"Rugova konvertohet në fenë krishtere"

"Rugova konvertohet në fenë krishtere"



Francesko Battistini

"Corriere della Sera"



PRISHTINE



Një shqiponjë dykrenare në një qark të kuq, e vendosur në sfondin blu, një yll gjashtëcepësh si ai i Skënderbeut dhe mbishkrimi Dardania. Këto do të jenë elementët e rinj të flamurit të Kosovës, e cila pret të fitojë pavarësinë madje para vitit 2005, siç deklaron edhe presidenti i saj, Ibrahim Rugova. Në një intervistë për gazetën "Corriere della Sera", lideri kosovar tregon përgatitjet për pavarësinë dhe zbulon projektet e tij për të ardhmen e vendit.



Corriere della Sera: Presidenti Rugova, është e vërtetë që keni ndërruar fenë tuaj në atë kristiane?



Ibrahim Rugova : Të themi që tashmë ushqej një farë simpatie për kulturën kristiane dhe atë perëndimore.



Corriere della Sera: A mund ta quajmë një rrugë të re shpirtërore këtë tuajën?



Ibrahim Rugova : Kultura jonë është perëndimore. Edhe historikisht, besimi i parë fetar i praktikuar nga populli shqiptar ishte kristianizmi. Xhamitë dhe të tjerat mbërritën te ne më vonë. Me ardhjen e osmanëve, një pjesë e popullsisë ndërroi fenë me detyrim. Kjo vazhdoi edhe pas rënies së Skënderbeut dhe rezistëncës së tij ndaj invazionit turk.

Një rikthim te rrënjët atëherë…

Ka patur një ndikim mysliman shumë të thellë, i cili edhe sot shfaqet te emrat dhe traditat e popullit tonë. Myslimanë dhe të krishterë janë integruar me një farë harmonie mes tyre. I vetmi shkak i mbijetesës sonë ishte toleranca reciproke. Pa të do të ishim zhdukur prej kohësh. Tashmë secili mund të zgjedhë lirisht fenë e tij…



Corriere della Sera: Por ju jeni presidenti i vendit…



Ibrahim Rugova :Interesi im kulturor dhe shpirtëror është krejtësisht personal. E shihni atë pikturë (tregon një pikturë në sfond të gjelbër). Është vepër e Pjeter Bogdanit. Ishte peshkop i Kosovës, që në vitin 600 luftoi hyrjen e islamit në këtë vend. Një figurë e jashtëzakonshme dhe shumë aktuale për atë që kërkon të kuptojë këto epoka përballjesh mes qytetërimeve të ndryshme.



Corriere della Sera: Kur do të pagëzoheni?



Ibrahim Rugova : Të shohim, tani për tani synimi im është mbi të gjitha politik. Unë kam për qëllim të promovoj një tolerancë të vërtetë mes kristianëve dhe mylimanëve.



Corriere della Sera: Keni ndërmend të ndërtoni një mauzoleum për Nënë Terezën?



Ibrahim Rugova : Është ëndrra ime; një muze për Nënë Terezën e Kalkutës, një shqiptare dhe një kristiane e madhe. Është projektuar nga dy arkitektë italianë, Bruno Valente e Giuseppe Durastanti.



Corriere della Sera: Por, a nuk mund t'i përdorni këto fonde për nevoja më urgjente?



Ibrahim Rugova : Projekti do të financohet nga donacione individuale. Sidoqoftë, ne na duhen këto simbole. Dhe fundi i fundit, me fondet e një kishe nuk mund të ndryshojë ekonomia e vendit.



Corriere della Sera: E cilit vend ? Ju flisni për pavarësi dhe amerikanët kanë caktuar vitin 2005 si datë për diskutimet e statusit, por Kosova varet ende nga Serbia, të paktën zyrtarisht...



Ibrahim Rugova : Do të jemi të pavarur para vitit 2005. Dhe kjo është hipotezë realiste.



Corriere della Sera: Ju jeni në favor të kthimit të serbëve në zona si Peja, që kontrollohen nga ushtarët italiane, ku bashkëjetesa është e thuajse pamundur?



Ibrahim Rugova : Po, tashmë janë kthyer rreth 7 000 serbë. Por kjo varet nga zgjedhjet individuale dhe jo nga propaganda e Beogradit, që krijon shpesh destabilitet.



Corriere della Sera: Në Vjenë, në bisedimet e para Prishtinë-Beograd, ishit vetëm ju. Krerët e lartë të ish-UÇK-së dezertuan. Pse ?



Ibrahim Rugova : Ndodhesha atje si president i Kosovës. Të tjerët hezituan. Por kjo bën pjesë në dialektikën normale të demokracisë.



Corriere della Sera: Është e vërtetë që Beogradi është gati të heqë dorë nga Kosova në këmbim të dy miliardë dollarëve dhe hyrjes në BE?



Ibrahim Rugova : Nuk di asgjë. Për ne çmimi i paguar është lufta. Pastaj, nëse serbët duan të hyjnë në BE, kjo është puna e tyre.



Corriere della Sera: Sa duhet të zgjasë prania ndërkombëtare në Kosovë?



Ibrahim Rugova : Misioni i OKB-së po i transferon thuajse të gjitha kompetencat autoriteteve tona. Përsa i përket NATO-s, bazat do të vazhdojnë të jenë këtu.



Corriere della Sera: Si do të jetë Kosova e pavarur ? Çfarë flamuri do të ketë? A do të ndryshojnë kufijtë?



Ibrahim Rugova : Flamuri ynë është gati tashmë. Një shqiponjë shqiptare në një qark të kuq të vendosur në sfondin blu, si qielli, symbol i tolerancës dhe Europës. Do të jetë edhe mbishkrimi Dardania, emri i lashtë i Kosovës, si dhe një yll me gjashtë cepa, ylli i Skënderbeut. Ndërsa, kufijtë nuk do të ndryshojnë; nëse e bëjmë këtë do të kemi konflikte në të gjithë Ballkanin.



Corriere della Sera: A do të valëvitet ky flamur në katedralen e Nënë Terezës?



Ibrahim Rugova : Shpejt për ta thënë një gjë të tillë. Ekzistion terreni, guri i parë është hedhur. Në vitin 2004 do të nisin punimet dhe më pas na duhet ta mbarojmë shpejt ndërtimin e katedrales."

Qka do qet jet apo behet Presidenti i lavdishem i kosoves Dr.Ibrahim Rugova merendesi esht qe per at ne pik te par esht kombi e jo feja feja e Presidentit tan osht Shqiptaria

[K-man]

qashtu o artanibb. "Mos shiko kisha e gjamia, feja e shqiptarit o shqiptaria". kom harru kush e ka thon.

[Drejtësia]

O ju qe keni besuar keni frike Allahun me nje frike te denje dhe mos vdisni ndryshe pos duke qene musliman.
Kuran 3:102

Jo o njerez, shqiptaria nuk eshte fe por ajo eshte komb,
dhe se feje komenton per kombin ndersa kombi nuk e komenton fene,


O ju njerëz, vërtetë Ne ju krijuam juve prej një mashkulli dhe një femre, ju bëmë popuj e fise që të njiheni ndërmjet vete, e s'ka dyshim se te All-llahu më i ndershmi ndër ju është ai që më tepër është ruajtur (këqijat) e All-llahu është i dijshëm dhe hollësisht i njohur për çdo gjë.
Kuran 49:13.

Prandaj nuk eshte e llogjikshme ti jipet perparesi kombin ne krahasim me fene, sepse eshte feja ajo qe na tregon per kombin.

[K-man]

feja asgje nuk tregon per popullin. ne shqiptaret ne fillim kemi qene te krishtere (katolik), po turku ka ardh edhe na ka shenderruar ne musliman. feja nuk ka te beje asgje me popullin tone.

[K-man]

shiko AlbMuslim-Ku, ti s'po me duket qe e din historine e ilireve. ne iliret prej kohes se romakeve, ndoshta edhe me heret, kemi qen katolik, por turku ne ka ardh edhe kna ka sundu per 500 vjet, edhe s'kemi pas qare pa u shendrru ne musliman. turku na ka dhene 2 zgjedhje, nese nuk kthehesh ne musliman paguan taksa, nese kthehesh nuk paguan, edhe ne shqiptaren ne at kohe s'kemi pas para, edhe jemi shendrru, dmth nuk kemi pas zgjedhje tjeter. thjesht turku na ka shti me zor me e ndrru fene.

[aferdita]

K-man shiko ti nese ke deshir te khtehesh perseri ne katolizem mundesh se po dukesh sikur qe i bije pishman qe je mysliman dhe me rugova vet eshte katolik dhe don ti kthej edhe te tjeren dhe shqiptar edini qysh jan mas pareve e japin edhe jeten dhe gati jan be krejt katolik

[Murgesha]

Aferdita nuk e di se ne cka bazohesh kur thua se Rugova po dojka ti kthej te gjithe shqiptaret ne katoloicizem. Nese ai e ka bere si c po thuhet kete, ende askujt si ka ba thirrje qe te pranoj apo konvertohet ne tjeter fe. Ju lutem mos u merrni me inate vetjake dhe te njollosni figuren e Rugoven.
Ne Fe nuk ka dhune kush cilen fe ta doje mundet edhe ta perqafoj dhe ti sherbej. Ajo eshte e drejta elementare e individit.

[K-man]

Bravo Murgeshe. qake njo

[Djal_rugove]

mendimi im është se ; feja eshtë një bindje individuale e individit e cila nuk mund te zhvillohët pa lirin e rrethitë. Shqipëtaret nuk e paten lirin e rrethitë apo te individitë pothuaj se kurr edhe fenë nuk arriten kurr ta kuptojnë si qeshtje individuale por vetem si nje bindje kolektive.
musliman apo te krishtër!
Shqipetarët muslimanët janë shumë ma mbrapa sa i perketë njohjës se parimeve fetare, por nuk janë vet fajtorë. Fajtor janë prejudikuesit e fesë te cilet prejudikojnë sipas deshirës se interesit, personal apo ritual.
kultura e nje populli indentifikohët edhe me parimet e fesë se atijë populli kjo mungonë te spektri muslimanë.(pa dashje te thellohem ne shkaqe) por e vertetë është. ndersa te spektri katolik kjo është ma e persosur, jo ashtu si duhet por ecë ne rrugën e vertët.
Nga njerezit e Medhenjë te Kombit tonë kemi nje te sigurt: te gjithë ata te spektrit musliman qe e respektuan edhe fenë edhe kombin. ne fund kombin e lan ne doren e dytë, ndersa te spektri katolik kjo nuk ndodhi.
Sa i perketë mendimit individual te Presidentit , kjo ka nje rendesi te madhe. Njerzit e medhenjë edhe kur flasim per vete, perfitojnë edhe te tjerët. Bazuar ne historikun tonë kombatar, Presidenti ka te drejtë.
Te gjitha vendet arabe ne za, ishin kunder nesh dhe kunder Intervenimit te NATO_s, ndersa kisha dhe Vatikani e perkrahen Fuqishem popullin dhe NATO_n.Pjesa dermuese e vendeve islame qe ndihmmuan ne Kosovë, si parim e kishin : nese je ose nese bahesh musliman i mirë.
Per shkaqe te varfëris shumë ferxhe erdhen ne kosovë. Kjo te le te dyshoshë. Jemi vllezer dhe musliman thonë ata. Por , ne jemi vllëzer dhe shqipëtar pa dallim feje .se Feja është qeshtje individuale e personit, ndersa kombi qeshtje kolektive.
Pashko Vasa tha: mos shikoni kisha e as xhamia, se feja jonë a vet shqiptaria.
Kur ta kemi shqiptarin te fortë, dota kemi edhe fenë.

[Albanam]

Hajde de!
Mirë se erdhe në mesin e burrave Djal_rugove!
Si për fillim, i paske hy pak si thellë analizave të çështjes fetare ndër shqiptarët...

[Djal_rugove]

edhe une si ju e jepa mendimin tim !
shumë ose pak , njeriu bazohet ne aftësit e veta psiko fizike dhe inetelektuale, por sa e njef e vlersojnë te tjeret.

[Gentiani]

Postimi origjinal është bërë nga Djal_rugove

mendimi im është se ; feja eshtë një bindje individuale e individit e cila nuk mund te zhvillohët pa lirin e rrethitë.

shumë në rregull Djal_rugove, ky është mendimi i yt, por pjesa tjetër e tekstit është komplet në kundërshtim me mendimin tën, ose mendim i tjetërkujt!

Interesant diçka! jap mendimin dhe pastaj i kthehem të njëjtit kundër me një mendim krejt tjetër, me sa munda ta kuptoj shkrimin tënd, nëse nuk është fjala për ndonjë lëshim gjatë shkrimit.

[Djal_rugove]

GEntiani
mendi i shkruarë është i imi dhe , nukkundershton asgja me fillimin apo fundin e shkrimit..lexo edhe njeher.

[OROSHI]

Nderrimi i perkatesis fetare te Presidentit Rugova asht dicka shume personale,pra nuk keni pse qitni shkelma!!Ne fakt nuk asht nderrim,por kthim ne identitetin e humbur tash 500 vjet te popullit Shqiptar!!! :lol: