Tripoli-Sulmohet ambasada franceze, lëndohen dy

[Fshatari]

Një makinë bombë ka shpërthyer të martën para ambasadës së Francës në kryeqytetin libian Tripoli duke plagosur dy roje të sigurisë.
Shpërthimi i fuqishëm, sipas medieve ndërkombëtare, ka shkaktuar dëmtime serioze në ndërtesën e përfaqësisë diplomatike franceze, që gjendet në lagjen Gargaresh të kryeqytetit.
Ministri i Jashtëm i Libisë Mohammed Abdel Aziz ka dënuar sulmin, duke e quajtur atë si një “akt terrorist”.
“Ne dënojmë fuqishëm këtë akt, të cilin ne e shohim si akt terrorist kundër një kombi vëllazëror i cili ka mbështetur Libinë gjatë revolucionit” të vitit 2011 i cili ka rrëzuar regjimin e Moamer Gadafit, i ka thënë agjencisë franceze të lajmeve AFP ministri i jashtëm i Libisë.
Detonimi i makinës bombë, thuhet se ka shkatërruar në tërësi murin mbrojtës të ambasadës, dhe i ka vënë flakën dy makinave civile.
Dëshmitarët thonë se shpërthimi ka ndodhur në orën shtatë të mëngjesit, sipas orës lokale.
Shtatorin e shkuar, Konsullata e Shteteve të Bashkuara në Benghazi po ashtu ishte sulmuar nga militantë, duke i shkaktuar dëme të mëdha materiale.
__________________________________
http://www.evropaelire.org/archive/n...ml?id=24965633

__________________________________________________ _______

Franca eshte ne lufte me nje shtet fqinje te Libise, Malin.

Sot e kuptova qe libianet dhe francezet qenkane vllezer. Kurre s'e kam dit qe francezet jane arabe, siç po na rrefen ministri libian.