Lobimet për njohjen e Kosovës

[Zero Cool]

Lobimet për njohjen e Kosovës si shtet te pavarur dhe sovran.



Vështirë njohja nga Maroko







Zëvendëskryeministri i parë i Qeverisë së Republikës së Kosovës, Behgjet Pacolli, në ditë e nëntë të vizitës së tij në kontinentin Afrikan, në kuadër të lobimit për njohjen e Kosovës ka qëndruar në Mbretërinë e Marokos.
Gjatë kësaj vizite, zv.Kryeministri, z. Pacolli është takuar me të emëruarin e Mbretit të Marokos për Politikë të Jashtme në Qeveri, Muhamed Azerwal, me Kryesinë e Parlamentit të Marokos në krye me Nënkryetarin e Parlamentit, Dr. Sadudin El Uthmani dhe me zyrtarë të lartë të Ministrisë së Punëve të Jashtme të udhëhequr nga Shefi i Kabineitit dhe Drejtori Politik për Evropën Juglindore.

Pacolli gjatë këtyre takimeve ka informuar autoritetet e Marokos për situatën aktuale politike e ekonomike në Kosovë, me theks të veçante për zhvillimet demokratike dhe sfidat që ka kaluar vendi ynë gjatë procesit të shtet-ndërtimit.

Autoritetet përfaqësuese të Mbretërisë së Marokos gjatë takimit me Pacollin kanë theksuar vështirësitë që ka vendi i tyre për të proceduar njohjen zyrtare të shtetit të Kosovës, veçanërisht për shkak të kontekstit politik me Saharën Perëndimore që ka të bëjë me refuzimin e Marokos për ta pranuar shpalljen e pavarësisë së asaj pjese.

Lidhur me këtë çështje z. Pacolli ka ofruar argumentet e nevojshme për të dëshmuar se rasti i Kosovës është krejt i veçantë dhe këtë e dëshmon edhe opinioni i Gjykatës Ndërkombëtare të Drejtësisë.

Me ftesë të zëvendëskryeministrit të parë të Kosovës, një delegacion zyrtar nga Parlamenti dhe Ministria e Punëve të Jashtme të Marokos do të vizitojnë shumë shpejtë Kosovën, ku do të takohen edhe për përfaqësues të tjerë të lartë të Shtetit të Kosovës.

[Oqeani]

Ka me u shetitur ky sikurse dallandyshet ....ato se paku gjejne vend per fole !

[Zero Cool]

Izraeli, ende jo Kosovës





Ministri i Jashtëm izraelit, Avigdor Lieberman po qendron në Tiranë në një vizitë të rrallë pasi kjo është hera e parë pas 17 vjetësh që një Ministër i Jashtëm i izraelit viziton Shqipërinë.
Marrëdhëniet mes dy vendeve u konsideruan nga të dy shefat e diplomacisë si shumë të mira dhe sic tha zoti Lieberman kjo është për shkak se Shqipëria dhe Izraeli kanë qendrime të njëjta për pothuajse të gjitha cështjet më të rëndësishme ndërkombëtare.

Por për një nga cështjet më të nxehta ndërkombëtare, kërkesën eventuale të Autoritetit Palestinez për t’u njohur si shtet i pavarur as Avigdor Lieberman, as Edmond Haxhinasto nuk e përmenden në deklaratat e tyre në Tiranë.

Sipas medias izraelite, përvec qëllimit për të prezantuar mundësitë e investimit tek biznesi izraelit, Ministri i Jashtëm Lieberman ka ndërmarrë turin nëpër Europë, përfshirë edhe Shqipërinë për të siguruar sa më shumë vota kundër kërkesës së palestinezëve për pavarësi, kërkesë e cila pritet të depozitohet dhe të hidhet në votim në shtator në Asamblenë e Përgjithshme të Kombeve të Bashkuara.

Nuk dihet ende cfarë qendrimi do të mbajë Shqipëria në këtë cështje të nxehtë ndërkombëtare, por e sigurt është se ajo votën e saj nuk do ta këmbejë me një njohje të Kosovës nga ana e Izraelit.

Shefi i diplomacise izraelite, duke uruar që në të ardhmen rajoni i Lindjes së Mesme të bëhet po kaq paqësor sa rajoni i Ballkanit, bëri të qartë qendrimin e vendit të tij për Kosovën.
“Do ta njohim pasi këtë ta bëjë Spanja, Greqia dhe Qipro”, tha Liberman.
Shqipëria, historikisht, por edhe kur Kosova shpalli pavarësinë në mënyrë të njëanëshme, tha se ky ishte një rast sui generis, pra unik, që nuk ngjan me asnjë shtet tjeter.

Kështu që, nga ky këndveshtrim, vota e Shqipërisë në Asamblenë e Kombeve të Bashkuara, mund të mos jetë përcaktuese, por është shumë interesante.

[Zero Cool]

Ambasadori palestinez: Kosova gjithmonë ka qenë pjesë e Serbisë


Zhvillimet në Palestinë dhe çështja e Kosovës, janë dy gjëra diametralisht të kundërta, thotë ambasadori palestinez në Beograd, Mohamed Nabhan. "Kosova gjithmonë ka qenë pjesë e Serbisë, ndërsa Gaza dhe Bregu Perëndimor kurrë nuk kanë qenë në kuadër të Izrealit. Këto janë territore të okupuara ndërsa Serbia kurrë nuk e ka okupuar Kosovën. Paralelja do të ishte e arsyeshme në rast se serbët do të ishin okupatorë", thotë ambasadori palestinez në një intervistë për gazetën "Danas" të Beogradit.



Në konstatimin se zyrtarët e Serbisë vazhdimisht falenderojnë shtetet që mbështesin sovranitetin serb në Kosovë, si dhe Izraelin. Nëse autotitetet serbe Izraelin e konsiderojnë aleat, diplomati palestianez thotë se Izraeli nuk ka ndikim në zhvillimet rreth pavarësisë së Kosovës. "Perëndimi e ka njohur Kosovën, e jo vendet muslimane dhe arabe. Nëse Izraeli ka ndikim mbi Perëndimin, përse nuk e ka shfrytëzuar në kohën e shpalljes së pavarësisë? Nëse dikush beson në ndikimin e Izraelit në lidhje me Kosovën, është në iluzione. Kosova nuk e ka fituar statusin e shtetësisë falë vendeve arabe dhe muslimane. Arabët kanë mbështetur qëndrimin e Serbisë dhe ende e mbështesin".

Kështu mendon ambasadori pelestinez, edhe pse sipas gazetës autoritetet serbe nuk do ta njohin shtetin palestinez. Pasi pranon se palestinezët janë shkolluar në Jugosllavinë socialiste e cila ka mbështer fuqishëm palestinezët, ai thotë se "tani edhe Serbia na mbështet".
Sipas tij, Serbia në OKB ka mbështetur shumë rezoluta për Palestinën.

[Zero Cool]

OKI bën thirrje për njohjen e Kosovës






Organizata e Konferencës Islamike (OKI), në sesionin e 38 të Këshillit të Ministrave të Jashtëm, të zhvilluar në Astana të Kazakistanit, ka miratuar një Rezolutë për situatën në Kosovë. OKI-ja në pikën e tetë të Rezolutës, për herë të parë thërret të gjitha shtetet anëtare të Organizatës së Konferencës Islamike që të marrin në konsideratë njohjen e Kosovës, duke u bazuar në të drejtat e tyre të lira dhe sovrane si dhe përputhje me praktikat e tyre kombëtare.

Po ashtu, kjo Konferencë, me Rezolutën e aprovuar, njeh plotësisht Opinionin Këshillëdhënës të Gjykatës Ndërkombëtare të Drejtësisë për shpalljen e pavarësisë së Kosovës, i publikuar me 22 korrik 2010, në të cilin Gjykata ka konkluduar se Shpallja e Pavarësisë së Kosovës nuk ka shkelur as ligjet e të drejtës ndërkombëtare e as rezolutat relevante.

Në këtë sesion të Konferencës ishte prezent edhe ekipi i Ministrisë së Punëve të Jashtme i Republikës së Kosovës i udhëhequr nga Beqiri Ismaili, këshilltar i jashtëm i ministrit Enver Hoxhaj dhe i Ngarkuari me Punë i Republikës së Kosovës në Mbretërinë e Arabisë Saudite, Rexhep Boja.

Kjo rezolutë shënon një hap të rëndësishëm drejt njohjeve që rezulton nga Strategjia për njohje e miratuar nga Qeveria e Kosovës. Në Rezolutën numër 17/38, Organizata e Konferencës Islamike nënvizon progresin e bërë nga Kosova për forcimin e demokracisë dhe punën institucionale në të gjitha nivelet në shërbim të paqes dhe stabilitetit në vend dhe në tërë rajonin.

Në Rezolutë, OKI mirëpret anëtarësimin e Kosovës në Fondin Monetar Ndërkombëtar dhe në Bankën Botërore. Organizata, po ashtu, mirëpret bashkëpunimin e Kosovës me institucionet ekonomike dhe financiare të OKI-së, dhe thërret komunitetin ndërkombëtar, përfshirë vullnetin e mirë të shteteve anëtare të OKI-së, që të vazhdojnë kontributin e tyre për mirëqenien ekonomike të Kosovës.

Në rezolutën e miratuar në këtë sesion të Këshilli të Ministrave të Jashtëm të OKI-së, kërkohet nga Sekretari i Përgjithshëm i saj, që në sesionin e ardhshëm të Këshillit të Ministrave të Jashtëm të OKI-së të sjellë të një raport përcjellës për progresin e kësaj rezolute. Organizata e Konferencës Islamike, është organizata e dytë më e madhe ndër qeveritare pas Kombeve të bashkuar me gjithsej 57 shtete anëtare nga katër kontinente të ndryshme.

[Zero Cool]

Së shpejti njohje të reja!





Në kuadër të angazhimeve lobuese për shtimin e numrit të njohjeve për shtetin e pavarur të Kosovës, zëvendëskryeministri i parë i Qeverisë së Republikës së Kosovës, Behgjet Pacolli ka takuar në Paris, udhëheqësit më të lartë shtetëror të Beninit dhe Togos. Edhe gjatë këtyre takimeve zëvendëskryeministri Pacolli ka prezantuar argumentet e nevojshme, për njohjen e pavarësisë së Republikës së Kosovës, nga këto dy shtete të kontinentit afrikan.

Pacolli, i ka njoftuar edhe njëherë përfaqësuesit e lartë shtetëror të Beninit dhe Togos, me opinionin pozitiv të Gjykatës Ndërkombëtare të Drejtësisë, se pavarësia e Kosovës është në përputhje të plotë me të drejtën ndërkombëtare.

Takimet më përfaqësuesit e Beninit dhe Togos, ishin vazhdimësi e takimeve që zëvendëskryeministri i Kosovës, Pacolli kishte realizuar gjatë vizitave në Afrikë muajin e kaluar. Atij i është konfirmuar se njohjet e reja për Republikën e Kosovës, nga disa shtete afrikane, janë çështje ditësh.

Zëvendëskryeministri Pacolli, të mërkurën në mbrëmje do të udhëtojë për në Berlin, ku do të zhvillojë edhe takime të tjera me zyrtarë të lartë të shteteve afrikanë të cilët po qëndrojnë në kryeqytetin e Gjermanisë.

Ndërkohë Pacolli është ftuar që të marrë pjesë në ceremoninë zyrtare të shpalljes së pavarësisë së Sudanit Jugor me 9 korrik 2011. Pas referendumit të suksesshëm për pavarësi, Sudani Jugor do të zyrtarizojë krijimin e shtetit, ndërsa zëvendëskryeministri i Pacolli është ftuar nga Presidenti i këtij shteti, për të marrë pjesë në këtë ceremoni, në të cilën do të jenë prezent një numër i madh udhëheqësish të shteteve të ndryshme të botës.

[Zero Cool]

Njohje të reja në javët në vijim





Ministri i Punëve të Jashtme, Enver Hoxhaj, është optimist se pas pavarësisë së Sudanit Jugor, mund të ketë lëvizje për të mirë edhe për Kosovën, e cila më shumë se tri vjet pas pavarësisë nuk arriti të marrë më shumë sesa 76 njohje nga shtete të ndryshme.

Edhe pse është njohur nga shtetet më të fuqishme në botë, problemi i cili po e pengon Kosovën kah ecja drejt integrimeve euro-atlantike, është mosnjohja nga pesë vendet anëtare të BE-së.

Në javët e fundit, Hoxhaj ka zhvilluar vizita të ndryshme në shtetet evropiane, ndërsa thotë se njohja nga këto pesë shtete është futur në kuadër të strategjisë për lobim.

“Njohja nga pesë shtetet evropiane të cilat deri me tash, kryesisht për arsye të brendshme dhe jo për arsye të politikës së jashtme, kanë hezituar ta njohin Republikën e Kosovës, po ashtu është pjesë e strategjisë. Deri më tash, ne kemi pasur kontakte të ndryshme me këto vende, po ashtu ne do të bëjmë përpjekje maksimale që përmes kontakteve direkte apo edhe indirekte të ushtrojmë autoritet mbi këto vende, që në një moment të caktuar të marrin vendim për njohjen e pavarësisë së Kosovës”, ka thënë Hoxhaj, ndërsa citon Radio Evropa e Lirë.

Në anën tjetër, Burim Ramadani nga Aleanca për Ardhmërinë e Kosovës, kritikon strategjinë lobuese të Kosovës. Sipas tij, mungesa e një koordinimi të duhur, si dhe bisedimet me Serbinë, kanë shkaktuar ngecje në njohjet e reja. Ai pohon se edhe imazhi negativ i krijuar për disa muaj me radhë për Kosovën, i nxitur nga manipulimet në zgjedhje si dhe akuza për trafikim organesh, ka ndikuar në ngecje në procesin e njohjes.

Ndërkaq, ministri i Jashtëm i Kosovës shprehet se nga vizitat e zhvilluara në shtetet e ndryshme kohëve të fundit, ai ka marrë premtime për njohje të reja.

“Unë jam më se i sigurt që në javët në vijim mund të ketë shtete, të cilat do t’i bëjnë publike njohjet për Kosovën dhe gjatë muajve të fundin ne kemi punuar intensivisht që të kemi njohje të reja, në mënyrë që të mbyllet procesi i plotë i njohjes së Kosovës”, ka deklaruar Hoxhaj.

[Zero Cool]

Priten njohje të reja





Kuvajti mund të bëhet shteti i parë islamik që do ta njohë shtetin e pavarur të Kosovës që pas miratimit rezolutës së Organizatës së Konferencës Islamike (OKI), ku u bëhet thirrje të gjitha shteteve të kësaj organizate për njohjen e Kosovës.

Kështu ka thënë në një intervistë dhënë gazetës “Zëri” i ngarkuari me punë i Republikës së Kosovës në Arabinë Saudite, Rexhep Boja.

Ai ka thënë se Kosova nuk duhet të presë njohje masive nga vendet islamike, pavarësisht miratimit të kësaj rezolute. Njeriu i cili ka dhënë një kontribut shumë të madh në miratimin e kësaj rezolute, shumë të rëndësishme për Kosovën, ka thënë se kalimi i saj është edhe si rezultat dhe meritë e Republikës së Shqipërisë.

[Zero Cool]

Kosova ta njohe veten para se te kerkoje me shume njohje





Nga Brukseli, Agustin Palokaj

Kur me kohe kishim terhequr verejtjen se pranimi i Kosoves per te hyre ne dialog me Serbine pa pergatitje te duhura, pa nje konsensus kombetar dhe pa i sqaruar beneficionet eventuale dhe pasojat, do te kete ndikim negativ ne procesin e njohjeve te pavaresise se Kosoves perfaqesues te Qeverise mundoheshin te na bindnin ne te kunderten, se dialogu "do te ndihmoje ne shtimin e njohjeve“.

Kur me kohe kishim terhequr verejtjen se pranimi i Kosoves per te hyre ne dialog me Serbine pa pergatitje te duhura, pa nje konsensus kombetar dhe pa i sqaruar beneficionet eventuale dhe pasojat, do te kete ndikim negativ ne procesin e njohjeve te pavaresise se Kosoves perfaqesues te Qeverise mundoheshin te na bindnin ne te kunderten, se dialogu "do te ndihmoje ne shtimin e njohjeve“. Nuk ka qene ndonje veshtiresi te kuptohet se nisja e dialogut do te parandaloje nje varg njohjesh. Kete zyrtare te BE-se madje e kishin paralajmeruar ne nje menyre indirekte, duke shprehur kenaqesi per ndasite qe ekzistojne brenda Bashkimit Evropian rreth pavaresise se Kosoves. "Eshte shume mire qe kemi shumicen e vendeve, te cilat e kane njohur Kosoven, por kemi edhe te tilla qe nuk e kane njohur. Kjo na ben qe ne si BE te jemi edhe ndermjetesit me te mire te mundshem ne dialog“, pati thene nje zyrtar shume i larte i Bashkimit Evropian. Madje nga burimet diplomatike eshte mesuar se Serbise nga ana e BE-se i eshte premtuar se gjate dialogut nga ajo nuk do te kerkohet asgje qe do te vere ne pikepyetje qendrimin ndaj statusit te Kosoves. Njelloj eshte bere edhe me shtetet e BE-se, te cilat jane kunder pavaresise se Kosoves. Madje ketyre te fundit, ne vend te kritikave qe me mosnjohjen e Kosoves po e veshtiresojne politiken e jashtme te perbashket te BE-se, ketyre shteteve u jane shprehur levdata se me mosnjohje kane dhene kontribut te madh pozitiv ne politiken e Bashkimit Evropian ne rajonin e Ballkanit. Me kete mendohet se BE-ja eshte „mire me Beogradin e mire edhe me Prishtinen“ duke qene "neutrale ndaj statusit“. Por „neutrale ndaj statusit“ ne praktike do te thote kundershtare e statusit. Si rezultat kjo do te thote se BE-ja nuk mund ta trajtoje Kosoven si shtet. Kete ose nuk e kuptojne pjesetaret e Qeverise se Kosoves nga naiviteti dhe injoranca e tyre ose manipulojne opinionin me kinse dobi nga dialogu. Ndoshta dialogu ne fundit do te ndihmoje ne njohje, por vetem nese si rezultat i dialogut Serbia e njeh pavaresine e Kosoves. Keshtu, se paku ne kete pike, Kosova ka pranuar ta lidhe fatin e saj perseri me Beogradin dhe t’i jape Beogradit po vetem celesat e dyerve te integrimit te Kosoves ne BE, por edhe te procesit te njohjeve te reja.

Njerit prej hic me pak se 6 zevendeskryeministrave te Kosoves, ndonese te parit ne mesin e tyre, Behxhet Pacollit, i eshte dashur te shkoje ne Afrike per ta kuptuar se dialogu Edita Tahiri-Borko Stefanoviq, i ndermjetesuar nga Robert Cooper, pengon njohjet e Kosoves. Se ketu Pacolli e thote te verteten deshmojne shume diplomate te shteteve qe nuk jane kunder Kosoves, por ende hezitojne ta njohin. Shume prej tyre i kane thene kesaj gazete se nga Beogradi vjen nje „lutje e arsyeshme“ qe te mos kete ndonje hap te njohjes derisa zgjat dialogu, sepse kjo do te mund te ndikoje negativisht ne dialog“. Rasti konkret ishte paralajmerimi, ndonese duhej te merrej me rezerva, sepse vinte nga Ministria e Jashtme e Shqiperise, se Egjipti do ta njohe Kosoven. Ne ate lajm, sapo pame se „Egjipti do te konsultohej me BE-ne“ e kishim te qarte se njohje te shpejte nuk do te kete, sepse BE-ja askujt nuk i thote, dhe nuk mund t’i thote, qe ta njohin Kosoven, kur vete nuk e trajton si shtet dhe ka dialogun dhe dhenien e statusit te kandidatit Serbise si prioritet. Dialogu ka penguar edhe procese tjera sic jane veprimet me te rrepta te EULEX-it ne veri dhe avancimi i disa planeve te BE-se me Kosoven per te pritur se si Kosova do te sillet ne dialog. Por ketu po ndalemi vetem te njohja.

Dialogu dhe vendosja e tij si prioritet jo vetem kryesor, por i vetem per Kosoven i BE-se, ishte po ashtu edhe shkaktari kryesor pse u humb rasti ideal qe te shfrytezohej mendimi i Gjykates Nderkombetare te Drejtesise se shpallja e pavaresise se Kosoves nuk eshte ne kundershtim me te drejten nderkombetare. Ne vend qe te kerkohej menjehere dhe me ze qe te gjitha vendet e BE-se dhe te tjerat ta njohin tash Kosoven, duke ua perkujtuar se arsyet qe permendnin me heret se kjo nuk eshte ne perputhje me te drejten nderkombetare me nuk vlejne, dhe ne vend qe te kerkohej edhe, pse jo, nga vete Serbia qe ta njohe Kosoven, sepse GJND-ja pikerisht ne pyetjen e Serbise e dha pergjigjen qe dha, i tere debati u drejtua nga dialogu. Se pari Serbia e beri kete duke propozuar Rezolute ne OKB dhe duke kerkuar te mos kete njohje derisa te vendoset per Rezoluten. Pastaj BE-ja hyri ne dialog me Serbine per ta ndryshuar kete Rezolute dhe se fundi Rezoluta ftoi per dialog dhe teme u be dialogu. Njohjet u harruan dhe rasti i madhe shkoi dhe nuk do te kthehet me, se paku jo derisa e derguara e posacme e kryeministrit Thaci per dialog me Serbine, Edita Tahiri, te mos e bind Beogradin qe ta njohe pavaresine e Kosoves, apo t’u jape leje shteteve tjera qe ta bejne nje gje te tille. Pra ritmi i njohjeve pas GJND-se u ngadalesua ne vend qe te pershpejtohej.

Arsyeja tjeter per mungesen e njohjeve jane manipulimet ne zgjedhje dhe imazhi i keqesuar i lidereve te Kosoves. Kjo pengon njohjen jo per shkak se shtetet te cilat duhet te njohin Kosoven cajne shume koken per demokraci dhe sundim ligji, por per shkak se kjo ka ndikuar te miqte e Kosoves, shtetet demokratike perendimore, qe te humbin motivin per t’i ndihmuar Kosoves ne keto rrethana. Sot, pranojne shume diplomate te ketyre shteteve, nuk eshte shume e lehte te angazhohesh ne favor te Kosoves. Dhe fjalet qe vijne nga ambasadoret e disa vendeve ne Kosove, apo deklaratat pas ndonje takimi me perfaqesues te Kosoves per angazhim per njohje, nuk pasohen me vepra as nga vendet kryesore qe e kane njohur Kosoven. Ne BE per shembull Britania e Madhe ka mbetur pothuajse e vetmuar ne kerkesat qe te trajtohet Kosova me shume si shtet. Por edhe britaniket thone se „ketu mbrojme qendrimin tone e per ne Kosova eshte shtet“, ndersa zyrtare te BE-se thone se Kosova edhe vete dergon sinjale kontradiktore, perfshire edhe te tilla se mund te pranoje zgjidhje edhe ne kuader te Rezolutes 1244. „Kosova duhet ta njohe mire veten se pari e pastaj te kerkoje me shume njohje“, thoshte me ironi nje diplomat evropian.

Problem serioz me Kosoven eshte edhe politika e saj e jashtme, ose thene me mire degradimi total i Ministrise se Jashtme. Kjo ka bere qe te mos kete fare politike te koordinuar te jashtme dhe nuk mund te kete ne rrethana te tilla kur jane se paku gjashte „ministri paralele te jashtme“. Vlora Citaku merret me BE-ne, Edita Tahiri me Serbine, Behxhet Pacolli me Afriken, Hashim Thaci me Turqine, rol tash ka edhe presidentja Jahjaga, cfare i mbetet atehere ministrit te jashtem te beje. Dhe BE-ja eshte e kenaqur te takoje shume ministra te tjere dhe zevendeskryeministra vetem e vetem qe te kete sa me pake kontakte me Ministrine e Jashtme te Kosoves. Kjo sepse Ministria e Jashtme eshte ajo qe simbolizon shtetesine e Kosoves. Vetem shtetet kane ministri te jashtme, ndersa qeveri, zevendeskryeministra, ministri integrimesh, te bujqesise, ekologjise kane edhe rajonet qe nuk jane shtet.

Degradimi i Ministrise se Jashtme eshte bere per te krijuar vende pune per argatet partiake te partnereve te koalicionit. Kjo ka bere qe me Kosoven sot te tallen edhe ata qe mundohen ta ndihmojne, duke thene me ironi se „Hashim Thaci eshte njeriu me i pasur ne Evrope me zevendes“. Ne vend qe te zvogelohet numri i resoreve te qeverise, ato jane shtuar dukshem, me cka jane shtuar edhe shpenzimet, por jo edhe puna. Eshte krijuar me shume konfuzion se kush eshte pergjegjes per cka ne Kosove. E tash kur mbaroi procesi i punesimit te argateve ne postet ministrore dhe zevendesministrore ne Prishtine do te pasoje edhe punesimi i atyre qe kane mbetur neper ambasada. Dhe keshtu politika e jashtme e Kosoves, ne kohen kur ende nuk eshte krijuar si duhet, do te degradohet edhe me shume. Keshtu eshte kur lideret kosovare nuk e marrin seriozisht shtetin e tyre, kur krijohen ministri fiktive per te vendosur nje person ne ndonje post, kur ndarja e bizneseve eshte me e rendesishme sesa puna per vendosjen e sundimit te ligjit dhe funksionimit te shtetit, atehere eshte e pakuptimte te pritet qe te tjeret ta marrin seriozisht Kosoven kur lideret e saj nuk e marrin seriozisht shtetin e tyre. Ambasadoret e huaj shkojne e vijne, ata te sotem vazhdojne karrieren diku tjeter dhe te tjeret vijne, Kosova mbetet te vuaje ne te ardhmen pasojat e mosfunksionimit te sotem te shtetit.

[Zero Cool]

Liga Islame thërret për njohje të Kosovës


Nën përkujdesjen e Mbretit të Arabisë Saudite (në datat 23-25 korrik 2011) u organizua një konference e Ligës Islame, e cila bëri thirrje për njohjen e Kosovës, duke iu referuar Rezolutës së Organizatës së Konferencës Islamike për Kosovën.





Në këtë konferencë ishin të ftuar mbi 500 personalitete fetare, si ministra të fesë, myftinjtë dhe kryetarët e bashkësive islame nga vendet anëtare të OKI-t dhe pakicat islame kudo që janë në botë.

Ministria e Punëve të Jashtme njofton se konferencë mori pjesë edhe Rexhep Boja, i ngarkuar me punë në Ambasadën e Republikës së Kosovës në Riad të Arabisë Saudite.

Kjo konferencë u tha se u shfrytëzua për kontakte me personalitete të shteteve të ndryshme që e nuk e kanë njohur apo dhe prej tyre që e kanë njohur pavarësinë e Kosovës, duke lobuar për njohje të reja dhe duke ua përcjellë atyre kërkesën për njohje, sidomos pas rezolutës së OKI-it në lidhje me pavarësinë e Kosovës.

I ngarkuari Boja me këtë rast takoi shume delegacione nga shtetet islamike të Afrikës, Lindjes se Mesme dhe Azisë Juglindore, me të cilët u bisedua për njohjen e shtetit të Kosovës.

[Zero Cool]

Rumania ‘nuk e ka ndërmend’ ta njohë Kosovën





Rumania nuk do të pranojë pavarësinë e Kosovës derisa Qeveria e Serbisë dhe autoritetet në Prishtinë nuk i zgjidhin të gjitha çështjet e pazgjidhura, ka thënë presidenti rumun, Traian Basescu.
“Ne jemi një shtet që nuk e njeh Kosovën. Qëndrimi ynë për këtë çështje mbetet i pandryshuar dhe është i bazuar në të njëjtën logjikë si në rastin e Lindjes së Mesme”, tha Basescu në takimin vjetor të diplomatëve rumunë, raporton Radio Evropa e Lirë.

I njëjti bëri të ditur se Rumania synon të zvogëlojë praninë e saj ushtarake në veri të Kosovës, sepse, siç tha ai, “Bukureshti nuk e ka ndërmend të mbështesë një konflikt që zgjat”.

Sipas tij, pjesëmarrja e Rumanisë në EULEX “nuk duhet të nënkuptohet si mbështetje për ndërtimin e institucioneve të Kosovës, por si mënyrë për t'iu ofruar siguri qytetarëve në rajonin e Mitrovicës”.

[Zero Cool]

Janosz: Vatikani pritet ta njohë së shpejti Kosovën





Selia e Shenjtë pritet që së shpejti të pranojë pavarësinë e Kosovës, ka thënë Juliusz Janosz, delegat apostolik i Vatikanit për Kosovë.
Pas meshës së shenjtë të mbajtur të dielën në Prizren, Janosz ka thënë për media se vetë prania e delegacionit të Vatikanit në Kosovë është dëshmi për këtë.

“Fakti që nuk jemi të varur nga Nunci i Beogradit, apo prej Nuncit të Shqipërisë, por e kemi një delegat apostolik e ka një domethënie që duhet të lexohet në këtë kuptim”, është shprehur Janosz.

[Zero Cool]

Pacolli premton tri njohje gjatë javës





Zëvendëskryeministri i vendit, Behgjet Pacolli ka premtuar se këtë javë Kosovën do ta njohin edhe tri shtete afrikane.
Në një prononcim për RTK, ai ka paralajmëruar se gjatë kësaj jave do të kthehet në Afrikë dhe atje do të sigurojë tri njohje. Ai u shpreh i pakënaqur që me presidentin e Hondurasit nuk janë takuar zyrtarë të lartë të Qeverisë së Kosovës.

“Në javën e ardhshme do të udhëtojë në Afrikë, ku do të përfundojë punën e nisur në tri shtete dhe jam i bindur se javën e ardhshme do ta njohin Kosovës”, ka thënë Pacolli.

Ndryshe, të dielën, ai ka qëndruar në Tiranë, në përcjellje të vizitës së Presidentit të Hondurasit në Shqipëri.

“Presidenti i Hondurasit premton dhe është shumë i sigurt se ne shumë shpejt do të kemi njohje edhe nga shtete të Amerikës Qendrore”.

Ai e ka falënderuar autoritetet shqiptare për pritjen që i kanë bërë Presidentit të Hondurasit, derisa ka shprehur pakënaqësi që në Prishtinë disa zyrtarë të lartë nuk janë takuar me Presidentin Lobo Sosa.

“Vizita e Presidentit të Hondurasit në Kosovë ishte edhe një mësim. Ata që e pritën i falënderojë shumë, ata që munguan në disa momente do të jetë një mësim për herën tjetër”, citohet të ketë thënë Pacolli.

[Makresh]

Postimi origjinal është bërë nga Zero Cool

Janosz: Vatikani pritet ta njohë së shpejti Kosovën





Selia e Shenjtë pritet që së shpejti të pranojë pavarësinë e Kosovës, ka thënë Juliusz Janosz, delegat apostolik i Vatikanit për Kosovë.
Pas meshës së shenjtë të mbajtur të dielën në Prizren, Janosz ka thënë për media se vetë prania e delegacionit të Vatikanit në Kosovë është dëshmi për këtë.

“Fakti që nuk jemi të varur nga Nunci i Beogradit, apo prej Nuncit të Shqipërisë, por e kemi një delegat apostolik e ka një domethënie që duhet të lexohet në këtë kuptim”, është shprehur Janosz.

Vatikani po luan si maca me miun me Kosovën !


Replika ndaj lajmit qe keni raportuar :

Vatikani: Nuk e njohim Kosovën



06 shtator 2011


Vatikani mohon menjëherë mundësinë e njohjes së pavarësisë së Kosovës.

“Nuk ka asnjë ndryshim të pozicionit të Selisë së Shenjtë ndaj Kosovës”, ka thënë drejtori i zyrës së informacionit Ati Federico Lombardi në një deklaratë shtypi për Tanjug.

Ishte Julius Janis apostul për Kosovë e Slloveni që tha në Prishtinë se do të kthehej shumë shpejt me lajme të mira. Janus qëndroi në Kosovë për të shënuar ditëlindjen e Nënës Tereze. (indeksonline)

[uck_aksh]

Postimi origjinal është bërë nga Zero Cool

Janosz: Vatikani pritet ta njohë së shpejti Kosovën





Selia e Shenjtë pritet që së shpejti të pranojë pavarësinë e Kosovës, ka thënë Juliusz Janosz, delegat apostolik i Vatikanit për Kosovë.
Pas meshës së shenjtë të mbajtur të dielën në Prizren, Janosz ka thënë për media se vetë prania e delegacionit të Vatikanit në Kosovë është dëshmi për këtë.

“Fakti që nuk jemi të varur nga Nunci i Beogradit, apo prej Nuncit të Shqipërisë, por e kemi një delegat apostolik e ka një domethënie që duhet të lexohet në këtë kuptim”, është shprehur Janosz.

shum esht mesim i mir per shqiptaret se vatikani nuk po na nje edhe shtetet islamike qe nuk po na njohin ne duhet qe ti bojkotojm te gjitha qe te mos jemi as krishter e as musliman nese ata nuk na duan edhe ne duhet qe mos ti duam te refuzojm fen e tyre te rrim qysh kem qen gjithmon ATEIST