Lajme Aktuale....

[Jana]

Putin: SHBA-të e hodhën Rezolutën 1244 në mbeturina

Kryeministri i Rusisë, Vladimir Putin i ka kritikuar shtetet evropiane për lojë të dyfishtë dhe për dëgjueshmëri ndaj Washingtonit, duke thënë se Perëndimi – i cili po e akuzon Rusinë për shkak të njohjes së Osetisë Jugore dhe Abkhazisë - e ka njohur Kosovën duke i shkelur vendimet e Kombeve të Bashkuara.
Në një intervistë për televizionin gjerman ARD, Putin ka thënë se Rezoluta 1244 e Këshillit të Sigurimit - që flet për tërësinë territoriale të Serbisë - është hedhur në mbeturina, ngase Shtëpia e Bardhë ka urdhëruar një gjë të tillë.

"E kanë hedhur në mbeturinë atë rezolutë dhe e kanë harruar fare. Tentuan ta devijonin, por ishte e pamundur, dhe e harruan në tërësi. Pse? Sepse Shtëpia e Bardhë ka urdhëruar kështu dhe çdo gjë është kryer”, ka thënë Putin, duke kërkuar nga vendet perëndimore që të njohin Osetinë Jugore dhe Abkhazinë, pasi sipas tij, “ato nuk dallojnë nga Kosova”.

Kryeministri rus po ashtu ka kritikuar shtetet evropiane për dëgjueshmëri ndaj Washingtonit. Pak para samitit të BE-së për Gjeorgjinë, që do të mbahet më 1 shtator, Putin ka thënë se “nëse shtetet evropiane edhe më tutje vazhdojnë të udhëheqin në këtë mënyrë politikën e tyre, atëherë për çështjet evropiane do të detyrohet të bisedojë me Washingtonit”.

[Lona]

Jana falenderit per zevendsimin-inkuadrimin..hahahaha ...

[Lona]

Qëndrimi i Mali të Zi ndaj Kosovës nuk dallon nga qëndrimi i vendeve të tjera në rajon

Podgoricë, 1 shtator - Çështja e Kosovës nuk është dhe nuk do të jetë kurrfarë pengese për procesin e përshpejtimit të Mali të Zi në institucionet evropiane, ka vlerësuar nënkryetari i Partisë Demokratike të Sociallistëve Svetozar Maroviq. "Qëndrimi i Mali të Zi në lidhje me këtë (Kosovën) nuk dallon thelbësisht nga qëndrimi i vendeve të tjera në rajon", ka thënë Maroviq, për mediat e këtueshme, duke shtuar se edhe Serbia në zgjedhjet e fundit parlamentare ka votuar me shumicë për Serbinë evropiane. Ai ka thënë se shumë diplomatë të huaj kohëve të fundit edhe publikisht presin që Mali i Zi, si një nga anëtaret e ardhshme të BE-së, të ndjekë politikën e shumicës në BE në lidhje me njohjen e pavarësisë së Kosovës. Maroviq ka përsëritur se njohja e Kosovës është në kompetencë të qeverisë dhe beson se do të zgjidhet momenti më i mirë që kjo çëshjte të përcaktohet në mënyrën e cila është në interes të qytetarëve.

Sot në të gjitha shkollat e Kosovës nis procesi mësimor

Prishtinë, 1 shtator Sot pothuajse në të gjitha shkollat fillore dhe të mesme të Kosovës do të procesi mësimor. Ministria e Arsimit, Shkencës dhe Teknologjisë ka bërë të ditur se janë bërë të gjitha përgatitjet e nevojshme për procesin e rregulllt mësimor. Me rastin e fillimit të vitit të ri shkollor MASHT uron që viti i ri shkollorë 2008 2009 për nxënësit dhe arsimtarët e Kosovës të jetë vit i sukseseve të reja, vit i realizimt të planprogrameve dhe rritjes së cilësisë në të gjitha nivelet e shkollimit. Për këtë vit të ri shkllorë MASHT, është kujdesur që në radhë të parë të zgjerojë hapësirën shkollore, të sigurojë tekstet falas për të gjithë nxënësit nga klasa 1dei tek e 5. si dhe për nxënësit e familjeve të dëshmorëve dhe rastet sociale nga klasa 6 deri tek e 9. Urim i veçantë shkon për fatosat të cilët sivjet për herë të parë do të hapërojnë shtigjeve të dijes në Kosovën e pavarur dhe për të cilët MASHT ka përgatitur Abetaren e re ,një libër modern dhe shumë praktik. Ministria premton se që gjatë këtij viti shkollorë do të vazhdojë të realizojë projektin e kompjuterizimit të shkollave, projekt ky që synon modernizim dhe krijim të parakushteve për rritje të cilësisë. Në këtë kontekst MASHT,gjithashtu uronë dhe porositë nxënësit e nivelit të shkollmit të mesëm që nga klasa e 10 të mësojnë dhe mendojnë për Provimin Shtetëror të Maturës i cili në të ardhmen do të jetë vendimtarë me rastin e përcaktimit të tyre për shkollim të lartë. Edhe kryeministri Hashim Thaçi, ka uruar të gjithë nxënësit për fillimin e vitit shkollor, duke e konsideruar betejë të rëndësishme për avancimin e proceseve edukative dhe ngritjen e cilësisë së arsimit në vend. Po ashtu, Ministria e Arsimit, për herë të parë këtë vit, do t'i ndajë tekstet shkollore falas për nxënësit që ndjekin mësimet prej klasës së parë deri në të pestën.

Ministrja e Shëndetësisë e Shqipërisë sot mbërrin për vizitë në Kosovë

Prishtinë, 1 shtator Sot në orët e mbrëmjes për një vizitë dyditore në vendin tonë mbërrin Ministrja e Shëndetësisë e Shqipërisë, Anila Godo, me ftesë të Ministrisë së Shëndetësisë së Republikës së Kosovës. Ministrja Godo do të ketë takim zyrtar me Kryetarin e Republikës së Kosovës, Fatmir Sejdiu ndërsa në prani të Kryeministrit Hashim Thaçi do të nënshkruajë Marrëveshjen me Ministrin e Shëndetësisë së Republikës së Kosovës, Alush Gashin. Marrëveshja mes dy ministrive është thëllim i mëtutjeshëm i bashkëpunimit ndërinstitucional në favor të dy vendeve.

Në luftimet më të reja në Sri Lankë vriten 42 kryengritës

Kolombo, 1 shtator – Në luftimet më të reja me forcat e sigurimit në Sri Lankë janë vrarë 42 kryengritës, kanë bërë të ditur burimet ushtarake, njofton BBCVorld. Në këto luftime, që u zhvilluan në veri të ujdhesës, janë vrarë gjithashtu edhe pesë ushtarë. Tigrat e Tamilit po luftojnë tash 25 vjet për një shtet të ndarë për minoritetin tamil. Në luftime deri tash janë vrarë rreth 70 mijë njerëz.

Hetohet vrasja e pronarit të një faqeje opozitare në internet

Moskë, 1 shtator – Prokurorët në Rusi kanë bërë të ditur se kanë hapur një hetim preliminar pas vrasjes së pronarit të një faqeje opozitare në internet, derisa ishte në arrest. Njoftohet se Magomed Jevlojev është qëlluar pasi policia e kishte ndaluar kur kishte zbritur nga aeroplani dhe pastaj ka vdekur në spital nga plagët e marra. Aktivistët për të drejtat e njeriut kanë kërkuar një hetim të plotë mbi vdekjen e Jevlojevit, i cili thuhet të ketë qenë një figurë udhëheqëse opozitare në Ingusheti.

Nis samiti i liderëve të BE së për krizën në Kaukaz

Bruksel, 1 shtator - Sot zhvillohet në Bruksel Samitit lidhur me konfliktin në Kaukaz. Presidenti francez, Nikola Sarkozi dhe kolegu i tij rus, Dimitri Medvedev, kanë diskutuar përmes një bisede telefonike për "zonat seperatiste" në Gjeorgji. Liderët e 27 vendeve, anëtare do të konsultohen për zgjidhjen e krizës duke përkrahur Gjeorgjinë dhe duke i kërkuar Rusisë largimin e postblloqeve nga territori gjeorgjian si dhe tërheqjen nga pozicionet që i mbante para konfliktit. Burimet nga qarqet diplomatike të BE së bëjnë të ditur se BE nuk do të kërkojë vënien e sanksioneve për Rusinë. Rusia paralajmëron se nëse Perëndimi vazhdon të përkrahë udhëheqjen gjeorgjiane do të bëjë "gabim me përmasa historike". Ministri i jashtëm rus, Sergei Lavrov, ka kërkuar që Gjeorgjisë t'i vihet embargo armësh, derisa të mos zgjidhet një qeveri e re. Sarkozi, i cili aktualisht ka presidencën e radhës në BE, kishte arritur përmes bisedimeve, në mes të gushtit, një plan paqësor gjashtë pikësh mes Moskës dhe Tbilist. Presidenti i Gjeorgjisë, Mikail Sakashvili, i ka drejtuar një apel BE së që të mos lëshojë pe ndaj Rusisë.

[Lona]

Sejdiu: Procesi i demarkacionit mes Kosovës dhe Maqedonisë po ecën mbarë

Prishtinë, 2 shtator - Presidenti i Republikës, Fatmir Sejdiu, në intersimin e gazetarëve për procesin e demarkacionit të vijës kufitare ndërmjet Kosovës dhe Maqedonisë, theksoi se ky proces është duke ecur në rrugë të mbarë. "Më vjen mirë që konstatimet që kemi dhënë, jo paragjykuese, por të analizave që kemi bërë më herët, janë të përputhshme edhe me zhvillimet e mëvonshme", vlerësoi Presidenti Sejdiu.

Mes Kosovës dhe Shqipërisë nënshkruhet një marrëveshje bashkëpunimi në fushën e shëndetësisë

Prishtinë, 2 shtator - Mes Qeverisë së Kosovës dhe asaj të Shqipërisë sot në Prishtinë u nënshkrua një marrëveshje bashkëpunimi në fushën e shëndetësisë. Pas nënshkrimit të marrëveshjes ministrat Alush Gashi dhe Anila Godo theksuan nevojën e bashkëpunimit në të gjithë sektorët shëndetësorë Nga ana e tij, ministri Gashi kërkoi reforma rrënjësore në sistemin e shëndetësisë, ndonëse sipas tij tashmë ka filluar një përmirësim gradual i gjendjes së krizës në shëndetësi. Gashi theksoi se në të dyja vendet nuk është në krizë shëndetësia, por në krizë janë keqpërdoruesit e shëndetësisë. "Problemet janë të ngjashme dhe kjo marrëveshje ka për qëllim bashkimin e energjive të përbashkëta për tejkalimin e kësaj gjendje", tha Gashi. Ndërkaq ministrja shqiptare Anila Godo tha se ekziston një gjendje jo e mirë e shëndetësisë në Shqipëri, ndër të tjera edhe për shkak të buxhetit të vogël. "Diku mund të themi që jemi edhe në krizë... Megjithatë në bisedat tona pikërisht u diskutua kjo që atë buxhet që është i pamjaftueshëm për atë që ne dëshirojmë të arrijmë në fushën e shëndetësisë, si ta bëjmë sa më efikas, të këmbejmë përvojat për një menaxhim sa më të mirë të shëndetësisë", tha znj. Godo. Ministri Alush Gashi njoftoi se së shpejti në Prishtinë qeveria do të organizojë një konferencë ndërkombëtare për sigurime shëndetësore, me qëllim të krijimit të një sigurimi shëndetësor të qëndrueshëm, që do të jetë në harmoni me nivelin e zhvillimit ekonomik të vendit. Ministrja e shëndetësisë së Shqipërisë Anila Godo vizitoi edhe Qendrën Klinike Universitare të Kosovës. Ndërsa në kuadër të vizitës në vendin tonë ajo bëri homazhe tek memoriali i ish presidentit Ibrahim Rugova në Prishtinë dhe tek memoriali i komandanti legjendar Adem Jasharit në Prekaz.

Miliband thotë se Rusia do ketë pasoja për Gjeorgjinë

Londër, 2 shtator - Rusia do të ketë pasoja politike dhe ekonomike për shkak të intervenimit ushtarak në Gjeorgji, me të cilin realizoi një përfitim afatshkurtër, ka vlerësuar shefi i diplomacisë britanike, Deivid Miliband. Moska tash është më e izoluar dhe shumë më pak i besohet se para një muaji, ka shkruar Miliband në numrin e sotëm të gazetës "Irish Examiner". "Ajo shënoi një fitore afatshkurtër ushtarake, por me kalimin e kohës do t'i ndjejë humbjet ekonomike dhe politike. Nëse Rusia vërtetë dëshiron respekt dhe ndikim, ajo duhet ta ndryshojë kursin", ka thënë ai. Miliband ka shtuar se Evropës i duhet gazi rus, por edhe Rusisë i duhen tregu evropian dhe investimet.

Pelosi vë kurorë lulesh në Memorialin në Hiroshima

Hiroshimë, 2 shtator Kryetarja e Dhomës Përfaqësuese të SHBA ve, Nansi Pelosi, ka vënë sot një kurorë me lule në memorialin e bombës bërthamore në Hiroshimë. Ajo është zyrtarja më e lartë amerikane që deri sot e ka nderuar këtë memorial. Demokratja Pelosi u ftua në qytetin e Hiroshimës, i cili u shkatërrua nga bomba bërthamore më 6 gusht 1945, për një takim të kryetarëve të parlamenteve të tetë vendeve më të industrializuara të botës.

Armata pakistaneze thyen boshtin e rezistencës së talibanëve

Islamabad, 2 shtator Armata e Pakistanit thotë se ka pasur sukses në luftimet kundër bazave të militantëve talibanë në kufirin me Afganistanin. Zëdhënësi i armatës, gjeneral Athar Abas, tha se ushtria beson se e "ka thyer" boshtin e rezistencës në rajonin Bajur. Zyrtarët thonë se mbi 500 militantë janë vrarë gjatë operacionit ushtarak disa javësh, kur janë vrarë edhe afro 20 pjesëtarë të forcave të sigurisë, ndërsa30 të tjerë konsiderohen të zhdukur. Qeveria ka shpallur pezullim të operacioneve ushtarake në rajon në shenjë respekti për muajin e Ramazanit, që në Pakistan fillon sot. Zëdhënësi i talibanëve ka thënë se militantët do t'i vazhdojnë sulmet edhe gjatë muajit të Ramazanit.

[Lona]

Topi vlerësoi arritjet e diplomacisë së re kosovare

Tiranë, 3 shtator - Presidenti i Republikës, Bamir Topi priti sot Ministrin e Jashtëm të Republikës së Kosovës, Skënder Hyseni dhe e përgëzoi për punën e tij të suksesshme gjatë gjithë procesit të zgjidhjes së statusit të Kosovës, shpalljes së pavarësisë dhe njohjes nga sa më shumë vende të botës. Presidenti Topi vlerësoi maturinë e klasës politike dhe udhëheqjes kosovare në kapërcimin e sfidave të ndryshme, ngritjen dhe konsolidimin e institucioneve të pavarura demokratike, arritjet e deritanishme të diplomacisë së re kosovare, duke përmendur këtu veçanërisht emërimin e dhjetë ambasadorëve të rinj kosovarë dhe vuri në dukje nevojën e sinkronizimit të të gjithë elementeve diplomatike mes dy vendeve. Nga ana e tij, Ministri Hyseni shprehu mirënjohjen për ndihmesën dhe përkrahjen e mbarë shtetit shqiptar dhe përfaqësueve të tij, që ia kanë lehtësuar shumë punën Kosovës në kapërcimin e sfidave, me të cilat i është dashur të përballet deri më tani si shtet i sapokrijuar. Hyseni përshkroi punën e Ministrisë së Jashtme që ai drejton, procesin e suksesshëm të njohjes nga dyzet e gjashtë shtete të pavarësisë së Kosovës, emërimin e dhjetë përfaqësuesve diplomatikë të saj në selitë ndërkombëtare duke theksuar se Kosova është optimiste dhe krenare për gjithçka ka arritur deri tani. Presidenti Topi dhe Ministri Hyseni, duke folur rreth situatës në Ballkan, ndanë mendimin mbi rëndësinë e intensifikimit të bashkëpunimit të gjithanshëm rajonal si dhe të rritjes së partneritetit të gjithanshëm dyke synuar përmbushjen e objektivave të përbashkëta integruese në familjen e madhe evropiane.

S'ka përzierje të kompetencave të policisë dhe drejtësisë, tha Ivanko

Prishtinë, 3 shtator - Zëdhënësi Aleksander Ivanko në lidhje me harmonizimin e kompetencave mes UNMIK ut dhe EULEX it, mohon të ketë përzierje të kompetencave sa i përket policisë dhe drejtësisë, duke thënë se kjo çështje do të qartësohet në fund të periudhës së tranzicionit. Ai theksoi se mbase do të jetë në gjendje ta shpjegojë këtë më mirë kur të vendoset EULEX i. "Ne ende jemi në periudhën tranzitore. Ende jemi përgjegjës për policinë. Kemi një mandat ekzekutiv lidhur me policinë, ndërsa EULEX i ka mandat mbështetës këshillimor. Por të gjitha çështjet do të kenë përgjigje dhe do të qartësohen gjatë muajve të ardhshëm", tha Ivanko para gazetarëve. Nga ana tjetër zëdhënësi i policisë së Kosovës Veton Elshani tha se menaxhmenti i policisë ka vendosur që ta tërheqë atë nga konferencat e rregullta të UNMIK ut, meqenëse administrata UNMIK u ka bartur kompetencat në polici në shkallën rreth 90 për qind. Ivanko tha se nuk pritet ndonjë takim i shpejt në mes Prishtinës dhe Beogradit, pavarësisht përpjekjeve të UNMIK ut për të vendosur midis tyre, por për momentin nuk ka lëvizje nga asnjëra palë. "Nëse Prishtina e Beogradin dëshirojnë të ulën në një tavolinë, ne do të ndihmojmë me shumë dëshirë. Nëse nuk duan ne do të vazhdojmë të ndihmojmë që ata të gjejnë ndonjë zgjidhje, por nuk ka asgjë të re tash për tash", ka thënë Ivanko. Ivanko nuk shpjegoi nëse në bisedimet eventuale me Beogradin do të përfshihet edhe çështja të tjera.

Në fshatin Polac të Skenderajt vritet Tafil Shabani

Skenderaj, 3 shtator - Dje rreth orës 17:30 min, në afërsi të restorantit "Elita" në fshatin Polac të Skenderajt, Tafil Shabani, rreth 40 vjeçar, nga fshati Kozhicë e Skenderajt, ka mbetur i vdekur si pasojë e një sulmi me armë të zjarrit. Një tjetër person është plagosur ndërsa dy persona të dyshuar janë arrestuar nga policia në vend të ngjarjes. Sipas policisë dy persona, Nj.Mula (1976) dhe B.Hajdini (1988), si të dyshuar për përfshirjen e tyre në këtë rast, janë arrestuar nga policia menjëherë pas rastit të raportuar. Një armë gjysmë automatike e kalibrit 7.62mm, dhe dy revole të tipit TT që besohet të kenë qenë të përfshira në aktin e vrasjes, janë identifikuar dhe sekuestruar nga policia. Në bazë të informatave preliminare të hetuesve policor, mësohet se në këtë rast janë të përfshirë katër persona të cilët pas një mos marrëveshje në mes vete kanë filluar të shtënat. Gjatë këtyre të shtënave, dy persona janë plagosur ndërsa viktimat me plagë të rënda trupore janë transportuar fillimisht në shtëpinë e shëndetit në Skenderaj dhe në Drenas, për t'u transferuar në QKUK Prishtinë. I plagosuri i dytë, R.Shala rreth 32 vjeçar, nga fshati Kopiliq i Ulët, është duke u trajtuar në QKUK Prishtinë. Pjesëtar të policisë së Kosovës, janë duke bërë sigurimin e personit të lënduar pasi ndaj tij është caktuar ndalimi policor me urdhër të prokurorit për hetime të mëtejme. Motivet dhe rrethanat e këtij akti kriminal deri në këto momente janë të panjohura.

Një person vret 6 vetë afër qytetit Sietëll të SHBA ve

Sietëll, SHBA, 3 shtator - Një person ka vrarë gjashtë persona dhe ka plagosur edhe dy të tjerë duke shkrepur breshëri zjarri në një zonë rurale në veri të qytetit Sietëll të SHBA ve, njofton Rojter. Ky incident është më i riu i vrasjeve serike në disa vite të fundit në SHBA. Vrasësi serik është arrestuar pa vështirësi. Ndër të vrarë gjenden edhe një ndihmëssherif dhe dy punonjës ndërtimi. Policia nuk e ka identifikuar ende vrasësin.

Trupat amerikane vrasin gabimisht 6 policë pakistanezë

Islamabad, 3 shtator Trupat amerikane kanë vrarë gabimisht gjashtë pjesëtarë të forcave të sigurimit pakistanez gjatë një patrullimi përgjatë lumit Tigër, në veri të Bagdadit, ka bërë të ditur policia irakiane, njofton BBCVorld. Amerikanët nuk e kanë dhënë numrin e viktimave, por kanë shprehur keqardhje për gabimin.

Jushçenko kërcënon të shpërndajë parlamentin

Kiev, 3 shtator - Presidenti i Ukrainës Viktor Joushçenko ka kërcënuar se do të shpërndajë parlamentin pas kolapsit që pësoi koalicioni pro perëndimor. Në një adresim televiziv Jushçenko tha se do të përdorë të derejtat që i takojnë si president për të shpërbërë parlamentin dhe bëri thirrje për zgjedhje të reja. Ai po ashtu, tha se në parlament po përgatitej një grusht shtet.

[Jana]

Holbrooke: Serbia të kushtëzohet me njohjen e Kosovës
Ish-ambasadori amerikan në Kombet e Bashkuara, Richard Holbrooke, i ka bërë thirrje Bashkimit Evropian të mos pranojë asnjë marrëveshje me Serbinë në kuadër të proceseve integruese në BE, përderisa Serbia të mos e njohë pavarësinë e Kosovës.
Ish-emisari amerikan për Ballkanin, Holbrooke, po qëndron në Prishtinë. Pas takimeve që ka zhvilluar me udhëheqësit e institucioneve qendrore, Holbrooke tha se ndihej shumë i gëzuar që kishte rastin të vizitonte Kosovën e pavarur.

Ambasadori amerikan tha se kosovarët duhet të jenë të kënaqur me faktin se Kosova është njohur tashmë nga 46 vende. “Marrë parasysh diplomacinë agresive të Rusisë kundër pavarësisë dhe njohjes së Kosovës, shifra prej 46 vendeve është shumë e mirë”, u shpreh ambasadori Holbrooke.

Tash, shtoi Holbrooke, "është më e rëndësishmja që Kosova të njihet edhe nga vendet fqinje, sidomos nga Maqedonia dhe Mali i Zi".

Ai tha se presidenti serb, Boris Tadiq, është një demokrat që tash edhe duhet të dëshmohet para se të pretendojë të shtyjë vendin e tij drejt BE-së.

Ambasadori Holbrooke i ka sugjeruar lidershipit të Kosovës që të mos përqendrohet vetëm në numrin e njohjeve, pasi që tani, siç tha ai, është me rëndësi që në Kosovë të ketë një përparim ekonomik.

[Jana]

Sejdiu e Thaçi kundër kushtëzimeve të Maqedonisë

Presidenti, Fatmir Sejdiu dhe kryeministri Hashim Thaçi u shprehën të hënën kundër kushtëzimeve që Maqedonia po i bënë për ta njohur pavarësinë e Kosovës.
Dy liderët kosovarë u angazhuan për përfundim sa më të shpejtë të procesit të demarkacionit të kufirit me Maqedoninë si dhe për thellim të bashkëpunimit më këtë vend fqinjë.

Komentet e liderëve të Prishtinës erdhën pas deklaratave të presidentit maqedonas Branko Cërvenkovski, sipas të cilit Kosova duhet ta njoh emrin kushtetues të Maqedonisë para se Shkupi të marrë vendim për njohjen e pavarësisë

[Jana]

Ministri Hyseni udhëton drejt Arabisë Saudite

Ministri i Punëve të Jashtme të Kosovës, Skënder Hyseni do të udhëtojë drejt Arabisë Saudite, në Jeddah, ku do të ketë një takim pune me sekretarin gjeneral të Organizatës së Konferencës Islamike, Ekmeleddin Ihsanoglu.
Temë e bisedës, siç bëhet e ditur në një komunikatë të kësaj ministrie, do të jetë Kosova e pas pavarësisë, procesi i njohjes së shtetësisë së saj, zhvillimet e brendshme në Kosovë, sesioni i 63 i Asamblesë së Përgjithshme të OKB-së etj.

Ministri Hyseni do ta njohë Ihsanoglun me arritjet në Kosovën e pas 17 shkurtit, me ecurinë e procesit të njohjes, duke vënë theksin te kërkesa e Kosovës për njohjen e shtetësisë së saj nga vendet e Organizatës së Konferencës Islamike.

Po ashtu, sipas kësaj komunikate, ministri Hyseni do të kërkojë nga Ihsanoglu përkrahjen e vendeve të Organizatës që ai drejton, në përpjekjet që Kosova do të bëjë gjatë sesionit të 63 të Asamblesë së Përgjithshme të OKB-së për të bllokuar nismën serbe për mendim juridik të ligjshmërisë së shpalljes së pavarësisë së Kosovës.

[Lona]

Ivanoviq thotë se policët serbë është dashur të mbesin brenda policisë së Kosovës

Mitrovicë, 10 shtator - Sekretari i shtetit serb për Kosovën Oliver Ivanoviq ka deklaruar se problemet për shkak të braktisjes së policëve serbë nga policia e Kosovës janë "një nga pasojat e veprimeve të pamatura të ministrit të mëparshëm për Kosovën dhe qeverisë së Serbisë". Ivanoviq thotë se policët serbë është dashur të mbesin brenda policisë së Kosovës, kanë mundur të heqin bexhin e SHPK-së dhe të vendosin dinstiktivin e UNMIK-ut, gjë që sipas tij, gjithashtu ishte një zgjidhje. Ai akuzoi qeverinë e Koshtunicës, për të cilën tha se "ka tentuar që ta bëjë sa më të keqe situatën". "Në Graçanicë kemi pasur mbi 20 policë, vetëm tre ishin shqiptarë, të tjerët serbë. Tani në Graçanicë janë 20 shqiptarë të cilët kontrollojnë trafikun dhe është çështje se kur do të shpërthejë ndonjë incident me pasoja të paparashikueshme", ka thënë Ivanoviq.

Uashingtoni kundër nismës serbe para Gjykatës Ndërkombëtare për njohjen e Kosovës

Beograd, 10 shtator - Ambasadori amerikan në Beograd Kameron Manter tha se SHBA-të nuk pajtohen me nismën serbe që Gjykata Ndërkombëtare e Drejtësisë të shprehet për njohjen e pavarësisë së Kosovës, duke porositur Serbinë se duhet të shikojë drejt së ardhmes e jo nga e kaluara. "Serbia ka të drejtë në mendimin e vet, por ne nuk pajtohemi me kërkesën serbe. Serbia duhet të shikojë drejt së ardhmes e jo nga e kaluara", ka deklaruar ambasadori amerikan për gezetën "Blic". Diplomati amerikan shpreson që Uashingtoni të bindë qeverinë aktaule serbe që të fokusohet në të ardhmen e jo në të kaluarën për të punuar së bashku në afrimin e BE-së. Në konstatimin e gazetarit nëse mesazhi i ambasadorit amerikan është që Serbia ta harrojë Kosovën, Manter tha se "nuk është poenta që të harrohet Kosova, por çfarë duan qutetarët këtu". Ai tha se të gjitha anketat tregojnë se qytetarët serbë duan demokraci dhe jetë të mirë, duke shtuar se "çështja e Kosovës nuk është e para që u bie ndërmend". Në vërejtjen e gazetarit se SHBA-të kanë standarde të dyfishta kur është fjala për Serbinë dhe Gjeorgjinë, Manter tha se "historia e asaj që ka ndodhur në Serbi dhe në Kosovë nuk mund të krahasohet me invadimin rus në Gjeorgji". "Këto janë dy gjëra të ndryshme. Gjithmonë kemi thënë se Kosova nuk është precedent, por është interesant se tani edhe Rusia këtë e thotë. Kosova është rast dhe zgjidhje unikale, për të cilën besojmë se është e drejtë dhe shpresojmë se çon drejt stablitetit në Ballkan, ndërsa ajo që Rusia po bën në Abkazi dhe Oseti të Jugut çon në destabilitet dhe tensione", vlerësoi ambasadori ameikan në Beograd Kameron Manter, i cili u ankua se edhe më tutje ka kontakte të kufizuara me zyrtarët më të lartë të Serbisë.

Në Ditën e parandalimit të vetëvrasjes, në Kosovë për 6 muaj vetëvriten 25 vetë

Prishtinë, 10 shtator - Dhjetë shtatori është Dita botërore e parandalimit të vetëvrasjes. Sipas Organizatës Botërore të Shëndetësisë (OBSH) në botë një tentim vetëvrasjeje ndodh në çdo tre sekonda dhe se në çdo minutë ndodh një vetëvrasje. Sipas vlerësimit të OBSH-së rezulton se më shumë njerëz vedsin me vetëvrasje sesa në konfikte të armatosura. Ndërkaq sipas statistikave të Policisë së Kosovës, në 6-mujorin e parë të vitit 2008 në vendin tonë janë raportuar gjithesej 25 raste të vetëvrasjes dhe 105 tentim vetëvrasjeje. Vitin e kaluar janë regjistruar 58 vetëvrasje. Sipas rajoneve më së shumti vetëvrasje janë shënuar në Prishtinë - 7, në Pejë 4, në Prizren 5, Mitrovicë 5, Gjilan 3, Ferizaj 1. Ndërkaq viktimat sipas nacionalitetit janë: shqiptarë 21, serbë 3, të tjerë 1, ndërsa sipas gjinisë: meshkuj 20, femra 5. Viktimat sipas moshës janë: deri 18 vjeç 1, 18 30 vjeç 4, 30 40 vjeç 3, mbi 40 vjeç 17.

Raporti i Këshillit të Evropës për rrahjen e të burgosurve në burgjet e Maqedonisë

Bruksel, 10 shtator Këshilli i Evropës ka lëshuar një raport të ri ku përshkruhet lidhja me zinxhirë, rrahja e të burgosurve dhe kushtet e mjerueshme në burgjet në Maqedoni. Raporti i Komitetit të Këshillit të Evropës kundër torturës përfshin ankesa nga të burgosurit pas inspektimeve të bëra në tri burgje të Maqedonisë. Raporti u bën thirrje autoriteteve të mos përdorin zinxhirë për t'i mbajtur të burgosurit dhe t'i përmirësojnë kushtet johumane në burgje.

Urdhëri "Nderi i Kombit" për komunën e Postribes në Shkodër

Tiranë, 10 shtator Presidenti i Shqipërisë, Bamir Topi, dekoroi sot me Urdhërin "Nderi i Kombit" komunën e Postribes, në Shkodër, në 62 vjetorin e kryengritjes së parë antikomuniste në Shqipëri. Presidenti Topi shprehu mbështetjen për viktimat e krimeve të komunizmit, të cilët tha ai, ende nuk janë dëmshpërblyer, rehabilituar dhe integruar, siç e meritojnë në shoqërinë demokratike. Kryetarja e Parlamentit, Jozefina Topalli tha se përmes miratimit të ligjit te pastërtisë së figurave, parlamenti do të dënoje krimet e komunizmit, ndërsa ish të përndjekurit politikë shpallën një lëvizje, pikërisht për të nxitur dënimin e këtyre krimeve.

Në Somali vritet anëtari i parlamentit

Baidoa, Somali, 10 shtator - Anëtari i parlamentit somalez, Mohamed Osman Meji është vrarë në një atentat afër një xhamie në qytetin Baidoa, seli e parlamentit, njofton BBCVorld. Për të thuhet se ka qenë aleat i presidentit Abdullahi Jusuf. Ai është anëtari i parë i parlamentit që është vrarë që kur forcat etiopiane kanë shkuar në ndihmë të qeverisë së përkohshme pas përmbysjes së islamistëve në dhjetor 2006.

Deficiti i buxhetit në SHBA arrin në 407 miliardë dollarë

Uashington, 10 shtator Deficiti i buxhetit në SHBA parashikohet sivjet të arrijë një rritje rekorde prej 407 miliardë dollarësh. Ky lajm u bë i ditur në kongresin amerikan. Nga viti i mëparshëm kishte mbetur ende një deficit prej 161 miliardë dollarësh. Për këtë gjendje, autoritetet theksojnë arsyet, si energjia e lartë dhe rritja e çmimit të ushqimeve, kriza në tregun e pasurive të patundshme dhe në tregun financiar. Sekretari amerikan i thesarit, Henri Polson, njoftoi pas marrjes përsipër të dy kompanive Feni Mei dhe Fredi Mek se qeveria e vlerëson këtë hap si masë emergjente për të parandaluar falimentimin e kompanive nga humbjet e miliarda dollarëve nga rënia e tregut amerikan të shtëpive dhe për t'i lejuar ata të mbledhin para për të financuar kreditë.

Një polic gjeorgjian vritet afër postbllokut rus

Tbilisi, 10 shtator Policia e Gjeorgjisë bëri të ditur se një oficer policie është qëlluar për vdekje në afërsi të një posblloku rus në zonën e sigurisë pranë Osetisë së Jugut. Policia tha se oficeri u qëllua në kokë "nga drejtimi i postbllokut rus", por forcat ruse kanë mohuar çdo ndërlidhje me incidentin. Ministria e brendshme e Gjeorgjisë tha se nuk i është përgjigjur zjarrit.

[Lona]

Komuniteti ndërkombëtar dëshiron që në Kosovë të ketë zbatim të plotë të decentralizimit, tha Fejt

Prishtinë, 11 shtator - Qeveria e Kosovës dhe Zyra Ndërkombëtare Civile në Kosovë janë të përkushtuar për zbatimin e procesit të decentralizimit që duhet të fillojë gjatë këtij muaji me krijimin e komunave të reja, pesë nga cilat do të jenë me shumicë serbe. Në takimin e Grupit përkatës ndërministror u tha se zbatimi i plotë i procesit të decentralizimit, i paraparë në planin e Marti Ahtisarit, e radhit Kosovën krah vendeve më demokratike të botës. Sipas shefit të misionit të BE së në Kosovë, Piter Fejt, për suksesin e procesit të decentralizimit duhet një mbështetje e plotë e qytetarëve nga të gjitha etnitetet. "Komuniteti ndërkombëtar dëshiron që në Kosovë të ketë zbatim të plotë të procesit të decentralizimit. Decentralizimi është mënyra më e mirë që qytetarët të realizojnë dëshirat e tyre, mirëpo, që ky proces të ketë sukses nevojitet edhe mbështetja e qytetarëve", tha Fejt. Kryeministri Hashim Thaçi shprehu bindjen në suksesin e këtij procesi dhe theksoi se ai do të jetë në të mirë të të gjitha komuniteteve dhe nuk do të cënojë karakterin unitar të shtetit të Kosovës. Procesi i decentralizimit, tha ai, nuk bën dallime në radhët e komuniteteve në Kosovë, por megjithatë në një masë favorizon pakicat kombëtare. "Këto janë parime në përputhje me Kartën Evropiane për vetqeverisje lokale", tha Thaçi. Ministri i Pushtetit Lokal Sadri Ferati njoftoi për vazhdimin e kontakteve me të gjitha komunitetet dhe rreth 70 përqind e serbëve e pranojnë këtë proces.

Xhons: Për Uashingtonin çështja e Kosovës është zgjidhur

Prishtinë, 11 shtator - "Për Uashingtonin çështja e Kosovës është zgjidhur, prandaj tani duhen prova të progresit ekonomik, në mënyrë që të dëshmohet se Kosova mund të qëndrojë si shtet", tha Stjuart Xhons, zëvendësndihmës i Sekretarit amerikan të Shtetit, gjatë një takimi që pati sot me Presidentin e Republikës së Kosovës, dr. Fatmir Sejdiu. Duke shprehur mirënjohjen e institucioneve dhe të popullit të Kosovës për mbështetjen e gjithanshme që SHBA të i kanë dhënë Kosovës, Presidenti Sejdiu tha se institucionet e Republikës së Kosovës janë të përqëndruara të punojnë me tërë përkushtimin e tyre për zhvillimin ekonomik të vendit, për forcimin e stabilitetit dhe të rendit, në mënyrë që sa më shpejt të arrihen parametrat e nevojshëm për anëtarësim ne BE dhe në NATO. Zyrtari i latë amerikan është takuar sot edhe Kryeministrin Hashim Thaçi dhe ministrin e jashtëm Skënder Hyseni.

Tadiq i shkruan letër të gjitha vendeve anëtare të KB

Beograd, 11 shtator - Presidenti serb Boris Tadiq ka kërkuar nga të gjith anëtaret e Kombeve të Bashkuara mbështetjen për miratimin e rezolutës me të cilën kërkohet një mendim konsultativ nga Gjykata Ndërkombëtare e Drejtësisë në Hagë për legalitetin e shpalljes së pavarësisë së Kosovës. Tadiq në letrën dërguar vendeve anëtare të KB ka theksuar se Serbia në sesionin e ardhshëm të Asamblesë së Përgjithshme të KB do të propozojë miratimin e një projekt rezolute me anë të së cilës nga forumi më i lartë gjyqësor të KB kërkohet "mendim konsultativ". Pyetja është: "A është shpallja e njëanshme e pavarësisë nga ana e institutucioneve të përkohshme vetëqeverisëse në Kosovë në pajtim me të drejtën ndërkombëtar".

Gjermania dërgon 40 vëzhgues në Gjeorgji

Berlin, 11 shtator Gjermania do të marrë pjesë në kuadër të trupave vëzhguese të planifikuara nga Bashkimi Evropian në Gjeorgji me një të pestën e kontigjentit. Dërgimi i 40 vëzhguesve gjermanë do të vendoset në Bundestag, tha kancelarja Angela Merkel. Për konfliktin e ashpërsuar në Kaukaz, Bashkimi Euvopian dhe Rusia kanë rënë dakord që BE të dërgojë këtë muaj në Gjeorgji 200 vëzhgues. Ambasadori rus në NATO, Dimitri Rogosin, ka kërkuar edhe një herë nga Aleanca që të hiqet dorë nga vizita e tyre e planifikuar në mes të shtatorit.

Japonia tërhiqet nga Iraku deri në fund të vitit

Tokio, 11 shtator Sipas të dhënave të ministrit të jashtëm Masahiko Komura, Japonia në fund të këtij viti e përfundon ndërhyrjen ushtarake japoneze për Irakun. Japonia ka të stacionuar në Kuvajt 210 ushtarë dhe avionë transportues, për ushqime, pajisje dhe ushtarë të trupës shumëkombëshe në Irak. Prej vitit 2006, qeveria në Tokio, e cila dy vjet më parë kishte dërguar një kontigjent të vogël të trupave tokësore, kishte marrë pjesë në rindërtimin e vendit. Përfundimi i misionit të Irakut do të thotë edhe një fitore për opozitën, që kishte kundërshtuar stacionimin e trupave japoneze në Irak.

Irani ekzekuton me vdekje fëmijë të mitur

Nju Jork, 11 shtator - Organizata Hjumen Rajts Uoç (Human Rights Watch) bëri të ditur se Irani që nga janari i vitit 2005 ka ekzekutuar 25 nga 32 fëmijët e dënuar me vdekje. Ekzekutimet e tjera janë bërë nga Arabia Saudite, Sudani, Pakistani dhe Jemeni. Organizata tha se këto 5 shtete janë të vetmet shtete në botë, që ende zbatojnë dënimin me vdekje për të miturit që e shkelin ligjin. HRW u kërkoi qeverive botërore, që do të takohen në sesionin e 63 të të Asamblesë së Përgjithshme të OKB së, që të bëjnë më shumë për mbrojtjen e të drejtave të fëmijëve të akuzuar për krime.

[Lona]

Fejt: Program im shpie drejt një autonomie të sebëve

Pragë, 12 shtator - Përfaqësuesi special i BE-së në Kosovë Piter Fejt ka deklaruar se plani që ai po zbaton në Kosovë shpie drejt një shkalle të autonomisë së serbëve të Kosovës. Sipas Radios Evropa e Lirë, Fejt citohet të ketë thënë se autoritetet në Prishtinë po punojnë me përkushtim në realizimin e të drejtave të komunitetit serb, por që duhet të bëjnë më shumë. Sipas fjalëve të tij, për këtë nevojitet një bashkëpunim edhe i Beogradit, dhe të komunitetit serb në Kosovë. "Programi në bazë të të cilit ne punojmë dhe dispozitat të cilave u përmbahemi, do të çonin drejt një shkalle të autonomisë së serbëve në Kosovë, sidomos në shëndetësi dhe në arsim. Në veri të Kosovës mund të jetë një status i tillë në mënyrë që serbët të ruajnë dhe dhe ta mbajnë mënyrën e tyre të jetës, e gjithashtu edhe në zonat e tjera të Kosovës, në jug të Ibbrit", ka thënë Fejt. Ai ka theksuar se autonomia e serbëve "duhet të bazohet në parimin që të përkrahin qeverinë e Kosovës si të veten", andaj "edhe ata do të mund të kenë (të drejta) të vetat".

Ihsanoglu: Kosova duhet të ketë një politikë më aktive

Xheda, 12 shtator - Sekretari i përgjithshëm i Konferencës Islamike, Ekmeledin Ihsanoglu, thotë se Kosova duhet të ketë një politikë më aktive që t'u shpjegojë vendeve islamike dhe arabe më shumë se pse çështja e Kosovës është më speciale dhe pse e meriton pavarësinë e saj. Në një intervsitë për BBC-në Ihsanoglu tha se i përket vendeve të veçanta të vendosin në lidhje me njohjen e Kosovës, duke shtuar se "ata duhet t'u thonë botës myslimane se janë myslimanë dhe jo vetëm të thonë se jemi kosovarë". I pyetur se përpse nuk e kanë njohur më shumë vende islamike pavarësinë e Kosovës, Ihsanoglu tha se "kjo çështje duhet parë nga aspekti i vendeve anëtare". Sipas tij, vendimi këtu bëhet individualisht nga vendet sovrane, "duke u munduar që të kuptojnë mënyrën e arritjes së pavarësisë, pasojat nga ajo e gjithashtu duke patur parasysh problemet e veta si dhe faktorin nëse pavarësia e Kosovës ka krijuar precedentë për raste të tjera të ngjashme". Zyrtar i lartë i Konferencës Islamike theksoi se "ka nevojë për një politikë më aktive të vetë Kosovës që të shpjegojë me shumë pse rasti i Kosovës është special dhe pse e meriton pavarësinë". Gjithashtu nuk duhet harru, shtoi ai, se "si populli i Kosovës që nga viti 1912 pas rënies së Perandorisë Otomane ka vuajtur nga grupe fqinje etnike duke u detyruar që të lënë shtëpitë e veta dhe duke emigruar në vende të ndryshme si Turqia, Siria dhe vende të tjera", duke thënë se bota islamike duket sikur nuk i njeh të gjitha këto fakte.

Në Sofje mbahet sot takimi i ushtarakëve të lartë të NATO s

Sofje, 12 shtator Zyrtarët e lartë ushtarakë të NATO s sot zhvillojnë takimin e tyre, në të cilin do të shqyrtohet gjendja e ushtrisë së Gjeorgjisë, pas konfliktit me Rusinë. Koloneli Masimo Panizi tha se në takimin që mbahet në Sofje të Bullgarisë, do të diskutohet "për zhvillimin e situatës në Gjeorgji dhe për zhvillimet që kanë të bëjnë me forcat e sigurisë" së Gjeorgjisë. Pesë oficerë të NATO s ishin në Gjeorgji këtë javë sipas "mandatit që u ishte dhënë nga sekretari i përgjithshëm i NATO s, për t'i vlerësuar kërkesat e Gjeorgjisë, përfshirë edhe ato ushtarake". I dërguari i Rusisë në NATO, Dimitri Rogozin, kërkoi që aleanca të mos bëjë vizita në Gjeorgji. Në takimin në Sofje, zyrtarët ushtarakë të NATO s do të diskutojnë edhe për Afganistanin dhe Kosovën.

Në përleshjet e aktivistëve të opozitës dhe të pozitës në Bolicvi vriten të paktën 8 vetë

Santa Kruz, Bolivi, 12 shtator – Të paktën tetë vetë janë vrarë, në një kohë kur po vazhdojnë protestat kundërqeveritare të dhunshme në Bolivi, të cilat kanë ngritur tensionet me SHBA-të, njofton Rojter. Aktivistët opozitarë kanë vrarë shtëtë fermerë në rajonin e largët, Pando, të Amazonës. Po kështu është vrarë edhe një punonjës i qeverisë rajonale, që udhëhiqet nga opozita.

Nga një sulm raketor nga një fluturake amerikane pa pilot vriten të paktën 10 vetë në rajonin e Vaziristanit

Islamabad, Pakistan, 12 shtator – Nga një sulm raketor nga një fluturake amerikane pa pilot janë vrarë sot (e premte) të paktën 10 vetë në rajonin fisnor të Vaziristanit, në kufi me Afganistanin, ka bërë të ditur një zyrtar sigurimi, njofton Rojter. Reketimi ndodhi afër qytetit Miranshah.

[Lona]

Mundësitë e bashkëpunimit midis Australisë dhe Kosovës

Prishtinë, 15 shtator - Kryeministri Hashim Thaçi priti sot ambasadorin e Australisë në Vjenë, Petter James Shanon, me të cilin bisedoi për zhvillimet aktuale në Kosovë dhe mundësitë e bashkëpunimit midis Australisë dhe Kosovës. Kryeministri Thaçi ka falënderuar qeverinë dhe popullin e Australisë për mbështetjen e plotë, që ky vend i ka dhënë Kosovës në këtë dhjetë vjeçar, para së gjithash me njohjen e Kosovës së pavarur, sovrane dhe demokratike, vetëm dy ditë pas shpalljes së Kosovës si shtet. "Ka qenë një mbështetje në kuptimin politik dhe diplomatik, por edhe një mbështetje që e diskutuam edhe sot dhe që do të vazhdojë, është edhe mbështetja në kuptimin ekonomik. Do të kemi edhe raporte bilaterale ndërshtetërore, raporte, të cilat do të njohin vetëm avancim të bashkëpunimit", ka thënë Thaçi. Kryeministri Thaçi dhe ambasadori Shanon janë pajtuar për progresin e arritur në Kosovë sidomos për ri konfigurimin , zhvillimin ekonomik. Ndërkaq ambasadori i Australisë në Vjenë, Petter James Shannon tha se vendi i tij do të shikojë mundësinë e rritjes së shkëmbimeve tregtare dhe bashkëpunimit ne fushen e arsimit.

Italia i ofron mbështjetje policisë së Kosovës në luftimin e krimit të organizuar

Prishtinë, 15 shtator - Ministri iPunëve të Brendshme, Zenun Pajaziti priti në një takim pune ambasadorin e Italisë në Prishtinë, Michael Giffoni dhe e falënderoi për mbështetjen e dhënë nga shteti italian në sektorin e tretë të sundimit të ligjit. Ministri Pajaziti e njoftoi ambasadorin italian edhe për të arriturat dhe prioritetet e Ministrisë së Punëve të Brendshme. Ndërkaq, ambasadori i Italisë në Prishtinë i vlerësoi lart arritjet e MPB së, në menaxhimin e situatën e sigurisë pas shpalljes se pavarësisë, si dhe për prodhimin e dokumenteve civile. Po ashtu ambasadori Giffoni ofroi mbështjetje për ngritjen e kapaciteteve për Policinë e Kosovës, me theks te veçantë në luftimin e krimit te organizuar.

BSPK thotë se qeveria duhet të zgjidhë edhe shumë kërkesa

Prishtinë, 15 shtator - Ka një kohë të gjatë që Sindikatat e Pavarura (pjesë e BSPK së që përfaqësojnë punonjësit që punojnë në shërbimet civile të Kosovës) kanë shtruar kërkesat e tyre institucioneve të Republikës së Kosovës. Nëpërmjet një komuniktae, BSPK vlerëson se Qeveria e Kosovës ka bërë një hap në drejtim të zgjidhjes së kërkesave të mësimdhënësve të arsimit parauniversitar, veprim i cili përshëndetet, mirëpo ajo ende nuk ka shtruar në parim zgjidhjen e këtyre kërkesave: rritjen substanciale të pagave të shërbyesve civil, konform me koston e jetesës dhe inflacionin; nivelimin e pagave të shërbyesve civilë të Kosovës; pagesën e shtesave të parapara sipas Ligjit mbi Policinë; kthimin në procedurë të miratimit dhe sigurimin e infrastrukturës përkatëse ligjore:Ligjin e Punës, Ligjin mbi Organizimin Sindikal, Ligjin mbi Grevat, Ligjin mbi Pagat, Ligjin mbi Sigurimin Shëndetësor, Ligjin mbi Pensionet etj.; realizimin e Kontratës Kolektive lidhur me kontratat e punës, përvojën e punës, shujtën, shpenzimet e udhëtimit si dhe përfaqësimin e sindikatës në rastet kur vendoset për të drejtat, obligimet dhe interesat e punonjësve, si në nivel qendror ashtu edhe në atë lokal. Kryesia e BSPK së mbështet fuqishëm kërkesat e Kryesisë së FSSHK së, SHPK së, Sindikatës së Judikaturës, Sindikatës së Administratës si dhe të Shërbimit Doganor të Kosovës që u janë drejtuar institucioneve të Republikës së Kosovës. Këto kërkesa janë legjitime, pasi që gjendja në shërbimet civile dhe në shumë segmente tjera të punëtorëve të Kosovës është e rëndë dhe si e tillë e paqëndrueshme.

Gruevski fton Berishën për 100-vjetorin e Kongresit të Manastirit

Tiranë, 15 shtator - Kryeministri i Shqipërisë Sali Berisha gjatë një takimi në Tiuranë me Zëvendëskryeministrin e Maqedonisë, Abdilaqim Ademi bisedoi për probleme të bashkëpunimit midis vendeve dhe, në mënyrë të veçantë, për bashkërendimin e veprimtarive për përkujtimin e 100-vjetorit të Kongresit të Manastirit. Ademi, në rolin e kryetarit të Komitetit Organizator të Përkujtimit të Kongresit të Manastirit, nga pala maqedonase, e informoi Kryeministrin Berisha për masat e marra nga ana e qeverisë maqedonase për këtë jubile dhe i përcolli Kryeministrit Berisha ftesën e Kryeministrit Gruevski për të marrë pjesë në Akademinë solemne për 100-vjetorin e Kongresit të Manastirit. Kryeministri Berisha e pranoi me kënaqësi ftesën. Kryeministri Berisha e siguroi Zv.Kryeministrin Ademi për mbështetjen e plotë dhe të gjithanshme nga ana e qeverisë së Shqipërisë për organizimin me sukses të festimeve të jubileut të 100-vjetorit të Kongresit të Manastirit, si një ngjarje shumë e rëndësishme e historisë së kombit shqiptar.

Në 2 shpërthime të automjeteve bomba, vriten 12 vetë

Bagdad, 15 shtator - Nga dy shpërthime të njëpasnjëshme të automjeteve bomba, u vranë sot 12 vetë dhe u plagosën 32 të tjerë në lagjen Karrada, në pjesën qendrore të Bagdadit. Nga shpërthimet që ndodhën në intervalin prej disa minutave, i kaploi zjarri mbi 30 automjete. Shpërthimet ndodhën kur sekretari amerikan i Mbrojtjes, Robert Geits erdhi për një vizitë të paparalajmëruar në Bagdad.

Në Indi arrestohen mbi 60 vetë për sulme kundër kishave dhe klerikëve

Nju Delhi, 15 shtator - Në shtetin Karnataka, që gjendet në jug të Indisë, policia ka arrestuar mbi 60 vetë në lidhje me sulmet e turmave gjatë fundjavës kundër kishave dhe klerikëve, njofton BBCVorld. Dhjetëra kisha janë plaçkitur me dhunë nga ana e aktivistëve të grupit radikal hindus Baxhrang Dal, i cili thotë se hindusët në këtë zonë janë konvertuar në mënyrë të paligjshme në krishterim. Muajin e kaluar nga dhunë kundër të krishterëve në shtetin lindor, Orisa, kanë vdekur të paktën 20 njerëz.

Nënshkruhet Marrëveshja për ndarjen e pushtetit në Zimbabve

Harare, 15 shtator - Pas një krize të gjatë në politikën e brendshme në Zimbabve, Robert Mugabe dhe udhëheqësi i opozitës, Morgan Tsvangirai, kanë nënshkruar në një ceremoni festive një marrëveshje për ndarjen e pushtetit. Teksti i marrëveshjes që u arrit me ndërmjetësimin e presidentit afrikanojugor nuk është publikuar ende. Sipas njoftimeve nga Harare, Tsvangirai do të udhëheqë qeverinë. Mugabe 84 vjeçar qëndron si shef i shtetit, por do të ketë kufizime në ushtrimin e postit.

[Lona]

Mali i Zi do të shprehet për njohjen e Kosovës pas vendimit të KB

Podgoricë, 17 shtator - Qeveria e Malit të Zi do të shprehet për njohjen e pavarësisë së Kosovës pasi Kombet e Bashkuara të vendosin nëse do të përkrahin kërkesën e Serbisë që Gjykata Ndërkombëtare Drejtësisë të vlerësojë legalitetin e shpalljes së pavarësisë së Kosovës. Sipas gazetës "Vijesti" të Podgoricës, nëse Asambleja e Përgjithshme e KB diskuton për këtë çështje dhe nëse hedh poshtë kërkesën e Serbisë, qeveria e Malit të Zi do ta njohë pavarësinë e Kosovës në një "perspektivë të afërme". Në rast se Asambleja e Përgjithshme e KB pranon që të përfshihet Gjykata Ndërkombëtare qeveria malazeze me siguri do të presë vendimin e kësaj gjykate, ka thënë një burim i qeverisë malazeze për gazetën "Vijesti". Se nuk ka dilemë që Mali Zi do të njohë Kosovën ka paralajmëruar edhe shefi i diplomacisë malazeze Milan Roqen gjatë kësaj vere si dhee ministri i punëve të brendshme Jusuf Kalamperoviq.

Krasniqi: Nisma serbe në OKB përpjekje e fundit për të parandaluar njohjet e Kosovës

Prishtinë, 17 shtator - Kryetari i Kuvendit të Kosovës, Jakup Krasniqi, ka shfaqur bindjen se Gjykata Ndërkombëtare e Drejtësisë, nuk do të marrë vendim në kundërshtim me vullnetin e popullit të Kosovës për pavarësinë e saj. Në një intervistë për BBC në Krasniqi tha se kërkesa e Serbisë për vlerësimin e ligjshmërisë së pavarësisë së Kosovës synon ta pengojë njohjen e mëtejme të saj, por e cilësoi atë si përpjekjen e fundit të Serbisë për të parandaluar njohjet. Ai theksoi se të gjitha veprimet e institucioneve të Kosovës janë bërë në bashkërendim me faktorin ndërkombëtar. Gjatë vizitës në SHBA, kryeparlmantari Krasniqi pohon se ka biseduar me zyrtarët amerikanë në OKB për nismën serbe për ta vlerësuar ligjshmërinë e pavarësisë së Kosovës. "Me zonjën Rozmari di Karlo kemi biseduar për çështjen e njohjes së Kosovës edhe nga vendet e tjera, por edhe për çështjet që kanë të bëjnë me OKB në. Natyrisht se kemi biseduar edhe rreth përpjekjeve të Serbisë për të nxjerrë një rezolutë në Asamblenë e Përgjithshme, me të cilën kërkohet mendimi i Gjykatës Ndërkombëtare të Drejtësisë". Sipas mendimit të tij, nuk pengon rezoluta e Serbisë, as kërkesa e saj për të shkuar në Gjykatën Ndërkombëtare të Drejtësisë, sepse atë e sheh "si përpjekje të fundit të Serbisë për të penguar njohjen e shtetit sovran dhe të pavarur të Kosovës". Krasniqi gjithashtu tha se zyrtarët amerikanët do të angazhohen që nisma e Beogradit të pengohet "në mënyrë që procesi i Kosovës të ketë rrjedhën normale të njohjes", duke shtuar se kjo varet nga votimi në Asamblenë e Përgjithshme.

Zyra e Presidentit të Kosovës hedh poshtë raportin e Auditorit të Përgjithshëm

Prishtinë, 17 shtator - Zyra e Auditorit të Përgjithshëm (ZAP), më datë 15. 9. 2008, ka bërë publik raportin e auditimit "Pasqyrat Financiare të Zyrës së Presidentit të Kosovës për vitin e përfunduar më 31. Dhjetor. 2007", për të cilin opinioni publik është njoftuar edhe sot nëpërmjet mediave të shkruara. Me qëllim të njoftimit korrekt të publikut, Zyra e Presidentit të Republikës së Kosovës (ZPRK) ka vendosur të bëjë reagim në formë të shkruar, lidhur me të gjeturat dhe rekomandimet e ZAP it, por edhe të keqinterpretimeve të këtyre të gjeturave në disa media të shkruara. Komentet e ZPRK së me dokumentet shtesë që e kundërshtojnë draft raportin e auditorëve të ZAP it, nuk janë marrë për bazë, përpaara se raporti të bëhej publik dhe në këtë mënyrë është thyer kodi i sjelljes profesionale nga ZAP i. Sa i përket disa të gjeturave specifike të përfolura në media, ZPRK ja, bën reagim: 1) Nuk janë bërë shkelje lidhur me shpenzimet telefonike. Sqarimi: Udhëzimi Administrativ Nr. 08/2006 nuk ka të bëjë me ZPRK në, shih Preambulën e këtij udhezimi dhe Rregulloret e punës së Qeverisë nr 1/2005 dhe 1/2007, datë 24. 01. 2007, që dëshmon se ky Udhëzim i referohet ekskluzivisht Qeverisë. Menaxhmenti i lartë i ZPRK së është duke u përpjekur të bëjë reduktime të këtyre shpenzimeve, duke mos cenuar funksionimin e përgjegjësive të stafit politik dhe administrativ të ZPRK së. 2) Nuk janë bërë keqpërdorime në prokurime. Sqarimi: Specifikat e punës në ZPRK, në shumë raste, kërkojnë procedura të përshpejtuara të prokurimeve, të cilat edhe në këto rrethana janë zhvilluar konform LPP 2003/17. Nuk ka shkelje që do të rezultojë në keqëpërdorim të mundshëm të parasë publike. Hapja e ofertave të tenderëve dhe vlerësimi, shpërblimi i kontratës në të njëjtën ditë, nuk paraqet shkelje të ligjit për prokurim publik. Lëshimet e konstatuara nga ZAP, nuk rezultojnë me gabime materiale. Shkaku i lëshimeve teknike në disa prej procedurave të prokurimit menaxhmenti i ZPRK së nuk i ka vazhduar kontratën shefit të prokurimit në Njësinë e prokurimit. ZPRK ja është e përkushtuar të bëjë zbatimin e plotë të gjitha ligjeve të aplikueshme në Kosovë. Ne, po ashtu, jemi të hapur për verifikim të këtyre të dhënave në çdo kohë nga cilido që ka interes.

U hap Asambleja e Përgjithshme e OKB së

Nju Jork, 17 shtator Në Nju Jork është hapur sesioni i 63 të i Asamblesë së Përgjithshme të Kombeve të Bashkuara. Presidenti i ri i Asamblesë së Përgjithshme është Ati Miguel Deskoto Brokman, një prift katolik dhe ish ministër i Jashtëm i Nikaraguas. Ai e hapi sesionin me një fjalim, ku i akuzoi disa anëtarë të Këshillit të Sigurimit se mbështeten në luftën, por nuk i përmendi me emra. Deskoto gjithashtu bëri thirrje që disa kompetenca t'i hiqen Këshillit të Sigurimit dhe t'i jepen Asamblesë së përgjithshme.

Qeveria amerikane shpëton firmën e sigurimeve AIG

Uashington, 17 shtator Qeveria amerikane ka rënë dakord të ofrojë një kredi emergjence prej 85 miliardë dollarësh për të shpëtuar nga falimentimi firmën më të madhe të sigurimeve, Ameriken Internashënal Grup. Banka Qendrore e autorizoi akordimin e kredisë mbrëmë, me mbështetjen e Departamentit të Thesarit. Banka Qendrore tha se kishte arritur në përfundimin se një dështim i pakontrolluar i kësaj firme do të acaronte edhe më tej tregjet e tronditura financiare. Ai tha se qeveria amerikane do të marrë përsipër kontrollin e 79 presje 9 për qind të aksioneve të gjigandit të sigurimeve. Firma AIG ishte në prag të falimentimit si rezultat i humbjeve kolosale në tregun e shtëpive. Në fillim të javës kriza në tregun e kredive bëri që banka e fuqishme e investimeve, Lehman Brothers, të paraqiste dokumentacionin për falimentim. Nëse qeveria nuk do të ishte angazhuar në ndihmë të firmës AIG, edhe ajo do të ishte detyruar të ndiqte të njëjtin shembull. Bankat Qendrore në Evropë, Azi dhe Shtetet e Bashkuara derdhën dje miliarda dollarë në tregjet financiare në përpjekje për të mos lejuar keqësimin e krizës financiare.

Rusia rrit 27 për qind buxhetin për mbrojtjen

Moskë, 17 shtator Rusia do të shpenzojë një shumë mjaft më të madhe parash për mbrojtjen vitin e ardhshëm. Kryeministri rus, Vladimir Putin, njoftoi se shpenzimet për mbrojtjen gjatë vitit 2009 do të kapin shifrën 66 miliardë euro. Kjo përbën një rritje prej 27 për qind në krahasim me periudhën e mëparshme. Putin dhe presidenti rus, Dimitri Medvedev, patën deklaruar pas luftës në Kaukaz se ushtria ruse ka nevojë urgjente për armë dhe pajisje të reja. Veç kësaj Rusia ndihet e kërcënuar nga sistemi i planifikuar amerikan për mbrojtjen nga raketat në Poloni dhe Çeki.

[Lona]

Nënshkruhet Memorandumi i Mirëkuptimit për restaurimin e kullës së Haxhi Zekës

Prishtinë, 17 shtator - Në Leshan të Pejës, në një ceremoni rasti dje u nënshkrua Memorandumi i Mirëkuptimit ndërmjet Ambasadës Amerikane në Kosovë, Ministrisë së Kulturës, Rinisë dhe Sportit, Kryetarit të Kuvendit Komunal të Pejës dhe Organizatës Joqeveritare "Trashëgimia Kulturore pa Kufij" (CHWB) për restaurimin e Kullës së Haxhi Zekës. Nënshkrimin e këtij Memorandumi e bëri ambasadorja e SHBA ve, Tina Kaidanou, Ministri Valton Beqiri, Kryetari i Kuvendit Komunal të Pejës, Ali Berisha dhe drejtori i Organizatës Joqeveritare "Trashëgimia Kulturore pa Kufij" (CHWB), Sali Shoshi. Me këtë rast, ambasadorja Kaidanou theksoi se Qeveria e Shteteteve të Bashkuara është krenare për ndarjen e Fondit të Ambasadorëve për Ruajtjen e Trashëgimisë Kulturore për restaurimin e Kullës së Haxhi Zekës. Ajo theksoi se granti prej 56.352 dollarë do t'i izolojë themelet, restaurojë kulmin dhe muret, si dhe do të instalojë rrymën elektrike dhe ujin, në mënyrë që ndërtesa të jetë në shërbim të komunitetit të këtij lokaliteti për programe arsimore. Këtë restaurim, sipas ambasadores Kaidanou, do ta implementojë OJQ ja ndërkombëtare "Trashëgimia Kulturore pa Kufij" në bashkëpunim të ngushtë me Ministrinë e Kulturës, Rinisë dhe Sportit, si dhe Komunën e Pejës. Ambasadorja gjithashtu nënvizoi se ruajtja e trashëgimisë kulturore mbetet prioritet për Qeverinë e Shteteve të Bashkuara të Amerikës në tërë botën, duke rikujtuar se në Kosovë SHBA të kanë dhënë rreth 300.000 dollarë për restaurimin dhe ruajtjen e shumë monumenteve të trashëgimisë kulturore, përfshirë këtu Bibliotekën e Gazi Mehmed Pashës në Prizren, Kishën e Shën Nikollës në Prishtinë, Muzeun e Kosovës, Kishën Shën Tutiq në Prizren, Muzeun Etnografik në Gjakovë dhe tash Kullën e Haxhi Zekës. Ndërkaq, Ministri i Kulturës, Rinisë dhe Sportit, Valton Beqiri, pasi falenderoi ambasadoren Tina Kaidanou për praninë e saj në këtë ceremoni, theksoi se akti i nënshkrimit të Memorandumit është shprehje e mbështetjes së drejtpërdrejtë morale dhe materiale për traditën, historinë dhe kulturën e këtij vendi dhe, njëkohësisht, shprehje e mbështetjes së politikave kulturore të Ministrisë së Kulturës, Rinisë dhe Sportit, një nga prioritetet e të cilës vazhdon të jetë fusha e trashëgimisë kulturore dhe historike. Më tutje, Ministri Beqiri vlerësoi se një pjesë e rëndësishme e kësaj trashëgimie është edhe Kulla e Haxhi Zekës, restaurimi i të cilës po bëhet falë vullnetit, angazhimit dhe ndihmës materiale të Ambasadës Amerikane në Kosovë, përkatësisht Fondit të Ambasadorëve të SHBA ve. Ai shtoi se Ministria e Kulturës, Rinisë dhe Sportit dhe Qeveria e Republikës së Kosovës e vlerësojnë lart përcaktimin e këtij fondi dhe të Ambasadës Amerikane për financimin e këtij projekti, realizimi i të cilit është, gjithashtu, shprehje e respektit, e konsideratës dhe e përkujdesjes së miqve tanë amerikanë për trashëgiminë kulturore të këtij vendi.

[Lona]

Protestat për Brodecin mund të zgjasin me javë


Protestat në mbrojtje të të dënuarve të Brodecit do të nisin të enjten më 18 shtator në sheshin e qytetit të Tetovës. Protestat do të mbahen nën moton “Të gjithë në mbështetje të brodecasve”, ndërkaq që shkak kryesor i tyre është pakënaqësia nga vendimi gjyqësor dhe gjendja e vështirë me të cilën po përballen ata në burg. “Aspak nuk jemi të kënaqur me gjykimin që iu bë njerëzve tanë. I morën në qafë edhe ata edhe ne, vetëm që tu dilte aksioni i suksesshëm”, tha anëtari i Këshillit të familjarëve të Brodecit, Kadri Dauti. Ai sqaron se së pari kanë formuar Këshillin familjar dhe më pas kanë kërkuar përkrahje nga partitë politike shqiptare dhe Organizatat joqeveritare. “Personat që janë në burgje janë në gjendje tepër të vështirë, ndaj dhe kërkojmë që e gjithë popullata të na përkrahë në protestën e 18 shtatorit”, thotë Dauti, duke shtuar se kjo protestë është vetëm fillimi. Pas saj këshilli iniciues, i cili ka mbështetjen e Organizatave të dala nda lufta, organizatave qytetare dhe partive politike do të mblidhet sërish për të vendosur se si do të veprojnë më tej. Ai nuk përjashton mundësinë që protestat të zgjasin edhe disa javë rresht. “Kur i duhet politikanëve që t’i tregojnë botës se po luftojnë terrorizmin, le të shkojnë dhe le ta bëjnë atë në Pallankë, e jo tek ne”, tha i revoltuar Dauti. Në Këshillin organizativ të iniciuar nga familjarët e Brodecit ka edhe nga një anëtarë nga Organizata e Veteranëve të Luftës së Ushtrisë Çlirimtare Kombëtare (OVL-UÇK), Shoqata e Veteranëve të Luftës (SHVL), Unionet e studentëve të dy universiteteve (USHT dhe UEJL), nga Forumi ndërkombëtar për mbrojtjen e të drejtave dhe lirive të njeriut, Lëvizja qytetare shqiptare, Shoqata e të burgosurve dhe të dëmtuarve politik si dhe partitë politike BDSH, PPD dhe BDK. Protestat do të mbahen të enjten në sheshin e Tetovës me fillim në ora 14-të.

Gruevski kërkon kohë, Ahmeti njohje para 23 shtatorit
lajm


Kryeministri Nikolla Gruevski është duke kërkuar kohë shtesë nga partneri i tij koalicionues Ali Ahmeti për njohjen e pavarësisë së Kosovës, njoftojnë burime partiake. Sipas tyre, Ahmeti nga ana tjetër është duke insistuar me ngulm që njohja e pavarësisë të ndodhë para sesionit të Asamblesë së Përgjithshme të Kombeve të Bashkuara më 23 shkurt. Mirëpo të njëjtat burime” shtojnë se Gruevski ka kërkuar kohë plotësuese për “përgatitjen e terrenit” për njohjen e pavarësisë, me arsyetim se situatën e ka komplikuar “involvimi” i Cërvenkovskit me kërkesën që njohja e pavarësisë të kushtëzohet me pranimin e emrit kushtetues të Maqedonisë. Ata thonë se Gruevski më së tepërmi frikohet nga reagime negative të opinionit maqedonas, pjesa më e madhe e të cilit kur janë në pyetje shqiptarët tradicionalisht mbanë orientim proverb. Megjithatë burime qeveritare paralajmërojnë se Gruevski sipas të gjitha gjasave do të lëshojë pe para presionit të Ahmetit dhe bashkësisë ndërkombëtare dhe Maqedonia së shpejti do ta njohë pavarësinë e Kosovës.
Të martën edhe gazeta greke “Elefterotipia” ka shkruar se Maqedonia së shpejti do ta njohë pavarësinë e Kosovës. Informacionet e këtilla gazeta greke i ka bazuar në burime diplomatike.
Të martën mediat kanë transmetuar informacionet se edhe Mali i Zi është duke i finalizuar përgatitjet për njohjen e pavarësisë së Kosovës.