''DUSHKU'' FENOMEN MANIPULIMI - DORIS PAK

[Odise]

Kryetarja e delegacionit të PE-së për Ballkanin, tha se strategjia e “Dushkut” nuk është e paligjshme

Doris Pak: “Dushku”, fenomen manipulimi


N.Perndoj

Kryetarja e delegacionit europarlamentar për Evropën Juglindore, Doris Pack, ka deklaruar dje se zbatimi i formulës së Dushkut nuk është e jashtëligjshme, por sjell një fenomen manipulimi. “Problemi i Dushkut nuk është ilegal (i paligjshëm). Atëherë me ligjin që ekziston, të jepet mundësia të shfrytëzosh këtë sistem. Por të themi të drejtën, është një sistem që ju jep të gjitha shanset për manipulime, që shkojnë në favor të dy partive më të mëdha. Pra, partitë e vogla që nuk do të kenë kurrë mundësinë të kapërcejnë nivelin e 2,5 përqindëshit për të fituar një karrige në Parlament, me këtë sistem mund të futen në Parlament, pasi partitë e mëdha i mbështesin. Pra edhe njëherë, nuk është ilegale kjo rrugë, por mendoj se është një fenomen manipulimi që nuk është shumë klas. Për mendimin tim, radhës që vjen duhet të mund të evitojmë këtë mundësi”, - tha dje në emisionin “Rruga drejt Pushtetit” në “Alsat” . E pyetur se ç’farë do të ndodhë në marrëdhëniet e Shqipërisë me Parlamentin Evropian dhe Institucionet e tjera të BE-së, Pack u përgjigj: “Marrëdhëniet sigurisht që do t’i ruajmë, sepse duam të ndihmojmë popullin shqiptar, por problemi do të jetë se nuk do të mbyllim Marrëveshjen e Stabilizimit dhe Asociimit. Pra ky do të jetë rezultati në një rast të tillë. Sepse ka një vit e gjysmë që po e përsërisim që kësaj radhe duhen patjetër zgjedhje korrekte. Pra nëse nuk do të kemi zgjedhje korrekte, do të ketë vonesa, e madje edhe zgjatje të rrugës të Shqipërisë drejt Evropës. Kjo është e qartë si kristali. Dhe Komisioni Evropian e ka përsëritur vazhdimisht, nuk është një qëndrim që e kam shpikur unë”, - tha ajo. Pack iu përgjigj edhe pyetjes nëse rruga e Shqipërisë drejt BE-së do të jetë e gjatë edhe në rast se këto zgjedhje janë më mirë se të kaluarat, por jo korrekte siç duhet. “Po. Siç e thoni ju, është e vërtetë. Pasi qytetarëve në Bashkimin Evropian ju ka ardhur në majë të hundës zgjerimi i BE-së me vende të cilat nuk mbushin kushtet. Të cilat me të vërtetë nuk i mbushin kushtet pra. Dhe për këtë arsye, është koha që Shqipëria, njësoj si vendet e tjera të Ballkanit, t’i respektojnë standardet dhe të përmbushin me të vërtetë gjithçka ju kërkohet, pasi përndryshe do të kemi probleme për t’i pranuar dhe futur në etapat e ndryshme gjatë afrimit me Bashkimin Evropian. Pra është në dorën e politikanëve, të një qeverie dhe do të varet nga këta, nëse punohet shpejt apo nëse zvarriten gjërat”, - tha ai.





30/06/2005
KATEGORIA: Politike

[ARVANITI]

Fenomeni i Dushkut, ligjerisht eshte e lejueshme (e ka ligji) po moralisht eshte e palejueshme.

Si fillim Dushku u perdor nge P.S. ne zgjedhjet e 2001 dhe po perdoret serish ne 2005, por P.D. per t'ia djegur kete karte, ka formuar edhe ajo plateformen "antiDushke". Dhe, sipas gjasave, eshte proces i djegur.