Mire se vini ne Absurdistan Land - Page 6

Neferta · 13-12-12, 14:12

Thaqi e ka plot me mendë kete tezë per sojin e tije nese eshte e vertet se ashtu ka thene. Sigurisht ka menduar se te gjith njerzit qe kan lindur dhe jan edukuar si ai mendojn dhe duhet te mendojne ashtu si medon dhe vepron ai, ashtu ai mendon se nese nuk je nga drenica nuk mendon si Thaqi.
Nese eshte kjo e vertet ateher thaqi nuk po i perfaqeson shqiptaret po drenicaket shqiptare.
Prap nuk e besoj qe nje kryeminister te thot nje fjale qe se ''han qeni''.

Neferta · 13-12-12, 14:18

Citim:

Postimi origjinal është bërë nga Alima

...

Pse u zgjone kurreshtjen prapaskena e skenes me prapaskene !?

.

A nuk eshte apsurde me dale shqiptari ne sheshin ''Nena Tereze'' me fustan te arabistanit?????????.

Guri i madh · 24-01-13, 00:18

Nepotizëm edhe në Policinë e Kosovës Nepotizmi në institucionet publike është bërë dukuri shqetësuese për qytetarët. Në Policinë e Kosovës vitin e kaluar janë punësuar 30 të rinj në pozitën `Asistent administrativ`. Në një hulumtim të bërë nga RTK-ja del se shumica prej tyre janë familjarë të pjesëtarëve të policisë në pozita udhëheqëse. POSTUAR 19:50 / 23.01.2013 Jehona Zhitia
Policia e Kosovës nuk jep detaje rreth emrave që tashmë janë pozicionuar në këtë institucion me arsyen se:

”Zyrtarët e përzgjedhur janë caktuar në pozita të ndryshme brenda PK-së dhe duke marrë parasysh natyrën e punës nuk mund të bëhen publikë emrat e tyre, pasi kjo është në kundërshtim me Ligjin për mbrojtjen e të dhënave personale”.

Megjithëkëtë, ata emra kanë qenë të publikuar në faqen e policisë për një kohë të gjatë.

Për tridhjetë vende pune në pozitat e lartpërmendura në Policinë e Kosovës, aplikuan 2.567 kandidatë. Elizabeta Arifi Deliu nga Prishtina ka ngritur kallëzim penal në Prokurorinë Themelore për anëtarët e Komisionit Intervistues për Punësim të Shërbyesve Civilë në Policinë e Kosovës, nën dyshimin për përfshirje në vepra penale si konflikt interesi, keqpërdorim të pozitës zyrtare, ushtrim të ndikimit, cenim të të drejtave të punësimit, diskriminim dhe kurdisje të rezultateve.

Ajo thotë se ky rast e ka zhgënjyer shumë, ngase nuk e ka pritur që nepotizmi dhe korrupsioni të ndodhin në një institucion që bën thirrje për ruajtjen e rendit dhe ligjit.

Gjatë hulumtimit, RTK-ja siguroi një dokument me emrat e të punësuarve. Shumica nga ta ishin fëmijë dhe familjarë të pjesëtarëve të policisë që janë në poste udhëheqëse.

Këta janë emrat sipas burimeve të RTK-së:

1. F. S. (djali i kapitenit) i 16-ti në listën e të pranuarve

2. B. S. (motër e rreshteres) e 10-ta në listën e të pranuarve

3. M. M. (vajza e pjesëtarit të Task Forcës) e 12-ta në listën e të pranuarve

4. F. K. (e afërt e nënkolonelit) e 6-ta në listën e të pranuarve

5. A. O. (vajza e policit) e 8-ta në listën e të pranuarve

6. A. G. (e afërt e ish-ministrit) e 23-ta në listën e të pranuarve

7. A. G. (djali i rreshterit) i 22-ti në listën e të pranuarve

8. V. P. e 19-ta në listën e të pranuarve

9. H. K. (gruaja e kapitenit) e 5-ta në listën e të pranuarve

10. P. B. (djali i anëtarit të komisionit) i 9-ti në listën e të pranuarve

Nën dyshimin për parregullsi gjatë pranimit të tridhjetë asistentëve administrativë në Policinë e Kosovës, po zhvillohen hetime edhe nga Inspektorati Policor si organ mbikëqyrës i policisë.

Jetullah Aliu, drejtor i hetimeve në IPK, thotë se nëse përfundimi i hetimeve tregon se ka pasur shkelje, Inspektorati do të marrë të gjitha masat ndajë zyrtarëve policorë, duke mos lejuar në asnjë mënyrë që të dëmtohet imazhi i policisë si njëri nga institucionet më të besueshme në vend për mbrojtjen e rendit.

mos i koft per kob RTKes ky lajm per her te par qe ka dhan lajm të pa cenzuruar nga qeverija

Kercovari · 24-01-13, 07:22

Citim:

Postimi origjinal është bërë nga Neferta

A nuk eshte apsurde me dale shqiptari ne sheshin ''Nena Tereze'' me fustan te arabistanit?????????.

A thua e ka turpru sheshin e Nenes me fustan te Hindustanit?!

Neferta · 24-01-13, 09:16

Sheshi eshte objekt i hapur dhe amorf pa gjallesa, po nese nje Maor defilon aty sheshi nuk turperohet.

Kercovari · 24-01-13, 12:36

Citim:

Postimi origjinal është bërë nga Neferta

Sheshi eshte objekt i hapur dhe amorf pa gjallesa, po nese nje Maor defilon aty sheshi nuk turperohet.

Parashikon ndonje lig i posaqem defilimi ne kete shesh te jete i lejauar vetem per cullake dhe cullak dhe cilen veshje sankcionon ky shesh.Cka nese neser na vjen papa me dollamen e bardhe deri ne fund te kembeve mos duhet sankcionuar sepse nuk eshte veshje kosovare?
A ka ndonje ligj kosovar i cilio sanckionon veshjet si nje zgjidhje individuale..na thuaj me te cilin nen eshte percaktuar qe te dime ne te ardhmen si te defilojme.

dardan100 · 01-02-13, 13:04

Ne Absurdistan partia me e madhe SOCIO KOMUNISTE, pra PDK-ja e quan vehten parti djathtiste, edhe plus kesaj e thirr liderin e partise socialiste te Shqiperise Edi Ramen oreee, mirpo nuk merr dot guximin ta deshmoj identitetin e vet ideologjik, a thu pse ? per frike nga miqt amerikan, apo frika se mos po humbin elektorat, pasiqe dihet se kosovaret e urrejn komunizmin

King_Gentius · 05-02-13, 19:55

Kina po investon 700 miliard ne edukim universitar dhe 1.6 trilion nezvhvillim teknologjik. Qeverit shqiptare i len shkollat te shesin diploma si llokume. Dersa India ka sipermarre phone operation shum kompanive amerikane. Ne zyren e avokatve ku perfaqesojme banka na marrin gjith diten telefon per veprime te thjeshta nga India. Gjithmon cuditem pse kte pune e ben Lakshmi, Raxh Kapoori, Sangrapathundani nga New Dehli, e pse mos i bej Ismeti nga Prishtina apo Gjini nga Elbasani, po me duket jan te dy ne kafene me shoqeri. Mos ka India apo Kina qeveri me te mira? Fajet i ka dhe vet kultura kolektive e popullit.

Guri i madh · 10-02-13, 20:07

se me te vertet jemi absurditet Land shiqone emisionin drejtsa në Kosov ne oren 21 në RTK ky esht ritransmetim edhe keni me u bind se jemi shtet suigeneris edhe kena kryetar komune suigeneris në DRENAS

Guri i madh · 19-02-13, 21:52

Djemtë e Grabovcit rrahin policin

Foto: Driton Bublaku
Prishtinë – Dy djemtë e shefit të grupit parlamentar të Partisë Demokratike të Kosovës(PDK) Adem Grabovcit, Ngadhnjim dhe Guxim Grabovci e kanë rrahur deri në alivanosje një polic të Kosovës në mesnatën e 14 shkurtit, pasi i kishte ndalur ata për tejkalimin e shpejtësisë në magjistralën Prishtinë-Fushë Kosovë.
Polici nga Vushtrria Avni Selaci gjendet në pushim mjekësor, duke vuajtur pasojat që ia shkaktuan dy djemtë e “shefit të shefave”.
Ai ka pësuar lëndime në fytyrë nga goditjet e rënda që ka marrë nga vëllezërit Grabovci.
Polici Selaci bashkë me një kolegë të tijin kishin qenë duke patrulluar në magjistralen Prishtinë – Fushë Kosovë, ndërkohë që kishte tejkaluar një veturë e tipit BMW me shpejtësi të madhe.
Policët iu kishin vënë në “ndjekje” të tyre duke e ndalur kështu veturën në hyrje të Fushë Kosovës. Shoferi i veturës që më vonë ishte kuptuar se është djali i Adem Grabovcit, nuk e kishte me vete librezën e veturës. Vozitësi e kishte bërë një telefonatë me qëllim që t’i sillej libreza. Nuk kishte vonuar shumë dhe në vendin e ndalimit kishte ardhur edhe vetura e dytë, një xhip. Veturën e dytë kishte qenë duke e vozitur djali tjetër i Adem Grabovcit ndërsa kishte qenë i shoqëruar me një djalë dhe një vajzë.
Polici kishte qenë duke pritur që t’i tregohej libreza e sjellë dhe djali që kishte qenë nën shoqërinë e djalit të Grabovcit tenton të afrohet tek makina. Polici Selaci ia kishte tërhequr vërejtjen që të mos afrohej dhe pa pritë, djali i Grabovcit që po voziste veturën xhip, i kishte rënë policit grusht në fytyrë.
Për të zmbrapsur sulmin, polici i goditur kishte përdorur edhe sprejin ndërsa kishin ardhur edhe përforcime të tjera nga policia. Policët e posaardhur e kanë dërguar kolegun e goditur për t’ia dhënë ndihmën e parë ndërsa dy djemtë e Grabovcit dhe dy dëshmitarët okularë ishin shoqëruar për në stacion policor.
Polici tregon për gazetën “Zëri” se ishte goditur nga vozitësi i veturës xhip që kishte ardhur për t’ia sjellë librezën e veturës shoferit të ndaluar.
“Më ka goditur ai që ka ardh për t’ia sjellë librezën. Nuk e di nëse ka pasur diçka në dorë, më ka sulmuar në fytyrë”, thotë polici Selaci nga stacioni policor në Fushë Kosovë
Burime të gazetës brenda organeve të rendit, qartësojnë se e tëra ka ndodhur në orët e para të ditës së premte, të javës që po lëmë pas.
Pa dhënë detaje se kush kanë qenë sulmuesit, Flora Ahmeti nga Zyra për Informim e Policisë së Kosovës njofton se ka ndodhur një rrahje në afërsi të një pompe në magjistralen Prishtinë-Fushë Kosovë, për çka një polic i Kosovës është detyruar të përdorë sprej.
“Ngjarja që në polici është regjistruar si mospërfillje e urdhrave të ligjshme apo mospërfillje e urdhrave të policit është regjistruar më datën 15 shkurt në ora 1 e 15. Një polic i njësisë së trafikut kishte urdhëruar ndaljen e një veture për çka edhe ka pësuar një rrahje ku është sulmuar i njëjti polic”, ka thënë Ahmeti duke konfirmuar shoqërimin e dy të dyshuarve dhe dy dëshmitarëve për në vend të ngjarjes.
“Të dyshuarit janë të lindur më 1991 dhe 1993 por nuk mund të flasim për detaje të tjera”, ka shtuar më tutje ajo.
Ndonëse Ahmeti nuk ka dhënë detaje të tjera përkitazi me rastin, zyrtarë policorë me kusht anonimiteti që në atë kohë kanë qëlluar në stacion kur janë sjellë të dyshuarit, tregojnë për sjellje të pahijshme të tyre.
“Ata janë sjellë duke reaguar se pse janë sjellë aty duke e pasur parasysh se djemtë e kujt janë”, ka thënë një zyrtar policor.
Gazeta gjatë të martës ka bërë përpjekje që të kontaktojë me shefin e grupit parlamentar të PDK-së, Adem Grabovcin përkitazi me këtë rast, por një gjë e tillë ka qenë e pamundur, pavarësisht insistimit të disahershëm të gazetës.
Pas intervistimit në stacion policor dhe në konsultim me prokurorin themelor, të ndaluarit sipas saj janë liruar në procedurë të rregullt.
Departamenti i përgjithshëm i Prokurorisë Themelore në Prishtinë përkatësisht prokurorja Merrushe Llugiqi tashmë ka në duar këtë rast. E kontaktuar nga gazeta për të mësuar më shumë rreth rastit që ka në duar që nga 15 shkurti, prokurorja e rastit me të kuptuar interesimin e gazetës, ka thënë se nuk ka kohë që të flasë me gazetarët.
Shefi i saj madje, kryeprokurori i Prokurorisë së Apelit, Imer Beka as që është lajmëruar, pavarësisht tentimeve të disahershme të gazetës.

Fshatari · 19-02-13, 22:02

Qeshtu asht kur ke Guxim dhe Ngadhnjim, baben shef, e ngadhnjimin e siguruem!

Artisti · 19-02-13, 22:04

Citim:

Postimi origjinal është bërë nga Fshatari

Qeshtu asht kur ke Guxim dhe Ngadhnjim, baben shef, e ngadhnjimin e siguruem!

Qeshtu është kur nuk ka " Në emër të popullit " !!!!!

.

murrizi · 19-02-13, 22:13

Te varrezat e deshmoreve ne 5 vjetorin e pavarsis se kosoves.

I pyeta: Cfar po beni aty ?
Ma kthyen: Po i nderojm pak te renet per liri.
U thash: Po besa, askujt me shume se juve si bjen ti nderoni ata qe sot han dhe.
Ma kthyen: Hajt hajt .

Guri i madh · 19-02-13, 22:20

Citim:

Postimi origjinal është bërë nga Fshatari

Qeshtu asht kur ke Guxim dhe Ngadhnjim, baben shef, e ngadhnjimin e siguruem!

po mir o fshatar po edhe baba i tyre e per guximin ne ora 1 pas mesnate e plagosi bashkshorten e vet me pishtiolet pa leje edhe nuk u arrestue

Guri i madh · 24-02-13, 13:56

po i kalxoj Fshatarit se ky artikull esht mar nga Koha net

Sonte në KTV mund të ndiqni: *** 15:45 Oxygen ® *** 17:00 KOHA E LAJMEVE *** 17:10 Oxygen ® - vazhdimi *** 18:35 Filma Vizatimor: “Qenushi në Xhepin Tim” Epis 11 *** 18:50 Marketing ***19:00 Lajmet e mbrëmjes *** 19:40 Sporti në KTV *** 20:05 N’Darkë *** 21:15 Dokumentar: “ Në gjueti të simbolit të fundit “ *** 22:41 Reciklimi ® *** 22:55 Marketing *** 23:00 KOHA E LAJMEVE ...

Vëllai i kryetarit të Malishevës sulmon policen në detyrë

Publikuar: 24.02.2013 - 10:44Prishtinë, 24 shkurt - Vëllai i kryetarit të Malishevës, Isni Kilaj, Fatmir Kilaj, ka detyruar një polic që ta nxjerrë revolen dhe t’ia drejtojë në ballë për ta mbrojtur kolegen e tij. Një burim nga Policia ka treguar se Fatmir Kilaj është ndaluar për shkak të tejkalimit të shpejtësisë, nga një patrullë e përbërë prej dy zyrtarëve policorë të trafikut, Misin Krasniqi dhe Elvira Motoviq, shkruan sot Koha Ditore. Ngjarja ka ndodhur të martën, në afërsi të Fushë - Kosovës.

Fatmir Kilaj ishte duke vozitur veturën zyrtare të vëllait të tij dhe ishte duke shkuar për ta marrë atë në një dasmë. Burimi ka thënë se zyrtarja policore Motoviq i ka marrë dokumentet dhe i ka shkruar një gjobë. Kur ia ka dorëzuar në veturë atij, ai ka tentuar ta sulmojë.

“Kur e ka parë dënimin për tejkalim të shpejtësisë, Fatmir Kilaj ka filluar ta shajë policen duke i thënë, vegë e shurrë, ti me guxu me ma shkru dënimin dhe ka tentuar ta sulmojë fizikisht. Shpejt ka ndërhyrë polici Misin Krasniqi, duke e nxjerrë revolen dhe duke e arrestuar atë përkohësisht”, ka thënë ky burim.

Gazeta nuk ka arritur të marrë qëndrimin e kreut të Komunës së Malishevës, Isni Kilaj, në lidhe me lejimin e shpërdorimit të veturës së tij zyrtare jashtë orarit të punës. Ai nuk i është përgjigjur gazetës në thirrjet e vazhdueshme nëpërmjet telefonit këtë të shtunë.

Nga Policia e rajonit të Prishtinës është thënë se rasti është dorëzuar në prokurori. Sipas deklarimeve zyrtare në Polici, ani pse Fatmir Kilaj ka tentuar të sulmojë policen në detyrë, tentimi i tij nuk ka paraqitur rrezik, meqë ai nuk është arrestuar pas incidentit.

“Rasti është dërguar në Prokurorinë Themelore, për pengim të personit zyrtar gjatë kryerjes së detyrës”, ka thënë për gazetën Florije Ahmetaj, zëdhënëse e Policisë në rajonin e Prishtinës.

Sipas saj, rasti në fjalë ka ndodhur në afërsi të fshatit Vragoli të Komunës së Fushë-Kosovës.

Incidenti me vëllanë e kryetarit të Malishevës, Isni Kilaj, ka ndodhur pesë ditë pasi djemtë e deputetit Adem Grabovci u përfshinë në një konflikt me Policinë e Kosovës, duke e grushtuar pjesëtarin e kësaj trupe, Avni Selacin. Kilaj dhe Grabovci janë anëtarë të PDK-së.