Lajme nga sporti

Dardania^Hero · 02-02-08, 18:21

Kokëkuqja" mbyll sezonin e pushimeve në Kampilio me një sfidë në dëborë mes pilotëve të Formulës 1 dhe Moto GP.

Ferrari "show" me patinazh në akull.

Në liqenin e akullt të Kampilios, dëfrimet e fundit të pushimeve për skuadrën e Maranelos që ka zbritur në pistë edhe 248F1 të drejtuar nga Badoer. Në dy garat e zhvilluara për kënaqësinë e tifozëve, ka qenë Kapirosi ai që trimfoi me një Panda 4x4, ndërsa Raikonen i përgjigjet thirrjes së instinktit finlandez, duke triumfuar në garën me ski.
Emocione Formula 1 në akull, në kuotë të lartë. Ndodhi mbrëmë në Madona di Kampilio që mbyll takimi e përvitshëm midis skuderisë dhe shtypit. Makina 248F1 e drejtuar nga kolaudatori Luka Badoer, ka veshur mantelin e një "safety car" për të zbritur në pistë në garën që shihte në duel mes tyre gjashtë Panda 4x4 Nasqar, të cilat i janë vënë pas Ferrarit para se të nisen seriozisht. E pajisur me goma "Bridgestone" speciale për akull, Ferrari për herë të parë kafshoi sipërfaqen e akullt të liqenit në Trento, para pesë mijë tifozësh entuziastë. Gara mbi akull ka ftuar në pistë Panda-t e drejtuara nga Kimi Raikonen, Felipe Masa, Mark Zhene, Loris Kapirosi dhe centauri australian i Ducati-t, Kejsi Stoner.
Gara është fituar nga Kapirosi, përpara Raikonenit, Masës, Zhenesë dhe Stonerit. Legjendari Kapirosi i MotoGP vendosi diktatin që në fillim të garës, duke u lënë targën rivalëve. Por rezultati nuk është i rëndësishëm. Ndërsa në garën e skive të rezervuar për pilotët, ka triumfuar Raikonen. të paktën mbi ski, finlandezi është shumë më specialist se Shumakeri.
Gjithsesi, që nesër, me prezantimin e makinës së re për 2007-ën, fillon gjithçka serozisht. Mark Zhene, kolaudator i Ferrarit, ka folur për njëvendëshen e re: "Ferrari i ri është më e evoluar sesa njëvendëshi i 2006-ës. 248F1 ishte një makinë shumë e mirë, prandaj nuk ishin të detyruar të ndryshonim gjithçka. Testet e zhvilluara në galerinë e erës, dhanë sinjale shumë inkurajuese". Modeli i ri do të zbresë për herë të parë në pistë të hënën në Fiorano, me Felipe Masën në timon. Shoku i skuadrës, Kimi Raikonen, do të pilotokë me makinën e vjetshme. "E ka një kuptim fakti që Masa do të jetë i pari që provon makinën e re - ka shtuar Zhene. -Felipe e njeh shumë mirë modelin 248F1 dhe mund të bëjë krahasime. Nga ana tjetër, Kimi do të bëjë prova me makinën e vjetër për t'u ambientuar dhe për të njohur gomat "Bridgestone". Sidoqoftë, ai ka ende shumë kohë në dispozicion deri në fillimin e sezonit". Ndërsa Zhan Tod shprehet me optimizëm të përmbajtur për sezonin e ri. "Kemi zhvilluar një makinë të re me aerodinamikë të përmirësuar. Ferrari këtë vit synon të fitojë, por të mos harrojmë se të gjitha ekipet kanë bërë përgatitjet e tyre dhe vetëm pas dy-tri garave të para, do të kuptohet se cilat janë skuderitë më në formë. Ne padyshim do të jemi mes pretendentëve, por kjo nuk na mjafton, duam të fitojmë. S'ka rëndësi me cilin nga pilotët. Për momentin nuk mund të flitet për favoritë, sepse duhen edhe dy muaj kohë. Ferrari do të bëjë më të "miren".