Vrasjet me pagesë, shqiptarët të parët

[Bjeshka1]

30/03/2008
Nga Greqia, Aleksandër Marku

ATHINE -Policia greke ka identifikuar shqiptarët, si vrasësit me pagesë më të kërkuar në Greqi dhe që mendohet se kanë kryer edhe numrin më të madh të ekzekutimeve të parapaguara. Këto të dhëna janë botuar në gazetën greke "TA NEA", e cila i referohet burimeve policore. Sipas këtyre burimeve, çmimet e vrasësve nga Shqipëria variojnë nga 20 mijë deri në 40 mijë euro, në varësi të personit që duhet ekzekutuar. Por ka edhe nga ata, që marrin përsipër të kryejnë vrasje edhe për çmime prej 3 mijë eurosh apo edhe më pak, që janë kryesisht persona që i futen rrugës së krimit për shkak të kushteve të vështira eko-nomike. Ndërsa ekzekutorët që vrasjen tashmë e kanë kthyer në biznes, i vendosin çmimet në varësi se çfarë përfaqëson personi që duhet eliminuar. Kështu, për personat që janë të interesuar të eliminojnë bashkëshortet ose bashkëshortët, ose ndonjë të afërm të familjes, çmimi shkon në mbi 40 mijë euro. Ndërsa, sa më i ngatërruar të jetë personi që duhet eliminuar me botën e krimit, aq më shumë rritet edhe çmimi i kontratës së vdekjes së tij. Një prej vrasësve shqiptarë më të shquar me pagesë sipas gazetës, është edhe shqiptari Alket Rizai, i cili zbatonte kontratat e vdekjes të një prej më të shumëkërkuarve në Greqi, Vasilis Stafanakos.
Profesionistët
Ndonëse vrasësit me pagesë me kombësi shqiptare janë më të kërkuarit në Greqi, policia e këtij vendi ka arritur në konkluzionin se ekzekutorët më profesionistë për krime të parapaguara janë çeçenët dhe kosovarët. Këta të fundit marrin përsipër vrasje të njerëzve të natës dhe kryesisht ata që janë të lidhur me botën e krimit. Këto quhen ndryshe edhe vrasjet e vështira. Për sa u përket kosovarëve, ata cilësohen nga policia greke si vrasësit më të paguar që vijnë në Greqi me porosi dhe që vendosin çmime, të cilat fillojnë nga 100 mijë euro e lart. Ndërsa çeçenët, policia greke i ka konsideruar si "ajka e vrasësve me pagesë" dhe janë me të kërkuarit jo vetëm në Greqi, por edhe në botë, ndërkohë që çmimet e tyre për të kryer një vrasje, vlerësohen më të larta nga çmimi që marrin vrasësit kosovarë.
Fenomeni
Vrasjet me pagesë, të paktën që nga viti 2000 e në vazhdim, janë bërë një fenomen mjaft shqetësues për policinë greke. Kjo e fundit ka deklaruar se vetëm gjatë vitit 2007, në Greqi janë regjistruar plot 70 vrasje me pagesë, ku dy viktimat e fundit të këtij biznesi kriminal janë një shqiptar 19-vjeçar dhe një shtetas libanez 45-vjeçar. Ky lloj krimi thuajse ka dalë jashtë kontrollit në Greqi, ku përveç vrasësve profesionistë, kohët e fundit janë shfaqur edhe disa shtetas grekë me kombësi sovjetike, të cilët marrin përsipër të ekzekutojnë persona edhe me çmime deri në 500 euro, me qëllimin e vetëm për t'u futur në rangun e vrasësve me pagesë.

__________________________________________________ ______

Çka mendoni ju per kete fenomen?
E di qe kesi njrezish ka edhe ne Kosvove, por ne krejt Ballkanin ka, bile shume.
Ne Evropen perendimore jane serbet ata qe kryejne keso vrasjesh, bile edhe argat te shtetit dhe politikes serbe. Si ka mundesi qe edhe ne ta fitojme kete reputacion te zi?