Avokatët Amerikan

[pokeri]

Avokatët amerikan
SHBA-të është vendi me numrin më të madh të avokatëve në botë. Pjestarët e këtij profesioni bëjnë pjesë në shtresën e pasur të shoqërisë amerikane, sepse numri i kontesteve në SHBA është shumë i madh, ndërsa në gjyq është thuajase e pamundur të paraqitesh pa avokat, honoraret e të cilëve janë 30% nga vlera e kontestit. Për gjeturinë e avokatëve dhe kombinatorikën e tyre në gjykime flasin shumë anekdota, rrëfime, vepra letrare e filmike.
Në vazhdim të tekstit ju sjell një pasqyrë humoristike por autentike të pyetjeve dhe konstatimeve të pazakonta të avokatëve amerikan.
Të gjitha pyetjet janë autentike sepse të gjitha shoshitjet gjyqësore në SHBA regjistrohen përmes stenogrameve.

A është e mundur
"Na thoni doktor, a është e vërtetë që kur njeriu vdes në gjumë, për këtë nuk është i vetëdijshëm deri në mëngjes"?

Mosha
"Biri juaj më i ri, njëzet e një vjeqar, na thoni sa vjeq është"?

Prania
"A ishit i pranishëm kur ju fotografuan"?

I Vetëm
"A ishit vetëm, apo nuk ishte askush"?

Kush e pësoi
"Ju, apo vëllau juaj i vogël u vra në luftë"?

Konkretisht
"A ju vrau"?

Largësia
"Sa larg ishin automjetet në momentin e përplasjes"?

Ku ishit?
"Ishit atje, derisa nuk shkuat, a është ashtu"?

Vetëvrasja
"Sa herë keni bërë vetëvrasje"?

Çasti i mbarsimit
"Fryti i foshnjës suaj u krijua më 8. gusht"? "Po".
"E çka bënit ju në atë çast"?

Tre fëmijë
"Ai i ka tre fëmijë, apo jo"? "Po".
"Sa djem"? "Asnjë".
"E vajza"?

Shkallët
"Thoni se shkallët shpiejnë në bodrum"? "Po"
"E, a mundet që me ato shkallë njeriu të ngjitet lartë"?

Muaji i mjaltit
"Zotëri Slateri, ishit mjaft gjatë në muajin e mjaltit, apo jo"?
"Po, isha në Evropë, zotëri".
"E, a e kishit marrë me vete nusën"?

Mbarimi i martesës
"Si përfundoi martesa juaj e parë"?
"Me vdekje".
"Me vdekjen e kujt"?

Përshkrimi
"Si do ta përshkruanit atë person"?
"Ishte me trup të mesëm, me mjekër".
"A ishte burrë apo grua"?

Të gjitha autopsitë
"Doktor, sa autopsi i keni bërë në të vdekurit"?
"Të gjitha autopsitë e mia, i kam kryer në të vdekurit".

Gojore
"Të gjitha përgjigjet tuaja duhet të jenë gojore, e kuptoni?
Në cilën shkollë keni shkuar"?
"Gojore".

Çuditej
"Ju kujtohet sa ishte ora kur e shikuat trupin"?
"Autopsia filloi rreth orës 8 e 30 në mëngjes".
"Ndërsa zotëri Denington në atë moment ishte i vdekur"?
"Jo, ishte ulur në tavolinën e operimit dhe çuditej se përse vallë i nevojitej autopsia".

Kualifikimi
"A jeni të kualifikuar të jepni mostrën e urinës"?
"Jam i kualifikuar që nga vegjëlia".

Me çka merret sot?
"Doktor, para se të kishit filluar autopsinë, a e kishit kontrolluar pulsin"? "Jo".
"A e kontrolluat shtypjen e gjakut"? "Jo".
"A e kontrolluat frymëmarrjen"? "Jo".
"Do të thotë, është e mundur që pacienti akoma të ishte gjallë kur ju filluat autospinë"?
"Nuk është e mundur".
"Si mund të jeni të sigurtë, doktor"?
"Sepse truri i tij ishte në një tegëll përlot formalinë, mbi tavolinën time".
"Por, a nuk është e mundur që megjithatë pacienti të ishte gjallë"?
"Është e mundur të jetë gjallë, dhe sot të merret me avokaturë".

Kolegët
Dy avokatë amerikan në një barkë vozitën pranë brigjeve të Floridës.
Njëri përgatitet të kërcej në ujë.
"Mos kërce, ka peshkaqenë." - thotë shoku i tij i brengosur.
"S'ka problem. I kemi kolegë." - i përgjigjet tjetri.

Paralajmërim i rëndësishëm
Në derën e një avokati të njohur Njujorkas është ky mbishkrim:
"Kur të hyni në këtë zyrë, ma paraqitni problemin tuaj sa më thjeshtë, ndërsa mua më lejoni që ta komplikoj sipas nevojës".

Profesioni më i vjetër
Diskutojnë inxhinieri, kirurgu dhe avokati se cili profesion është më i vjetri!.
Kirurgu thotë: "Të gjithë e dimë që Zoti e krijoi Evën nga brinja e Adamit. S'ka dyshim që mjekësia u krijua e para."
Ndërsa inxhinieri i përgjigjet: "Po, por, para kësaj, Zoti nga kaosi e krijoi qiellin dhe tokën, edhe atë për më pak se një javë. Duhet të pajtoheni që kjo ishte kryevepër e inxhinierisë, dhe kjo e bën profesionin tim më të vjetër se mjekësinë".
Mandej avokati i kënaqur qeshet dhe thotë: "E çka mendoni, kush e krijoi Kaosin?"