Njëqindë vjetë Nënë Terezë. Njëqind vjetë, Nder i Kombit. Njëqind vjetë Nënë e Botës.

[murrizi]

Artistë kosovarë në përurimin e shtatores së Nënës Terezë

Publikuar: Sot, më 16 gusht 2010


http://www.koha.net/repository/image...nDurmishi4.jpg

Prishtinë, 16 gusht – Tenori kosovar, Luan Durmishi, i shoqëruar nga tingujt e pianos së Misbah Kaçamakut, do të performojë në qytetin austriak Graz, në ditën e përurimit të shtatores së humanistes shqiptare, fituese e çmimit “Nobel” për paqe, Nëna Terezë. Përurimi i shtatores do të bëhet më 27 të këtij muaji, me rastin e shënimit të 100-vjetorit të lindjes së saj. ‘Menyja’ e këtij koncerti përbëhet nga vepra të kompozitorëve evropianë dhe atyre shqiptarë. E gjithë performanca e Durmishit do të shtrihet në fiks 50 minuta.

Disa ditë para se të marrë rrugën për në Graz tenori kosovar, Luan Durmishi, ka shprehur kënaqësinë që i është dhënë rasti të performojë para audiencës austriake. Performancën e tij, përveç emocionuese, ky i fundit e ka cilësuar edhe si punë që kërkon përgjegjësi. “Edhe pse programi do të jetë i vështirë për t’u realizuar, ai do të jetë shumë cilësor, sepse do të luhen dhe këndohet veprat më të njohura të kompozitorëve evropianë, si Mozarti, dhe atyre shqiptarë. Jam i bindur se gjithçka në këtë koncert do të shkojë shumë mirë”, ka thënë Durmishi, teksa ka shtuar se tashmë ka filluar provat për mbajtjen e këtij koncerti.

Sipas tij, përgjegjësia më e madhe për këtë koncert lidhet me traditën austriake në muzikën klasike.

“Austria është djepi i muzikës klasike dhe kjo është shumë përgjegjësi e madhe pasi edhe publiku atje e njeh shumë mirë këtë lloj të muzikës dhe është shumë i ndjeshëm ndaj saj. Pastaj edhe evenimenti ku unë do të këndoj është shumë me rëndësi, por unë jam i përgatitur dhe shpresoj që të dal sa më mirë”, ka thënë Durmishi, për të cilin kjo është hera e katërt që performon para publikut austriak.

Ndërkohë që provat për këtë koncert tashmë kanë nisur pasi Durmishi ka marrë ftesën zyrtare nga shteti austriak për t’u prezantuar në këtë eveniment, tenori kosovar pret që publiku austriak dhe ai shqiptar ta mirëpresin koncertin e tij.

“Pres që të jetë një koncert madhështor që ta nderojë figurën e Nënës Terezë, dhe kështu do të jetë.”

Durmishi do të jetë i shoqëruar edhe nga kore të ndryshëm nga Italia dhe Amerika.

Pianisti Misbah Kaçamaku, i cili do të shoqërojë me piano performancën e Durmishit, ka thënë se ka pranuar me shumë kënaqësi ftesën për t’u bërë pjesë e këtij koncerti.

“Nuk mund t’i thuhet jo një zëri si të Luanit. Është një manifestim shumë i madh dhe programi do të jetë shumë i ngjeshur. Të them të drejtën, mezi po pres që të mbahet ai koncert”, ka thënë Kaçamaku.
Faleminderit për rekomandimin

[murrizi]

Nënë Tereza e ka ndryshuar botën



Prishtinë, 20 gusht - Në kuadër të Programit të Seminarit të 29-të Ndërkombëtar për Gjuhën, Letërsinë dhe Kulturën Shqiptare, të premten është mbajtur një tryezë me rastin e 100 vjetorit të lindjes së Nënë Terezës.

Në këtë tryezë ka marrë pjesë edhe ministri i Kulturës,Rinisë dhe Sportit, Lutfi Haziri, i cili duke përshëndetur punimet e kësaj tryeze, ka thënë se populli shqiptar është popull me famë në botë, sepse botës së qytetëruar i ka dhënë një bamirëse të madhe, që e ka ndryshuar botën.

Po të premten, ministri Haziri ka pritur Galip Beqirin, kryetar i Këshillit Nacional të Luginës së Preshevës, i cili shoqërohej nga disa anëtarë të këtij këshilli.

Në këtë takim Haziri e ka falënderuar Beqirin dhe delegacionin e Luginës së Preshevës për vizitën dhe ka shfaqur gatishmërinë për bashkëpunim të vazhdueshëm ndërmjet MKRS-së dhe Luginës së Preshevës, përkatësisht Kosovës lindore, thuhet në komunikatën e MKRS-së.
koha.net

Faleminderit për rekomandimin

[murrizi]

Nënë Tereza, dritë e madhe


26.08.2010 Evropa e lirë

Bekim Bislimi
Përvjetori i 100-të i lindjes së Nënës Terezë, sot shënohet edhe në Kosovë. Përfaqësuesit e tri bashkësive më të mëdha fetare në Kosovë, e çmojnë lart personalitetin dhe figurën e Nënës Terezë, duke thënë se humanizmi dhe vepra e saj tejkalojnë kufijtë fetarë, etnikë dhe racorë. Ngjashëm e vlerësojnë edhe intelektualët në Kosovë, si dhe arbëreshët e Italisë.

“Puna e Pendimit. Zoti jem, po m’vjen keq me gjithë zemër për gjithë mkatet që kam ba, se kam bjerrë parrisin, kam meritue ferrin, por ma fort se t’kam fye Ty, O e mira e pambarueme që kaq fort m’ke dashtë, mëshiro Zot, m’fal Zot, po t’nap fjalën me ndihmë Tane, mos me t’fye ma kurrë”.


Kjo është urata “puna e pendimit”, të cilën rreth 22 vjet më parë, me një rast e kishte thënë në gjuhën shqipe Gonxhe Bojaxhiu, e njohur në botë si Nëna Terezë.

Ashtu sikurse në gjithë botën, sot në Kosovë shënohet 100- vjetori i lindjes së kësaj figure me përmasa globale.

Njerëzit në Kosovë, pavarësisht përkatësisë së tyre fetare, e kujtojnë dhe çmojnë Nënën Terezë si një figurë të veçantë dhe sinonim të humanizmit, sakrificës, bëmirësisë dhe solidaritetit, vlerësojnë përfaqësuesit e tri bashkësive fetare më të mëdha në Kosovë.

Famullitari aktual i kishës katolike “Shën Ndou” në Prishtinë, Dom Nikson Shabani, i cili është përgjegjës i Qendrës për Kateumen në Prishtinë, vlerëson se Nëna Terezë është një nga shenjtëreshat më të mëdha të Kishës Katolike, veprat e së cilës, siç thotë ai, sa më shumë që studiohen, aq më shumë tregojnë pasurinë shpirtërore të pashtershme të saj.

Por, sipas tij, figura e Nënës Terezë nuk mund të kufizohet në suaza kombëtare dhe fetare. Do të thotë, jeta e saj dhe veprat e saj kanë pushtuar gjithë zemrat e njerëzimit...



“Ajo është bërë një simbol, është bërë një person që e njeh gjithë bota. Do të thotë, jeta e saj dhe veprat e saj kanë pushtuar gjithë zemrat e njerëzimit. Duket se nuk ka shtet ose njeri në botë që nuk e di se kush është Nëna Terezë. Prandaj, vetë ky fakt tregon se sa ka qenë dhe është e madhe figura e Nënës Terezë”.

“Ajo është një pasuri e pashtershme përshpirtërie, një pasuri e pashtershme gëzimi, paqeje, hareje, dashurie, e kështu me radhë. Do të thotë, ishte një personalitet që, në të vërtetë, nuk mundemi ta definojmë kurrë se sa ka qenë e madhe”, thotë Dom Nikson Shabani.

Ndërkaq, reflektimin e figurës së Nënës Terezë, përtej kufijve të besimit që i përkiste ajo, e vlerëson edhe Qemajl Morina, ushtrues i detyrës së prodekanit dhe ligjërues në Fakultetin e Studimeve Islame, në kuadër të Bashkësisë Islame të Kosovës. ...shikuar në prizmin islam, me punën dhe misionin që ka bërë Nëna Terezë, ajo u takon të gjitha feve, prandaj, edhe fesë islame...



“Nëna Terezë njihet në botë si një bamirëse universale, e cila e sakrifikoi jetën e saj, duke e kushtuar tërë jetën e saj në shërbim të Zotit, siç thotë ajo, të Krishtit dhe të njeriut, për të ndihmuar ata që kishin nevojë për ndihmën e saj”.

“Si e tillë, ajo ka kryer misionin e saj jo vetëm të krishterë si e krishtere, por edhe misionin e saj humanitar, të cilin e preferojnë të gjitha fetë. Prandaj, shikuar në prizmin islam, me punën dhe misionin që ka bërë Nëna Terezë, ajo u takon të gjitha feve, prandaj, edhe fesë islame”,vlerëson Qemajl Morina.

Vlerësime të ngjashme për figurën dhe veprën e Nënës Terezë jep edhe përfaqësuesi i Kishës Ortodokse Serbe, Ati Sava Janjiq, aktualisht kreu i Manastirit të Deçanit.

Ai thotë se Nëna Terezë është një nga personalitetet e veçanta që kanë shënuar shekullin XX. Humaniteti dhe veprat bamirëse të saj, thotë ati Janjiq, kanë treguar se rruga e Zotit është rruga e paqes, dashurisë dhe faljes. ...sado qoftë ajo e rëndësishme (Nëna Terezë) edhe për popullin shqiptar, prej të cilit ka rrjedhur, ajo është pasuri e madhe për të gjithë botën dhe për të gjithë ne...



“Nëna Terezë ka dhënë shembull trimërues dhe të dinjitetshëm të humanitetit dhe vetësakrificës, të cilin të gjithë ne jemi të obliguar që ta ndjekim. Sigurisht që personalitetet e mëdha, posaçërisht ato që kanë lënë gjurmë në histori me dashurinë, trimërinë dhe forcën morale të tyre, paraqesin personalitete që i tejkalojnë edhe popujt, të cilëve ju takojnë”.

“Kështu që, sado qoftë ajo e rëndësishme (Nëna Terezë) edhe për popullin shqiptar, prej të cilit ka rrjedhur, ajo është pasuri e madhe për të gjithë botën dhe për të gjithë ne”, thotë ati Janjiq.

Ndërsa, me nismën e Ipeshkvisë së Kosovës dhe me miratimin e presidentit të Kosovës, Fatmir Sejdiu, viti 2010 në Kosovë është shpallur si viti i Nënës Terezë.

Aktualisht në Prishtinë është duke u mbajtur Seminari Ndërkombëtar për Gjuhën, Letërsinë dhe Kulturën Shqiptare dhe një nga tryezat qendrore të këtij seminari ka trajtuar figurën e Nënës Terezë.

Liman Matoshi, drejtor i këtij seminari, thotë se autoritetet shtetërore, ato fetare dhe shkencore, e kanë vlerësuar lart figurën, siç e quajti ai, monumentale të Nënës Terezë. ajo shihet si një misionare e paqes, dashurisë, bamirësisë, dhembshurisë, ndjeshmërisë së skajshme për nevojat e njerëzve të tjerë, pa marrë parasysh përkatësinë racore, fetare, etnike dhe kombëtare...



“Nëna Terezë nuk shihet vetëm në aspektin e ngushtë të besimit fetar. Por, ajo shihet si një misionare e paqes, dashurisë, bamirësisë, dhembshurisë, ndjeshmërisë së skajshme për nevojat e njerëzve të tjerë, pa marrë parasysh përkatësinë racore, fetare, etnike dhe kombëtare”.

“Shumica e njerëzve në Kosovë, kështu e shohin nënën Terezë, si një bijë tonën që na ka nderuar me veprën e saj. Ajo është edhe nobelistja e parë shqiptare dhe nuk kanë se si të mos krenohen shqiptarët për këtë fakt”, shprehet Liman Matoshi.

Në anën tjetër, fryma e humanitetit dhe sakrificës së Nënës Terezë ka domethënie të madhe edhe për arbëreshët në Itali, thotë prifti arbëresh Antonio Belushi.

Ai thekson se një numër shkollash dhe rrugësh në vendbanimet arbëreshe, bartin emrin e Nënës Terezë. Tek ajo dritë e madhe që bënte Nëna Terezë, nën hijen e saj ishim të gjithë ne arbëreshët...



“Tek ajo dritë e madhe që bënte Nëna Terezë, nën hijen e saj ishim të gjithë ne arbëreshët. Këtë grua të lumtur, të shenjtë, me ndjenjat e saj humane, çdo njeri, qoftë i krishterë ose jo, dëshironte ta kishte te zemra e tij”.

“E, ajo është fytyra më e dashur nga e gjithë bota. Ishte epoka dhe ishte edhe koha, themi kështu, në të cilën ajo jetoi, që bëri që kjo grua të lartësohej kështu lart”, pohon Antonio Belushi.

Ndryshe, Nëna Terezë vdiq më 5 shtator të vitit 1997 në Kalkutë, në moshën 87-vjeçare. Gjatë ditëve dhe muajve në vijim, në Kosovë priten një mori manifestimesh në shenjë nderimi të Nënës Terezë.

Përfaqësuesit e Kishës Katolike në Prishtinë, kanë paralajmëruar se më 5 shtator në Shenjtëroren dhe Katedralen e re të Prishtinës, të quajtur “Nëna Terezë”, do të mbahet mesha, e cila do të shënojë, siç thuhet, ditën lindjes së Nënës Terezë për qiell.

Ndërkohë, të enjten në Mitrovicë, ura mbi lumin Ibër, e cila lidh anën jugore dhe atë veriore të këtij qyteti, do të emërtohet si “Ura e Paqes-Nënë Tereza”, në shenjë kujtese për këtë humaniste, e cila gjate gjithë jetës së saj ishte lutur për dashuri dhe paqe.

“Unë jam tue u lutë për ju. Zoti kjoftë me ju”(Nëna Terezë).

[murrizi]

Më erdhi të theksoj Lutjen e Pendimit ku Nëna Terez e bënë, dhe n'q'dialekt atë e bënë ?!

Citoj:
Zoti jem, po m’vjen keq me gjithë zemër për gjithë mkatet që kam ba, se kam bjerrë parrisin(këtu eshtë fjala për PARAJSEN), kam meritue ferrin, por ma fort se t’kam fye Ty, O e mira e pambarueme që kaq fort m’ke dashtë, mëshiro Zot, m’fal Zot, po t’nap fjalën me ndihmë Tane, mos me t’fye ma kurrë”.

[Marco]

Papa Benedikti XVI

Nënë Tereza dhuratë për Kishën e Botën...!

Qindra murgesha katolike të Calcuttës në Indi kanë shënuar 100 vjetorin e lindjes së saj me një meshë speciale në selinë e misionit të bamirësisë të cilin ajo themeloi 60 vjet më parë....

[murrizi]

Postimi origjinal është bërë nga Marco

Papa Benedikti XVI

Nënë Tereza dhuratë për Kishën e Botën...!

Qindra murgesha katolike të Calcuttës në Indi kanë shënuar 100 vjetorin e lindjes së saj me një meshë speciale në selinë e misionit të bamirësisë të cilin ajo themeloi 60 vjet më parë....

Normal që nga NAMI i Nënës Terez po mundohet ët përfitojn të gjithë, pse jo edhe PAPA !?
Mirpor Nëna Terezë qe shumë më shumë një BAMIRËSE për të varfërit, e unë jam i mendimit që kjo i rrodhi nga fakti që populli i saj ishte njëjtë i përvuajtur, ku ajo këtë e dinte më së miri, pasi që u lindë në Shkup dhe migroi në mirdit diku.
Makeresh kjo "lutja" e Nënës Terezë është për histori njëjtë e rëndësishme sikur dikur Lahuta e malcis (pra gegnishjta e këtyre anëve) !

[doGzona]

Ish presidenti i SHBA-ve – Bill Clinton : "Nënë, ndjehem krenar dhe i çliruar në shpirt, që Zoti na ndihmoi dhe të dërgova në vend amanetin! Tashmë populli yt në Kosovë është i lirë dhe po ndërton demokracinë".

[emine]

nuke do te kete kurre rendesi ku dhe si sherbejme me rendesi eshte te behet mire kudo,dhe te nderohet nje populle i mbare me emrin e Nene Terezes,

[Marco]

Postimi origjinal është bërë nga doGzona

Ish presidenti i SHBA-ve – Bill Clinton : "Nënë, ndjehem krenar dhe i çliruar në shpirt, që Zoti na ndihmoi dhe të dërgova në vend amanetin! Tashmë populli yt në Kosovë është i lirë dhe po ndërton demokracinë".

Kjo është Metafor, Thjesh pjes e Politikes , kurse Realitetin e saj e Tregon Vatikan-City ku udheqet nga Papa.. Ai ka deklaru se nuk mundet ta njoh Kosoven per arsye se Kisha serbe nuk e njeh Kosoven si shtet , ai nuk deklaroi se Nënë Tereza ishte Shqiptare e duhet ta pranojme, sepse nen tereza ishte pjes e krishterizmit e jo shqiptaris, po sidoqoft, ndash let perkrah Vatikani Kosoven, ndash mos te perkrah, Nënë Terezen apo Gonxhe Bojangjiun e njohum si shqiptare keshtu qe kombasit e saj nuk ja shiqojne fen po ja shiqojne Kombin...!

Ndajm Dhimbjet me te afermit e Gonxhe Bojangjiut...!

[4peace]

***


Mexhid YVEJSI, Gjakovë
100 vjetori i Nënë Terezës

FORMALIZMI, HUMANIZMI DHE SERVILIZMI

100 vjetori i Nënë Terezës, kryengjarja e këtij viti
Ky vit, për Shqipërinë dhe shqiptarët, do të jetë viti i Nënë Terezës.

Kryeministri Berisha

“…Ka kaq shumë njerëz në botë që vdesin prej urisë, por akoma më shumë ka njerëz që vdesin nga mungesa e dashurisë”

-Nëna Tereze

“Ju them këtë që askush të mos ju gënjejë
me fjalë joshëse. “-

Bibla, Kolosianëve, 2:4

Gonxhe Bojaxhiu, Nëna Tereze, (1910 – 1997), murgesha katolike, ka marrë pothuajse të gjitha mirënjohjet më të larta ndërkombëtare, deri edhe Shpërblimin Nobel për Paqe.
Shpërblimin Nobel për Paqe ajo e mori me 10 dhjetor 1979, prej duarve të kryetarit të Komisionit Nobel, dr. John Sannes-it, në Oslo, në pranin e mbretit të Norvegjisë, Ollavit V, të shumë ministrave, diplomatëve, të shumë personaliteteve fetare – kulturore nga e tërë bota. Qe ky kurorëzim më i lartë botëror për Nënë Terezen.
Pas pranimit të Shpërblimit Nobel për Paqe, Nëna Tereze u bë e famëshme në përmasa botërore- ndërkombëtare, kurse për shqiptarët u bë krenari kombëtare…!



Formalizmi


Në mënyrë formale, që nuk është aspak reale, personaliteti i Nënë Terezës, tek një pjesë e shqiptarët, sidomos pas vdekjes (1997), u shëndrrue në kult. Ajo tani nuk admirohet por adhurohet! Adhurohet, në veçanti, nga disa politikuaj, disa intelektuaj, nga shumë shkrimtarë, gazetarë, poetë, prozatorë, aktorë, piktorë, këngëtarë, kompozitorë, ajo atyre u shërben si një burim frymëzimi, si një model për prototip të personazhit që përmban tipare eksluzive të humanizmit.
“Kjo figurë e madhe e artit të humanizmit” gjeti një trajtim të denjë artistik në shkrimet shqipe. Për personalitetin e Nënës Tereze, në poezi e prozë, pikturë e skulpturë, zgjidhen fjalët më të ëmbëla, më joshëse, kinse për të shprehur e dëshmuar dashurinë për Nënën Tereze, të cilën e quajnë: Figurë e madhe e artit të humanizmit, humanistja
shqiptare më e njohura e në fytyrë të tokës, nëna e gjithë botës…!
Kulmi i formalizmit arriti në vitin 2010, sepse ky vit, siç u cilësua, për Shqipërinë dhe shqiptarët, do të jetë viti i Nënë Terezës. 100 vjetori i Nënë Terezës, do të jetë kryengjarja e këtij viti…
Fjalët e ëmbëla, joshëse për humanizmin e Nënës Tereze, nuk i përshtatën asaj, ato nuk janë reale, janë sa për sy e faqe, nuk janë normale, por vetëm formale…
Pse? Sepse, siç shkruan në Bibël:
“Ju them këte që askush të mos ju gënjejë me fjalë joshëse”.
(Bibla, Kolosianëve, 2:4).

Së pari mësoni kuptimin e asaj që do të flisni, pastaj flisni, do të thoshte Epikteri.

Humanizmi


Në fillim, ç’është humanizmi?
Humanizmi është ajo pikëpamje për jetën që përqëndrohet në mundësit dhe arritjet e njerëzimit. Humanizmi modern hedh poshtë besimin tradicional te një Zot individual dhe ngrehë lart besimin te natyra njerëzore.
Fjala “humanist” u krijua në Evropë gjatë Rilindjes, nga shek. XIV deri në shek. XVI. Në këtë kohë u hodhën rrënjët e humanizmit shekullar modern.
Humanistët mendojnë se kemi vetëm një jetë, prandaj është e rëndësishme që ajo të jetë sa më e mirë. Humanizmi bazohet në agnosticizëm dhe ateizëm.
Humanistët e shohin arsyen njerëzore si forcë udhëheqëse në jetë. Ata janë shekullar, kërkojnë të çlirojnë shoqërinë prej besimeve fetare, që, sipas tyre, pengojnë përparimin shoqëror.
Humanistët janë materialistë dhe nuk besojnë në një jetë, botë, spirituale, në qëndrimin ndaj njohjes janë empiristë dhe mendojnë se njohja vjen përmes shqisave.
Ndryshe prej të krishterëve, humanistët nuk i japin vlerë të veçant të pasurit të një besimi, të qenit të përulur, bindjes ndaj porosive të Zotit ose praktikimit të vetësakrificës. Morali humanist është kod i sjelljes të njerëzve që është ndërtuar prej qenieve njerëzore për përfitime njerëzore. (Një hyrje tek idetë, faqe:104-105) Nga Linda Smith dhe William Raeper, Oxford, 1991.


Servilizmi


Për ata politikuaj, intelektuaj, shkrimtarë, gazetarë, poetë, prozatorë, aktorë, piktorë, këngëtarë, kompozitorë…, duke qenë ateistë, flasin, shkruajnë, këndojnë, pikturojnë vetëm për përfitime njerëzore, ndërsa shpirtin e kanë gropë, por krenohen me “humanisten shqiptare më të njohur në botë”.
Nga formalizmi, humanizmi kalojnë në servilizëm. Pse, sepse, përveç tjerash, ata mendojnë se janë dikushi e po bëjnë diçka! Në të vërtetë nuk bëjnë asgjë, vetëm se gënjejnë vetveten! Në Bibël shkruan:
“Po mendoi ndokush se është diçka – a nuk është asgjë – ai gënjen vetveten. Secili le ta shqyrtojë vetë veprën e vet e atëherë, po gjeti arsye për mburrje, le të jenë në krahasim me vetvete – e jo me të tjerë.” (Bibla, Galatasve, 6:3-4).
A nuk është e servilizëm që ateistët të flasin, shkruajnë, këndojnë, pikturojnë vetëm për përfitime njerëzore, pra, të përfitojnë nga diçka që nuk besojnë? A është e arsyeshme që ateistët të shkruajnë për atë që nuk e njohin? A nuk është e servilizëm që ateistët, me shpirtin si gropë, të mburren e krenohen me Nënën Tereze, “humanisten shqiptare më të njohur në botë?” Mendoj, se këtu, përveç servilizmit, ka vend shpifja! Shpifja është mëkat, siç janë mëkate mburrja e krenarija, sikurse thotë shkrimi shenjtë:
”Kush mburret, le të mburret në Zotin.” Në Zotin mburrej Nëna Tereze, ishte plotësisht në shërbim të Tij, shërbëtore e Zotit, sipas mësimeve të Kishës Katolike që i takonte, asgjë tjetër, më tepër...

...

[4peace]

...


Si dëshmohet kjo?

Don Lush Gjergji, njohësi më i mirë i jetëshkrimit të Gonxhe Bojaxhiut, në një bisedë të shkurtër me të, zhvilluar me 28 qershor 1980, i bëri këtë pyetje:”…Ju thërrasin Nëna Tereze. Ju çka thoni për veti, kush jeni Ju?
Nëna Tereze tha:
“Shërbëtorja e Zotit, asgjë tjetër. Plotësisht në shërbim të Tij…”
Vjen pyetja: Në shërbim të kujt janë ateistët që mburren, krenohen duke shpifur për “humanizmin” e Nënës Tereze?
Shpifja, mburrja e krenaria janë mëkate. Mëkatet janë pengesë e fisnikërimit shpirtëror. Me pengesa që pengojnë fisnikërimin shpirtëror a mund ta dallojmë të vërtetën nga e gabuara? Për këtë këta ateistë, ja vlen të mësojnë të mendojnë. Në ç’mënyrë?
Mënyra se si na mësojmë të mendojmë është po aq e rëndësishme sa edhe çka të mësojmë të mendojmë. Të mësojmë të mendojmë se besimi në Zot nuk është një mësim e mendim i verbër, por është një njohje e përligjur nga arsyeja.
Shën Augustini (354 - 430) thoshte:
“Njih, që të besosh” vjen përpara se “ Beso që të njohësh. “Ju besoni se Nëna Tereze ishte humaniste, pa pasur njohuri se ajo nuk ishte. Këtu të gjithë keni gabuar, këtu të gjithë keni dështuar. Keni dështuar duke menduar se kështu Perëndimi ka me na pranuar! Edhe këtu keni dështuar!
Për dështimin, për Perëndimin, Nëna Tereze thoshte:
“Varra e dështimit është duke u përhapur në tërë botën. Perëndimi është duke rrënuar kulturat e mëdha të bazuara në jetë. Perëndimi është duke bërë vetëvrasje”. Gazeta zyrtare e Vatikanit, (L’osservatore Romano, 13 maj 1981, faqe 9).

Të dashur, ju që e keni në zemër formalizmin, humanizmin, servilizmin! Zoti u ka dhënë një fytyrë, e ju e bëni një tjetër. E trishtueshme është kjo, do t’ju thoshte Shekspiri!
E trishtueshme, vërtet, sepse ju mungon dashuria për njëri-tjetrin në këtë jetë! E megjithatë, keni kryer, po kryeni dhe do të kryeni lloj-lloj ceremonish për 100-vjetorin e lindjes së saj për t’i dëshmuar botës, jo vetes, se ne jemi po aq humanë e të dhimbsur sa Nënë Tereza. Sigurisht, jo nga veprat që bëjmë, aq më pak nga sjellja e nga morali ynë i përditshmërisë, po nga fakti se jemi shqiptarë, se kemi origjinë të njëjtë me të.” O Zot, sa e rëndësishme qenka që “ne kemi të njëjtin gjak me Nënë Terezën”, kur nuk ndjekim në asnjë veprim shembullin e saj?!”
Jemi dëshmitarë të gjithë, në kremtimet fetare, kur krerët tanë të politikës nguten të dalin para kamerave, pas urimeve të tyre, që u kanë bërë krerëve fetarë në emrin tonë, edhe në 100 vjetorin e Nënë Terezës ata, njëri pas tjetrit, pasi kanë thelluar hendekun e varfërisë mes shumicës e pakicës, pasi kanë hedhur benzinë në zjarrin e sherreve e konflikteve, po e shfrytëzojnë rastin të lartësojnë emrin e Nënës Tereze, për të na bindur se, janë e do të jenë një shëmbëlltyrë e Nënë Terezës!
“Ja, shikoni o shqiptarë se sa shumë e duan dhe e respektojnë ne Nënë Terezën”.
Nëna Tereze “Shërbëtorja e Zotit, asgjë tjetër. Plotësisht në shërbim të Tij…”
Nëna Terezë, megjithëse ishte “Shërbëtorja e Zotit, asgjë tjetër. Plotësisht në shërbim të Tij…” ajo në gusht të vitit 1959, i shkruajti eprorit të saj, Rev. Lawrence Pickay, .
"Më trego at, përse ka kaq dhimbje dhe kaq errësirë në shpirtin tim?
"Për çfarë unë punoj, nëse atje nuk është Zoti…?”
Nënë Tereza me "errësirën" e saj dëshmoi se është pjesë e bashkësisë katolike, pra, e Kishës Katolike, për të cilën punoi si “shërbëtore e Zotit”, për këtë e çmojmë, por si mund të harrohet, si mund të shpjegohet, shumica e kombit shqiptar që ka përqafuar fenë Islame, e cila po fyhet, diskriminohet, luftohet me të gjitha mjetët, mu nga ata që e përkujtojnë Nënën Tereze…?!
Këtë e ka thënë vetë Nëna Tereze me këto fjalë:
“…Ka kaq shumë njerëz në botë që vdesin prej urisë, por akoma më shumë ka njerëz që vdesin nga mungesa e dashurisë”.
Kurse në Bibël shkruan:
“Ju them këtë që askush të mos ju gënjejë
me fjalë joshëse.”
Bibla, Kolosianëve, 2:4


Dhe më në fund, po e përmbyllim këtë shkrim me Fjalën e Allahut të Madhërishëm, i Cili në Kur’an, që është Dritë, që të çelë sytë, thotë:
Thuaj:”Kush ju furnizon me ushqim nga qielli e toka, kush e ka në dorë të dëgjuarit e të pamit, kush e nxjerr të gjallin nga i vdekuri dhe kush e nxjerr të vdekurin nga i gjalli, kush rregullon çdo çështje?” Ata do të thonë: Allahu. Ti thuaj: “A nuk i frikësoheni (dënimit)? E ky është Allahu, Zoti juaj i vërtetë. Pas të vërtetës nuk ka tjetër pos iluzione, e si po ia ktheni shpinën të vërtetës?”
(Kur’ani, 10:31-32)


Mexhid YVEJSI, Gjakovë

28/08/2010 ***


Kush qanë më së shumti (me lot krokodili) për Nënë Terezën?
Formalisto-humanisto-servilistat, sikur çifti i Pupit.
Kurse Pupi (murrizi) i sotem, po te mos ishte nga formalisto-huministo-servilistat...
...mbase do të ishte bërë shok imi


***

[murrizi]

Murrizi nuk vuan për shoqëri antikombëtare, mbase jemi me bollëk të mahallës Perparimtare !

Mexhid Yvejsi jo për herë të parë këshillon dhe i gjenë vendin Nënës Terezë në xhehnem së bashku me bashmendimtarin e tijë Shefqet Krasniqin !?

Sepse...

Mexhid Yvejsi ?

Ky duhet të jetë nga komuntetet që jetojn në Kosovë mesiguri ?
Nuk më ka rënë të dëgjojë emër e mbiemër të tillë Shqiptar, e më së paku në Gajkovë !

[murrizi]

Postimi origjinal është bërë nga emine

nuke do te kete kurre rendesi ku dhe si sherbejme me rendesi eshte te behet mire kudo,dhe te nderohet nje populle i mbare me emrin e Nene Terezes,

Bravo Emine, për këtë këngë, dhe të gjithë ju të tjerët që ende su është bërë gjaku ujë !

[Makresh]

"...pa diskutim, që i përket Indisë, i përket Kalkutës,,

Sali Berisha

[panta_rhei]

Postimi origjinal është bërë nga Makresh

"...pa diskutim, që i përket Indisë, i përket Kalkutës,,

Sali Berisha

O Makresh, po asnji pejgamber islam nuk ka qenë shqiptar. Kanë lind n'arabi, kanë jetu n'arabi e kan dekë n'arabi, e ti dh*hesh mbas tyne.

Ka 5 herë në ditë bie në gjunjë për ta, e qindra mijëra xhamia e objekte janë të ndërtuara në trojet shqiptare veq për ta. Për qata arab. Pa fije lidhje me shqiptarë.

E këtu po don me i qarru sytë, n'tjetër punë doni me ra me bo veq me e përmendë dikush nënë terezen.

Nëse bash të intereson qasja ime "serioze" rreth kësaj qështjeje, atëherë të jesh i bindur se asnjëherë nuk më ka ngazëllyer emri ose vepra e nënë terezës. Më ka bërë përshtypje si humaniste e përkushtuar. Por vetëm kaq. Respekt deri në përulje, jo veq për atë por për secilin që e ndez veq nji qiri të vogël kundër errësirës së mjerimit e të varfërisë. Ti e din, të gjithë e dijmë, që Kalkuta edhe India janë, sot e gjithë ditën, njerëz të besimit hinduist. Askush nuk e ka ndrru fenë veq që i ka ndihmu nanë tereza. Përndryshe do të ishte idiotizëm respekti ndaj saj.

Emri Nanë, një njeri të ndërgjegjshëm, e ulë në dy gjunjë. Veq kur e ndien emrin Nanë.
Bota e pranon e e nderon Nanë Terezën si "Nanë e krejt Botës". Bile në këtë kontekst, me i thanë nanë terezës shqiptare, veq çka ia humbë autoritetin edhe respektin para botës.
Nuk ka nevojë ajo për shqiptarë, jo. Kurse ne shqiptarët, edhe për eliza dushkun, që shkërdhehet para 50 kamerave, po i japim zor me thanë që është shqiptare.
Sepse kemi nevojë me na njoftë dikush, e mos me u zhdukë nga të tjerët sikur mos me pas ekzistu kurrë. E mos me thanë bota për shqiptarët "Taksirati i bukës".