Paraqitja e Fitnes...

[alaudin]

Paraqitja e El-Fiten

Fjala El-Fiten është shumës i fjalës El-Fitnetu, e që don të thotë: sprovime, pastaj kjo fjalë është përdorur në për çdo vepër të urrejtur (të keqe), ose ajo që të drejton në të siç është mëkati, kufri, mbytja, djegia dhe në gjëra tjera të urrejtura.1
i Dërguari i Allahut [salallahu alejhi ve selem] ka lajmëruar se nga shenjat e kijametit është paraqitja e fitneve të mëdha ku do të pështjellohet e vërteta me të kotën, e trondisin besimin, derisa njeriu gdhihet besimtarë ndërsa në mbrëmje është jobesimtarë, ose në mbrëmje është besimtarë ndërsa gdhihet jobesimtarë.
Çdo herë që të paraqitet një fitne thotë besimtari: Kjo është shkatërrimi im, pastaj kalon dhe parqitet tjetra dhe besimtari thotë: Kjo, kjo (është shkatrrimi im) dhe kështu vazhdojnë të paraqiten fitnet te njerëzit derisa të bëhet kijameti.
Në hadithin që e transmeton Ebu Musa El-Esharijj se i Dërguari i Allahut [salallahu alejhi ve selem] ka thënë: “Para kijametit do të paraqiten fitnet sikur nata e errët, gdhihet njeriu besimtar ndërsa në mbrëmje bëhet jobesimtar, ose në mbrëmje është besimtar ndërsa gdhihet jobesimtar, ai që nuk përzihet është më i mirë se ai që fillon, ai i cili e fillon është më i mirë se ai që e vazhdon (ecë), ai që ecë është më i mirë se ai që ngutet në atë, andaj theni harqet e juaja, këputni litarët, dhe goditni gurët me shpatat tuaja, e nëse hynë te dikush nga ju, le të jetë si biri më i mirë nga dy bijtë e Ademit a.s. (transmeton Imam Ahmedi, Ebu Davudi, ibn Mexheh dhe Hakimi në Mustedrekin e tij)2.
Transmeton Muslimi nga Ebi Hurejre se i Dërguari i Allahut [salallahu alejhi ve selem] ka thënë: “Nxitoni në vepra të mira para se të paraqiten fitnet sikur nata e errët gdhihet njeriu besimtarë, ndërsa në mbrëmje bëhet jobesimtar, ose në mbrëmje është besimtar e gdhihet jobesimtar, e shet fenë e tij për diç (një kënaqësi) të kësaj bote”3.

1 shih ((lisanul Arab)) (13/317-321) En-Nihaje (3/410-411) dhe fet-hul bari (13/3).
2 (musnedul Imam Ahmed) 4/408 bi hamisheti muntehab kenzul umal, Sunen Ebi Davud (11/337 –mea Avnil meabud), (sunen ibn maxheh 2/1310) dhe në (Mustedrekul Hakim 4/440) dhe thotë: Hadithi ka zingjirë të sakët dhe nuk e kan nxjerrur Buhariu dhe Muslimi, ndërsa Edh-Dhehebiju ka heshtur në këtë hadith). Hadithin e ka saktësuarë Alabanij. Shih ((sahihul xhami es-sagir 2/193).
3 shih:sahihu muslim-kitabul iman –babul hath alal mubadereti bil eamal kable tedhahuril fiteni (2/133-mea sherh En-Nevevi).

Nga Umu Selemete r.a, bashkëshortja e të Dërguarit [salallahu alejhi ve selem] ka thënë: “U zgjua i Dërguari një natë i frikësuar dhe tha: Subhanallah (Allahu është pa të meta), ç’farë pasuri ka zbritur Allahu? Ç’farë sprovime ka zbritur Allahu? Kush i zgjon gratë e dhomave (kishte për qëllim gratë e tij) që të falen? Ndoshta ndonjë e mbuluar në këtë botë do të jetë e zhveshur në botën tjetër”.(transmeton Buhariu)1
Nga Abdulla ibn Amri ibn Asi Allahu qoftë i kënaqur me të thotë: Thirri, thirrësi i të Dërguarit të Allahut [salallahu alejhi ve selem], “Es-salatu xhamiatu”, e ne u mblodhëm te i Dërguari i Allahut [salallahu alejhi ve selem] e ai tha: “Nuk ka pasur pejgamber para mua vetëmse ka qenë obligimi i tij të drejtojë popullin e tij në të mirat që i ka ditur, dhe ti (ndaloj) nga të këqiat që i ka ditur, ndërsa falja e ummetit tuaj është bërë në fillimin e tij, ndërsa do ta godet fundin e këtij ummeti sprovime dhe gjëra që do ti mohoni, do të vinë fitnet, njëra tjetrën e lehtësojnë (kur të vijë fitneja e dytë të bën ta ndiesh fitnen e kaluarë të lehtë).
Vinë fitnet thotë besimtari:Kjo kjo….kush dëshiron të shpëtoj nga zjarri dhe të hyjë në xhennet, le t’i vijë vdekja duke besuar Allahun dhe ditën e fundit”2. (transmeton Muslimi)
Hadithet që flasin për paraqitjen e fitneve janë shumë, për të cilat ka lajmëruar Pejgamberi ummetin e tij, dhe i ka urdhëruar që të kërkojë nga Allahu që ti mbrojë nga ato, gjithashtu ka lajmëruar se fundin e këtij ummeti do ta godasin sprovime dhe fitne të mëdha, nuk ka mbrotje nga ato përveç besimi në Allahun dhe ditën e fundit, të mbrojturit me bashkësin e muslimanëve-dhe ata janë Ehlu-sunneti (pasuesit e sunnetit)-edhe nëse janë pakic- të largohen nga fitnet dhe të kërkojnë mbrojtje nga Allahu prej fitneve siç ka thënë Pejgamberi [salallahu alejhi ve selem]: “Kërkoni nga Allahu mbrojtje nga fitnet që shihen dhe nga fitnet që nuk shihen”3. (transmeton Muslimi nga Zejd ibn Xhabir r.a)