Ekonomia gjermane

ARI_03 · 24-12-06, 02:26

Ku qëndron ekonomia gjermane e lundrimit?

Me investime miliardëshe për lidhjet mes porteve qeveria gjermane do të mbështetet dega e lundrimit detar, e cila po shënon rritje në Gjermani

Kancelarja gjermane Angela Merkel deklaroi në Hamburg, se qeveria gjermane planifikon të investojë 2,2 miliardë euro për zgjerimin e lidhjeve brendshme të porteve.
Krahas shpejtimit të planifikimit të rrugëve të lidhjes është i domosdoshem edhe planifikimi i shkurtimit të infrastrukturës, tha Merkel. Kanë nisur procedurat për dhënien e lejes për 90 projekte të mëdha. Si paraardhësi i saj Gerhard Schrëder edhe kancelarja gjermane Angela Merkel e çmon rëndësinë e ekonomisë së lundrimit. Më shumë se 500 000 vende pune do të sigurohen në këtë degë, dhe jo vetem në bregdet, por edhe në Bavari dhe Baden Würtemberg, ku e kanë qendrën shumë furnizues te anijeve.
Kjo degë po pëson një bum ndërkohë, sipërmarrjet në porte janë përfituesit e globalizimit, ngarkim-shkarkimet e cisternave kanë pësuar rritje të ndjeshme. Pas Koresë, Japonisë dhe Kinës Gjermania është vendi i katërt për ndërtimin e anijeve në botë. Merkel i këshilloi të më shumë se 1000 pjesëmarrësit e konferencës së lundrimit që ta kërkojnë shansin në këtë hapësirë të tregut, kështu që potenciali energjitik i detrave është një fushë e madhe e së ardhmes.

"Unë ju premtoj, se qeveria gjermane qoftë si drejtuese e rradhës e BE-së, ashtu edhe si kryesuese e radhës e G 8 vitin e ardhshëm edhe përsa u përket masave të domosdoshme këmbëtare, ka gjithnjë një vesh të hapur për ekonominë e lundrimit, sepse këtë fushë e shohim si një fushë të së ardhmes për vendet e punës, për rritjen ekonomike dhe për një Gjermani moderne.

Komisari i BE-së për peshkimin dhe çështjet e lundrimit Joe Borg, shprehu bindjen se kjo dege do të arrijë një funksion kyq në Evropë. Një shembull përbën sektori i energjisë. Ketu kjo dege mban përgjegjësi të madhe për sigurimin e nevojave si përmes transportit të energjisë. Por edhe ndryshimi i klimës përbën një sfidë e madhe.
"Kush vështron oqeanet, mund të shohë sot se çfarë do të ndodhe me planetin tonë, brigjet do të preken të parat, kur të rritet niveli i ujrave, prandaj kemi nevojë për studime me të thella të detrave, për të parashikuar ndryshimet e motit me efekte afatgjata."
Kryebashkiaku i Hamburgut Ole von Beust bëri të qartë, se ekonomia e lundrimit nuk mund të heqë dorë nga thellimi i deges së jashtme të lumit Weser dhe të Elbës së poshtme. Vetem në këtë mënyrë cisternat gjigande mund të arrijnë portet e Bremerhavenit dhe të Hamburgut.

ARI_03 · 24-12-06, 02:34

Rritja ekonomike ishte në 2006-ën më e lartë se ç'pritej dhe do të vazhdojë në 2007-ën
Ekonomia gjermane po përjeton një rritje të fuqishme dhe të qëndrueshme koniunkturore. Rritja ekonomike në vitin 2006 ishte 2,5 për qind, shumë më e lartë sesa pritej në fillim të vitit. Për këtë kanë kontribuar edhe blerjet e kryera përpara hyrjes në fuqi të rritjes së tatimit mbi vlerën e shtuar. Megjithatë koniunktura është aq e fortë saqë rritja do të vazhdojë edhe në 2007-ën. Rritja e punësimit që shoqërohet me uljen e papunësisë do të forcohet.
Për mjaft vite Gjermania ishte e fundit në Bashkimin Evropian për zhvillimin koniunkturor. Madje në rrafshin ndërkombëtar, nga disa me shqetësim nga të tjerë me ligësi, flitej për sëmundje gjermane. Kjo ka përfunduar. Aktualisht Gjermania po përjeton jo vetëm rritjen më të madhe ekonomike që prej fillimit të viteve nëntëdhjetë, por më shumë: Gjermania është lokomotiva koniunkturore e Evropës. Në asnjë vend të Bashkimit Evropian nuk po rritet ekonomia më shpejt sesa në Gjermani, vendin me ekonominë më të madhe në Evropë dhe me dallim të dukshëm nga vendi i dytë. Rritja ekonomike është 2,5 për qind; askush nuk do të habitej sikur vlerësimi i saktë i zyrës federale të statistikave ta nxirrte atë edhe më të lartë. Perspektivat për vazhdimin e hovit ekonomik në vitin 2007 dha përtej tij janë tepër të mira.
Veçanërisht e rëndësishme dhe e gëzueshme gjithashtu është rritja e nivelit të punësimit. Në muajin nëntor statistika zyrtare për papunësinë mbeti nën kufirin e katër milion të papunëve. Për këtë ka dy arsye të rëndësishme: nga njëra anë po jep efekte reforma e sigurimit kundër papunësisë; të papunët mbështeten më fuqimisht në përpjekjet e tyre për të gjetur punë, por prej tyre edhe kërkohet më shumë. Nga ana tjetër në fazën e rënies ekonomike sipërmarrjet e kanë ulur aq shumë numrin e punonjësve saqë ka rënë në përgjithësi niveli i punësimit. Me rritjen e numrit të porosive atyre u duhet ta rrisin më shumë sesa vitet e kaluara numrin e punëtorëve. Zvogëlimi i numrit të të papunëve do t'i japë vrull të ri koniunkturës. Kjo prek si forcimin e konsumit privat dhe lehtësimin e gjendjes së arkave publike ashtu edhe atmosferën në vend, këtë të fundit veçanërisht.
vazhdon..

ARI_03 · 24-12-06, 02:35

Ekonomia gjermane është sot më e fuqishme se kurrë. Sipërmarrjet janë bërë më eficiente. Ato janë përqendruar në kompetencat e tyre bazë dhe kanë optimuar proceset e biznesit, kanë modernizuar produktet e tyre dhe procedurat e prodhimit duke u bërë më ndërkombëtare. Sot ka edhe sipërmarrje të mesme që janë të pranishme në tregun botëror, jo vetëm me filiale shitjeje, por edhe me prodhim. Në prodhimet gjermane të eksportit është rritur përqindja e pjesëve të para të livruara nga jashtë vendit, ku prodhohet me kosto më të ulët. Aftësia qëndron në organizimin e prodhimit pa humbje në cilësi. Në përmirësim natyrisht që ka kontribuar edhe politika e matur e sindikatave për pagat. Duke qenë se në gjashtë vitet e fundit kostoja e punës në Gjermani nuk është rritur as me gjysmën e normës së vendeve të tjera anëtare të Bashkimit Evropian, ka rënë kostoja e prodhimit për copë, gjë që e ka rritur në mënyrë të konsiderueshme aftësinë konkurruese të prodhimeve gjermane në tregjet ndërkombëtare.
Gjermania do ta mbyllë përsëri vitin 2006 si kampion bote në eksport. Ftohja koniunkturore në Amerikë është e përballueshme sepse eksportet gjermane në pjesë të tjera të botës po zhvillohen në mënyrë mjaft dinamike. Këtu bëjnë pjesë Evropa Lindore dhe Rusia, por edhe Kina, India dhe Lindja e Afërme. Edhe monedha e fortë euro nuk do të lërë gjurmë të gjata frenimi, sepse nga njëra anë dega financiare bën oferta të mjaftueshme për t'u siguruar ndaj luhatjes së monedhës dhe nga ana tjetër euroja e fortë zhvlerëson importet dhe ndihmon në garantimin e stabilitetit të çmimeve. Pa dyshim ekonomia gjermane është në gjendje të mirë. Sipërmarrjet jo vetëm që shënojnë xhiro rekord, por edhe fitime të papara. Hovi ekonomik është aq i fuqishëm saqë koniunktura është e aftë të përballojë frenimin e pritur si pasojë e rritjes së tatimit mbi vlerën e shtuar. Për vitin 2007 perspektiva ekonomike është shumë e mirë

ARI_03 · 28-12-06, 12:39

Libri zyrtar i adresave te eksportuesve gjerman.

http://www.bdi-deutschland-liefert.d...72f&f_lang=eng

ARI_03 · 28-12-06, 12:48

http://www.auma.de/

Drinni · 28-12-06, 13:51

Ari i nderuar ju përgëzoi për temën e hapu.
Jam duke e ndjekur më vëmendje të gjithën që keni sjellur për lexuesin e Dardania.de!
Hollësirat që ju keni sjellur mund dhe duhet të shërbehen edhe Ekonomistët tan vendor. Mua, gjersa siq thash po e përcjell të shkruarit tuaj në këtë temë, s'më mbetet tjeter veq t'ia shtoj një filozofie nga populli.
I menquri mëson nga Gabimet/Arriturat e tjetrit, i marri/budallaja as nga ato të vetat!!!

ARI_03 · 28-12-06, 14:10

Citim:

Postimi origjinal është bërë nga Drinni

Ari i nderuar ju përgëzoi për temën e hapu.
Jam duke e ndjekur më vëmendje të gjithën që keni sjellur për lexuesin e Dardania.de!
Hollësirat që ju keni sjellur mund dhe duhet të shërbehen edhe Ekonomistët tan vendor. Mua, gjersa siq thash po e përcjell të shkruarit tuaj në këtë temë, s'më mbetet tjeter veq t'ia shtoj një filozofie nga populli.
I menquri mëson nga Gabimet/Arriturat e tjetrit, i marri/budallaja as nga ato të vetat!!!

Ju falemenderit i nderuar Drinni, per pergezimin e juaj...
Jam teper i bindur, nga ajo qe kam lexuar dhe ndegjuar, se prej kurre qe egziston historia e njerzimit e gjer me sot, ata te cilet kerkojn dhe e duan prosperitetin kane marre nga kombet dhe religjionet tjera vetem ate qe kan menduar se shkon ne favor te tyre,,,,, dhe une mendoj se ne kete koh nga perendimi dhe shtetet e zhvilluara duhet mesojm strategji per zhvillim ekonomik, dhe gjithcka cka eshte ne dobi per ne.... sepse per fat te keq neve na mungon nje strategji e tille,,,,

Me respekt
ARI

ARI_03 · 01-01-07, 13:30

[quote=ARI_03]http://www.auma.de/

http://www.messen.de/

http://www.24-fair.com/

http://de.wikipedia.org/wiki/Kategor...e_(Deutschland)

http://www.ono.de/messetip/index.htm

ARI_03 · 02-01-07, 20:46

Frankfurti mbi Main (gjerm. Frankfurt am Main) (ital. Francoforte sul Meno) është një qytet në jugperëndim të Gjermanisë dhe gjendet në qendër të zonave me të rëndesishme ekonomike të vendit. Ai është qyteti më i madh i landit të Hesenit. Me mbi 660.000 banorë Frankfurti radhitet për nga madhësia e qyteteve gjermane në vendin e pestë pas Berlinit, Hamburgut, Mynihut dhe Këlnit.Frankfurti mbi Main është një nga metropolet më të pasura të Evropës dhe një metropol bankar. Gjithashtu Franfurti është dhe një qendër e rëndësishme e kulturës dhe literaturës gjermane.

Panairi i libirt me i madh boteror mbahet cdo vite ne Frankfurt am Main.
vazhdon......

legenda · 08-01-07, 08:36

gjithashtu edhe une te pergezoje per kete teme te re,postimet e tua i lexova me interesim,dhe besoj se do te pasurohet kjo faqe edhe me shume....

ARI_03 · 08-01-07, 11:44

Citim:

Postimi origjinal është bërë nga legenda

gjithashtu edhe une te pergezoje per kete teme te re,postimet e tua i lexova me interesim,dhe besoj se do te pasurohet kjo faqe edhe me shume....

Ju falenderoi per pergezimin,,, dhe per viziten qe keni bere ne kete teme.......

Respekt....

ARI_03 · 08-01-07, 11:50

Një pamje e Aeroportit të Frankfurtit që tregon terminalin, urat, dhe bagazhin.

ARI_03 · 08-01-07, 11:51

Frankfurter Allgemeine Zeitung (FAZ) (lexo:Frankfurta Allgemajne Cajtung) është gazetë ditore regjionale në Gjermani.
Për nga politika është liberale-konzervative ndërsa nga struktura legjislative e kësaj gazete llogaritet si shoqëri aksionarësh. FAZ i takon shoqërisë së shtëpive botuese të pavarura në Gjermani dhe është gazetë e pavarur nga partitë politike apo organizata tjera.
Tirazhi i gazetave të shitura në çerekun e parë të 2006-ës, llogaritet të jetë diku 363,465 copë brenda intervalit javorë (nga e hëna deri të shtunën).

ARI_03 · 08-01-07, 11:57

Dinamike e re ne partneritetin ekonomik transatlantik gjate presidences gjermane te BE-se

Kancelarja gjermane Angela Merkel zhvilloi të enjten në mbrëmje një vizitë të shkurtër në Uashington, vizita e saj e parë jashtë vendit si kryetare e BE-së dhe e grupit G-8. Si presidente e Këshillit Europian Merkel synon të forcojë marrëdhëniet tregtare të Unionit me SHBA. Më parë Merkel i kishte prezantuar presidentit Bush programin e punës së qeverisë së saj gjashtë gjashtë muajve të ardhshëm kur ajo të ketë kryesinë e radhës të Këshillit Europian dhe atë të grupit G-8 të vendeve më të industrializuara.
Kancelarja gjermane Angela Merkel ka njoftuar se do të mbështesë SHBA në bisedimet për tregtinë botërore të mbetura në vend. "Ne dëshërojmë të arrijmë sukses dhe do të bashkëpunojmë shumë, shumë ngushtë në këtë aspekt" është shprehur Merkel pas takimit me presidentin e SHBA George W. Bush. M.q.s. nuk ka mbetur më shumë kohë janë të nevojshme përpjekje të forta, ka thënë kancelarja duke shtuar se objektivi është një rezultat që t'u vijë në ndihmë vendeve të varfëra dhe t'i shërbejë njëkohësisht transparencës së tregjeve. Për këtë do të zhvillohen konsultime në grupin G-20 ku bëjnë pjesë vendet më të rëndësishme të industrializuara dhe në zhvillim. Bush u shpreh optimist për arritjen e një marrëveshjeje.
Bisedimet për tregtinë botërore të njohura si raundi i Dohas dështuan korrikun e kaluar si pasojë e zënkave mbi subvencionet agrare në SHBA dhe BE. Të dyja palët ia hodhën fajin njëra-tjetrës. Nga liberalizimi i synuar i tregtisë botërore pritet një kontribut i rëndësishëm në reduktimin e varfërisë në botë.
Duke prezantuar programin e punës për gjashtë muajt e ardhshëm Merkel njoftoi se temat më të rëndësishme do të jenë mbrojtja e klimës dhe projekti për krijimin e një tregu të përbashkët. Merkel shprehu gëzim që në SHBA po shtohet gadishmëria për shtimin e eficiencës, përdorimin e karburanteve biologjike dhe teknologjive të reja. Kancelarja gjermane njoftoi se do të ngrihet një grup pune i cili do të çojë përpara bisedimet për një treg transatlantik. Këtu bëhet fjalë për mbrojtjen e pasurisë intelektuale, të drejtën e patentave dhe për tregjet financiare ndërkombëtare.
Më parë Elmar Brok, kryetar i Komisionit të Parlamentit Europian për politikën e jashtme ishte shprehur për një dinamikë të re në partneritetin ekonomik transatlantik gjatë presidencës gjermane të BE-së: "Na duhet të konstatojmë se në disa fusha ekonomia ka disavantazhe për shkak të pengesave në tregti. Këtu nuk bëhet fjalë për pengesa doganore të cilat praktikisht egzitojnë ende vetëm në fushën e politikës agrare. Por kur është fjala për shërbime financiare, për standarte në prodhimin e automobilëve apo fusha të tjera si ajo kimike ndeshim kudo pengesa tregtare jo tarifore. Këto pengojnë një bashkëpunim më të ngushtë të këtyre dy blloqeve të mëdha tregtare ndaj do të ishte e arsyeshme që ato të eliminoheshin, së pari për një rritje më të fortë ekonomike dhe së dyti për të siguruar një bashkëpunim më të fortë politik mes Europës dhe Amerikës."

DW-WORLD

ARI_03 · 08-01-07, 21:27

Tregtia tërheq me ulje çmimesh
Shoku i parë i çmimit nuk ndodhi: tregtia me pakicë në Gjermani ka reaguar ndaj rritjes së taksës mbi vlerën e shtuar me ulje cmimesh pjesërisht të fuqishme. Firmat kanë bërë garë me njëra tjetrën me skonto dhe klientët e pranuan me kënaqësi ofertën. Bukë apo gjalpë në dyqane të lira apo orë luksoze tek argjendari, në asnjë rast klientit nuk i është dashur të paguajë më shumë. Por e sigurtë është gjithashtu kaq të lira sa tani mallrat nuk do të mbeten për kohë të gjatë.
Disa nxitojnë në zonën e këmbësorëve, të tjerët e kanë me enge. Dita e parë e punës e vitit, e para me një taksë mbi vlerën e shtuar prej 19%. Njerëzit vazhdojnë megjithatë të hyjnë në dyqane dhe të blejnë, por shumë janë të thartuar: „Unë mendoj se është thjesht e padrejtë pasi dëshmon për mungesën e ideve të qeverisë. E vetmja zgjidhje për politikanët duket se është të gërmojnë gjithnjë e më thellë në xhepat e qytetarëve.“ – thotë një kalimtar.
Kurse një tjetër mendon: „Veçanërisht të padrejtë konsideroj aplikimin e TVSH-së së rritur edhe mbi mallrat për fëmijë. Nga njëra anë flasin për lehtësim të familjeve me fëmijë e nga ana tjetër mallrat për fëmijë janë gjithashtu të shtrenjta.“
Ndërkaq duhet thënë se thuajse në asnjë dyqan çmimet nuk janë rritur brenda natës. Shumë produkte janë bërë madje më të lira. Tregtarët përpiqen të tërheqin klientët me skonto dhe okazione siç ndodh zakonisht pas Krishtlindjeve. Por ka edhe një arsye tjetër pse gjithçka nuk është ende më e shtrenjtë. Disa gastronomë apo tregtarë i kanë ngritur çmimet qysh vitin e kaluar duke llogaritur më parë TVSH-në e shtuar. Për këtë arsye ekonomistët nuk presin që cikli i biznesit të vuajë hapur nga rritja e tatimit. Presidenti i Shoqatës Federale të Bankave Popullore dhe Raiffeisen, Chrisopher Pleister: „Jemi të mendimit se do të ketë vetëm një ulje të përkohshme. Më pas konsumatorët do të rikthehen në rritmet normale dhe konsumi privat do të rritet në mënyrë të moderuar me 0,3% edhe gjatë vitit 2007. Rritje që është megjithatë më e lartë se mesatarja e pesë viteve të fundit.“
Por disa specialistë të ekonomisë i druhen efektevet afatgjata të rritjes së TVSH-së. Një prej tyre është Johann Eekhoff nga Universiteti i Kölnit: „Pas një rritjeje ekonomike do të përjetojmë sërish hapa prapa. Majde nuk mund të flitet për rritje të mirëfilltë ekonomike, flasim vetëm për norma rritjeje që ende janë shumë shumë të ulëta. Por sapo këto norma rritjeje të ulen pak do të ndiejmë gjithë peshën e kësaj barre të re fiskale.“
Një prognozë e tillë është megjithatë e kontestuar. Ekonomistë të tjerë janë të mendimit se TVSH-ja në Gjermani në krahasim me vendet e tjera europiane është në nivel mesatar. Eksportet dhe përmirësimi i konjukturës në vend janë shumë më vendimtare për ekonominë se sa rritja e vlerës së shtuar është shprehur presidenti i Institutit Ifo, Hans-Werner Sinn:
„Rritja e TVSH-së nga pikpamja konjukturale nuk është aspak aq problematike sa vlerësohet shpesh. Është e vërtetë se atëherë fuqia blerëse e familjeve bie por paratë i shkojnë shtetit i cili i shpenzon ato. Kjo do të thotë se nuk ka mungesë të fuqisë blerëse vetëm sepse paratë i shkojnë shtetit, kemi të bëjmë vetëm me një transferim të fuqisë blerëse nga qytetarët tek shteti.“
Se cili do të jetë në fund efekti i rritjes së TVSH duket se nuk mund të parashikohet nga askush në mënyrë definitive. Por një gjë është e sigurtë: udhëtimi me makinë është bërë brenda natës më i shtrenjtë, po kështu transporti me tren e tramvaj dhe edhe benzina kushton më shumë. Të paktën në këto raste indinjimi është me vend.

Christian Baars