Te qash te ben te ndjehesh mire!!

[~AnnA~]

Të gjithë e dimë se të qarët na ndihmon të qetësojmë shpirtin dhe trupin, por tani kërkimet shkencore e konfirmojnë plotësisht këtë. Së fundmi, doktorët kanë zbuluar se lotët mund të na ndihmojnë të ndihemi më mirë. Është provuar shkencërisht se të qarët bën nëntë njerëz në dhjetë të ndihen më mirë, largon stresin dhe ndoshta na ndihmon të kemi një shëndet të mirë. Për më tepër, lotët janë falas, gjenden te çdo njeri dhe nuk kanë asnjë efekt anësor përveç skuqjes së syve, lagies së shamive dhe prishjes së tualetit. Të qarët mund të mos jetë i efektshëm sa ilaçet, por kërkuesit kanë dëshmuar se është shumë efikas në qetësimin e trupit, sepse ndikon në përmirësimin e gjendjes shpirtërore dhe rritjen e humorit te 88.8 për qind e njerëzve, ndërkohë që i bën të ndihen më keq se më parë vetëm 8.4 për qind. Kaq i dobishëm është, sa mjekët sugjerojnë se kjo mund të jetë një mënyrë e mirë për të gjithë ata që kanë vështirësi për t‘u shprehur dhe treguar problemet e tyre.
Edhe pse thuajse të gjithë ne derdhim lot të shkaktuar prej emocioneve, 47 herë në vit gratë dhe 7 herë burrat, mbetet ende një mister se përse qajmë dhe se çfarë ndodh gjatë këtij procesi. Ashtu si e qeshura dhe zemërimi që kanë avantazhet e tyre, edhe të qarët, si një formë e veçantë e njerëzve për të shprehur emocionet, ka të mirat e saj. Për shembull, është provuar se të qeshësh ndikon në qetësimin e trupit, në rritjen e tensionit të gjakut, reduktimin e hormoneve të stresit, forcimin e sistemit imunitar dhe prodhimin e shumë antitrupave për të luftuar sëmundjet.
Po për lotët çfarë mund të themi?
Lotët emocionalë dalin nga të njëjtat gjëndra loti që prodhojnë lëngun që formon një shtresë mbrojtëse në kokërdhok, për t‘i mbajtur ata larg acarimeve, nga të cilat del gjithashtu edhe lëngu që i mbron kur sytë irritohen apo kur bëhen pre e sëmundjeve të ndryshme. Një e dhënë që konfirmohet plotësisht nga eksperimenti tregoi se lotët që derdhim prej emocioneve kanë përbërës të tjerë nga format e tjera të lotëve që dalin prej syve, si për shembull kur grimë qepë apo kur diçka djegëse na futet në sy. E gjithë kjo tregon më së miri se lotët që na dalin prej emocioneve dhe përbërësit e tyre mund të jenë një mënyrë e mirë për ta kthyer trupin në ekuilibër pas përjetimit të një situate stresuese. "Kam sugjeruar se ne mund të ndihemi më mirë pas të qarit, sepse kështu nxjerrim jashtë gjithçka negative që kemi akumuluar brenda vetes. Përbërjet kimike që formohen gjatë një stresi emocional mund të dalin përmes lotëve kur qajmë. Sepse ky lloj stresi mund të rrisë rrezikun për infarkte, apo të dëmtojë zona të caktuara të trurit. Aftësia e njeriut për të qarë ka një vlerë të jashtëzakonshme", thotë Ulliam Frei, profesor i farmaceutikës në Universitetin e Minesotës. Për më tepër, fakte të tjera e mbështesin këtë teori. Nga studimi u pa se lotët e lidhur me emocionet, ndryshe nga lotimi i zakonshëm i syve kanë nivel më të lartë të disa proteinave, magnezit, kaliumit dhe disa hormone, përfshi këtu edhe prolaktinën. Le t‘i shqyrtojmë me kujdes. Magnezi është një lëndë ushqyese e domosdoshme, që nëse gjendet në organizëm në sasi të vogël, i atribuohen një sërë problemesh si ato me lëkurën, mpiksjen me vonesë të gjakut dhe nivelet e ulëta të kolesterolit. Po ashtu, probleme me shëndetin mund të shkaktohen nëse gjendet në organizëm në sasi më e madhe se ç‘duhet. Kaliumi është i lidhur ngushtë me punën e nervave, kontrollin e muskujve dhe presionin e gjakut. Prolaktina është një hormon i përshirë në stres dhe luan një rol të rëndësishëm në sistemin imunitar dhe funksione të tjera të organizmit. Përmbajta e saj te lotët mund të shpjegojë edhe faktin se përse gratë qajnë më shumë se burrat. Femrat kanë më shumë prolaktinë se meshkujt dhe niveli i saj rritet ndjeshëm gjatë shtatzënisë, kur rritet ndjeshëm frekuenca e të qarit te gratë.

Është thënë se të qarët mund të zvogëlojë edhe dhimbjet, edhe pse studimet në këtë fushë janë ende në fazën fillestare. Nga ana tjetër, të qarët i ndihmon njerëzit t‘i shohin gjërat me një sy më optimist pas kësaj. Studiuesit në Universitetin e Floridës thonë po ashtu se lotët emocionalë, rrisin mbështetjen sociale dhe reduktojnë ndjeshëm agresionin. Një tjetër studim në Universitetin e Tilburgut në Holandë tregoi se si burrat, ashtu edhe gratë, i jepnin më shumë mbështetje dikujt që ishte duke qarë, por nuk ndodhte kështu me personat që thjesht përloteshin.
U pa gjithashtu se burrat që qanin pëlqeheshin më shumë se gratë. "Është mbështetur plotësisht teoria se të qarët është një sjellje që tregon se kërkon të pranosh ndihmën e të tjerëve", thonë studiuesit holandezë. Në studimin e fundit në Universitetin e Floridës, studiuesit gjetën se pothuajse çdo njeri ndihej më mirë pasi qante, madje edhe sa shpesh qante. Nga ana tjetër, kërkuesit amerikanë thanë se të qarët mund të jetë një terapi e domosdoshme për shumë njerëz. "Pjesa më e madhe e njerëzve pranojnë se u rritej morali dhe humori pasi qanin. Kjo është një mënyrë shumë e mirë për të ndihmuar ata njerëz që kanë vështirësi për të shprehur emocionet e tyre".
Ashtu si kërkimet e tjera, psikologët nga Florida sugjerojnë se është e nevojshme më shumë punë dhe studim për të kuptuar më mirë origjinën, natyrën dhe funksionin e të qarit. Një studim i ri, që është duke u zhvilluar nga një ekip i specializuar ekspertësh, po analizon me kujdes se cilat zona të trurit vihen në veprim kur njerëzit qajnë. Studimet e shumta dhe përfundimet pozitive kanë bërë që lotët të rrëzojnë tabutë dhe hipotezat e përhershme se njerëzit e dobët qajnë. Profesor Frei, autori i "Crying: mystery of tears", thekson se: "Njerëzit janë qeniet e vetme që kanë aftësinë për të derdhur lot në varësi të gjendjeve të tyre emocionale. Kjo është një dhuratë e veçantë, me të cilën janë të pajisur vetëm qeniet njerëzore", përfundoi ai.

[lyra2]

..shkrim interesant AnnA !!!!!

[~AnnA~]

Është thënë se të qarët mund të zvogëlojë edhe dhimbjet, edhe pse studimet në këtë fushë janë ende në fazën fillestare. Nga ana tjetër, të qarët i ndihmon njerëzit t‘i shohin gjërat me një sy më optimist pas kësaj. Studiuesit në Universitetin e Floridës thonë po ashtu se lotët emocionalë, rrisin mbështetjen sociale dhe reduktojnë ndjeshëm agresionin. Një tjetër studim në Universitetin e Tilburgut në Holandë tregoi se si burrat, ashtu edhe gratë, i jepnin më shumë mbështetje dikujt që ishte duke qarë, por nuk ndodhte kështu me personat që thjesht përloteshin.

U pa gjithashtu se burrat që qanin pëlqeheshin më shumë se gratë. "Është mbështetur plotësisht teoria se të qarët është një sjellje që tregon se kërkon të pranosh ndihmën e të tjerëve", thonë studiuesit holandezë. Në studimin e fundit në Universitetin e Floridës, studiuesit gjetën se pothuajse çdo njeri ndihej më mirë pasi qante, madje edhe sa shpesh qante. Nga ana tjetër, kërkuesit amerikanë thanë se të qarët mund të jetë një terapi e domosdoshme për shumë njerëz. "Pjesa më e madhe e njerëzve pranojnë se u rritej morali dhe humori pasi qanin. Kjo është një mënyrë shumë e mirë për të ndihmuar ata njerëz që kanë vështirësi për të shprehur emocionet e tyre".

Ashtu si kërkimet e tjera, psikologët nga Florida sugjerojnë se është e nevojshme më shumë punë dhe studim për të kuptuar më mirë origjinën, natyrën dhe funksionin e të qarit. Një studim i ri, që është duke u zhvilluar nga një ekip i specializuar ekspertësh, po analizon me kujdes se cilat zona të trurit vihen në veprim kur njerëzit qajnë. Studimet e shumta dhe përfundimet pozitive kanë bërë që lotët të rrëzojnë tabutë dhe hipotezat e përhershme se njerëzit e dobët qajnë. Profesor Frei, autori i "Crying: mystery of tears", thekson se: "Njerëzit janë qeniet e vetme që kanë aftësinë për të derdhur lot në varësi të gjendjeve të tyre emocionale. Kjo është një dhuratë e veçantë, me të cilën janë të pajisur vetëm qeniet njerëzore", përfundoi ai.



Fakte

Vetëm 20 për qind e njerëzve qajnë më shumë se 30 minuta gjatë këtij procesi


8 për qind, për më shumë se një orë


70 për qind e njerëzve përpiqen ta fshehin se janë duke qarë


77 për qind e njerëzve qajnë në shtëpi


15 për qind në punë ose makinë


40 për qind preferojnë të qajnë vetëm


39 për qind e njerëzve qajnë zakonisht në mbrëmje


6-8 pasdite është ora më e zakonshme kur njerëzit qajnë


88.8 për qind e njerëzve ndihen më mirë pasi qajnë


47 herë qajnë gratë gjatë një viti


7 herë qajnë burrat

[~AnnA~]

Postimi origjinal është bërë nga lyra2

..shkrim interesant AnnA !!!!!

eshte interesant fakti,se shumica e quajn si stres te qaren...perkundrazi,shumica e njerezve pas derdhdjes se loteve,ndjehem me optimiste...pra,clirohen nga stresi!

[Alkimisti_ch]

Me pelqeu ky shkrim dhe kete bindje e kisha edhe me heret...Por interesante dhe mbetet per tu studjuar fakti se perse gjinia femrore qan me shpesh se sa gjinia mashkullore. Perfundimi im eshte se duke qene se gjinia femrore eshte shume me e ndjeshme se sa ajo mashkullore ateher edhe te qarit konsiderohet nje shprehje e ndjenjave ne formen e vete. Prandaj apel gjinise mashkullore qe mos ta bine shpesh punen qe femrat me qajte por te kunderten sepse keshtu edhe vete meshkujt do te jene me te lumtur....!

Qeshni ne vend te se te qani por me pare dashuroni ne vend se te urreni!

[~AnnA~]

Alkimisti,u ke bere nje apel te bukur meshkujve

Nje femer eshte nje engjell,qe duhet lejuar te jetoje ne parajse,meshkujt qe nuk ja arrijne kete,kan perfunduar ne ferr!..te pakten keshtu thote nje fjale e urte....

[Shqiptare_ne_Turqi]

AnnA ,uné nuk mundem me shkrua nepér temat shkencore sidomos (nga mungesa e fjalorit ) por ju kushtoj kohe ti lexoj me vémendje,prandaj i lexoj dhe ato tuat nga qé ke filluar,por ja kjo ma térhoqi sonte vémendjen dhe pata qef ti shkruaj disa fjal mendimin tim por,nashti se keto dite jam pak dhe emocionale

Pajtohem per vehti me keto qa shkruan ...

Té pérshéndes dhe i bashkohem tegjith atyre qé tregojn respektin pér ty ..se e meriton uné si njé Shqiptare jasht atdheut mburem me Shqiptaret si ju ..

[Amina]

Ehhh moti e paskam kuptu qfare i ben mire trupit hehehe

[Action]

Sinqerisht kam harruar kur kam qar heren e fundit...

ndoshta edhe pse skam pas arsye pse me qajtë ,sidoqoftë mendoj se e qara te ben mirë.

[Urata]

Lotët janë shërues






Thuhet se: “ Kush nuk qanë, jeton më pakë”, e duket se kjo statistikë është treguar në një farë mënyre e suksesshme. Shembull klasik janë gjithsesi meshkujt (prej moshës fëmijërore atyre u thonë se nuk duhet qarë), e sipas disa statistikave ata jetojnë më pak se femrat. Të thuhet se meshkujt jetojnë më pak se femrat vetëm sepse nuk qajnë, do të ishte joserioze dhe e pavërtetë sepse shumë faktorë ndikojnë në jetë dhe se në bazë të këtij konstatimi nuk mund të thuhet se cili prej tyre jeton më gjatë. Por, sipas disa hulumtimeve është konstatuar se të qarit është i dobishëm për organizëm (d.m.th. kur qani me të vërtet e jo të qarit artificial apo kur ju rrjedhin lotët sepse qëroni qepë).



Nëse ju ka ndodhë ndonjëherë të qani shumë, sigurisht se pas një kohe ju e keni ndje veten më lehtë. Para se të qani ju keni qenë të mërzitur dhe pasi që keni qarë ju e keni ndje veten shumë më lehtë. Ndonjëherë pas të qarit ju keni qeshur menjëherë. Këto ndjenja u janë të njohura të gjitha femrave, por a e dini se çka në të vërtetë ndodhë në organizëm kur qani?



Kur keni ngarkesë emocionale, në organizëm mblidhen materie të dëmshme (sidomos hormonet që ndikojnë në disponim). Këto materie të dëmshme lirohen nga organizmi përmes lotëve, dhe nëse përmbaheni dhe nuk doni të qani, ju në njëfarë mënyre e helmoni organizmin tuaj si emocionalisht ashtu edhe fiziologjikisht. Hulumtimet kanë treguar se përmbajtja e organizmit për të mos qarë një kohë të gjatë mund të shkaktojë komplikime si : ulcerën në lukth, rritjen e shtypjes së gjakut, pengesa në zemër, sëmundje të veshkave etj. (normalisht, nëse ekzistojnë edhe shkaqe tjera për paraqitjen e këtyre sëmundjeve).



Nëse qani një kohë më të gjatë, atëherë sasia e “hormoneve negative” zvogëlohet dhe organizmi normalizohet për një kohë të shkurtër.



Porosia është: qani lirisht, dhe nëse ju vjen keq të qani para dikujt, gjeni ndonjë vend të fshehët dhe qani sepse nuk do t’ju bëjë dëm fare.

[Shqiptare_ne_Turqi]

Urata e nderuar, siqe i thash dhe AnnA sé pajtohem me keto shkrime qe i keni postua,sa qe deshirojm mos t'na bje puna me qajt edhe qpesh ( se,prap se prap me qesh nga zemra ma miré moter) ...por,tash e tutje ,kur esht nevoja s'do té mundohem me qéndrua kishe e fort pasi qenka kaq dobishém per shéndetin ....

[Urata]

Çështje seksi

1) Gratë qajnë më shumë se meshkujt, por burrat që qajnë po bëhen gjithnjë e më të pranueshëm në shoqëri
2) Sytë e përlotur, një ose dy lot në kohën e duhur dhe vendin e duhur, po shihen më me dashamirësi, thonë studiuesit
3) Dikur të qarit lidhej me njerëzit e dobët, ndërsa tani me ata të fuqishmit dhe burrat e fortë


...kete se paska postue Anna!...shtese ...