Anoreksia

[emine]

[emine]

[Dallandyshja_718]

Kane di ata ç'kane thane, "i shnoshti i bukuri"... m'kish ardhe keq t'ishin jetime ose t'u ndodhte kjo prej fukarallakut, e nese e kane per mode, hiç nuk po i ankoj...ishalla u vijne men' tjera,,,

[emine]

Postimi origjinal është bërë nga Dallandyshja_718

Kane di ata ç'kane thane, "i shnoshti i bukuri"... m'kish ardhe keq t'ishin jetime ose t'u ndodhte kjo prej fukarallakut, e nese e kane per mode, hiç nuk po i ankoj...ishalla u vijne men' tjera,,,

Jam ka shof se shume pak di per ket semundje andaj je shpreh keshtu,nuk a pune mode po a thjeshte semundje ,,,,

[Zero Cool]

Anoreksia, çrregullim psikik


Rreth 10 milionë gra e një milionë burra në Shtetet e Bashkuara vuajnë nga anoreksia, që shkaktohet nga gjendja psikike. Megjithëse ky çrregullim vihet re më shumë në vendet perëndimore, edhe njerëzit në vendet në zhvillim vuajnë prej saj.Pamjet e modeleve në revista janë imazhe që ndikojnë mënyrën se si gratë e vajzat shohin veten e tyre. Duke parë këto imazhe të bukurisë, edhe ato duan të duken elegante.

Studimet tregojnë se 80 përqind e vajzave dhe grave amerikane janë të pakënaqura me trupin e tyre. Megjithëse shumë prej tyre nuk preken nga anoreksia.

Anoreksia është një sëmundje psikike dhe mund të ketë pasoja vdekjeprurëse. Njerëzit e prekur prej saj mendojnë se janë mbipeshë edhe nëse kjo nuk është e vërtetë. Ata nuk hanë dhe e stërmundojnë trupin me ushtrime fizike. Anoreksia mund të çojë në kequshqim, osteoporozë dhe probleme në zemër. Anoreksia mund t’a shtyjë pacientin edhe në vdekje të parakohëshme ose vetvrasje.

Toni Saiber e kuptoi se kishte nevojë për ndihmë kur doli nga gjëndja e komës e shkaktuar nga anoreksia. Ajo thotë se kur njeriu fillon të bjerë nga pesha, ai/ajo mbushet me një ndjenjë euforie dhe kjo bën të mos ndalet.

Ekspertëtë thonë se shkaktarë të anoreksisë janë mungesa e besimit në vetvete, vështirësitë në marrëdhënie me njerëzit si dhe trysnia kulturore. Mjeku psikiatër Xhorxh Groves kujton rastin e një vajze 23 vjeçareje. Ajo ishte e gjatë 1 metër e 79 centimetra dhe peshonte 25 kilogram e gjysëm. Ajo dukej sikur sapo kishte dalë nga ndonjë kamp përqëndrimi dhe prap këmbëngulte se kishte nevojë të binte nga pesha pasi i dukej vetja e shëndoshë.

Anoreksia është e vështirë për t’u trajtuar. Ekspertët thonë se vetëm 25 përqind e pacientëve me anoreksi mund të trajtohen suksesshëm nëse trajtimi fillon në kohë.

Mjekja Denise Uilfli pranë universitetit Uashington në Saint Luis është duke kryer një studim mbi anoreksinë, për të njëjtësuar mënyrat më të efektshme të trajtimit nga ky çrregullim psikik.

[Zero Cool]

Anoreksia – kjo sëmundje e kohës “moderne”






Anoreksia është një nga tri tipat kryesorë që bëjnë pjesë tek çrregullimet e të ngrënit. Nocioni “anoreksi” fjalë për fjalë do të thotë “pa oreks”.

Megjithatë kjo gjendje më së shumti mund të konsiderohet si dorëheqje totale nga ushqimi. Personi që vuan nga anoreksia në fakt shumicën e herëve ka oreks dhe madje edhe i shijon ushqimet, por megjithatë ushqimin e sheh si armikun e tij kryesor.

Disa studiues e konsiderojnë anoreksinë si “fobi nga ushqimi”. Ky çrregullim karakterizohet nga refuzimi për t’u ushqyer (si mënyra më e mirë për të ruajtur një peshë trupore minimale), frikë e vazhdueshme e të fituarit peshë, deformim i vetëperceptimit të peshës dhe masës trupore, dhe (tek femrat) mungesë e ciklit menstrual për tre ose katër muaj.

Ky lloj i çrregullimit të të ngrënit është më prezent në shoqëritë e zhvilluara, sidomos në ato shoqëri ku ekziston perceptimi se të jesh joshëse do të thotë domosdoshmërish të jesh e dobët.
Grupmosha më e prekur me këtë çrregullim është ajo e adoleshencës, kryesisht nga 13 në 18 vjeç dhe thuajse në 90% të rasteve bëhet fjalë për femra.

Faktorët psikologjikë të cilët ndikojnë në rritjen e mundësisë që një person të vuajë nga anoreksia përfshijnë vetëvlerësim të ulët, personat që janë perfeksionit, deformim i imazhit që kemi për trupin tonë. Megjithatë një nga shkaqet kryesore që mund të shtyjë një person drejt anoreksisë është lidhet edhe me arsye gjenetike.

Personat që kanë në familjen e tyre apo të afërm që vuajnë nga anoreksia, janë më të predispozuar që të bëhen edhe vetë të tillë. Faktori më i rëndësishëm që e ndihmon dikë që vuan nga anoreksia apo nga çrregullime të tjera të të ngrënit është ndërgjegjësimi i tij për problemin që ka.

Përgjithësisht çrregullimet e të ngrënit nuk janë të vetëidentifikueshme.