Lajm tragjik nga Las Vegasi

[Peja-Boy]

Me datën 11 shtator 2007 u nda nga jeta Shpresa Hamzaj vajza 27 vjeçare e veprimtarit të njohur shqiptar Fatmir Hamzaj. Lajmi i hidhur tronditi të gjithë bashkatdhetarët në Amerikë dhe gjithandej në diasporën shqiptare. Veprimtaria atdhetare e Shpresës është e mirënjohur jo vetëm tek komuniteti shqiptar por edhe në opinionin amerikan.

Shpresa ishte veçanërisht aktive gjatë shpërnguljes së refugjatëve kosovar nga Kosova në Amerikë. Me këtë rast e përditshmja “Las Vegas Sun” në artikullin Kosovo refugees arrive in LV (8 Gusht 1999) shkruan për punën e palodhshme që ajo bëri për t’i strehuar bashkatdhetarët tonë nga Kosova.

Shpresa lindi në Las Vegas ku edhe mbaroi shkollën fillore dhe të mesmen. Kreu kolegjin për “liberal arts” (college of liberal arts bachelor of arts English 2004) në universitetin e Nevadës në Las Vegas. U kualifikua si realestate agjent dhe tregoi profesionalism në ushtrimin e detyrës së vet. Edhe pasi mbaroi studimet ajo vazhdoi të jetë aktive në universitetin e Nevadës si alumni. Puna e saj si alumni ishte e mirënjohur në universitetin e Nevadës.

Në këto momente të dhimbshme komuniteti shqiptar e ndan dhimbjen me familjen e Fatmir Hamzës ashtu si që e ndante ai dhimbjen e popullit të vuajtur kosovar me familjen e vet duke sakrifikuar çdo gjë personale për të ndihmuar bashkatdhetarët tonë në territoret e pushtuara.

Vorrimi do të bëhet në vorrezat e Las Vegasit të Dielën më 16 Shtator në orën 1PM.