Qyteti,Fshati juaj?

Zana_ch · 03-02-08, 10:59

Tregoni dicka per qytetin apo fshatin fshatin tuaj ku keni lindur apo nga keni preardhjen .

Po filloi un me qytetin tim nga e kam preardhjen

GJAKOVA

Qyteti i Gjakovës shtrihet në bregun e majtë të lumit Erenik ndërkaq nga të dy anët e përroit Krena shtrihet kodra e Çabratit. Lartësia mesatare mbidetare e Gjakovës është 365m. Qyteti gjendet në gjatësi gjeografike në mes të 42.24 skallë në veri dhe 20.26 shkallë në lindje.
Sipas të dhënave arkeologjike të bëra nga ekipet e përbashkëta nga Shqipëria dhe Kosova, në territorin e Gjakovës, në bazë të materialeve të gjetura është vërtetuar se i përkasin kulturës antike është vërtetuar dhe dëshmuar se këto treva kanë qenë të banuara edhe më parë.
Gjakova si qytet më këtë emër daton nga shekulli XV, por lulëzimi i vërtet i saj fillon në fund të shekullit XVI dhe në fillim të shekullit XVII. Nga kjo periudhë veçojmë ndërtimin e Xhamisë së Hadumit në vitin1554, Mejtepit, Bibliotekës, Haremit, Hamamit, ndëtimit të Sahat-Kullës, Medreses së Madhe, Hanit të vjetër, Kompleksit të Teqës së Madhe si edhe urave lidhese të qytetit mbi lumin Krena, si ajo e Tabakut, ura e Taliqit etj.të cilat edhe sot ekzistojnë.
Komuna e Gjakovës sot ka 586 km katrorë të cilën e përbëjnë qyteti dhe 84 fshatra.
Sipas regjistrimit të fundit i bërë në vitin 2000 nga UNMIK-u, komuna e Gjakovës ka 150.800 banorë, duke e renditur si komuna e tretë për nga madhësia në Kosovë.
Komuna e Gjakovës ka lidhje të mira me rrugë të asfaltuara me qytetet e Prizrenit, Pejës, Rahovecit, Klinës, Prishtinës, Deçanit, Malishevës etj.
Ë shtë me rëndësi të ceket se Komuna e Gjakovës pas luftës së vitit 1999 ka lidhje edhe me Republikën e Shqipërisë, përmes dy pikave kufitare ate të Qafës së Prushit dhe
Qafës së Morinës.

Disa foto

Zana_ch · 03-02-08, 11:02

Zana_ch · 03-02-08, 15:58

Ene disa foto nga qyteti i Gjakoves

Zana_ch · 03-02-08, 19:07

Gjakova është qytet në pjesën perëndimore të Kosovës. Po ashtu Gjakova është qendër e komunës dhe rajonit me të njëjtin emër. Toka ku filloj të ngrihet qyteti ishte në pronësi të Jak Vulës. Sipas gojëdhënës, prifti e bindi Jakun që ta dhuroj tokën për ndërtimin e qytetit, i cili në fillim u quajt Jakovë (nga turqishtja: fusha e Jakut). Në shekullin XIX filloi të përdorej emri i tanishëm. Të huajt përdorin toponimin e sllavizuar Djakovica apo Dakovica.

Qyteti përmban një sërë monumentesh nga e kaluara e pasur kulturore. Lagjja historike e qytetit është Mëhalla e Hadumit ku edhe gjinden tregu i vjetër dhe ndërtesa më e vjetër e cila ende ekziston në qytet, Xhamia e Hadumit Tregu i vjetër apo siç njihet Qarshia e Madhe ishte zemra e funksionimit ekonomik për Gjakovën, një qytet i tregtisë dhe artizanateve që shërbente fshatrat përreth nga komuna e Gjakovës, zona e Junikut, dhe Malësia e Gjakovës në kufirin Kosovë-Shqipëri. Qyteti dhe rrethina luajtën rol të rëndësishëm gjatë lëvizjes kombëtare të Lidhjes së Prizrenit. Gjenerali i Portës së Lartë Maxhar Pasha u vra në një betejë të përgjakshme me forcat e Lidhjes pranë kullës së Abdullah Pashë Drenit.

Qarshia e Madhe u dogj e u shkatërrua gjatë Luftës së fundit në Kosovë, por tani më është rindërtuar. Ndërsa Xhamia e Hadumit bashkë me bibliotekën e saj u dogj gjatë natës së parë të sulmeve ajrore të NATO-s nga forcat paramilitare serbe duke zhdukur kështu dokumentet e rralla që datonin që nga koha e themelimit.

Preshevar · 03-02-08, 20:37

Foto te mira, dhe qytet i bukur Gjakova,... !

Dardan Kastrati · 03-02-08, 21:12

Nje pamje naten e Qytetit te Gjakoves

**Kodra** · 03-02-08, 21:32

**********
**********
**********

Përshëndes Zanën dhe të gjithë të tjerët që marrin një hap të tillë për qytetet e Shqiptarisë.

Përse mos ta bëjmë një paraqitje të qyteteve me foto, ide shumë e qëlluar.

Pas këtyre fjalëve të mira do të jem pak kritik!

Mos sillni foto të formatit të zmadhuar, do të ishte mëkat që fotot e bukura të fshihen për shkak të formatit të zmadhuar.

Ju përkrah

Kodra

Zana_ch · 03-02-08, 22:04

Citim:

Postimi origjinal është bërë nga Kodra

**********
**********
**********

Përshëndes Zanën dhe të gjithë të tjerët që marrin një hap të tillë për qytetet e Shqiptarisë.

Përse mos ta bëjmë një paraqitje të qyteteve me foto, ide shumë e qëlluar.

Pas këtyre fjalëve të mira do të jem pak kritik!

Mos sillni foto të formatit të zmadhuar, do të ishte mëkat që fotot e bukura të fshihen për shkak të formatit të zmadhuar.

Ju përkrah

Kodra

Përshëndetja i nderuar Kodra ket radhe kerkoi falje per foto ne madhësi te madhe, un per veten time do e kem parasyshe ne te ardhmen qe te bej foto te vogla kerkoi ndjes, nese ke i cik kohe e ke mundesi mund te i zvogloshe .

Me respket
Zana_ch

Albonita · 06-02-08, 17:23

Zana__Ch Te pershendes shum .!

Ishte knaqsi se i lezova per ket Qytet kaq te mir e te ngrohet , se shum kuj i mungon ky qytet, ehh sidomos Prindrve tan, kan nje permallim shum per Gjkoven , beso me za te nalt e lezova qka ki shenu edhe diq ktu te familjes, u merzit ku veq emrin Gjakov sa her e pemneda, Zana mendoj se do shenosh prap ktu per gjakoven se besoj ki qka te shenosh se asht vend me tradit e me shum VUJTJE NGA NJE HIJE E ZEZ ... foto ken shum te mira mi kujtun disa rug se i kam shklen nje koh shum te shkurt po mu kujtuan ( Gjakova) asht nje der me te miret ,, ndoshta e temrova,, po nese asht diq gamim ktu ne shkrim kerkoj falje.. Zana te pershendet shum >>Albonita.

Zana_ch · 06-02-08, 21:33

Pozita Gjeografike

Komuna e Gjakovës ka një pozitë shumë të mirë gjeografike.
Shtrihet në pjesën jugëlindore të Rrafshit të Dukagjinit, në pjesën jugperendimore të Kosovës, është pjesë përbërëse e regjionit qendror të Gadishullit Ballkanik dhe pjesës Juglindore të Evropës.
Shtrihet në një sipërfaqe prej 586 km2 dhe në lartësi mbidetare prej 365 m.
Ka tokën pjellore, fushat, malet si dhe bjeshket e larta që e rrethojnë në Jugperendim.
Ë shtë e pasur me lumenjë si “Ereniku”, “Krena”, “Llukaci”, “Drini i Bardhë” dhe ca lumenjë të vegjel por të rëndësishëm.
Disponon me Hidrosistemin “Radoniqi”i cili furnizon me ujë të pijës afro 100.000 banor në Qytetin e Gjakovës me disa fshatra të sajë dhe në Qytetin e Rahovecit me disa fshatra të sajë, si dhe disponon me kapacitete për ujitjen e 10.500 ha tokë.
Në Komunën e Gjakovës ka mundësi të ndërtimit edhe të Hidrosistemit “Ponosheci” në fshatin Morin - në Perendim të sajë, ku edhe projekti me gjitha të dhënat ekziston, për ujin e pijës ku do furnizoheshin afro 300.000 banor dhe për ujitjen e afro 12.150 ha tokë pjellore.
Komuna e Gjakovës kufizohet me Republikën e Shqipërisë me të cilën ka dy pika kufitare, atë të Qafës së Prushit në Jug - ku lidhet me Regjionin e Hasit (Letaj, Krum, Kukës, etj.) dhe ate të Qafës së Morinës në perendim - që lidhet Malësin e Gjakovës (Tropojë, Bajram Curr, etj.). Komuna e Gjakovës kufizohet edhe me Komunat si: Prizrenit, Rahovecit, Malishevës, Klinës, Pejës dhe Deçanit.
Ka lidhje të mira të komunikacionit rrugor me të gjitha komunat që e rrethojnë, si dhe me Kryeqytetin e Kosovës Prishtinën që e afrojnë edhe me pjeset tjera të Kosovës dhe këtë përmes rrugëve të asfaltuara.
Gjithashtu në afërsi kalon edhe hekurudha dhe këtë në fshatin Xërxe afro 10 km. dhe Kramovik afro 9 km.
Në fshatin Lugbunar është ndërtuar pasë luftës nga ana e KFOR-it aeroporti ushtarak, që në përspektivë dhe së shpejti do të shërbejë edhe për nevoja civile pasi do të zgjatet edhe pista e tij sipas projektit të hartuar, i cili airoport dukshëm do të ofrojë rajonin e Gjakovës me vendet e ndryshme të Botës.
Komuna e Gjakovës furnizohet me energji elektrike direkt nga Termocentralet e Kosovës. Në përspektiv nëse realizohet ideja për ndertimin e dy Hidroelektranave sipasë projekteve ekzistuese të punuara nga instituti, pasi ka mundësi reale për Komunën e Gjakovës, si në atë të Hidrosistemit “Radoniqi” (i cili është i ndertuar dhe funkcionon, si dhe furnizon me ujë të pijës dhe ujë për ujitjen e afro 11.000 ha. Tokë pjellore) me fuqi prej 10 MW ashtu edhe në atë të Hidrosistemit “Ponosheci” (i cili duhet ndertuar me gjetjen e Donatorve) me fuqi afro 12 MW.
Gjithashtu ka sigurim të vendit për hudhjen e mbeturinave duke i groposur. Njëherit ka lokacionin për ndertimin e një Deponije të re (përmesë Donatorve ku përpiqemi me realizuar ndertimin e sajë) që sipasë projektit investiv do të klasifikoheshin mbeturinat.

rilinda · 10-02-08, 20:41

Prizreni është qytet në pjesën jugore të Kosovës. Të dhënat arkeologjike lënë të kuptojnë, se ky territor ishte i banuar që nga antika, kur njihej me emrinTheranda e në këtë trevë banonte një popullsi Dardane. Gjatë shek. XI ishte qendër e rëndësishme qytetare, më 1019 Prizreni ishte seli e ipeshkevis të perandorisë Bizantine. Gjatë shek XII-XIV u vendosën në këto treva pjesëtarët e popullsisë sllave. Në kohën e sundimit të mbretërve Dushan dhe Urosh, Prizreni qe herë pas here selia e mbretërive të tyre.

Fotografitë e qytetit të Prizrenit mund t'i shihni duke klikuar këtu:
http://dardania.de/vb/upload/showthread.php?t=18163

rilinda · 02-06-08, 23:08

I. Historiku i shkurtër i Prizrenit

Qytet i lashtë historik pranë Lumbardhit, nën shpatijet pitoreske të Sharrit, Prizreni është njëri ndër qytetet më të vjetra të Evropës Juglindore e më gjërë. Të dhënat arkeologjike dëshmojnë për ekzistencën e një jete aktive qysh në antikitet e më përtej. I nënshtruar lëvizjeve të mëdha shoqërore gjatë periudhave të caktuara kohore përjeton baticat dhe zbaticat e zhvillimit ekonomik, social e kulturor duke pësuar dhe transformime të emërtimit.Kështu në kohën e sundimit Romak njihej me emrin THERANDA, i banuar me popullsi të pastër Ilire – Dardanët për tu quajtur PRIZDRIJANA në periudhën e më pasme Bizantine.

I.2. Të dhënat statistikore

Komuna e Prizrenit shtrihet në pjesën jug-perëndimore të Kosovës. Ka një sipërfaqe prej 640 km 2 , ku jetojnë rreth 230.000 banorë. Në të gravitojnë 78 fshatra. Qyteti ka rreth 130.000 banorë të përkatësive të ndryshme etnike dhe religjioze ku pjesën dërmuese e përbëjnë shqiptarët. Lartësia mbidetare është 400 m, ndërsa në viset malore (majet e Sharrit) kalon 2000 m. Mbizotëron klimë e butë me ndikim të asaj mesdhetare gjerësa në viset malore klimë e ashpër - klimë e alpeve.
Prizreni disponon me karakteristika shumë të mira morfologjike, hidrografike dhe klimatike. Ekonomia dhe infrastruktura e trashëguar është në nivel të ulët si pasojë e tretmanit joadekuat të periudhës 55 vjeqare të ish sistemit komunist. Njihet si qytet i monumenteve të shumta historike nga edhe është joshës për vizitorët e shumtë.

I.3. Infrastruktura rrugore

Sipas shenimeve të nxjerrura nga Agjenda Zhvillimore e Prizrenit, viti 2002, rezultojnë këto të dhëna aproksimative për rrugët në komunën e Prizrenit:

rrugët e asfaltuara që lidhin Prizrenin me 78 fshatra janë 188 km,
rrugë e betonuar 5 km,
rrugë prej zhavori 132 km,
rrugë prej dheu 211 km,
Prizreni ka 15 ura, me gjatësi maksimale deri 25 m.

Gjendja aktuale e infrastrukturës rrugore rezulton krejt ndryshe si rezultat i ndërtimeve dhe realizimeve të projekteve të shumta gjatë periudhës 2002-2007. Rrugët në qytet pothuaj tërësisht janë të asfaltuara apo të shtruara me kubëza betoni. Një pjesë e konsiderueshme e rrugëve lokale që lidhin fshatrat apo në brendësi të tyre janë të asfaltuara apo të ndërtuara me elemente betoni. Në të shumtën e rasteve, krahas me ndërtimin e rrugëve është instaluar edhe ndriçimi publik.

I.4. Energjia elektrike në Prizren

Prizreni gjithmonë është krenuar me bukuritë e veta natyrore, e një ndër to është edhe Lumbardhi. Lumbardhi përveq se ka luajtur një rol të konsiderueshëm në higjienën e qytetit dhe në ujitjen e fushës, ujërat e tij kanë vënë në lëvizje edhe shumë mulli bloje dhe çekana të tabakëve.
Ideja për shfrytëzimin e ujërave të Lumbardhit për prodhimin e energjisë elektirke është shumë e vjetër. Më 6 maj 1909, është thirrë një tubim popullor ku është zgjedhur Këshilli drejtues për ndërtimin e një hidrocentrali. Projektimet janë bërë dy herë, në Vjenë dhe në Beograd, por që të dy këto tentativa kanë dështuar për shkak të luftërave të atëhershme.
Është interesante të përmendet e dhëna për vitin 1931, kur Prizreni ka pasur:
18.952 banorë,
220.000 kWh - energji elektrike të prodhuar,
70.000 kWh - energji elektrike të shitur (të matur),
160 kW - fuqia e ndriqimit
12 kW - fuqia e motorëve dhe e aparateve.

II. Ndriçimi publik

II.1. Përshkrimi i shkurtër i ndriçimit publik
Sipas shënimeve që kemi në dispozicion, segmenti i parë i ndriçimit publik në qytetin e Prizrenit është vendosur në vitin 1976 me këta parametra:
Shtegu rrugor: në trotuaret përgjatë rrugëve të qytetit, tash “Remzi Ademaj-Sheshi i Lidhjes – Adem Jashari”, gjerë te parku para Asamblesë Komunale.
Trupat Ndriçues: ndriçues Fener, rreth 55 copë, prodhuesi: TEP Zagreb, me konstruksion metalik katër këndor i mbështjellur me opal, P = 250 W, merkur-Hg, U = 220 V, shtyllat metalike të ngjyrosura me ngjyrë antikorozive, lartësia e shtyllës, H = 4.5 m, distanca në mes ndriçuesve L = 26 m.

Fig. II.1. Llojet e trupave ndriçues

Trasat kabllovike dhe kyçja me kabull nëntokësor i tipit: PP 41, 4 x 16 mm2, i vendosur në kanalin kabllovik në thellësi 0.80 m, me GAL mbrojtës dhe i kyqur në tabelën kyçëse kabllovike “Araldit”. Burimi energjetik në TS 10/0.4 kV, kyçja dhe çkyqja përmes qarkut komandues dhe fotorelesë të montuara në kthinën e ndriçimit publik në TS.

~~>>{SpOnGeBoB}<<~~ · 20-06-08, 11:48

e kom dijte qe e hjekin shkrimin. shife turli moderatori qe nuk e njef gjeografine e vendit tina vjen ma hjek shkrimin edhe nuk me lajne me postu per fshatin tem.

Cilli mare ke prej ju treve qetu, qe ma keni diskriminu fshatin tem mos me shkrujten qetu. Nuk kam faj une se qashtu e ka emnin edhe masnej shkaku i emnit shoq, nuk mujna me ja fal kojshive token se nuk i pelqen dikujna emni i fshatit qe e ka prej qe ekziston. Qashtu at fshatin Dabellde me ja japen maqedonve e tana qeshtu kishe pe pastrojna.