Astrit Salihu apo Isa Mustafa?

[Oqeani]

Postimi origjinal është bërë nga Kaqanikasja

Pyetni e lexoni me shum kush eshte Astriti tani flitni...

Edhe kohen me e humbe per te a ! Ani me lexue, eh ....

[Oqeani]

Postimi origjinal është bërë nga jEtA_1

Astrit Salihu

Pse, a paska projekte per paleje a !

[bert]

astriti bash si mulla rugova

[Kaqanikasja]

per projekte pa leje e keni pas bacen Is deri tash ahahhahahahahahahahha e nqs sja vlene dhe per kete me lexu ateher nuk keni per kend mo per astritin e kam fjalen

[teutaA]

hajt dikush qe rrin shtremt e fol drejt kallzoni cili eshte me mir me fitu se as njoni spo i njof

[bert]

mulla rrugova do zgjidhte astritin

[Dreni2]

Panta rhei
"A e vërtetove të fadil me qit shkrim se qeveria dhe pdk-ja nuk i kanë ndihmu isa mustafes sepse nuk ka qenë nga pdk-ja, ndërsa me pas qenë kryetari nga pdk-ja, i kish ndihmu... a e ke të kjartë tash se sa ia doni ju të mirën prishtinës edhe prishtinalive???!!!"

Sikur un te isha ne vend te PDK , haptas kisha me dal ne opinion se ato komuna qe i fitojn kandidatet e tyre neper komuna do te jan te previligjuara sa i perket investimet ne ato komuna .
Atyre komunave qe do ti humbsha kisha me jau nal te gjitha investimet kapitale , vetem ato qe ju takojn me ligje kisha me jau nda , sa me funkcionu pushteti lokal .

E komunave qe do ti fitojn PDK do te jau ndajsha parat qe kom planifiku per investime ne ato komuna te humbura .

Po kujna ja ... e investon ne komuna ku ka humb tu ka me investu aty ku ka Votusit e sigurt per zgjedhjet e radhshme . Nacionale.

ps.. "Qiti paret biri kavallit" ose " nder gjdokujna veresi askujna "
Politika ashte biznis ... Nese votusit gabojn net i bin kavallit deri kure te ja qillojn .. ne zgjedhjet e ardheshme.

[teutaA]

Postimi origjinal është bërë nga Dreni2

Panta rhei
"A e vërtetove të fadil me qit shkrim se qeveria dhe pdk-ja nuk i kanë ndihmu isa mustafes sepse nuk ka qenë nga pdk-ja, ndërsa me pas qenë kryetari nga pdk-ja, i kish ndihmu... a e ke të kjartë tash se sa ia doni ju të mirën prishtinës edhe prishtinalive???!!!"

Sikur un te isha ne vend te PDK , haptas kisha me dal ne opinion se ato komuna qe i fitojn kandidatet e tyre neper komuna do te jan te previligjuara sa i perket investimet ne ato komuna .
Atyre komunave qe do ti humbsha kisha me jau nal te gjitha investimet kapitale , vetem ato qe ju takojn me ligje kisha me jau nda , sa me funkcionu pushteti lokal .

E komunave qe do ti fitojn PDK do te jau ndajsha parat qe kom planifiku per investime ne ato komuna te humbura .

Po kujna ja ... e investon ne komuna ku ka humb tu ka me investu aty ku ka Votusit e sigurt per zgjedhjet e radhshme . Nacionale.

ps.. "Qiti paret biri kavallit" ose " nder gjdokujna veresi askujna "
Politika ashte biznis ... Nese votusit gabojn net i bin kavallit deri kure te ja qillojn .. ne zgjedhjet e ardheshme.

aha ktu koka arsyeja qe na mbet rruga jon pa asfaltu

[Dreni2]

Teuta
"aha ktu koka arsyeja qe na mbet rruga jon pa asfaltu"

Nese se ki qit kokrren te ata qe e menaxhojn bugjetin un te kisha la edhe pa uj edhe pa kanalizim e edhe pa rrym , ma se pari jau kisha rregullu votusve te mi mandej kure te teprojn lekt ... ta kisha harrnu rrugen pak.

Po ku ki pa ti me dashte tjeterkon e un me ta rregullu ty jeten ncnnc

Kjo qka po thu ti po i bjen " Un ty me gur e ti mu me buk "

[bert]

hahahahahahah. dren pasha zotin mire e ke qellue.

[fadil]

Teoria e Astritit



Nga Leonard Kerquki më 07.10.2009 në ora 8:08

Prishtina është degraduar me shpejtësinë e dritës prejse Isa Mustafa mban postin e Kryetarit. Ai e prishi Ulpianën. Ai po lejon ndërtimin e objekteve pa kritere. Ai nuk ka shije. Prishtina menaxhohet nga ndërtuesit, e jo nga Mustafa. Unë do ta ndërtoj Prishtinën e Re, ashtu si edhe Unazën e Jashtme. PDK është e vetmja forcë që mund ta zhvillojë Kryeqytetin. Astrit Salihu, kandidat i PDK’së për Kryetar të Prishtinës, flet për Express.

Express: PDK nuk ka arritur të fitojë në Prishtinë, edhe pse ka garuar me një prej figurave më të rëndësishme të saj, Fatmir Limajn. Në këtë kontekst, a e keni të vështirë ju që ta projeksioni fitoren tuaj më 15 nëntor?
A. Salihu: Jo. Sepse duhet ta dini se vështirësia e parë ka qenë, ndoshta, paragjykimet e qytetarëve që kanë ekzistuar asokohe se - edhe PDK’ja është si gjithë partitë e tjera, pra që edhe premtimet e PDK’së do të jenë boshe, ashtu sikurse ato të partive të tjera. Me siguri kjo e ka determinuar edhe disponimin e qytetarëve. Por besoj se ky paragjykim tashmë është tejkaluar, sepse PDK’ja ka dëshmuar se është parti serioze, është një formacion politik, i cili aktualisht është i vetmi që mund t’i avancojë proceset dhe zhvillimin e vendit. Si e tillë, tashmë ka rejting krejt tjetër.

Express: Pra, ju po thoni se qeverisja e PDK’së për këto dy vite ka arritur ta ndërrojë përshtypjen që ka ekzistuar për të. Mos mund të jetë e kundërta, ndoshta njerëzit kanë pritur më shumë...
A. Salihu: Jo, jo. Unë nuk konsideroj se qytetarët janë të zhgënjyer me qeverinë aktuale. Ndoshta qeveria aktuale tash për tash nuk mundet t’i plotësojë të gjitha pritjet e qytetarëve, sepse herë pas here qytetarët kanë prirje të projektojnë mrekulli. Por megjithatë, PDK’ja ka dëshmuar se mund të çojë përpara shumë procese. Si e tillë, tashmë e ka rejtingun më të lartë, sipas gjitha sondazheve, analizave...

Express: Strukturat e PDK’së në Prishtinë kishin dhënë disa propozime të tjera për kandidaturën e Kryetarit të Prishtinës. Por Kryetari i PDK’së shtyu idenë që ju të jeni kandidat në kryeqytet. Çfarë po sheh te ju Kryetari Thaçi, e që nuk po e sheh te kandidaturat e tjera?
A.Salihu: Për një parti si PDK’ja është krejtësisht normale që të ketë disa propozime. Kjo është pjesë e demokracisë së brendshme të partisë. Pastaj instancat më të larta vendimmarrëse janë përcaktuar për emrin tim. Mbështetja ka qenë absolute nga të gjitha nivelet e strukturave të PDK’së.

Express: Mbështetësit tuaj këto ditë kanë përmendur faktin se ju jeni lindur në Prishtinë. A mendoni se ky është fakt i mjaftueshëm për të qenë ju ideal për drejtimin e këtij qyteti?
A. Salihu: Jo, ky është një element që presupozon lidhjen time të natyrshme me qytetin. Por nuk është elementi determinues. Dua të them se identiteti i qytetarit të Prishtinës nuk është i ngjashëm me një qytetar të Gjakovës apo të Prizrenit. Sepse Prishtina është njëlloj përzierjeje. Prishtina është kryeqendër dhe si e tillë rreth këtij qyteti gravitojnë njerëz të viseve të ndryshme. Kështu që, ata që janë të Prishtinës janë një pakicë e vogël. Por, në anën tjetër, ju e shihni se kjo përzierje ka krijuar një identitet të ri dhe ky është identiteti i Prishtinës. Do të thotë, njeriu mund të jetë i prejardhur nga Gjakova, Gjilani, por në anën tjetër mburret se është i Prishtinës.

Express: A mund të jeni ju njeri rreth të cilit mund të bashkohen këta njerëz të ndryshëm? Pra, a mund të jeni ju figura rreth të cilit këta njerëz mund të shohin shpresën e zhvillimit të qytetit ku jetojnë?
A. Salihu: Gjithë ata njerëz që jetojnë në Prishtinë, tashmë janë të bashkuar. Ata i takojnë Prishtinës dhe veten e quajnë prishtinas. Kështu që unë nuk e shoh veten në një mision madhor që mund të unifikojë ndonjë identitet që nuk ka ekzistuar. Tashmë ky identitet ekziston.

Express: Çfarë ka të përbashkët filozofia dhe menaxhimi i një qyteti të madh, siç është Prishtina?
A. Salihu: Këtu ekziston një paragjykim që thotë se filozofi jeton diku në Kullën e Fildishtë të abstraksionit, ndërkaq të gjithë njerëzit e tjerë jetojnë në tokë. Dua t’jua jap një shembull. Ju e keni rastin e një doktori të filozofisë, i cili e ka udhëhequr fushatën ajrore të NATO-s kundër Serbisë. Ai është Wesley Clark. Pra, edhe filozofët dinë të bombardojnë.

Express: Megjithatë, përvoja juaj jetësore është shumë e lidhur me filozofinë, ndërkohë që nuk keni dhënë ndonjë shembull të madh se jeni të interesuar për të folur rreth problemeve të qytetarëve...
A. Salihu: Nëse e përcillni punën time, unë pesëmbëdhjetë vjet më parë kam artikuj për Prishtinën, kam analiza për përpjekjet e regjimit serb për t’ia ndryshuar identitetin këtij qyteti... Shumë prej tyre janë të përmbledhura në librin “Postmodernja e interpretuar për shqiptarët” që ka për referencë jetën në Prishtinë dhe sistemin e vlerave që promovohen këtu. Prishtina ka qenë shqetësimi im i përhershëm.

Express: Dy javë përpara fillimit zyrtar të fushatës zgjedhore, Prishtina u mbush me fotografitë tuaja. Çfarë do të thotë kjo?
A. Salihu: Unë nuk e kam filluar fushatën. Ne nuk po bëjmë fushatë. Ajo është vetëm një informim i qytetarëve për kandidatin e PDK-së.

[fadil]

Express: A jeni kaq i panjohur, saqë duhet qysh tash të niset fushatë informuese ose që qytetarët të familjarizohen me portretin tuaj?
A. Salihu: Do të ishte mirë sikurse të familjarizohen më shumë.

Express: Kryesuesja e KQZ’së tha se ju po shkelni ligjin?
A. Salihu: Ne nuk kemi marrë asnjë vendim në letër. Por nëse diku e kemi shkelur ligjin, ne do të përmirësojmë gabimin. Ne nuk konsiderojmë se kemi bërë shkelje, sepse nuk po bëjmë fushatë. Nuk ftojmë për votim, as nuk kemi dhënë numër të partisë.

Express: Do të doja një vlerësim tuajin për posterët tuaj që janë shpërndarë. Aty ju shfaqeni me mëngë të përvjela, por me duar në xhepa. Cili është mesazhi i këtij portreti?
A. Salihu: Unë nuk kam pozuar me duar në xhepa. Unë kam qenë duke ecur dhe ajo foto është përzgjedhur. Është foto që ndërlidh në vete ngjyrat e Prishtinës. Ju e shihni se këmisha është e bardhë dhe prapavija e kaltër, që janë ngjyrat e Prishtinës. Ecja sugjeron nevojën e menjëhershme që ky qytet të ecë përpara. Ndërkaq, mëngët e përvjela janë simbolikë e gjithë atyre që përçojnë mesazhin e njerëzve që dëshirojnë të ndryshojnë diçka, që nuk janë njerëz të zyrave, nuk janë njerëz me kravata...

Express: Duart në xhepa nuk janë shenjë e punës...
A. Salihu: Kjo varet nga mënyra se si e interpretoni. Natyrisht unë nuk do të dal me drapër e çekiç në duar. Unë do të punoj me projekte dhe ide.

Express: Çfarë konkretisht ju mund të bëni në Prishtinë, e që nuk është bërë deri më tash?
A. Salihu: Unë mund të përgjigjem vetëm në pyetje konkrete.

Express: P.sh. Prishtina e Re. A do të fillojë dhe a do të realizohet brenda mandatit tuaj, nëse fitoni?
A. Salihu: Brenda mandatit tim do të realizohen shumë projekte. Prishtina e Re është njëra nga ato projekte. Prej saj varet e ardhmja e këtij qyteti. Ne kemi ide konkrete që me intervenime konkrete t’ia kthejmë frymën qytetit. Shikoni, ky qytet nuk funksion, absolutisht. Këtu nuk funksionon trafiku, ju e dini se sot qytetari i Prishtinës në një distancë që duhet të kalohet në situata normale për 5 minuta, ai aktualisht i kalon për 40 minuta. Sot qytetari nuk ka ku të ecë, nuk ka ku të lëvizë. Pra, këto janë çështje që urgjentisht duhet të zgjidhen. Prishtinën duhet ta shpëtojmë nga ngufatja.

Express: Qysh?
A. Salihu: Mua po më befason fakti se qysh dikush mund të më pyesë se si do ta bësh një parking. Ne nuk jemi përjashtim në botë që po bëjmë parkingje, por jemi përjashtim se nuk kemi parkingje. Ekzistojnë format dhe mënyrat se si të zgjidhet kjo çështje. Sikurse qeverisja aktuale të ishte e vetëdijshme dhe e përgjegjshme, asnjë prej ndërtesave që janë bërë, nuk do të lejoheshin të bëhen pa zgjidhur çështjen e parkingut.

Express: Edhe një herë, a fillon dhe a përfundon ndërtimi i Prishtinës së Re?
A. Salihu: Po.

Express: A do të realizohet në bazë të projektidesë që ka ekzistuar. Pra, që të shtrihet deri afër Liqenit të Badofcit?
A. Salihu: Konsiderojmë se duhet t’i bëjmë disa revidime, por tash nuk po shpalosem më tej. Po ashtu, ne do ta bëjmë Unazën e Jashtme, një projekt ky i garantuar.

Express: Një unazë është nisur edhe nga Isa Mustafa?
A. Salihu: Jo, cila unazë? Unë po flas për Unazën e Jashtme që nis nga Mati dhe shkon në Bërrnicë. Kjo unazë e shkarkon komunikacionin dhe i lidh të gjitha fshatrat.

Express: Pushteti aktual e ka promovuar Unazën që po ndërtohet si një projekt që zgjidh përfundimisht problemin e trafikut në Prishtinë...
A. Salihu: Ajo është unazë e brendshme që e ngarkon qytetin, nëse nuk e ka Unazën e Jashtme. Isa Mustafa nuk mund ta realizojë projektin e Unazës së Jashtme.

Express: Si do të sigurohen mjetet financiare, buxheti i Prishtinë është 50 milionë euro?
A. Salihu: Nëse unë emërohem Kryetar i Prishtinës, do të insistoj dhe do të punoj që Ligji për Prishtinën të aprovohet sa më parë. Sepse me këtë Ligj, mundësitë buxhetore do të arrijnë 100 milionë euro në vit.

Express: Sa kushton ndërtimi i Unazës?
A. Salihu: Sado që kushton, ne do ta ndërtojmë atë.

Express: A mund të na jepni një panoramë të Prishtinës të vitit 2013, nëse ju do të fitoni këtë garë?
A. Salihu: Në vitin 2013 ju garantoj se do të shkruani kartolina me fotografinë e qytetit. Me pamje shumë të bukura. Do ta rikthej traditën e mëparshme kur janë dërguar kartolina me pamje të Prishtinës.

Express: Si e parashikoni qendrën e Prishtinës. Sheshi kryesor nuk është aspak funksional...
A. Salihu: Dua t’ju them diçka për sheshin. Sikur unë të isha Kryetar i Prishtinës, ai shesh nuk do dukej aq i shëmtuar, aq pa shije. Ai shesh është fyerje për secilin qytetar. Dhe, Isa Mustafa që e ka trashëguar atë shesh, nuk ka arritur asgjë për ta ndryshuar. Për dy vjet, ai nuk ka arritur së paku ta bëjë më të bukur atë shesh. Këta janë njerëz pa shije. Kjo strukturë që e udhëheq këtë qytet, përveç shumë të metave të tjera, e meta më e madhe e tyre është se nuk kanë shije.

Express: A mund të na bëni një analizë të punës së Isa Mustafës? Ai është një kandidat serioz në këtë garë.
A. Salihu: Jo. Por unë ju sugjeroj që ta merrni fotoreporterin dhe shkrepni disa foto nëpër qytet dhe shiheni punën e tij.

Express: Ai i ka bërë disa parqe, disa rrethrrotullime, disa rrugë janë shtruar...
A. Salihu: Isa Mustafa me presidentin e shtetit dhe me muzikë kanë përuruar diçka që ka ekzistuar kur unë kam qenë katër vjeç. Pra, parku në Ulpianë. Për më tepër, në vitin 72, në atë park ka pasur edhe trëndafila dhe fontana ka funksionuar. Krahasoni fotot e mëparshme të atij parku dhe shikojeni pamjen e sotshme. Pra, këta po promovojnë diçka që ka ekzistuar dhe ka qenë më e bukur para 30 vjetësh.

Express: Megjithatë, shpesh Isa Mustafa është cilësuar si një menaxher i mirë.
A. Salihu: Prej nga doli ky vlerësim se Isa Mustafa është menaxher i mirë? M’i jep disa shembuj! Rrethi që është bërë Te Spitali është rreth që është bërë për 3 javë dhe ka kushtuar 130 mijë euro. Pse nuk e bëri këtë rreth sa e mori mandatin, por tash para zgjedhjeve? Plus në inaugurimin e rrethit, ka deklaruar se do ta bëjë këtë rreth edhe më të madh. Aty ai ka treguar se e ka bërë atë përkohësisht. Çfarë menaxhimi i qytetit është të bësh rrethe. A e dini se 16 mijë banesa janë të varura nga ashensorët? 229 ashensorë në Prishtinë nuk funksionojnë! Edhe ata që funksionojnë e rrezikojnë jetën e secilit qytetar. Isa Mustafa nuk ka qenë në gjendje për dy vjet që të iniciojë një projekt elementar për rregullimin e këtij problemi. Unë thjesht kam problem të kuptoj se si një njeri e quan vetën Kryetar të qytetit dhe nuk ballafaqohet me gjërat elementare të një qytetari. Unë këtë nuk e kam parë. Prejse është bërë Kryetar Isa Mustafa, qyteti është degraduar me shpejtësinë e dritës. Ai po thotë se i kemi ndalur ndërtimet pa leje, por ai po e degradon qytetin, sepse po i jep leje çdokujt, pa plan. Ju shikojeni Ulpianën. Ai ia ka rregulluar Ulpianës një park që tashmë e ka pasur, ndërkohë, që në anën tjetër lejon ndërtimin e një soliteri, një strukturë të shëmtuar betoni. Ulpiana ka qenë e vetmja lagje që ka pasur një plan dhe Isa Mustafa ka lejuar që edhe kjo lagje të shkatërrohet.

Express: A po e akuzoni Isa Mustafën për pafuqi apo për korrupsion?
A. Salihu: Natyrisht, për pafuqi. Isa Mustafa nuk e menaxhon qytetin. Qytetin e kontrollojnë 10-15 njerëz të një grupi joformal të interesave të ngushta.

Express: A mund ta thyeni ju këtë grup?
A. Salihu: Ne jemi fuqia e vetme që mund të bëjmë ndryshime. Prishtina përfundimisht duhet t’iu kthehet qytetarëve të saj.

[GURI SYLAJ]

Hegeli njihet si njeri nga filozofet me te mdhenje ne hist.e Filozofise .
Por i ndodhete qe te harroj kepucet ne kabinet dhe te shkonet ne salle ,para studenteve ,vetem ne qorape!
Shume i nderumi Astrit ! Mathi kepucet !!
Edhe berberi i qytetit e din qe Prishtinen nuk e menaxhon Isa Mustafa dhe kur te shkojsh me u rru pyte dhe te tregon se as ti nuk guxon me i preke menaxhuesit e Prishtines !
Thjeshte ,per momentin ,ata jan te paprekshem!!

[fadil]

Pershendetje:

Guri Syla me ne funde gjete force dhe e tejkalove vetveten dhe bindjet e tua dhe e pranove se Isa Mustafa ka deshtuar, dhe eshte i pafuqishem per ta qevrisur Prishtinen dhe per ti zgjidhur problemet e saja.

[fadil]

PRANDAJ VOTONI PDK Nr.51 DHE Prof. Dr. ASTRIT SALIHU