Permbyllja e mbikqyrjes së pavarësisë 10 shtator 2012

[murrizi]

Sot Kosova feston edhe një sukses drejtë shtetformimit të sajë, asaj të permbylljes së mbikqyrjes së pavarësisë nga ana e ndrëkombëtarve, të parapar më planin e Ahtisarit e që i solli Kosovës shtetësin.
Sot kosova pas më tepër së një dekade përmbyllë mbikqyrjen e pavarësisë së sajë nga ana e 23 shteteve ndërkombëtare që e kanë njohur dhe ndihmuar vendin tonë në çdo hap e çdo lëmi.
Sot poashtu përfundon edhe misioni civil ndërkombëtar ICO.

Jo të gjithë janë të kënaqur me të arriturat deri më sot,edhe unë nuk brof nga gëzimi kushedisa, por megjithat arsyeja e shëndosh më thërret të festoj sot këto të arritura deri këtu.

Urime.

[Zero Cool]

Sot seancë solemne e Kuvendit të Kosovës


Në orët e pasdites mbahet seanca solemne e Kuvendit të Republikës së Kosovës, me rastin e përfundimit të mbikëqyrjes ndërkombëtare të Pavarësisë së Republikës së Kosovës, transmeton Koha.

Në seancë do të marrin pjesë presidentja Jahjaga kryeministri Thaci, zëvendëskancelari gjerman Shpindeleger, zëvendësi i ndihmës të skeretarit të Shtetit Riker , ish-Presidenti finlandez Ahtisari, ish-0ambasadorët Uizner e Ishinger.


BE e ndarë në politikën ndaj Kosovës


Ndarja në Bashkimin Evropian për çështjen e pavarësisë së Kosovës dobëson politikën e BE-së në rajon. Kryesuesja e radhës e BE-së Qiproja , e cila është gjithashtu kundërshtare e njohjes, po qëndron e tërhequr.

Kur Kosova shpalli në fillim të vitit 2008 pavarësinë Bashkimi Evropian u vu para një dileme: A ta njihte ish-provincën serbe si shtet të pavarur apo jo? Shumica e vendeve të BE-së, përfshi edhe Gjermaninë, e njohu pak më vonë Kosovën. Por deri sot qeveritë e Greqisë, Rumanisë, Sllovakisë, Spanjës dhe Qipros janë të një mendimi tjetër, pra nuk e njohin pavarësinë e Kosovës.

Ndarja në Bashkimin Evropian për çështjen e pavarësisë së Kosovës dobëson politikën e BE-së në rajon. Ulrike Lunacek, eurodeputetja e të Gjelbërve austriakë në Parlamentin Evropian dhe raportuese për Kosovën, u bën thirrje "pesë shteteve kokëforta që ta njohin atë, sepse kjo do t'i bëjë përpjekjet e BE-së edhe më efektive." Megjithatë kjo një herë për një herë nuk pritet të ndodhë. Kryesuesja e radhës e BE-së Qiproja , e cila është gjithashtu kundërshtare e njohjes, po qëndron e tërhequr. Sipas zëvendësministrit qipriot për Evropën Andreas Mavroyiannis "BE-ja kërkon një qasje neutrale ndaj statusit".

Por në qoftë se BE-ja nuk është e një mendjeje në këtë çështje, atëherë BE-ja nuk mund të presë nga Serbia që të heqë dorë zyrtarisht nga Kosova si pjesë e territorit të saj. Presidenti i ri serb Tomisllav Nikoliq tha pas bisedimeve në qershor me Presidentin e Këshillit Evropian Herman Van Rompuy dhe presidentin e Komisionit Evropian José Manuel Barroso, i kënaqur: "Mua më kanë siguruar se BE nuk do të na kërkojë të njohim Kosovën".

Por kjo nuk do të thotë se Bashkimi Evropian nuk pret asgjë në çështjen e Kosovës dhe të Serbisë, nëse vendi dëshiron t'i afrohet qëllimit të tij për t'u anëtarësuar në BE - përkundrazi. Serbia mori këtë vit statusin e kandidatit dhe pret për fillimin e negociatave për anëtarësim. Edhe gjatë vizitës së presidentit Nikoliq në qershor Barroso i tha qartë "se normalizimi i marrëdhënieve të Serbisë me Kosovën mbetet një kërkesë absolutishte kyçe për Komisionin, që t'u rekomandojë shteteve tona anëtare hapjen e negociatave për anëtarësim." Konkretisht, BE pret prej të dyja palëve sidomos kthimin e vendkalimeve kufitare në vendkalime normale, thuhte në një vëshrtim të DW.

Kosova nuk e ka marrë deri tani statusin e kandidatit. Dhe nuk mund ta marrë për aq kohë sa të gjithë anëtarët e BE ta kenë njohur Kosovën si shtet. Por në thelb rruga e Kosovës për në Evropë, është e hapur thotë Komisioni. Prandaj Komisioni kërkon nga Kosova që të përmirësojë marrëdhëniet e saj me Serbinë dhe të respektojë pakicën e saj serbe, pavarësisht nga çështja e pazgjidhur e statusit. Presidenti Van Rompuy u shpreh për "rrugën evropiane të kompromisit, dialogut dhe konsensusit", prej së cilës të dyja palët vetëm se mund të fitojnë. Por në perspektivë afatgjatë duhet trajtuar edhe çështja e statusit sugjeroi të martën Martin Schulz, Presidenti i Parlamentit Europian. "Në fund të një rruge të gjatë duhet të jetë njohja e ndërsjellë e Serbisë dhe Kosovës" tha Schulz në prani të kryeministrit serb Ivica Daçiq.

Çfarë ndryshon me të vërtetë tani që Zyra Civile Ndërkombëtare në Prishtinë mbyll dyert e saj? Jo shumë, beson Marko Prelec, ekspert për Ballkanin në Grupin Ndërkombëtar të Krizave në Bruksel. "Kosova është ende e paqëndrueshme, veçanërisht për sa i përket sundimit të ligjit dhe marrëdhënieve me serbët në veri të vendit dhe në Serbi." Po ashtu për momentin nuk pritet ndonjë ndryshim as sa i përket mosnjohjes së Kosovës nga pesë vendet e BE-së dhe as anëtarësimit të saj në OKB. Prelec mendon se çdo tërheqje e pranisë ndërkombëtare do të thotë më shumë rrezik për serbët në Kosovë. "Kjo është ende një zonë e rrezikshme, ku prania ndërkombëtare do të jetë e nevojshme edhe për shumë vjet." BE dhe NATO mendojnë në të njëjtën mënyrë. Sie KFOR-i edhe misioni i policisë dhe i drejtësisë EULEX do të vazhdojnë të qëndrojnë në Kosovë.


SHBA mbështesin përfundimin e pavarësisë së mbikëqyrur

Qeveria amerikane në disa deklarime të saj përmes zyrtarëve të lartë ka mbështetur vendimin për përfundimin e pavarësisë së mbikëqyrur. Ky hap është konsideruar si një maturim i Kosovës për të vazhduar rrugën e saj të mëvetësishme dhe njëkohësisht një votëbesim i komunitetit ndërkombëtarë për Kosovën dhe institucionet e saj shtetërore e demokratike, raporton RTK.

“SHBA mendojnë se Kosova është e gatshme për përfundimin e pavarësisë së mbikëqyrur. Kosova ka bërë shumë përparime në katër vjetët e pavarësisë së saj. Tani ne duam të vazhdojmë të punojmë me ta dhe kjo nënkupton mbrojtjen absolute të të drejtave të gjithë qytetarëve,” deklaroi në korrik të këtij viti, ndihmësekretari amerikan i Shtetit, Philip Gordon.

SHBA gjithashtu kanë nënvizuar se ‘mbështesin aspiratat evropiane të Kosovës,’ ndërkaq në këtë rrugëtim integrues Washingtoni vë theksin edhe në integrimet e brendshme në Kosovë, në gjithë hapësirën e territorit të saj. Shtetet e Bashkuara kanë mbështetur ‘shtrirjen e dorës nga ana e autoriteteve në Prishtinë qytetarëve të Kosovës në veri’ që është quajtur ‘një veprim thelbësorë për siguruar të gjithë qytetarët e vendit se ata janë të sigurt në shtetin e Kosovës.’

Mbështetja e fundit nga zyrtarët amerikanë për përfundimin e pavarësisë së mbikëqyrur erdhi në seancën e 21 gushtit mbi Kosovën në Këshillin e Sigurimit, me ç’rast Rosemary DiCarlo, njëra nga ambasaoret amerikane në Kombet e Bashkuara në fjalën e saj tha se Washingtoni mbështeste plotësisht Grupin Drejtues Ndërkombëtar që ka njohur përparimet e arritura në Kosovë.

Duke përcjellë urimet e Shteteve të Bashkuara të Amerikës, nga selia e organizatës botërore, ambasadorja DiCarlo tha se ‘vendimi për t''i dhënë fund pavarësisë së mbikqyrur është një votëbesim ndaj përkushtimit të Kosovës dhe aftësisë për të ndërtuar një shtet shumetnik dhe demokratik.’

Japonia mbështet Kosovën në rrugën drejt krijimit të një shteti demokratik


Shefi i diplomacisë kosovare, Enver Hoxhaj, ka pritur sot zëvendësministrin Parlamentar të Punëve të Jashtme të Japonisë, Kazuyuki Hamada. Me këtë rast ministri e falënderoi, Japoninë për ndihmën e dhënë Kosovës, transmeton Koha.

Ministri i Punëve të Jashtme Enver Hoxhaj falënderoi, Japoninë për ndihmën e saj, dhënë Kosovës.

“Japonia e ka ndihmuar fuqishëm implementimin e pakos së Ahtisarit, pako kjo e cila ka transformuar Kosovën në një shtet shumetnik e demokratik”, është shprehur Hoxhaj.

“Sot në këtë ditë historike e bëmë shkëmbimin e notave verbale për hyrjen në fuqi të një marrëveshje e cila ka pikë synim që ta mbështes Filarmoninë e Kosovës me instrumente muzikore. Është pjesë e politikës së jashtme që kulturat, vlerat dhe identiteti i Kosovës të jetë i mbështetur nga partnerët dhe miqtë tanë sikurse është Japonia”, theksoi ai.

Zëvendësministri Parlamentar të Punëve të Jashtme të Japonisë, Kazuyuki Hamada, tha se ndjehet i nderur që po mbështet Kosovën në këtë ngjarje historike, në rrugën e saj drejt krijimit të një shteti demokratik e paqësor.

“Secili shtet ka agjendën dhe misionin e vet, Kosova dhe Japonia gjeografikisht janë larg por, në shumë mënyra dy popujt tanë ndajnë gjëra të përbashkëta, dedikimin e promovimit të vlerave paqësore”, theksoi ai.

Japonia do të vazhdojë të mbështes kosovarët në fushën e kulturës meqë muzika dhe arti kanë një rol universal për të ardhmen, tha Hamada.


Reecker: Kapitull i ri për Kosovën


Zëvendës ndihmës sekretari amerikan i Shtetit, Philip Reeker, ka deklaruar se me përmbylljen e mbikëqyrjes ndërkombëtare të pavarësisë, nuk i jepet fund interesimit të bashkësisë ndërkombëtare për Kosovën, por përkundrazi, me të shtohet përqendrimi ndaj Kosovës. Pas takimit me kryeministrin, Hashim Thaçi ai ka theksuar se për Kosovën po nis një kapitull i ri me mundësi të rëndësishme, raporton KTV-ja.

Reeker ka theksuar se e ardhmja e Kosovës dhe e Serbisë është në Bashkimin Evropian, por theksoi se dialogu ndërmjet të dyja vendeve është esencial. “Mezi po pres që të raportoj, ngase nga këtu do të udhëtoj në Bruksel dhe do të vazhdojë të angazhohem për dialogun që na pret atje” ka thënë Reeker.

Ndërsa kryeministri Thaçi deklaroi se përfundimi i mbikëqyrjes së pavarësisë është një ngjarje e madhe për popullin e Kosovës. Thaçi foli për sfidat e ardhshme të shtetit të Kosovës, duke i quajtur ato jo të lehta, ndonëse u zotua për angazhimin institucional në përballjen me këto sfida. “Ne diskutuam me ambasadorin Reeker për progresin e arritur në Kosovë, për ngjarjen madhore për qytetarët e vendit, për këtë rrugëtimin të përbashkët për implementimin e plotë të pakos së Marti Atisarit, për përkushtimin tonë për shtirjen e autoritetit në çdo pjesë të Kosovës”, tha kryeministri Thaçi.


Ministri turk thotë: Suksesi Kosovës, është edhe i Turqisë


Presidentja e Republikës së Kosovës, zonja Atifete Jahjaga, priti sot një delegacion nga Turqia, i kryesuar nga ministri i financave, z. Mehmet Şimşek, transmeton Koha.

Takimi i sotëm, tha Presidentja, ka simbolikën e vet, pasi që po zhvillohet në një ditë shumë të rëndësishme për Kosovën, në ditën e përmbylljes së mbikëqyrjes së pavarësisë.

Presidentja Jahjaga theksoi se Kosova ka dëshmuar se është kontribuues i paqes dhe stabilitetit në rajon dhe më gjerë. Ajo theksoi se edhe pas përmbylljes së mbikëqyrjes së pavarësisë mbesin sfida, për tejkalimin e të cilave Republika e Kosovës ka nevojë për mbështetjen e mëtutjeshme të miqve të saj, e sidomos të Turqisë, e cila me dekada ka përkrahur Kosovën në të gjitha momentet kyçe, duke ofruar ndihmë, jo vetëm politike, por edhe ekonomike e ushtarake.

Ministri i Financave të Turqisë, z. Mehmet Şimşek, duke përgëzuar presidenten Jahjaga për të arriturat në Kosovë, nënvizoi se suksesi i Kosovës është edhe sukses i Turqisë, duke pasur parasysh marrëdhëniet shumë të mira dhe bashkëpunimin midis dy vendeve.

Ministri i Financave të Turqisë, z. Mehmet Şimşek, konfirmoi se Turqia do të vazhdojë edhe në të ardhmen mbështetjen e fuqishme për Kosovën, në veçanti në sferën e lobimit tek shtetet e Lindjes së Mesme.

[Gjumashja]

thenkjuu Shimiii love yaaa
gjitha ngjarjeve historike po iu prin ti, suksese dhe urime gjithe atyre qe e ndijne veten shqiptar

[jadore]

Postimi origjinal është bërë nga Gjumashja

thenkjuu Shimiii love yaaa
gjitha ngjarjeve historike po iu prin ti, suksese dhe urime gjithe atyre qe e ndijne veten shqiptar

Prost ! vetshkatrrimit , izolimit , injorances ....

Permbyllja e Pavarsise se mbikqyrur do hap sfida tjera ne rrafshin politik vendor dhe atij etnik (veriu). Sindromi meritokrat, ai i ndikimit politik ne vendim-marje te gjyqesorit, atij Kushtetues si dhe ne nje mori sektoresh tjere te ndieshem ku ka plage te hapura, gjegjesisht konflikte interesash, ka mundesi te shndrohet ne gjakderdhje te mbrendshme "organike", fatkeqesisht; ...

[Zero Cool]

Kapitulluan Osmanlinjët, pjesa më e madhe e Shqiptarëve mbetën jasht atdheut, ndër ta edhe Kosova, erdhën okupues tjerë.

Përfunduan dy luftërat botërore Kosova mbeti nën thundrrën e shkaut me të drejta minimale ose ma mirë të thuhet pa të drejta, pas luftës së dytë nën qeverisjen ushtarake të SFRJ-s. Vite dhe dekada me rradhë u nevojiten të fitohet një autonomi e vogël, viti 1974 dhe kushtetuta e re me të cilën Shqiptarët e Kosovës fituan shumë të drejta por prap shumë larg të drejtave të cilat i gëzonin popujt tjerë.
Vite dhe dekada të tjera dhe gjakderdhje, dhunime, burgosje, nënqmime, izolome, diferencime e çmos u bë dhe definitivisht Kosova dhe Shqiptarët humbën të gjitha të drejtat që gëzonin deri atëherë.

Dëbime nga shkolla, dëbime nga puna, dëbime nga jeta publike, gjak, burgosje e çfarë nuk përjetuan Shqiptarët?!

Erdhi koha e luftës dhe me ndihmën e aleatëve definitivisht u çlirua Kosova, u çliruan Shqiptaët e këtij territori Shqiptar. Njëkohësisht vendoset rezoluta 1244 nga OKB.

Sharje dhe mallkime për këtë rezolutë e cila nuk po ipte të drejtat sikur që kishin popujt tjerë.

Pasoi pavarësia e mbikëqyrur me pakon e Ahtisarit.

Mallkime dhe sharje për këtë shtetësi të kontrolluar nga ndërkombtarët.

Sot definitivisht hiqet faza e mbikëqyrjes dhe korniza e vetme juridike në Kosovë është kushtetuta e saj, pavarësi e plotë.

Reagon presidenti i SHBA (botës), reagojnë shtetet më të fuqishme europjane dhe Turqia, aleate të Kosovës, me deklerata të tipit: "...kjo është arritja më e madhe e Kosovës".

Reagon okupuesi i deridjeshëm, shkau "... pavarësinë e Kosovës nuk e pranojmë as të mbikëqyrur e as të pa mbikëqyrur"!

Edhe një kapitull mbaroi por sfidat mbetën: veriu, integrimi i tij apo shkëmbimi me luginën? Njohjet ndërkombtare dhe karriga në OKB. Pranimi i sportit në organizatat ndërkombëtare, papunësia, ekonomia, drejtësia e shumë, shumë qështje tjera... dhe në fund bashkimi etnik kombëtar.

Në ndërkohë kukuvajkat vazhdojnë "këngën" e tyre!

[Bajlozi i Zi]

Nuk do te paragjykoj për motivet ose arsyet, por ajo qe u pa shumë kjarte sot, populli e ka "bojkotu" 100% kete festen e hashimit. (e hashimit, sepse u pa për çka ishte bere ky organizim).

Asnje shenje festimi ose diçka jo e perditshme neper rruge e sheshe.

[Gjumashja]

Postimi origjinal është bërë nga jadore

Prost ! vetshkatrrimit , izolimit , injorances ....

edhe a po lodhe ti hiq

"Permbyllja" e mbikqyrjes ishte mashtrim i sofistikuar ne koordinim te plote reciprok ne mes faktorit nderkombetar (pro) dhe atij vendor (lidershipit aktual).

Pompoziteti medial kushtuar kesaj ngjarjeje te casur edhe nga Bureshtetasit me me ndikim ne rrafshin nderkombetar le te kuptojme se ne fakt Mbikqyrja e Pavarsise nuk u permbyll por me kete rast iu tregua Serbise gjegjesisht Rusise se ndikimi i faktorit nderkombetar pro-perendimor do jete akoma me prezent ne vendim-marje kur Kosova eshte ne pyetje.

Mesazhet qe lane sot ne Prishtine diplomat te akredituar per ceshtje te Ballkanit ishin signal shqetesues per ata qe lexojne dhe kuptojne ndrysh nga ata qe besojne verber (propaganda qeveritare permes mediave).

Une besoj se ky test nderkombetar i lansuar qellimisht eshte ogur i keq per ata (makutet qeveritar) qe mendojne se tash do i kene "duart e lira". Pikerisht hallka e Veriut do jete sfida ku lidershipi aktual nuk do e kaloj provimin ngaqe deri me tash ata nuk dhane asnje prove se e kane per njemend shkaterrimin e bandave atje.

Terheqja nga 25. Korriku i vitit 2011 ishte shteg-hapja e vershimit gjegjesisht ndikimit rus dhe, per kete pesim pasojat e atij leshimi do ndjehen ne vijim.

Per mendimin tim, ata pjesemares nderkombetar qe ishin dje prezent pergjate ceremonive formale do duhej t`i kishin quar zyrtaret vendor neper vende rurale e vendbanime neper qytete ku jeta e nje individi me Pakon e Atisarit ka vleren e nje euroje ne dite. Tash? Paramendoni se cfare "suksesi" mund t`ua kene trumpetuar makutet per te arriturat ne Kosove kur dihet mirefilli se 30% e popullit jeton ne varferi ekstreme.

Cili nga keta lorder nderkombetar dhe vendor do pranonte te jetonte vetem nje dite me nje Euro? Nese mesatarja eshte norme atehere po del se ne Kosove nuk ka mesatare sipas recetave nderkombetare, por ka hajni fatale ne emer te Meritokracise, ne emer te shantazhit, patriotizmit ditor,...!

Me kete Lidership te qullet dhe te pakurrizor Kosoven e presin dite te liga.

[natyra]

Gjumashja

thenkjuu Shimiii love yaaa

<<<<<<<<<<Gjumashe,me se shumti u bera kurreshtare per fjalet anglisht,menyra se si i ke shkrua...(per ate dhe i veqova),,ishalla jo krejt shimat e praktikoin Anglishten si ti,,me fal'a per vetem keto 2 fjalet e fundit,thenkjuu(love)yaaate siguroi se (nuk praktikohen) ne asni menyr/shkrimi te gjuhes- Angleze.
Sepse,per me dasht me fole/shkrua paster gjuhen Angleze/anglisht?me se paku duhen 10 vite praktik.Per neve qe s'eshte gjuha jon.
Dhe,nganihere vet populli Anglez s'ua din kuptimin disa fjalve ne gjuhen e tyre,(kete dhe vet e thon),,por ne si shqiptar tanahere bejm (hop) ne shumen e rasteve, para se praktikoim!
>>>>>>>

Sikur dhe per "Titullin larte!qe po duartrokasim,ashtu..por une,dhe kesaj here nuk po gjej doni arsye (per duartrokitje)!Natyrisht[/B]

Natyra.

[vjeshta]

Dje u permbyll mbikqyrja ,sot Mitrovica Veriore komune ,neser ...?