Lajme Aktuale....

[Llapjani_HH]

Ndihmohen romët të cilëve iu dogj shtëpia në lagjen “2 Korriku, në Mitrovicë

Drejtoria për Mbrojtje dhe Shpëtim dhe ajo për Shëndetësi dhe Mirëqenie Sociale në komunën e Mitrovicës kanë marrë vendim për t’i dalur në ndihmë 3 vëllezërve romë, të cilëve ju kanë djegur shtëpitë të hënën në lagjen “2 Korriku” në Mitrovicë.
Përfaqësuesit e romëve të kësaj lagjeje janë takuar me drejtorin komunal për Mbrojtje dhe Shpëtim, Ylber Durmishi, të cilin e kanë njoftuar se gjysma e 21 anëtarëve të këtyre vëllezërve që kanë jetuar nën një kulm të përbashkët, e kanë kaluar natën në qiell të hapur.
Sipas tyre, ata kanë nevojë për veshmbathje, ushqime dhe strehim. Lidhur me këtë çështje, drejtori Durmishi tha se do të sigurohen pako ushqimore në bashkëpunim me Drejtorinë për Shëndetësi dhe Mirëqenie Sociale, njofton Zyra për informim pranë KK Mitrovicë.

RTK

[Lona]

Obama: Ndryshimi i madh mberriti


Presidenti i sapozgjedhur i Shteteve te Bashkuara te Amerikes, Barack Obama deklaroi para mbeshtesve te tij ne Chicago se agimi i ri i udheheqjes amerikane eshte afer.

"Per te gjithe ata qe duan te shembin boten, ne ju themi se do i mundim. Ne kerkojme paqe dhe siguri dhe do te mbeshtesim te gjithe ata qe kane kete mision. Fuqia jone vjen nga idealet tona, nga liria dhe shpresa e pashuar", u shpreh Obama, ne daljen e pare publike pas zgjedhjes si presidenti i 44-t i Shteteve te Bashkuara te Amerikes.

Ne nje dalje emocionuese para mbeshtetesve, te cilet po e prisnin prej oresh ne sheshe, Obama iu drejtua gjithe popullit amerikan dhe gjithe kombeve anembane Botes se votimi historik i 4 nentorit ishte nje pergjigje e forte se kjo eshte fitorja me madheshtore, ndersa sfida te medha shfaqen ne rrugen e se ardhmes.

"Ndryshimi ka ardhur ne Amerike. Fitorja ju takon juve zgjedhes! E di qe nuk e bete per mua, por e bete sepse kuptuat madheshtine, rendesine e proves qe na pret, per sfidat e medha qe kemi perpara", u shpreh Obama.

Presidenti i ri theksoi se SHBA-ja eshte perballe krizes financiare dhe dy luftrave te medha ne Irak e Afganistan, sfida qe duhet te kapercehen me sukses.

Obama falenderoi familjen e tij, gjyshen e ndjere, krahun e tij te djathte, Joe Biden, si dhe organizatoret e fushates qe e cuan ate drejt fitores historike.



Obama: President i te gjitheve


Ai citoi presidentin Lincoln, kur tha se nuk jemi armiq, por miq. Obama premtoi se do te jete presidenti i te gjitheve dhe do te degjoje zerin e gjithesecilit. “Kam nevoje edhe per ndihmen tuaj dhe do te jem presidenti juaj”, tha ai.

“Po ju kerkoj te me ndihmoni per te ndertuar kete vend tulle pas tulle. Do te jem gjithnje i ndershem me ju, do t’u degjoj, edhe nese do te mendojme ndryshe nga njeri-tjetri. Rruga perpara do te jete e gjate dhe do te kemi nevoje per te qene te bashkuar”, tha Obama./TCH/


Zgjedhja e Obamës vërteton demokracinë në SHBA


Ambasadori amerikan në Shkup, Filip Riker deklaroi se zgjedhja e Obamës për president të ri të SHBA-ve vërteton zhvillimin demokratik të vendit.


Ambasada amerikane organizoi një ceremoni festive në Shtëpinë e Armatës në Shkup me rastin e zgjedhjes së presidentit të ri të SHBA-ve, Barack Obama.

Ai e vlerësoi si ditë historike për SHBA-të dhe tërë globin zgjedhjen e Obamës për president si një nga afroamerikanët e parë për president në SHBA-të.

Ambasadori amerikan riktheksoi vazhdimësinë e marrëdhënieve dhe miqësisë me Maqedoninë. Në këtë ceremoni kanë marrë pjesë personalitete politike të vendit, deputetë, ministra, përfaqësues të shoqërisë civile dhe organizata të tjera të pavarura dhe rinore.

KE: Maqedonia nuk përmbushi kriteret politike


Maqedonia bëri progres të caktuar, por nuk i përmbushi kriteret politike, bëhet e ditur në strategjinë për zgjerim që sot e publikoi Komisioni Evropian.

Zgjedhjet parlamentare në vitin 2008 nuk i përmbushën standardet ndërkombëtare, ndërsa rekomandimet e OSBE/ODIHR duhet të jenë tërësisht të përmbushura, përmenden si vërejtje kryesore në dokumentin e komisionit në Bruksel.
Komisioni ka vërejtje edhe për mungesën e dialogut konstruktiv politik midis partive dhe aktorëve kryesorë politikë, që reflektohet mbi funksionimin e institucioneve politike, por shton se tani janë rritur përpjekjet për forcimin e dialogut politik.
Nevojiten edhe përpjekje plotësuese për përmbushjen e kritereve kryesore për anëtarësim. /makfax/.

[Llapjani_HH]

Doris Pak: Serbia nuk guxon të pengojë BE-në në Kosovë

Berlin, 5 nëntor - Kryetarja e delegacionit të Parlamentit Evropian për Evropën Jugindore Doris Pak ka deklaruar se "Serbisë nuk guxon t'i lejohet që të pengojë BE-në në punën me popullsinë e Kosovës". "Ne kemi ndërmend që me EULEX-in të punojmë në interes të të gjithë njerëzve që jetojnë atje, në radhë të parë të serbëve që atje jetojnë, e kjo është zbatimi në vepër i planit të Ahtisarit dhe të asaj që është në Kushtetutrën e Kosovës", ka thënë Doris Pak për "Dojçe velen".


Komuna e Mitrovicës kërkon të ndërmerren veprime të caktuara

Mitrovicë, 5 nëntor - Kuvendi i Komunës së Mitrovicës në mbledhjen e sotme të jashtëzakonshme, pasi shqyrtoi gjendjen e sigurisë në Komunën e Mitrovicës, nxori disa konkluzione për të ndërmarrë veprime të caktuara. Mes tjerash KK i Mitrovicës kërkon respektimin e rendit dhe ligjit për të gjithë, si dhe garantimin e kthimit të familjeve të zhvendosura përmes formimit të një fondi për rindërtim dhe kthim të qëndrueshëm. Gjithashtu Kuvendi i Komunës konsideron se është e rëndësishme që në këtë fazë secila ministri për pjesën veriore të realizojë nga një projekt kapital për fushën e vet, ndërsa Kuvendi i Komunës dhe institucionet qendrore të vazhdojnë me përpjekjet për realizimin e projekteve të filluara, të cilat kanë për synim kthimin dhe krijimin e kushteve për siguri të të gjithë banorëve të kthyer. Këto konkluzione u janë dërguar udhëheqësve më të laët të vendit dhe përfaqësuesve ndërkombëtarë në Kosovë.


Arrestohen dy doktorë për transplantimin ilegal të organeve

Prishtinë, 5 nëntor - Policia e Kosova dje ka arrestuar Dr.Lutfi Dervishin, urolog, Arban Dervishin, menaxher i klinikës "Medicus" dhe Dr. Tunë Pervorfajn, po ashtu urolog nën dyshimin e transplantimit ilegal të organeve. Po ashtu, në klinikë janë gjetur edhe medikamente me afat të skaduar dhe doza gjaku, të cilave nuk u dihet origjina, ka thënë zëdhënësi i policisë, Veton Elshani. Lidhur me këtë rast policia ka ndaluar një shtetas turk për dyshime se ka bërë tregti duke transplantuar veshka. Sipas zëdhënësit Elshani, në bastisje policia kishte hasur në një shtetas izraelit, për të cilën dyshohej se kishte pranuar veshkën nga shtetasi turk.


BE kritikë Kosovës për korrupsion

Bruksel, 5 nëntor - Komisioni Evropian në raportin e tij vjetor të progresit ka kritikuar Kosovën për praninë e korrupsionit dhe krimin e organizuar dhe se ka bërë pak për të luftuar këtë fenomen. "Korrupsioni është i përhapur gjithandej dhe paraqet problem të madh në Kosovë", thuhet në raport, i cili vë në pah edhe zhvillimin e dobët ekonomik, si dhe strukturat paralele serbe. Edhe vendet e rajonit janë kritikuar për mangësi në sistemin e drejtësisë. Për Kroacinë është thënë se mund të përfundojë bisedimet për anëtarësim në BE në vitin 2009, ndërsa kandidatet tjera duhet të presin më gjatë.

QIK-u

[Llapjani_HH]

Këshilli i Sigurimit diskuton për Kosovën më 11 nëntor

Mbledhja e Këshillit të Sigurimit, kushtuar misionit civil të Kombeve të Bashkuara në Kosovë, që pritej të mbahej në fund të kësaj jave - është caktuar më 11 nëntor, është bërë e ditur të mbrëmë në faqen zyrtare të OKB-së.

Shefi i diplomacisë serbe, Vuk Jeremiq, këtë shtyrje të mbledhjes e ka arsyetuar me faktin se, “nuk janë plotësuar kushtet e Serbisë në lidhje me konfigurimin e UNMIK-ut”. Ai ka thënë se deri më tash nuk është arritur një marrëveshje për plotësimin e kushteve të Serbisë për punën e misionit EULEX në Kosovë – dhe ka përsëritur frazën e njohur serbe se, “ky mision nuk mund ta zbatojë planin e Ahtisaarit, duhet të jetë neutral ndaj statusit, dhe se, duhet të ketë miratimin eksplicit të Këshillit të Sigurimit të OKB-së”.
Në mbledhjen e Këshillit të Sigurimit, ku do të bëhet fjalë edhe për rikonfigurimit e UNMIK-ut, pritet të marrin pjesë shefi i UNMIK-ut, Lamberto Zannier, shefi i diplomacisë kosovare, Skënder Hyseni, dhe homologu i tij serb, Vuk Jeremiq. Ndërkaq, gjatë ditëve në vijim pritet të vazhdojnë bisedimet intensive në relacionin Bruksel-New York-Beograd-Prishtinë, për reformimin e pranisë ndërkombëtare në Kosovë.



Policia shpalli fletarrest për Kryetarin e Komunës së Kaçanikut

Policia e Kosovës ka shpallur fletarrest për Kryetarin e Komunës së Kaçanikut Xhabir Zharkun. Kryetari i kësaj komune dyshohet për veprat penale detyrim e rrëmbim. Operacioni për arrestimin e tij nuk ka përfunduar pasi i dyshuari nuk është gjetur në shtëpinë e tij e as në vendin e punës, dhe dyshohet të jetë jashtë vendit.

Kryetari i Komunës së Kaçanikut Xhabir Zharku në një prononcim telefonik për RTK-në dhe është shprehur se ka 4 ditë që nuk gjendet në vend dhe para se të nisej nuk ka pasur kurrfarë fletarresti. Zharku tha se telefoni i tij zyrtar është i hapur dhe mund të kontaktohet në çdo kohë. Sipas tij ai është njoftuar përmes RTK lidhur me këtë ngjarje, duke shtuar se se nuk është arratisur.

Policia me këtë rast ka arrestuar 4 persona të tjerë po ashtu të dyshuar për veprat detyrim e rrëmbim. Nesim Curri, Arsim Koloshi, Fikri Hasani-pjesëtar i policisë, e Afet Dalloshi janë arrestuar me dyshime të bazuara se në bashkëveprim në vitin 2006 kanë kryer veprat penale për të cilat janë arrestuar. Gjatë bastisjeve që janë bërë në shtëpitë e të dyshuarve, policia ka konfiskuar një sasi të konsiderueshme të armatimit duke përfshirë edhe konfiskim eksplozivi. Një sasi e madhe armatimi dhe eksplozivi është gjetur edhe në shtëpinë e Kryetarit të Komunës, Xhabir Zharku.

RTK

[Lona]

Sipas një ankete, ryshfeti mbron biznesin

Prishtinë, 6 nëntor - Duket paradoksale, por një anketë tregon se nga 550 bizneset e anketuara, gjysma e tyre pohojnë se mënyra e vetme për të mbrojtur aktivitetin afarist është ryshfeti. Rreth 66 për qind e të anketuarve janë përgjigjur në mënyrë të drejtpërdrejtë ose tërthorazi se kanë ofruar ryshfet në të kaluarën, u tha në prezantimin e raportit hulumtues rreth "Ndikimit të korrupsionit në komunitetin e biznesit kosovar", të përgatitur nga Oda Ekonomike Amerikane, mbështetur nga Ambasada amerikane në Kosovë. Në bazë të anketës shihet se nga 550 bizneset e anketuara, 50 prej tyre janë të komunitetit serb, veprimtaria e të cilave zhvillohet tërësisht jashtë sistemit legal institucional. "Përafërsisht gjysma e bizneseve të anketuara besojnë se dhënia mito zyrtarëve është mënyra e vetme që ta mbrojnë efikasitetin biznesor. Të dhënat e mbledhura nga ky hulumtim flasin qartë se dimensioni i korrupsionit është si problem mjaft i madh pasi që 66 për qind e të anketuarve janë përgjigjur në mënyrë të drejtpërdrejtë ose tërthorazi se kanë ofruar mito në të kaluarën", ka thënë kryetraja e OEA, Momoza Kusari Lila.

BE të kushtëzojë Serbinë me pranimin e misionit të EULEX it, thotë Lagendijk

Bruksel, 6 nëntor - Raportuesi për Kosovën në Parlamentin Evropian, Joost Lagendijk ka kërkuar nga Bashkimi Evropian që ta kushtëzojë afrimin e mëtejshëm të Serbisë me BE-në, me pranimin e misionit të EULEX it. "Përparimi i Serbisë në procesin e integrimeve evropiane dhe përmirësimi i bashkëpunimit me Tribunalin e Hagës, janë për t'u lavdëruar - mirëpo, Beogradi nuk guxon të mendojë se qëndrimi i tij ndaj Kosovës dhe afrimi me BE në janë dy çështje të ndara", ka thënë Lagendijk, pas publikimit të raportit të Komisionit Evropian për Ballkanin. "Dokumenti i KE së në mënyrë të butë i bën thirrje Serbisë të jetë konstruktive ndaj Kosovës, derisa qëndrimi i BE së duhet të jetë i qartë: Obstruksioni ndaj misioneve evropiane në Kosovë, nuk do të tolerohet", ka thënë eurodeputeti holandez. "Beogradi edhe më tutje po e pengon shtrirjen e EULEX it në veri të Kosovës. BE nuk guxon t'i lejojë Serbisë të bëjë hapa të mëtejmë drejt anëtarësimit derisa e pengon këtë mision?, ka përfunduar Lagendijk.

Në Maqedoni arrestohen 15 vetë për trafikim me njerëz

Shkup, 6 nëntor - Autoritetet maqedonase thanë se kanë arrestuar 15 persona të dyshuar se kanë organizuar një rrjet të trafikimit me qenie njerëzore. Ministria e Brendshme tha se të 15 tit janë qytetarë maqedonas dhe dyshohet se kanë organizuar trafikimin dhe transferimin ilegal të 64 imigrantëve nga Kina, Shqipëria dhe India. Ministria thase rrjeti po mundohet që të trafikonte imigrantët përmes Greqisë drejt vendeve tjera të BE së.

Izraeli i tërheq vërejtjen Obamës lidhur me Iranin

Tel Aviv, 6 nëntor - Ministrja e jashtme izraelite Cipi Livni tha se gatishmëria e presidentit të sapozgjedhur amerikan për të biseduar me Iranin, në Lindjen e Mesme mund të shihet si shenjë dobësie. Sipas Livnit konceptimi si shenjë dobësie do të ndikojë në përpjekjet për të bindur Teheranin që të heqë dorë nga programet bërthamore. Komentet e shefes së diplomacisë izraelite janë shenja e parë e mospërputhjeve me Obamën, që nga fitorja e tij në zgjedhjet amerikane. E pyetur nëse mbështeste ndonjë dialog me Iranin ajo u përgjigj negativisht.

[Llapjani_HH]

A janë këshilltarët politikë profesionistë, apo njerëz të partive në pushtet ?

Këshilltarët politikë nëpër institucionet e Kosovës, janë njerëz profesionist apo njerëz të partive në pushtet ? Zyrtarët institucional, pretendojnë se stafi i këshilltarëve është më tepër profesional, por kjo hedhet poshtë nga opozita dhe shoqëria civile, sipas të cilëve pretendimet e Qeverisë janë të paqëndrueshme për faktin se stafi i këshilltarëve politikë në masë të madhe është i ndikuar nga partitë në pushtet, ndërsa ekspertiza profesionale nuk është marrë shumë parasysh.
Emrat e shumë zyrtarëve të partive në pushtet LDK-së dhe PDK-së, mund të gjenden ne portalin e Qeverisë së Kosovës, si këshilltarë të zyrtarëve të lartë institucional. Kjo arsyetohet nga zyrtarët e qeverisë me faktin se përveç që janë njerëz të partive, këshilltarët janë edhe ekspertë të fushave të ndryshme.

Zëvendëskryeministri, Hajredin Kuçi, thotë se qeveria aktuale më shumë vëmendje i ka kushtuar profesionalizimit, se sa ndikimit partiak.

“Këshilltarët natyrisht duhet që te kenë preferenca dhe të bashkëpunojnë me individin, por dua të them se në institucione dominon beckgraundi profesional por edhe ai politik”, pohon Kuçi.

Në faqen e internetit të Ministrisë së Shërbimeve Publike, janë emrat e këshilltarëve politik të ministrit, Arsim Bajrami. Aty ndodhet emri i kryetarit të degës së PDK-së në Besianë, Muhamet Latifi i cili ka humbur zgjedhjet lokale. Emrat tjerë të këshilltarëve janë edhe bashkëpunëtorët e ngushtë të ministrit Bajrami, si ligjërues në UP, Visar Morina dhe Xhavit Shala.

Ministri Bajrami e arsyeton zgjedhjen e këshilltarëve me faktin se ministrat janë të lirë të zgjedhin, pasi këshilltarët janë të emëruar politik.

”Ministrat janë të lirë që të zgjedhin stafin politik i cili e formon kabinetin e ministrit. Sa i përket Ministrisë së Shërbimeve Publike unë i kamë katër këshilltarë, tre nga të cilët janë pa parti politike, janë njerëz akademikë, njerëz me tituj shkencor. Njeri prej këshilltarëve është anëtar i PDK-së dhe ai udhëheq planet e ristrukturimit politik”, ka sqaruar ministri Bajrami.

Edhe në faqen zyrtare të Ministrisë së Pushtetit Lokal, në listën e këshilltarëve ndodhen dy emra që për nga përgatitja profesionale nuk kanë të bëjnë shumë me këtë fushë.
Njëri prej tyre është Skënder Zogaj, ish kryetar i Fushë Kosovës, që nuk ishte rikandiduar në këtë post nga LDK-ja, ndërsa me profesion është gjuhëtarë.
Emër tjetër është Murteza Berisha, me profesion jurist, ish drejtor i Departamentit të arsimit në Mitrovicë dhe shok i ministri Sadri Ferati.

Vetë ministri Ferati e përjashton çdo mundësi që ndikimi partiak të ketë qenë përcaktues për emërimin e këshilltarëve.

“Tek ata kam pa një mundësi që të më ndihmojnë shumë në punën time dhe nëpër lamitë që unë kam konsideru se do të kem më tepër nevojë për sferat e tyre“, thotë ministri Ferati.

Raste të tilla të emërimeve të këshilltarëve sipas preferencave politike ka mjaft. Ekzistencën e tyre e konfirmon edhe Lëvizja Çohu.

“Nuk janë marrë parasysh kriteret profesionale të fushës së ekspertizës por janë marrë parasysh kryesisht preferencat politike, të servilizmit dhe kjo është për keqardhje“, thotë Alban Bokshi përfaqësues i kësaj lëvizje.

Por sa ndikon kjo situatë në kualitetin e qeverisjes ?

Kësaj pyetje i jep përgjigje kryeredaktori i të përditshmes Koha Ditore, Agron Bajrami.

“Kjo shihet në realitet dhe të gjitha problemet që i kemi, nuk them se do të ishin zgjidhur në tërësi nëse do të kishim pasur më shumë ekspertë në qeverisje, mirëpo besoj se problemet nuk do të ishin kaq të theksuara po të kishim njerëz të cilët punojnë dhe mendojnë në mënyrë profesionale, se si të zgjidhen ato probleme dhe nëse do të kishin kualitete profesionale për të gjetur zgjidhje profesionale për ato probleme”, thotë Bajrami.

Bajrami si shembull përmend mungesën e një strategjie të qartë qeveritare për të luftuar varfërinë, e cila është shndërruar në problem serioz në Kosovë.

“Edhe me tutje nuk kemi një strategji qeveritare se si të luftohet, si të zbritet ai numër i tmerrshëm prej gati gjysmës së popullsisë, ndërsa strategjitë janë ato që ekspertët duhet t’i punojnë. Kjo na bënë të mendojmë se nuk paska ekspertë të mjaftueshëm, apo të nivelit të duhur për të luftuar apo për të hartuar një strategji si të luftohet ky fenomen negativ në shoqëri“, vlerëson Bajrami.

Edhe partitë opozitare në Kosovë jo rrallë herë i kanë kritikuar institucionet për mungesë profesionalizmi në punë e tyre. Sipas opozitës kosovare kualiteti i qeverisjes aktuale në Kosovë është i dobët. Kjo edhe për faktin se përkatësia politike në shumë raste ka qenë përcaktues për emërime në pozita të ndryshme. /e. bajrami & m. tahirukaj/

RTK

[Llapjani_HH]

Prishtinë, arrestohet serbi, mbante fanelën e Lëvizjes serbe çlirimtare

06/11/2008 - 15:11

• Tre serbë të Kosovës janë ndaluar sot nga Policia kosovare. Sipas policisë menjëherë pas ndalimit është bërë kontrolli i shtëpive i të ndaluarve.

GJILAN- Tre serbë të Kosovës janë ndaluar sot nga Policia kosovare. Sipas policisë menjëherë pas ndalimit është bërë kontrolli i shtëpive i të ndaluarve. Në shtëpinë e dyshuarit Predrag Gjorgjeviç, 31 vjec në fshatin Kufcë e Epërme të Gjilanit, janë gjetur dy pushkë automatike AK-47 dhe armë të tjera e municione si dhe fanela me mbishkrime në gjuhën serbe dhe angleze “Lëvizja Serbe Çlirimtare Antiterroriste Gjithmonë Para të Gjithëve”.
Me vendim të prokurorit, i dyshuari Gjorgjeviç do të mbahet i ndaluar 72 orë, ndërsa dy të dyshuarit e tjerë u liruan.

BalkanWeb.com

[Llapjani_HH]

Arrihet marrëveshja Bruksel – Beograd për sistemimin e EULEX-it në Kosovë

Bashkimi Evropian është i gatshëm që mandati i misionit të tij civil në Kosovë të miratohet në Këshillin e Sigurimit të Kombeve të Bashkuara, ka deklaruar ambasadori francez në Beograd, Jean Francois Terral, vendi i të cilit kryeson BE-në. Ai ka thënë se, përkundër disa pohimeve në Beograd, BE-ja nuk do të kërkojë nga Serbia të njohë pavarësinë e Kosovës. Ndërkohë edhe Pjer Mirel dhe Goran Svilanovic kanë deklaruar se BE ka pranuar kushtet e Beogradit për sistemimin e EULEX-it në Kosovë.
Jemi pajtuar me propozimin që mandati i EULEX-it të miratohet nga Këshilli i Sigurimit, që ai të jetë neutral ndaj statusit dhe se të mos e zbatojë planin e Ahtisaarit, ka thënë Terral. Ai po ashtu ka shtuar se gjatë viteve të ardhshme duhet të gjendet një zgjidhje për çështjen e Kosovës dhe për marrëdhëniet në mes të Beogradit dhe Prishtinës. Kjo, sipas tij, do të marrë kohë, mirëpo, Brukseli konsideron se procesi i integrimeve evropiane, në gjithë hapësirën e Ballkanit Perëndimor, është në tërësi i lidhur për stabilitetin e rajonit.

Ndërkohë, pas takimit të sotëm me nën/kryeministrin e Serbisë, Bozhidar Gjeliuq, edhe drejtori për Ballkanin Perëndimor në Drejtorinë e Përgjithshme për shtrirje të BE, Pjer Mirel ka thënë se Bashkimi Evropian (BE), i ka pranuar kushtet e Beogradit për sistemimin e Misionit të BE (EULEX) në Kosovë –

"BE ka pranuar se sistemim i EULEX-it duhet të miratohet në KS të KB, të jetë neutral ndaj statusit dhe nuk do të ketë lidhje me Planin e Marti Ahtisarit", u ka thënë Mirel gazetarëve pas takimit me Bozhidar Gjeliuqin.

Zotëri Mirel ka shtuar se për këtë shkak është e rëndësishme që të arrihet kompromisi në mënyrë që EULEX-i të sistemohet në Kosovës dhe të jetë i dobishëm për të gjithë banorët e saj.

Ndërkaq Gjeliq, duke iu përgjigjur pyetjes nëse është arritur marrëveshja me Brukselin për sistemimin e EULEX-it, ka thënë se negociatat po zhvillohen nën patronatin e KB dhe se "zgjidhja duhet të gjendet në Nju Jork".

Svillanoviq: BE ka pranuar të gjitha kushtet e Beogradit për sistemimin e EULEX-it në Kosovë

Ndërkohë edhe anëtari i Komisionit ekonomik të KB për Evropën, Goran Svillanoviq, ka konfirmuar se BE i ka pranuar të gjitha kushtet e Beogradit për sistemimin e Misionit EULEX në Kosovë, dhe ka shfaqur shpresën se ky vendim i BE do të konfirmohet javën e ardhshme edhe në KS të KB.

KS i KB do të debatojë më 11 nëntor mbi gjendjen në Kosovë, përfshirë edhe modalitetet e sistemimit të EULEX, por diplomatët në Ist River kanë paralajmëruar edhe mundësinë që anëtarët e këtij trupi më të fuqishëm të organizatës botërore, me pëlqimin paraprak të Serbisë, ta miratojnë kumtesën presidenciale me të cilën do të hapeshin dyert për sistemimin e Misionit të BE.

Marrëveshja ndërmjet Beogradit e Brukselit është arritur pas negociatave të gjata të zyrtarëve të BE dhe autoriteteve në Beograd dhe të dërguarit të posaçëm të KB, Endrju Ledli, shefit të UNMIK-ut -Lamberto Zannieri dhe zyrtarit të lartë të BE, Shtefan Lene.

Negociatat janë zhvilluar rreth gjashtë pikave që i ka përkufizuar Sekretari i Përgjithshëm i KB, respektivisht mbi funksionimin e policisë, doganave, kontrollit të kufirit në veri të Kosovës, trafikut, infrastrukturës dhe mbrojtjes së trashëgimisë fetare e kulturore serbe.

Marrëveshja rreth këtyre gjashtë pikave ka qenë njëri nga katër kushtet që negociatorëve ndërkombëtar ua kanë parshtruar zyrtarët e Serbisë.

Përpos këtyre kushteve, Beogradi ka kërkuar që EULEX, para sistemimit, të marrë "dritën jeshile" nga KS i KB, të jetë neutral ndaj statusit dhe të mos e zbatojë Planin e Marti Ahtisarit.

Javën e shkuar mbi problemet lidhur me EULEX-in kanë biseduar me zyrtarët e Beogradit, Shtefan Lene, Pjer Mirel dhe ministri i Jashtëm britanik, Dejvid Miliband.
/f. musliu/. RTK


Thaçi: Kosova është e vendosur për dialog dhe fqinjësi të mirë me Serbinë

Kryeministri, Hashim Tha1i, tha sot se Kosova është e vendosur për dialog dhe fqinjësi të mirë me Serbinë pasi, siç u shpreh ai, të dyja vendet kanë perspektivë evropiane. Beogradi duhet ta ndryshojë qasjen karshi Kosovës derisa pretendon të ketë politikë pro perëndimore, tha Thaçi në Gjilan ku së bashku me Pieter Faith dhe Sadri Feratin qëndruan për të sqaruar dhe për t’i dhënë mbështetje procesit të decentralizimit.
Duke folur për decentralizimin kryeministri Thaçi tha se Gjilani është lider i këtij procesi të rëndësishëm për Kosovën. Pas takimit me kryetarin e komunës së Gjilanit, Thaçi tha se decentralizimi është i domosdoshëm dhe proces i cili duhet të përcillet me integrime territoriale dhe etnike.
”Decentralizimi është në përputhje me pakon e Ahtisarit, të cilën e ka miratuar Kuvendi Kosovës”, deklaroi Thaçi duke dhënë mbështetjen e plotë të Qeverisë për implementimin e saj.

Përfaqësuesi Civil Ndërkombëtarë, Pieter Faith tha se decentralizmi është ndryshim dhe reformë, i cili është zbatuar me sukses në shumë shtete të Evropës. Decentralizimi nuk bëhet vetëm për serbët, por dobinë e tij do ta shohin të gjithë qytetarët e Kosovës, theksoi Faith.

“Procesi i reformës së pushtetit lokal, apo decentralizimi është mënyra më e mirë për të përmirësuar qeverisjen dhe shërbimet komunale. ICO do të japë përkrahje në implementimin e decentralizimit, i cili do të ndihmojë në krijimin e një klime më të mirë ekonomike për tërë vendin”, ka thënë Fatih.

Kryetari i Gjilanit Qemajl Mustafa, potencoi përparimet e dukshme që janë bërë në këtë komunë në të gjitha fushat e jetës, përfshi këtu edhe procesin e reformës së pushtetit lokal. Ai tha se kjo është meritë e të gjitha subjekteve politike në komunë.

Ndërkaq, Sadri Ferati, ministër i Pushtetit lokal, tha se decentralizim është pretendim i të gjitha pushteteve lokale dhe shtoi se Qeveria do të përkrahë financiarisht dhe politikisht implementimin e këtij procesi.

Kryeministri Thaçi, Përfaqësuesi Civil Ndërkombëtarë Pieter Faith dhe ministri Pushtetit lokal Sadri Ferati vizituan sot edhe komunën e Kamenicës ku po ashtu dhanë mbështetje të plotë qytetarëve dhe kryetarit të Kamenicës për procesin e decentralizmit.

RTK

[Llapjani_HH]

Policia ka arrestuar zyrtarin e lartë të Ministrisë së Shëndetësisë, Ilir Rrecaj

Polica ka arrestuar mbrëmë ish ushtruesin e detyrës së Sekretarit të përhershëm të Ministrisë së Shëndetësisë, Ilir Recaj, për të cilin dje u tha se ishte suspenduar nga posti që mbante në Ministrin ë Shëndetësisë dhe njëkohësisht ishte shkarkuar edhe nga detyra e drejtorit të bordit për licencimin e institucioneve private shëndetësore. Ndërkohë, QKUK- ja ka suspenduar me pagesë mjekët e arrestuar, Lutfi Dervishaj dhe Tunë Pervorfi

Ish ushtruesin e detyrës së Sekretarit të përhershëm të Ministrisë së Shëndetësisë, Ilir Recaj dyshohet se është i involvuar në rastin e skandalit në klinikën private Medicos, lidhur me transplantim ilegal të organeve ku janë arrestuar edhe tre persona të tjerë. Arrestimin e Rrecajt e ka konfirmuar zëdhënësi i Policisë së Kosovës, Veton Elshani.

Po ashtu është bërëë e ditur se QKUK- ja ka suspenduar me pagesë mjekët Lutfi Dervishaj dhe Tunë Pervorfi të cilët janë arrestuar ditë më parë nga policia për siç thuhet transplantim ilegal të veshkave. Kjo ka të bëjë me masat që po ndërmarrin institucionet përkatëse për ndriçimin e rastit të transplantimit të organeve njerëzore në Klinikën private "Medikus" në Prishtinë. RTK


Daci: Nëse EULEX-i trajtohet si mision teknik, s'duhet të përzihet në çështjet kushtetuese

Kreu i Lidhjes Demokratike të Dardanisë , Nexhat Daci, tha sot se nëse Bashkimi Evropian e trajton EULEX-in vetëm si mision teknik, atëherë për LDD-në do të jetë e papranueshme përzierja e këtij misioni në çështje kushtetuese.

Këto komente, kreu i LDD, Nexhat Daci i bëri sot në një konferencë me gazetarë, ndërsa theksoi se fatkeqësisht EULEX-i po shikohet nga dy anë të medaljes.

RTK

[Llapjani_HH]

ORA: Për vendosjen e EULEX-it duhet të pyetet Kosova e jo Beogradi

Partia reformiste “ ORA” adresoi sot një varg kritikash ndaj Qeverisë së Kosovës, për mosefikasitet në ushtrimin e kompetencave të veta. Kryetarja e ORA-së, Teuta Sahatqia, tha se për vendosjen e EULEX – it, duhet të pyetet Kosova e jo Beogradi. Ndërsa raportin e Komisionit Evropian për Kosovën, ajo e quajti shqetësues për vendin duke shtuar se për këtë imazh të Kosovës, ka gisht edhe UNMIK-u.
Për dy top ngjarjet më aktuale javët e fundit në Republikën e Kosovës, Raporti i Komisionit Evropian për vendin tonë dhe shtrirjen e EULEX – it, shprehu qëndrimin sot edhe Partia Reformiste “ ORA”. Për kryetaren e këtij subjekti politik, Teuta Sahatqija, raporti tregon se Kosova është një hap më larg se dje në përafrimin me BE – në. Sahatqija, kritikat i adreson te kryeministri Thaqi. ”Kryeministri ka gojën plotë luftë kundër korrupsionit dhe zero tolerancë ndaj krimit, ndërsa shifrat tregojnë rritje të korrupsionit, të krimit të organizuar, shpërlarjes së parave, trafikimit të drogës dhe qenieve njerëzore, gjë që është mjaftë shqetësuese për popullin dhe vendin tonë:” tha ajo.
Ndërsa për misionin e EULEX – it, Sahatqija, thotë se duhet pyetur Kosova e jo Serbia. “Misioni i EULEX – it apo çfardo misioni tjetër që do të ndodhë në Kosovë duhet
të pyetemi ne e jo të jemi vetëm spektatorë” porosita Sahatqia.
Drejtues të ORA – s premtuan se do të jenë më aktiv në jetën politike të Kosovës. Ata apeluan tek Bashkimi Evropian që Kosova të jetë pjesë e saj në të njëjtën kohë me Serbinë dhe jo Serbia të jetë e para, sepse kjo do të shkaktonte probleme të shumta në këtë aspekt.
RTK


KEK rrit arkëtimin 15 deri 50 përqind

Aksioni i KEK-ut për shkyçjen e konsumatorëve borxhlinj ka ndikuar në rritjen e arkëtimit prej 15 deri në 30 për qind. Por, pavarësisht paralajmërimeve për një aksion të ngjashëm edhe nëpër vendbanimet me shumicë serbe, një gjë e tillë nuk ka ndodhur.
Ministrja e energjisë dhe minierave, Justina Shiroka-Pula, thotë se kjo është çështje politike, që do të zgjidhet së shpejti.
RTK

Po me guxoft shkieve me ja u ndalë rrymën, atyne as nuk guxojn me ju thanë a e keni ndërmend najher me pague. Po këta trimri shesin veq te Shqiptarët e këtyre ja u ndalin rrymën, se me ligj jan t'mbrojtur vetëm shkiet e Shqiptarët jan mësue me hjek dejm.


Arrestime, në pranga ish-komandantë të UÇK-së

08/11/2008 - 16:43

• Policia maqedonase arreston ish komandantin e UCK-së Bekim Dardhishtën si dhe dy shoke te tij. Familjaret janë shprehur të alarmuar se është bastisur me force banesa e tyre nga policia e cila sekuestroi vetëm një automatik. Familjarët e revoltuar dhe dhjetëra ish -bashkëluftëtarë të Bekim Darshishtës mbrëmjen e djeshme hynë në selinë e BDI-së në Shkup dhe kërkuan që funksionaret në qeveri të ndërhyjnë për lirimin e ish komandantit.

RAJON - Gjatë një aksioni policor mbrëmë në Shkup janë arrestuar Miftar Islami- Tali dhe Bekim Dardhishta, ish-komandantë të UÇK-së.

Ministria e Brendshme nuk ka dhënë detaje për këto arrestime, që siç bëhet e ditur janë pjesë e një aksioni të gjërë.

Ndërkohë, familjarë të Miftar Islamit, ish-komandant Talit theksuan se ai ishte arrestuar mbrëmë në afërsi të shtëpisë së tij dhe që më pas e tërë shtëpia është bastisur.

“Ka pasur bastisje në shtëpi nga forca të shumta të policisë, që ndërhynë pa paralajmërim. Nga kjo është shqetësuar edhe fëmijët e vegjël të kësaj familje”, theksoi një familjar i Miftar Islamit për agjencinë e lajmeve INA.

Po ashtu bëhet e ditur në shtëpinë e Miftar Islamit, policia nuk kanë gjetur asgjë.

Miftar Islami menjëherë pas konfliktit të vitit 2001 i është kthyer jetës normale dhe familjare.

Familjarët e Bekim Dardhishtës gjithashtu theksuan se janë të shqetësuar nga ndërhyrja e policisë. “Policia hyri, kërkoi armë dhe gjeti vetëm një pushkë ajrore, një karikator të pistoletës dhe fotografi të luftës. Nuk e dimë përse është arrestuar”, theksoi Nezir Dardhishta.

Pjesëtarët e dy familjeve njoftojnë se kanë informuar edhe partinë shqiptare në pushtet Bashkimin Demokratik për Integrim, e cila ende nuk ka dhënë ndonjë reagim publik.
BalkanWeb

[Llapjani_HH]

Beogradi pohon se janë pranuar kushtet e tyre për Eulexin, Brukseli pa qëndrim të qartë

Qëndrimi aktual i BE-së rreth misionit evropian në Kosovë është i qartë. Kontaktet në mes të BE-së dhe Kosovës po vazhdojnë,madje dhe Eulex-i po ec para në zbarkimin e vet, me qëllimin që të bëhet funksional shumë shpejtë ka thënë dje në një intervistë për RTK-në zëdhënësja e Havier Solanës përfaqësues i lartë i politikës së jashtme për Bashkimin Evripian Kristina Gallak.
Sipas saj fuqizimi i sundimit të ligjit dhe fuqizimi i institucioneve multietnike është në interes të të gjithëve , natyrisht në interes të popullit të Kosovës, por edhe të komunitetit serb dhe të vet Serbisë. Për këtë arsye ne shpresojmë se Beogradi do të përkrah Eulex-in.
Ndërkaq sa i përket komenteve të Pjer Mirel zyrtar i komisionit Evropian i cili ka deklaruar se Be-ja pranon kushtet e Serbisë, ajo është shprehur indiferente ndaj deklarimeve të tij duke ritheksuar qëndrimin e Be-së për misionin e Eulexit në Kosovë .
Ndër të tjera ajo tha se ministrat e Be-së do të takohen të hënën dhe do të japin sinjal shumë të qartë për funksionimin e Eulex-it në dhjetor. Kjo për ne është shumë e rëndësishme dhe po punojmë shumë për këtë dhe jemi të bindur se kjo do të ndodhë.

Ndërkohë, Ministri i Jashtëm serb, Vuk Jeremiq, ka deklaruar se është arritur në parim marrëveshja për çështjen e EULEX-it, njoftojnë agjencitë e lajmeve serbe. Bisedimet për dislokimin e misionit të BE-së në Kosovë janë zhvilluar vetëm me përfaqësuesit e Kombeve të Bashkuara, ka thënë Jeremiq, sipas të cilit, Këshilli i Sigurimit do të deklarohet për EULEX-in ditën e martë.
RTK

Shtefan Leene:Fillimi i punës së EULEX-it mund të shtyhet sërish

Drejtori për Ballkanin Perendimor në Këshillin e Evropës, Shtefan Leene ka tërhequr vërejtjen se fillimi i punës së EULEX-it mund të shtyhet sërish, nëse nuk arrihet marrëveshja në Këshillin e Sigurimit në takimin e javës së ardhshme në Nju Jork.
Shtyrja eventuale e dislokimit të misionit të BE-së, nuk është në dobi të askujt, ndërkaq përderi sa nuk zgjidhet çështja e EULEX-it, Britania e Madhe dhe Gjermania nuk do të votojnë pro fillimit të procedurës që Serbia ta fitojë statusin e kandidatit për anëtarësim në Bashkimin Evropian.
RTK

Shtohet konfuzioni rreth EULEX-it

Këtë herë përgënjështrohet Peter Faith. Brukseli me të vërtet ka pranuar kushtet e Serbisë për misionin EULEX.

08 Nëntor 2008 19:37

Brukseli vërtetë është marr vesh me Beogradin, por jo edhe me Neë York-un. Zyrtarë të Bashkimit Evropian kanë thënë se janë pranuar kushtet e vëna nga Serbia për shtrirjen e EELEX-it në Kosovë, por kanë theksuar se nuk i ka takuar drejtorit për Ballkanin në Komisionin Evropian, Pierre Mirel që të jepte deklarata lidhur me këtë.

Burime diplomatike në Bruksel kan thënë se problemi kryesorë është ndërmjet vendeve të Bashkimit Evropian që e bën më të rëndë dislokimin pa leje eksplicite të OKB-së dhe Beogradit.

Zërat që vijnë nga Brukseli, nuk përkojnë me reagimin që ka bërë përfaqësuesi civil ndërkombëtar në Kosovë, Peter Faith, i cili ka hedhur poshtë deklarimet, se BE-ja është pajtuar me kërkesat e Serbisë për të dislokuar EULEX-in në Kosovë. /kohavision/
Mesazhi.com

[Llapjani_HH]

Nuk është arritur pajtim për gjetjen e ndonjë kompromisi rreth 6 pikave të Ban Ki Moon

Prishtina zyrtare nuk ka gjetur gjuhë të përbashkët me përfaqësuesit vendeve të Kuintit për marrëveshjen 6-pikëshe të propozuar nga Ban Ki Mun. Pas takimeve maratonike të zhvilluara mbrëmë e që po vazhdojnë edhe në këto çaste, krerët e vendit nuk janë pajtuar për ndonjë kompromis. Pritet që pas takimit, presidenti Sejdiu dhe kryeministri Thaçi të mbajnë një konferencë me gazetarë, që ishte caktuar për në ora 12:00, mirëpo më vonë u shty për orën 18:00 pa dhënë ndonjë shpjegim për arsyet e shtyrjes.
Burime nga takimi i sotëm kanë bërë të ditur se liderët kosovarë, presidenti dhe kryeministri e kanë hedhur poshtë propozimin me arsyetimin se ai cenon sovranitetin e Kosovës. Sipas këtyre burimeve, presidenti dhe kryeministri vazhdojnë të këmbëngulin se i vetmi plan i zbatueshëm në Kosovë mbetet plani i Ahtisarit, mbi bazën e të cilit është shpallur pavarësia.
Takimi i sotëm është përpjekje e liderëve të Bashkimit Evropian për të arritur marrëveshje me të dyja palët para seancës së nesërme të Këshillit të Sigurimit ku pritet të diskutohet për rikonfigurimin e pranisë civile ndërkombëtare në Kosovë.

Përfaqësuesit e vendeve të Kuintit, të akredituar në Kosovë dhe Përfaqësuesi special i presidencës së radhës së BE-së, Erik Shevalie janë takuar edhe mbrëmë me udhëheqësit më të lartë të Kosovës prej të cilëve kanë kërkuar që të gjendet një kompromis rreth gjashtë pikave të propozuara nga Sekretari i Përgjithshëm i OKB-së, Ban Ki Mun.

Bëhet e ditur se megjithë presionin e ushtruar nga zyrtarët e Kuintit pala kosovare nuk ka lëshuar pe, duke u thirrur në Pakon e Ahtisarit dhe Kushtetutën e Republikës së Kosovës.

Takimet e krerëve të institucioneve të vendit me përfaqësuesit e vendeve anëtare të Kuintit, si dhe Përfaqësuesi special i presidencës së radhës së BE-së, Erik Shevalie kanë vazhduar edhe sot.

Ndërkohë Zyra për informim pranë Presidentit ka njoftuar se Presidenti i Republikës së Kosovës, Dr. Fatmir Sejdiu dhe Kryeministri i Republikës, z. Hashim Thaçi, në orën 18:00 do ta mbajnë një konferencë për gazetarë lidhur me bisedimet e deritanishme për 6 pikat e propozuara nga Sekretari i Përgjithshëm i OKB-së, z. Ban Ki-Moon, por pa dhënë ndonjë shpjegim për arsyet e shtyrjes.
RTK


Jeremiq: Po e varrosim pavarësinë e Kosovës dhe planin e Ahtisarit

Ministri i jashtëm serb Vuk Jeremiq ka përsëritur besimin se të gjitha kërkesat dhe kushtet e Serbisë lidhur me vendosjen e misionit evropian, Eulex, në Kosovë do të zbatohen, duke deklaruar se kjo në fakt do të jetë “varrosje e pavarësisë së Kosovës dhe planit të Ahtisarit”.
Ai madje përmend edhe bisedat e tij dhe premtimet nga Sekretariati i OKB-së, ndërsa sugjeron se Ban Ki Mun do të përfshijë kushtet, kërkesat dhe vlerësimet serbe në raportin e tij për Këshillin e Sigurimit- njoftojnë agjencitë serbe.
RTK


"Zëri": EULEX-i, një vazhdues i UNMIK-ut

Përfaqësuesit e UNMIK-ut përkatësisht të OKB-së dhe Bashkimit Evropian kanë arritur marrëveshjen në parim me qeverinë e Serbisë për modalitetet e shtrirjes së UULEX-it në Kosovë dhe për bashkëpunimin e Beogradit me UNMIK-un në gjashtë pikat e Ban Ki Munit, shkruan gazeta "Zëri", duke iu referuar burimeve diplomatike perëndimore.
Bëhet fjalë për gjashtë fushat e specikifikuara nga letra e kreut të Kombeve të Bashkuara Ban Ki Mun dërguar presidentit serb Boris Tadiq - policia, gjyqësia, doganat, kontrolli i kufirit, transporti dhe trashëgimia kulturore dhe fetare. Gazeta pohon se gjashtë pikat e Ban Ku Minit "janë bashkuar" me kushtet prej tri pikave të Tadiqit rreth EULEX-it, duke "rezultuar me një marrëveshje", e cila pritet prezantohet nga kreu i OKB-së në raportin periodik për Kosovën nesër, më 11 nëntor. Burime diplomatike po ashtu i kanë thënë "Zërit" se marrëveshja është "plot dykuptimësi" dhe mund të bëhet "burim mosmarrëveshjesh", kurse EULEX-i do të jetë një "vazhdues i UNMIK-ut". Në numrin e sotëm "Zëri" boton edhe Marrëveshjen e UNMIK-ut me Qeverinë e Serbisë sipas gjashtë pikave të Ban Ki Muni
RTK


Zbardhen pikat e marrëveshjes UNMIK-Serbi, të arritur në qershor të këtij viti

Prishtina s'ka gjetur gjuhë të përbashkët me përfaqësuesit ndërkombëtar për marrëveshjen 6-pikëshe.

E hënë, 10 Nëntor 2008 10:52

Edhe pas takimit maratonik të zhvilluar të dielën në mbrëmje, zyrtarët kosovarë nuk janë pajtuar duke lënë që bisedimet të zhvillohen sërish të hënën. Ndërkohë, burime diplomatike perëndimore, me kushte anonimiteti, i kanë shpjeguar KTV-së përmbajtjen e Marrëveshjes midis UNMIK-ut/OKB-së dhe Qeverisë së Serbisë, për gjashtë çështjet e ngritura nga Ban Ki-Moon, në Letrën dërguar Boris Tadiqit, Kryetarit të Serbisë, më 12 qershor të këtij viti. Sipas këtyre burimeve diplomatike perëndimore, Ban Ki-Moon, Sekretari i Përgjithshëm i OKB-së, në Raportin e tij për Këshillin e Sigurimit të OKB-së, do ta konstatojë progresin në këto çështje si dhe vazhdimin e bisedimeve për këto tema. Gjithashtu, Ban Ki-Moon do të potencojë që fjala është për aranzhime që do të jenë në fuqi, derisa mekanizmat e ri do të vendosen në terren, duke aluduar në vendosjen e Misionit të EULEX-it.

Në fushën e policisë, sipas kësaj Marrëveshje të UNMIK-ut/OKB-së me Qeverinë e Serbisë, parashihet mundësia e krijimit të stacioneve dhe nën-stacioneve të reja policore në rajonet e banuara me shumicën serbe, të cilat do t'i përgjigjeshin UNMIK-ut, dhe ky zinxhir komandues do të shkonte deri te PSSP-ja. Gjithashtu, në këtë fushë parashihet emërimi i një oficer serb, nga ana e Komisionarit të Policisë së UNMIK-ut, që do të merrej me aktivitetet konkrete në terren. Në pikën e Doganave, sipas kësaj Marrëveshjeje, parashihet një ushtrim i përbashkët i doganave nga ana e doganierëve ndërkombëtarë dhe i doganierëve të Serbisë, në Portat 1 dhe 31 (në komunat e Zubin-Potokut dhe Leposaviqit), sipas përvojave të menaxhmentit të integruar të doganave në Evropë. Mbetet për diskutim të mëtejmë se si do të ndahen të hyrat nga Doganat në këto dy vendkalime kufitare. Në pikën e Trashëgimisë kulturore dhe religjioze, parashihet një dialog midis përfaqësuesve të Prishtinës dhe Beogradit për këto çështje shumë të ndjeshme, megjithëse dihet që kjo temë është adresuar në Propozimin Gjithëpërfshirës të Presidentit Ahtisari. Në përgjithësi, këto burime diplomatike perëndimore i kanë thënë KTV-së që, fjala është për një Marrëveshje që mund t'i sjell kokëçarje udhëheqësisë kosovare. /ktv/
Mesazhi.com

[Llapjani_HH]

Beqaj: Arritja e marrëveshjes 6 pikeshe me Beogradin do të dëmtonte ekonominë kosovare

Nëse realizohet marrëveshja UNMIK-qeveri e Serbisë për bashkëpunimin në gjashtë pikat e sekretarit të përgjithshëm të OKB-së, Ban Ki Mun, Kosova do të ketë humbje të mëdha edhe në sferën ekonomike. Praktikisht Kosova do të shndërrohet në oazë për krim të organizuar, sepse një pjesë e territorit nuk do të mbulohet në mënyrë legjislative dhe kushtetuese nga kosovarët. Komentet i bëri kryetari i Odës ekonomike të Kosovës, Besim Beqaj, në një takim joformal me media.
Në rast se Kushtetuta e Kosovës nuk aplikohet në tërë territorin e vendit, Kosova do të ketë probleme dhe humbje të mëdha edhe në ekonomi. Duke komentuar marrëveshjen e UNMIK-qeveri e Serbisë për bashkëpunimin në gjashtë pikat e Sekretarit të përgjithshëm të OKB-së Ban Ki Mun, kryetari i OEK-së, Besim Beqaj tha se dëmet që do t’i shkaktohen buxhetit të Kosovës, do të jenë shumë të mëdha.

“Kjo do të jetë shumë problematike. Kjo do të na krijojë humbje shumë të mëdha. Kjo do të jetë një oazë për krim të organizuar sepse një pjesë e territorit të Kosovës nuk do të mbulohet në mënyrë legjislative dhe kushtetuese nga Kosova dhe çdo shtet që nuk e ka një pjesë të mbuluar me kushtetutën e vet, atëherë kjo do të jetë mjaft problematike,”tha Beqaj.

Përveç humbjeve në buxhetin e Kosovës për miliona euro, funksionimi i kësaj marrëveshjeje do të ndikojë edhe në humbjen e besimit të investitorëve të mundshëm për të investuar në Kosovë dhe tek bizneset kosovare, tha Beqaj.

Ndërkohë, i pyetur rreth kritikave të Komisionit Evropian të paraqitura në raportin e fundit për Kosovën, Beqaj tha se Komisioni ka vënë në pah se pika më e dobët sa i përket ekonomisë, është mungesa e një strategjie të mirëfilltë zhvillimore.

Pikë tjetër shumë e dobët është që shumë shpesh merren veprime ad hoc që nuk janë në përputhje konform me kornizën afatmesme të shpenzimeve, të miratuar nga qeveria.

“Pra kemi një vendimmarrje në procesin buxhetor edhe për investime kapitale që nuk korrespondojnë me kornizën afatmesme të shpenzimeve dhe kjo është vërejtje shumë e madhe sepse nëse flasim për veprime ad hoc në buxhet, atëherë tregon që planifikimi buxhetor nuk është në rregull dhe kjo atakon aftësinë e të gjitha agjencive shpenzuese për planifikimin të mirëfilltë për vitin vijues,”tha Beqaj.

Në këtë takim Beqaj theksoi se institucionet duhet të angazhohen më shumë për luftimin e korrupsionit dhe theksoi se Oda Ekonomike vitin e ardhshëm do të krijojë një zyrë për mbrojtje të biznesit
RTK


Qytetarët kërkojnë llogaridhënje nga Qeveria e Kosovës

600 qytetarë nga 29 komuna të Kosovës kërkojnë llogaridhënie nga Qeveria e Kosovës, thuhet në raportin e projektit “ Zëri i votuesve” të Rrjetit të Grupeve te Grave të Kosovës.
Pakënaqësitë kryesore të qytetarëve janë kryesisht korrupcioni, nepotizmi në nivel lokal dhe atë qëndror, furnizimi i parregulltë me energji elektrike dhe ujë të pijshëm si dhe mungesa e kanalizimeve nëpër fshatra. Në raport, thuhet se migrimi i të rinjëve kosovarë është në rritje për shkak të papunësisë në vendin tonë. Raporti është hartuar gjatë periudhës 16 shtator- 31 tetor të këtij viti.
RTK

[Llapjani_HH]

Kosova refuzon marrëveshjen e imponuar nga Beogradi

Përfaqësuesit kryesorë të Rebulikës së Kosovës, presidenti Fatmir Sejdiu dhe kryeministri Hashim Thaçi, në një konferencë të jashtëzakonshme për media, kanë bërë të ditur se kanë refuzuar planin e vendosjes së misionit të Eulex-it në Kosovë jashtë përmbajtjes së Pakos së Ahtisarit, sipas kushteve të diktuara nga Beogradi dhe pas negociatave ku Prishtina zyrtare nuk ka qenë e perfshirë.

Propozimi shkel substancën e sovranitetit dhe integritetit territorial të Kosovës- ishte ky argumentimi themelor i presidenti Sejdiut dhe kryeministrit Thaçi.
Ndryshe, plani parashikonte që , në thelb, të suprimoheshin provizionet themelore të Pakos së Ahtisarit dhe të rifuqiziohej rezuluta 1244 , si bazë e organizimit dhe funksionimit politik, territorial dhe adminstratv të Kosovës sw para 17 shkurtit, duke krijuar kështu parakushte evidente për cipëtimit etnik- territorial të pushtetit në Kosovë.

RTK

[Lona]

Pak: EULEX i sështë neutral

Pragë, 12 nëntor - "EULEX i s'është i paanshëm, pasi është në anën e qytetarëve që jetojnë në Kosovë. EULEX i nuk është në Kosovë për të pranuar apo jo pavarësinë, pasi kjo varet nga shtetet individualisht", thotë Doris Pak, kryetare e Komisionit për Ballkanin Perëndimor në PE. Sipas eurodeputetes Pak, "bisedimet nuk kanë përfunduar dhe palët nuk e kanë thënë fjalën e tyre të fundit". Megjithatë ajo shpreson që shqiptarët dhe serbët në Beograd, "të jenë konstruktivë". Pyetjes nëse BE ja ka ndonjë linjë të kuqe që nuk duhet kapërcyer gjatë bisedimeve me Kosovën, Serbinë dhe OKB në, Drosi Pak: "Linja e kuqe është se EULEX i duhet të shpërndahet në të gjithë Kosovën dhe të përmbushë objektivat që ia kemi vënë, pasi janë në pyetje paratë e taksapaguesve tanë", theksoi Pak, duke përsëritur se "EULEX i është aty për gjithë vendin dhe nuk mund të ketë ndarje brenda vendit sa i përket vendosjes së këtij misioni". Doris Pak theksoi se problemi qëndron se serbët e Kosovës e dëgjojnë shumë Beogradin dhe se ende është në fuqi Rezoluta 1244 dhe askush nuk mund ta mohojë një fakt të tillë. "Në këtë kuptim duhet të gjejmë një urë lidhëse mes realitetit të Kosovës së pavarur dhe objektivave të 1244 shit. Kjo duhet bërë me ndihmën e OKB së, derisa edhe BE ja është e përfshirë në bisedime", tha Pak. Ajo beson se EULEX i në dhjetor do të fillojë të jetë funksional në gjithë Kosovën, ndërkohë shpreson që mosmarrëveshjet të gjejnë zgjidhje deri në fund të nëntorit. "Unë nuk jam e përfshirë në negociata, por e di se po zhvillohet një dialog konstruktiv", tha Doris Pak.

Një delegacion i Kuvendit të Kosovës në sesionin vjetor të Asamblesë Parlamentare të NATO s

Prishtinë, 12 nëntor - Nga data 14 deri 18 nëntor të këtij viti, një delegacion i Kryesisë së Kuvendit të Kosovës, kryesuar nga anëtari i Kryesisë, Xhavit Haliti, në përbërje të cilit do të jenë edhe Naim Maloku e Slobodan Petroviq, me ftesë të Asamblesë Parlamentare të NATO s, do të marrin pjesë në punimet e sesionit vjetor të 54 të të Asamblesë Parlamentare të NATO së. Në këtë sesion, i cili mbahet në qytetin Valencia të Spanjës, marrin pjesë më se 500 delegatë nga shtetet anëtare të NATO s, Parlamentit Evropian, asambletë interparlamentare dhe të ftuar të tjerë. Një nga temat e diskutimit të Komisionit mbi dimensionin civil të sigurisë i Asamblesë Parlamentare të NATO s është Raporti i raportuesit gjeneral Vitalino Cannas "Kosova dhe e ardhmja e sigurisë në Ballkan". Gjatë sesionit vjetor, pritet që delegacioni i Kuvendit të Republikës së Kosovës të organizojë edhe takime të ndryshme me deputetë nga shtetet anëtare të NATO s, vendeve të Bashkimit Evropian dhe vende tjera që marrin pjesë, për t?ju kërkuar atyre ndihmën për integrimin sa më të shpejtë të Republikës së Kosovës në strukturat euro atlantike.

Në Tetovë vritet një tregtar 41-vjeçar

Tetovë, 12 nëntor - Zylqani Rexha, tregtar 41 vjeçar, i cili dje ishte qëlluar me armë zjarri para shtëpisë së tij në Tetovë, sot në mëngjes ka vdekur në spitalin e Shkupit. Për vrasjen e tij dyshohet 30 vjeçari S.A. nga Porroi, i cili dje, pasdite me armë zjarri ka plagosur për vdekje Rexhën në momentin kur ai po dilte nga shtëpia e tij. Mbrëmë policia kishte bastisur shtëpinë e tij, ku kishte gjetur një revole me tetë plumba, të cilin e ka poseduar pa leje, ndërsa në oborrin e shtëpisë është gjetur edhe një makinë "Golf 4", me të cilën dyshohet se ai kishte shkuar për të kryer sulmin. Policia ka arrestuar të dyshuarin S.A. Sipas mediave maqedonase, i ndjeri Rexha është kunat (vëlla i bashkëshortes) i liderit të Partisë Demokratike Shqiptare (PDSH) Menduh Thaçi. Motivet e vrasjes ende nuk dihen, por përjashtohen ato politike.

Britania ekstradon kriminelin serb të luftës në Kroaci

Zagreb, 12 nëntor Ministria kroate e Drejtësisë bëri të ditur se Britania e ka ekstraduar një serb të akuzuar për krime lufte në luftërat në Ballkan. Në vitin 1993, Damir Travica, 51 vjeçar, u dënua në mungesë me 15 vjet burg për vrasjen e katër anëtarëve të një familje në vitin 1982. Ai u arrestua në vitin 2002, ndërsa Skotland Jard (policia e Londrës) tha se ekstradimi është urdhëruar pasi janë shterur të gjitha mundësitë e ankimit.

Topi dekoroi aktorin shqiptaro-amerikan Xhejms Belushi me Urdhrin "Nderi i Kombit"

Tiranë, 12 nëntor - Presidenti i Shqipërisë, Bamir Topi, ka dekoruar aktorin e mirënjohur amerikan me origjinë shqiptare, Xhejms Belushi, me Urdhrin "Nderi i Kombit", gjatë spektaklit të mbrëmshëm "Dua më shumë Shqipërinë" në Pallatin e Kongreseve në Tiranë. Kjo dekoratë iu dha Belushit me këtë motivacion: "Me mirënjohje dhe krenari, aktorit të shquar, me famë botërore në kinematografinë, teatrin dhe televizionin amerikan, njeriut që trashëgoi dhe ruajti me dinjitet dashurinë për prejardhjen e tij shqiptare dhe për Shqipërinë". Ndërsa aktori i shquar, Xhejms Belushi, pasi falenderoi, tha se për të "ky është një çmim shumë i rëndësishëm dhe me peshë, dhe një nder i madh". "Është një përgjegjësi e lartë. Nuk e di nëse e meritoj. Unë jam krenar për atë që jam dhe për atë se nga jam. Jam lindur e rritur në Amerikë, por genet e mia janë shqiptare. Gjaku im është gjak shqiptar dhe do të jetë i tillë përgjithmonë. Ju faleminderit dhe njëherë. Faleminderit z. President!", tha Belushi.