Republika e Nauruse

**lazdrani** · 23-04-08, 16:30

Misioni i Përhershëm i Republikës së Naurusë në KB e ka njoftuar Presidentit e Republikës së Kosovës, dr. Fatmir Sejdiu, se ky vend, që shtrihet në perëndim të Oqeanit Pacifik dhe është anëtar i OKB-së, ka vendosur ta njohë Republikën e Kosovës - si shtet të pavarur dhe sovran dhe të vendosë marrëdhënie diplomatike me vendin tonë. Lexo në tërësi letrën e Misionit të Përhershëm të këtij shteti në KB dërguar Presidentit Sejdiu: Misioni i Përhershëm i Republikës së Naurusë në Kombet e Bashkuara

Misioni i Përhershëm i Republikës Nauru në Kombet e Bashkuara shpreh komplimentet e tij për Qeverinë e Kosovës dhe ka nderin t’i referohet korrespodencës nga Shkëlqesia e tij, z. Fatmir Sejdiu, President i Republikës së Kosovës, të datës 17 shkurt 2008, adresuar Shkëlqesisë së tij Dr. Kieren Keke, Ministër i Punëve të Jashtme i Republikës së Naurusë, lidhur me propozimin për ta njohur Kosovën si shtet të pavarur, përfshirë vendosjen e marrëdhënieve të plota diplomatike.

Misioni i Përhershëm i Republikës së Naurusë ka kënaqësinë ta njoftojë Qeverinë e Kosovës lidhur me vendimin e Qeverisë së Naurusë që ta njohë plotësisht Republikën e Kosovës - si shtet të pavarur. Për më tepër, Qeveria e Naurusë pranon propozimin për vendosjen e marrëdhënieve të plota diplomatike dhe misionit diplomatik, në bazë të Konventës së Vjenës mbi Marrëdhëniet Diplomatike.

Misioni i Përhershëm i Republikës së Naurusë në Kombet e Bashkuara shfrytëzon këtë rast të shprehë konsideratat e tij më të larta për Qeverinë e Republikës së Kosovës.

New York

Misioni i Përhershëm i Republikës së Naurusë në Kombet e Bashkuara.

gjini · 24-04-08, 10:10

Nauru eshte nje vend shum i vogel por me poziten ma te mire ne mesin e oqeanit te qete ku shtihen nje numer i madhe i ujdhesave e nder to edhe Kiribati e Ishujt Solomon dhe Tuvalu.
Nga ne ketu ju dergojme te fala shum dhe nje THEKS te madhe.