Morali Islam

[LOJETARI]

Kjo temë është e hapur në qershor të vitit 2008 , para tri vite e gjysmë .E rifreskova ne tetor të vitit të kaluar ,mbase m'u dukt shumë e arsyeshme të komunikohet në siç i ka hije një debatuesi të mirëfillt për këtë temë .
Gjykoni vet antarë të nderuar , pse nuk ka asnjë postim të ri ,ku është arsyeja ?Bash jam kurreshtar .

ps. Ai që tenton të prish temën ,ia garantoj 24 orë pushim .

faleminderit në mirëkuptim

[emine]

LOJTAR mos me kap pahiri nikun tim


Disave nuk do te ju pelqej padyshim ajo qka une them,po prap se prap une ndjej nevoje te them ashtu siq e mendoi

Gabimet qe bejn X njerz dhe sidomos SHqipetaret,se nderlidhin Islamin me vendet Arabe,aty ndoshta eshte zanafilla e Islamit,po ne ato vise ka ndiku kulltura dhe njerzit e eger qe ti japin Islamit nje Imazh te shemtuar
Muslimanet Shqiptare dallojne nga ato vise ,kan tjeter kulltur tjeter tradita,dhe pa dyshim qe duhemi te krenohemi si popull,spari per moralin dhe kulturen qe kemi,pse duhet te praktikohet Islami si ne viset Arabe qka na lidh me ato vende,pse duhen shume individ per qeshtje individuale te keqperdorin nje Fe ,besim i cilli sikure te praktikohet siq shkruhet ne librin e shejte(Kuranin) njerzit do afroheshin gjithmone dhe me shume ksaj feje ktyre njerzve ktij besimi
Ne kemi tjeter moral ,tjeter gjak,tjeter kulturene si popull nuk kemi te lejushme martesen me vajz axhe apo vajz teze,djal teze,pse duhet pelqy tradita e nje populli arab pse kemi nje besim te njejte,edhe tek feja krishtere behet ky krahasim,njerzit kan frymzim vatikanin,blla blla,dhe harrojne se me ata popuj ne vetem nje gje na lidh Besimi,dhe jo kulltura dhe traditat e tyre
Ne Kuran primare eshte morali,pse ateher njerzit e zhysisn ket fe ,japin kahje te ndryshme.......
pse nuk rreflektohet e verteta ,dhe pse njerzit e pamoralshem pandergjeshem keqperdorin nje fe per te manipulu njerzit tjere

Njerzit e pamoralshem ,nuk munden te pranojne asnje besim apo fe,thjeshte te jesh besimtar i denjte eshte detyrim Morali njerzor,fatkesisht ne ato qka lexohet ne forum,shofe shkalle te ulte morale,,,,,,,

[Makresh]

Njeriu sheh vetem ate qe don te shoh, nuk jan viset arabe ashtu sic i paramendoni ju. Nuk eshte Azia kontinent, si rrugicat e Chinatown ! Islami ngrit moralin shpirteror te individit duke proklamuar njerzimin vella te njeri tjetrit.

Islami ka vendosur nje numer te drejtash te paluhatshme, te vlefshme per gjithe njerzimin, dhe qe kerkon te respektohen ne çdo situat, me çdo kusht. Ne kete drejtim, Islami ofron jo vetem garancione juridike, por bashk me te, edhe nje sistem moral shume efikase ! Keshtu pra, per Islamin gjitheçka qe shkon ne te miren e individit dhe shoqeris, eshte moralisht e mirë, dhe gjithecka qe eshte e demshme qoft edhe per shendetin personal te njeriut sic eshte mishi i derrit, pirja e alkoholit dhe drogave te ndryshme,.. eshte e keqe ! Islami i kushton nje dashuri shume te rendesishme Zotit, dhe njeriut duke ia terhequr vemendjen kunder formalizimeve. Ne lexojm kete ne kur'an :

Nuk është tërë e mira (e kufizuar) të ktheni fytyrat tuaja kah lindja ose perëndimi, por mirësi e vërtetë është ajo e atij që i beson All-llahut, ditës së gjykimit, engjëjve, librit, lajmëtarëve dhe pasurinë që e do, ua jep të afërmve, bonjakëve, të vërfërve, udhëtarëve, lypësve dhe për lirimin e robërve, dhe ai që e fal namazin, e jep zeqatin, dhe ata që kur premtojnë e zbatojnë, dhe të durueshmit në skamje, në sëmundje dhe në flakën e luftës. Të tillët janë ata të sinqertit dhe të tillët janë ata të devotshmit. (2, 177)

Ketu shihet nje pershkrim i mir i besimtarit, i devotshem dhe i cili ka frigen e Zotit (frig e cila eshte mbrojtje kunder padrejtesive qe mund te ben, e si mos ta kete kete frig, ai nuk eshte besimtar, por eshte sharlatan i cili s'turperohet para Zotit), dhe i cili i praktikon keshillat per shpetimin perfundimtar por asnjehere duke mos u larguar nga dashuria per Zotin, dhe dashurin per krijesat e Tia,... qe eshte njerzimi.

[4peace]

*

Sa i perket temes, sic edhe mund ta shihni, kam shkruar atebote.

Tash do te them dicka "jashte teme".

Me bie shume shpesh (teper shpesh) te lexoj, kur flitet per dhe rreth Islamit, gjera si:
"Kjo eshte kulture arabe, prandaj s'kemi c'te merreme me te", "S'kemi nevoje per dicka qe eshte shpallur (Kur'ani) ne Arabi" e shume te ngjashme.

Eshte me se e vertete se ata qe kane jetuar/studjuar/qendruar neper ato vende kane rene nen ndikim, jane ndikuar/influencuar, kush me shume e kush me pak, nga ajo qe kane pare/degjuar atje.

Mirepo, perse na duhet t'i akuzojme neve (vetem) ata?

Perse nuk e pyesim veten "a jemi edhe ne te ndikuar nga kultura e atyre vendeve ku jetojme?"

Sa i perket ndikimit te ketille, ketu nuk ka perjashtime. Kush me shume e kush me pak eshte i ndikuar/infuencuar nga rrethi ku jeton, si ne aspektin pozitiv, ashtu edhe ate negativ.
A s'eshte kjo "i keshmi t'keshë" dhe perse nuk mund ta tejkalojme kete veshtiresi paragjykuese.

Cka do te thote se kemi veshtiresi me paragjykimet tona. Prandaj dhe s'kemi aftesi debatuese. Prandaj dhe cdo debat perfundon ne menyre te pahijshme. Prandaj dhe s'mund te debatohet. Pothuajse s'ka shanse te debatohet ketu per as nje teme te vetme serioze. Prandaj dhe s'meritojme te quhemi njerez qe bisedojne e debatojne si njerez (ne kuptimin e vertete te kesaj fjale).

Keshtuqe te mbetet te zgjedhesh mes ketyre dyjave:
Ose te shahesh me sejcilin ose te heshtesh.

P.S.
Ketu s'ben perjashtim askush:
anetaret e rendomte
moderatoret
supermoderatoret
administratoret
pronaret...



*

[Alima]

...

Morali dhe etika e Islamit e ka edhe nje faktore me rendesi , durimin e paskajshem ...dhe te hjeshem !

Durimi ( sabri ) edhte gjymsa e imanit !

....durimi mund te jete i pahjeshum , duke ankuar , share , ofendu ... pshty , rrahe etj etj

....durimi mund te jete i hjeshem , duke mos u ankuar , e qato tjerat ...


pra , sabrun xhemil , ja muslimun !


.

*MORALI* i nje besimtari te VERTETE musliman eshte per cdo Levdate------Gjithashtu I ndonje besimtari te "VERTETE* katolik(dmth nese i permbahet keshillave primare Biblore)

[Zero Cool]

Postimi origjinal është bërë nga almalik

Gjithashtu I ndonje besimtari te "VERTETE* katolik(dmth nese i permbahet keshillave primare Biblore)

Cilat jane ato keshilla primare Biblore ?

[GURI SYLAJ]

Duhet bere nje skjarim te vogel.
A, Moralin Islam apo Morali ne Islam !? Sepse; kur te debatohet ashtu sikur po kerkon i nderuari Lojtari, do te shohim se dallimi ne mes ketyre dy Moraleve eshte evident!!??
Ne rastin e pare kemi te bejme me nje Kategori qe lind zhvillohet dhe mbetet vetem brenda Islamit .Kurse ne rastin tjeter kemi te bejme me nje kategori universale dhe qe nuk kufizohet as ne nje vend e as ne nje besim te caktuar.
Mandej ceshtje ne vete eshte se cka kuptojme me MORAL perderisa e kemi veshtire te gjejme nje perkufizim te pranueshem per te gjithe!?

E perseris kerkesen e Lojtarit qe ,me aq sa dijm ,te jemi TE MORALSHEM ne kete debat.

[Makresh]

Në një mënyrë, për ta rezumuar sjelljën morale të një Muslimani, Muhamedi s.a.w.s. ka thënë :

"Zoti mi dha 9 komandmente (urdheresa) që te jem i vetëdijshëm për Të, qoft ne privat apo qoft ne publik ; Te flasesh me drejtësi, kur te jem i zemëruar apo i gëzuar ; te jem i moderuar si me te varferit ashtu edhe me te pasurit, të ripërtërij miqësin me ata të cilt jan larguar nga un ; ti jap, atij qe me refuzon ; qetesia ime te jet e mbushur me mendime ; syt e mi, të jen vetë këshilla ; dhe të urdhëroj vetëm për çka eshte e mira, e drejta".

E Allahu s.v.t. thotë :

49/3. O ju njerëz, vërtetë Ne ju krijuam ju prej një mashkulli dhe një femre, ju bëmë popuj e fise që të njiheni ndërmjet vete, e s’ka dyshim se te All-llahu më i ndershmi ndër ju është ai që më tepër është ruajtur (këqijat) e All-llahu është i dijshëm dhe hollësisht i njohur për çdo gjë.

Përulësia,, modestia, kontrolli e pasioneve dhe i dëshirave, e vërteta, integriteti dhe durimi, këmbëngulja dhe mbajtja e premtimeve janë vlera morale te theksuara dhe të nënvizuara vazhdimisht në Kur'an !

[Zero Cool]

Albert Ajnshtajn: "Përpjekja më e rëndësishme njerëzore është orvatja për moralitet në veprimet tona. Baraspesha jonë e brendshme, dhe madje, m'u qenësia jonë, varet nga kjo. Vetëm morali në veprimet tona mund t´i japë bukuri dhe dinjitet jetës".


Morali është një temë e gjerë për të cilën kanë diskutuar shumë lëmi shkencore, ndër to në veçanti, këtë dukuri e ka trajtuar Filozofia, duke mos munguar as në faqet e Letërsisë e gjithashtu edhe në fushën e Psikologjisë, në studimin e karaktereve dhe personalitetit, e në shumë e shumë lëmi të tjera. Mirëpo, moralit, fokusimin e të gjithë energjisë ia kanë kushtuar religjionet, që nga krijimi i njerëzimit e deri më sot, duke e ngritur atë në një ndër virtytet bazë që mund të posedojë personaliteti i një individi. Madje në shumë vende mund të gjejmë se në fushën e moralit ekzistojnë dy rryma kryesore: Rryma laike dhe Rryma fetare.

"Ata që kultivojnë rrëmujë morale për përfitim duhet të kuptojnë këtë: ne do t´i përmendim emrat e tyre dhe do t'i koritim ata siç e lypin të koriten". Bob Dole

Moralin (lat.: moralis – doket, zakonet, veset, apo në përkthimin latin moralis – mos ves), mund ta përkufizojmë si rregull, parim apo normë e sjelljes e paravendosur nga një shoqëri, bashkësi, dhe e pranuar nga një njeri për mënyrën e tij të sjelljes dhe e zbatueshme nga të gjithë njerëzit e arsyeshëm. Kështu mund të përshkruhet morali në një mënyrë... ka edhe shumë shprehje të tjera, mirëpo asnjëra nga ato nuk arrin të përfshije të plotë domethënien e këtij nocioni.

"Shkëlqimi i moralit ndodh si pasojë e vesit. Ne bëhemi të drejtë duke bërë vepra të drejta, të përmbajtur duke bërë vepra të matura, trima duke bërë vepra guximtare". Aristoteli

Morali pra, është ajo energjia e brendshme pozitive e cila e shpie njeriun në parajsë, qoftë në këtë jetë qoftë në tjetrën. Mirëpo të jesh i moralshëm nuk është e vështir, por as e lehtë - thjesht duhet tu përmbahesh disa gjërave dhe t'i zbatosh ato. Çka, po të na thotë dikush se deri më tani kemi vepruar në mënyrë jo të mirë, ndërsa tani e tutje, duhet të bëhemi të moralshëm!.. dhe lind pyetja: si? Përgjigja më e mirë dhe më e drjetë, për këtë pyetje, është e përmbledhur në veprat religjioze (duke mos i mbikaluar ato), të cilat bartin në vete frymën Hyjnore dhe mesazhin e pastër të së mirës. Pra, në përgjithësi, që të gjitha besimet orientojnë njerëzimin që të anojë nga ajo e cila është e mirë për të gjithë, pa e dëmtuar asnjë njeri. Veprat (njerëzit) që anojnë nga e liga duhet ndëshkuar, ndërsa veprat (njerëzit) që anojnë nga e mira duhet lartësuar.

“Kur sheh një njeri se vepron një gjë të dëmshme, ndryshoje atë me fjalë. Nëse nuk ndryshohet, atëherë bëje atë me forcë, dhe nëse prapë s'ka ndryshim, atëherë ndryshoje me zemër”. Thënie Arabe

Edhe studimet psikologjike dhe sociologjike kanë dëshmuar se morali i pastër është një mbështetje e fuqishme në aspiratat njerëzore dhe në paqen ndërmjet tyre, e sidomos në paqen e brendshme të njeriut. Një njeri i cili posedon një moral të lartë, një ndërgjegje të pastër me qëllimin pozitiv në lidhje me një veprim apo punë të caktuar, ka për disa herë më shumë energji, që do të thotë, edhe mundësi për ta përfunduar në mënyrë të paraparë atë veprim, sesa një tjetër, të cilit i mungojnë këto veti të ndritura, pavarësisht mënyrave të tij të veprimit, për të arritur deri te qëllimi. Morali është armë e fuqishme në duart e njeriut i cili aspiron të mirën. I moralshëm do të thotë që të veprosh mirë dhe me dinjitet, por njëkohësisht, edhe të largohesh nga e keqja dhe e pamoralshmja.

“I moralshëm është ai që në vështirësi tregon besnikëri”. Mirsad Kuteli

Pra, të jesh i moralshëm nuk do të thotë të jesh qyqar dhe i dobët, por përkundrazi, njeri me zemër të fort e fisnike, që as stuhitë, nuk mund të të lëkundin nga qëndrimet e fjalëve tua. Unë aspak nuk pajtohem me thënien se “qëllimi arsyeton mjetin” sepse, për arritjen e një qëllimi të lig dhe dashakeqës, nuk është e logjikshme që të përdorim gjëra të lejuara, por edhe paraqitja si i moralshëm për arritjen e një qëllimi të mirë, nuk mund të jetë arsye për shkatërrime të tjera. Me një fjalë, thotë populli, nuk mund t'i shlyej, një e mirë, njëqind të këqija, por çdo gjë, sado e keqe qoftë, mund të ndryshoj me një veprim të mirë. Nuk e shoh të udhës që të thellohemi në mënyrë shkencore se si manifestohen veprimet e tilla në mendjen e njeriut, shpirtin e tij apo edhe në trupin e tij.... apo më mirë të themi, se si janë të koduara ato në ndërdije, më saktësisht - në shpirtin e njeriut. Mirëpo vlen të thuhet se e moralshmja dhe e drejta është fuqi madhështore, ka ndikim të pakontestueshëm, sipas psikologëve, në jetën psikike të njeriut, ndërsa sipas sociologëve, është bazament i fort për ndërtimin e një shoqërie të pastër. Në mënyrë të mrekullueshme e interpretojnë edhe teologët ndikimin e moralit në jetën shpirtërore të njeriut, ndonëse në mënyrë metaforike dhe të koduar, por mënyra më e përpiktë dhe reale e manifestimit të shpirtit të njeriut. Pra, një njeri i cili largohet nga çdo gjë e cila i sjellë dëm, qoftë vetvetes apo të tjerëve, dhe vepron gjëra në përputhje me ligjet e natyrës, në përputhje me interesin individual dhe kolektiv, gjithmonë duke pasur për qëllim më të mirën, si për vete, ashtu edhe për të tjerët, ai njeri bënë maksimumin për vetën e vet, për trupin dhe shpirtin e tij, ai njeri nxjerr vetën e tij nga kthetrat e degjenerimit dhe vulgarizimit në kopshtet e të bukurës dhe të mahnitshmes.

“Butësia është mburojë e fshehtë, ndërsa mendja – shpatë e mprehtë, andaj mbuloje karakterin tënd me butësi dhe luftoje pasionin tënd me mendje”, Ali ibn Ebi Talib r.a.

Kjo thënie pasqyron gjithë atë që mund të bëjë njeriu për vetën e tij: ta mbrojë personalitetin e tij me butësi e dashuri dhe tu kundërvihet vrullshëm epsheve dhe pasioneve të ndërdijes, duke i çrrënjos ato, dhe zëvendësuar me dashuri e me gjëra të bukura. Në ditët e sotme ka shumë mëdyshje në vëzhgimin dhe kujdesin ndaj instinkteve dhe epsheve duke u konsideruar edhe si shtyse apo edhe forcë për orientim në disa veprime. Mirëpo, nëse thellohemi në këtë lëmë, do të shohim se shumica e instinkteve të cilat i vijnë njeriut, qoftë nga ndërdija e tij, apo edhe të iniciuara nga ndonjë faktorë i jashtëm, nuk e shpijnë njeriun gjithmonë në gjëra të drejta e të moralshme! Po ashtu, edhe pangopshmëria e epshit të njeriut e dëshmon këtë. Qe të dyja këto e kanë origjinën, apo burimin, në shpirtin e njeriut dhe, në rastet më të shpeshta, janë derivate të gjendjes materiale. Mirëpo, duke iu referuar mendjes (atë mund ta marrim si udhërrëfyese kryesore në procesin tonë jetësor) e cila, në qoftë se është e pasuruar me njohuritë e nevojshme, ka forcë që t'i mposht edhe instinktet edhe epshet dhe të dominoj mbi to. Mendja është udhërrëfyesja më e sigurt, e cila me burimin e vet që e ka në shpirt, ka edhe forcë të analizojë efektet pozitive dhe negative të një veprimi dhe të vendosë në raport me efektet e pastajme të veprimit.

Përfundimisht, morali i skalitur në zemrën e njeriut është dhurata më e çmueshme që Zoti i ka dhënë njeriut pas mendjes, e kur të kombinohen këto të dyja, ndodhë mrekullia dhe paqja, dhe secilit i takon ajo që e meriton.

“Njeriu i cili posedon moralin dhe dijen, dhe i kombinon këto, nuk ka derë që nuk mund ta hap në këtë jetë dhe në jetën tjetër”.