimtarinë e tij kundër pavarësisë së Kosovës).
Dy nga pjesëmarrësit në këtë atentat e pritën Ejup Bajgorën derisa ai po dilte nga autobusi. Nga një afërsi prej dy metrave ata ju afruan, nxorën automatikët dhe i dhanë dy breshëri plumbash. Sipas shtypit serb, agjentin e tyre e goditën 14 predha.
Atentati u bë në prezencë të shumë personave që rastësisht gjendeshin aty. Atentatorët pastaj u larguan nga vendi i veprimit. Të gjitha aksionet e mëparme të UÇK-së janë bërë natën. Ky është rasti i parë që sulmi bëhet në pikë të ditës.
Para mbylljes së numrit të gazetës u mor vesh se natën e 31 gushtit u krye dhe një sulm kundër prezencës së okupatorëve. Atë natë u sulmua stacioni i policisë në fshatin Kliçinë komuna e Pejës. Stacioni u sulmua me 3 projektilë nga minahedhësi.
Është karakteristik ritmi i shtuar i sulmeve të UÇK-së. Vetëm gjatë muajit gusht u bënë dhjetë sosh.

[Zero Cool]

MOS U BËFSH ME TË KAJT SERBIA

Tradhtarët gjithmonë na i kanë qarë të huajt, okupatorët. Edhe me Ejupin ndodhi kështu. Ai u varros nga serbët, me “nderimet“ më të larta që mund t’i bëhen një tradhtari.
Te varri i agjentit Ejup Bajgora, mbajti fjalim “gazda“ i tij, Millan Lakoviq, komandant i Qendrës së Sigurimit Shtetëror në Prishtinë. Shërbëtorin e tij ai e quajti disa herë “të ndershëm“, duke ia lavdëruar punën e palodhur që e bëri kundër popullit shqiptar për interesa të okupatorit. “Mos u përkulni para ekstremistëve dhe terrorizmit, ai nuk do të kalojë pa u dënuar. Jeta e Ejupit pati qëllimin e tij dhe ne atë qëllim do ta çojmë në vend“ - i dha zemër vehtes dhe policëve tjerë prezentë udbashi Lakoviq.
Ndërsa populli do të dijë t’i japë përgjigjen e merituar ashtu si Bajgorëve, edhe Lakoviqëve dhe gjithë skotës së tyre të zezë.



ZËRI I KOSOVËS 5 SHTATOR 1996/NR.29

Teksti orgjinal i Komunikatës së ardhur në faksin e Redaksisë sonë:

Ushtria Çlirimtare e Kosovës
KOMUNIKATË Nr. 24

Njësitët e armatosura guerile, që veprojnë në kuadër të Ushtrisë Çlirimtare të Kosovës, me urdhër të Shtabit Qendror kryen dy sulme të armatosura kundër policisë okupatore. Sulmi i parë u bë me bomba kundër stacionit të policisë në Çellopek të Pejës, ndërsa i dyti në fshatin Lupç i Poshtëm të Podujevës, me ç’rast u bë atentat kundër kriminelit kolaboracionist Ejup Bajgora (oficer i Sigurimit Shtetëror të Serbisë), i cili me veprimet e veta antishqiptare ka shumë kohë që e kishte mbushur kupën.
Ne ua kemi bërë me dije të gjitha qarqeve kombëtare e ndërkombëtare, se jemi të vendosur që luftën tonë ta çojmë deri në fund, pra deri në fitoren e plotë, që nënkupton çlirimin e trojeve tona nga okupatori.
Ne nuk kemi qenë dhe as që jemi kundër bisedimeve për zgjidhjen e çështjes shqiptare, por nuk do ta lejojmë askend që me trojet shqiptare të bëjë pazar në kundërshtim me kërkesat e popullit shqiptar të deklaruar me Referendum.
Kushti për ndërprerjen e veprimeve tona është që, okupatorët të tërhiqen nga trojet tona, në të kundërtën lufta e jonë do të marrë përmasa edhe më të mëdha.
SHTABI QENDROR I USHTRISË ÇLIRIMTARE TË KOSOVËS
Prishtinë, më 30.08.1996




ZËRI I KOSOVËS N4.30 12.09.1996

KOMUNIKATË

Më 1 shtator 1996 Rugova nënshkroi dogovorin (“marrëveshjen“) me Millosheviçin për
“përmirësimin“ e kushteve të arsimit në Kosovë. Tashmë është e ditur nga shumë qendra të vendosjes se jo vetëm për arsimin, por edhe për çështje të tjera të pjesëshme e lokale (shëndetësi, kulturë, informim, gjyqësi, polici lokale, parlament e qeveri lokale, etj.) të Kosovës nën Serbi dhe nën “Jugosllavi“ do të nënshkruhen dogovor-e të ngjashme. Ky “përmirësim“ i kushteve në robëri do të jetë “shpërblim“ për politikën disfatiste e vasaliste të liderëve të LDK-së rreth Rugovës. Subjektet ndërkombëtare do t’ia heqin si shpërblim “murin e jashtëm të saksioneve“ Serbisë dhe do t’ia rinjohin të drejtën e ripushtimit mbi Kosovën.
Dogovor-i i shtatorit dhe dogovor-et tjera të ngjashme që Rugova ka ndërmend t’i nënshkruajë, po bëhen me qëllim, siç po dezinformohet, të “ikjes nga shpërthimi i hapur i konfliktit“. Pas veprimeve të armatosura çlirimtare të atdhetarëve shqiptarë në Kosovë, që prishën planet e tilla të deridjeshme, Rugova dhe padronët e tij hodhën në lojë këtë dogovor për të mashtruar popullin dhe për ta mbytur jehonën e veprimeve të
Ushtrisë Çlirimtare të Kosovës dhe forcave politike që e përkrahin atë në zhurmën e propagandës dezinformuese. Por ata që kanë menduar se me këso dogovorësh do të arrijnë që ta shuajnë zjarrin e luftës çlirimtare në Kosovë kanë gabuar rëndë! Pse? Sepse dogovore të tilla bëhen jo për ndërprerjen e luftimeve me ata që e kanë në dorë ndërprerjen e tyre, por me Rugovën që nuk ka kurrfarë ndikimi te forcat kombëtare çlirimtare. Me këto përpjekje për të mashtruar popullin tonë, konflikti vetëm do të rritet.
Gjaku i derdhur për pavarësinë e Kosovës dhe Referendumi Popullor u bënë jo për përmirësimin e kushteve nën robëri por për pavarësinë kombëtare. Andaj, Lëvizja Popullore e Kosovës thërret të gjitha forcat patriotike-çlirimtare, që janë përcaktuar për çlirimin e njëmendët të Kosovës, ta dënojnë këtë dogovor dhe së bashku të luftojmë për çlirimin e vendit.
Me dogovor-in e tillë Rugova, më në fund, po dëshmohet se është vazhdues i politikës kuislinge, që aktualisht i shërben qeverisë së Beogradit, duke e ndihmuar ta “zyrtarizojë“ me pak mund e në mënyrë perfide pushtimin e Kosovës.
Klika e Rugovës për këtë dogovor gjithsesi do të marrë dënimin e popullit!
Qarqet ndërkombëtare, të cilat në Londër (në vitin1992) sakrifikuan Kosovën dhe ia rianeksuan atë Serbisë, tani po përpiqen, duke përkrahur politikën “paqësore“ (kuislinge) të Rugovës dhe argatëve të tij, për ekzekutimin e atij vendimi. Por ato duhet ta dijnë se vullneti i popullit shqiptar është mbi çfarëdolloj interesash të tjera dhe ky vullnet nuk do të mposhtet as me dhunë dhe as me demagogji (qoftë edhe me një personazh gogol si Rugova)!
Lëvizja Popullore e Kosovës do të përkrahë veprimtarinë e Ushtrisë Çlirimtare të Kosovës, e cila shumë herë ka paralajmëruar se do ta vazhdojë luftën çlirimtare deri në
çlirimin e Kosovës.
Poshtë tradhëtia dhe tradhëtarët!
Rrofshin forcat çlirimtare!
Rroftë populli shqiptar!
LËVIZJA POPULLORE E KOSOVËS
Prishtinë, shtator 1996

[Zero Cool]

BOTA SOT/20 shtator 1996

ADEM DEMAÇI PRITI DIPLOMATËT AMERIKANË

Këshillin për Mbrojtjen e Drejtave dhe Lirive të Njeriut Prishtinë dje e vizituan diplomatët amerikanë: z. Roger Lyrenmann, bashkëpunëtor për siguri pranë ambasadës amerikane në Beograd, z. Bany Moore, sekretar në këtë ambasadë, znj. Mari Burton, këshilltare në Stejt Departamentin Amerikan dhe Michael Mc Clellan,
drejtor i Qendrës Informative Amerikane në Prishtinë. Diplomatët amerikanë u pritën nga z. Adem Demaçi fitues i Çmimit Saharov dhe kryetar i Këshillit, dhe bashkëpunëtorët e tij .

Në pyetjen e amerikanëve se a mos ka rrezik për shpërthimin e situatës, z. Demaçi u shpreh se situata është shumë serioze. Pas shpërthimeve të pasqaruara dhe vrasjeve të policëve serbë, po ashtu të pasqaruara, situata ngatërrohet edhe më tepër, sepse lindin dilemat se kush qëndron prapa këtyre aksioneve. Shqiptarët janë shumë më të motivuar për këtë, por edhe serbët i kanë llogaritë e tyre. Udhëheqjet e partive tona janë mjaftuar të deklarojnë se kryesit e këtyre veprave nuk mund të jenë shqiptarët dhe ky është qëndrimi definitiv i tyre. Edhe këta i kanë llogaritë e tyre. Unë e lë mundësinë që kryesit të jenë shqiptarët. Nëse këtë e kanë bërë shqiptarët , atëherë kjo është shumë alarmuese dhe paraqet rrezik serioz për një shpërthim që nuk do të mund të kontrollohej, prandaj edhe u kam bërë thirrje subjekteve politike ta kanalizojnë energjinë dhe mllefin e shqiptarëve dhe të bëjnë një kthesë në veprimin politik, tha z. Demaçi.




KOMENTE TË ANALISTIT BRITANIK MISHA GLEN PËR ÇËSHTJEN E KOSOVËS

Organizata Çlirimtare e Kosovës, si quhet dhe kush e udhëheq nuk di, do të jetë gjithnjë e më shumë ardhmëria e këtij territori Parmbrëmë në emisionin e Radios Evropa e Lirë, Misha Glen, analist britanik, publicist dhe autor i librit “Shpërbërja e ish-
Jugosllavisë“, foli për marrëdhëniet shqiptaro-serbe dhe për zgjidhjen e çështjes së Kosovës e të çështjes shqiptare në përgjithësi.
“Çështja më e rrezikshme në përgjithësi në Ballkan është ajo shqiptare. Shqiptarët tash për tash janë faktor i dobët në Ballkanin Jugor për shkak se Shqipëria është shtet i dobët, ekonomikisht i pazhvilluar, por kjo nuk do të mbetet kështu. Shqiptarët do të jenë gjithnjë më të fortë si popull politikisht dhe ekonomikisht.
Ekzistojnë dy mundësi themelore: ose serbët dhe maqedonasit do të jenë të aftë të merren vesh me shqiptarët, ose do të refuzojnë mundësinë e dialogut me shqiptarët dhe të vazhdojnë represionin kundër tyre në Kosovë dhe në Maqedoninë Perëndimore. Në Kosovë ky represion është shumë më i shprehur për dallim prej Maqedonisë Perëndimore, ku mendoj se represioni nuk është masë si në Kosovë. Kështu mundësitë janë ose represioni, dialogu. Me dialog ekziston rrugdalje kushtetutare nga problem. Nëse sllavët përcaktohen për represion, atëherë Organizata Çlirimtare e Kosovës, si quhet kush e udhëheq nuk e di, do të gjithnjë e më shumë ardhmëria këtij territori dhe do të ketë serish gjakderdhje në Jug të Ballkanit.
…
(QIK)




BOTA SOT (reviale) 29.09.96

KUSH ËSHTË USHTRIA PËR ÇLIRIMIN E KOSOVËS?
( pjesë nga artikulli)
INTERESIMI PËR “UÇKnë“ EDHE NË EVROPË
Lidhur me situatën e krijuar në Kosovë, siç u tha, këtyre ditëve ishte e preokupuar edhe diplomacia ndërkombëtare. Të thuash se nuk kishte zyrë as diplomat e politikan në Parlamentin dhe në Unionin Evropian i cili ato ditë nuk na parashtroi pyetjen nëse ekziston vërtet “Ushtria për Çlirimin Kosovës“. Kështu na pyetën edhe në kabinetin e zotit Giorgio Malfa, edhe të zotit Mendeluçe, edhe në kabinetin e zotit Oliver Dypiu, edhe në kabinetin e senatores belge, zonjës Anne Mari Lizin etj. . Ç’është e vërteta, shkresat, telefakset mbi marrjen e autorësisë për vrasjet dhe plagosjet e fundprillit të vitit 1996 në Kosovë nga ana e “Ushtrisë për Çlirimin e Kosovës“ kishin arritur në të gjitha këto institucione, ndërsa për tërë këtë shkruanin edhe gazetat e shumta evropiane. Dhe pikërisht gjatë bisedës për këto ngjarje, zoti O. Dypui, sekretar i përgjithshëm Partisë Radikale të Evropës dhe deputet në Parlamentin Evropian do të shprehej se është koha që shqiptarët ta transmetojnë strategjinë e lëvizjes së tyre dhe konceptin e ri të luftës së tyre politike ta kërkojnë ndërmjet pacifizmit të dr. Rugovës dhe aksioneve të “Ushtrisë për Çlirimin e Kosovës“.

Nga ana tjetër, ta zëmë, në një numër të muajit gusht të organit Lëvizjes Popullore të Kosovës (LPK), “Zëri i Kosovës“, që botohet në Perëndim, thuhet se “Ushtria për Çlirimin e Kosovës ekziston“. Po këtë pohim tash së voni e pohoi në një intervistë edhe njëri ndër liderët kësaj organizate, zoti Fazli Veliu.
Sidoqoftë, e panjohura mbi atë se a ekziston apo jo kjo organizatë militariste mbeti prezente ashtu sikurse mbeti në gradë vlimi edhe situata në Kosovë.

[Zero Cool]

30.09.96 RILINDJA

TË SHTËNA ME ARMË NË PODUJEVË, VUSHTRRI E GLLOGOVC

Të premtën mbrëma, rreth orës 21, në afërsi të motelit “Besiana“, në Podujevë, ku është i stacionuar punkti i policisë serbe, u dëgjuan të shtëna nga armët automatike, njofton KI i Degës së LDK-së në Podujevë.
Menjëherë në vendin e ngjarjes dolën forca të shumta të policisë serbe, të cilat bastisën disa shtëpi në lagjen e afërme të Visokëve. Në polici atë natë u morën Erol Visoka dhe Hajdar Begolli, të cilët pasi u morën në pyetje rreth një orë, u liruan. Ndërsa të shtunën në polici janë marrë Shefki Visoka me të birin e tij, si dhe Erol Visoka.
Po ashtu, të premten mbrëma, rreth orës 20, në oborrin e ish shkollës së policisë, e tashti kazermë ushtarake në Vushtrri, u dëgjuan disa të shtëna armësh. Supozohet se sipas asaj që u dëgjua, mund të kenë qenë shpërthime bombash, njoftoi KI i Degës së LDK-së në këtë qytet.
Shtëpitë e Hamdi Xhemës, Rrahim Maxherës dhe Shaban Sadikut, që ndodhen afër objektit ku u dëgjuan të shtënat, u bastisën të shtunën prej orës 9,30 deri në ora 11,30 nga një ekspeditë e policisë serbe, e përbërë nga tre civilë dhe katër policë serbë. I riu Sami Maxhera u urdhërua që të paraqitet në stacionin e policisë në Vushtrri. Të shtëna me armë zjarri të premten mbrëma rreth orës 21,40 minuta pati edhe në afërsi të “Kosovatransit“ në Gllogovc, ku janë të vendosur kolonët serbë.
KI i Degës së LDK-së në këtë qytet njofton se inspektorët sigurimit serb, në lidhje me këtë rast, kanë kërkuar disa qytetarë shqiptarë.
(QIK)




ZËRI I KOSOVËS Nr.34, 10.10.1996

Ushtria Çlirimtare e Kosovës (Për mjetet e informimit)
KOMUNIKATË NR. 26

Natën e datës 27/28 shtator 1996, në zonën operative nr. 1. njësitë tona të armatosura sulmuan kazermën ushtarake të okupatorit në Vushtrri. Në Podujevë sulmi u bë në repartin e policisë të stacionuar në Motelin “Toplica“, dhe në stacionin e policisë në trekëndëshin rrugor Prishtinë-Podujevë-Kurshumli. Gjithashtu u sulmua dhe stacioni i policisë në Rudnik të Skenderajt.
Nga ana e armikut pati të plagosur dhe humbje të konsiderueshme materiale. Nga ana e njësive tona u plagos një gueril i cili megjithatë u tërhoq në rregull nga njësiti ku bën
pjesë. Njësitet tjera nuk patën humbje dhe janë në pritje të urdhërave për sulm.
Nëpër Kosovë janë duke qarkulluar reparte speciale terroriste, krahas njësive të rregullta terroriste të Serbisë. Ato kanë filluar krimet dhe kidnapimet nëpër Kosovë. Qëllimi i tyre është që veprimet e tyre t’ia lënë UÇK-së për ta kompromituar në popull dhe opinionin ndërkombëtar. UÇK është përgjegjëse vetëm për ato veprime ushtarake që janë të drejtuara kundër prezencës së okupatorëve në Kosovë për të cilat ka dhënë dhe do të japë njoftimet e saj. Bisedime për Kosovën mund të ketë vetëm pas marrëveshjes eventuale për armëpushim dhe që për objekt do të kishin kohën dhe mënyrën e tërheqjes së ushtrisë dhe policisë serbe nga Kosova.
Lufta jonë është luftë çlirimtare. Ajo nuk është “terroriste“ e “anarkiste“. Nuk ka karakter “fetar“ apo “shovinist“. Thërrasim të gjithë shqiptarët dhe opinionin botëror,
qendrat e vendosjes, që të ndihmojnë luftën tonë të drejtë për liri.

Shtabi Qendror i Ushtrisë Çlirimtare të Kosovës
Në Prishtinë më 39 shtator 1996