Zbulimi: Nëse më lë, të fshij nga kujtimet!

[Idila]

Shkencëtarët në Brooklyn kanë zbuluar një molekulë të aftë për të zhdukur shumë gjëra të padëshirueshme nga kujtesa. Lamtumirë frikërat kronike, traumat, zakonet e këqija.
Lajmin e ka dhënë "New York Times", që shkruan për zbulimin e ri. Kërkuesit amerikanë kanë deklaruar se janë në gjendje të fshihen disa kujtime me një dozë farmaceutike ende eksperimentale, e cila vepron në zona të caktuara të trurit, që mbajnë kujtime specifike, si gjendjet e caktuara emocionale. Medikamenti bllokon aktivitetin e një substance, e cila merret me fiksimin e informacionit në tru.

Deri tani, një gjë e tillë ishte testuar në kafshë, por sipas ekspertëve sistemi i kujtesës duhet të veprojë në të njëjtën mënyrë edhe për njerëzit.

Zbulimi i molekulës vjen pas vite kërkimesh që më në fund kanë bërë të pamundurën të mundur. "Nëse kjo molekulë është kaq e rëndësishme sa duket, atëherë duhet të priten edhe komplikacione"- ka thënë doktor Todd C.Sacktor, neuroshkencëtari, që ka udhëhequr studimin e fundit dhe që ka dëshmuar efektet në kujtesë.
"Për traumat, për varësitë, por edhe për të përmirësuar kujtesën dhe për procesin e të mësuarit"- ka shtuar më tej ai. Por e gjithë kjo ka hapur polemika të shumta etike, pasi miliona vetë mund të tentojnë të fshijnë kujtimet të padëshiruara. Por cfarë do të ndodhte nëse bashkë me këto humbasin edhe kujtime të tjera shumë të rëndësishme?


Gazeta: Shekulli