Google Plus

[Zero Cool]

Google Plus është rrjeti i ri social i Google


https://plus.google.com/






Përkundër tentimeve të mëparshme të kompanisë Google për të hyrë në ujërat e rrjeteve sociale, gjasat janë të shumta që ju do ta shpërndani këtë lajm në Facebook ose Twitter, dhe shumë më pak në Google Buzz.
Mirëpo, lansimi i fundit i Google, përkatësisht rrjeti social Google +, synon që ta zgjidh një problem me të cilin janë përballur përdoruesit e rrjeteve sociale që prej fillimit të tyre.

Njerëzit nuk duan që të shpërndajnë gjithçka në rrjetet sociale, si dhe nuk duan që vazhdimisht ta freskojnë listën e tyre të miqve, me të cilët do të mund të ndajnë gjërat e vlefshme.

Nëse e shihni shërbimin e ri të Google, i cili përfshin edhe funksionin Circles, ju do të shihni që plani i gjigantit amerikan të kërkimeve online është që të zgjidhin disa prej problemeve me të cilat përballen njerëzit sot.

Me këtë funksion ata synojnë që listën e miqve ta mirëmbajnë në mënyrë shumë të lehtë dhe spontane, përderisa Hangout, një lloj funksioni i përngjan video-konferencave të pandërprera, është menduar që të jetë një lloj zgjidhje për të gjithë ne që brengosemi për këtë punë.

Për më shumë, Google e ka integruar edhe një funksion të ri në rrjetin e saj social, i cili quhet Spark, i cili funksionon ngjashëm sikurse RSS për lajme dhe risi nga faqet e ndryshme, i cili nuk ka nevojë të aktivizohet.

Pas shërbimeve si Wave, Buzz, Plus 1, duket se ky është hapi më serioz i kompanisë Google në këtë drejtim, mirëpo mbetet të shihet nëse kësaj radhe do të jetë e suksesshme.

Nëse dëshironi që të jeni të parët që provoni projektin e ri të Google, atëherë klikoni në https://plus.google.com/

[Zero Cool]

u tranu google e hajt

[Zero Cool]

Me debutimin e saj gjatë kësaj jave, Google +, rrjeti më i ri social i kompanisë Google, pashmangshëm krahasohet me Facebook.

Bazuar në atë që Google ka postuar në lidhje me rrjetin e saj social në internet, tashmë janë krijuar disa përshtypjet fillestare.

Google + riprodhon disa prej mjeteve më të popullarizuara Facebook, por shton një funksion të veçantë: video-komunikimin, i cili ende mungon në Facebook.

Google i referohet shërbimit të saj me video me emrin Hangouts. Disa miq të mund të bashkohen në një vend, dhe të komunikojnë me ueb-kamerat e tyre në blloqe të ndara përgjatë pjesës së poshtme të dritares.






Kutia e kryesore e videos e shfaq personin që flet më së shumti, ose më me zë, gjatë gjithë kohës. Hangouts gjithashtu mund të integrohet me YouTube.

Me Hangouts, Google + ka të paktën një avantazh teknologjik ndaj Facebook. Por ambiciet e kompanisë Google nuk synojnë tejkalimin e Facebook-ut menjëherë.

Google ka krijuar pengesa për aprovimin e llogarive të reja, ashtu siç ka bërë me disa nga produktet tjera të saj, duke lejuar fillimisht vetëm njerëz të cilët kanë qenë të ftuar nga miqtë e tyre për të përdorur Google +.





Google + gjithashtu ka një funksion special për foto, në të cilat vendos mundësi të mira për përdorimin e tyre me telefonat e mençur. Për shembull, fotografitë e marra nga një telefon Android mund të hidhen automatikisht në një folder privat online, diçka e ngjashme me iCloud të Apple.

Seksioni Circles në Google + është pothuajse funksion i ngjashëm me listën e miqve në Facebook.





Çdo përdorues mund të organizojnë miqtë në kategori dhe njëkohësisht të kufizojë se cili grup e shikon cilin, në profilin e tij.

Me Circles, përdoruesit munden të dërgojnë mesazhe të caktuara për një grup të veçantë të miqve, siç janë vëllezërit e motrat ose miqtë e afërt, porosi këto të cilat ata nuk do të dëshironin t’i ndanin me pjesën tjetër të miqve ose pjesën tjetër të kontakteve.

Google + Huddle, është funksion i ngjashëm me Facebook Messages apo Groups që janë në këtë rrjet social.

Nëse keni pasur rastin të shihni ndonjërën nga prezantimet e Google +, na tregonis e çfarë mendoni, apo nëse besoni se rrjeti i ri social i kompanisë Google do të mund ta tejkalojë atë të Mark Zuckerberg, në të cilin shumica prej nesh jemi anëtarë.

[Zero Cool]

Zuckerberg në Google Plus





Gazetarët e teknologjisë nuk janë të vetmit që kanë marrë qasje të hershme në rrjetin më të ri social të Google, i cili quhet Google +.

Një gjë e tillë i është mundësuar edhe drejtorit ekzekutiv të Facebook, Mark Zuckerberg, i cili me sa duket e ka pranuar ftesën e Google për të qenë njëri ndër anëtarët e parë të këtij rrjeti social.

Sipas Forbes, ai nuk është shumë i lumtur për llogarinë e tij të re në këtë rrjet social. Fotografia e profilit të tij është bërë përmes një ueb-kamere e cila duket shumë më ndryshe nga ajo që ai ka në rrjetin e tij, Facebook.





Kjo vërehet menjëherë pasi që në profilin e tij ai nuk ka plotësuar shumë gjëra. Në të, thuhet se ai është mashkull, dhe punon në zonën teknologjike, Palo Alto, ndërsa për të gjithë ata që nuk e njohin, ai ka thënë vetëm “unë krijoj gjëra”.

Në rrjetin më të ri social, Zuckerberg është miqësuar me një numër të madh të stafit të tij që janë poashtu anëtarë të Google +, ndërsa qëndrimi i tij aty nuk është për tu habitur, pasi që ai ka një llogari edhe në Twitter.

[Zero Cool]

Anderson: Google + mund të kalojë Facebook





Themeluesi i një prej rrjeteve të para sociale dhe ndër më të suksesshmet “My Space”, Tom Anderson, deklaron se Google + ka mundësinë të realizojë dëshirën e tij të dikurshme, të ndërtojë një rrjet me të vërtetë social, dhe të kalojë Facebook.


Anderson mendon se për të realizuar këtë, Google, ndryshe nga Facebook dhe Twitter, e ka të gjithë infrastrukturën e nevojshme video, audio, photo dhe eksperiencën e duhur për këtë.

“Vizioni im për My Space ishte që gjithçka duhej të ishte sociale, dhe u mundova të ndërtojë një gjë të tillë, me mundësitë dhe kapacitetet mendore që ekzistonin. Kjo na bëri të suksesshëm për një kohë të gjatë. Pastaj erdhi Facebook, një rrjet edhe më social se i yni. Tashmë e ka rradhën Google +. Çdo rrjet bëhet më i ndjekur dhe më i dobishëm kur ai është sa më shumë social.”, - tha Tom Anderson.

Themeluesi i “My Space”, shiti rrjetin e tij social për 35 milion dollar në vitin 2009, pasi ky i fundit u zhvendos në vend të dytë nga Facebook.

[Zero Cool]

Google ndërpret bashkëpunimin me Twitter





Prezantimi i rrjetit të ri social Google +, ka bërë që gjigandi motorrik të mos zgjasë më kontratat me rrjetet e tjera rivale. Rasti më i fundit ka qënë ndalimi i bashkëpunimit me Twitter.


Google njoftoi se me mbarimin e kontratës, ndërpreu edhe funksionin e kërkimit në kohë reale, që i lejonte këtij të fundit të gjente edhe azhornimet e sapo postuara të personave në Twitter.

Ndërsa falenderoi dhe vlerësoi bashkëpunimin për një periudhë 2-vjeçare me rrejtin social, zëdhënësi i Google tha se, ky shërbim do të kthehet në të ardhmen, duke nënkutuar se ai do të vijë për përdoruesit së bashku me rrjetin më të ri social Google +.

[Zero Cool]

Facebook bëhet me Video-chat





Gjiganti i medias sociale, Facebook ka nisur ta ndjejë frikën nga Google +. Disa ditë pasi që Google nisi testimin e projektit të ri, Facebook njoftoi se në partneritet me Skype, do të nis shërbimin e Video-chat.

Pritet që ikona e video-chati-it të paraqitet në hapësirën e chatit aktual. Lajmin e bëri publik njeriu i parë i Facebook Mark Zuckerberg, që gjithashtu zbuloi se faqja e tij tashmë ka mbi 750 milionë përdorues.

Për momentin, Facebook do të ofrojë vetëm Një në Një video, dhe jo në grup siç ka Google +, e që quhen Hangout. Kjo nuk është hera e parë që Facebook e Skype bashkëpunojnë, dhe sipas Zuckerberg më vonë mund të shtohen të tjera mundësi video që ofron Skype.

[Zero Cool]

Google +: Mbetëm pa hapësirë në disk!






Shumë përdorues të Google + kanë pranuar një sasi të madhe të njoftimeve nga shërbimi i tyre në pasditen e së djeshmes, ndërsa tani drejtori i rrjetit më të ri social të Google, Vic Gundotra ka një shpjegim për këtë.


"Për rreth 80 minuta ne mbetëm jashtë hapësirës për ruajtjen e të dhënave në diskun që mban gjurmët e njoftimeve," shkruan Gundotra në Google +.

"Prandaj sistemi ynë vazhdoi të provonte dërgimin e njoftimeve, vazhdimisht dhe pa pushim". Duket se përdoruesit janë afektuar në mënyrë direkte nga ky problem.

“Kam marrë një numër të madh të mesazheve të njëjta, të cilat janë përsëritur më shumë se 40 herë. Në iPhone-in tim, megjithatë, kam marrë shumë njoftime nga Google +, të cilat më kanë shkaktuar kokëdhimbje, pasi që kam pranuar më shumë se 41 mesazhe individuale, të cilat kanë qenë të përsëritura” ka thënë një përdorues i rrjetit social të Google.

"Ne nuk prisnim që Google + të jetë kaq shumë i kërkuar, dhe gjithashtu nuk mendonim se kaq shpejtë do të arrinim në këto maja. Por, ne duhet ta kishim menduar një gjë të tillë”, shtoi Gundotra.

Në të vërtetë, duket e çuditshme se si një kompani si Google, me burimet financiare të cilat duket të jenë pafund, të pengohet nga një çështje kaq e thjeshtë, sa mungesa e hapësirës ​​në diskun për ruajtjen e të dhënave.

[Zero Cool]

Google + bën 5 milionë anëtarë!





Rrjeti më i ri social Google +, filloi më 27 qershor të këtij viti, dhe tani për pak ditë i njëjti ka arritur të grumbullojë më shumë se 5 milionë përdorues.

Krahasuar me rrjetin më të madh social – Facebook.com kjo nuk mund të thotë asgjë, por për Google kjo shifër është interesante, pasi që i sjell kompanisë 20 miliardë dollarë më shumë

Më 27 qershor, ditën kur është lansuar rrjeti i ri social i Google, aksionet e kompanisë ishin me vlerë prej 482,80 dollarë, ndërsa vetëm disa ditë më vonë, përkatësisht më 7 korrik, ato kanë arritur një vlerë prej 532 dollarëve, raporton TechChurch.

Këto ndryshime në vlerën e aksioneve të kompanisë, si dhe rritja me shpejtësi marramendëse e numrit të anëtarëve, e heq dilemën e kompanisë, nëse ky projekt ia ka vlejtur.

Në çdo rast, duhet pasur parasysh se Google + është ende në fazën beta, ndërsa mbetet të shihet nëse Google do të dijë të gjindet kësaj radhe në garën për sa më shumë popullaritet në mesin e rrjeteve sociale.

[Zero Cool]

Google+ arriti në 10 milionë përdorues?






Google+ ka 10 milionë përdorues, me 2.2 milionë përdorues të rinjë vetëm 34 orët e fundit, thotë Poll Alen i cili me një metodologji interesante llogariti përdoruesit në rrjetin më të ri social. Ai duke shfrytëzuar regjistrimin e popullsisë amerikan kishte krahasuar mbiemrat nga regjistrimi i popullsisë me ato në rrjetin social, për të arritur deri tek përqindja e shtetasve amerikan në Google+. Ai llogariti se ka 2.12 përdorues jo-amerikan për çdo amerikan, duke ardhur kështu në një numër prej 9.5 milionë përdorues.

Kjo ishte para 24 orëve. Marrur parasysh se rrjeti është në rritje të shpejtë, Google lehtë mund të kalon 10 milionë deri në fund të ditës(nese tash më nuk e kaluar). Numri duket edhe akoma më interesant nëse dihet se rrjeti nuk është publik, më sakt funksionon me ndihmën e ftesave(ang. invites), dhe këto ftesa dërgohen vetëm kur Google të lejojë që vetë përdoruesit të dërgojnë deri tek përdoruesit tjerë për tu kyqur në rrjetin. Kjo puna e “ftesave” është sepse Google+ akoma është në fazën e testimit.

Megjithatë, për shkak që flasim për Google, një kompani e cila ka mbi 1 milijardë vizita në muaj, me shërbime si Gmail dhe qindra milionë përdorues, 10 milionë mund të mos na duken edhe aq impresive. Gjithashtu na mbetet të potencojmë se konkurenti kryesor Facebook ka 75 herë më shumë përdorues se Google+, dhe ky lajm mund të mos na duket shum argëtuese për tu lexuar. Por mos të harrojmë se Google+ është lëshuar vetëm para 1 muaji, në funksion.

Kur jemi tek tema e Google+ dhe Facebook, ja një infografik interesant nga Technobombs për dallimet në mes dy rrjeteve sociale.

[Zero Cool]

Google + më i mirë se Facebook?







Ndonëse ka vetëm dy javë që ka dalë në qarkullim, dhe ka shërbim të kufizuar, interesimi për Google + ka qënë shumë i madh, ndërsa deri më tani raportimet flasin se numri i përdoruesve po i afrohet 10 milionëve.


Por në fakt, anëtarët e këtij rrjeti të ri social, ndihen të kënaqur me Google + dhe arësyeja e vetme që japin është e thejshtë: Sepse është më social se Facebook.

Një ndër pika e forta të Google + është se të jep mundësinë që të klikosh aplikimi Path, që do të thotë se numri i miqve të tu, nuk kalon më shumë se 60 persona, pra ti mund të lidhesh vetëm me ata që njeh realisht në jetën e përditshme. Brenda këtij Path-i, ju mund t’i ndani me rrathë miqtë tuaj duke i kategorizuar ata, në: Miq, Famile, Punë etj... Në një farë mënyre këtë e ofron edhe Facebook, por ajo që e karakterizon Google + është organizimi dhe përpikmëria.

Një tjetër pikë e fortë, është komunikimi video. Edhe Facebook e aplikoi këtë opsion duke bashkëpunuar me Skype, por ajo që i mungon është video-komunikimi në grup, të cilën Google + e ofron përmes rrathëve. Në këtë mënyrë, në internet ju mund të zhvilloni një mini video-konference, të shkëmbeni ide, të debatoni apo edhe të ndani ngjarjet e ditës.

Mesa duket mbretëria e Facebook, po nisë të bjerë. Ka filluar të shfaqet triumfi i rrjetit të ri Google +.

[~AnnA~]

Si duket Google Plus do ja kaloje Facebook-ut....

[Zero Cool]

Zyrtare: Google + bëhet me 10 milionë anëtarë






Më herët gjatë kësaj jave, ishin publikuar disa thashetheme të cilat thoshin se rrjeti më i ri social, Google +, ka arritur në 10 milionë anëtarë.

Drejtori ekzekutiv i kompanisë Google, Larry Page, e ka konfirmuar lajmin, duke thënë se tashmë rrjeti i tyre social ka arritur në 10 milionë anëtarë.

I janë dashur vetëm dy javë kompanisë Google, përkatësisht Google +, të arrijë në këtë numër të anëtarëve.

Duke e marrë parasysh, që Google + ka vendosur kufizime për anëtarësim në rrjetin e saj social, kjo shifër është më shumë sesa mbresëlënëse.

Për më shumë, drejtori i Google, Larry Page, ka thënë se 10 milionë përdoruesit e Google + shpërndajnë më shumë se 1 miliardë postime në ditë, dhe gjatë kësaj fundjave tema rreth Google + ka marrë pjesë me më shumë se 35 për qind të totalit të cicërimave në Twitter.

[Zero Cool]

Google + përjashton përdoruesit me emra të rremë






Vetëm pas tre javësh në treg, Google + ka treguar një tjetër opsion të paparë ndonjëherë në rrjetët ekzistuese sociale. Punonjësit e policisë në këtë rrjet, kanë përjashtuar të pakëtn gjashtë persona të cilët ishin regjistruar me emra të rremë.


Lajmi është konfirmuar edhe nga zyrtarë të Google, të cilët sqarojnë se kjo masë është marrë pasi profilet e hapura në Google kanë për qëllim të jenë publike, në mënyrë që të ndihmojë në lidhjen më të lehtë mes miqve. Për të realizuar këtë Google tregon se përdoret gjurmuesi i fotografive ose krahasuesi i të dhënave me rrjetet e tjera sociale.

Por ndonëse në dukje një lajm i mirë, shumë përdorues kanë ngritur shqetësimin për cënimin e tyre të privatësisë. Ata thonë se përdoruesit duhet të jenë ata që të përcaktojnë se me çfarë emri apo të dhënash duan të rregjistrohen, për të hapur një faqe të re.

[Zero Cool]

Google + shënon 20 milionë përdorues


Kompania Google shënon një tjetër sukses, ndërsa rrjeti i saj social Google + ka regjistruar mbi 20 milion përdorues, vetëm pas tre javësh nga prezantimi zyrtar.


Lajmi është konfirmuar nga e përjavshmja “Wall Street” e cila citon burime të saj konfidenciale brenda Google. Rritja me dhjetë milionë përdorues, shihet nga ekspertët si mjaft e madhe, pasi ajo është arritur vetëm në një javë.

Me këto ritme, rrjetet e tjera socilae Facebook, Twitter dhe Linked duhet të qëndrojnë sy e veshë dhe të rrisin performacën e tyre, pasi ka gjasa që brenda një kohe afatshkurtër Google + të kthehet në një kërcënim serioz për ta.