E paintegrueshme :

[Fshatari]

"Ombudspersoni i brengosur me dështimin e qeverisë rreth QKUK-së Ushtruesi i detyrës se Ombudspersonit, Hilmi Jashari, shpreh brengën e madhe lidhur me dështimin e Qeverisë së Kosovës për sigurimin e funksionimit të aparatit koronarografik në Qendrën Klinike Universitare të Kosovës. Aparati i blerë në vitin 2003, është i destinuar për të bërë skenimin e zemrës së pacientëve që janë në gjendje të rrezikshme për jetë. Edhepse kanë kaluar 4 vjet që nga blerja e tij, aparati ende nuk është funksional. Ushtruesi i detyrës së Ombudspersont i bënë thirrje Kryeministrit dhe Ministrit të Shëndetësisë, që në bashkëpunim me QKUK në, të ndërmarrin hapa urgjent për ta zgjidhur këtë çështje".

Fajin nuk e ka qeveria : kjo e fundit administron vendin e jo shëndetësinë. Madje vërejtje të tilla nuk i duhen bërê as ministrit të shëndetësisë i cili nuk duhet të jetë domosdosmërisht mjek!
Fajin e kanë mjekët-praktikant të atij aparati që nuk dijnë si ta vëjnë në funkcionim e jo qeveria!
Kjo ishte sa iu përket vërejtjeve tê pa vend të z. Hilmi Jashari.
Po qenësorja e këtij postimi ishte gjetiu : te fjala "Ombudsperson" : sa e çuditshme aq edhe e pakuptimshme e e pakuptimt për lexuesin shqiptar. Kurrë kjo fjalë barbare nuk do të integrohet në strukturën e gjuhës shqipe sepse asht thjesht e "paintegrueshme" në këtë gjuhë!
Le të zëvendësohet me ndonjë fjalë shqipe e tê dim se për se po flasim...