I L U Z I O N I [Arkivi]

4peace

25-04-05, 10:51

...

Ne jemi ata që i mundësojmë shpirtit dalje në botë dhe, nëse s'kemi aparat, shpirti nuk mund të shohë. Theksi më i madh në mësim i është dhënë asaj që aparati është i papërshtatshëm, çka edhe është. Inercioni i vet materies ia vështirëson, nganjëherë madje edhe ia pamundëson shpirtit përdorimin e përshtatshëm të aparatit të cilin e ofron karakteri në lindjen e dhënë. Rezultatin e kësaj në sferën mentale e quajmë iluzion. Mendja dhe truri e interpretojnë gabimisht të vërtetën dhe atë që e sheh shpirti. Mu ky interpretim i gabueshëm shkakton iluzionin.

E shikojmë botën, në mendjen tonë fusim ide, trajta të të menduarit, ideologji e pikëpamje pastaj provojmë që të gjitha këto të kenë një kuptim. Nëse ato ide e ideologji na janë tërheqëse, atëherë lidhemi me to. I bashkohemi kësaj apo asaj grupe a organizate dhe në këtë mënyrë e mbushim mendjen me iluzion. I pamundësojmë shpirtit për ta parë qartë e pa pengesa botën ashtu çfarë në të vertetë është.Ia tregojmë shpirtit atë botë ashtu siç mendojmë se është. Pasi të kemi tregtuar me të gjitha idetë, ideologjitë, partitë politike, mënyrave të të jetuarit e të menduarit, besimeve të ndryshme, doktrinave e dogmave të ndryshme, mbesin në mjegull, nën mungesën e dritës,e këtë e quajmë iluzion dhe në këtë mënyrë e mendjen e karakterit e mbyllim për depërtimin e dritës së shpirtit.

4peace

26-04-05, 08:29

...

Shpirti provon ta nxjerrë dritën e vet përmes trupit mental. Përderisa iluzioni është në sferën astrale, e quajmë verbërim (apo mashtrim, anglisht Glamour). Bota është e mbushur me verbërime. Disa nga ju i njohin disa nga verbërimet e tyre. Përveç mjeshtërve dhe teologëve më të lartë, të gjithë të tjerët vuajnë nga verbërimi apo iluzioni. Nuk e shohim botën ashtu siç është në të vërtetë. Jetojmë në iluzion. Shumica e njerëzve që fillojnë të mendojnë (ky është dallimi ndërmjet verbërimit e iluzionit) mendimet dhe interpretimet i përdorë sikur të ishin të vërtetë, pastaj zgjedhin ndërmjet tyre. Iu pëlqen ndjenja e diçkaje meqë janë, për shembull, sentimentalë, kështuqë gjejnë mënyrë sentimentale në të shprehurit e vetes. Nëse janë tip i personit të ashpër, mund të gjejnë që të vepruarit e ashpër është më i përshtatshëm për shijen e tyre. Lidhemi për atë që dijmë ta shpjegojmë e mendojmë se ajo është e njëmendtë.

«Iluzioni është para së gjithash mental dhe është karakteristike për qëndrimin e mendjes së atyre njerëzve që janë më tepër intelektual se sa të ndjeshëm. Janë shtuar verbëritë e tilla për të cilat flasim rëndom. Faji i tyre qëndron në të kuptuarit e gabuar të ideve e trajtave mendore si dhe interpretimeve të gabuara."

«Iluzioni sot është aq i fuqishëm ashtuqë vetëm disa njerëz, mendja e të cilëve është e zhvilluar në çfarëdoqoftë mënyre, zotëron me ato trajta të fuqishme të të menduarit të përlyer me iluzion, rrënjët e të cilit ndodhen në jetën e karakterit të ulët dhe natyrës së dëshiruar të masës së njerëzve dhe nga kjo nxjerrin energjinë e tyre jetësore.»

.

Reana

28-04-05, 06:31

4Peace,

Gezohem qe ke shkruar ne kuader te nenforumit Filozofi/Psikologji, ne lidhje me kete teme!!!!
Me sa shoh une keto jane pikepamjet e Islamit ne lidhje me Shpirtin!!!!
teme e qelluar, ne vend te duhur dhe e jo e sterngarkuar me shprehje e idiome te huaja!

sukses

(shoh disa inkoherenca, por me siguri keto jane bere nga perkthyesi i kesaj teme)

4peace

28-04-05, 15:33

...

Jetojmë në botën që është e mbushur përplot iluzione. Çdo shtet në botë i ka iluzionet e veta. Nëse shteti është i madh si Rusia apo Amerika, njerëzit rëndom kanë iluzionin e madhështisë. Përpiqen për të dominuar, për t'u zgjëruar. Sa më i madh të jeni, aq më tepër dëshironi të zgjëroheni. Kjo është gjë për t'u habitur. Njeriu do të kishte menduar se shteti që është i madh si Rusia apo Amerika veçmë është aq i madh, sa që njerëzit janë të lodhur nga ajo që kanë shtet aq të madh, shtet që është truprëndë për ta udhëhequr si dhe e paharmonizueshme. Por jo. Ata me gjithë dëshirë do të kishin qenë edhe më të mëdhenj.

Njeriu do të kishte menduar se regjioni që quhet Shtetet e Bashkuara të Amerikës, me gjërësi prej 5000 kilometrash e disa mija kilometra prej veriut në jug, është mjaft e madhe për ta kënaqur shumicën e njrëzve. Por jo. Prej nga kanë ardhur Texasi, New Mexico e gjysma e Kalifornisë. SHBA-të ia kanë vjedhur Meksikos. Dëshira e tillë për t'u bërë më i madhi e më i miri, dëshira për përhapjen dhe krijimin e trajtës së vlerës më të madhe të të menduarit është iluzion i madh i njerëzve në Shtetet e Bashkuara. Sot, nën pushtetin e Republikanëve, duket se SHBA-të dëshirojnë të krijojnë sistem botëror politik e ekonomik me të cilin do të mbisundojë Amerika.

.

Reana

28-04-05, 15:36

Me vjen keq, por ke devijuar nga tema plotesisht!!!!

4peace

28-04-05, 15:56

Shum po don me dit' moj! Tregom pra ku paskam dale nga tema?!

...

Auberoni

28-04-05, 17:01

Çdo shtet në botë i ka iluzionet e veta.

Edhe kete e ndegjova. Daaaaa!!!!

Iluzioni eshte koncept, fjale qe perdoret vetem per individ; jo per shtet.

4peace

28-04-05, 17:16

Auberoni

28-04-05, 17:30

Edhe kete e ndegjova. Daaaaa!!!!

Iluzioni eshte koncept, fjale qe perdoret vetem per individ; jo per shtet.

Nuk e paskam ditur qe rrushat e Gjakoves po i njihkan gjerat me mire se te gjithe filozofet me te medhenj te botes.

Edhe kete e ndegjova upsssssssssss! Rrushi i Gjakoves :roll:

Barcoletat; anash. Tregom cili filozof merret me iluzione apo cili ka thene kete qe po pohon ti. Emrin, Mbiemrin dhe vepren ku e ke marre kete.

***

4peace

28-04-05, 17:44

O rrush!
Ne daç te mesosh dicka - urdhero! Eshte per te miren tende!

Ne mos daç - rri para kijeve. Nuk e kam te ta fus me zor ne tru!!!

E gjithe kjo eshte gje fare e thjeshte.

Qashtu pra, rrushi i... :oops:

Auberoni

28-04-05, 18:13

Prape: Barcoletat; anash. Tregom cili filozof merret me iluzione apo cili ka thene kete qe po pohon ti. Emrin, Mbiemrin dhe vepren ku e ke marre kete.

Tash po luan Mabetexi-Dukagjini...ndegjohemi pas 2 oreve.

4peace

28-04-05, 21:09

*

Prape: Barcoletat; anash. Tregom cili filozof merret me iluzione apo cili ka thene kete qe po pohon ti. Emrin, Mbiemrin dhe vepren ku e ke marre kete.

Tash po luan Mabetexi-Dukagjini...ndegjohemi pas 2 oreve.

Ndëgjoni këtu ju vajza e djem

Kam përshtypjen se çdo temë e hapur nga unë konsiderohet si e dyshimtë, kështuqë menjëherë pas postimit të parë m’u shtrua pyetja se kujt i është dedikuar kjo temë. Sikur të ishte ashtu që çdo gjë që shkruaj unë këtu, e shkruaj për inati të dikujt, nga urrejtja kundër dikujt… Për t’u vërtetuar kjo edhe më mirë lexoni reagimin e dytë, të tretin e kështu me radhë. Sa shpejt u erdh në përfundim se gjoja paskam dalur nga tema. Më në fund u fillua me të përqeshur, nënçmim e marrëzi tjera nga më të ultat. Nuk është çudi nëse tani disa, qofshin moderatorë, forumistë të thjeshtë apo njerëz „me pozitë të lartë“ këtu janë duke menduar edhe më larg – si të pengohet e më në fund edhe të mbyllet kjo temë. Këto gjëra, ashtu siç janë duke shkuar punët këtu, nuk është çudi edhe të ndodhin. Për këtë jam më se i bindur. Sidoqoftë… po e lëmë mënjanë këtë gjë për një çast e t’i kthehemi temës.

Auberoni mendon se iluzioni mund të jetë vetëmse iluzion individual e kurrsesi edhe kolektiv.

Ne e dijmë nga e kaluara, si nga ajo e largët ashtu edhe e kaluara e afërt se krahas individuales kemi; faj kolektiv, mëkat kolektiv, dënim kolektiv, fitore kolektive, disfatë kolektive, mallkim kolektiv…ashtu edhe ILUZION KOLEKTIV Nën shprehjen „kolektiv“ nënkuptojmë një grup njerëzish, klan, fis, organizatë, ekip (sporti si „Dukagjini“, „Mabetex“-i…) krahinë, popull, komb, shtet…

Shembuj:
Mëkati dhe ndëshkimi kolektiv. Lexo për këtë librin me titull „Popujt e zhdukur“ apo temën me titull „Ngritja dhe rënia e popujve“ tek „Feja e Shqiptarit“. Mendo pak tek „Procesi i Nürnberg“-ut…

[u]Mallkimi kolektiv[/b]: Shih gjendjen e shqiptarëve. Le ta dëshmojë ndonjëri nga ju të kundërtën e asaj që ne si popull nuk jemi të mallkuar.

Të mos shkoj edhe më larg me shembuj, duke u nisur nga ajo se çdonjëri me dy kokkra mend në kokë mund të paraamendojë me qinda shembuj të njëjtë, e të përfundojmë se e njëjta gjë qëndron edhe me ILUZIONIN.

Çdo të mirë (vetëm për të drejtit, të sinqertit dhe shpirtmirët)!

***

turisti

29-04-05, 13:25

Pershendetje 4 peace i nderuar.

"Semundja me e rende e njeriut eshte PADIJA dhe PANJOHURIA e pavdekshmerise se shpirit i cili eshte ne te."
SATNYA SAI BABA

Realiteti eshte ILUZIONI i perhapur.Rruga e iluzioneve eshte e gjane.Iluzioni,oqeani,shkretetira,dashuria e vertete,iluzioni ose e verteta,iluzioni-Hitleri,iluzioni i mendimeve te prishura.Çka ka nga ana e mbrapme te iluzionit?Mos jemi ne -ajo- ana tjeter e shendrruar ne iluzion?Iluzioni i fatit?Iluzioni i reinkarnimit?Jeta si ender ose iluzioni?A eshte koha vetem iluzion?Shkuarja (vdekja) e prinderve: kan qene realitet,tash jane ILUZION. Per ti mundesuar shpirit vetedije te vertete mbi boten e jashtme ku jetojme,duhet mu lirue se psri prejegos,e pastaj me e zhvilluedhe perdore telepatine..."Knaqesia" te cilen e perjetojne narkomanet,a nuk eshte iluzion?Nen depresion me iluzion,pa iluzion - pa depresion.Iluzion- te gjithat dhe asgje.
Iluzion eshte ti kesh te gjitha grat ne momentin e njejte,te jetosh pergjithmone pa vdek- iluzionet jane keto sepse permbajne iluzionet.Nuk ka yjet as planet ku nuk mundet te arrije iluzioni.ILUZIONI eshte DEKORIMI I BOTES - ZGJUARSI eshte BOTE. Iluzioni eshte eresire pas shuarjes se qirit,iluzioni eshte qe fluskat e dimrit te lodhur te qenrojne pa u shkrire....Une prap do te shkruaj dhe do te mendoj se si ne iluzionin te pushoj.Iluzioni vjen nga thellesia e shpirtit pertej marimanges te vetdijes,ose eshte shkelqim pertej marimanges qe quhet -TE KUPTUARIT?Mos jemi ne valle reflektim i iluzionit i cili vjen,krijohet dhe kthehet ne gjendjen e meparshme-ILUZIONIT?Ndoshta -iluzioni- nuk egziston sepse kenaqemi ne te?Ndoshta ne -iluzion- besojne vetem te lodhurit dhe te vjetrit?Ndonjehere kam bindje se ne çdo zgjatje te shiqimit dhe hijes se tij qe bebzat i ngjyros me heshtje,une shof iluzionin,ashtu si ne buzeqeshjen kur vehten e zbulojme ne detin e vuajtjeve ku noton imagjinata jone.As une e askushi nuk mundet me kuptue pse YJET egzistojne,pse i shiqojme dhe provojme t'i numrojme....
Fakt qe iluzioni mund te jet çvaredo,por jet vetem ILUZION,çoft ai i vogel ja i madh,natyral ja nga diplomacia e deshtuer e deri tek lufta.Ne rastin e iluzionit inbdividual,njeriu genjen,ne rend te pare e nashtron vehten,kenaqet duke fantazuar ne diçka qe eshte -vizioni i ardhmerise-,jetes se mire,deshires,pamundesise qe te realizohet diçka,ose iluzioni i enderave feminore te parealizuara.E koha?A eshte koha ILUZION?Fizicienti Julian Babour pohon:"Koha eshte vetem iluzion". Simbas Isak Njutnit,ne boten klasike,koha eshte si lumi i cili kalon njesoj per te gjithe. Nuk egziston e tashmja univerzale,koha kalon ndryshe per vezhguesit te ndryshem.
Mbas te gjitha ketyre pyetjeve,prap e pyes veten:Mos eshte njeriu maqina e iluzioneve?Ose eshte njeriu ushqim me te cilin sherbehet iluzioni?Ose eshte iluzioni vetem ender? Te gjith ne jemi kombinim mashkullor/femror,njerzor dhe shtazor dhe kemi ne veti prej te gjithave nga pak,por mjaft sa per iluzion. Iluzioni na shatit prej realitetit ne iluzion dhe prej iluzionit ne realitet.
Ndoshta jemi askushi ja te gjithat,por me fillimin e jetes,lind dhe fillon deshira,me te dhe iluzioni dhe çdo hap e ka cakun e vet.Perdorni zemren,behuni krejt dhe asgje.Mos eshte iluzion ne formen e njerzve dhe shiqimeve te zbrazeta qe bredhojne ne te thate....Une asgje nuk mendoj.Kam bindje se koha ndonjehere po ndalet.Prap mendoj se si jan krejt qka dua dhe prap ne anen tjeter-asgje.Iluzioni na percjell tere jeten,prej vogjlimit deri tek pleqeria,njesoj rigon shiu dhe bjen bora,rezaton dielli dhe nderrohen dita me naten dhe

Dua te deshiroj qe iluzioni është iluzion. Me qellim nuk e bera radhitjen e fjalive dhe mendimeve ne tekstin e postuar,vetem per tu krijuar bindja se po endemi andej-kendej,ashtu siq ban iluzioni me njeriun.iluzioni esht i njejte i cilu kurre nuk do te kaloje.Iluzione ka shume.Ndoshta edhe pas vdekjes jeta eshte iluzion ashtu siq tash eshte imagjinata e jone per vdekjen,jeten dhe pavdekshmeri.
A eshte iluzioni i pavdekshem?JO,ME VDEKJËN TONË,VDES EDHE I-L-U-Z-I-O-N-I.

Ju pershendes nga iluzioni,
TURISTI. :P

4peace

29-04-05, 15:43

...

Përshëndetje i nderuari Turisti
Më vie mirë që je kyçur në temë duke e rrumbullakësuar këtë, duke dhënë kontribut dhe shembull të mirë. Janë të mirëseardhura edhe kontributet tjera qofshin nga ti apo dikush tjetër.

Me të mira!

Të vazhdojmë tutje:
Britanezët për afro 200 vite kanë sunduar pjesë të mëdha të botës, deri kah mesi i shekullit 20. Kudo që të kesh shikuar në hartën e botës ke parë ngjyrë rozë. Kudo që ke parë ngjyrë roze, aty ka qenë Britania, dominioni britanez dhe kolonitë britaneze, të gjithat nën pushtetin e sundimin e Britanisë, të mirë a të keqe. Kjo Britanisë ia ka dhënë iluzionin e madh të megafuqisë. Për një kohë të shkurtër edhe ka qenë megafuqi.

Kur kanë ardhur Spanjollët, okupuar pjesën më të madhe të Amerikës Jugore e marrur gjithë arin e argjendin që kanë mundur t'i gjejnë, Spanja ishte bërë shteti më i pasur i botës. Ishin ndier të fuqishëm e dominant në Europë por, vetëmse për një kohë. Kjo përsëritet gjithmonë.

Ardhja e Napoleonit në skenën botërore e në Europë ka filluar procesin, me të cilin «nami i Francës» është bërë iluzion i fortë dhe trajtë e fortë e të të menduarit. Përpjekja françeze për ndryshimin e korrupcionit, civilizimin e fryer të mberërve Luigji, ishte bërë fushatë luftarake për të pushtuar të tërë Europën dhe pjesë të Rusisë e Afrikës. Ky është iluzioni i madhështisë. Kolonizimi që është bërë në shekullin e 16-të, 17-të, 18-të e 19-të ka qenë pasojë e iluzionit të madhështisë.

***

turisti

29-04-05, 17:00

:P Faleminderit i nderuari -4 peace-

Me respekt,
TURISTI.

Auberoni

29-04-05, 17:28

faj kolektiv, mëkat kolektiv, dënim kolektiv, fitore kolektive, disfatë kolektive, mallkim kolektiv…ashtu edhe ILUZION KOLEKTIV Nën shprehjen „kolektiv“ nënkuptojmë një grup njerëzish, klan, fis, organizatë, ekip (sporti si „Dukagjini“, „Mabetex“-i…) krahinë, popull, komb, shtet…

Atehere pse thua

Çdo shtet në botë i ka iluzionet e veta

Jane dy nocione te kunderta.

Kur thuash iluzione kolektive; mund te kesh te drejte. Por, nuk mund te thuash shteti ka iluzione. Shteti eshte fenomen me kompleks, me i gjere dhe nuk nuk mund te quhet kolektiv; dhe kete per shume arsye.

Kjo ishte verejtja ime. D.m.th. kete nuk e ka shkruar asnje filozof (sepse filozofet nuk flasin per shtete) por, e ke shkruar vete, ne avazin e vjeter propagandues kunder Amerikes.

Pastaj

„Procesi i Nürnberg“-ut…

Aty nuk ka pase ndeshkim kolektiv. Nese jane gjykuar dhe denuar me shume se 20 persona, prape, ai nuk quhet ndeshkim kolektiv.
E drejta Nderkombtare, (burim, Zejnullah Gruda, profesor ne fakultetin e drejtesise ne Prishtine,) thote se nuk ekziston ne te Dr. Nderkombtare nje gje e tille si pergjegjsia kolektive nuk ekziston.

Per ta ilustruar me mire, Haga po i fton vetem udheheqsat e kolektivit; jo te gjithe kolektivin.

Pra, per tu quajtur ndeshkim kolektiv, duhet te ndeshkohet i gjithe apo shumica e kolektivit, pra, nje ideologji.

E zgjata pak vetem per ti arsyetuar dyshimet e mija se kete cka po thua ti ne kete teme; nuk e ka shkruar ndonje filozof i mirefillte.

4peace

29-04-05, 18:05

Ti more djal...
...me keto pohimet e tua po i bie sikur t'i kishe lexuar, hulumtuar e studjuar te gjithe filozofet e filozofite e botes pasi qe po e ditke aq sakte qe kjo s'po ekzistoaka ne filozofi.

Apo ndoshta te trulloi permendja e Amerikes? Ketu nuk flitet per Ameriken por per iluzionin kurse, nese Amerika eshte shembull per iluzion s'kam c'te bej une... Fundja keto fjale jane thene ne Amerike (USA, California, Los Angelos...) Ndaj mos u huto e mos dil prej teme.

...

4peace

01-05-05, 10:41

...

Sot Shtetet e Bashkuara janë lëshuar në diç të ngjashme, programi i zmadhimit nën parollën e «luftës kundër terrorizmit» dhe krijimin e Pax Americana në të gjithë botën. Më tepër se 2000 baza që kanë tash amerikanët jashtë vendit të tyre ua mundësojnë fuqinë e duhur ushtarake për të qenë «polic i botës», siç do të ishin shprehur ata. Të jesh policist i gjithë botës, siç e kanë parë këtë Britanezët e siç po e shohin sot edhe amerikanët, është iluzion i madh. Kjo është e pandalshme, qesharake e sot edhe tejet e rrezikshme për paqen botërore. Ky është iluzioni i përmasave të gjëra.

...

4peace

02-05-05, 09:21

...

Njerëzit, ata që mësojnë gjat gjithë jetës së tyre, para së gjithash, duhet të kenë kurajo. Njerëzimi nuk do të mund të lirohet kurrë nga iluzioni po qe se nuk do të jemi të guximshëm. Një nga detyrat e këtyre njerëzve (nxënës) të vërtetë është që të flasin hapur kundër cilitdoqoftë autoritet të botës, qoftë shkencor, religjioz, politik apo tjetër, me të cilin (autoritet) nuk pajtohet dhe të shohë më larg e më qartë se ai.

Nëse mendon se gabojnë, atëherë i takon që këtë edhe ta thojë. Po qe se vetëm e ulë kokën e bëhet ashtu sikur të mos kishte pikëpamje vetjake lidhje me temën dhe se nuk mund të ofrojë asgjë më të mirë, më të qartë e më të njëmendtë, ky njeri (nxënës) vetëmse quhet si i tillë. Njeriu i vërtetë është i pakrikshëm. Kjo është çështja e parë dhe çelës për të gjithë. Mënyra e vetme e kapërcimit të verbërisë (iluzioni në sferën emocionale; shembujt e thjeshtë janë xhelozia, varësia, mëria, ndjenjat e vlerës së ultë e të lartë, materializmi i ekzagjeruar, ndjenja për të pasur gjithmonë të drejtë etj.) është me ndihmën e (të ashtuquajturit) trupit mental, ashtuqë shpirti ta zbulojë verbërinë përmes trupit mental. Prandaj është thënë: „ Gjë me rëndësi të madhe është të hetohet ekzistimi i verbërisë (glamour) dhe iluzioneve. Shumica e njerëzve nuk është e vetëdijshme për prezencën e tyre“. Me shumicën e njerëzve mjafton vetëm të bisedoni e do të konstatoni që kjo është e saktë. Shumica e njerëzve s'është fare e vetëdijshme që jetojnë në verbëri e iluzione.

„Shumë njerëz të mirë sot nuk e kuptojnë këtë; verbëritë e veta i shpallin zot.“ I konsiderojnë zot! Mendojnë se janë të çuditshme. „Gjënë më të mirë që kam është kjo verbëri,“ pa marrë parasysh se për çka është fjala. „ Në iluzionet e veta shikojnë sikur në pasuri të çmuar e të arritur me mund të madh.“

...

4peace

03-05-05, 10:25

[quote="4peace"]...

Njerëzit i bashkangjiten partive dhe organizatave politike. Apo i bashkangjiten ndonjë grupacioni që nuk është organizatë dhe këtë e transformojnë në organizatë ashtuqë ata vet të kenë pozitë të lartë (pushteti). Kjo ua jep iluzionin e madhështisë (të qenët i madh), rëndësisë(të qenët i rëndësishëm). Kjo është mënyrë e fshehur e kontrollit. Ky është njëri ndër iluzionet kryesorë që dominojnë në të gjitha shoqëritë.

Të gjitha partitë politike, të gjitha grupet e ashtuquajtura shpirtërore, të gjitha grupacionet në përgjithësi përpiqen të jenë në gjendje në të cilën do të mund të udhëhiqnin. Ndoshta këtë nuk e bën grupacioni si i tillë por individë të caktuar nga grupacionet e bëjnë këtë. Kontrolli i tillë ua jep ndjenjën e fuqisë (pushtetare). Në fakt dëshirojnë pushtet e jo shërbesë politike, religjioze apo shpirtërore për të cilat mendojnë se i ofrojnë. Me vetëdije apo pa vetëdije përpiqen për fuqi pushteti. Kjo është verbëri e madhe dhe iluzion vigan i jetës së tyre.

Mund të kalojnë shumë vite në luftë për pozita e mbrojtje pozitash nga të tjerët nga grupacioni i vet – religjioz, politik, shoqëror, shkencor apo akademik. Sot ballafaqohet çdo institucion e grupacion me këtë problem.

...

4peace

05-05-05, 08:25

...

Prandaj është thënë: „ Iluzioni sot është aq i fortë sa që vetëm disa njerëz, mendja e të cilëve është e zhvilluar në çfarëdoqoftë mënyrë, mund të zotërojnë me ato trajta të forta mendore të përthekuara nga iluzioni, rrënjët e të cilave janë në jetën e vetive të ulëta dhe natyrës dëshiruese të masave njerëzore si dhe nga kjo thithin energjinë e tyre jetësore.“

„Iluzioni është mënyrë me ndihmën e së cilës të kuptuarit e kufizuar dhe dituria materiale e interpreton të vërtetën, duke e mbuluar e fshehur prapa reve të trajtave mendore. Me këtë rast, këto trajta mendore bëhen më të njëmendta se e vërteta të cilën e fshehin dhe në bazë të kësaj manipulojnë me njerëzit e thjeshtë.“

Në botë ka vështirësi të shumta. Mirëpo problemi i vetëdijes qëndron mu aty që sa më i arsimuar të jeni, sa më përparues të jeni në profesionin tuaj, atëherë ka gjasa për të qenë edhe më shumë në iluzione, meqenëse kjo ia ofron strukturën dëshirës për të kontrolluar. Institucioni, qoftë ai religjioz, politik apo akademik, ofron strukturën ku mashkulli apo femra përparojnë gjithnjë e më shumë në pozitën gjithnjë në rritje të fuqisë e kontrollit.

...

4peace

06-05-05, 12:17

...

Në profesionin e vet përparojnë në pozitë pushteti ku mund t'i kontrollojnë ngjarjet, të hollat dhe njerëzit në institucionin e vet. Kjo është verbëria (glamour) kryesore e cila i ngarkon të gjithë, duke filluar prej Pentagonit e deri te bursat botërore. Qëndrimi se kjo është vërtetë me rëndësi është gjithashtu verbëri, iluzion. Ideja se fitimi i të hollave shkakton kënaqësi apo fitimi i sa më shumë të hollave shkakton kënaqësi edhe më të madhe dhe e lehtëson jetën është sajim ideor. Nëse jetoni në kushte të vështira ku mezi keni mjaft për të ngrënë, për veshmbathje e shkollim të fëmijëve tuaj, atëherë është e qartë se trysnia do të ishte më e vogël nëse do të kishit fituar më shumë të holla. Megjithatë, ideja se duhet (doemos) të bëheni milioner, se duhet (doemos) të bëheni miliarder dhe se mënyra me të cilën duhet ta bëni këtë është investimi në bursa, është iluzion.

„Pasurimi në tregun e bursave shoqërisë nuk i sjell asgjë. Kjo është një trajtë iluzore e madhe e të menduarit dhe miliona njerëz në sejcilin shtet e kanë pranuar si realitet.“

Njerëzit janë të inkuadruar në këtë për çdo ditë, për çdo çast; lexojnë revista ekonomike të specializuara mbi atë se si mund të fitojnë, si të fitojnë edhe më shumë të holla nga ajo që kanë investuar. Kjo është jetë (fitim) në shpinë të botës (tjerëve) dhe mosdhënie e asgjësë për t'ua kthyer. Kjo është thjesht lojë fati, investim i të hollave, dyfishim, trefishim, shumëfishim. Të pasuaruarit me anë të bursave nuk i sjell dobi asnjë shoqërie. Kjo është trajtë e madhe iluzore e të menduarit kurse këtë e kanë përqafuar me miliona njerëz të çdo vendi si realitet.

...

4peace

08-05-05, 22:09

...

Për këtë dhe me të drejtë bursat quhen „kasino botërore“. Nuk i kanë borxh asgjë shoqërisë; nuk i ofrojnë shoqërisë asgjë. Disa njerëzve me tepricë parashë ua mundësojnë fitimin edhe më të madh, duke mos bërë asgjë, pa punuar për të por thjesht fitojnë të hollat që janë në disponim, kurse kamatat e marra nga to mundësojnë jetë komode.

Këto trajta mendore errësojnë dhe mbushin jetërat tona. Kjo s'është kalimtare. Çdo gjë që u tha mbi iluzionin vazhdon edhe tash dhe, pjesën më të madhe të kohës, krijon jetën e shumicës së njerëzve.

Sa shpesh shohim apo ndëgjojmë për grupacione që i udhëheq ndonjë individ, i cili gjat një kohe të shkurtër, mbrenda një sezone, një apo dy vite, ka ardhur në pozitë udhëheqëse? Të tilla grupacione mund të shihen plot apo kan mundur të shihen në të kaluarën këtu në SHBA. Çdo herë që kam ardhur këtu që nga viti 1980 e deri më sot, kam ndëgjuar për ndonjë „guru“ apo „mësues“ në krye të një grupacioni të madh, ca nga ta edhe i kam njohur. Ata (më me dëshirë) do të kishin jetuar në ndonjë vend larg njerëzve diku në Tokë, në male, vende të bukura e çuditshme.

...

4peace

10-05-05, 10:07

...

Nëse m'u ka dhënë rasti të njoftohem me ndonjërin nga këta, zakonisht kam hetuar se është i verbëruar deri në atë shkallë që është vërtet e dhembshme. Natyrisht që jam përpjekur për të mos ia bërë me dije këtë gjë dhe duket se asnjëherë nuk kemi shkuar më larg se kjo. Gjashtë muaj apo një vit më vonë nuk është dëgjuar më asgjë për atë grupacion apo (të kemi dëgjuar) të kenë rënë në vështirësi finaciare pasiqë bëmirësi t'i ketë marrë të hollat e dhëna për ndërtesat që i ka paguar. Gjithmonë ka pasur të bëhet me punë të dyshimta, rëndom lidhje me të holla.

Kjo ka ndodhur meqë esenca e grupacionit nuk ka qenë e drejtë. Ka qenë e bazuar në supozime. Me gjasë, personi që ka themeluar grupin, ka pasur ndjenjën se duhet të shërbejë apo ka pasur „përvojë“. Ndoshta ka qenë senzitiv...Nga kjo shkallë ka marrë mendime e ide të bukura e të formësuara mirë. Kjo e bën tërheqës për masat e thjeshta të njerëzve. Megjithatë, në këtë mes nuk mund të hasen njerëz që kërkojnë qartësi më të madhe, lidhje më të shumta me botën e jashtme, botën e përnjëmendshme dhe, në këtë mënyrë grupacioni shpërbëhet me vetdëshirë, kështuqë nuk ndëgjohet më asgjë për të. Kjo gjë përsëritet gjithmonë. Pasojat mund të jenë edhe më dramatike e ndoshta marrim vesh që janë mbytur të gjithë, kanë marrë mjete helmuese apo e kanë pushkatuar njëri-tjetrin. Historia është përplot rrëfime rrënqethëse mbi grupacionet e pazakonshme „shpirtërore“. Megjithatë, ajo „shpirtërsi“ në 99% të rasteve ka qenë e bazuar në iluzionin e madh – iluzionin e themeluesit dhe iluzionin e atyre që themeluesit i kanë pasuar deri në zjarr, vdekje, male apo kudoqoftë.

...

LABI

21-05-05, 12:31

Mendohet te perceptuarit e jetes ne menyre reale eshte i rendesishem per shendetin mendor te njeriut ., mirepo gjate procesist te njohjes dhe ballafaqimin me realitetin njeriu aplikon shume mekanizma mbrojtes qe shpesh jane ILUZIONE .

Mirepo , eshte shume me rendesi te mos ngatrrohen dy koncepte qe jane shume te ngjashme ndermjet veti !!

IMAGJINATA dhe ILUZIONI - .... :roll:

Reana

23-05-05, 07:03

Ti more djal...
...me keto pohimet e tua po i bie sikur t'i kishe lexuar, hulumtuar e studjuar te gjithe filozofet e filozofite e botes pasi qe po e ditke aq sakte qe kjo s'po ekzistoaka ne filozofi.

Apo ndoshta te trulloi permendja e Amerikes?

...

Jo besa DJALI ka te drejte, po fatekeqesisht qe ty te ka "trulluar" URREJTJA, dhe nuk te len te shohesh me gjuhen e arsyes dhe te fakteve!!!

Nuk ke nevoje ti studjosh mbare FILOZOFET e Botes per te ditur rregullat e Shkences se Filozofise :lol: (ja po te tregoj qe te te ndriqoj pak boten tende te erret, se po me vjen "gjynah" prej teje, der ky far bukuroshi :lol: )

E ku e din ore ti se cka flitet ne Los Angeles apo gjetiu....ti veten tende si duket nuk e kupton se cka shkruan, mendon se je ne gjendje te kuptosh se cka flitet ne Californi??? :lol:

Hajt shko ankohu dikund si e ke zakon, ndoshta e meshiron dikush mos-dijen dhe injorancen tende :wink:

GURI SYLAJ

23-05-05, 20:50

UNE KISHA PAS DESHIRE QE DIKUSH QE DIN TE ME SPJEGOJ - SHQIP FJALEN ILUZIJON E NESE KA MUNDESI EDHE TJETREN -ILUZJONIZEM.
Qysh ne filozofine e lashte greke kemi rastin te lexojm se ne nje lume nuk mund te lahemi dy here ose - pante-rea ( gjithecka rrjedh).
Nese dikush mendon se pushtimet , kolonite, shtetet e pushtetet mundet aq lehte me i spjegu ose me i fute ne thesin e iluzjoneve , e ka shume gabim.
Te gjitha keto ishin dhe mbesin jo iluzjone po veprime praktike me qellime praktike. T e ndertuara ne fillim , ndoshta edhe mbi iluzjon por te shendrruara ne nje realitet te prekshem dhe shpesh edhe te dhimbshem. Ne formen se si ketu po kuptohet dhe spjegohet iluzjoni po del se realja nuk egziston sepse nese gjithecka eshte iluzion atehere per realen nuk ka vend.
Per te vertetu se realja egziston mjafton te dalesh para pasqyres por duhet pas kujdese se ketu mund te ndodhe DEZILUZJONIZMI dhe per dikend mund te jete shume domethenes!!!!!

Me nderime Guri Sylaj

Auberoni

23-05-05, 21:06

Odise

23-05-05, 22:50

Ne nje bisede, me nje plak kur ishte ne pyetje fjala - iluzion, ai tha 'u ket po e marr vesh' - iluzion = i lulzum, dicka qe s'osht e lulzume si psh. shkretine e lulzume, sane e lulzume, shati i lulzumë (kur e shkel n'maje:) e t'bje bishti krese, e t'bahen gjithkah lula, lulzime hahaaa

4peace

27-05-05, 09:16

...

[b] „Kemi frikë të ndryshohemi dhe për këtë arsye nuk e shohim domosdoshmërinë për ndryshim.“

Shohim idenë. Për shkak të gjuhës sonë të gabuar, formimit (arsimimit) të gabuar, mosditurisë sonë dhe mangësisë së të kuptuarit (këtë ide) e komentojmë në përputhshmëri me „normën“, me mënyrën akademike, të kuptuarit e (gjithë)pranuar, qoftë ai politik, religjioz apo akademik.

Me fjalë tjera pranojmë STATUS QUO-në. Kjo është kështu sepse kemi frikë të ndryshohemi. I frigohemi ndryshimeve dhe për këtë rasye nuk shohim nevojë për ndryshim. E mbulojmë nevojën për ndryshim, të vërtetën që është rreth nesh, situatën e njëmendtë të botës, dhimbjen, vuajtjen, pasigurinë e botës. Nuk mendoj (me këtë) vetëm në terrorizëm por në pasigurinë e jetës, gjë që, natyrisht, sot përfshinë edhe terrorizmin – nuk duam ta shohim këtë. Këto na shqetësojnë shumë, tmerrojnë dhe në këtë mënyrë i mbulojmë me iluzion. Çdo pjesëz së jetës e përmbushim me iluzion.

Këtë e bëjmë si grupacion, në partitë politike, sikur qeveritë. Të gjithë kanë mënyrat e veta të veprimit si ta mbulojnë të vërtetën me këtë truk. Cila është zgjidhja? Si mund të dalim nga kjo?

...

Odise

27-05-05, 11:08

Nese dikush mendon se pushtimet , kolonite, shtetet e pushtetet mundet aq lehte me i spjegu ose me i fute ne thesin e iluzjoneve , e ka shume gabim.Te gjitha keto ishin dhe mbesin jo iluzjone po veprime praktike me qellime praktike. T e ndertuara ne fillim , ndoshta edhe mbi iluzjon por te shendrruara ne nje realitet te prekshem dhe shpesh edhe te dhimbshem.

Shume bukur dhe shume sakte e artikuluar.

*******

jo edhe bash gabim e bash bukur, sepse edhe sotekesajdite nje pjese e populli mbane ILUZION si nerv iluzionar, qe mendon se e mbane gjalle traditen me dokrra, duke mos e kuptuar - si pasoje te roberise! Mbase ishin me qellime praktike - pse edhe sot nje pjese po iluzojme?

Nuk jane veprime praktike - por thjeshte ENDE iluzione, duke endrruar se ata qe dje sollen roberine tok me fe, do ta siellin edhe lirine, SHTETET E REJA SHQIPTARE edhe ribashkimin e kombit!

PLOT Nje thes iluzion i kulluar, pa asnje veprim praktik, se nuk e kerkojme ma ate çorbe!

As nuk kemi nevoje TE NDRYSHOHEMI (siç shkruan 4peace perfundi) - por te VETEDIJESOHEMI KOMBETARISHT!

GURI SYLAJ

27-05-05, 16:30

I NDERUARI ODISE PAJTOHEM PLOZESISHT ME ATE QE KE SHKRUAR ME LART.
JO ILUZJONE POR VEPRIM PRAKTIK NE ANGAZHIM DHE VETEDIJSIM KOMBETAR PER TE ARRIJT TEK AJO QE NE E QUAJM IDEAL E JO ILUZJON.
************************************************** ***********

Kurse sa ju perkete ndryshimeve ato ndodhin gjat gjithe kohes her me vetedijen tone e her edhe pa vetedijen dhe pa deshiren tone dhe shkurt Terrorizmin qe ju ne njefar menyre mundoheni t'a mbuloni me iluzjone - jo zotri i nderuar terrorizmi as nuk ndodh nga iluzjonet e as nuk luftohet me iluzjone sepse nga iluzjonet nuk ka vdek deri sot askush- jan veprime te qellimshme me cak dhe arsye te caktuar si njera ashtu edhe tjetra . Dhe ndoshta nje dite kur ne ose do jemi plakur shum ose do te kemi ndryshuar vendbanim e destinacion do te dali sheshit se terrorizmi dhe lufta kunder tij jo rrall edhe bashkeveprojn.

Me nderime G. Sylaj

Odise

27-05-05, 22:51

NUK TE ÇLIRON FEJA PO BETEJA

- Te mencurit flasin te ndigjon e perfiton kombi, I nderuari Guri Sylaj!

- Pak ma thelle! PA VETEDIJESIM KOMBETAR, NUK KA VERPIM PRAKTIK AS ANGAZHIM PER TE ARRIJTE TEK IDEALI, per ate edhe mbeti deritash iluzion Bashkimi i Kombit. Kur pajtohem plotesisht me dicka, nuk ka vend aty fjala lidhez - (por). Vetedijesimi kombetar prine. Per ate themi - kombi mbi te gjitha. Prej iluzioneve, jo se ''nuk ka vdeke askush'', por jane shkrire, asimiluar e zhdukur popuj e popuj, duke menduar gabimisht se te çliron feja e jo beteja. Ruanazo, te mbetet E Vetmja e Mire Jona - vetem pse flasim Shqip! Iluzionet na kane prua ne kete gjendje te tashme, cfare jemi! Edhe iluzionet jane thika ne mes popullit ende, perderisa nuk eshte ne piedestal - vetedijesimi kombetar, si veprim praktik e jo iluzion! Pikerisht, terrorizmi ndodhe nga iluzionet, gjoja po lufton ne emer te nje feje, duke u munduar t'i zhdukish tjerat!

Ku me marre te kemi: Nje Zot, nje bote, nje fe, nje gjuhe e nje atdhe te njerezimit, pa kufij shteteror e pa pasaporta! Gjithmone ka fituar Shpirti i Terur, e jo shpirti i lagshte! Rakia ta turbullon mendjen, sado e mprehte te jete! Duhet shume maturi, t'i bijsh iluzionit ne koke, e ta clirosh shpirtin kombetar! Iluzioni eshte dehje me zor - pije edhe nje gote per mua, e shoqerine! (Keshtu eshte nganjehere zakoni yne shqiptar)!

Nuk te çliron feja, po beteja

Nga gjith Ky Ballkani illirik -
Detem'det Kaspik e Adriatik
Vetem Na sot flasim shqip
E armiqet prore hipezhdrip! (vetem ''fale'' iluzionit)

O Vetedije, o Drite e Kombit!
Gjithçka tjeter te len ne terr!

Mirëmbeç edhe -
Te Mire Mbetshim!

Odise

LABI

31-05-05, 20:00

Duhet te perpiqemi te jemi Real ( te ballafaqohemi me realitetin ) edhe pse idealja cdo here eshte mbi realen pasi qe idealja nuk ekziston eshte vetem nje perjetim iluzionativ ...keshtu qe duhet te perpiqemi te jetojm realitetin ., dhe te ballafaqohemi me problematiken..

Realizmi ne kuptimin e njohur , u zhvillua si kunderpergjigjje ndaj tradites liberale te cilen realistet e quanin idealizem .

Qysh prej Luftes se Dyte Boterore , realistet i kane akuzuar idealistet si njerez qe jane perqendruar me shume ne idene se si duhet te jete bota (pra nga aspekti iluzionativ), sesa ne ate se si ajo eshte ne te vertete … :!:

4peace

16-06-05, 10:23

.

...Për fat të keq, njerëzit nga grupacionet e caktuara mendojnë se, për arsye se janë në ato grupacione , janë më të mençur në atë me ç'merret ai grupacion. Megjithatë, edhe në rast se ky grupacion do t'i përkiste ndonjë elite të caktuar, këta mund të jenë madje edhe më të verbëruar, shpeshherë edhe janë, se të tjerët që nuk dijnë asgjë nga kjo që kanë mësuar këta. Janë të shtypur nga iluzionet.

Nëse dikush është në pozitë autoritative apo ka arritur diçka në botën e jashtme e njëkohësisht është (aktiv) edhe në një grupacion tjetër, tashmë të ri për të,përpiqet t'i bashkojë të dyjat e mendon se duhet të ketë mbikqyerje e fuqi sikur në fushën akademike, religjioze apo shkencore(atje ku ka qenë dhe ka „arritur“ diçka). Në disa grupacione nuk shkon ashtu. Në grupacion të njëmendtë nuk ka pozitë të fortë.

Kjo është pyetje e madhe, për të cilën kam folur më parë, problemi i organizimit karshi formës organike të organizimit. Ekzistojnë, për shembull, njerëz që hynë në një grupacion të tillë dhe organizojnë, organizojnë e organizojnë. Mendojnë se janë të mirë në organizim. Ndoshta janë e ndoshta nuk janë por kjo s'ka kurrfarë lidhje me natyrën ezoterike të grupacionit...

***

4peace

21-06-05, 09:35

.

...Duhet ta keni të qartë. Çdonjëri në grupacion duhet ta shikojë veten e të zbulojë se ku është i verbëruar dhe ku është i përmbushur me iluzione. Ajo që sipas mendimit tuaj është epërsia më e mirë juaja – epërsia më e mirë që i sillni grupacionit – me gjasë janë iluzionet më të mëdha tuajat. Kjo thuajse është rregull. Për këtë dhe thuhet „pasuria e tyre më e shtrenjtë“. Ajo për ç'kanë punuar me mund të madh dhe kanë zhvilluar në jetën e tyre, kur të vijmë tek e vërteta, kur të vijmë te të qenët nxënës (në çfarëdoqoftë lëmie të re), ka vlerë jashtëzakonisht të ulët. Kjo është fushë e minuar. Duhet t'i lejoni shpirtit për ta parë botën ashtu siç është, meqë (në këtë mënyrë) ju e shihni botën ashtu siç është. Nëse s'mund ta shihni botën ashtu siç është (në realitet), atëherë këtë s'do të mund t'ia prezantoni botës.

Të gjitha përvojat i prezantojmë përmes interpretimeve tona të gabuara, ku që të gjithat janë të lidhura për karakter, për „Unë“. Me dihmën e tyre „uni“ ndjehet i sigurtë. Mund të kenë të bëjnë me idenë e patriotizmit. „Unë jam Amerikan“, „Unë jam Britanez“ apo „Unë jam Françez, meqë jam më i madhi, për arsye se çdokush e din se Françezi është person shumë i rëndësishëm.“ Megjithatë, sejcili e din se kjo s'është e vërtetë, se Britanezët janë më përparimtarë se popujt tjerë, se kështu kanë qenë e do të mbesin përgjithmonë. Kjo është e qartë vetvetiu!

Ndoshta jam duke e ekzagjeruar pak por nuk jam duke u tallur. Këto janë trajta mendore që i kushtëzojnë jetërat e njerëzve. Sejcili britanez është atdhedashës. Të gjithë britanezët mendojnë se futbollistët britanezë janë më të mirët në botë, çka është nonsens. Askush tjetër në botë nuk mendon se futbolli britanik është më i miri në botë. Një herë ka qenë më i miri por jo përgjithmonë. Përse janë, nëse futbollistët britanezë janë më të mirët në botë, klubet më të mira britanike përplot të huaj – italijanë, holandezë, suedezë...? I blejmë nga të gjitha anët e botës dhe kështu i mbushim me të tillë klubet tona të futbollit. Është kështu për shkak se britanezët nuk janë më të mirët, por këta e dijnë se janë. E gjithë kjo është iluzion, me ndihmën e së cilës ndikon e tëra.

***