?-Dhjetëvjetori i Çlirimit të Kosovës- Kemi hyrë në hak, rrethë e përqark

[Veterani]

Diskutim pa pengla, pa qime, e pa rrotulla, si dhe pa lesh zhguni.
Zhvisheni atë që mendoni që mbahet nën maskë.
A është i 12-ti ditë e Çlirimit të Kosovës.
Për ata që mendojn se po, Urime............................................. ......me mashtrime.
Të tjerët kërkojm një ditë të re.

Derisa Presidenti Sejdiu dhe Kryeministri Thaçi i rrahin supet njëri tjetrit duke i uruar "çlirimin" (si ata dijnë ti thojnë) të Kosovës, mua më lindi ta p'ves vehten mos i mbetem borxh kujtë, në hak me i hy edhe ashtu po.
Kjo më shumë ma kujton atë anekdoten e vjeter "kceva Lumin, t'q........sha kalin".
Po e them kështu sepse njeriu për të pohuar apo mohuar këtë duhet të ketë dalë së paku dy a tre kilometra larg Prishtinës, sepse në rastin që kemi duket sikur politbërsit e çastit janë ngulfatur në qejfet që i bëjnë njëri tjetrit, dhe lokalet e mbrëmjes.

[Veterani]

Mendimit tim duket ti është bashkangjitur edhe Veton Surroi. ja si e shpjegon ai në letren e tijë mospjesmarrjen në kremten e përvjetorit të KANUNIT.



Kryetari i bordit të Klubit për Politikë të Jashtme, Veton Surroi, iu ka dërguar letër presidentit Fatmir Sejdiu dhe kryeparlamentarit Jakup Krasniqi, duke shpjeguar arsyet e mospjesëmarrjes së tij në kremten e përvjetorit të fuqizimit të Kushtetutës së Kosovës. “Me gjithë vullnetin e mirë që të marr pjesë në këtë solemnitet, në veçanti duke pasur parasysh pjesëmarrjen e miqve të nderuar ndërkombëtarë, kam pengesa morale që më pamundësojnë ardhjen”, ka thënë Surroi në letrën e tij.Sipas tij, ndonëse lista e pengesave mund të jetë më e gjatë, janë dy çështje që e determinojnë vendimin e tij për mosshkuarje.


“Gjatë këtyre 12 muajve të ekzistencës së Kushtetutës së Republikës së Kosovës, ju keni qenë shkelës i pari i saj, duke mos respektuar kërkesën eksplicite për mos ushtrim të funksioneve të tjera publike, gjegjësisht të atyre në parti politike. Veprimi juaj i kundërt me kërkesën kushtetuese e ka dëmtuar prerogativën presidenciale të garantimit të funksionimit të institucioneve të përcaktuara me këtë Kushtetutë dhe ka penguar zhvillimin demokratik të një pjese të jetës politike të vendit”, ka shkruar publicisti kosovar.

Sipas Surroit, gjatë këtyre 12 muajve, gjithashtu, është shënuar një rritje e kërcënimeve ndaj shprehjes së lire në media, për çka gjatë javëve të kaluara u është tërhequr vërejtja presidentit dhe kryeministrit të vendit, nga institucionet ndërkombëtare që gjatë viteve nëntëdhjetë, kur shtypeshin të drejtat shumicës së popullatës së Kosovës, qenë ngritur në mbrojtje.

“Kërcënimi ndaj jetës së dy gazetareve të Kosovës janë ilustrim publik i shumë rasteve të tjera, të kërcënimeve të ndryshme që i bëhen shprehjes së lirë. Si jurist i diplomuar, ka qenë obligim i juaji bazik profesional që të mbroni Kushtetutën e vendit, duke u tërhequr nga posti politik. Si president i vendit, është dashur të ngrini zërin tuaj për mbrojtjen e një liste të gjatë njerëzish që janë të përfshirë në media e i nënshtrohen presioneve të drejtpërdrejta fizike dhe ekonomike, në shumë raste nga përfaqësues të pushtetit të Republikës së Kosovës”, theksoi Surroi.

Ai beson që do të Presidenti do ta kuptojë se përse është e pamundur të marr pjesë në një solemnitet të organizuar për nder të njëvjetorit të Kushtetutës së vendit.

“Për mua, ka qenë një vit i shkeljes së saj”.

Ish-lideri i ORA-s, një letër tjetër i ka shkruar edhe Kryeparlamentarit, Jakup Krasniqi, lidhur me ftesën e këtij të fundit për mbledhjen solemne të Kuvendit të Kosovës në njëvjetorin e hyrjes në fuqi të Kushtetutës së Republikës. Ai e ka njoftuar Krasniqin, se përkundër vullnetit të mirë, nuk mund të marr pjesë në një kremtim të këtillë.

“Kushtetuta e Kosovës është shkelur që në ditën e parë të hyrjes së saj në fuqi, e Kuvendi i Kosovës, gjatë 12 muajve të fundit, ka qenë institucion i cili ka përcjellë, shumë herë pa bëzajtur, këto shkelje, që nga cenimi i unitetit të vendit, shkelja e funksionit të Presidentit të Republikës e deri te cenimi i dinjitetit të qytetarëve të Kosovës nga ana e abuzimeve të pushtetit”, ka thënë Surroi.

“Kam besuar, dhe ende besoj, se Pavarësia e Kushtetuta nuk janë emra festash e kremtesh, por emra obligimesh të qytetarëve ndaj vendit dhe të institucioneve të vendit ndaj qytetarëve”, përfundon letra e Surroit.

[DEA]

Nuk e di sakt se cila dite shenohet si dite e clirimit, po ne raste te tillla mendja me fluturon tek ata qe i njoha e qe ateher ende ishin, e tani kane filluar te zbehen neper kujtesat tona vetem e vetem qe sjane me, na duhen ditet e tilla qe ti rikujtojme dhe ti falenderome per ate qe ne na dhuruan.Lavdi

[Fshatari]

Postimi origjinal është bërë nga DEA

Nuk e di sakt se cila dite shenohet si dite e clirimit, po ne raste te tillla mendja me fluturon tek ata qe i njoha e qe ateher ende ishin, e tani kane filluar te zbehen neper kujtesat tona vetem e vetem qe sjane me, na duhen ditet e tilla qe ti rikujtojme dhe ti falenderome per ate qe ne na dhuruan.Lavdi

Qysh mi paska lexue mendimet pike per pike.

[Veterani]

Dikush flet për Çlirimin, e dikush guxon (haptazi) të shprehet për ndarjen e Kosovës. Derisa dikush (krejtësisht) tjetër e ndihmon atë në parapavijë...

15:00/14.06.09 - Montgomery: Referendumi i serbeve te Bosnjes dhe ndarja e Kosoves jane zgjidhjet me te mira


Ish-ambasadori amerikan në Kroaci, William Montgomery, ka deklaruar se është vetëm çështje kohe para se dhuna të shpërthejë në Kosovë në lidhje me ndarjen e territorit mes shqiptarëve dhe serbëve.

“Shqiptarët e Kosovës nuk e pranojnë idenë e ndarjes dhe është vetëm çështje kohe para se dhuna të shpërthejë në Kosovë në lidhje me këtë”, ka thënë Montgomery për gazetën Blic të Serbisë.

Ai ka thënë se ndarja e Kosovës dhe referendumi për pavarësinë në Republikën Serbe të Bosnjës janë zgjidhjet më të mira për këto dy raste.

Diplomati amerikan i cili ka shërbyer edhe në Beograd, ka thënë se angazhimi për Bosnjën dhe Kosovën shumetnike janë “treguar misione të pamundshme”.

“Njerëzit në administratën e SHBA’së që janë personalisht të përfshirë në rajon, sikur Richard Holbrooke, Zëvendëspresidenti Joseph Biden dhe Zëvendëssekretari i Shtetit James Steinberg, do të kundërshtojnë idenë”, ka thënë Montgomery për gazetën Blic të Beogradit.

“Mendoj se iniciativa për të konsideruar alternativat ndaj çështjes së Kosovës do të duhet të vijnë nga Bashkimi Europian”.

Montgomery ka shtuar se nga ndarja e Kosovës asnjë palë nuk duhet të fitojë ose humbas.

“Që të dyja duhet të marrin diçka konkrete nëpërmjet ndarjes”, ka thënë Montgomery. |||Lajme.Net|||

[Veterani]

Mitrovica nuk deshi të përzihet me Kosovën

Derisa komunat e Kosovës festuan "ditë çlirimet " e tyre këtë vitë, Komuna e Mitrovicës e kurseu vehten nga ky mashtrim (dhe mirë bëri).