Teuta Nga Saranda!

[Jana]

Teuta Krasniqi, ose sikurse jemi mësuar ta identifikojmë me Saranda nga seria "Kafeneja jone", këtyre ditëve bie në sy edhe për lukun e ri dhe disa risi. Ajo, tashmë ka një karrierë të pasur në skenë dhe në film.

Të kalojmë te jeta juaj artistike, te pjesa më e bukur e vetes suaj. Ju vlerësojnë si vajzë me karakter, të bukur dhe të zgjuar. A ia keni pare hairin kësaj?
Faleminderit për këto fjalë. Njeriu duhet ta ndërtojë dhe zhvilloj veten në mënyrë të duhur nëse do t’ja sheh hairin vetes. Unë gjithmonë kam pasur kërkesa të mëdha nga vetja dhe kam punuar me shumë përkushtim që t’i realizoj ato që një ditë si thatë ju “t’ju shoh hairin”, edhe pse unë ende nuk e konsideroj se kam arritur kulmin e karrierës. Vazhdoj të punoj me shumë vullnet e përkushtim për t’i arritur caqet e dëshiruara.
Ndërsa sa i përket pamjes fizike, ajo nuk është merite imja, sepse Zoti na ka krijuar dhe e tëra që ne mund të bëjmë, është që të kujdesemi për të, atë e bëj edhe unë, kujdesem për mirëqenien time.

Teuta Krasniqi, Foto: Bashkim Hasani
Çka është duke punuar Teuta, aktualisht?
Aktualisht jam shumë e angazhuar rreth projektit tim; së shpejti publiku do të ketë mundësi ta shoh një emision të ri në RTK, i cili do të ketë karakter humanitar. Poashtu kam filluar provat për një shfaqje, e cila do ta ketë premierën nga fundi i këtij muaji, e reja tjetër është se jam bashkëproducente e një seriali të ri me titull “SpitaliKS”, i cili së shpejti do të fillojë të transmetohet si dhe vazhdoj me provat dhe xhirimet për serialin “Kafeneja Jonë”.
A prisni oferta të reja?
Momentalisht edhe po të kem oferta të reja, qoftë për shfaqje qofte për emision, nuk do të kem kohë për të filluar ndonjë projekt të ri, pa i mbaruar këto që i kam filluar.
Çka e shquan Teutën. A do të thotë se vetë emri Teutë iu ka bërë që të ndiheni paksa mbretërore?
Duke mos dashur të hingëlloj jo modeste, po e them që ndihem si një përfaqësuese e denjë për të mbajtur këtë emër dhe nuk do ta ndërroja me asnjë emër në botë, edhe pse tek në është shumë i shpeshtë. Emrin e kam mbretëror, madje edhe shenjen e horoskopit (luan) dhe domosdoshmërisht këto flasin diçka edhe për tipin tim...hahaha...pak shaka sepse unë e çmoj shumë modestinë te njerëzit dhe unë këtë virtyt nuk do ta humb asnjëherë.
Keni deklaruar se e keni idol vëllain tuaj, Memlin, zëdhënësin e Qeverisë, a do të thotë kjo se jeni afër pushtetit?
Memlin e kam pasur gjithmonë si një model se si është një njeri për së mbari në çdo aspekt dhe se si me vullnet të mirë e shumë punë mund të arrijë t’i realizoj kërkesat që ka njeriu nga vetja. Memli në sytë e mi është vëlla të cilin e dua dhe e çmoj shumë për vetitë e tij që ka si njeri, krenohem me të e natyrisht që i çmoj edhe arritjet e tij profesionale, por kjo, natyrisht, nuk ka të bëj me atë që thoni ju, “afër pushtetit”.
A i lejohet artistit të ketë preferenca politike?
Të gjithë ne, në radhë të parë jemi njerëz e pastaj artistë, doktorë apo çfarëdo profesioni qoftë, kështu që natyrisht që u lejohet artistëve të kenë preferenca politike, sepse në fund të fundit edhe ne jemi pjesë e shoqërisë dhe ballafaqohemi me përditshmërinë e këtij vendi. Madje artistët mund të kontribuojnë shumë në promovimin dhe ngritjen e vlerave të mirëfillta, madje qofshin ato të lidhura direkt me politikën e vendit.
Më parë dhe babai juaj ishte në parti dhe u tërhoq, po ju mendoni të bëni karrierë politike, apo vetëm artistike?
Unë mendoj që kam trashëguar nga babi dashurinë për artin, politikën nuk e shoh si karrierë timen. Unë dua të bëj atë çfarë dua dhe di ta bëj më së miri e këtu bën pjesë profesioni im si aktore dhe moderatore. Nuk e di çfarë do të sjell e ardhmja, por sinqerisht për politikë nuk ndjej dashuri.
Sa harxhoni për dukjen tuaj?
Harxhoj mjaft, unë konsideroj që secili njeri duhet të kujdeset për trupin e vet në radhë të parë në aspektin shëndetësor dhe higjienik, kur këto dyja janë në rregull, atëherë komoditeti është evident, por kur ia shtojmë edhe “zbukurimin”, gardërobën e dëshiruar, grimin e duhur, atëherë jemi të kompletuar. Unë nuk e bëj veten “rob” të gardërobës ose takeve ose frizurës vetëm e vetëm për t’u dukur më bukur, përkundrazi unë e kam të rëndësishëm komoditetin, rehatinë me veten. Nga kjo rehati rrjedh edhe vetëbesimi.
A keni preferenca për ushqim?
Preferencat e mia janë shumë ekstreme. E dua shumë ushqimin e detit dhe njëkohësisht i dua shumë brumërat. Përndryshe ëmbëlsirat e ndryshme dhe çokollatat jane pjesë e përditshmërisë sime.
A keni kohë të keni kohë?
Sa pyetje simpatike. Me të gjitha obligimet që kam, unë gjej edhe kohë të lirë dhe atë kohë e kaloj me të afërmit e mi. Konsideroj veten si njeri familjar dhe mundohem që ta ndaj jetën private nga ajo profesionale në mënyrë që asnjëra tjetrës të mos i bëjnë dëm, përkundrazi, gjithmonë kam pasur mbështetjen e plotë të njerëzve të dashur dhe për këtë jam shumë falënderuese.
Jeni edhe pak besimtare, apo jo?
Besimi nuk ka njësi matëse që të thuhet pak ose shumë. Askush për askënd nuk mund ta dijë sa beson, atë e di vetëm Zoti për secilin. Unë mendoj që besimi të jep një qetësi shpirtërore dhe e lehtëson jetën. Na bën më të përgjegjshëm dhe më pak paragjykues. Thjeshte na bën njerëz më të mirë.
Çka i porosisni të rejat tona, si duhet të sillen me rrethin dhe si duhet të duken në shoqëri?
Unë e kam një porosi, të jenë origjinale, të besojnë në vlerat e tyre dhe të punojnë në mënyrën e duhur për t’i realizuar qëllimet e tyre. Të kërkojnë thellë vetes dhe ta nxjerrin më të mirën nga vetja, sepse gjërat sipërfaqësore sado të bukura apo të këndshme të jenë, kanë jetë të shkurtër.

[LuLjaa]

Shume e mire eshte kjo valla, edhe e kam marak dyqysh te " Kafeneja Jone" ka t'fol
ani kur ban ... bilee , bilee n'daçi me dit une jam ma e mira :D

[DEA]

Teuta Krasniqit i uroj mbaresi e miresi te pakufijshme, per misionin e filluar.
Bashkeatdhetare mobilizohuni:


http://www.lidhjamesnesh.com/

[Urata]

nuk me ka pelqye dhe aq live...!

[Guri i madh]

gjith kush do e kishte udh,heq nji emison te till veq me pas BABEN ne bordin e RTKse edhe perkrahjen nga qeveria



disi po mundohet me krijue nji imazh te mir per qeverin

[DEA]

Postimi origjinal është bërë nga Guri i madh

gjith kush do e kishte udh,heq nji emison te till veq me pas BABEN ne bordin e RTKse edhe perkrahjen nga qeveria



disi po mundohet me krijue nji imazh te mir per qeverin

Guri, te lutem lej anash lidhjet qe ka, ku e ka babane e ku e ka vellane. Thjesht shiko fytyrat e gezuara te femijeve , shiko se si ndihmohen familjet e "harruara", shikoje vetem punen dhe paramendoje nese do ta bente dikush tjeter cfare do te mendoje per emisionin.Une mendoj se ska te bej fare me Qeverin ( mund edhe te gabohem), njeriu kur vendos te bej gjest human, ose spaku une jam keshtu nuk mendoj ne perfitime apo me bo emen, thjesht me interesojne syte dhe reagimet e te ndihmuareve, nese do te shihja kenaqesi dhe gezim ne syt e tyre ateher isha ndi e sigurt se misioni po kryhet me sukses. Edhe Teuta Krasniqi jo e motra e Memlit , per punen qe ben meriton lavdate, ka edhe plot te tjer qe kane mamat e babat ne televizion apo edhe ne politik. Ka mundur vertet gjithesecili ta bej, po fakt eshte qe kete po e ben Teuta per here te pare nje emision me qellim humanitar, andaj leni paragjykimet dhe ndihmoni.

[lovely]

fol Guri n guxofsh hahahahahahahahahahahaha

[elsaaa08]

e mire ashte shum pak e lazdrume po e mire i ka hije

[DEA]

Postimi origjinal është bërë nga lovely

fol Guri n guxofsh hahahahahahahahahahahaha

O dreq , se di se si me paramendove ti mua, tuj piskat si Shejtani hahahahah, thjesht po e them ate qe po e mendoj . Dhe gjithmon mundohem ta arsyetoj ate se pse mendoj ashtu, se zotin na rujt se kam ndermend me u bo diktatore, po me ane te gjuhes dhe komunikimit te ja lehtesojme jeten njeri tjetrit.

[Arb]

Postimi origjinal është bërë nga DEA

Teuta Krasniqit i uroj mbaresi e miresi te pakufijshme, per misionin e filluar.
Bashkeatdhetare mobilizohuni:


http://www.lidhjamesnesh.com/

Keto misione vetem sa e paralizojne edhe me shume shtresen e varfer ne Kosove. I ben kete shtrese te popullesise lypsa te perjetshem. I ben te varur nga te tjeret.

Pos misioneve te ketilla, Kosova ka edhe nevoje per vetedijesimin e popullates. Sidomos te asaj pjese qe ka humbur ndergjegjen duke pritur gjithmone ndihme nga te tjeret, qofshin ata te familjes se ngushte, te aferm, miqe, shoqata, fondacione, apo grupe te caktuara.

Nje pjese te mire te kesaj pjese, ka nevoje qe dikush tu thote, behuni Zot te vetevetes. Gjejeni menyren per te mbijetuar. Mos pritni ndihme nga te tjeret.

Gradualisht numeri i lypesareve do te zhdukej, parazitet e dembelet do te fillonin jeten me kembe te reja.

[thellenza]

Teutes nga Saranda ishalla nuk i shtirret goja, se shume po e perdor valla. Perndryshe, eshte artiste e mire.

p.s. e me politike kur e kish mendjen me u marr kjo ? :P

[Gjumashja]

Mu nuk po me pelqen me kete emisionin e ri moderimi i saj.. mendoj qe ma teper po i shkon me lujt rolin e sarandines..