USA Like Tërnava

[Zero Cool]

WikiLeaks: Me Tërnavën, SHBA punët mirë


Faqja WikiLeaks vazhdon të zhveshë karakteret e zyrtarëve të lartë botërorë. Pjesë e kësaj hallakame janë bërë edhe shumë liderë të Kosovës. Nëse ndonjërit prej tyre i është ngatërruar biografia, lirisht mund ta gjejë të detajuar në WikiLeaks. Për shkrimin e tyre saktë e qartë, janë kujdesur diplomatët amerikanë në Prishtinë.






10 shtator 2011
Kështu, zallamahisë që ka shkaktuar WikiLekasi, përveç politikanëve, nuk i kanë shpëtuar as liderët fetarë në vend.

Në dokumentin e klasifikuar si “sekret”, që mban datën 14 shtator 2007, të dërguar nga Ambasada e Shteteve të Bashkuara të Amerikës në Prishtinë (kështu shkruan në dokument, edhe pse në atë kohë ishte vetëm Zyrë e SHBA-së- v.j.) në drejtim të Departamentit amerikan të Shtetit, e të përpiluar nga Tina Kaidanow, flitet edhe për Naim Tërnavën, kryetarin e Bashkësisë Islame të Kosovës dhe bashkëpunëtorët e tij më të ngushtë.

Pjesa e parë është një përmbledhje në formë përshkrimi të shkurtër që i bëhet Myftiut Tërnava, të cilin ish-diplomatja amerikane në Kosovë e quan “zë kredibil në kundërshtimin e dhunës”.

Në këtë kabllogram sekret diplomatik, përveç Tërnavës, cilësim të njëjtë Kaidanow i bën edhe shefit të stafit të tij, Ejup Ramadanit dhe shefit për media të Bashkësisë Islame të Kosovës, Qemajl Morinës.

Pasi shpjegon se kush janë ata në mënyrë të përgjithshme, diplomatja amerikane u hyn detajeve. Të ndara në pjesë, kabllogrami flet për ta veç e veç, por edhe për Bashkësinë Islame të Kosovës në tërësi.

Për Myftiun Naim Tërnava, Tina Kaidamnow u ka raportuar shefave të vet në Washington se ai është kleriku me ndikimin më të madh në Kosovë dhe që luan një rol thelbësor në promovimin e mirëkuptimit ndërfetar, dialogut dhe tolerancës.

Por në sytë e tyre janë edhe disa veprime të Tërnavës që nuk u kanë lënë përshtypje të mirë.

“Megjithatë, ai ka rivendosur disa imamë të cilët paraardhësi i tij në këtë detyrë i kishte larguar për shkak të pikëpamjeve të tyre radikale”, thuhet në kabllogramin diplomatik.

Për këtë lëvizje të Myftiut Tërnava, ish-diplomatja amerikane jep edhe shpjegimin e saj, bazuar në analizën e bërë.

“Analiza jonë tregon se rivendosja e këtyre imamëve nuk është bërë për arsye ideologjike, po ata (imamët v.j.) ishin shokët e klasës së Myftiut në Universitetin e Kajros dhe Myftiu më parë do t’i qetësonte sesa të armiqësohej me shokët e vjetër”, thuhet në këtë kabllogram diplomatik.

Pas sqarimeve për Myftiun Tërnava, Kaidanow flet në mënyrë pozitive për punën që bënë BIK-u dhe Myftiu Tërnava. Ajo shkruan se Bashkësia Islame shqyrton edhe shumë kërkesa që bëjnë organizata joqeveritare të cilat u drejtojnë komunave për krijimin lehtësirave për tubime fetare.

Zyrtarët besojnë se prej më shumë se 400 OJQ-ve që veprojnë në Kosovë, vetëm disa prej tyre janë të përfshira në aktivitete të dyshimta, por ata kërkojnë që ekstremistët të parandalohen në përdorimin e këtyre organizatave për të fituar terren në Kosovë.

Për këtë arsye, komunat vazhdimisht udhëzojnë OJQ-të që të përdorin lehtësirat publike për aktivitete fetare vetëm nëse BIK-u u jep pëlqimin për këtë.

Për këtë arsye, sipas kabllogramit, BIK-u ka raportuar se nga rreth 20 aplikime të bëra kryesisht nga OJQ të huaja në vitin 2006, katër prej tyre janë hedhur poshtë për shkak të rezervave ndaj programeve të tyre.

Më tej, BIK-u ka sqaruar se në përgjithësi pranon mbajtjen e tubimeve fetare me karakter kulturor, por hedh poshtë ata që në aktivitetet e tyre përfshijnë predikimet.

“Me pak përjashtime, komunat kanë respektuar rekomandimet e BIK-ut”, thuhet në kabllogram.

Roli pozitiv i BIK-ut vlerësohet sidomos në mars 2007, kur nervoza te shqiptarët e Kosovës u rrit shumë, pasi Komuna e Pejës u kritikua se nuk arriti të ndalojë ndërtimin e një muri rrethues të Patriarkanës së Kishës Ortodokse Serbe në Pejë.

Kabllogrami vlerëson vizitën në atë kohë të Myftiut Tërnava dhe fjalimin e mbajtur në një xhami aty afër Patriarkanës duke theksuar rëndësinë ndërfetare dhe duke promovuar tolerancën edhe në rrethana të vështira. Aq në detaje është pasqyruar puna e BIK-ut, saqë në kabllogramin diplomatik përmendet edhe një debat mbi fetë në Universitetin e Prishtinës.

Konkluzionet

Disa konkluzione të Ambasadës amerikane për BIK-un

- Me BIK-un nuk ka ndonjë mosmarrëveshje apo kritika ndaj politikës së SHBA-së.

- Nga BIK-u nuk është regjistruar ndonjë nxitje e dhunës ndaj SHBA-së apo aleatëve të saj.

-Qëndrimi i BIK-ut në lidhje me xhihadin nuk është i njohur, por e dimë se askush në BIK nuk e mbështet ekstremizmin e dhunshëm si formë të xhihadit.

- Nuk ka ndonjë të dhënë nënçmuese për Myftiun Tërnava, Ramadanin ose Morinën.

Biografia

Kjo është biografia e këtyre tre liderëve kryesorë të BIK-ut, sipas kabllogrameve diplomatike amerikane.

Myftiu Naim Tërnava - është shqiptar i Kosovës, i besimit islam (sunni) i lindur në Lismir. Është ligjërues në Fakultetin e Studimeve Islame dhe më parë ka shërbyer edhe si drejtor i Medresesë “Alaudin”, një shkollë e mesme në Prishtinë. Ai është shkolluar në këtë medrese, ka studiuar në Universitetin Al-Az’har në Kajro të Egjiptit (1984) dhe ka marrë gradën MA në Universitetin Amerikan në Kajro.

Ejup Ramadani- është shqiptar i Kosovës që i takon besimit islam (sunni), i lindur në Sibofc të Ulët dhe i cili ligjëron gjuhën angleze në Medresenë “Alaudin”. Për të, ish-diplomatja amerikane, Tina Kaidanow shkruan se është një linguist i talentuar dhe anëtar i Asociacionit të Mësuesve Kosovarë të Anglishtes.

Profesori Qemajl Morina përshkruhet si person i njohur i BIK-ut, sa i përket dialogut ndërfetar dhe ndikimit të tij për shkak të pozitës si zëvendësdekan në Fakultetin e Studimeve Islame, shef për media në BIK dhe kryeredaktor i një reviste edukative islame. Për të thuhet se ka qenë edhe profesor i arabishtes dhe përkthyes nga arabishtja dhe që është shkolluar në Kajro (Egjipt). (Express)

[Zero Cool]

Edhe BI në Gjakovë, Rahovec dhe në Malishevë kundër sindikatës


Këshillat e Bashkësisë Islame në Gjakovë, Rahovec dhe Malishevë në mbledhjet dhe konsultat e tyre të mbajtura më 13.09.2011, me nëpunësit fetarë-imamët, diskutuan dhe shqyrtuan paraqitjen në publik të të ashtuquajturës shoqatë sindikale të punonjësve të BIRK-së, si organ përfaqësues dhe mbrojtës i interesave të punëtorëve të Këshillave të Bashkësisë Islame të Republikës së Kosovës.






14 shtator 2011
Këshillat e BI në fjalë, konstatuan se formimi i kësaj shoqate sindikale për mbrojtjen e të drejtave të punëtorëve të BIRK-ut, në tërësi është në kundërshtim me Kushtetutën e BIRK-së, njoftohet nëpërmjet një komunikate.

Çdo veprim ose formim i organeve që nuk janë të parapara me Kushtetutën e BIRK-së, është i pa bazë dhe si i tillë nuk mund të qëndrojë e as që ka legjitimitet si organ i BI-së, thuhet në komunikatë.

Andaj, formimi i së ashtuquajturës shoqatë sindikale e BIRK-ut, meqenëse është në kundërshtim me Kushtetutën tonë, nuk prodhon kurrfarë efekti juridik – legjislativ dhe si e tillë nuk gëzon kurrfarë përkrahje dhe mbështetje nga ana jonë. Këshillat e BI të Gjakovës, Rahovecit dhe Malishevës, distancohen nga veprimet e tilla të papërgjegjshme të personave me qëllime karrieriste dhe të ndikuar politikisht. Deklarojmë unanimisht se mbetemi në tërësi në zbatim të Kushtetutës së BIRK-së, pasoj[në nënshkrimet e kryetarëve të KBI të Gjakovës, Rahovecit dhe të Malishevës. (koha)

[Makresh]

Kjo sindikat, ka per qellim destabilizimin e Bashkesis Islame.
Naim Terrnava eshte teper i ndershem qe nuk i shpall si renegat !
Kurse xhemati i Podujeves dhe Malisheves me habisin se si nuk ua dergojn ketyre dyve rrugen per ne shtime ?!
Si o e mundshme, qe kaq debila me qen keta dy trum-tupella ?!

[Makresh]

Postimi origjinal është bërë nga Makresh

Kjo sindikat, ka per qellim destabilizimin e Bashkesis Islame.
Naim Terrnava eshte teper i ndershem qe nuk i shpall si renegat !
Kurse xhemati i Podujeves dhe Malisheves me habisin se si nuk ua dergojn ketyre dyve rrugen per ne shtime ?!
Si o e mundshme, qe kaq debila me qen keta dy trum-tupella ?!

Tërnava shkarkon imamët që themeluan sindikatën

Kryesia e Shoqatës Sindikale të Pavarur të Bashkësisë Islame të Kosovës përmes një komunikate për media njofton opinionin e gjere se Imami i Kosovës, Naim Tërnava, ka shkarkuar dy imamë nga pozitat e tyre, atë të Podujevës dhe të Drenasit.

E enjte 22 Shtator 2011 19:13

“Kryetari i BIK-ut, z. Naim Tërnava, me klanin e tij të brëndshem dhe nën ndikimin e individëve dhe shoqatave të jashtme, ka marr vendim për shkarkimin nga pozita e Kryetarit të Këshillit të BIK-ut të Podujevës, z. Idriz Bilallin dhe kryetarin e Këshillit të BIK-ut në Drenas, z.Osman Musliun”, thuhet në një komunikatë të Kryesisë së "Sindikatës" së BIK-ut.

“Kjo është bërë për shkak të themelimit të shoqatës "sindikale" ditë më parë, si dhe ngritjes së zërit të kësaj shoqate kundër keqmenxhimeve në BIK, si dhe rënies së saj nën ndikimin e individëve dhe shoqatave të jashtme të ngjyrosura me lëvizjet e huaja politiko-islame”, thuhet tutje.

“Kryesia e "Sindikatës" së BIK-ut këtë vendim të z. Naim Tërnaves e konsideron të pabazë, jolegjitim dhe njëherësh i bënë me dije atij dhe klanit te tij se nuk do të ndalet në kërkimin e se drejtës dhe transparencës për të mirën e institucionit të BIK-ut dhe të vendit mbare”.
“Po ashtu edhe njëherë e njoftojmë gjithë opinionin dhe rikonfirmojmë qëndrimin tonë, e ai është qëndrim për një BIK unik dhe transparent ndaj ithtarëve të vet dhe publikut mbarë”./telegrafi/

Un thash, t'i kishte shpallur si renegat, por mir eshte edhe kshtu !
Allahu t'shperbleft o Imam Tërrnava !

[Zanzi/M]

Makresh,

Po shihet qe ka nje harmoni te papare ne mes bashkesise Islame dhe imameve te ndryshem.

[Arb]

Ternava eshte burimi i te keqes.

Ai eshte pergjegjes per situaten e krijuar ne rrjetin e BIK-ut.

Ai eshte pergjegjes per futjen e strukturave ekstremiste fetare.

Terrnava eshte mik i ngushte me Sh. Krasniqin, te cilin pa asnje procedure ligjore e ka caktuar si te parin e Xhamise Madhe.

Jane shumica e imameve te Kosoves qe mendojne sikur keta imamet qe kane krijuar Sindikaten e Pavarur. Arsyeja qe nuk reagojne eshte e thjeshte, e dijne se edhe ata i pret largimi nga puna.

E zagaret e Ternaves, dalin ne mbrojtje te tij.

BIK-u eshte i uzurpuar nga zagare qe kane ideologji te rrezikshme fetare.

[Arb]

Postimi origjinal është bërë nga Makresh

Un thash, t'i kishte shpallur si renegat, por mir eshte edhe kshtu !
Allahu t'shperbleft o Imam Tërrnava !

E kur Makreshi del ne perkrahje te Ternaves, nje gje meret vesh, Ternava eshte i tyre, eshte i zagareve mugjahaqene...

[Guri i madh]

Postimi origjinal është bërë nga Arb

Ternava eshte burimi i te keqes.

Ai eshte pergjegjes per situaten e krijuar ne rrjetin e BIK-ut.

Ai eshte pergjegjes per futjen e strukturave ekstremiste fetare.

Terrnava eshte mik i ngushte me Sh. Krasniqin, te cilin pa asnje procedure ligjore e ka caktuar si te parin e Xhamise Madhe.

Jane shumica e imameve te Kosoves qe mendojne sikur keta imamet qe kane krijuar Sindikaten e Pavarur. Arsyeja qe nuk reagojne eshte e thjeshte, e dijne se edhe ata i pret largimi nga puna.

E zagaret e Ternaves, dalin ne mbrojtje te tij.

BIK-u eshte i uzurpuar nga zagare qe kane ideologji te rrezikshme fetare.

po qdo zbatus i kuranit duhet te bjen ne kundershtim me vlerat kombtare shqiptare ,ky nji koh ka hesht fshehrazi i ka perkrah vehabizmin bile shum ka shpresue se do tja arrin qellimit ,ma von dul me nji deklarat se NAIM TERNNAVA i respekton institucionet shtetrore ,tash i ka largue disa qe e kan lajmrue ternnaven se qendron prapa ktyre organizatave vehabiste , do me than nuk mundesh me desht kombin shqiptar nese ne perpikri e don kuranin e muhamedin

[Makresh]

Postimi origjinal është bërë nga Zanzi/M

Makresh,

Po shihet qe ka nje harmoni te papare ne mes bashkesise Islame dhe imameve te ndryshem.

Nje Imam, i cili del haptas kundër jetës dhe veprës së Muhamedit a.s., ai jo qe s'eshte imam, por as musliman.

Mendoj qe Kryetari i muslimaneve te R.Kosoves, ka vepruar mir, dhe ne te gjitha faqet islame, ka vetem lavderime ne kete drejtim.

[Makresh]

Postimi origjinal është bërë nga Arb

E kur Makreshi del ne perkrahje te Ternaves, nje gje meret vesh, Ternava eshte i tyre, eshte i zagareve mugjahaqene...

Mos ja nis me fyerje, se un s'i pritoj.

[Zero Cool]

Myftiu ekstremist






Mulla Osmani e Mulla Idrizi thonë se Myftiu Naim Tërnava përkrah grupet ekstremiste dhe se është njeri që i frikësohet transparencës. Kjo, sipas tyre, është arsyeja se pse u shkarkuan. Të dy imamët pohojnë se nuk do ta respektojnë vendimin e Myftiut.


Nga Lirita Halili më 24 shtator 2011 në ora 08:12
Myftiu i Kosovës, Naim Tërnava përkrah ekstremistët islamë dhe i druhet transparencës. Kjo është arsyeja pse ai një ditë para xhumasë mori vendim për shkarkimin e dy kryetarëve të Këshillit të Bashkësisë Islame.

Të paktën kështu thonë Idriz Bilalli e Osman Musliu, të cilën i shkarkoi nga detyra e kryetarëve të këshillit, njëri në degë në Podujevë e tjetri në Drenas. “Myftiu Tërnava po tenton t’i trimërojë grupet ekstreme, të cilat janë ngritur kundër nesh”, pohon Mulla Idrizi, derisa thotë se përveç këtyre arsyeve, myftiu i Kosovës kurrë nuk ka pas diçka personale me të.

“Ne i kemi drejtuar edhe disa kritika në adresë të Bashkësisë Islame, duke i treguar për keqmenaxhimet që bëhen aty. Edhe kjo mund të merret si arsye pse unë sot jam i shkarkuar”, thotë Idriz Bilalli për Express.

Përveç përkrahjes ndaj grupeve ekstreme, sipas Mulla Idrizit, vendimi që BIK ka marrë për shkarkimin e tij nga pozita e kryetarit të Këshillit të Bashkësisë Islame në Podujevë është marrë edhe për disa arsye tjera.

Sipas tij, Naim Tërnava e ka bërë këtë vetëm që ta shpërqendrojë situatën aktuale nëpër të cilën po kalon Këshilli i Podujevës. “Ky vendim është edhe një tentativë e ngufatjes së nismës së organizimit sindikal. Shkarkimi im ka të bëjë me tentativa për stopimin e asaj çka ne kemi formuar”, tregon Mulla Idrizi për Express.

Sipas Mulla Idrizit, këto janë ndër shumë arsyet që e kanë shtyrë Tërnavën, që bashkë me klanin e tij brenda BIK-ut, ta marrë vendimin për shkarkim. Por, sipas tij, shkarkimi nuk ka të bëjë asgjë me ndonjë problem personal që ai ka pas ndonjëherë me myftiun.

Të njëjtën gjë e thotë edhe Osman Musliu, kryetar i Këshillit të BI-së me degë në Drenas. Edhe ky e pati fatin e njëjtë sikurse të Mulla Idrizit. Kjo pasi që të dy ishin formues të
Shoqatë Sindikale të Punëtoreve të Bashkësisë Islame, për themelimin e së cilës BIK-u ishte absolutisht kundër.

Derisa Mulla Idrizi thotë se shkarkimi i tij ka mundësi t’i trimërojë ekstremistët, Mulla Osmani thotë se myftiu i Kosovës me këtë vendim ka deklaruar se i frikësohet transparencës.

Arsyeja që i është dhënë Idriz Musliut në vendimin për shkarkim është se ai bashkë me të tjerët që kanë formuar sindikatë, e kanë zbrit imazhin e Bashkësisë Islame. “Zbritje të imazhit ata e kanë konsideruar formimin e sindikatës, daljen publike në media. Më shkurt ai i frikësohet transparencës”, thotë Mulla Idrizi për Express. “ Myftiu nuk ka dëshirë që dikush t’ia zbulojë të gjitha ato që i ka bërë që 7 vite”, pohon ai.

Por, pavarësisht vendimit për shkarkim, Idriz Musliu është paraqitur edhe të premten në punë, sikur të mos kishte ndodhë asgjë. “Njëjtë do t’ia bëj edhe të hënën e ditët e tjera në vazhdim. Nuk do të pajtohem me vendimet e Tërnavës”, thotë i bindur udhëheqësi i Bashkësisë Islame të Drenasit.

Të njëjtën ditë edhe protesta

Myftiut duket se nuk po i ec fjala as te xhemati.

Përkundër thirrjeve të tij që mos të protestohet të hënën për çështjen e shamisë, Lëvizja Bashkohu mblodhi njerëz para Qeverisë.

Ashtu sikurse herëve të kaluara, por me një numër shumë më të vogël, protestuesit u mblodhën pas faljes së “xhumasë”. Edhe këtë herë organizatori i protestës, Fuad Ramiqi e luti turmën që të protestojnë të qetë dhe në mënyrë paqësore.

Por, për dallim nga protesta e vitit të kaluar kur besimtarët myslimanë kishin protestuar për shaminë, kësaj radhe në mesin e protestuesve nuk ka pasur gra. Madje në krahasim me vitin e kaluar, edhe numri i atyre që morën pjesë në këtë protestë ishte i vogël.

Sikurse çdo protestë, edhe kësaj radhe fjalimin e mbajti Fuad Ramiqi, kryetar i “Lëvizjes Bashkohu”. Ramiqi në fjalimin e tij më shumë ka përmendur një manifest të Lëvizjes Bashkohu sesa ka folur për shaminë dhe të drejtat e vajzave që ta mbartin atë në shkolla fillore dhe të mesme.

I gjithë fjalimi i Ramiqit kishte të bënte me fjalët e të tjerëve që kanë thënë për Lëvizjen që ai e udhëheq. “Nuk jemi këtu për të tjerët që na quajtën talebanë, jemi këtu për të drejtën që po u privohet motrave tona. Ata po i ofendojnë nënat e heronjve tonë”, ka thënë ai.

Ai citoi edhe një fjalë të urtë: “Luftën e bëjnë luanët, e paqen e udhëheqin hienat”.
Ramiqi tha para të gjithëve se ai ka qenë një luftëtar, kurse personat që po e udhëheqin shtetin e kërcënojnë demokracinë në Kosovë.

Për t’iu kundërvu kësaj, ai para protestuesve ka shpërnda manifestin e Lëvizjes Bashkohu ku edhe tregohen pikat për të cilat lufton kjo Lëvizje. Ramiqi ka thënë se kjo është hera e fundit që protesta mbahet në Prishtinë, pasi ajo do të mbahet edhe në qytetet e tjera të Kosovë. Për Ramiqin, shamia është një çështje që i preokupon të gjithë qytetarët e Kosovës. Protesta nuk ka zgjatur më shumë se 15 minuta dhe protestuesit iu bindën apelit të organizatorit të protestës që të shpërndahen të qetë.

[Arb]

Shqiptarët duhet të jenë të bashkuar rreth kombit e rreth fesë

Bisedoi: Bajrush Morina
Fjala islam do të thotë paqe prandaj unë si imam dhe të gjithë predikuesit e fesë islame duhet të reflektojnë paqe e harmoni mes njerëzve, thotë në intervistën ekskluzive për “Bota sot” Naim Tërnava, kryetar i BIK-ut.
Sipas një raporti të kabllogrameve të Wikileaksit, Naim Tërnava është njeriu me më së shumti ndikim në Kosovë. Kjo është e arsyeshme dhe e mundshme për një fakt: në qoftë se lideri i një partie më të madhe në Kosovë ka rreth 200 mijë anëtarë, Naim Tërnava ka xhematin prej rreth 2 milion vetave.


Është zgjedhur për herë të dytë në krye të Bashkësisë Islame të Kosovës me shumicë votash. Është bir ballisti dhe rrjedh prej një familje që ka vuajtur rreth 40 vjet burg në regjimin komunist serb. Kundërshtarët e akuzojnë se po e përkrah ekstremizmin islam në Kosovë, në ndërkohë që ia ka njoftuar të gjitha instancat e shtetit të Kosovës se gjatë muajit të Ramazanit në Kosovë kanë qëndruar 24 persona të dyshimtë, siç thotë ai “me mjekra të gjata e pantallona të shkurtra”.
Përkrah kërkesat për ndërtimin e një xhamie të madhe në Prishtinë, futjen e lëndës fetare në shkolla dhe mbulimin e femrave në shkolla, por është kundër metodave të protestës së Fuad Ramiqi dhe lëvizjes “Bashkohu” të cilën nuk e krahason me një “shoqatë të pllumbaxhive” por që ka statusin e si të gjitha OJQ-të e tjera në Kosovë.


Punon në bazë të Kushtetutës së Bashkësisë Islame por institucioni që drejton edhe tash e 13 vjet pas lufte nuk ka ligj të vetin. BIK-u vetëfinancohet nga anëtarësia, ndërsa të gjitha xhamitë dhe objektet fetare në Kosovë, KEK-ut i paguajnë tarifën e shpenzimeve sikur të ishin biznese e jo objekte humanitare.


Në fillim të intervistës ka folur qetë, gjatë intervistës ka pasur momente edhe kur është qeshur, por në fund ka ngritur zërin bukur lart kur ka folur për fyerjet që deputetët e Kuvendit të Kosovës i kanë bërë komunitetit mysliman në Kosovë natën e Bajramit. “Në Kosovë nuk ka tendenca të terrorizmit islamik”, thotë i vendosur në intervistën ekskluzive për “Bota sot”, Naim Tërnava, kryetar i Bashkësisë Islame të Kosovës.


Intervistën e plotë mund ta lexoni në numrin e ditës së hënë në “Bota sot”

[Makresh]

Hallall Kryeimam, dhe kryetar i 2 million muslimaneve shqiptar !

[Arb]

Postimi origjinal është bërë nga Makresh

Hallall Kryeimam, dhe kryetar i 2 million muslimaneve shqiptar !

Ky eshte Kryeimam i atyre dhjetera njerzeve te tij ne BIK, qe e kane zgjedhur ne ate pozite, por jo i 2 Milione Shqiptareve.

Ky mund ta sheh veten vetem si Kryeimam te atyre me pak se 1% te njerzeve qe shkojne ne xhamia.

[taraku-1]

Qysh fol 1 % per shumicen..., ka marak me kon shumic por 1% ka ngel edhe ka me mbet si i tille