Aleanca Kuq e Zi

**Zero Cool** · 29-06-11, 16:14

Ndaj mendimin që ky grup politik meriton një temë të posaqme.
Këtu do të botoj(më) aktivitet e kësaj Aleance por edhe diskutime janë të mirëseardhura.

Kush është Aleanca KuqeZi? Nga vjen, çfarë ambicie politike ka.....

Tiranë, Albania

28 november 1912

Aleanca Kuq e Zi, Simbol rezistence për çështjen kombëtare.

Dhjetëra shoqata atdhetare nga Vlora dhe qytetet të tjera, mbështetur nga intelektualë vlonjatë, janë mbledhur në sallën e Hotel “Vlora Internacional”, për të startuar Aleancën me emrin simbolik “Kuq e Zi”

Aleanca “Kuq e Zi”, ka synim të mbrojë kushtetutën, të mbrojë dinjitetin njerëzor, duke e shndërruar në një simbol rezistence për çështjen kombëtare.

E-mailadresa:
[email protected]

Website :
http://www.aleancakuqezi.org

**Zero Cool** · 29-06-11, 16:16

Aleanca kuqezi merr nismen e saj te dyte e cila do te jete:

NJE KOMB NJE PASAPORTE

Aleanca KuqeZi i kerkon parlamentit shqiptar ndryshimin e menjehershem te kushtetutes se vitit 1998 ne dispozitat perdhenien e shtetesise shqipetare.

Aleanca Kuqezi kerkon me force dhenien e pasaportave shqiptare cdo qytetari me origjine dhe kombesi shqiptare kudo qe jeton si : Shqiperi, Kosove, Maqedoni, Mal te Zi Greqi , Serbi apo ne diaspore.

TE GJITHE SHQIPETARVE KUDO QE JANE NJE PASAPORTE KUQEZI

Aleanca kuqezi deklaron se eshte detyrim i shtetit ame’ te pajise me pashaporta shqiptare, cdo qytetar qe jeton brenda dhe jashte kufijve te cilet kane kombesine shqipetare, ashtu sic veprojne greket me homogjent, serbet me shqipetaret e kosoves, bullgaria me maqedonasit, vende te cilat jane dhe anetare te bashkimit europian.

Ne keto kushte edhe Shqiperia duhet te aplikoje keto standarte dhe te respektoje bashkëkombasit e vet.
Eshte e turpshme qe nje shqiptar i kosoves pajiset me pasaporte serbe brenda tre ditesh, ndersa nuk I mundësohet marrja e pasaportes shqiptare.

Aleanca kuqezi do te ndermarre keto hapa per te mundësuar pajisjen me pasaporte shqiptare nen slloganin:

NJE KOMB NJE PASAPORTE
AK kerkon te realizoje:
1. Nenshkrimin e nje peticioni ne cdo treve shqiptare per te paisur me pasaporte te shtetit ame cdo person qe jeton brenda dhe jashte kufive qe kane kombesi shqipetare.
2. Kerkesen per ndryshime kushtetuese, dhe regjimi te ri juridik per marrjen dhe lenien e shtetesise shqiptare
3. Respektimin e standarteve te Brukselit per pashaportat e shqipetareve qe jetojne jashte Shqiperise, duke mos u dhene te drejten e votes.
4. Bejme thirrje qe kuvendi i Shqiperise te votoje urgjentisht kunder projekt ligjit POLLO dhe te votoje pro vullnetin e popullit

**Zero Cool** · 29-06-11, 16:17

Aleanca Kuqezi kerkon nga Kuvendi marrjen ne shqyrtim te nismes popullore

Diten e sotme perfaqesues te Aleances Kuqezi dorezuan gjate paradites ne Kuvendin e Shqiperise nje kerkese per informacion rreth projektligjit te dorezuar nje jave me pare. Kerkesa e Aleances Kuqezi konsistonte ne caktimin e nje date per shqyrtimin e projektligjit te ardhur prej mijera zgjedhesve si dhe ne zhvillimin e nje seance degjimore ne komisionet parlametare, ku te jepet mundesia per parashtrimin e argumenteve te AK kunder regjistrimit mbi baza etnike dhe fetare.

Perfaqesuesit e Aleances Kuqezi theksuan se projektligji i Aleances Kuqezi, eshte nje iniciative ne zbatim te Kushtetutes unike per Shqiperine. E per kete arsye eshte nje detyrim moral dhe ligjor i perfaqesuesve te popullit ne Kuvend qe te marrin ne shqyrtim vullnetin e popullit. Perfaqesuesit e Aleances Kuqezi gjithashtu theksuan se projektligji i mbeshtetur nga dhjetera mijera firma, duhet te ishte shqyrtuar perpara projektligjit te depozituar nga Qeveria,nje projektligj i dorezuar ne Kuvend mbas projektligjit te Aleances Kuqezi.

Aleanca Kuqezi theksoi se shqyrtimi ne seance te pershpejtuar i ketij projektligji nuk jep mundesi per transparence dhe debat te gjere publik, duke mos i dhene mundesi paleve qe te parashtrojne argumentet e tyre ne lidhje me kete ligj. Per kete arsye perfaqesuesit e Aleances Kuqezi kerkuan nga Kryesia e Kuvendit caktimi ne nje seance degjimore me Aleancen Kuqezi per te diskutuar rreth kesaj nisme ligjore dhe per te parashtruar argumentet kunder regjistrimit mbi baza etnike dhe fetare.

Ashtu si dhe nje jave me pare, perfaqesuesit e Aleances Kuqezi kane pritur rreth gjysem ore ne dyert e Kuvendit, per te dorezuar kerkesen drejtuar ketij institucioni. Perfaqesuesit e Aleances Kuqezi pasi depozituan kerkesen ne Kuvend, theksuan edhe nje here perpara medias vendosmerine e Aleances Kuqezi per te kundershtuar cdo pazar me interesat kombetar.

**Zero Cool** · 29-06-11, 16:24

**Zero Cool** · 29-06-11, 16:38

AK: Seance dëgjimore ne Kuvend

Pas dorëzimit ne Kuvend te peticionit me mbi 20 mije firma kundër regjistrimit te popullsisë mbi baza etnike e fetare, aleanca kuq e zi kërkon një seance te posaçme dëgjimore me deputetet për këtë nisme. Përfaqësues te Aleancës thane se kërkesa synon qe te diskutohet ne komisionin e ligjeve, mbi vendimin e qeverise për te mos u tërhequr nga ky proces e sidomos për te marre një përgjigje ne lidhje me ditën kur do te merret ne shqyrtim peticioni I qytetareve. Te martën përfaqësues te aleancës kuqezi protestuan para parlamentit, pikërisht ne kohen kur deputetet e mazhorances votuan kalimin me procedure te përshpejtuar te disa ndryshimeve ne ligjin aktual për regjistrimin e popullsisë. Njëkohësisht aleanca shpalli edhe nismën e re “Një komb” një pasaporte”.

**Zero Cool** · 29-06-11, 16:41

REFORMA NE SHENDETESI PRIVATIZIM DHE SIGURIME

**Zero Cool** · 05-07-11, 18:36

Regjistrimi i popullsisë, Kuq e Zi: Kuvendi s`dëgjoi qytetarët

Aleanca Kuq e Zi ka pohuar sot se parlamenti shqiptar dhe institucionet kanë anashkaluar mendimin e shqiptarëve për një çështje me rëndësi të amdhe siç është regjistrimi i popullsisë.
“Aleanca Kuq e Zi reagon me shqetësim ndaj vendimit të sotëm të Kuvendit të Shqipërisë për të kaluar në seancë plenare projektligjin e qeverisë për regjistrimin e popullsisë dhe banesave. Aleanca Kuq e Zi deklaron se është detyrim i ligjvënësve për të dëgjuar të gjitha palët dhe argumentat e tyre në këtë proces kaq të rëndësishëm, në të cilin nuk preken interesat e qeverisë, por interesat e vetë popullit”, thuhet në një deklaratë të Aleancës Kuq e Zi.
Kjo organizate pohon se është mungesë transparence që një proces kushtetues të zhvillohet në mënyrë vetëm të njëanshme, pa marrë parasysh opinionin publik dhe juridik për një çështje ku do të përfshihen rreth 4 milionë qytetarë shqiptarë.
“U bëjmë thirrje dhe apel partive politike që të votojnë projektligjin Kuq e Zi që është mbështetur nga dhjetëra, mijëra qytetarë dhe që garanton stabilitetin politik të vendit dhe jo projektligjin që i hap rrugë artificialisht Shqipërisë multietnike dhe tensioneve etniko-fetare”-tha Ardit Çollaku, përfaqësues i Aleancës Kuq e Zi”.

panta_rhei · 05-07-11, 19:20

ok, dy fjale.

Aleanca Kuq e Zi, eshte nje kopje shuuume e dobet e vetvendosjes, e drejtuar nga karrierista dhe perfitues.

Lideri i kesaj aleance (akz), Kreshnik Spahiu, eshte drejtues i Keshillit te Larte te Drejtesise ne Shqiperi (KLD, qe me pak fjale i bie qe ky eshte baba edhe nana e zbatimit te ligjit dhe gjykatave ne Shqiperi. E ka knaqe ligjin e gjykatat ky, veq po ka vakt edhe me ladru neper bote e neper hotele te Londres e Italise me shite p*rdha patriotike). KLD-ja varet 100 perqind nga institucioni i presidentit, qe ne kete rast eshte Bamir Topi. Bamir Topi ne zgjedhjet e 8 Majit ka votu per edi ramen e partise socialiste.

Tash,
Alenca Kuq e Zi se shpejti do te shndrrohet ne parti politike ku drejtues do te jene Bamir Topi edhe Kreshnik Spahiu, me te vetmin qellim qe ta dobesojne Partine Demokratike dhe sjelljen ne pushtet te socialisteve.
(Krejt ky patriotizmi e kombetarizmi banal e fare i hapur qe po na e shesin, eshte ne funksion te kesaj.)

Kysmet gjalle jemi, e shohim.

**Zero Cool** · 06-07-11, 16:04

Ndërgjegjësimi fillon nga ti…

Një shoqëri demokratike përparon atëherë kur për të kujdesen qytetarë të gatshëm, që me lirinë e fituar me sakrifica bëhen pjesë aktive e saj. Të parët tanë ditën ta fitojnë këtë të drejtë dhe ne duhet ta mbrojmë dhe ta respektojmë atë.Çdokush duhet ta ngrejë zërin për çështje që kanë të bëjnë me kombin dhe të drejtën e tij. Shumë figura të shquara luftuan për këtë të drejtë dhe mbi të gjitha për ndërgjegjësimin e mbarë opinionit shqiptarë. Konica, Noli, Fishta si dhe shumë shkrimtarë të tjerë me penën dhe veprimtarinë e tyre arritën të lënë gjurmë në këtë histori. Veçanërisht dallohet Fan Noli i cili shquhet për idetë e tij demokratike.
Noli është një figurë...madhore, shumë komplekse ku mbështillen të gjitha komponentët kryesorë të njeriut, patriotit, demokratit, klerikut dijetarit, por ai mbi të gjitha ishte njeri. Një njeri me një botë të madhe shpirtërore, me një mendje të gjerë, me një kulurë të thellë, me një ndjeshmëri të lartë. Kjo është njëra anë, ndërsa nga tjetër është kontradikta që ai kishte brenda vetes. Ai përjetonte dramë i vuante ngjarjet, rrethanat problemet e komunitetit dhe të popullit të tij. Dramat e popullit shqiptarë ishin dhe dramat e Nolit dhe ato dihet sa të mprehta dhe të dhimbshme ishin.
Noli është ai që la pas jetën private për t'iu përkushtuar bashkimit të turmave "amorfe të shqiptarëve", të cilët ishin ndarë në tri grupe fetare. Po sot a kemi në mes nesh njerëz të tillë që sakrifiojnë jetën në emër të së mirës së përbashkët? A kemi një Noli i cili pranoi të bëhet prift në emër të emancipimit të kishës ortodokse shqiptare nga kthetrat e patriaknës së Stambollit? Vepër e mundur për të. Profesion i pamundur për heronj...
Noli 25 vjeçar ishtë ai që u përpoq të çlironte afër dy milionë shqiptarë nga Perandoria turke me një popullsi gjashtëdhjetë milionë banorësh. Ndërsa ne nuk bëjmë as lëvizjen më të vogël për gjëra të cilat i kemi në dorë dhe mund ti ndryshojmë shumë më lehtë.
Një kolonjar i vogël por një shqiptarë i madh kishte për obligim të siguronte dhe fitonte përkrahjen e opinionit publik botëror, ndërsa nuk e kishte mundësinë siç e kemi ne sot. Me anën e disa revistave shqiptare, të cilat i lexonin fare pak ata që nuk ishin shqiptarë ishte shumë e vështirë që të realizohej ky mision. Për më tepër që këto revista nuk lexoheshin as nga vet shqiptarët, pasi pjesa më e madhe e tyre nuk dinin të lexonin. Noli pavarësisht këtyre kushteve diti të ectë përpara duke shpresuar atje ku s'kishte shpresë, duke pasur besim te Zoti dhe në drejtësinë e çështjes që kishte marrë përsipër.
Ne si pasardhës të Nolit duhet të ndërgjegjësohemi dhe të kuptojmë rëndësinë kombëtare të çështjeve të cilat janë tashmë pjesë e shoqërisë. Duhet të luftojmë për të mbrojtur unitetin dhe idenditetin e kombit shqiptarë. Harmonia, toleranca dhe bashkëjetesa të cilat na kanë shoqëruar ndër shekuj, duhet të jenë pjesë e pandashme e jona. Secili prej nesh duhet të ketë sadopak shpirtin e Nolit për tu bërë pjesë aktive e shoqërisë së cilës i përket. Duhet ta kuptojmë se shqipëtaria është mbi të gjitha. Të ndihemi krenar për atë që jemi. dhe të mos e shesim identitetin tonë.

Dorina Bektashi

**Zero Cool** · 12-07-11, 12:03

AK: Denoncon Votimin! Leter 140 Deputeteve

I NDERUAR Z/DEPUTET

Aleanca KUQ E ZI ka vërejtu me keqardhje, proçedurën e ndjekur nga disa anëtarë të këtij Kuvendi, gjatë votimit të ligjit “Për disa ndryshime dhe shtesa në Ligjin për Regjistrimin e Popullsisë dhe të Banesave”. Një proçedurë, e cila jo vetëm ka shkeluar standardet e një shteti demokratik, e zhvilluar pa debat dhe pa dëgjuar palët e interesuara, por që arrin deri aty sa të shkelë rëndë Kushtetutën, si edhe parimet bazë të votimit në një vend demokratik.
“Vota është vetjake” …përcakton Kushtetuta në nenin 45/4 të saj, por ndoshta kjo frazë nuk do të thotë asgjë për disa nga të zgjedhurit e popullit, deputetë të Kuvendit, ata të cilët janë garant të udhëheqjes sipas parimit të shtetit ligjor, ata të cilëve ky popull, i ka deleguar të drejtën për të bërë ligje dhe për t’u qeverisur nga ligjet.
Të gjitha shkeljet e Kushtetutës dhe falsifikimet e proçedurave e votimit janë kryer në prani të kamerave si dhe kemi prova të tjera në dispozicion.
Ne, shprehim shqetësimin se deputetët Lefter Maliqi dhe Gëzim Dibra nuk kanë qenë në Kuvend përgjatë proçedurës së votimit, por ata kanë votuar; Ne denoncojmë se disa deputetë në Kuvendin tonë nuk duan të zbatojnë rregullat dhe parimet e thjeshta të demokracisë; si p.sh. parimi 1 deputet 1 votë.
Aleanca KuqeZi nuk e njeh legjitim rezultatin e miratimit me më pak se 50% të deputetëve të pranishëm në sallë dhe e denoncon si rastin më të paprecedentë në historinë e parlamentarizmit Evropian dhe për këto arsye do të ndërmarrë të gjitha inisiativat dhe do të ndjekë të gjitha rrugët e ankimimit ligjor, për të deklaruar antikushtetues këto parregullsi të Kuvendit, që patën ndikim në rezultatin e votimit i cili juridikisht është i pavjefshëm.
Aleanca KuqeZi shpreson shumë në reflektimin dhe ndryshimin e mënjëhershëm ligjorë të këtij procesi në dhunim të Kushtetutës rë.

**Zero Cool** · 12-07-11, 16:57

“Aleanca Kuq e Zi”: Projektligji i regjistrimit, Kuvendi manipuloi votimin

TIRANE—Lajmifundit—Votimi i projektligjit për regjistrimin e popullsisë dhe banesave është bërë objekt kundërshtie sërish prej Aleancës Kuq e Zi. Kjo e fundit ka shpërndarë foto të asaj çka e cilëson manipulim i votimit në parlament duke pretenduar se deputetët votuar me dy duar çka përbën një skandal të paprecedent të parlamentarizmit. “Dy deputetë që votuan ndodheshin jashtë Shqipërisë. Kolegët e tyre shkelën rëndë Kushtetutën, pasi është pikërisht dokumenti themeltar i shtetit që thotë se vota është vetjake, ndaj ligji do të kontestohet”, tha përfaqësuesi i Aleancës Kuq e Zi.

**Zero Cool** · 19-07-11, 13:09

Aleanca Kuq e Zi denoncon sot, nje nga faktet me skandaloze te zbuluar nga ekspertet e saj per votimin e turpshem te Regjistrimit te Popullsise mbi baza etnike dhe fetare .
Nisur nga keto fakte AK shikon si te vetmen rrugezgjidhje te kesaj ceshtje dergimin ne gjykaten kushtetuese duke kerkuar antikushtetueshmerin e Votimint te Ligjit per regjistrimin e popullsise per shkak te abuzimit me detyren e deputetit dhe shkeljeve te renda te kushtetutes nga 2 deputetet e partis demokratike qe votuan me 2 duar

Votimi Ligjit per regjistrimin e popullsise 07.07.2011! Lefter MALIQI ka VOTUAR megjithese del nga Shqiperia me 01.07.2011 dhe hyne ne 12.07.2011

Votimi Ligjit per regjistrimin e popullsise 07.07.2011! Dezim DIBRA ka VOTUAR megjithese del nga Shqiperia me 19.06.2011 dhe akoma nuk eshte kthyer!

**Zero Cool** · 20-07-11, 13:28

Aleanca Kuq e Zi në Tetovë: Një komb, një pasaportë

Aleanca Kuqezi ka shtrire deget e saj edhe ne Maqedoni, duke u prezantuar me nje takim te zhvilluar në qytetin e Tetovës. Në këtë takim morën pjesë dhjetëra intelektualë të Shqipërisë dhe Kosovës, të cilët diskutuan për nismën më të re të Aleancës Kuqezi “Një komb, një pasaportë”.

Sipas kryetari i “Illyricum Libertas”, Valon Kurtishi, shqiptarët kanë nevojë për emrin shqiptar pavarësisht se ku jetojnë ata, prandaj shteti duhet t’i pajis me pasaportën shqiptare.
“Në kohën kur mijëra shtetas të huaj si italianë, grekë, kinezë, serbë apo afrikanë janë duke përfituar pasaporta shqiptare, është krejtësisht jonormale që shqiptarët etnikë në vendet fqinje të mos kenë një mundësi të tillë”, tha ai.
Zëdhënësi i Aleancës Kuq e Zi, Redi Ramaj uroi që kjo nismë të jetë e mbarë drejt unifikimit të tregjeve të shumta në rajon, duke qëndruar larg tendencave për shpalljen e iniciativës si nacionaliste.
“Vëmë re një mosinteresim nga skena politike. Edhe ata që në fillim kanë përkrah këtë nismë janë shtypur shumë shpejtë për të mos i prishur punë politikës aktuale në Kosovë dhe Shqipëri.”, theksoi Redi Ramaj, zëdhënës i Aleancës “Kuq e Zi”.

**Zero Cool** · 12-09-11, 15:21

Ministri i Jashtem Grek Lambrinidis pritet me vershellima nga AK

**Zero Cool** · 17-09-11, 14:08

Athinë, emigrantët festojnë për vendimin e Kushtetueses mbi kombësinë

Një ditë pasi Gjykata Kushtetuese rrëzoi ligjin e gjendjes civile për kombësinë, emigrantët shqiptarë në Greqi kanë festuar në rrugët e Athinës. Dega e “Aleancës Kuq e Zi” në Athinë informoi se aktivistë të saj, kanë zhvilluar një marshim përreth një orë.
Emigrantët shqiptarë vlerësuan sjelljen e Gjykatës Kushtetuese dhe treguan se mbrojnë vlerat e përbashkëta dhe ndjekin me vëmendje çdo gjë, që ndodhë në Shqipëri.
Gjykata Kushtetuese, ditën e djeshme ka rrëzuar ligjin e gjendjes civile, që përcakton nocionet e kombësisë së qytetarëve dhe procedurat e ndryshimit të saj. Kjo situatë ka sjellë reagimin e menjëhershëm të Aleancës “Kuq e Zi”, përfaqësuesit e së cilës e kanë cilësuar si fitore të së drejtës mbi padrejtësitë kombëtare.