BE-ja në prag të shpalljes së pavarësisë së Kosovës

[Kalt]

BE-ja në prag të shpalljes së pavarësisë së Kosovës


Großansicht des Bildes mit der Bildunterschrift: MPJ slloven, Dimitrij Rupel, majtas, MPJ rus Sergei Lavrov, në mes, dhe Komisarja e BE-së për punët e jashtme, Benita Ferrero-Waldner


Bashkimi Evropian e pret deklaratën për shpalljen e pavarësisë me ndjenja të përziera. Vendimi për planin e vepritmi të misionit të rindërtimit të Kosovës merret këtë fundjavë

Shtetet e BE-së nuk pritet që ta njohin bashkarisht pavarësinë e Kosovës, që sipas të gjitha gjasave do të shpallet më 17 shkurt. Qipro thotë jo, Rumania, Sllovakia dhe Spanja kanë rezerva. Shtetet e BE-së do të "marin lajmin e shpalljes së pavarësisë".
Më pas do të pasojnë njohjet e secilit shtet, më vete. Më të bashkuar janë evropianët në lidhje me misionin e BE-së. Ky mision në njërën anë do të përmbajë EULEX-in, i cili do të ndërtojë dhe kontrollojë gyjqësinë, administratën policinë dhe doganën e ku do të përfshihen 2000 policë dhe juristë. Bashkimi Evropian përveç të tjerash do të hapë Zyrën Ndërkombëtare Civile (ICO), e cila do ta këshillojë dhe mbikqyrë qeverinë e Kosovës. Deputetja gjermane e parlamentit evropian Doris Pack thotë se do të jenë ndërkombëtarët ata që do ta thonë fjalën e fundit: "Pavarësia e mbikqyrur do të përfshijë edhe mundësinë e korrigjimit, ndërrimit të personelit dhe që do të jetë Bashkimi Evropian ai që do të thotë fjalën e fundit. Pavarësia do të mbikqyret për një kohë të gjatë, për të na dhënë neve sigurinë, që e tëra ecën në rregull."
Zyra Ndërkombëtare do të zëvendësojë një pas një administratën e OKB-së, e cila nuk ka qenë shumë eficiente gjatë gjashtë vjetëve paraardhës: "Deri tani pjesa më e madhe e punës udhëhiqej nga OKB-ja, ndërsa shqiptarët ishin vetëm sa për dekor. Tani do të jetë anasjelltas. Shqiptarët do të janë ata që do të marrin përgjegjësinë në dorë ndërsa ne do të jemi dekor," thotë Pack. Ajo shton se ky dekor është shumë i rëndësishëm që gjithçka të bëhet si duhet."
Bashkimi Evropian do të harxhojë gjithsej rreth dy miliardë Euro për rindërtimin e administratës dhe infrastrukturës në Kosovë. I ndodhur nën presionin e Rusisë, Sekretari i përgjithshëm i OKB-së, Ban Ki Mun (Ban Ki Moon) nuk e mbështeti haptazi dërgimin e misionit të BE-së në Kosovë. Rusia e konsideron këtë mision të pamoralshëm dhe të paligjshëm, pasi ai nuk mbështetet mbi rezolutën 1244. Bashkimi Evropian shpreson, që Sekretari i Përgjithshëm i OKB-së ta tolerojë në heshtje kalimin e administratës nga OKB-ja në dorë të evropianëve.

Bernd Riegert


DW

[Kalt]

Kosova protektorat


Daniel Serwer dhe James Lion në Radion Evropa e Lirë



15.02.2008
Brian Whitmore


Misioni i BE-së do zgjasë disa dekada. Na duhet të pyesim sa gjatë qëndruan në Evropë dhe në Gjermaninë e pas LDB-së forcat aleate. Këtë lloj angazhimi duhet ta shohim edhe në Ballkan", tha Lion.

Me flamur të ri, me himn të ri dhe mbështetjen e pjesës më të madhe të Perëndimit duket se do jetë fillimi i Kosovës si shtet. Por, kur Kosova të bëhet shteti më i ri i Evropës , statusi i shumëpritur do shoqërohet me një numër kushtesh.
Analistët, që janë njohës të mirë të situatës, thonë se vazhdimi i paqartësisë për statusin e Kosovës nuk ndikon pozitivisht në qëndrueshmërinë e pjesës tjetër të rajonit.
Daniel Serwer, zëvendëspresident i Qendrës për Paqe në rajonet e pas konflikteve, në Institutin e Paqes në SHBA, shpjegon:
"Kosova nuk do jetë anëtare e Asamblesë së Përgjithshme, çfarë do të thotë se nuk do ketë anëtarësi në klubin e vendeve sovrane. Mendoj se kjo është për të ardhur keq. Për sa kohë të ketë paqartësi mbi çështjen e sovranitetit të Kosovës, atëherë ekziston mundësia e paqëndrueshmërisë rajonale."
Kontrolli që ka Beogradi mbi vendbanimet me shumicë serbe në veri të Kosovës, çfarë pritet të vazhdojë dhe pas pavarësisë, do të thotë se udhëheqësit shqiptarë të Kosovës nuk do kenë kontroll real mbi gjithë territorin.
Ish-diplomati amerikan i karrierës, Daniel Serwer, thekson se armiqësitë me të cilat Kosova e pavarur do të përballet pas shpalljes së pavarësisë, do ta bëjnë atë të varur nga ndihma e huaj.
"Është diçka shumë negative ta fillosh historinë tënde si shtet pa njohjen nga fqinji më i madh, që është njëherësh dhe kërcënimi më i madh për sigurinë. Elementi më i rëndësishëm është se në sytë e Serbisë, çështja e Kosovës është ende e hapur. Kjo do vazhdojë të forcojë forcat nacionaliste në Serbi. Në Kosovë, kjo do të thotë se do kenë nevojë për perëndimin më shumë, sesa duam ne dhe më shumë se ç'është e shëndetshme për vetë ata. Në këtë kuptim, ne po e fusim veten në një angazhim afatgjatë", tha Serwer.
Në thelb, Kosova do kthehet nga protektorati i KB-ve në protektorat të BE-së.
Tim Judah, korrespondent i javores "Economist", thotë se suksesi i misionit evropian në Kosovë do jetë jetik për vetë Brukselin.
"Shikoni hartën dhe vendndodhjen e Kosovës. Nuk është në skaj të Evropës, por në brendësi të territorit të NATO-s dhe BE-së. Ka gjasa për të pasur sukses. Natyrisht, jeta do jetë e vështirë dhe ka mundësi për trazira. Por, bëhet fjalë për një territor që rrethohet nga 27 vendet anëtare të BE-së, me 500 milionë qytetarë evropianë, ndaj nuk duhet lejuar dështimi", tha Judah.
Ato që nuk janë ende të qarta, janë kohëzgjatja dhe fuqia e misionit të BE-së.
James Lion, ekspert për Grupin Ndërkombëtar të Krizave, mendon se misioni i BE-së do të zgjasë për një kohë të gjatë.
"Ajo që duhet pasur parasysh është fakti se misioni do zgjasë disa dekada. Nëse bashkësia ndërkombëtare mendon se do jetë mision më afatshkurtër, në fakt ata po tallen me veten. Na duhet të pyesim sa gjatë qëndruan në Evropë dhe në Gjermaninë e pas LDB-së forcat aleate. Këtë lloj angazhimi duhet ta shohim edhe në Ballkan", theksoi Lion.
Analisti britanik, Tim Judah, thekson se decentralizimi mbetet element kyç në Kosovën e pavarur.
"Thelbi i gjërave është decentralizimi. Procesi i decentralizimit parasheh që zonat e populluara me serbë do kenë një shkallë autonomie, që u krijon lidhje të posaçme me njëra-tjetrën, por edhe me Beogradin", tha Judah.
Ekspertët bien në një mendje se mundësia për jostabilitet ekziston, për aq kohë sa statusi i Kosovës të jetë një çështje e hapur për Serbinë.
Por ashtu, siç thotë dhe Lion, Serbia herët a vonë do përballet me realitetin.
"Statusi i Kosovës do jetë një çështje e hapur për Serbinë, por do të vijë një moment i katarsisit. Pavarësisht se sa traumatike është kjo çështje, besoj se thellë serbët e kuptojnë se Kosova është humbur në vitin 1999 nga Millosheviqi."


Radio Europa e Lire

[Kalt]

Kosova pergatitet te festoje shpallen e pavaresise

[Kalt]

Postimi origjinal është bërë nga Kalt

Kosova pergatitet te festoje shpallen e pavaresise

Shqiptaret ne Kosove jane bere gati per feste. Sonte ata dolen neper rruge duke brohoritur per pavaresine.

Instrumentet tradicionale

Ata kane nisur te vallezojne nen ritmin e instrumentave te ndryshme tradicionale. "Ne jemi shume, shume te lumtur, per ate qe po ndodh ne te vertete"-thote Ahmet Jashari, i cili ne Lipjan ka ngritur nje flamur amerikan. "Ne po presim qe nje shekull per kete dite".

Grupe kosovaresh shpalosin flamujt

Grupe-grupe qytetaret e Kosoves shpalosin flamuj kombetare, ndersa aty prane kalojne trupat e NATO-s, qe mbajne cdo gje nen mbikqyrje. Trupat e NATO-s jane sonte ne numer dukshem me te shtuar neper rruge.
Shitoret dhe shtepite kane ngritur kudo flamurin kombetar, ndersa nuk mungojne dhe flamujt e SHBA dhe BE, te cilet jane perkrahesit me te medhenj te pavaresise se Kosoves.


Festimet

Pergatitjet per festen tashme jane kryer.
Fishekzjarret jane gati dhe pas shpalljes se pavaresise, nje orkester do te nise t'ju prije festimeve. Policia lajmeron se rruget do te mbahen te bllokuara, qe festimet te kalojne pa incidente.

[Kalt]

Kosova do te shpalle pavaresine, ne daten 17-02-2008, ne ora 15.00.
Kjo u be publike, pas marrjes se miratimit nga bashkesia nderkombetare.
Deklarata do te lexohet nga kryetari i Kuvendi te Kosoves, Jakup Krasniqi.
Festimet do te mbyllen ne mesnate.

[Kalt]

Lajmërohet konferencë donatorësh për Kosovën

RTK

Bashkimi Evropian dhe Banka Botërore planifikojnë të mbajnë konferencë ndërkombëtare të donatorëve për Kosovën, njoftoi Komisioni Evropian. "Mund të konfirmojë se Komisioni Evropian së bashku me Bankën Botërore po përgatisin konferencën e donatorëve, më së largu në qershor", tha zëdhënësja e Komisionit Evropian, Kristina Nagy.

[Kalt]

[Kalt]

Trupat amerikane mbikqyrin kufirin Kosove-Serbi.

[legenda]

...z.Kalt,

kam lexuar diku se eshte parapare edhe nje MARSHALL - PLAN ( ne kuader te BE )
per Evropen jugore dhe perendimore,ku perfshihet edhe Kosova,
kishte me qene ne interes te te gjitheve qe te sillnim iformata ne lidhje me kete plan-i cili ka per qellim zhvillimin ekonomik,demokracine,dhe integrimin me te suksesshem ne BE,( Nje model i tille eshte zbatuar edhe ne Gjermani ,pas Luftes se dyte boterore.)
cituar nga parlamentarja e BE, GISELA KALLENBACH.

[panta_rhei]

Postimi origjinal është bërë nga legenda

...z.Kalt,

kam lexuar diku se eshte parapare edhe nje MARSHALL - PLAN ( ne kuader te BE )
per Evropen jugore dhe perendimore,ku perfshihet edhe Kosova,
kishte me qene ne interes te te gjitheve qe te sillnim iformata ne lidhje me kete plan-i cili ka per qellim zhvillimin ekonomik,demokracine,dhe integrimin me te suksesshem ne BE,( Nje model i tille eshte zbatuar edhe ne Gjermani ,pas Luftes se dyte boterore.)
cituar nga parlamentarja e BE, GISELA KALLENBACH.

Me sa dij unë, ideja për një "Plan Marshall 2 (vetëm për Kosovën)" ka qenë menjëherë pas luftës në Kosovë, por nuk ka gjetur përkrahje të gjerë, për pasojë (fatkeqësisht) kjo ide atëbotë ishte "reduktuar" në PAKT TË STABILITETIT PËR EVROPËN JUGLINDORE i cili është ende aktiv dhe më tepër kryen koordinimin (ndarjen) e donacioneve për rindërtim në këto pjesë të Evropës (kam përshtypjen se nga ky PAKT më tepër kanë përfituar shkaktarët e shkatërrimit serbia e mali i zi sesa Kosova)...

[Kalt]

Tani vjen Kosova

14.02.2008


Roger Cohen, NYT

Evropa do të ketë një shtet të ri të dielën, Kosovën. Kjo i jep fund 17 viteve të përgjakshme të luftërave në ish- Jugosllavi. Ky është një rast për të festuar.
Them se duhet festuar, me gjithë faktin se Serbia do kundërshtojë vendimin, të cilin kryeministri Koshtunica e cilësoi si krijimin e "këtij shteti sajesë në territorin serb". Edhe arusha ruse do të hungërojë, çfarë do bëjë që tensionet të ngrihen për pak kohë mbi Ballkan. Juristët do fillojnë të përplasen për precedentin.
E vërteta është se pavarësia e Kosovës është e justifikuar, unike në llojin e vet dhe e pashmangshme. Nuk ka rrugë tjetër. Serbia e humbi lojën e nacionalizmit në Kosovë shumë kohë më parë. Dallimet janë të paafrueshme dhe vonesat vetë sa do të dëmtonin rajonin.
Këtë të dielë, burime të besueshme më kanë thënë se Kosova do ta shpallë pavarësinë, kurse në fillim të javës tjetër, fuqitë e mëdha, përfshirë Shtetet e Bashkuara, Francën, Britaninë dhe Gjermaninë do ta njohin shtetin e ri.
Ministrat e jashtëm në takimin e së hënës mund të bien dakord në një paltformë të përbashkët, e cila do të thotë se kushtet për pranimin e shtetit të ri janë përmbushur. Një shumicë e qartë e 27 vendeve anëtare të BE-së pritet ta njohin shpejt Kosovën e pavarur.
Qiproja, me pjesën e vet të pushtuar në veri, do kryesojë vendet që nuk do ta njohin Kosovën. Disa nga vendet e tjera të BE-së që janë dyshuese për shtetin e ri janë Spanja, Rumania, Sllovakia, Greqia dhe Bullgaria.
Nëse BE-ja do fliste me një zë, do të ishte diçka e këndshme, por mbështetja në shkallë të gjerë është e mjaftueshme për Kosovën e pavarur. Kjo mbështetje në rradhë të parë i dedikohet punës së ambasadorit gjerman në Britani, Wolfgang Ischinger. Ajo që është më e rëndësishmja, është se BE-ja dhe SHBA-të do ecin me një hap, çfarë nuk ka ndodhur shpesh kohëve të fundit.
"Kjo ka qenë një detyrë e përbashkët që tregon se ne dhe Evropa duhet të punojmë së bashku", tha Frank Wisner, ish-ambasadori amerikan në Indi, i cili punoi ngushtë me Ischingerin gjatë vitit të fundit për të sjellë Kosovën dhe Serbinë më afër. "Nuk ka pasur asnjëherë ndonjë përpjekje nga ndokush në Beograd, t'i zgjaste dorën shqiptarëve të Kosovës", thotë Wisner.
Zgjatja e dorës për shqiptarët e Kosovës nuk ka qenë diçka tipike serbe gjatë dekadave të fundit. Sllobodan Millosheviqi, diktatori serb, e hapi rrugën e përgjakshme të nacionalizmit serb më 24 prill 1987, kur gjatë qëndrimit në Kosovë deklaroi se të parët e serbëve do të fyheshin, nëse shqiptarët bënin ç'donin. Heqja e autonomisë së Kosovës nga Millosheviqi ishte element thelbësor në politikën e tij për kthimin e Jugosllavisë në Serbosllavi.
Revolta kundër tij i solli pavarësinë ish-republikave jugosllave nga Kroacia tek Maqedonia. Serbët mund të hidhen përpjetë dhe të bërtasin, por Kosova është pjesa e fundit e një shteti të vdekur që pashmangshëm duhet të shkëputet.
Shqiptarët që përbëjnë 95% të popullsisë 2.1 milionëshe të Kosovës nuk mund të pajtohen me një Serbi që i shtypi, i rrahu, i dëboi dhe i vrau deri sa ndërhyri NATO-ja në vitin 1999. Beogradi nuk është Bern dhe një Prishtinë brenda Serbisë do të ishte qyteti i sherrit.
Serbët protestojnë duke iu mabjtur verbërisht asaj se Ushtria Çlirmitare e Kosovës nuk ishte ëngjëll. Kur ende nuk kishte përfunduar gjenocidi serb kundër myslimanëve boshnjakë në vitin 1992 pamë daljen në skenë të ushtrisë boshnjake. Kështu ndodh, persekutoje një popull me mundime të pafundme dhe ata do të bashkohen, ngrihen, do të luftojnë dhe do shkojnë në rrugën e tyre.
Çfarë do bëjë Serbia tani? Vojisllav Koshtunica, kryeministri nacionalist, tha se nuk do lejojë që një shtet i tillë të ekzistojë për asnjë minutë.
Kjo ka qenë trumbeta serbe që nga miratimi i Rezolutës 1244 në Këshillin e Sigurimit të KB-ve, e cila e bën të qartë se OKB-ja do të mbikëqyrë dhe NATO-ja do të mbrojë Kosovën deri në zgjidhjen përfundimtare. Beogradi asnjëherë nuk ishte i interesuar për zgjidhjen.
Pres që Serbia të shkaktojë trazira modeste, por nuk do të shkojë deri tek dhuna dhe ndalimi i energjisë elektrike. Ndoshta një pjesë e 120 mijë serbëve në Kosovë mund të dalin në rrugë. Serbët në veri të Kosovës mund të nxiten për ndarje. Por, zgjedhja së fundi e presidentit pro perëndimor, Boris Tadiq, do jetë një faktor vetpërmbajtjeje. Po kështu, SHBA-të dhe evropianët do të ushtrojnë presion mbi shqiptarët. Kryeminsitri i Kosovës, Hashim Thaçi, ka bërë gjeste bashkëpunimi dhe kjo është pozitive.
Rusia do kërkojë takim të Këshillit të Sigurimit, ku do mund të bërtasë e kërcënojë. Por, problemi është se Rusia ka mbështetur kalin e gabuar. Evropa ka të drejtë të tregojë se nuk do përkulet përballë presioneve ruse. Pa diskutim se Serbia dëshiron të lëvizë drejt anëtarësimit në BE.
Kosova nuk është as Transnjestria, as Abkazia apo Osetia Jugore. Kosova është pjesa e mbetur e një shteti që nuk ekziston, Jugosllavisë. Kosova ka qenë për tetë vjet nën administrimin ndërkombëtar me një status pezull, e pamundur për të mbetur brenda Serbisë. Millosheviqi luajti me topin e nacionalizmit dhe humbi.
Në afat të gjatë, besoj se kjo zgjidhje do jetë pozitive për Serbinë. Në vend që të humbasë kohë me betejat mesjetare dhe simbolizmin humbje-fitore dhe me kulturën helmuese të viktimizimit, Serbia do të fillojë të shohë përpara, drejt Perëndimit në vend të Lindjes.

Radio Europa e Lire

[Kalt]

Moore: Pavarësi pa eufori

enlarge
Patrick Moore, analist i Radios Evropa e Lirë

16.02.2008
Melazim Koci
"Lini anash euforinë dhe ruani dinjitetin në kuadër të limiteve për hir të atyre që vdiqen dhe që nuk do ta shohin këtë ditë", ka porositur Patrick Moore, analist i Radios Evropa e Lirë.

RADIO EVROPA E LIRË
Këtë javë, sipas të gjitha gjasave, në Evropë do të lindë një shtet i ri – Kosova. "Nju Jork Times", të enjten, vuri në pah se "pavarësia e Kosovës është e justifikuar, unike dhe e pashmangshme"...!

PATRICK MOORE
Gjithsesi që është e justifikuar. Serbia e humbi atë me luftë dhe ky territor do të bëhet i pavarur mbi bazën e së drejtës për vetëvendosje dhe pushtetit të shumicës. Ky ka qenë parimi kryesor i procesit të dekolonizimit të mbikëqyrur nga Kombet e Bashkuara nga Lufta e Dytë Botërore. Por, nuk mund të them se është rast unik, sepse në botë ka shumë raste kontestuese territoriale. Ajo që është e sigurt, është fakti se pavarësia e Kosovës është kaptina e fundit në procesin e dezintegrimit të Jugosllavisë dhe gjithsesi e pashmangshme.

RADIO EVROPA E LIRË
Kryeministri i Serbisë, Vojisllav Koshtunica, thotë se ai "nuk do ta lejojë këtë krijesë të ekzistojë as për disa minuta"...!

PATRICK MOORE
Kjo është një talljeje dhe ai e di këtë. Çfarë mund të bëjë ai? Mund të flasë çfarë të dojë, mund të bëjë zhurmë, por asgjë praktike. Ai mund të bëjë probleme me furnizimin me ujë dhe energji, por nëse këtë e bën, ata do të lënë pa ujë dhe energji edhe serbët në veri dhe gjetiu. Kjo nuk duket inteligjente. Mundësia tjetër është bllokimi i rrugëve dhe tregtisë. Por, nga historia e tyre, serbët e dinë se nëse bëjnë një gjë të tillë, do të dëmtojnë vetveten, sepse do të aftësojnë Kosovën të bëjë tregti me Maqedoninë dhe Shqipërinë.

RADIO EVROPA E LIRË
Rusia nuk mund ta ndalë pavarësinë e Kosovës, por Moska mund të bllokojë pranimin në Kombet e Bashkuara...!

PATRICK MOORE
Ani çka! E rëndësishme është që Kosova të njihet nga Shtetet e Bashkuara dhe Bashkimi Evropian dhe të anëtarësohet në institucionet financiare ndërkombëtare. Bashkimi Evropian gjithashtu, për të kompensuar këto probleme që do të shkaktohen nga qëndrimi i Rusisë, mund të bëjë disa aranzhmane shtesë me Kosovën, ta zëmë në planin agrar e të ngjashme.

RADIO EVROPA E LIRË
Në Bashkimin Evropian ende ka zëra që thonë se çështjen, përkatësisht njohjen e pavarësisë së Kosovës, duhet shtyrë për disa javë. A mendoni se periudha e zgjatur transitore ndërmjet deklarimit të pavarësisë dhe njohjes mund të sjellë rreziqe?

PATRICK MOORE
Kjo mund të jetë shumë e rrezikshme, por nuk besoj se do të ndodhë. Brenda Bashkimit Evropian ka elemente që kundërshtojnë pavarësinë e Kosovës për shkaqe të ndryshme, por nuk besoj se ata janë të fortë dhe dominues.

RADIO EVROPA E LIRË
Të themi se Kosova ka shpallur pavarësinë dhe ka pasuar njohje nga Shtetet e Bashkuara dhe shumica e vendeve me ndikim të Bashkimit Evropian. Por, në fuqi ende do të mbetet Rezoluta 1244 që thotë se Kosova është pjesë e Jugosllavisë. A nuk ju duket kjo kontradiktore?

PATRICK MOORE
Vojisllav Koshtunica shpesh tregon se si mund të manipulohen aspektet juridike të çështjes dhe kjo nuk impresionon askënd. Ban Ki Moon ka thënë se Kosova është çështje e Bashkimit Evropian dhe besoj se ai do ta mbajë fjalën dhe do t'i japë fund këtij lloj diskutimi me sofizma.

RADIO EVROPA E LIRË
Zoti Moore, edhe një pyetje – a keni ndonjë mesazh për kosovarët në këtë çast?

PATRICK MOORE
Kosovarët shumë shpejt do të kenë festë të madhe dhe më vjen keq që nuk do të jem atje. Por, nuk duhet harruar se në çdo kremtë, nëse nuk jemi të matur të nesërmen ose më gjatë, mund të ballafaqohemi me probleme. Pra, lini anash euforinë dhe ruani dinjitetin në kuadër të limiteve, për hir të atyre që vdiqen dhe që nuk do ta shohin këtë ditë. Shumë kujt do t'i duhet kokë e ftohtë dhe gjakftohtësi për t'u ballafaquar me problemet që do të vijnë. I pari ka të bëjë me ndarjen efektive të Kosovës për shkak të veriut, se pjesa veriore është e shkëputur, është realitet dhe këtë duhet ta kuptojnë të gjithë, ashtu siç serbët duhet ta kuptojnë se Kosova ka shkuar. Kur flasim për veriun, unë do të pyesja shqiptarët e Kosovës – a duan vërtet të kenë aq shumë serbë të palumtur si pjesë të shtetit të tyre? Pavarësisht çfarë do të vendosin, ata nuk bën të lejojnë që veriu t'u bëhet obsesion, siç ishte Kosova për Serbinë. Kosova e lirë ka aq shumë për të bërë, sa që nuk do të duhej të humbaste kohë në çështjet territoriale. Çështja tjetër që më brengos është Bashkimi Evropian. Në njërën anë BE-ja duhet të sjellë ndihmë dhe shpresë, por njëkohësisht sjell edhe logjikën e sekrecionit dhe byrokracinë koloniale. BE-ja nuk është institucion i zgjedhur në rrugë demokratike. Druaj se BE-ja mund të detyrojë kosovarët që të kufizojnë ose të heqin praninë e Shteteve të Bashkuara atje. Nuk besoj se kosovarët ndonjëherë vullnetarisht do të pajtohen me tërheqjen e forcave amerikane. Por, nuk duhet harruar se ka elemente të fuqishme brenda Bashkimit Evropian, që dëshirojnë largimin e Shteteve të Bashkuara nga Evropa, pos kur atyre u duhet ndihma amerikane për t'i mbrojtur. Disa, veçanërisht në vendet anëtare më të vjetra të Bashkimit Evropian, e shohin BE-në në anën e kundërt të Shteteve të Bashkuara. Ata ekzistojnë dhe janë në pozicione të fuqishme politike, ekonomike, ushtarke dhe mediale. Druaj se disa nga këta evroperëndimorë me disponim anti-amerikan do të dërgohen në Kosovë.




Radio Europa e Lire

[Kalt]

Ndryshoni harten e Evropes!


“Duhet te ndryshoni harten e Evropes, pasi ne te ben pjese dhe Kosova tashme”, - keshtu u ka thene femijeve te nje shkolle ne jugperendim te Frances presidenti Nikola Sarkozi, i cili ka bere dhe nje here te qarte mbeshtetjen e vendit te tij ndaj pavaresise se Kosoves. Sipas tij, femijet neper shkolla duhet te mesohen me nje kendveshtrim te ri te hartes se Evropes, tashme qe edhe Kosova do te beje pjese ne te si nje shtet i pavarur. “Duhet ta ndryshoni harten me Kosoven”, - u tha presidenti francez femijeve, duke vendosur gishtin ne harten e Evropes, qe varej ne murin e klases se tyre, ku Kosova tregohet si pjese e Serbise. Franca ka deklaruar se, ashtu si Britania e Madhe, Gjermania dhe Shtetet e Bashkuara te Amerikes, do te jete nje prej vendeve te para qe do te njohe pavaresine e Kosoves, diten e hene. Nderkohe, Shtetet e Bashkuara te Amerikes kane theksuar edhe nje here qendrimin e tyre pro pavaresise se Kosoves. Ne nje deklarate per mediat, zedhenesi i Departamentit amerikan te Shtetit, Shon MekKormak, tha se SHBA-te duan te shohin Kosoven te zgjidhe perfundimisht statusin e saj. Ai u shpreh se diskutimet ne arenen diplomatike ende vazhdojne, porse Uashingtoni vazhdon te perkrahe pavaresine e mbikeqyrur te Kosoves. “Ne vazhdojme diplomacine dhe Uashingtoni eshte ne dijeni te pikepamjeve te Serbise. Ne e kuptojme se eshte nje ceshtje delikate dhe e ndjeshme. Por ashtu, sic kemi theksuar edhe ne te kaluaren, eshte shume e rendesishme qe te zgjidhim perfundimisht statusin e Kosoves”, - tha MekKormak. Sipas tij, Shtetet e Bashkuara besojne se pavaresia e mbikeqyrur e Kosoves do te coje ne nje rajon me paqesor dhe me te stabilizuar. Pjesa me e madhe e 27 vendeve anetare te BE-se, ashtu si dhe Shtetet e Bashkuara te Amerikes, do te njohin pavaresine e Kosoves pikerisht te henen, pasi lideret shqiptare atje te shpallin pavaresine. Rusia, aleatja e vetme e Serbise ne kete kauze te saj te humbur, deklaroi dje, se do t’i pergjigjet pavaresise se Kosoves, duke njohur levizjet separatiste ne rajonet e Gjeorgjise, Akbazise dhe Osetise se Jugut. Por MekKormak u shpreh se situatat nuk jane aspak te krahasueshme me njera-tjetren. “Situata ne Kosove nuk ka asnje precedent per ndonje situate tjeter ne asnje vend te botes”, -perfundoi ai.

Gaeta Korrieri