Tre shpërthime në Egjipt, vriten 22 njerëz

[Kalt]

Shpërthimet me eksploziv, në qendër të qytetit Dahab, të frekuentuar nga turistët. Rreth 150 të plagosur

Gazeta Shekulli


EGJIPT- Të paktën 22 njerëz mbetën të vrarë dhe shumë të tjerë u plagosën gjatë tre shpërthimeve të eksplozivit në qytetin egjiptian të Dahabit. Shpërthimet ndodhën në qendër të zonës së frekuentuar nga turistët, rreth orës 17: 15 minuta të pasdites së djeshme, në kohën që shumë njerëz ndodheshin jashtë nëpër lokale apo restorante. Dëshmitarët treguan të tmerruar se kishin parë copëza eksplozivi dhe trupash të ‘fluturonin” nëpër rrugë. Pjesa jugore e gadishullit Sinai, ku ndodhet edhe qyteti i Dahabit është goditur disa herë nga sulmet me bomba. Rreth 60 persona mbetën të vrarë korrikun e kaluar në një sulm të ngjashëm, në Sharm el-Sheikh. Duke iu referuar BBC, policia ka pohuar se më shumë se 20 ambulanca dhe makina policie janë nisur me nxitim drejt zonës së goditur nga sulmet. Ndërsa zëdhënësi i Ministrisë së Brendshme konfirmoi shpërthimet, mbrëmë në darkë. “Ndodhën shpërthime, por panorama nuk është ende e qartë”,-i pohoi ai agjencisë së lajmeve Reuters. Ndërkaq, mësohet se rreth 150 persona kanë mbetur të plagosur gjatë sulmeve të mbrëmshme me bomba. Policia lokale pohoi se shpërthimet ndodhën në qendrën e qytetit, ku ndodhen edhe pjesa më e madhe e bareve dhe restoranteve. Një mjek lokal tha për “Associated Press” se njëri prej shpërthimeve përfshiu edhe një hotel. “Dëgjova tre shpërthime të zhurmshme në një zonë dyqanesh të qytetit. Pas shpërthimeve pashë shumë trupa njerëzish të gjakosur”,-pohoi një tjetër dëshmitar për BBC-në. Dëshmitari shton se policia egjiptiane ishte shumë e organizuar dhe pastroi gjithë zonën e shpërthimit. Dyshohet se pjesa më e madhe e të vdekurve gjatë tre shpërthimeve të djeshme janë turistë të huaj. Sipas BBC, autoritetet egjiptiane kanë zbuluar një grup aktivistësh militantë në Sinai, por nuk kanë dhënë detaje mbi lidhjen e tyre me sulmet e djeshme. Dyshohet gjithashtu se i njëjti grup është përgjegjës për shpërthimet në zonën e Tabas, të ndodhura ato në tetor të vitit 2004, gjatë të cilave mbetën të vrarë 34 njerëz.

25/04/2006

[Kalt]

Zhytesit egjiptiane duke kerkuar ne brigjet e Detit te Kuq per copat e trupave te njerezve, pas shperthimeve te mbremshme.

[Kalt]

[Kalt]

[Kalt]

[Kalt]

[Kalt]

[Kalt]

[Dilaver]

Kajro, 25 prill 2006 (Kosovapress) Koha 09:19

23 vetë, prej tyre 20 egjiptianë dhe 3 të huaj, humbën jetën në një sulm terrorist në Dahab në Detin e Kuq, njoftoi Ministria e Punëve të Jashtme e Egjiptit.






--------------------------------------------------------------------------

Si duket ushtarët e Pjetër Macallungës (40 000 atentatorët vetvrasës që "do të sulmojnë" SHBA-të) e paskan ndryshuar planin!

[Gentiani]

Këto raste tragjike tregojnë se sa pak ose nuk u nevojitet shumë "ushtarëve" të "Pjetër Maçallungës" siç e e shkruajti Dilaveri nga një temë tjetër përkundër 40.000 atentatorëve vetëvrasës.

Viktimat janë, zakonisht të pafajshëm vizitorë, në këtë rast vehtë Egjiptianë! Por kur humb arsyeja, për terroristët nuk luan rol fare se kush janë, çka janë dhe nga vijnë?