Ujku me lëkur të delës-Republika teknokratrik e Serbis, Zbulon varreza masive Shqipta

[murrizi]

Derisa bota ka hapur syt për këto çfar po ndodhë këtyre ditëve në serbi, Shqiptarët, apo më mirë të themi forumi dardania.de i ka fjetur "qëllimisht" disa gjëra.
Ja se çfar thotë shtypi Gjermanofolës për "zbulimin" e varrezave masive me mbi 250 trupa të pa jetë Shqiptarë, e që teknokrartia serbe qëllimisht e ka lënë për këtë kohë.

AKTUALE:
Shtypi gjermanofon i mbushur me shkrime për varrezat masive në Serbi
Pothuaj se të gjitha gazetat dhe agjencitë botërore njoftojnë sot lidhur me zbulimin varrezës masive me shqiptarë në afërsi të Rashkës në Serbi.... / 11.05.2010 Televizioni i Kosovës

Hulumtimi për këtë varrezë, ku gjenden trupat e më shumë se 250 shqiptarëve të Kosovës, ka zgjatur dy vjet, njofton agjencia gjermane e lajmeve DPA.

Vendi i saktë i varrezës është zbuluar para dhjetë dite, njofton kjo agjenci. Ndërkaq, revista prestigjioze “Fokus” shkruan se kjo varrezë është e gjashta e zbuluar në Serbi me viktima shqiptare të vrarë gjatë luftës dhe e dyta më e madhe e zbuluar deri më tani.

Varreza më e madhe zbuluar deri më tani është ajo në periferi të Beogradit në vitin 2001, ku janë eksumuar trupat e pajetë të më shumë se 700 shqiptarëve.

Gazeta tjetër prestigjioze “Syddojçe Cajtung” shkruan në numrin e sotëm të saj se viktimat e zbuluara nëpër varrezat masive në Serbi janë vrarë gjatë pranverës së vitit 1999 dhe në mesin e tyre ka edhe fëmijë, gra dhe pleq. Ata pasi janë vrarë, janë transportuar nëpër vende të ndryshme në Serbi, shkruan Syddojçe Cajtung.

Ndërkaq, gazeta vjeneze “Die Presse” në numrin e saj të sotëm shkruan se të vrarët janë viktima të forcave paramilitare serbe, të policisë dhe njësive speciale ushtarake të Serbisë.
Në Kosovë, ende konsiderohen të humbur edhe 1800 persona, për fatin e të cilëve nuk dihet asgjë. “Die Presse” shkruan se zbulimi i varrezës masive në Serbi, ka hasur në një rezonancë pozitive në Kosovë. Gazeta vjeneze citon zëvendëskryeministrin e Kosovës, Ramë Manaj të ketë thënë se zbulimi i varrezës po tregon për gatishmërinë e Serbisë për të zbardhur të vërtetën për fatin e të zhdukurve në Kosovë
Për zbulimin e varrezës masive në Serbi njofton edhe agjencia austriake e lajmeve “APA”. Kjo agjenci shkruan se në Serbi ka edhe shumë lokacione të pazbuluara ku mendohet se janë varrosur viktimat shqiptare, të vrarë gjatë luftës.

Një varrezë e tillë masive mendohet se ekziston edhe në liqenin e Peruças në kufirin e Serbisë me Bosnjë e Hercegovinën si dhe në rajonin Medvegjës.

Dërgimi i civilëve shqiptarë të vrarë nga Kosova në rajone të ndryshme në Serbi, ishte bërë për të fshehur gjurmë e krimeve të kryera nga forcat serbe gjatë luftës në Kosovë, njofton agjencia austriake e lajmeve APA.