Greqia, 39 vjet raketë nukleare drejt Shqipërisë

[eurostar]

Greqia, 39 vjet raketë nukleare drejt Shqipërisë

http://www.shekulli.com.al/news/45/A...007-03-27.html

Nga Athina Altin Metaj
27-03-2007


Ish ministri grek i Mbrojtjes, Alqis Xokaxopulos



Shtypi grek, zbulon një tjetër skandal ushtarak. Në bazën e
Araksos, në 1962, u vendosën bomba atomike 15 herë më të
fuqishme se të Hiroshimës
Raketat nukleare, ekzistuan deri në 2001. Kishin në
shënjestër Shqipërinë, Bullgarinë dhe Jugosllavinë

ATHINË: Greqia ka disponuar për 40-vjet, bomba atomike 15
herë më të fuqishme se ato që u përdorën në Hiroshima.
Top-Sekret vazhdon të mbetet largimi nga Greqia i 20
bombave të fundit atomike nga baza e Araksos, në vjeshtën e
2001.

Greqia, sipas gazetës greke "Ta Nea" ka disponuar për rreth
40-vjet bomba atomike, pavarësisht se ka deklaruar se në
Greqi nuk armë bërthamore. Asnjë qeveri deri më sot nuk i
është referuar një fakti të tillë. Sipas gazetës, baza nga
e cila janë larguar bombat, është akoma e gatshme të presë
çdo lloj arme bërthamore. Vetëm para disa ditësh
specialistë amerikanë të ushtrisë, për herë të parë pas
2001, kanë vizituar bazën në fjalë.

Bombat e para atomike në Greqi

Sipas disa fakteve të dala në dritë dy ditët e fundit në
shtypin grek, bombat e para atomike në Greqi u vendosën në
bazën e Araksos, më 14 korrik 1962. Në fund të 1959, ishte
nënshkruar një marrëveshje e fshehtë e Greqisë me
amerikanët, me emrin e koduar "Dhentë". Marrëveshja në
fjalë përfshinte montimin e armëve bërthamore nga ana e
amerikanëve në Greqi, në kuadrin e Luftës së Ftohtë.
Marrëveshja gjithashtu parashikonte vendosjen e
transportuesve për armë bërthamore, të cilat do të kishin
aftësi të përfshinin vende të ish-bllokut socialist, por
edhe montimin e hedhësve bërthamorë kryesisht në Greqinë
Veriore, me shënjestër Bullgarinë, Jugosllavinë dhe
Shqipërinë.

Në bazën e Araksos, e cila ndodhet 25 km në Perëndim të
Patras, si fillim u transportuan bomba, të cilat mund të
transportoheshin nga avion A-7 Corsair. Më 1974 u
transportuan në të njëjtën bazë, bomba atomike të tipit
B-61, si një manifestim i dëshirës së mirë të qeverisë
amerikane, e cila hoqi nga vendi i vet raketat të tipit
Nike Herkules, në kuadrin e tensioneve turko-greke. Sipas
tipit, çdo bombë B-61 mund të ishte edhe deri 15 herë më
katastrofike se ato që goditën Hiroshimën.

Si u larguan bombat nga Greqia

Viti 1999 ishte edhe fundi i bombave atomike. "Ta Nea"
citon ish-ministrin grek të Mbrojtjes, Alqis Xokaxopulos, i
cili edhe drejtoi operacioni. "Na u kërkua më 1999 nga
amerikanët,- në kuadrin e NATO-s,- që në kuadrin e blerjes
së avionëve të rinj, të parashikonim edhe blerjen e
avionëve të specializuar për transportin e bombave atomike.
E gjitha kjo, sepse avionët A-7 me të cilët deri në atë
kohë ishte bërë transporti i bombave nuk prodhohej më.
Amerikanët na propozuan që të na jepnin 20 avionë F-1004,
paralelisht me F-16 që ne donim të blinim",- thotë
Xokaxopulos.

Por, një propozim i tillë nuk u pranua nga pala greke.
Kështu që, më 20 qershor 2001 zyrtarisht ndaloi funksionimi
i bazës së Araksos. Bombat u transportuan në fshehtësi të
plotë në bazën italiane Aviano dhe që aty në bazën gjermane
Ramstain. Nga qeveria greke, por edhe nga NATO, u mbajt
heshtje e plotë. Pse-në e kësaj e thotë ish-ministri
Xokaxopulos: "Ishte e pamundur të vërtetohej zyrtarisht që
ato bomba ikën, sepse askush nuk kishte fakte që ato bomba
erdhën. Qëndrimi zyrtar i Greqisë ishte që nuk ka armë
bërthamore në Greqi".

"Raketat, të vendosura në Janinë, Kukush dhe Dhrama"

Agjencia e lajmeve greke "MaksFaks" dhe agjencia bullgare e
lajmeve "Focus News" kanë saktësuar në citimet e tyre mbi
lajmin e sekretit 40-vjecar, ushtarakë grekë të bombave
atomike, senjëzet kokat e fundit bërthamore janë nxjerrë
nga Greqia nëfshehtësi më të madhe në pranverën e vitit
2001, nga baza Araksos në Gadishullin Peloponez. Por
infrastruktura është ruajtur dhe se në këtë moment, në këto
baza mund të vendoset armë e re bërthamore. Pas
marrëveshjes greko-amerikane, aerobombat dhe raketat
bërthamore janë vendosur në bazën Elevsina, e më pas edhe
në bazat në afërsi të Kukushit, Janinës dhe Dramas. Raketat
bërthamore janë orientuar drejt vendeve të atëhershme
socialiste, Shqipërisë, Bullgarisë dhe Jugosllavisë,
shkruhet në citimet e "MaksFaks dhe "Focus News".

[arton bala]

Sume interesant keto informacione, kur dihet se per Greqine ne rend te pare Turqia shihet si armik edhe kur dihet se Turqia e invadoi pjesen veriore te Qipros ne vitin 1974.

A mos paska shkru ai autori i ketij artikulli se si eshte e mundshme qe Greqia ne Qipro te pranoj nje humbje ushtarake, perkunder posedimit te armeve nukleare?

[Guri i madh]

une nuk besoj se greqia posedon raketa nukleare ne greqi mun te kat raketa nukleare po ato jan nen mbi kqyrjen e ushtris amerikane

[King_Gentius]

Loooool, ky do ishte plani me idiot vetmbrojtjeje qe Greqia mund te kishte kunder Shqiperise. Distanca e dy shteteve eshte teper e vogel per te perdorur kete lloj armesh. Reja nukleare do perhapej edhe ne Greqi.

[Dalmatini]

Keto 'Bomba atomike' ne Greqi nuk kane qene te Greqise por te SHBA-ve dhe Anglezve dhe nuk kane qene te drejtuara kunder SHqiperise qe ne jemi Shqipetar ose kunder ketyre shteteve qe i permendet por kane qene fund e krye meanizma te drejtuara kunder vendeve komuniste ose then ndryshe ishin pjese e Luftes se ftofte ne mes dy Pakteve Natos(Humane) dhe Varshaves(antihumane dhe shume shkaterruese me pasoja te cilat akoma eshte duke i vuajtur Planeti .. P.s. Greqia nuk ka pas ,as se si mundesi ne asnje aspekt; te kete bomba atomike;ndersa Izraeli ka me shume se 300 sosh...