SEKRETET E SERBISË SHITËN NË INTERNET BEOGRAD - Sekretet e shtetit në Serbi përfundo

[lirik]

SEKRETET E SERBISË SHITËN NË INTERNET

BEOGRAD - Sekretet e shtetit në Serbi përfundojnë... në internet! Media serbe njoftoi dje se transkripte të bisedave të fshehta të ish-liderit famëkeq, Sllobodan Millosheviç janë ofruar për shitje në një ankand të rrallë në internet. Gazeta e përditshme serbe, “Danas” njoftoi dje se transkriptet janë nxjerrë për shitje nga faqja e internetit “Lumundo” me çmimin fillestar prej vetëm gjashtë eurosh. Bisedat që mendohet të jenë zhvilluar mes viteve 1995-1997, përfshijnë ato të ish-liderit jugosllav dhe njëkohësisht president i Serbisë, me miqtë e tij, kolegët, familjen, por edhe me një numër të madh liderësh botërorë. Një prej tyre është edhe biseda e zhvilluar me presidentin amerikan, Bill Klinton. Personi që ka vendosur të shesë dokumentet nuk ka dashur të tregojë se si i ka marrë ato, por ai i ka thënë gazetës së bisedat janë origjinale dhe se ato janë të transkriptuara nga shërbimi sekret kroat. Sipas tij, të gjitha bisedat janë regjistruar nga agjentët sekrete të këtij shërbimi në kohën kur Millosheviç ndodhej në vilën e tij në Karagjorgjevo. Në bisedat e tjera përfshihen edhe zërat e liderëve të përgjuar, si Milan Milutinoviç, Goran Milinoviç, Zoran Liliç, Urosh Suvakoviç, Momir Bulatoviç, Borislav Milosheviç. Ndërkoohë, në fletët e transkriptuara janë edhe bisedat me bashkëshorten, Mira Markoviç, si dhe vajzën, Marija dhe djalin, Marko Millosheviç. Shërbimi Sekret i Serbisë dhe ai kroat nuk kanë bërë deklarata në lidhje me njoftimet e shtypit. Ndërkohë, faqja e internetit nuk ka bërë të ditur se kur nis ankandi lidhur me bisedat e transkriptuara të ish-liderit famëkeq serb, që vdiq dy vjet më parë në burgun e Sheveningenit në Hagë.

[bert]

mua me intereson transkripti i Bulatovic me rugoven, sali berishen dhe milloshevicin. aty qendron e verteta e spiuneve berisha e rugova dhe urdhri per vrasjen e ukshim hotit e remzi hoxhes