Lajmet me te reja nga Astronomia

[~AnnA~]

Zbulohet nje Yll me 6 Planete perreth!
Astronomet danez dhe amerikane zbulojne nje "Bote te re" ne hapsire,nje Yll me 6 planete perreth i cili i ngjan Sistemit tone diellor.Ky Yll perbehet vetem nga Uji dhe Gazi dhe ka nje mase dyfish me te madhe se e Tokes.Dy Planete jane te njejte me Uranin dhe Saturnin, kurse te tjeret kane nje perberje krejt ndryshe nga Planetet e Sistemit Diellor.



Grafik: NASA/Kepler Mission/Wendy Stenzel

[drinibardhe]

Sa pasion e kam astronomine, sa dokumentaret i shikoj, jam i bindur se vija qumshtit pas shume miliarda vjetesh do te kthehet ne nje mjegullnuaje kozmike .... totalisht perfshi edhe sistemin tone diellore...

sa fragile jemi

[~AnnA~]

Erresira totale e Henes do te vrehet sonte ne Gjermani prej ores 21:22 deri ne oren 23. Hena do te duket me ngjyre te kuqrremte

http://www.youtube.com/watch?v=Ut-Pk6HIkcc

[Zero Cool]

Postimi origjinal është bërë nga ~AnnA~

Erresira totale e Henes do te vrehet sonte ne Gjermani orej ores 21:22 deri ne oren 23. Hena do te duket me ngjyre te kuqrremte

http://www.youtube.com/watch?v=Ut-Pk6HIkcc

Kush e ka pa ? Une jo :(

[Zero Cool]

Pamje fantastike te Diellit te marra nga Solar Dynamics Observatory







NASA - Pamje te Diellit te marra nga sateliti Solar Dynamics Observatory me date 30 mars. Imazhe me ultraviolete na japin nje ide te qarte mbi aktivitetin e yllit tone. Shperthime te vazhdueshme karakterizojne Diellin.




Fotografi te marra nga Reuter/NASA

[Zero Cool]

Pasqyra gjigante në qiell për të luftuar ndryshimet klimaterike







Pasqyra të mëdha që reflektojnë dritën e diellit në hapësirë janë një nga masat që po konsiderohen për të luftuar ndryshimet në klimë. Raporte nga OKB-ja kanë zbuluar masat që po merren në konsideratë për gjeo-inxhinierinë, që do të diskutohen në një takim në Peru javen e ardhshme.

Masa të tjera të detajuara në dokumente, të shikuara nga The Guardian përfshijnë prodhimin e kulturave të lehta dhe përdorimin e tallashit të hekurt për oqeanet në botë.

Idetë e tjera të shkencëtarëve të përfshirë në propozime, të cilët janë gjithsej 60, kanë të bëjnë me hedhjen e ujit të detit në re si një masë reflektuese si dhe lyerjen e rrugëve dhe tarracave me te bardhë.

Megjithatë, ka shqetësim mes këtyre shkencëtarëve që edhe pse planet e tyre funksionojnë mund të shkaktojnë dëme të pariparueshme për shkak të pasigurisë që rrethon teknologjinë.

Raporti gjithashtu detajon edhe se si OKB dhe vendet e zhvilluara po diferencohen për të arritur një marrëveshje para bisedimeve.

[~AnnA~]

Postimi origjinal është bërë nga Zero Cool

Kush e ka pa ? Une jo :(

Une po :)
Ishte fantastike ....

[Zero Cool]

Laboratori që kërkon të vërtetat e Gjithësisë



http://www.telegrafi.com/foto/shkenc...323289_210.jpg



Në laboratorin Fermi të Çikagos po merr fund kërkimi njëzetepesëvjeçar për një prej elementëve kyçë që ndihmon për të shpjeguar strukturën e gjithësisë. Akseleratori Tevatron, ku bëhet përplasja e pjesëzave nënatomike do të mbyllet brenda këtij viti.


Pas kësaj, kërkimet për gjetjen e së ashtuquajturës “Pjesëza e Zotit”, do t’i kalojnë plotësisht akseleratorit të madh Hadron në Gjenevë të Zvicrës. Por Tevatroni ende nuk e ka plotësuar misionin e tij. Ka më shumë se 15 vjet që shkencëtari Robert Roser kërkon pjesëzën nënatomike të quajtur "Higgs Boson."

"Higgs Boson është një pjesëzë hipotetike që ne besojmë se ekziston për të plotësuar një të metë në modelin standard. Për ne, modeli standard është mekanizmi matematik i funksionimit të gjithësisë. Problemi është se ky model nuk e shpjegon dot nocionin e masës."

Zbulimi i pjesëzës Higgs Boson, i njohur si “Pjesëza e Zotit”, mund t’u jepte shkencëtarëve përgjigjen për shumë prej pyetjeve më të rëndësishme që shtrohen sot para njerëzimit.

"Pyetja që ne shtrojmë është se si funksionon gjithësia dhe përse është e ndërtuar kështu?”

Për të gjetur këtë pjesëzë hipotetike, shkencëtarët në Laboratorin Fermi përdorin akseleratorin Tevatron për të bërë përplasjen e protoneve dhe antiprotoneve. Me të dhënat që marrin ata përpiqen të diktojnë shenja të ekzistencës së saj. Deri tani nuk e kanë gjetur, por Roser thotë se ata mund të kenë gjetur diçka tjetër.

"Duke kontrolluar të dhënat që kemi nxjerrë gjatë dhjetë vjetëve, ne po veçojnë ato që kemi mësuar nga këto të dhëna. Këtu për shembull, mund të shihni dëshminë e ndoshta një pjesëze të re. Ndoshta gjatë muajve të ardhshëm mund të dalin edhe gjëra të tjera po aq interesante."

Zbulimi i një pjesëze nënatomike ndoshta të panjohur më parë, mund të jetë edhe zbulimi i fundit që bëhet me Tevatronin.

"Çdo gjë e mirë ka fundin e saj dhe ky do të jetë fundi i Tevatronit. Ai ka patur një karrierë të lavdishme, 25-vjeçare, mjaft e gjatë për një akselerator."

Pier Oddone është drejtor i Laboratorit Fermi. Ai thotë se financimi që duhet për të vazhduar kërkimin e pjesëzës Higgs Boson, nëse ajo ekziston, e kalon buxhetin vjetor të laboratorit prej 400 milion dollarësh.

"Kjo është sa një e treta e buxhetit të laboratorit të Gjenevës."

Në laboratorin CERN të Gjenevës ndodhet akseleratori i madh Hadron, i ndërtuar në bashkëpunim me laboratorin Fermi dhe që është më i fuqishëm se Tevatroni. Kur Tevatroni të mbyllet, fokusi në këtë fushë do të zhvendoset nga Amerika në Evropë.

"Në dy dekadat e fundit fokusi nisi të zhvendoset kur filloi ndërtimi i laboratorit të Gjenevës me akseleratorin gjigant që ne u përpoqëm të ndërtojmë në Teksas e që quhej superakseleratori superpërcjellës. Ne e mbyllëm tonin por evropianët e vazhduan punën dhe kjo çoi në këtë diferencë përsa i përket financimit të laboratorëve."

Shkencëtarët thonë se edhe pse laboratori Fermi mund të humbë nga prestigji i tij kur të mbyllet Tevatroni, Shtetet e Bashkuara do të vazhdojnë të jenë mjaft të pranishme në fizikën e pjesëzave. Robert Roser thotë se Tevatroni ka qenë një përpjekje ndërkombëtare dhe do të vazhdojë të njihet si i tillë edhe pasi kërkimet të jenë zhvendosur në Gjenevë.

"Në këtë eksperimetg marrin pjesë 15 vende. Rreth 300 nga 600 bashkëpunëtorët janë nga institucione joamerikane. Pra kemi të bëjmë me një bashkëpunim të madh ndërkombëtar. Sot, e gjithë shkenca është e tillë."

Edhe pasi Tevatroni të shuhet, ai do të vazhdojë të luajë rol në laboratorin Fermi. Inxhinjerët do të hapin disa pjesë të tunelit ku më parë nuk mund të hyhej dhe do të ekspozojnë në to disa pajisje të akseleratorit, që do të mund të vizitohen nga publiku i gjerë.

[Zero Cool]

Zbulohet një planet i ri, njësoj si Jupiteri





Astronomët kanë zbuluar një planet të ri, i cili është njësoj si Jupiteri i sistemit tonë diellor.

Ata besojnë se planeti me emrin Korot-9b, do të bëhet një ‘gur rozete’, dhe do ti ndihmojë ata të kuptojnë ‘ekzoplanetët’ kudo ku ndodhen nëpër Galaksi.

Doktor Hans Dig, nga Instituti i Astrofizikës i Kanarjeve, tha se “Korot-9b” është ekzoplaneti i parë, që i ngjan planeteve të sistemit tonë diellorë.

Planeti ishte detektuar nga teleskopi KoRoT, që vepron nën agjencinë hapësinore franceze, CNES.

Planeti ‘Korot-9b’ është 1500 vjet dritë larg tokës, dhe bën pjesë në kostelacionin e quajtur ‘serpens’-gjarpri. Më shumë se 400 ekzoplanete janë zbuluar deri tani, dhe shumica e tyre, janë quajtur ‘jupiterë të nxehtë’ pasi mbështjella e tyre e gazit është shumë e nxehtë.

[~AnnA~]

Lajm mjaft interesant ky i fundit...
Flm ZC (me kurseve mua ta postoj :)

[Zero Cool]

Sekreti i ujit në planetin Saturn është Hëna e tij





Pas 14 vjetë hamendësimesh, është zbuluar sekreti i burimit të ujit në shtresën e sipërme të atmosferës së planetit Saturn.


Regjistrimet e fundit të teleskopit kozmik evropian “Herschel” tregojnë se, avulli e ka prejardhjen nga një sërë burimesh në rajonin e polit jugor të Hënës së Saturnit Enceladus. Kjo çdo sekondë çliron rreth 250 kg ujë. Gjatë mbledhjes së Organizatës Evropiane të Astronautikës të mbajtur në Paris u tha se, kjo është hëna e vetme në sistemin diellor, e cila influencon përbërjen kimike të planetit amë.

Avulli formon një unazë përreth Saturnit. Sipas përllogaritjeve të fundit 3-5 % të sasisë së ujit të çliruar nga Enceladus depërtojnë në atmosferën e Saturnit. “Nuk ka asnjë që mund të krahasohet me Tokën”, komenton Paul Hartogh, nga Instituti Max-Planck i Studimeve për Sistemin diellor në Katlenburg-Lindau. Sipas studiuesve, deri më sot avulli nuk mund të studiohej, sepse ai është i padukshëm për syrin e njeriut. Vetëm detektorët e ndjeshëm me rreze infra të kuqe të teleskopit “Herschel” mundën ta nuhasin atë.

“Herschel” konsiderohet si teleskopi më i madh i dërguar ndonjëherë në hapësirë. Ky instrument i teknologjisë së lartë, që mban emrin e astronautit Friedrich Wilhelm Herschel (1738-1822), u nis në vitin 2009 dhe do të mbledhë të dhëna deri në vitin 2013.

[Zero Cool]

Misioni i rradhës i NASA-s është ulja në një asteroid






Pas anijes kozmike e cila ka hyrë në histori, misioni tjetër i madh i NASA-s është gjetja e një mënyrë për të dërguar austronaut te asteroidët.


Por kjo nuk është një sfidë e lehtë, e madje, për disa, kjo është diçka e pamundur. Asteroidi është një shkëmb i madh, që sillet rreth e rrotull Diellit, njësoj si Toka. Austronautët nuk mund të ulen dot në një asteroid, për shkak se aty nuk ka gravitet, ndaj dhe shkencëtarët po mendojnë pajisjen që do të ulet në këtë trup qiellor dhe trasportuesin e saj.

Shumë hedhin idenë e një “makine rrobot”, dikush tjetër “rrobotin merimangë” pasi shkencëtarët kërkojnë të marrin me vete edhe kampionë, për të mësuar realisht lëndën përbërëse të asteroidit. Kjo është e nevojshme sepse në një të ardhme, mbase jo shumë të largët, këto trupa qiellorë mund të kthehen edhe për një kërcënim për Tokën.

[Zero Cool]

Zbulohet oqeani gjigant në hapësirë





Një ekip ndërkombëtar shkencëtarësh ka zbuluar në qendër të një galaksie një oqean aq të madh, sa me ujin e tij mund të mbushen 140 miliard herë sipërfaqja ujore në tokë.

Kjo është sasia më e madhe dhe më e largët e ujit që është zbuluar ndonjëherë.

Oqeani ndodhet rreth 12 miliard vite dritë larg tokës.

Qendra e kësaj galaktike rrezaton një energji të paimagjinueshme, sa 1 miliard diej së bashku.

[Neferta]

Shperthim me diell










Shkencëtarët amerikanë regjistruan një shpërthim në Diell, që u njoh si më i fuqishmi në ciklin aktual të aktivitetit diellor, i cili filloi që në vitin 2008. Shpërthimet të tilla kaq të fuqishme janë të afta të shkaktojnë në Tokë disfunksionimin e aparaturave satelitore dhe mjeteve tokësore të komunikimit, por për njeriun rrezik të drejtpërdrejtë ato nuk përbëjnë.
Tani pasoja të tilla nuk e kërcënojnë planetin tonë meqenëse rrjedha e plazmës mori drejtim tjetër.

[Dardanesha]

Meka dhe Medina, dy qytetet e vetme që shifen nga hapësira

Meka dhe Medina janë dy qytetet më të ndriçuara në rruzullin tokësor. Ka qenë kozmonauti rus, Anatoli Ivanichen, i cili gjatë një interviste për gazetën “El Bejan” të Emirateve të Bashkuara ka zbuluar fenomenin në fjalë.

Gjatë intervistës Ivanichen mes të tjerash është shprehur: “U përpoqëm që të merrnim foto nga hapësira të disa qyteteve që janë të njohura për ndriçimin e tyre, siç është Parisi, disa zona të Europës dhe Amerikës Veriore, por pamjet ishin të paqarta kur u kapën. Më vonë, ne bashkë me ekuipazhin vendosëm që anijen ta drejtonim drejt Gadishullit Arabik për të parë nëse do të ishte e mundur që të siguronim pamje të tjera nga hapësira.

U befasuam kur pamë dy qytete plotësisht të ndriçuara, pamjet e të cilave dalloheshin qartë. Pasi kishim përcaktuar vendet dhe kishim marrë pamjet e para në mënyrë që të bënin verifikimin e tyre, befasia jonë u shtua akoma më tepër kur morëm vesh se fotot e realizuara i përkisnin pikërisht Mekës dhe Medinës”.

“Zona tek e cila kishim fokusuar thjerrëzat tona të cilësisë së lartë ende nuk i kishin arritur rrezet e diellit, por edhe përkundër kësaj, ne arritëm të marrim disa foto që ishin tepër të qarta dhe pamjet e tyre ishin mjaft të bukura”, citohet të jetë shprehur në vijim të rrëfimit të tij për gazetën shkencëtari rus, Anatoli Ivanichen.

Meka.jpg