Lufta për Çlirim, Kosharja legjendare

[Pupi]

Gjithmonë kur vjen prilli të kujtohët diçka që nuk të le të bësh gjumë të rehat. sikur ndjen në vete ato ditë të ftohta edhe sikur ta keshë ngroht si në gusht. Ndjen ato ditë që mërdhin dhe të rrënqethët trupi.
Çfar ishte ajo maxhi tërheqëse që të bënte aq të fortë e aq të palëkundshëm ato ditë, Çfar i shtynte ata djelmosha që sapo kishin nisur ti bien brisk fytyrës, e që në brendi u ndizej zjarrë vullkani, për ta parë kosovën e lir. Pa qoft edhe për një ditë!
E gjatë do të bëhej lista për ti numruar të gjithë ata trima që i dhuruan më të shtrenjëtën Atdheut. E gjatë shumë e gjatë, dhe e dhimbëshme mbi të gjitha.
Sa vinin e vinin nga të gjithë bota Shqipet në prillin e '99-shit, dukeshin shumë të thjesht, e gjitha çfar kishin me vete ishin ca rroba të mbrendshme, sepse ditë më parë ishin përshëndetur me të afërmit, e askush se besonte që do të kthehej i gjallë.

Gëzo Lirin Kosovë, përveq që ishte obligim, është edhe kultur Kombëtare të jesh aty kur e kërkon Atdheu!

[Pupi]

Në Kosharen legjendare, në 9 vjetorin e rënies heroike u nderuan dëshmorët e lirisë
“Uroj që këtë liri ta ruani dhe ta mbroni me çdo çmim, sepse për te janë bërë sakrifica të mëdha dhe ashtë derdhë shumë gjak”, ka porositur plaku, Imer Gjinovci, i cili së bashku me familjen e gjerë kishte ardhur për të nderuar dëshmorët e kombit në Koshare, tek qëndronte ulur pranë varrit të djalit të tij - dëshmor dhe dy nipërve, në 9 vjetorin e rënies së tyre. Në mesin e panumërt të qytetarëve që sot kishin ardhur nga të gjitha anët e Kosovës, për të nderuar lavdinë e këtyre dëshmorëve dhe betejën e Koshares, kishin ardhur edhe Trupat Mbrojtëse të Kosovës, bashkëluftëtarë dhe përfaqësues të institucioneve të vendit. Në mesin e tyre i pranishëm në këtë përvjetor ishte edhe ish komandanti i Brigadës 138 “Agim Ramadani”, kolonel Rrustem Berisha.

“Ne asnjëherë nuk ta kryejmë borxhin ndaj bashkëluftëtarëve dhe dëshmorëve tonë të rënë për lirinë e Kosovës, prandaj institucionet vendore duhet të bëjnë edhe më shumë që këtu në Koshare të kemi një qendër memoriale është shprehur ndër të tjera”, Hysen Berisha, ish komandant në betejën e lavdishme të Koshares.

Beteja e Koshares shënon njërën ndër betejat heroike të luftës së Lavdishme të Ushtrisë Çlirimtare të Kosovës dhe si e tillë njërën ndër ngjarjet më të rëndësishme në historinë më të re të Kosovës. Aty mbi të gjitha tash nëntë vite më parë u bë thyerja e kufirit shqiptaro shqiptar.
| s.b & RTK staff |

[natyra]

...Gjithmon ne perkujtim per trimat e ren per liri ....LAVDIIIIII

Kushtoi....


Legjendarit
Agim Ramadanit
~~~~~~~~~~~~~~~~
Gjemoin malet e Koshares
q'po luftojn djemT e Kosoves

Bini trima heu t'shqipetarise
n'fyt ti prejm qent, e serbise

Kercet pushka ushtoin malet
pushka e trimit JO nuk ndalet

Jo nuk ndalet pushka e trimit
Heu,ishte pushka e Agimit

Hapi rrugen per kufi
me i bashkuar Kosove&Shqiperi

Aty jeten e flijoi
me shoke t'vet pa ndare luftoi

Sa shum shkie, per tok paloi
i qarmatosi i likuidoi

Shokve t'vet ju tregoi
qe me sot lufta mbaroi,

E dhashte zoti lirin ta gezoim
por e shkurt i qe jeta,

S'ju dhims trimit,per troje t'veta
me ni mendje luftoi qebesa

Ne flamur ishte betuar
Atedheut jeten per t'ia kushtuar

Dhe nese un,bi deshmore
mbi gjakun tim betou Kosove....LAVDI

Autorja
Hajla Rugovase

Natyra
``````

[MemphiSx]

Keshtu u nderuan trimat e Koshares!

Lufta e Koshares në të vërtetë është lufta e pa ndalur e popullit tonë për lirie enjte, 10 prill 2008 10:21Manifestimi kushtuar 9 vjetorit të thyerjes së kufirit shqiptaro-shqiptar u mbajt në qytetin e Pejës, ku morën pjesë qytetar të shumtë nga Rrafshi i Dukagjinit dhe familjar të dëshmorëve.




Në këtë manifestim u përkujtuan veprat e komandantëve të UÇK-së Agim Ramadani dhe Sali Çekaj, vepra e të cilëve u vlerësua lartë nga ana e të pranishmëve. Në këtë manifestim mori pjesë edhe kryesia e LDD-së me kryetarin e saj akademik Nexhat Daci. Kryetari Daci me këtë rast edhe i’u drejtua qytetarëve të cilët ishin të pranishëm në këtë manifestim me këto fjalë:

[MemphiSx]

Nje Respekt i veqant per Luften dhe Heronjet e Koshares edhe nga Akademik Nexhat Dacit!

“Të nderuara familje të dëshmorëve

Luftëtarë dhe eprorë ushtarak të betejës së Koshares

Të nderuar të pranishëm

Zonja dhe zotërinj


Se heronjtë dhe dëshmorët nuk vdesin kurrë, se gjaku i njerëzve të mëdhenj është dëshmi e dhimbjes tonë krenare, është kënga më madhështore e shpirtit njerëzor, është universalja e madhështisë këtë më së miri e tregon jeta dhe vepra e dëshmorëve të Koshares.

Lufta e Koshares në të vërtetë është lufta e pandalur e popullit tonë për liri, është vazhdimësi e sakrificave të brezave të tërë të të gjitha periudhave.

Në këtë drejtim angazhimet dhe përpjekjet ushtarake të personazheve të luftës së Koshares dhe heronjve të saj janë të kahershme dhe kishin filluar qysh në vitin 1991, ku komandanti i Koshares Salih Çeku së bashku me komandantin Adem Jashari si dhe shumë luftëtarë të tjerë themeluan njësitet e para ushtarake të luftës për çlirimin e Kosovës.

Andaj 9 prilli 1999 shënon një ndër datat më të rëndësishme të historisë më të re të Kosovës, sepse nëntë vite më parë luftëtarët e Koshares të udhëhequr nga komandantët Salih Çeku, Agim Ramadani dhe Rrustem Berisha me luftë thyen kufirin shqiptaro – shqiptar në Koshare.

Pra, kjo datë shënon fillimin e luftës në Koshare, të betejës ushtarake më të lavdishme dhe më të suksesshme të Ushtrisë Çlirimtare të Kosovës.

Luftën e Koshares e bënë edhe më të lavdishëm fakti se pjesëmarrës në këtë betejë ishin luftëtarë nga të gjitha trevat shqiptare, si dhe luftëtarë nga vende të ndryshme të botës.

Andaj falë politikës së mençur të udhëhequr nga presidenti i Kosovës Dr. Ibrahim Rugova, luftës së Ushtrisë Çlirimtare të Kosovës si dhe ndërhyrjes ushtarake të forcave të NATO-s, liria dhe pavarësia e Kosovës u bënë realitet.

Edhe në këtë manifestim kushtuar nëntë-vjetorit të betejës së Koshares, më lejoni të shpreh falënderimin dhe mirënjohjen time të thellë ndaj miqve tonë ndërkombëtar në krye me SHBA-të, për njohjen dhe përkrahjen e vazhdueshme në ndërtimin e shtetit më të ri në Evropë dhe botë, Kosovës si shtet sovran dhe i pavarur.



Dhe, në fund, ky manifestim i sotëm si dhe manifestimet e shumta që do të organizohen në të ardhmen për dëshmorët e Koshares, në gjeneratat e ardhshme duhet të barten si vlera nacionale dhe si vlera të kulturës sonë kombëtare”.

Më pas u shfaq një program kulturo artistik, ku përformuan artistë të ndryshëm të estrades kosovare.