KUR’ANI FAMËMADH MAHNITË SHKENCËTARËT

[shqiptari_evr]

ej mos me zgjat shume, ekziston akoma permbledhja e ajeteve te Kuranit qe ishte doreshkrim nga kalifi Osman r.a. nje kopje nga ky doreshkrim akoma ekziston ne muzeun e stambollit.
nese doni te dini per Osmanin r.a. ju them se ai ka jetuar me Muhamedin a.s. dhe ishte mik dhe shok i tij i ngushte.
e jo sikur qe thot dikush nga ata qe nuk dine se qenka permbledhur pas 150 apo 300 viteve sikur qe bilba u shkrua 300 apo 400 vite pas ngritjes se Isait a.s.... edhe ate doreshkrimi i pare eshte perkthim pa mos u editur tekstin autentik dhe origjinal ne hebraishten e vjeter.....


lexoni me vemendje:
Me emrin e All-llahut, Mëshiruesit, Mëshirëbërësit!
2:1. Elif, Lam, Mim.
2:2. Ky është libri që nuk ka dyshim në te (sepse është prej All-llahut) është udhëzues për ata që janë të devotshëm.
2:3. Të cilët e besojnë të fshehtën, e kryejnë faljen (namazin) dhe prej asaj që Ne u kemi dhënë, ata japin (zeqat, sadaka etj.).
2:4. Dhe ata, të cilët besojnë në atë që t’u shpall ty, dhe në atë që është shpallur para teje, dhe që janë të bindur plotësisht për (jetën e ardhshme në) botën tjetër (Ahiretin).
2:5. Të tillët janë të udhëzuar nga Zoti i tyre dhe vetëm ata janë të shpëtuarit.
2:6. E ata që mohuan (Kur’anin dhe Muhammedin), për ta është njësoj ua tërhoqe vërejtjen apo nuk ua tërhoqe, ata nuk besojnë.
2:7. All-llahu ua mbylli atyre zemrat, veshët e tyre dhe në të pamurit e tyre ka një perde, e ata kanë një dënim të madh.

pershendetjte

[Zabeli i bacës Brahim]

TOKËN . . . E SHTRUAM

Të shohim tani vërtetësitë dhe realitet e Kur’anit. Të shohim nëse kemi të bëjmë me keqinterpretime, apo përplasje në mes së vërtetës shkencore dhe asaj Kur’anore!? Disa nga dijetarët përmendin se All-llahu xh.sh. në Librin e Tij thotë:

“ Ndërsa tokën e kemi shtruar “

Fjala med ka kuptimin, shtruarje, d.m.th e kemi shtruar. Tokën e shohim të shtruar para nesh. Nuk ka kurrfarë përplasje në mes Kur’anit dhe asaj që shohim para nesh. Por kur u zbulua se toka është e rrumbullakët, u ngritën disa dijetarë fetarë dhe kundërshtuan këtë zbulim ngase mendonin se është në përplasje me Kur’anin. U themi se ishte keqinterpretim nga disa komentatorë të Kur’anit. All-llahu i Lartëmadhëruar, në Kur’an na kishte dhënë argumentin se toka është e rrumbullakët. Ai na informoi se toka dhe krijimi i saj është në formë topthi. Të polemizojmë rreth kësaj.
Përmendëm se në Kur’an thuhet: “Ndërsa tokën e kemi shtruar”. All-llahu nuk tha se toka është e rrafshtë, gjë që nënkupton se ngado që të sillesh, toka është e rrafshtë. Nëse gjendesh në një pikënisje, sheh se toka para teje është e rrafshët. Po u ngjite më në veri, pra, në polin e veriut, sheh se toka është e rafshët. Nëse shkon në Evropë, Amerikë, Azi, ose në Afrikë, toka para teje është e rrafshët. Toka është e rrafshtë në çfarëdoqoftë këndi të rruzullit tokësor, e kjo nuk do të mund të ndodhte nëse toka nuk do të ishte e rumbullakët. Sikur toka të ishte në formë cilindri, katrori, trekëndëshi, gjashtëkëndëshi, ose në çfarëdo forme tjetër gjeometrike, do të arrinim vetëm në një skaj të saj. Përderisa nuk kemi arritur asnjëherë në një nga skajet e saj, nënkuptohet se toka nuk ka formë tjetër përpos formës së rrumbullaktë.

Mrekullinë e Kur’anit, unë e shoh në thënien: “Ndërsa tokën e kemi shtruar”. Edhe kjo është një nga vërtetimet e All-llahut për formën e rumbullakët të tokës. Këtu është shfrytëzuar thënia që do të kuptohet nga të gjithë në kohën e zbritjes së Kur’anit, dhe në të njëjtën kohë, nuk bie ndesh me shkencën. E gjithë kjo, ndodhë në dy fjalë të vetme, jepet lajmi ose sekreti i tokës në këto dy fjalë të vetme. Pra, kjo nuk mund të bëhet nga dituria e njeriut. All-llahu na ka sinjalizuar për formën e tokës edhe në katër fjalë të cilat ishin në kohën e krijimit.

[Psikologu]

Ka instanca ku i gjejmë te dy literaturat hebreje dhe të krishtere në tekstet kuranore. Lartësia e Malit Sinai, mbajtur si kyq tek hebrenjtë, ishte kërcënim për refuzimin e ligjit (sura 7:171) u morën nga shkrimet apokrife hebreje, Abodah Sarah. Pjesa e fëmijërisë së herëshme e Jezusit ka gjurmë tek shumë shkrime apokrife tek të krishterët: Druri i palmës që tregon për dhembjen e madhe të Marisë pas lindjes së Jezusit (sure 19: 22-26) vijnë prej Librit të Humbur të Biblës; që flet për foshnjën Jezus që i bënë zogjtë prej deltinës (sure 3:49) vjen nga Ungjilli i Tomës për foshnjën Jezus. Tregimi për Jezusin foshnjë që fletë (sure 19:29-33) ka gjurmë nga përrallzat arabe nga Egjipti që emërojnë Ungjillin e parë për Jezus Krishtin si fëmijë.

Në surën 17:1 kemi raportin e hulumtimit të Muhamedit prej xhamisë së shenjtë deri tek xhamia më e largët. “Prej traditave të mëvonshme gjejmë referime të Muhamedit të ngjitur deri tek qielli i shtatë, pas udhëtimit të mrekullueshëm ( Mi’raj) prej Mekës deri tek Jerusalemi, me ”kalin me krahë” të quajtur burak. Më shumë detale na furnizon Mishkat al Masabih. Ne mund ta kthejmë tregimin pas në librin fiktiv të quajtur Testamenti i Abrahamit, i shkruar rreth v. 200 Para.K., në Egjipt, dhe pastaj të përkthyera më vonë në greqisht dhe arabisht. Një shkrim tjetër analog është ajo e Fshehtësive të Enokut (kapitulli 1:4-10 dhe 2:1), që grabitet nga Kurani pas katër shekujve. Dhe më tej shkrimi i ngjashëm është larg i modeluar dhe i mbledhur në tregimet e mbetura në librin e vjetër të Persisë i titulluar Arta-i Viraf Namak, që tregon si zorostriani i ri i devotshëm është ngjitur në qiell, dhe të kthimit të tij, lidhur me atë që ai pau, ose duke profetizuar atë që ka pa. (Pfander 1835:295-296).

Përshkrimi i Kuranit për shëmbëllimin e ferrit, i gjason ferrit të Efraimit, predikues nestorian i shekullit të gjashtë (Glubb 1971:36).
Autori i Kuranit në suren 42:17 dhe 101:6-9 me siguri e shfrytëzoi Testamentin e Abrahamit që të mësojë për balancin ose peshoren që do të shfrytëzohet në ditën e gjykimit për t’i matur veprat e mira dhe të këqija me qëllim të caktimit se kush ku do të shkojë, në parajsë apo ferr.

[M.H]

Postimi origjinal është bërë nga Psikologu

Autori i Kuranit në suren 42:17 dhe 101:6-9 me siguri e shfrytëzoi Testamentin e Abrahamit që të mësojë për balancin ose peshoren që do të shfrytëzohet në ditën e gjykimit për t’i matur veprat e mira dhe të këqija me qëllim të caktimit se kush ku do të shkojë, në parajsë apo ferr.

----------------------------------------------------


e sipas teje kush eshte autori i Kur`anit????

[Psikologu]

Si pasojë ne nuk kemi ndonjë verifikim të besueshëm të asaj që traditat e mëvonshme të myslimanëve tregojnë të vërtetat për jetën e Muhamedit, ose edhe të vet Kuranit. (Schacht 1949:143-154). Në fakt, ne absolutisht nuk i kemi shënimet origjinale të Kuranit. (Schimmel 1984:4). Ne gjithashtu nuk kemi ndonjë dëshmi të saktë të kopjeve të cilat janë të këtij redaktimi dhe të dërguara në Mekë, Medinë, Basra dhe Damask (shikoi argumentet e Gilchristit në librin Jam’ al-Quran, 1989, fq. 140-154 si dhe të Lingsit dhe Safadit, Kurani 1976, fq. 11-17).

Edhe nëse këto kopje disi janë shkapërdedhur gjatë viteve (siç dëshmojnë disa myslimanë tani), ishte dashur gjithsesi të ekzistojnë disa fragmente të këtyre dokumenteve në të cilat do të ishte e mundur të bazohemi. Deri në fund të shekullit të shtatë islami është zgjeruar prej Spanjës deri në Indinë perëndimore dhe në lindje. Kurani (sipas traditave) ishte qendra e besimit të tyre. Natyrisht se me tërë këtë sferë të influencës të jashtzakonshme ishte dashur të ketë ca dokumente të Kuranit ose dorëshkrime që do të ekzistonin deri sot. Ende, nuk kemi asgjë prej asaj kohe.

[Reana]

Postimi origjinal është bërë nga Psikologu

Ka instanca ku i gjejmë te dy literaturat hebreje dhe të krishtere në tekstet kuranore. Lartësia e Malit Sinai, mbajtur si kyq tek hebrenjtë, ishte kërcënim për refuzimin e ligjit (sura 7:171) u morën nga shkrimet apokrife hebreje, Abodah Sarah. Pjesa e fëmijërisë së herëshme e Jezusit ka gjurmë tek shumë shkrime apokrife tek të krishterët: Druri i palmës që tregon për dhembjen e madhe të Marisë pas lindjes së Jezusit (sure 19: 22-26) vijnë prej Librit të Humbur të Biblës; që flet për foshnjën Jezus që i bënë zogjtë prej deltinës (sure 3:49) vjen nga Ungjilli i Tomës për foshnjën Jezus. Tregimi për Jezusin foshnjë që fletë (sure 19:29-33) ka gjurmë nga përrallzat arabe nga Egjipti që emërojnë Ungjillin e parë për Jezus Krishtin si fëmijë.

Në surën 17:1 kemi raportin e hulumtimit të Muhamedit prej xhamisë së shenjtë deri tek xhamia më e largët. “Prej traditave të mëvonshme gjejmë referime të Muhamedit të ngjitur deri tek qielli i shtatë, pas udhëtimit të mrekullueshëm ( Mi’raj) prej Mekës deri tek Jerusalemi, me ”kalin me krahë” të quajtur burak. Më shumë detale na furnizon Mishkat al Masabih. Ne mund ta kthejmë tregimin pas në librin fiktiv të quajtur Testamenti i Abrahamit, i shkruar rreth v. 200 Para.K., në Egjipt, dhe pastaj të përkthyera më vonë në greqisht dhe arabisht. Një shkrim tjetër analog është ajo e Fshehtësive të Enokut (kapitulli 1:4-10 dhe 2:1), që grabitet nga Kurani pas katër shekujve. Dhe më tej shkrimi i ngjashëm është larg i modeluar dhe i mbledhur në tregimet e mbetura në librin e vjetër të Persisë i titulluar Arta-i Viraf Namak, që tregon si zorostriani i ri i devotshëm është ngjitur në qiell, dhe të kthimit të tij, lidhur me atë që ai pau, ose duke profetizuar atë që ka pa. (Pfander 1835:295-296).

Përshkrimi i Kuranit për shëmbëllimin e ferrit, i gjason ferrit të Efraimit, predikues nestorian i shekullit të gjashtë (Glubb 1971:36).
Autori i Kuranit në suren 42:17 dhe 101:6-9 me siguri e shfrytëzoi Testamentin e Abrahamit që të mësojë për balancin ose peshoren që do të shfrytëzohet në ditën e gjykimit për t’i matur veprat e mira dhe të këqija me qëllim të caktimit se kush ku do të shkojë, në parajsë apo ferr.

Psikologu,

je duke e tepruar me keto sqarime te panevojshme :evil: !!!
secili mund te marr dhe te lexoj Kuranin, Biblen, apo cfare te duan qe deshirojne te lexojne, dhe secili mund te krijoje bindjet e veta ne cfare deshirojne te besojne apo jo!!!
Nuk e shoh te udhes, qe ju si i krishtere qe mbroni krishterizmin aq fort, te kritikoni me kaq hov nje besim tjeter dhe te jeni ne gjendje te keni qendrim korrekt ne kritikat tuaja!!!

Ne perendim ne etiken e punes po edhe ate jetesore egziston koncepti qe quhet 'conflict of interest', sipas te cilit dikujt nuk i lejohet te involvohet ne dicka prej nga dalin dobi kompetitive, te cilat nuk keni te drejte etike ti keni, qe dmth se interesete tuaja kur kritikon islamin jane shume konfliktuoze; sikur disa nga keta talibanet kur kritikojne krishterimin, e bejne kete per te lavderuar veten, i.e. conflict of interest, dmth te qosh uje ne mullirin tend, dhe te marresh qendrim per nje gje jo PATJETER ne baze te realitetit por te dobise!!!

Iu takon njerezve te lire, individeve te lire qe jetojne ne nje shoqeri demokratike te zgjedhin nese i besojne lopes, majmunit, Muhametit, Krishtit, apo jashtetokesoreve!!!

Ky eshte forum shqiptar, dhe diskutime te ketilla sa jane urrejtje-nxitese e percarese, jane edhe jo-konstruktive!!!

Ku e shifni juve dobine te atakoni dikend qe beson ne dicka po me ate fanatizem qe ju besoni ne ato tuat??? :evil:
C'e mire del nga kjo??? A jeni ne gjendje te pergjigjeni ne kete???

Ju kisha sygjeruar ne menyre miqesore, qe njehere e pergjithmone ju si i krishtere te pushoni se kritikuari Islamin!!!
Juve nuk iu takon kjo, edhe po te keni te drejte ne pikepamjen tuaj!!!

[Psikologu]

E nderuara Reana .

Keni të drejtë ne shkrimin e juaj ose mendimin e juaj .
Ne cdo hap , e ne cdo sferë është e sulmuar Bibla , edhe pse mua nuk me luan rol aspak, sepse nuk jam besimtarë i fortë e as sdua te jem.
E njef fare mirë historiatin e ketij forumi ne cdo pikpamje dhe ne shumë rrethana te mehershme por edhe të sotme.
Ketu sulmohet cdo gjë qe ka te bejë me krishterizmin si qe hero apo kushdoqoftë (nga fundamentalet ), pamvarsishtë nga kontributi i tyre dhe renditja e tyre ne faqet e ndriteshme të historis.
Mos harroni se kritikat e mija kan qenë cdo here të njejta për të gjithë dhe do të jenë pamvarsishtë nga perkatesia fetare, dhe shumë e më shumë janë renduar ofendimet e figurave kombtare të perkatesis së krishter shqiptare , sepse ata nuk janë vetem për katoliket shqiptar por për të gjithë kombin njejt sikur heronjet musliman shqiptar qe u takojnë të gjithve.
Rubrika e ketij postimi është Kurani Mahnit shkencen , qe ska të bejë asgjë me qeshtjen kombtare ne asnje hap , se i kemi nda rubrikat me duket , ku si dhe pse.
Fakti mos të ma vret aspak kur jemi ne debate te tilla, qodtë per Bibel e qoftë per Kuran.
Nuk është heshtur nga shqiptaret e besimit musliman , dhe kan ngritur zerin kunder atyre qe kan berë veper të tillë dhe shkrime të tilla kunder figurave kombtare shqiptare te besimit të krishter,por as nga besimtaret katolik shqiptar nuk është heshtur asnjehere nese janë prekur heronjet e besimit të tjeter, sepse cdo here e kam shkruar qe islamin e kemi ne trojet tona qe sa shekuj , por jo sikur keta faqezi (disa prej tyre ) qe e vjellin aq keq cdo gjë qe nuk përputhet me bindjen e tyre qoftë atë ideologjike ose ate fetare, ndersa kombin mos ta permendim fare sepse ajo per të tillet nuk vjen ne shprehje.
Ndoshta edhe vret keq që i perkas konfeksionit katolik dhe mirret se urrej islamin , por fakti nuk qendorn ashtu aspak , dhe nuk mundesh të gjesh asnje shkrim që kam shkruar te forumi Mesime nga Kurani ose qe kam sulmuar Kuranin , sepse nuk me luan rol kush ne cka beson ose nuk beson fare hiq, mua me intereson qeshtja kombetare shqiptare , arritja e qellimit kombtar , lirija e fjales , mendimit dhe e besimit , pa cenim të asnjeres pal ne asnje ditë ose qast, por as rikthimin ne shekullin e gjashtë nuk mundem ta mirëpresim aspak nga askush edhe nese predikojnë panderpre ketu pamvarsishtë se kush dhe nga cili besim.
Jemi të rubrika Feja e shqiptarit ,e ketu kemi se cka te bisedojmë me teper dhe me shumë për besimet ndershqiptare.

[Zabeli i bacës Brahim]

RROTULLIMI I TOKËS DHE KODRAT

Në Kur’an, rrotullimi i tokës, është theksuar si një nga realitetet e gjithësisë. Në suren el Nemël (Thnegla), ajeti 88, i Lartëmadhëruari thotë :
“Dhe i sheh malet (kodrat), e mendon (llogaritë) se ato janë të palëvizshme, ndërsa ato lëvizin ashtu siç lëvizin retë. (kjo është) Vepër e All-llahut, i cili çdo gjë e përsosi …”

Kodrat u rrënjosën thellë në tokë. Ishte e domosdoshme që këto të privohen nga lëvizjet. Të qenit të privuara nga lëvizjet, sigurojnë mos-dridhjet e tokës dhe sigurojnë luhatjet e njeriut. Ato janë simbol i qen-drueshmërisë. Kur ato vështrohen, e japin këtë mesazh. Nga pamja e madhësisë dhe rrënjosjes së tyre, beson se toka është stabile dhe nuk lëvizë as edhe një hap të vetëm. Duket shumë stabile dhe e pa lëvizshme, prandaj All-llahu në Kur’an e thotë fjalën: mendon (lloga-ritë). Këtë e ka thënë nga mëshira e Tij ndaj njeriut. Njeriu mendon se kodrat janë të pa lëvizshme. Por, ja që All-llahu dëshiron të na tregojë, se atë që ne i mendojmë se ato janë të pa lëvizshme, në realitet lëvizin nga një vend në një vend tjetër. Kodrat lëvizin ashtu siç lëvizin retë. Pse u tha si retë? Retë janë ato që nuk lëvizin vetvetiu, por lëvizin në sajë të erërave. Retë pa erërat qëndrojnë në vend. Erërat janë ato që i lëvizin retë nga një vend në një vend tjetër. Në Kur’an, përdorimi i shprehjes -“ si retë”, është sinonim i lëvizjes të kodrave me ndihmën e dikujt tjetër. Nëse kodrat janë të pa lëvizshme, atëherë kush i lëviz ato, nëse nuk lëvizen nga vetvetja? Kush është ai që i vë në lëvizje? Kjo është toka, e cila me lëvizjen(rrotullimin e saj), i lëviz edhe kodrat. Me siguri që edhe toka lëvizë dhe rrotullohet, sepse përndryshe, si do të lëviznin kodrat duke qenë ato të rrënjosura thellë në tokë. Pra kodrat e rrënjosura thellë, i përkasin një vendi që është në lëvizje. Ashtu sikur retë që janë të varura nga era, edhe kodrat janë të varura nga toka, ngase ato janë të rrënjosura në tokë. Në këtë mënyrë, All-llahu i Lartësuar na shpjegoi në formën më të përsosur, lëvizjen e tokës dhe rotacionin e saj. Ne kemi llogaritur se kodrat janë të palëvizshme por del se ato qenkan në lëvizje të vazhdueshme, përderisa toka lëviz. Fjala: “Mendoni se janë të palëvizshme“, ka nevojë për një shpjegim më të gjërë, sepse kjo na vërteton një tjetër realitet shkencor.

Nëse qëndron në një trup që është në lëvizje, por nuk ka kurrfarë dridhje në ate trup, nuk e ndjen atë lëvizje. Do ta ndiesh atë lëvizje, nëse e krahason atë trup me një trup tjetër, i cili nuk është në lëvizje. Nëse vështrojmë nga dritarja e aeroplanit me të cilin fluturojmë, atëherë e ndiejmë lëvizjen e aeroplanit dhe atyre që janë aty. Por, nëse mbyllim dritaret dhe koha të jetë e qetë, si dhe aeroplani të fluturojë pa dridhje, ne nuk do ta ndiejmë lëvizjen e aeroplanit. Pse nuk do ta ndie-jmë? Kjo ndodhë për arsye se çdo gjë përreth nesh, është e pa lëvizshme dhe ne nuk e ndiejmë atë lëvizje. Karriket dhe çdo gjë për-reth teje, është e palëvizshme. Kjo vlen edhe për qëndrimin tonë në veturë ose tren, nuk kemi tronditje dhe çdo gjë është e qetë dhe nëse i kemi mbyllur dritaret nuk do ta ndiejmë lëvizjen e mjetit dhe lëvizjen tonë. Por nëse e hapim dritaren dhe vështrojmë një objekt të palëvizshëm do të vërejmë lëvizjet tona me mjetin ku qëndrojmë vetë.

Me këtë All-llahu xh.sh. dëshiroi të na tregojë se ne nuk jemi në gjendje ta kuptojmë lëvizjen e kodrave, sepse toka është stabile dhe qëndrimi ynë është stabil, dhe qëndrimi përreth nesh është stabil, dhe ne llogarisim se çdo gjë është e palëvizshme, sepse nuk imagjinohet ajo lëvizje përderisa nuk kemi mjet tjetër të palëvizshëm para nesh që të krahasohet. Por ne ju themi, këto kodra lëvizin, dhe këto nuk lëvizin nga vetja e tyre që të shkojnë nga një vend në një vend tjetër mbi tokë, por, ato përcjellin tokën gjatë rotacionit të saj, e ti mos u habit sepse ajo është nga “ Vepra e All-llahut i Cili çdo gjë e përsosi“, e po u ba-zove në këtë, atëherë do të bindesh.

Dikush thotë se ky cilësim i përket Ditës së Kijametit, por ne u themi atyre se kjo nuk ka të bëjë me ate, sepse atje nuk ka paralloga-ritje, por, atje është bindja.

All-llahu thotë:
“…prandaj T’a hoqëm mbulesën, e sot shikimi yt është i mprehtë”.
Si dhe thënia e të Lartësuarit për kodrat në Ditën e Kijametit:
“Dhe do të pyesin ty për kodrat, dhe thuaju: Zoti im do t’i bëjë ato hi e pluhur”

Si është e mundur që ato t’i bën hi e pluhur dhe ato të parallogariten se janë të rrënjosura, thotë i Lartësuari xh.sh.: “Ditën kur toka do të zëvendësohet me një tokë tjetër dhe qiellërat…”

Në Ditën e Kijametit çdo gjë do të jetë e qartë dhe sheshazi, sepse nuk ka kodra, e gjitha do të jetë hi e pluhur. Do të shohim xhennetin dhe xhehennemin, si dhe do ta shohim All-llahun, pra llogaritja i përket kësaj bote kurse bindja në botës tjetër.

[krijuesiii]

Postimi origjinal është bërë nga Psikologu

E nderuara Reana .

Keni të drejtë ne shkrimin e juaj ose mendimin e juaj .
Ne cdo hap , e ne cdo sferë është e sulmuar Bibla , edhe pse mua nuk me luan rol aspak, sepse nuk jam besimtarë i fortë e as sdua te jem.
E njef fare mirë historiatin e ketij forumi ne cdo pikpamje dhe ne shumë rrethana te mehershme por edhe të sotme.
Ketu sulmohet cdo gjë qe ka te bejë me krishterizmin si qe hero apo kushdoqoftë (nga fundamentalet ), pamvarsishtë nga kontributi i tyre dhe renditja e tyre ne faqet e ndriteshme të historis.
Mos harroni se kritikat e mija kan qenë cdo here të njejta për të gjithë dhe do të jenë pamvarsishtë nga perkatesia fetare, dhe shumë e më shumë janë renduar ofendimet e figurave kombtare të perkatesis së krishter shqiptare , sepse ata nuk janë vetem për katoliket shqiptar por për të gjithë kombin njejt sikur heronjet musliman shqiptar qe u takojnë të gjithve.
Rubrika e ketij postimi është Kurani Mahnit shkencen , qe ska të bejë asgjë me qeshtjen kombtare ne asnje hap , se i kemi nda rubrikat me duket , ku si dhe pse.
Fakti mos të ma vret aspak kur jemi ne debate te tilla, qodtë per Bibel e qoftë per Kuran.
Nuk është heshtur nga shqiptaret e besimit musliman , dhe kan ngritur zerin kunder atyre qe kan berë veper të tillë dhe shkrime të tilla kunder figurave kombtare shqiptare te besimit të krishter,por as nga besimtaret katolik shqiptar nuk është heshtur asnjehere nese janë prekur heronjet e besimit të tjeter, sepse cdo here e kam shkruar qe islamin e kemi ne trojet tona qe sa shekuj , por jo sikur keta faqezi (disa prej tyre ) qe e vjellin aq keq cdo gjë qe nuk përputhet me bindjen e tyre qoftë atë ideologjike ose ate fetare, ndersa kombin mos ta permendim fare sepse ajo per të tillet nuk vjen ne shprehje.
Ndoshta edhe vret keq që i perkas konfeksionit katolik dhe mirret se urrej islamin , por fakti nuk qendorn ashtu aspak , dhe nuk mundesh të gjesh asnje shkrim që kam shkruar te forumi Mesime nga Kurani ose qe kam sulmuar Kuranin , sepse nuk me luan rol kush ne cka beson ose nuk beson fare hiq, mua me intereson qeshtja kombetare shqiptare , arritja e qellimit kombtar , lirija e fjales , mendimit dhe e besimit , pa cenim të asnjeres pal ne asnje ditë ose qast, por as rikthimin ne shekullin e gjashtë nuk mundem ta mirëpresim aspak nga askush edhe nese predikojnë panderpre ketu pamvarsishtë se kush dhe nga cili besim.
Jemi të rubrika Feja e shqiptarit ,e ketu kemi se cka te bisedojmë me teper dhe me shumë për besimet ndershqiptare.

...shikoje kete qenin i betuar per te lehe per te huaj (kete e ka thene edhe vete e i betuar bile ne te), si done te shfaqe veten e tije si viktime se Shqipetaret po ja nguxin Biblen, a ky i lejon vetes te drejte me Ofendu Hoxhallar Dijetare Islam Bashkesin Islam ne Kosove dhe cdo gje qe eshte Shqiptaro -Islame ky ja lejon vetes me e shajt e mi qujte Arab magjup e gjithe cka tjeter e tash vije ketu si viktime, po sa ta qone mallin e shkjeve qe thojshin na jena te sulmuar nga Shqipetaret pa ju be kush asgje...

...Prandaj edhe te ishit ju Zoteri aq te ndergjesgjshem sic propagandoni se jeni , nuk do shkruan fare shkrime shume jashte teme, me duket se je edhe moderatore e keto eshte dashur ti dini apo ????

..por ju duhet edukate njerzore ende po te kish bile veq pak ate edukane e bibles sa do ku do me siguri do te ishite me njerzore, por ketu vini e sjelleni si naj sektagji fanatike e barbare krishtiane...



tungiii

[Psikologu]

krijuesii;

O qylo , nuk kam kohë të shkruaj për disa arsye të mijat se nuk kishe shkru ti aspak ne atë menyrë, po nejse , tregon edukaten tende si "besimtarë"

[shqiptari_evr]

Postimi origjinal është bërë nga Zabeli i bacës Brahim

Mrekullia e Kuranit :

I Lartëmadhëruari në Kur’an thotë :

“ (Unë jam) Zot i lindjes dhe perendimit…”, “(Unë jam) Zot i dy lindjeve dhe Zot i dy perëndimeve…”, “(Unë jam) Zot i shumë lindjeve dhe shumë perëndimeve…”
Të fillojmë nga ajeti parë. Do të shohim se ky ajet në kohën e zbritjes së tij, është kuptuar si ana e lindjes dhe ana e perëndimit të diellit. Në kohën kur All-llahu ishte i lindjes dhe i perendimit, nuk kishte kurfarë kundërshtimi. Të shohim tani versetin e dytë.“I dy lindjeve dhe dy perendimeve”. Nëse thamë se lindja presupozon anën e lindjes së diellit, atëherë thënia “e dy lindjeve” nënkuptonte Lindjen si tërësi që është ana e lindjes dhe vendi i lindjes së diellit. Është e njëjtë sikur të thuash kjo është ana e lindjes e kjo ana e perendimit dhe shenjëzon me dorë, por, nëse ke për qëllim të thuash lindjen dhe perëndimin e diellit, do ta përcaktosh saktësisht lindjen dhe perendimin e diellit. Kurse ajeti, “I shumë lindjeve dhe shumë perëndimeve”, është kuptuar se çdo shtet e ka lindjen dhe perendimin e vet. Kështu ishte spjeguar në kohën e zbritjes së Kuranit, All-llahu është Zot i të gjitha lindjeve dhe perëndimeve.
Sot shohim se këto komentime kanë ndryshuar. “Zoti i lind-jes dhe perendimit” kuptohet si një tërësi. Allahu i Lartësuar e ka bashkangjitur fjalën lindje me fjalën perëndim, që do të thotë se aty ku është lindja është edhe perëndimi. Kështu preju-dikon kuptimi i tokës së rrumbullakët. Ai tha : “...Zot i lindjes dhe perendimit”, e nuk tha se Unë jam Zot i lindjes dhe Zot i perëndimit, ose të All-llahut janë lindja dhe perendimi. Në ko-hën e zbritjes së Kur’anit këto ishin dy anë të kundërta mes veti, të pranuara në parim sipas shikimit të syrit. Por, thënia: “Zot i lindjes dhe perëndimit”, sot nënkupton se lindja dhe perëndimi janë të një kohe, të një momenti. Në kohën kur në një qytet lind dielli, në të njejtën kohë ai perëndon në një qytet tjetër.

Të shohim tani ajetin tjetër :
“(Unë jam) Zot i dy lindjeve dhe Zot i dy perëndimeve “

Pse Ai tani këtu veçoi lindjen dhe perëndimin. Nëse shikojmë rruzullin tokësor, do të shohim se gjysma e saj është e ndritur dhe gjysma tjetër e errët. Pra, pjesa e ndritur ka lindjen dhe per-endimin, kurse pjesa tjetër është në errësirë të plotë. Pasi të rro-tullohet toka, do të shohim se pjesa e ndritur është errësuar e pjesa e errët është ndritur. Konstatojmë se rruzulli tokësor, në tërësinë e vetë, ka dy lindje dhe dy perëndime. Pra, ajeti “Zot i dy lindjeve dhe Zot i dy perëndimeve”, na e përkujton gjysmën e tokës së ndritur, që ka lindje dhe perendim, dhe gjys-mën tjetër të errët, që nuk ka as lindje e as perëndim. Pasi të rrotullohet toka, kemi edhe një lindje dhe një perëndim të gjys-mës së saj, që nuk kishte lindje dhe perëndim. Kështu, bëhen dy lindje dhe dy perëndime.

Ajeti: “(Unë jam) Zot i shumë lindjeve dhe shumë perëndimeve”
Sikur të mos përparonte shkenca, ne nuk do të ndryshonim kuptimin e këtij ajeti. Por, një rast, u befasova kur në një nga arkivat e vjetra lexova thënjen e një poeti ku thoshte: “Oj kohë në ty janë të gjitha kohërat”, që na bën të kuptojmë se koha i bash-kangjitet vendit ku ajo edhe ndodhet. Për shëmbull, në kohën kur unë fali namazin e drekës, në një vend tjetër ka njerëz që falin ikindinë, në një vend të tretë falin akshamin, në të katërtin falin jacinë, e në të pestin falin sabahun, që do të thotë se në të njejtën kohë, thirret ezani i drekës, ikindisë, akshamit, jacisë dhe sabahut. Allahu përmendet në çdo kohë, në çdo moment dhe në të gjitha namazet e kohës.

Me përparimin e njerëzimit, u bë e mundur që më saktësisht të spjegohet ky ajet. I njëjti ishte frymëzues edhe në kohën e zbritjes, e sot shohim se si po na inspiron edhe neve. Mbase, ky ajet do t’i inspirojë edhe pasardhësit tanë, në një mënyrë tjetër pas zbulimeve të reja.
Kjo pra është mrekullia e Kur’anit, i cili është inspirues i të gjitha gjeneratave. I jep secilit aq sa mund ta kuptojë, duke mos qenë në kundërshtim me realitetin në të cilin ai jeton. All-llahu nuk ndeshet me realitetin e gjithësisë, Ai është frymëzues i për-hershëm. Shkenca nuk do të përplaset me Kur’anin kurrë, sepse All-llahu është veprues. Ai është edhe krijues edhe protagonist i fjalës.

Kjo ishte një nga veçoritë e Kur’anit i cili dallon nga librat tjera qiellore (të shenjta). Kjo do të jetë tema të cilën do të shpjegojmë më hollësisht në të ardhmen.

Muhamed Sharavi

vec vazhdo vella se tema kete e kerkon.
Allahu te shperblefte, mos te bie ne provokimet e disave ketu.
tema duhet te vazhdoje me shkrime te tilla si tuat, e mos te ndalemi te gjithe me disa qe nuk po mundem tua ze emrat...
sic thote nje fjale,
KARAVANI EC, QENT LEHIN.....

[munti]

POZITA E YJEVE NGA KËNDVËSHTRIMI KUR'ANOR DHE SHKENCOR

PRIM.MED.DR.SCI. ALI ILJAZI

Në Kur'anin famëmadh, All-llahu i madhërishëm betohet:

“Betohem fuqimisht në yjet që tërhiqen (ditën e ndiçojnë natën). Që udhëtojnë e fshihen (si dreri në strofkë).” (ET-TEKVIR, 15-16)

Verseti 15 tregon për objektet të cilat, gjatë lëvizjes, largohen dhe tërhiqen.
Verseti 16 sugjeron kuptim të ngjashëm. Ai flet për objektet të cilat lëvizin dhe në lëvizjen e tyre ndonjëherë fshihen (zhduken).
Nëse supozojmë se që të dy versetet flasin për të njëjtën gjë, atëherë mendimet tona mund të përqëndrohen tek yjet, të cilat largohen; planetët, të cilët akultojnë yjet, dhe planetët, të cilët kohë pas kohe lëvizin në mënyrë retrograde. Kur është fjala për planetët, duhet të kemi parasysh që ata, për shikuesin nga Toka, janë si yje, edhe pse janë trupa të ftohtë qiellorë. Yjet të cilët largohen: janë yje masivë, që lëvizin me shpejtësi të madhe nëpër hapësirën ndëryjore. Si një anije, ata notojnë në mediumin ndëryjor. Ylli i cili ikën, HD 77581, ka krijuar para vetit harkun rënës, të bukur, duke mbledhur materialin e gaztë në udhëtimin e vet. Ky yll lëviz me shpejtësi 50 milje në sekondë. Çfarë ka mundur ta vërë në lëvizje këtë yll? Ndoshta një përgjigje të
zbehtë mund të na japë ylli optik pulsues, i njohur si Vela X-1, i cili nuk shihet. Ky yll pulsues është mbeturinë e eksplodimit të yllit super të ri, i cili këtij ylli masiv, ndoshta, i ka dhënë një goditje të fuqishme.
Okultacionet - fshehja e yjeve dhe planetëve Qielli i natës përmban shumë çudira, por në të shumtën e rasteve ato janë displeje statike.
Përkundër këtyre, okultacionet janë fenomene dinamike të cilat ofrojnë demonstrime mahnitëse të lëvizjeve orbitale. Okultim, fjalë për fjalë do të thotë “të fshehësh”, “të mënjanosh” diçka. Okultimi i Hënës ndodh kur tehu i Hënës has në yll, dhe ai shuhet papritmas. Ylli paraqitet përsëri papritmas në anën e kundërt të Hënës, pas një ore ose më tepër. Okultimi rrëshqitës ndodh kur Hëna rrëshqet pranë yllit. Në udhëtimet e parashikuara okulte, në distancë dy deri tri kilometra, mund t'i shohim yjet që dridhen disa herë kur kalojnë pas kodrave dhe luginave afër poleve të Hënës. Rrëshqitja është okultimi më interesant i Hënës.
Planetët, asteroidët dhe kometat mbulojnë gjithashtu yjet. Këto okultime planetare janë shumë më të rralla sesa të Hënës. Kjo ndodh për shkak se kur i shikojmë me sy ato duken të vogla dhe për shkak të ngadalësisë së objektit i cili okultohet. Sa i përket asteroidëve, ata nuk mund të shihen fare me teleskop të vogël dhe prezenca e tyre dëftohet vetëm kur zhduket ylli i cakut. Lëvizja retrograde - lëvizja imagjinative Prapa Ndonjëherë na duket q ë p l a n e t ë t e j a s h t ë m e ngadalësojnë lëvizjen në mes yjeve dhe ndalen, pastaj një kohë lëvizin prapa, ndërsa më vonë kthehen përsëri në rrugëtimin fillestar. Kjo lëvizje prapa është lëvizje imagjinative, jo reale. Meqenëse Toka në orbitën e saj lëviz më shpejt se planetët e jashtëm, ajo i tejkalon gjatë lëvizjes së saj orbitale rreth Diellit. Për
shembull kur Toka fillon të tejkalojë Marsin, neve na duket se ajo e ngadalëson lëvizjen në mes yjeve. Kur Toka e tejkalon Marsin, ai për pak kohë bën një lëvizje të lehtë kah perëndimi. Por, kur Toka e tejkalon dukshëm, Marsi merr kursin e mëparshëm dhe vazhdon të lëvizë në rrugën e vet ndërmjet yjeve. Është një betim i vetëm në Kur'anin fisnik, për të cilin All-llahu i madhërishëm thotë se është një betim i madh. Nga teksti kur'anor vërehet zakonisht se njerëzit nuk janë të vetëdijshëm për madhështinë e këtij betimi. Vetë fakti se kemi të bëjmë me betim madhështor, tregon se në të duhet përqëndruar posaçërisht vëmendjen për shkak të rëndësisë së tij shumë të madhe. Betimi në vete përmban diçka kolosale, sepse nga Ai varet vetë ekzistimi i Gjithësisë. Pozita e yjeve tregon zakonisht rendin dhe harmoninë e kozmosit. Tani të shohim si tingëllon ky betim i madh në gjuhën e Kur'anit famëmadh:
“Betohem në shuarjen (perëndimin) e yjeve. E ai është betim i madh, sikur ta dini!”
(EL VAKIA, 75-76)
Kuptimi i këtij betimit është përcaktuar me tri fjalë. Këto fjalë janë: mevaki, nexhum dhe adhim. Të fillojmë shpjegimin e këtyre fjalëve
me rend të kundërt. Adhim, d.m.th.: i madh, madhështor, i fuqishëm, kolosal, i jashtëzakonshëm.
Nuxhum, është shumësi i fjalës nexhm, që d.m.th. yjet.
Mevaki, është shumësi i fjalës meuaki'a, dhe kjo fjalë është treguar e paarritshme për shumë përkthyes të Kur'anit. Shumica e përkthyesve shqiptarë e kanë kuptuar si “kohë e perëndimit”. Kështu, Feti Mehdiu e kupton meuaki' si “perëndimi i yjeve”; Sherif Ahmeti, si “shuarje e yjeve”; Hasan Nahi, si “çasti i perëndimit të yjeve”, ndërsa Muhamed Taki-ud-Din El Hilali, si “perëndim i yjeve”. Por meuaki nuk e tregon kohën kur ka ndodhur diçka (meuakit- njëjësi i vakt), por përkundrazi vendin ku ndodh diçka. Po t'i shfletojmë fjalorët e gjuhës arabe, do të shohim se meuaki' do të thotë: vend, lokacion, pozicion, pozitë. Duke pasur parasysh këtë, përkthimi i versetit kuranor është:
“Por jo! Betohem në pozitat e yjeve. Dhe vërtetë, ky është betim madhështor sikur ta dini!”
(EL VAKIA, 75-76)

Mundësia e shpjegimit të verseteve të betimit të madh
Pozitën e ndonjë objekti në univers (yjet, galaktikat, mjegullnajat) i përcaktojmë me dy koordinata: rektascenzionin dhe deklinacionin. Për shikuesit nga Toka, ndryshimi i pozitës së yjeve është i pandërprerë; yjet “rrëshqasin” nga lindja në perëndim, për t'u paraqitur përsëri në lindje. Por, ky është vetëm ndryshim imagjinativ i pozitës. Kjo është evidente edhe gjatë stinëve të vitit. Kështu p.sh., qielli gjatë netëve dimërore nuk është sikur netëve verore, sepse verës në qiell do të shohim yje krejtësisht të tjerë. Ky fenomen është shprehje e revolucionit të planetit tonë. Për këtë, varësisht nga pozita momentale e Tokës në orbiten rreth Diellit, Dielli do të na projektohet vazhdimisht në Yjësinë e Re. Mirëpo yjet kanë edhe lëvizjet e tyre, të cilat, në krahasim me Diellin, janë më të shpejta për disa dhjetëra km/s. Këto lëvizje mund të vërehen vetëm në intervale të gjata kohore. Duhet ditur se ekzistojnë yje që dalin dhe humbasin çdo ditë (cirkumpolare), por gjithashtu ekzistojnë yje që nuk dalin kurrë dhe zhduken (anticirkumpolare). Këta yje në qiellin perëndimor rrotullohen vazhdimisht rreth Yllit Polar, por nuk bien kurrë nën horizont. Ekzistojnë gjithashtu yje që, për shkak të pozitës që kanë në qiell, ne nuk i shohim kurrë. Këta janë yjet e qiellit jugor, që i shohin banorët e Polit të Jugut. Pozita e Tokës në krahasim me Diellin Sikur pozita e Tokës në krahasim me Diellin të ndryshohej ashtu që orbita e saj të jetë për 4% më e vogël, gjegjësisht 144 milionë kilometra në vend të 150 milionë kilometra, temperatura e Tokës do të rritej gradualisht
deri në 450°C. Atëherë i tërë uji i saj do të avullohej dhe jeta do të shuhej si në Venerë. Përkundrazi, sikur pozita e Tokës në
krahasim me Diellin të jetë vetëm 1% më e madhe, gjegjësisht 151.5 milionë kilometra në vend të 150 milionë kilometra, temperatura
do të ulej gradualisht deri në -40°C. Uji në Tokë do të ngrihej dhe jeta në sipërfaqen e saj do të bëhej e pamundur, siç është në planetin Mars.
Pra, pozita e Tokës në krahasim me Diellin nuk është e rastësishme, por përcaktim nga All-llahu i gjithëdijshëm dhe i plotfuqishëm, i
cili çdo gjë krijoi dhe rregulloi. Pozita e yjeve dhe rrjedha e kohës
Duke marrë parasysh largësinë e pabesueshme të yjeve, ata na duken të palëvizshëm. Në realitet, nuk është kështu. Hapësira në mes të yjeve rritet për çdo sekondë, ndërsa Universi është në zgjerim e sipër, siç është konfirmuar më herët. Yjësia e
Virgjëreshës, për çdo sekondë është për 1.200 km të tjera larg prej nesh. Yjësia e Ujorit largohet nga Toka 60 km në sekondë.
Pozita e yjeve, graviteti dhe baraspesha kozmike janë në lidhje të ngushtë, pranda nuk mund të ndodhë asnjë ndryshim në
pozitën e ndonjë ylli e të mos shprehet në hapësirën përreth tij. Mirëpo, secili ndryshim në kozmos është i sinkronizuar dhe i
harmonizuar, prandaj për këtë nuk kemi pasoja në përmasa katastrofash. Rëndësia e njohjes së pozitës së yjeve Sot është e mundur që në bazë të lëvizjes së yjeve të përcaktohet vjetërsia e tyre, paraqitja dhe zhvillimi i galaktikave në gjendjen dhe formën e tanishme. Sot astronomët, përveç nevojës që të dinë në cilën pjesë të qiellit t'i drejtojnë teleskopët e tyre dhe të shikojnë galaktikat e zbehta, të largëta dhe pozitën e vërtetë të yjeve, për mbajtjen e kursit të satelitëve artificialë, ata kanë nevojë të dinë dhe të sigurojnë ndihmën e nevojshme për drejtimin e sondave kozmike, si Giotta, e cila në vitin 1986 ka sjellë me sukses fotografi dramatike të kometës së Haleit. Largësia e yjeve.Sa janë yjet larg? Nuk është njësoj a janë yjet të vendosur menjëherë pas Saturnit apo janë shumë vjet-drite larg. Largësia e yjeve përcaktohet me metodën e paralaksit.* Në rrethinën e Diellit nuk ka tollovi yjore dhe nuk ka yje tepër. Nëse drejtohemi me shpejtësi drite tek ylli më i afërt, atëherë ne duhet të udhëtojmë disa vjet. Për çdo vit do të mund të takonim ndonjë yll. Ku lëvizin yjet? Të gjithë yjet lëvizin, por jo me shpejtësi të njëjtë. Sa më afër që ndodhet ylli, aq më lehtë do t'i shohim lëvizjet e tij. Yjet lëvizin me siguri pak kah ne, pak larg nesh me shpejtësi radiale. Për shkak të lëvizjeve të tyre, yjet nuk kanë vend të njëjtë. Astronomët e ardhshëm, të cilët do të vijnë pas nesh, do të shohin qiellin ndryshe nga ne, dhe ndoshta do t'i
ndryshojnë emrat e yjeve! Kështu, dituria e tanishme mbi lëvizjen e yjeve mundëson të kemi njohuri për të ardhmen dhe për të
kaluarën e kupës qiellore.Kur'ani herë-herë përdor ndonjë fjalë të cilën bashkëkohësit nuk janë në gjendje ta kuptojnë apo ta shpjegojnë, por All-llahu i madhërishëm e di që breznitë e ardhshme do ta zbulojnë dhe do ta shpjegojnë, siç bën aluzion verseti kuranor në vijim:

“Ne do t'u bëjmë atyre të mundshme që të shohin argumentet Tona në horizonte dhe në vetën e tyre, deri sa t'u bëhet e qartë se ai (Kur'ani) është i vërtetë”.
(FUSSILET, 53)

[Zabeli i bacës Brahim]

NDIESHMËRIA DHE LËKURA

Gjë interesante është edhe përsosmëria e ndjenjave, këtë na e mësoi i Lartësuari. Kur’ani ka prekur një realitet shumë interesant në natyrë. Ai na mësoi se si të njihemi me përsosmërinë e ndjenjave, angazhimet e ndjenjave. Ai na mëson për këtë duke qenë se është një realitet naty-ror e jo si një zbulim shkencor në lëminë e mjeksisë. Ai vetëm e tregon një realitet. Kur ai flet për mënyrën e dënimeve të pabesimtarëve me zjarr i Lartësuari thotë:

“…Sa herë që tu piqen lëkurat e tyre do t’ua ndërrojmë me lëkurë tjetër me qëllim që ta shijojnë vuajtjen…”Nisa :56

Urtësia e këtij ajeti është mu tek ndërimi i lëkurës e ajo bëhet për ta shijuar dënimin. Sipas Kur’anit vendi i ndijimit të dënimit qenka lëkura. Tani të shohim se ç’na thotë shkenca.

Është vërtetuar se të gjithë nervat e ndjeshmërisë janë të vendosura menjëherë pas shtresës së lëkurës. Këto nerva pasi ta ndjejnë rrezikun dhe dhimbjën e sinjalizojnë trurin. Ato janë poshtë lëkurës pikërisht ashtu si tha All-llahu në Kur’an“do t’ua ndërrojmë me lëkurë tjetër me qëllim që ta shijojnë vuajtjen”

Nga All-llahu është dhënë informacioni për një realitet natyrorë për, ndjeshmërinë dhe vendosjen e nervave të njeriut menjëherë pas lëkurës. Për ta ndier vazhdimisht njeriu dhembjen e zjarrit All-llahu do t’ia ndërrojë lëkurën sepse, kur lëkura të digjet e humb ndjenjën e dhembjeve ose vuajtjeve dhe kështu lëkura e re do të ndiejë dhembje. Tani kur shkencëtarët na thonë se nervat arrinë deri te lëkura u themi atyre se ato që janë të rëndësisë së veçantë na i ka treguar All-llahu para shumë shekujve.

Shihet qartë se llojet e mrekullisë në Kur’an janë të ndryshme dhe se ato sinjalizohen me shembuj shumë të thjeshtë. Në temat tjera thamë se All-llahu na thotë: “…Ecni nëpër tokë…” e nuk tha ecni mbi tokë, kështu vërtetuam mrekullinë se njeriu vërtetë ecën tokë në mes mbështjellësit atmosferik dhe sipërfaqes toksore. Ashtu siç u sqarua preciziteti i ajetit “… Zoti i shumë lindjeve dhe shumë perendimeve…” Që të gjitha këto konsiderohen mrekulli të Kur’anit. Mrekullitë e Kur’anit nuk mbarojnë me kaq....

[rikochet]

Me respekt të thell ju përshëndes dhe ju uroj që në vazhdim mos të biem pre e grackave të tilla ta respektojmë pozicionin elementar të të gjitha besimeve në një zot, se mrekullitë
Ishin,janë dhe do të jenë të një autori (Krijuesit All-llahut), derisa libri është një pikë nisje bazament për zhvillimin e studimeve me bazë të të kuptuarit e logjikës materiale, e cila tek njerzit kërkon dëshmi, prova të pranueshme nga aspekti fundamental i nënshtrimit njerzor ndaj shqisave dhe logjikës.
Pra shumica e fuqive të cilat veprojn në botëne e atomeve dhe grimcave edhe më të vogla se atomet janë të dokumentuara si dhe të përpiluara në Kur’an , por mënyra e shfaqjes si e till te ne kushtëzohet së pari me zbulimet e Shkencëtarëve dhe më pas si një fuqi e vërtetuar do ta gjeni në Ajetet përkatëse si dokument i shkruar por që të kuptuarit shkencor i paraprin akeptimit logjik .
Pra shkenca është studiues i shkaktarit (fuqive krijuese), derisa logjika është mohues i fuqisë krijuese por i lidhur ngushtë për përfitime materiale nga ana e zbulimeve shkencore .
Krijuesi = fuqitë krijuese
Fuqitë krijuese ndahen në dy pjes, sikurse aftësit e të ndëgjuarit siç janë tinguj shumë të ulta dhe ato shumë të larta të cilat nuk i dëgjojmë por jemi të vetdijshëm se ato ekzistojnë:
Pra Fuqi Hyjnore (nuk mund të jenë objekt studimi njerzor)
Fuqi Atomike (janë objekt studimi dhe si të tilla ato edhe mund të shfrytëzohen dhe të imitohen por prap në masa shumë të vogla në krahasim me fuqin reale atomike e cila si pasoj e shpërthimit (Big Bang-ut) është e shpërndar në tërë gjithësinë).
Fuqia e logjikës (Fatmirësisht ka dy veti themelore: atë e cila i nështrohet fuqisë së materies dhe atë hyjnore e cila në thelb është nështrim total i logjikës ndaj hyjnores)
Përfitimet e logjikës prej botës materiale janë evidente dhe një përditshmëri e ajo hyjnorja është diç që për një njeri i cili pretendon se e studion Psikologjinë e cila ka për burim logjikën është një erësirë e cila të gëlltit pra duhet të pranohet fakti i të qenurit grimcë e vogël shum shum e vogël në krahasim me krijuesin që të lejoj nesër krijuesi që ti apo dikush tjetër të ekzistoni në orbitën e një atomi si ngarkes pozitive apo negative ).

[Zabeli i bacës Brahim]

KUR’ANI SHPALUES I SEKRETEVE

Kur’ani sfidoi shumëçka. Ai foli për shumë gjëra dhe zbuloi enigmën e vendit dhe kohës, sfida tij rreth kësaj shpalosje së perdes së vendit dhe kohës. Është shpalosja e këtyre tre sekreteve:

Perdja e vendit (regjionit), ka të bëjë me një ndodhi e cila ka ndod-hur për një moment dhe në një vend për të cilën unë nuk di asgjë. Ajo ngjarje ka ndodhur kur unë isha në një vend tjetër.

Kemi misterin e kohës së shkuar, faktori kohë ka bërë që unë të mos di për ngjarjen sepse nuk kam qenë dëshmitarë i asaj kohe.
Misteri i së ardhmes, ka të bëjë me ate se çfarë do të ndodhë. Kjo është një perde për mua ngase unë nuk do të jem dëshmitarë i asaj kohe të ardhme.

Pra, pengesat për ta njohur një sekret qenkan tre. Ajo e vendit, ajo e kohës së kaluar dhe ajo e kohës së ardhme. Këtu kemi edhe një perde tjetër e cila i përket vet qenies njerëzore, Ajo çka fshehet në brendësinë e vet njeriut.

Kur ne lexojmë Kur’anin shohim se ai shpalos të dhëna të kohës së kaluar. Ai na informon se ç’ka ndodhur me popujt e mëhershëm. Na transmetohen të dhëna nga pejgamberët e mëhershëm si dhe na tregon gjëra të cilat nuk i kemi ditur më parë e as që ishin folur ose shkruar nga ndokush. E gjithë kjo del nga një analfabet që nuk dinte shkrim e lexim. Ai na tregon edhe sekretet e kohës së kaluar bile i sfidon ata të cilët e përgënjeshtrojnë ate. All-llahu shpalosi për ne perden e kohës së kaluar, na mjafton të lexojmë thënjet e shumë ajeteve ku thotë dhe nuk ishe, dhe s’ke qenë …të na mësojë se All-llahu e ka informouar të dërguarin e Tij rreth sekreteve të së kaluarës.

All-llahu xh.sh. thotë:
“Dhe ti nuk ke qenë në anën e perëndimorëve të malit Tur, kur e ngarkuam Musaun me detyrën e të dërguarit…”( 28:44)
“…Dhe ti s’ke qenë me ata kur ata i gjuanin shigjetat e tyre (për short) se cili prej tyre do të jetë kujdestari i Merjemës…” (3:44)
Dmth. Ti o Muhammed nuk ishe aty por All-llahu është ai që po të informon dhe të shpalos perden e kohës së kaluar.

All-llahu xh.sh. në suren 28 el Kasas ajeti 44-46 thotë:

“ Dhe ti nuk ke qenë në anën e perëndimorëve të malit Tur, kur e ngarkuam Musaun me detyrën e të dërguarit … “
“… dhe ti nuk banoje midis njerëzve të Medjenit, që tu recitoje ajetet Tona…”
“Dhe ti nuk ke qenë (me Musaun) pranë malit Tur, kur Ne e kemi thirur ate, por këto (tregimet tona) janë mëshirë e Zotit tënd…”

Kështu shohim se Kur’ani i shpalosi Muhammedit s.a.v.s.perden e kohës së kaluar në të shumtën e rasteve. Kjo ndodhi për të na infor-muar neve me lajme të vërteta nga ndodhitë e pejgamberëve të mëpar-shëm dhe për t’i përmirësuar ndryshimet dhe devijimet rreth ngjarjeve në librat e shenjta të futura nga priftërinjë a prijësit e tyre fetarë.

Vet përmirësimi i ndodhive të cilat ishin shtrembëruar nga librat e shenjta të mëhershme, konsiderohen mrekulli. Gjithë ato ndodhi kishin të bënin me një kohë shumë më të hershme nga zbritja e Kur’anit. Me këtë pra Muhammedi s.a.v.s. i sfidoi të gjithë prijësit e çifutëve dhe krishterëve. Ai apelon duke ju thënë atyre, kjo është nga All-llahu qoftë ajo në Tevrat ose Ingjil, këtë e keni ndryshuar në Tevratë dhe këtë e keni devijuar në Inxhilë. Ata nuk qenë në gjendje t’i përgjigjen kësaj sfide të tij. Kjo është një nga llojet dhe mënyrat e sfidave të Kur’anit nga periudha kohore e së kaluarës. Ai tregoi sekretet më pre-cize të feve qiellore dhe i përmirësoi ato. Sqaroi se cila është devijuar e cila është fshehur dhe njëkohësisht kërkoi nga ata që nëse munden le ta përgënjeshtrojnë ate, nëse kanë fakte.

Kështu ju tha All-llahu :
“Ai ishte Isau i biri Merjemes, Thënje e vërtetë për të cilën manipulojnë“
All-llahu shpalosi edhe perden e kohës për Muhammedin s.a.v.s. Ai i shpalosi atij një nga gjërat më delikate dhe shumë precize të vet qenies njerzore.
Para se të filloj të flas rreth kësaj teme ju vë në dijeni se Kur’ani është fjalë e All-llahut dhe leximi i tij është adhurim, ai është i pa zëvendësuar dhe i pa ndryshuar dhe askush nuk do t’ia dalë ta ndryshojë apo devijojë ate. Ky është argumenti i vetëm i gjallë që dëshmon vërtetësinë e Muhammedit s.a.v.s. Sikur që edhe një thënje e vetme e cila është thënë në Kur’an të jetë e pasaktë, kjo do të nënkuptonte shkatrimin e fesë islame.

Pasi u sqarua rreziku rreth Kur’anit themi se, po ky Kur’an thotë:
[b]“…dhe në vetëvete thonë: përse All-llahu nuk na ndëshkon neve…”]/b](58:*)

Ç’kuptojmë nga kjo? Kjo nënkupton dëshirë për sfidë. Kur’ani nuk ju thotë atyre se e hapa perden e kohës së kaluar, Unë ju kisha parainformuar për ngjarjet e të parëve. Asesi nuk iu thotë se do ta hapë perden e vendit. Ju ka paralajmëruar për sa u ndodhi atyre në një nga fshatrat e ju nuk i kishit parë. Por ju thotë: Do ta hapi perden e vet qenies njerëzore dhe do t’ju paralajmëroj për ç’ka keni në qeniet tuaja dhe ç’keni në zemrat tuaja dhe çka përshpërisni në vete duke i përpëlitur buzët. Ju mjaftonte atyre që ta përgënjeshtrojnë Muhammedin duke i thënë se kjo që ju thoni nuk është e vërtetë, kjo nuk ka ndodhur me ne. Sikur mos të thonin nga mbrendia e tyre kjo do të ishte argumenti më i fortë i tyre për ta përgënjeshtruar Muhammedin s.a.v.s. dhe të thonin se kjo s’është e vërtetë. Me shpalimin e perdes së vendit Kur’ani depërtoi në brendinë e vet qenies njerzore. Në brendi të cila qenieve? Në brenditë e atyre që mohojnë Zotin, ateistëve të cilëve ju konvenon shkatrimi i Islamit i cili nuk zëvendësohet dhe as nuk ndryshohet. Ai iu drejtohet atyre duke thëtë:

Sure 58 el Muxhadele, ajeti 8
“ A nuk i sheh ata, të cilët u ndaluan të bëjnë biseda të fshehta, se si, përsëri, kthehen kah ajo ndalesë, dhe bisedojnë rreth asaj që është mëkat, urrejtje dhe mosbindje ndaj Pejgamberit? Dhe kur vijnë tek ti, të përshëndesin me ato fjalë të cilat All-llahu nuk të përshëndet ty, dhe në vete thonë: Përse All-llahu nuk na ndëshkon neve për këtë që po flasim? Mjaft është për ta xhehennemi të cilët do të hidhen, dhe (ai, xhehennemi) sa vend i shëmtuar që është”.

Kjo është ajo që do të ndodhë me ateistat, a mund të paramendohet ndonjë sfidë më e madhe se kjo rreth shpalosjes së perdes së vendit (regjionit). Kjo është një sfidë e cila i tejkalon të gjitha mundësitë e çdo zbulimi njerëzor, që është arritur nëpërmjet shkensës deri më ditët e sotme, në mposhtjen e perdes së vendit, gjegjësisht regjionit.
:arrow: