Ta analizojmë bashkërisht

[Fshatari]

Postimi origjinal është bërë nga Linka_pz

Mëmëdheu

Mëmëdhe quhetë toka
ku më ka rënurë koka,
ku kam dashur mëm'e atë,
ku më njeh dhe gur' i thatë
ku kam pasurë shtëpinë,
ku kam njohur perëndinë,
stërgjyshët ku kanë qënë
dhe varret q'i kanë vënë,
ku jam rritur me thërrime
ku kam folur gjuhën time,
ku kam fis e ku kam farë,
ku kam qeshur, ku kam qarë,
ku rroj me gas e me shpres,
ku kam dëshirë të vdes.

Linka PZ shkruan se kjo poezi është njëra "...nder me te mirat e poeteve tane".

Parafytyroni se mund të ndodheni në praninë e kësaj poezie dhe duhet ta analizoni në planin:
- metrik (rimë, asonancë, ritëm, rrokje);
- morfo-sintaksik(kategoritë e fjalëve, fjalitë dhe llojet e tyre...);
- semantik(kuptimi i fjalëve,fushat semantike...).
- stilistik e retorik(llojet e figurave dhe tropeve...).
Personalisht, kur e lexoj në filigran këtë poezi, me duket se ka një stil sferik(harku apo rrethi si figurë gjeometrike)...!
E ju, çfarë shihni në të ?

Ju ftoj t'i përvishemi sëbashkut analizës dhe interpretimit të kësaj poezie.

Miqësisht, fshatari