Partnerja që meshkujt dëshirojnë

**Zero Cool** · 05-09-11, 11:50

Meshkujt te femra nuk kërkojnë vetëm të dashur, por edhe një shoqe, një përkrahëse, një person që do t’i mbështesë dhe do të jetë pranë tyre. Prandaj është shumë me rëndësi që të lini përshtypje të parë të mirë dhe të dini se çfarë duan meshkujt, ashtu që të keni vetëbesim.

* Femrat duhet ta kenë të qartë se meshkujt nuk duan persona të bezdisshëm. Ata i respektojnë femrat të cilat kanë jetë personale dhe miq të tyre me të cilët ato dalin kur ai ka nevojë për hapësirë vetëm për vete, në rastet kur, p.sh., dëshiron të përcjellë ndonjë ndeshje me miqtë e tij.

* Edhe pse ekspertët e lidhjeve këshillojnë se nganjëherë është mirë që edhe femrat të bëjnë hapin e parë, megjithatë këtë duhet t’ua leni meshkujve. Ata duan të marrin iniciativën dhe të vendosin kur është momenti i duhur që t’u ftojnë të dilni.

* Gjërat e vogla e ndërtojnë jetën. Në çdo moment tregoni se interesoheni për të dhe ‘përkëdheleni’ me shenja të vogla të vëmendjes, por mos e teproni.

* Tregoni efektin tuaj seksipil, josheni duke zbuluar atributet tuaja, por, kuptohet, mos jini sulmuese. Imagjinatën e mashkullit më së shumti e nxit një dekolte që shihet pak nën fanellë, sesa një dekolte që thuajse zbulon gjithçka.

* Në një takim të parë asnjëherë mos tregoni se jeni të gatshme të përfundoni me të në krevat. Por lëreni situatën të rrjedhë me spontanitetin e vet.

* Secili mashkull e dëshiron pranë vetes një femër të cilën e respekton dhe e cila gëzon respektin e të tjerëve.

* Qëndroni pranë tij kur ai ka nevojë për ju, sepse meshkujt te partnerja kërkojnë edhe një mikeshë.

* Mos e lejoni veten që ta lodhni me thirrje dhe t’i dërgoni qindra mesazhe në ditë. Diçka të tillë nuk e dëshiron askush. Po ashtu, mos e pyetni vazhdimisht për të ardhmen.

* Nëse dëshironi një mashkull të kulturuar dhe me edukatë, atëherë ekspertët rekomandojnë që t’u kushtoni vëmendje sjelljeve tuaja.

**Zero Cool** · 05-09-11, 14:56

Meshkujt i pëlqejnë zeshkanet

Kah mesi i shekullit të kaluar aktorja legjendare dhe seks simboli, Marylin Monroe, pati deklaruar se meshkujt i duan më shumë biondet. Ndoshta dikush do të pajtohet me këtë pohim, mirëpo nëse bazohemi në rezultatet e një studimi të ri, nuk qëndron kështu. Studimi ka treguar se meshkujt, në fakt, i pëlqejnë zeshkanet.

Rrjeti shoqëror Badoo ka anketuar 2.000 meshkuj në mënyrë që të zbulojë se çfarë i josh meshkujt te një femër.

Rreth 60 për qind e të anketuarve kanë deklaruar se më shumë u pëlqejnë femrat me flokë me ngjyrë më të errët, ndërkaq një e treta e të anketuarve, gjegjësisht 33.1 për qind, kanë thënë se zeshkanet janë më atraktive.

Meshkujt të cilët i duan biondet përbëjnë 29.5 për qind të votave, ndërsa flokëkuqet janë më pak të popullarizuara. Vetëm 8.8 për qind e meshkujve thonë se femrat me flokë të kuqe janë atraktive.

Një tjetër informatë interesante është se meshkujt nuk i duan femrat me figurë manekinie. Shumica e të anketuarve kanë pohuar se fermat ‘e përsosura’ bartin madhësinë 40 dhe 42. Femrat edhe më të plota zënë vendin e dytë, ndërsa ato shumë të hollat janë të tretat në këtë renditje.

Kur bëhet fjalë për ngjyrën e syve, e kaltra është dukshëm në vend të parë. Rreth 40.2 për qind e të anketuarve kanë deklaruar se e pëlqejnë ngjyrën e kaltër. Sytë ngjyrë kafe janë në vend të dytë, ndërsa në vend të tretë janë sytë e gjelbër.

Hulumtimi i Badoo është realizuar në Francë, Spanjë, Itali, SHBA dhe Brazil. Vetëm francezët kanë thënë se u pëlqejnë femrat shumë të holla.

**Zero Cool** · 09-09-11, 11:31

Meshkujt dhe sjelljet e tyre per ti pelqyer femres

“Gjithmone eshte menduar se meshkujt jane me te parashikueshem se femrat, mirepo kjo iu ndihmon ne gjetjen e partneres”,- shprehen ekspertet. Meshkujt me pare pranojne karakteristikat e tyre te personalitetit dhe iu permbahen atyre.

Ndersa femrat nuk jane aq te qendrueshme dhe jane te prira per te ndryshuar, ne fakt ato pershtaten varesisht nga rrethanat.

Zbulimi i realizuar nga Universiteti Exeter, tregon se meshkujt kane sjellje te parashikueshme ne rrethana te ndryshme, ndersa femrat e kuptojne dhe e vleresojne kete cilesi te gjinise se kundert.

Zbuluesit thone se kjo sjellje e meshkujve eshte rezultat i evolucionit, qe ndodh ne bazen e seleksionimit gjinor. “Meshkujt kane evoluar ne baze te gares ndermjet tyre per te fituar simpatine e femres”,- kane rezultuar studimet e ketij universiteti.

Femrave iu pelqen t’i parashikojne veprimet e meshkujve, sepse kjo iu ndihmon ne vendosjen e lidhjeve afatgjate te mbushura me besim dhe qendrueshmeri.

**Zero Cool** · 22-09-11, 20:40

Për çfarë gënjejnë më shpesh femrat

Ekzistojnë fshehtësi të cilat femrat duan t’i mbajnë për vete dhe asnjëherë nuk do t’i ndajnë me partnerin.
Shkencëtarët amerikanë i kanë zbuluar sekretet më intime të femrave duke anketuar në mënyrë anonime 700 femra, ndërsa kanë fituar rezultate mjaft interesante për atë që femrat më së shpeshti e gënjejnë partnerin:

Për numrin e meshkujve me të cilët kanë fjetur
Femrat të cilat në të kaluarën kanë pasur numër më të madh të partnerëve me të cilët kanë pasur marrëdhënie seksuale, asnjëherë nuk do t’ua thonë meshkujve të tyre numrin e saktë.

Për tradhtinë
E kaluara duhet të mbetet e kaluar. Kështu mendojnë rreth 32 për qind e femrave, të cilat kanë pranuar se në lidhjet e kaluara ose aktuale, kishin tradhtuar. Arsyet më të shpeshta janë pakënaqësia, monotonia, dashuria kalimtare, ndenja se është e dëshiruar apo thjeshtë tërheqja e fuqishme.

Për orgazmën
Madje 48 për qind e femrave kanë pranuar se gjatë seksit së paku një herë janë shtirur për orgazëm dhe këtë e kanë bërë sepse nuk kanë dashur ta zhgënjejnë ose lëndojnë partnerin e tyre.

Për kontaktin me ‘ish-in’
Thuajse 75 për qind e femrave të anketuara ishin dëgjuar së paku një herë (me anë të telefonit ose e-mailit) ose kishin dalë për një pije me ish-të dashurin.

Për fantazinë dhe dëshirën për meshkuj tjerë
Edhe pse është gjë normale, rrallë ndonjë femër ia pranon partneri të vet se gjatë seksit mendon për dikë tjetër.

Për masturbimin
Çdo e katërta femër që është në një lidhje masturbon disa herë në javë, ndërsa çdo e treta femër e anketuar ka pranuar se nganjëherë kur është vetëm në shtëpi shikon xhirime pornografike.

**Zero Cool** · 19-10-11, 20:46

Rregullat se si ta mbijetosh vetminë e madje ta shijosh atë

1 - Para së gjithash: harroni çdo rregull
Jeni ju vetë që hartoni rregullat, që vendosni se çfarë do të bëni (dhe çfarë nuk do të bëni), çfarë do të hani, kur do të ngriheni nga shtrati. Ndërgjegjësohuni se mund të bëni çfarë të doni, kur të doni.

2 - Mos kini frikë të përkëdhelni veten
Mos përtoni të bëni një vaskë të ngrohtë sapo mbërrini në shtëpi, të pini një aperitiv dhe thjesht të blini një tufë lulesh për kënaqësinë tuaj.

3 - Kujdesuni për miqtë
Merrni shoqet në telefon, ftojini ndonjëherë për darkë ose për të pirë ndonjë gjë dhe flisni me to se si e kaloni ditën. Mos rrini për shumë kohë vetëm (por kujdes: nuk duhet të dilni patjetër çdo mbrëmje, sepse duhet të mësoheni të mos keni frikë të qëndroni vetëm në darkë në shtëpi).

4 - Qëndroni të përgatitura
Merrni të gjitha e_mailat: që të mos ktheheni asnjëherë në një shtëpi "bosh": në një shtëpi ku nuk gjeni asgjë për të ngrënë dhe ku nuk mund të bëni asgjë. Përpiquni të mbani gjithmonë ndonjë gjë të mirë në frigorifer dhe ca videokaseta me filmat tuaj të preferuar.

5 - Dhe, në fund, mos i qani kurrë hallin vetes
Të jesh beqare është gjë e bukur; do të thotë liri absolute dhe pavarësi. Të jesh beqare është edhe shumë në modë.

Kur ndihesh e trishtuar

1 - Kur nuk je hiç në qejf dhe nëse ke kondicioner në shtëpi, ngrije temperaturën në maksimum. Përndryshe vër në prizë të gjitha ngrohëset, derisa mjedisi të arrijë temperaturën tropikale.

2 - Zhvish të gjitha rrobat me ngjyra të trishtuara, si e zeza, grija dhe kafja. Çlirohu nga getat bezdisëse dhe vish një fund të kuq, një këmishë të bardhë dhe shumë varëse etnike.

3 - Dëgjo muzikë amerikano-jugore, e cila do të të kujtojë diellin që shkëlqen, detin blu dhe rërën e nxehtë poshtë këmbëve të zbathura.

4 - Kërce e përkundu deri sa të të marrë uria.

5 - Pastaj ndriçoje kuzhinën me dhjetëra qirinj dhe përgatit gjellë pikante që ngrohë zemrën.